Author: webrwanda

Abanyarwanda umunani barimo abahamijwe ibyaha bya Jenoside n’Urukiko rwari rwarashyiriweho u Rwanda i Arusha bakaba baherutse koherezwa muri Niger ariko bakaba baragarutsweho cyane mu minsi yashize ubwo Leta y’iki Gihugu boherejwemo yabanzaga gufata umwanzuro wo kubirukana.

Mu bagarutse kuri aba Banyarwanda, harimo Munyakazi Sadate wihanukiriye akabita ko ari umwanda kirimbuzi kandi akaba atumva ukuntu Igihugu nka Niger cyabakira kandi ngo badakwiye ubuturo bwo ku Isi.

Muri aba Banyarwanda umunani barimo Lt Col Anatole Nsengiyumva wahoze ari Umuyobozi w’Ingabo mu cyahoze ari Perefegitura ya Gisenyi, wakatiwe imyaka 15.

Umuhungu we witwa Uwimana Albert yavuze ko ubwo yasomaga Tweet ya Sadate atahise ayitindaho kuko yari mu zindi gahunda ariko ko aho agereye mu rugo ari bwo yaje kuyasesengura.

Ati 'Niba umuntu adakwiye ubuturo bwo ku Isi, ubwo akwiriye gupfa, ikindi niba ari dechet nucleaire, ubundi dechet nucleaire ni uburozi bwica, ubwo rero niba ari uburozi bwica, akwiriye gupfa kugira ngo atazaroga abandi. Njye mbishyira mu mwanya wo kuvuga ngo ndi umwana w’uwo muntu, noneho ngatekereza buriya nanjye ndi umwanda kuko navutse ku mwanda.'

Uwimana avuga ko anifuza ko umubyeyi we yaza gutura mu Rwanda 'kuko burya kuba hafi y’umubyeyi nta muntu bidashimisha.' Ariko ko yahise yibaza niba yarabonye amagambo yanditswe na Sadate yatinyuka kuba akije mu Rwanda.

Avuga ko Leta y’u Rwanda yashyize imbere ubumwe n’ubwiyunge bubanisha abishe abantu muri Jenoside n’abo bahemukiye. Ati 'Niba yarabimukoreye buriya yaza mu Rwanda agatuma baturana kuko numvaga ko afite n’imitungo i Kigali, ushobora kugira gutya ugasanga inzu yabagamo yegeranye no kwa Sadate. Ese yaza akajya muri ya nzu agaturana na Sadate amubona ko ari umwanda.'

IKIGANIRO CYOSE

UKWEZI.RW

Itangazo ryashyizweho umukono n’umuyobozi w’Umujyi wa Kigali, Pudence Rubingisa, ku wa 12 Mutarama 2022, riragira riti 'Dushingiye ku gikorwa cyo gukingira abaturage bahabwa urukingo rwa Covid-19 cyatangiye guhera mu kwezi kwa Werurwe 2021, byagaragaye ko hari abaturage bageze igihe cyo gufata urukingo rwa kabiri batarajya kurufata, abageze igihe cyo gufata urukingo rwa gatatu na bo batarajya kurufata ndetse hakaba n’abandi bagenda bagaragara batarafata urukingo na rumwe.

Rikomeza rigira riti 'Dushingiye ku mubare w’abaturage bari kwandura Covid-19 mu Mujyi wa Kigali, ndetse bamwe bakanahatakariza ubuzima bishwe n’iki cyorezo, kandi bikaba byaragaragaye ko urukingo ari rwo rwonyine ruha umubiri ubudahangarwa mu kurwanya iki cyorezo, tubandikiye tubasaba gukora ibarura ry’abaturage urugo ku rundi (house to house) hagamijwe kumenya abaturage bamaze kubona inkingo uko zavuzwe haruguru, bigafasha no gukora ubukangurambaga kugira ngo abatarabona inkingo uko zateganyijwe na bo bazifate; iki gikorwa kikaba cyasojwe bitarenze tariki 14 Mutarama 2022, raporo yagejejwe ku Mujyi wa Kigali.

Ngo Umujyi wa Kigali uzorohereza itsinda rihuriweho n’inzego zitandukanye gukurikirana uko iryo barura ryakozwe.

Minisitiri Uwamariya na Amb. Ron Adam bagiranye ibiganiro

Ibinyujije ku rubuga rwayo rwa Twitter, Minisiteri y’Uburezi yatangaje ko Ambasaderi Dr. Ron Adam na Minisitiri Dr Uwamariya, ibiganiro byabo byagarutse ku mahirwe y’ubufatanye muri uyu mwaka wa 2022 hagati y’ibihugu byombi mu rwego rw’uburezi.

U Rwanda na Israheli bisanzwe bifitanye umubano wihariye mu bufatanye mu burezi, bufasha bamwe mu banyeshuli b’Abanyarwanda kujya kwiga ubuhinzi n’ubworozi buteye imbere.

Umwaka ushize mu kwezi k’Ugushyingo, abanyeshuri 195 barangije icyiciro cya kabiri cya kaminuza mu buhunzi n’ubworozi, boherejwe na Ambasade ya Israel mu Rwanda kwiga ubuhinzi n’ubworozi bwa kijyambere muri icyo gihugu.

Abo banyeshuri bazahabwa amasomo atandukanye ajyanye n’ubuhinzi n’ubworozi bugezweho arimo ubworozi bw’amafi, ubworozi bw’inkoko, kuhira imyaka mu buryo bwa kijyambere, gukingira amatungo, ubuhinzi bwo mu mazu yabugenewe (Greenhouse farming) n’ibindi, bakazajya biga ariko banahembwa.

Gahunda yo kohereza abanyeshuri kwihugura mu buhinzi n’ubworozi muri Israel yatangiye mu 2012, kuva icyo gihe kugeza ubu hamaze koherezwa abagera ku 1200.

Aba batwara abagenzi kuri moto bavuga ko bimwe mu bibazo bibabangamiye ari amafaranga bakatwa ku kiguzi cy’amafaranga y’urugendo iyo bishyuwe kuri mubazi.

Umwe yagize ati 'Turi gukorera amafaranga menshi agatwarwa n’abandi nk’aho ari bo bashoye. Umuntu arakorera ibihumbi bibiri bagatwaraho 300 Frw ?'

Aba bamotari bavuka ko batumva impamvu bakatwa ayo mafaranga kandi bishyura n’umusore ndetse n’andi mafaranga menshi bacibwa mu bihe runaka.

Bamwe mu batwara abagenzi kuri moto kandi bamaze iminsi biyasira bavuga ko amafaranga y’ubwishingizi bwa moto yatumbagijwe mu buryo bw’ikirenga.

Mu myigaragambyo bakoze mu gitondo cyo kuri uyu wa Kane tariki 13 Mutarama 2022, banagarutse kuri ubu bwishingizi, bavuga ko bwatumbagijwe cyane.

Umunyezamu Ndayishimiye Eric Bakame, avuga ko mu myaka amaze mu kibuga akina muri shampiyona y’u Rwanda, rutahizamu wamuteye ubwoba ari Bokota Kamana Labama.

Bakame yatangiye gukina mu cyiciro cya mbere mu mupira w’amaguru mu Rwanda muri 2007 ahereye muri Atraco FC, kugeza uyu munsi avuga ko rutahizamu wamugoye ari Bokota Kamana Labama wageze mu Rwanda 2008 aje muri Rayon Sports.

'Rutahizamu wangoye cyane ntazibagirwa, navuga ko ari Bokota [Kamana Labama], ni we rutahizamu waje ari hejuru kandi ahera ku ruhande amakipe yose ayabonamo ibitego. Ni we rutahizamu twajyaga guhura mfite impungenge.' Bakame aganira n’ikinyamakuru ISIMBI

Bokota yageze mu Rwanda 2008 aje muri Rayon Sports, icyo gihe Bakame yakiniraga ikipe ya Atraco FC. Umwaka wakurikiyeho wa 2009-10 aba bakinnyi bombi baje guhurira muri APR FC kuko yahise ibagura.

Labama yayikiniye umwaka umwe ahita asubira iwabo muri DR Congo akinira amakipe nka Les Stars na DCMP mbere y’uko muri 2012 agaruka muri Rayon Sports, icyo gihe Bakame yari akiri muri APR FC.

Yayikiniye umwaka umwe ahita ajya muri Kiyovu Sports aho yabisikanye na Bakame wahise werekeza muri Rayon Sports.

Kiyovu Sports yayikiniye imyaka 2 asubira muri DR Congo aca no muri Uganda akaba yaragarutse mu Rwanda 2018 aje gukinira ikipe ya Musanze FC.

Bakame avuga ko Bokota ari we rutahizamu wamuteraga ubwoba

Bokota ni we rutahizamu yatinyaga, gusa si we wenyine kuko yari umukinnyi wagutsindaga isaha n’isaha

Ni icyemezo Umuyobozi w’Umujyi wa Kigali Pudence Rubingisa yatangaje ko cyafashwe nyuma y’uko byagiye bigaragara ko hari abantu bagera igihe cyo gufata urukingo rwa kabiri ntibajyeyo, abagejeje igihe cy’urwa gatatu ntibarufate, hakaba n’abandi batarafata urukingo na rumwe.

Mu ibaruwa yandikiye abayobozi nshingwabikorwa b’uturere tugize Umujyi wa Kigali kuri uyu wa 12 Murama 2022, yabasabye ko iryo genzura rigomba kuba ryakozwe mu minsi itatu, bakaritangira raporo.

Ati 'Dushingiye ku mubare w’abaturage bari kwandura COVID-19 mu Mujyi wa Kigali ndetse bamwe bakahatakariza ubuzima bishwe n’iki cyorezo, kandi bikaba byaragaragaye ko urukingo ari rwo rwonyine ruha umubiri ubudahangarwa mu kurwanya iki cyorezo,'

'Tubandikiye tubasaba gukora ibarura ry’abaturage urugo ku rundi hagamijwe kumenya abaturage bamaze kubona inkingo uko zavuzwe haruguru, bigafasha mu gukora ubukangurambaga kugira ngo abatarabona inkingo uko zateganyijwe nabo bazifate. Iki gikora kikaba cyasojwe bitarenze tariki ya 14 Mutarama 2022, raporo yagejejwe ku Mujyi wa Kigali.'

Iki gikorwa kandi cyamaze gutangira nk’uko bigaragazwa n’ubutumwa bwashyizwe kuri Twitter n’ubuyobozi bw’Umurenge wa Kagarama mu Karere ka Kicukiro.

Abantu bane bacyekwaho ubufatanye mu gukwirakwiza ibiyobwenge mu baturage, bafatiwe mu Karere ka Nyagatare, Umurenge wa Nyagatare, Akagari ka Rutaraka, Umudugudu wa Ryabega.

Bafatanwe ibiro 8 by’urumogi na litiro 15 za Kanyanga,bafashwe kuri uyu wa kabiri tariki ya 11 Mutarama bafatirwa mu bikorwa bya Police.

Umuvugizi wa Polisi mu Ntara y’Uburasirazuba, Chief Inspector of Police (CIP) Hamdoun Twizeyimana yavuze ko Niyonzima Jacques, Sibomana Vicent, Gatanazi Rachid na Muhongerwa Farida bafatiwe mu cyuho bafite biriya biyobyabwenge.

Yagize ati “Polisi yahawe amakuru n’abaturage ko mu Kagari ka Rutaraka hari abantu bafite urumogi na kanyanga babijyanye mu rugo rwa Gatanazi Rachid no ku muturanyi we Sibomana. Hahise hategurwa igikorwa cyo kubafata, bafatiwe mu rugo rwa Gatanazi ariho bateraniye barimo kunywa biriya biyobyabwenge ndetse bari bafite ibahasha ya kaki harimo urumogi.”

Yakomeje avuga ko abapolisi basatse mu nzu ya Sibomana bahasanga umufuka urimo ibiro 8 by’urumogi na litiro 15 za Kanyanga.

CIP Twizeyimana yashimiye abaturage ku ruhare rwabo mu kurwanya ibiyobyabwenge, yabasabye gukomeza ubwo bufatanye. Yakomeje avuga ko Polisi itazahagarika ibikorwa byo kurwanya ibiyobyabwenge.

Abafashwe bose bahise bashyikirizwa Urwego rushinzwe ubugenzacyaha (RIB) rukorera muri sitasiyo Polisi ya Nyagatare kugira ngo hakorwe iperereza.

Iteka rya minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi mu biyobyabwenge bihambaye.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Ingingo ya 5 y’Iteka rya minisitiri Nº001/MoH/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira inzoga zikozwe mu buryo budakurikije ibisabwa n’amabwiriza y’ubuziranenge n’andi mategeko mu biyobyabwenge byoroheje.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Amos Sollo

Mu gihe gahunda yo gufata impapuro zo guhatanira uwo mwanya, ku bazahagararira ishyaka rya 'Chama Cha Mapinduzi (CCM) igeze ku munsi wa gatatu, Umunyeshuri wo muri Kaminuza yitiriwe Mwalimu Nyerere (MNMA), witwa Amos Sollo w’imyaka 26, na we yagaragaje ko ashaka guhatanira uwo mwanya.

Sollo ngo yageze ahakorera 'CCM’ mu Mudugudu wa Lumumba mu Mujyi wa Dar es Salaam ki itariki 12 Mutarama 2022.

Aganiro n’Ikinyamakuru 'Mwananchi’ nyuma yo gusohoka aho mu biro bya CCM, Sollo yavuze ko ari umunyeshuri wiga mu mwaka wa gatatu muri Kaminuza, akaba yiga mu ishami ry’ubukungu n’iterambere, akaba yaje mu biro bya CCM kubaza ibikurikizwa kugira ngo umuntu ahabwe impapuro zimwemerera guhatanira uwo mwanya.

Sollo yagize ati “Nafashe umwanzuro wo kuza hano mu biro by’ishyaka kubaza uko bigenda kugira ngo umuntu abone impapuro 'fomu’, bityo nanjye nzuzuze kuko nifuza guhatanira umwanya wa Perezida w’Inteko Ishinga Amategeko, ni uko bambwira ko bisaba kwishyura Miliyoni imwe y’amashiringi ya Tanzania'.

Ati “Ariko kugeza ubu, mfite 300.000 by’amashilingi, harimo Amashilingi 100.000 mfite n’andi 200.000 ari kuri Banki, ubu ngiye kugenda nsaba abantu banyongerere kugira ngo nshobore guhabwa izo mpapuro, kuko ubushake n’impamvu zo kwicara kuri iyo ntebe ya Perezida w’Inteko Ishinga Amategeko ndabifite, natwe urubyiruko turashoboye”.

Asobanura ubunararibonye yaba afite mu bijyanye n’ubuyobozi, yavuze ko yigeze kuba umwe mu badepite bahagarariye iby’ubukungu muri iyo Kaminuza yigamo, kandi ko yigeze guhatanira kuba Perezida wa Repubulika ubwo yari muri Kaminuza ya Maswa, ndetse ko no mu minsi ya vuba aha, ashoje manda ye ku buyobozi bw’ihuriro ry’abanyeshuri biga ibijyanye n’ubukungu muri iyo Kaminuza.