Imbogo ebyiri zo muri Pariki y'Igihugu y'Ibirunga zapfiriye mu Murenge wa Nyange, Akagali ka Ninda i Musanze.
Ubuyobozi bw'inzego z'ibanze muri aka gace buravuga ko izo mbogo zasohotse muri pariki mu ijoro ryo ku wa Kabiri zirarwana kugeza zicanye.
Ntabwo bikunze kubaho ko inyamaswa zitoroka pariki kugeza naho zirwana kugeza zicanye.
Source : https://yegob.rw/musaze-imbogo-ebyiri-zarwanye-kugeza-zihasize-ubuzima/
Iperereza ryemeje ko uruhinja rukivuka rwariwe cyane n'imbwa y'umuryango rwavukiyemo ishobora kuba yatekerezaga ko uyu mwana ari “umuhigo muto cyangwa igikinisho”.
Ku ya 18 Ugushyingo 2018, nibwo Reuben McNulty wari ufite ibyumweru bibiri gusa ubwo yaribwaga n'iyi mbwa imusanze mu nzu i Yaxley, hafi ya Peterborough, apfira mu bitaro nyuma y'ibyumweru bitatu.
Umupolisi yashoje avuga ko Reuben yapfuye azize ibikomere byo mu mutwe.
Imbwa zombi uyu muryango wari utunze zahise zicwa kubera amahano yakorewe uyu mwana.
Iperereza ryakozwe bwa mbere muri Peterborough ryumvise ko Reuben yari yicaye ku gikinisho mu ntebe yo mu rugo ubwoo nyina Amy Litchfield yari asinziriye,hanyuma aterwa n'iyi mbwa yabo, yitwa Dotty iramurumagura.
'Numvise gusa amarira'
Se wa Reuben, Daniel McNulty, icyo gihe yari yagiye kunywa itabi, hanyuma asubira hejuru mu igorofa kugira ngo amenye uko byagenze.
Umuyobozi wa polisi mu karere ka Cambridgeshire, Simon Milburn, yavuze ko Bwana McNulty yabwiye umukozi wa 999 ko atekereza ko imbwa yabo yabaririye umwana.
Bwana McNulty ati: “Umugore wanjye yari asinziriye.”
“Numvise gusa kurira.”
Mu makuru yahaye abapolisi mu ncamake, Bwana McNulty yavuze ko “ajya kureba [Reuben] yabonye ibikomere, abona imbwa Dotty irigata iminwa”.Yavuze ko yabonye kuri uyu mwana ibikomere 23.
Batunguwe no gusanga imbwa bari boroye yariye umwana wabo
Ishuri rya EAV Kivumu ni iry’itorero AEBR mu Karere ka Ngororero, ryari ryongereye amafaranga y’ishuri ava ku bihumbi 90 ku gihembwe, aba ibihumbi 104 kugira ngo hagurwe imodoka y’ishuri ya miliyoni 15 z’Amafaranga y’u Rwanda.
Iryo shuri ni iry’itorero AEBR ku bufatanye na Leta, aho bagira n’abana baba mu kigo, n’ubwo ubuyobozi bw’ikigo buvuga ko kutagira imodoka bibangamira ibikorwa by’inshi, harimo no kujyana abanyeshuri kwa muganga iyo barwaye, uwo umwanzuro ntiwashimishije ababyeyi ari ko gusaba ko wakurwaho.
Umuyobozi w’Akarere ka Ngororero wungirije ushinzwe Imibereho myiza y’abaturage, Mukunduhirwe Germaine, avugana n’umunyamakuru wa Kigali Today, yatangaje ko uyu mwanzuro wo kwaka ababyeyi amafaranga bawuhagaritse kubera ko akarere katabimenyeshejwe, kandi ukaba ubangamiye ababyeyi bamwe ndetse bikaba byagira ingaruka ku burezi.
Yagize ati 'Twasanze ari umwanzuro batagejeje ku karere kandi abayobozi b’ibigo barabizi, ikintu cyose gituma bongera amafaranga ku babyeyi babigeza ku karere tukabisuzuma. EAV Kivumu ntibabigejeje ku karere ngo turebe niba byihutirwa cyangwa bitabangamiye ababyeyi, ikindi twabonye ko hari ababyeyi bitashimishije n’ubwo bivugwa ko byemejwe mu nteko rusange.'
Uwo muyobozi avuga ko gutesha agaciro uyu mwanzuro w’ishuri bijyana no gukuraho imbogamizi zatuma abana bata ishuri kuko hari abayeyi batari babyiteguye.
Mukunduhirwe avuga ko n’ubwo iryo shuri rifatanya na Leta, ngo n’amashuri yigenga na yo asabwa kumenyesha ubuyobozi bw’akarere imyanzuro afata irebana no kongera amafaranga y’ishuri, kugira ngo hasuzumwe niba bidakoma mu nkokora uburezi bw’abana.
Ayo mafaranga bamwe mu babyeyi bari batangiye kuyatanga, ubuyobozi bw’Akarere bukaba bwasabye ko bayasubizwa kugira ngo bitagira umwana n’umwe byatuma atagaruka ku ishuri bitwaje ko amafaranga y’ishuri yongerewe.
Bafatanywe ibiro 8 by’urumogi na litiro 15 za Kanyanga, bakaba bafashwe ku wa kabiri tariki ya 11 Mutarama 2022, nk’uko bigaragara ku rubuga rwa Twitter rwa Polisi y’u Rwanda.
Umuvugizi wa Polisi mu Ntara y’Iburasirazuba, CIP Hamdoun Twizeyimana, yavuze ko Niyonzima Jacques, Sibomana Vicent, Gatanazi Rachid na Muhongerwa Farida, bafatiwe mu cyuho bafite ibyo biyobyabwenge.
Yagize ati “Polisi yahawe amakuru n’abaturage ko mu Kagari ka Rutaraka hari abantu bafite urumogi na kanyanga babijyanye mu rugo rwa Gatanazi Rachid no ku muturanyi we Sibomana. Hahise hategurwa igikorwa cyo kubafata, bafatiwe mu rugo rwa Gatanazi ariho bateraniye barimo kunywa biriya biyobyabwenge, ndetse bari bafite ibahasha ya kaki harimo urumogi.”
Yakomeje avuga ko abapolisi basatse mu nzu ya Sibomana bahasanga umufuka urimo ibiro 8 by’urumogi na litiro 15 za Kanyanga.
CIP Twizeyimana yaboneyeho gushimira abaturage ku ruhare rwabo mu kurwanya ibiyobyabwenge, abasaba gukomeza ubwo bufatanye. Yakomeje avuga ko Polisi itazahagarika ibikorwa byo kurwanya ibiyobyabwenge.
Abafashwe bose bahise bashyikirizwa Urwego rushinzwe ubugenzacyaha (RIB) rukorera muri sitasiyo Polisi ya Nyagatare kugira ngo hakorwe iperereza.
Iteka rya Minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi mu biyobyabwenge bihambaye.
Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha.
Iyo abihamijwe n’urukiko ahanishwa igifungo cya burundu n’ihazabu y’Amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.
Ingingo ya 5 y’Iteka rya minisitiri Nº001/MoH/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira inzoga zikozwe mu buryo budakurikije ibisabwa n’amabwiriza y’ubuziranenge n’andi mategeko mu biyobyabwenge byoroheje.
Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha.
Iyo abihamijwe n’urukiko ahanishwa igifungo cya burundu n’ihazabu y’Amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.
Mukangwije Eugenia utuye mu Mudugudu wa Shabana mu Kagari ka Nyarurema mu Murenge wa Gatunda avuga ko mu ntangiriro z’umwaka wa 2021 bamutemeye ishyamba ry’inturusu ndetse yemererwa amafaranga y’u Rwanda 260,000.
Igihe cyo kwishyurwa ngo yabwiwe ko ibyangombwa bye bituzuye bituma abandi bishyurwa we arasigara.
Ati 'Bambwiye ko ibyangombwa bituzuye njya ku kagari no ku murenge ibyasabwaga ndabibona ariko barambwiye ngo nintegereze ariko n’ubu narahebye.'
Avuga ko ishyamba rye ari ryo ryari rimutunze kuko ari ho yakuraga amafaranga y’ishuri ndetse n’ibitunga umuryango we. Kuba atarabonye ayo mafaranga ngo byaramuhungabanyije mu bukungu.
Agira ati 'Ni ho nakuraga amafaranga y’ishuri y’abana, nagurishaga ibiti ngahahira umuryango wanjye none urumva se ntarahungabanye mu bukungu? Bambabariye bampa utwo dufaranga nk’uko bari batunyemereye.'
Uwitwa Mvunabandi Faustin wo mu Mudugudu wa Bubare, Akagari ka Nyarurema, Umurenge wa Gatunda avuga ko bamutemeye insina abarirwa amafaranga 127,000.
Avuga ko na we aheruka abarirwa gusa yumva abandi babonye amafaranga we araheba.
Ati 'Aho dutuye turi abantu batanu batabonye amafaranga. Twavuganye n’ushinzwe ubutaka ariko ntacyo yadukemuriye. Nahise ndwaza umugore sinakomeje gukurikirana ariko baraduhemukiye kuko bantemeye insina naryaga n’amafaranga bambariye ntibayampa, urumva banteye inzara gusa.'
Umuyobozi wa REG sitasiyo ya Nyagatare, Niyonkuru Benoit, avuga ko uyu muyoboro wakozwe mu mushinga wa BADEA wo kugeza umuriro w’amashanyarazi mu Murenge wa Gatunda, ku bitaro bya Gatunda ndetse no mu Murenge wa Tabagwe ku mudugudu w’icyitegererezo no ku kigo nderabuzima cya Tabagwe ndetse no mu yindi mirenge.
Avuga ko mu kwishyura ingurane habayemo ibibazo by’abataraboneye ibyangombwa igihe bituma bagenda bishyurwa mu byiciro ubu hakaba hamaze kwishyurwa ibyiciro bitatu.
Avuga ko hari ikindi kiciro cy’abatarishyurwa ariko urutonde rwabo rwamaze kugera muri Minisiteri y’Imari n’Igenamigambi kuburyo bashobora kwishyurwa vuba.
Avuga ko n’abandi bumva batari kuri urwo rutonde bakwiye kwegera inzego z’ubuyobozi hagakorwa urutonde rwabo rukagezwa kuri EDCEUL nabo bakishyurizwa.
Ati 'Bagane ubuyobozi mu nzego z’ibanze hakorwe urutonde rw’abatarishyurwa, harimo imyirondoro yabo, byatworohera kohereza urwo rutonde muri EDCEUL bakareba niba ari mu bagomba kwishyurwa cyangwa yaranacikanywe ibye ntibyahabwa agaciro bakaba bagaruka bakamubarira na we akishyurwa.'
Abaturage bo mu mugi wa Yakustk mu Burusiya, batuye mu mujyi munini ukonja cyane kurusha indi aho ubushyuhe bugabanuka kugeza kuri dogere selisiyusi [Degre Celsius] 70 mu nsi ya zeru kugeza ubwo umuneke ukonja ugahinduka nk'inyundo.
Hagendewe ku bushakashatsi bwakozwe, abaturage batuye uyu mujyi bamara amezi menshi badaca iryera urumuri rw'izuba, kandi ibintu byose biba byarakonje bikagera ku rwego rwo kuba urubura.
Icyakoze ikiribwa cy'abaturage bo muri aka gace ni amafi n'ibindi biribwa bikomoka mu nyanja mu rwego rwo kugaruza vitamine D ikomoka ku mirasire y'izuba.
Vuba aha itsinda ry'abashakashatsi muri uyu mujyi riherutse gukora ubushakashatsi butandukanye, harimo nko guhuha urufuro rw'isabune no kurukonjesha, kugeza ishati itose ihinduka igikaritocyo mu gitambaro. Ubu bushakashatsi bwerekanye ko uramutse ufashe igi ukarishyira mu mu ipanu ugatereka hanze, bitwara amasaha make gusa ngo ribe rimaze kuba urubura.
Inkuru dukesha Khabaar ivuga ko muri ubwo bushakashatsi abashakashatsi bafashe umuneke bawushyira hanze iminota mike gusa uhita uhinduka nk'inyundo ku buryo bashoboraga gufata uwo muneke bakawuhondesha umusumari ukinjira mu giti.
Hamwe n'ibyo byose, ubushakashatsi bw'ibanze kandi butangaje bwari ubwo gukonjesha inyama zitetse. Amafoto n'amashusho byashyizwe hanze, agaragaza ukuntu inyama zatetswe mu mazi yatuye zishyushye zishyirwa ku isahani mu kanya k'iminota mike gusa zigahita zihinduka urubura mbere y'uko ziribwa.
Amafoto yashyizwe hanze y'abaturage batuye uyu mugi mu gihe cy'urujya n'uruza ni amafoto atangaje cyane, baba bagenda babaye umweru kandi ibitsike n'ingohe byabo ari urubura gusa.
Yakustk ni umugi uri mu burasirazuba bwa Siberia, ukaba utuwe n'abaturage 210,642 hagendewe ku ibarura ryakozwe mu mwaka wa 2002.
Musinga C.
The post Yakust: Wari uziko hari igihe ubukonje butuma umuneke uhinduka nk'inyundo? appeared first on IRIBA NEWS.
Abashinzwe umutekano bihutiye kwinjira mu kibuga kugira ngo barinde umusifuzi nyuma y'amakosa ateye isoni yakoze arangiza umukino utararangira ubwo Mali yatsindaga Tuniziya igitego 1-0 mu mikino wo mu itsinda F ry'igikombe cy'Afurika kiri kubera muri Cameroon.
Umusifuzi w'umukino Janny Sikazwe wo muri Zambia yakoze amakosa akabije ubwo yatangaga penaliti 2 zitavugwaho rumwe, ikarita itukura ikemangwa hanyuma arangiza umukino inshuro 2 utararangira.
Ibrahima Kone yatsinze igitego kimwe cyabotse muri uyu mukino cyabonetse kuri penaliti ku munota wa 46 nyuma y'aho myugariro wa Tunisia,Ellyes Skhiri yagaruje umupira wari utewe na Boubakar Kouyate n'ukuboko.
Imisifurire iteye isoni ya Bwana Sikazwe yatangiye gutera induru ubwo Mali yabonaga penaliti ku mukinnyi wategewe mu rubuga rw'amahina ntiyayitanga.
Sikazwe yatanze indi penaliti hasigaye iminota 15 y'umukino nyuma yuko ishoti rya Wahbi Khazri rigaruwe n'ukuboko kwa Moussa Djenepo.Icyakora umusifuzi ntiyari yabibonye kugeza ubwo VAR imufashije.Khaziri yateye nabi iyi penaliti umunyezamu ayikuramo.
Amahano ya Sikazwe yatumye benshi bacika ururondogoro n'ukurangiza umupira ku munota wa 85 w'umukino,icyakora bagenzi be baje kumubwira asa n'ubeshya ko umupira nta mwuka urimo ahereza Mali umupira nubwo atariyo yari iwufite urakomeza.
Sikazwe yahise akora andi mahano aha ikarita itukuraumukinnyi wa Mali winjiye asimbuye witwa El Bilal Toure nyuma y'iminota ibiri gusa.Benshi bemeza ko iyo anakabya yari guha ikarita y'umuhondo uwo mukinnyi cyane ko yari akandagiye byoroheje umukinnyi wa Tunisia.
Amakuru avuga ko VAR yamuhamagaye imusaba kwisubiraho kuri iyo karita yanga kuyumva.
Ibintu byazambye kurushaho ubwo yongeraga gusifura ko umukino urangiye ku munota wa 89 n'amasegonda 40 nyamara uyu mukino wabayemo ibintu byinshi birimo ikarita itukura yatumye habamo gutinda, penaliti 2 zatumye umukino uhagarara, kugenzura VAR inshuro nyinshi hamwe no gusimbuza inshuro zirindwi.Ibi byagombaga gutuma hongerwaho iminota nibura guhera kuri 5 kuzamura.
Abatoza ba Tunisia barakaye cyane basatira uyu musifuzi ariko abashinzwe umutekano baramukikiza ajya mu rwambariro yemye.
Mu gihe ibiganiro N'abanyamakuru nyuma y'umukino byari birimbanyije, abayobozi ba CAF bihutiye gutangaza ko umukino wongera gutangira kugira ngo harangizwe iminota yaburaga.
Mali yashakaga gukina umukino ukarangira cyane ko yagarutse mu kibuga, ariko Tuniziya yari yarakaye cyane ntiyigeze igaruka, umukino urangira ari 1-0.
Amakuru avuga ko ikipe ya Tuniziya yari yamaze kurira bisi yabo iva kuri stade.
Mbere y'uyu mukino, Mali yahagaritse imyitozo yabo ya nyuma nyuma y'amasasu yavugiye hafi y'aho barimo kuyikorera cyabo,mu bilometero 13 uvuye kuri Sitade Limbe aho umukino wabereye.
Kubera aka kavuyo kose,byatumye umukino wagombaga gukurikiraho wa Mauritania na Gambia ukererwaho iminota 45 yose.
Sikazwe yakoze amahano birakaza abanya Tuniziya
Izo mbogo ngo zaba zatorotse Pariki mu ma saha y’ijoro rishyira iryo ku wa gatatu, zigeze mu murima uherereye mu Mudugudu wa Kabari Akagari ka Ninda mu Murenge wa Nyange mu Karere ka Musanze, ziraharwanira kugeza zombi zipfiye.
Abazibonye mu masaha y’igitondo cyo kuri uyu wa Gatatu tariki 12 Mutarama 2022 nk’uko byemezwa na Emmanuel Ndizeye, Umunyamabanga nshingwabikorwa w’Akagari ka Ninda, ngo bazisanze zombi ziryamye hasi ziteganye.
Yagize ati 'Zose zatahuwe zamaze gupfa. Zaturutse muri Pariki, zisimbuka uruzitiro rw’amabuye rugabanya Pariki y’Igihugu y’ibirunga n’imirima y’abaturage ihegereye, zigeze mu murima uri hafi aho uhinzemo ingano, bigaragara ko zaharwaniye zombi bikaziviramo gupfa. Uwazigezeho bwa mbere mu gitondo yasanze ziryamye hasi zose, zapfuye, yihutira kubitumenyesha natwe tumenyesha inzego zidukuriye ziza gutabara'.
Muri uko kurwana ngo hari imyaka yari ihahinze zangije. Uyu muyobozi agira ati 'Bitewe n’uko zarwanaga, birumvikana ko hari n’ingano zari ziteye muri uwo murima zahangirikiye. Ariko nk’uko mubizi, inyamaswa zo muri iriya Pariki, iyo hari ibyo zonnye cyangwa zangije, hari inzira bicamo ba nyirayo bakishyurwa. Ubwo ni na yo izakurikizwa'.
Izo mbogo zombi, nyuma yo kuzisanga zapfuye hakurikiyeho igikorwa cyo kuzisuzuma harebwa icyazishe, bahita bazihamba.
Kuri bo ngo ntabwo waba wabuze uwawe nurangiza igihe ugiye kumuherekeza umusezeraho bwa nyuma ngo ubikore umutwika kuko babifata nk’aho nta cyubahiro aba aherekezanywe ahubwo ngo byongerera agahinda kenshi abo mu muryango we aba asize.
Mu bushakashatsi bwakozwe na Never Again Rwanda baganiriza abaturage bo mu bice bitandukanye birimo abo mu Ntara y’Amajyaruguru, n’abo mu Burasirazuba ku bijyanye n’ikibazo cy’amarimbi adahagije, hari abaturage bagaragaje ko badashyigikiye uburyo bwo gushyingura habanje gutwika umurambo kuko ngo byaba ari ugushinyagurira uwabo witabye Imana.
Umwe mu baganirijwe yavuze ko n’ubwo bikorwa hifashishijwe ikoranabuhanga ariko we adashobora kubishyigikira kuko adashobora gukira agahinda byamusigira.
Yagize ati 'Kugira ngo bazane iryo koranabuhanga batwike umurambo mwicaranye urumva ko ari ibintu numva jye ntashyigikira, kuko byaba ari ibintu biteye agahinda kenshi. Ugize kubura umuntu, ugize kumutwika, usanga usigaranye agahinda kanini cyane'.
Akomeza agira ati 'Ariko iyo umurambo uwushyinguye mu irimbi, rwose urwara agahinda iminsi mike, ubundi ukabona abagusura mukaganira, bya bindi bigashira, ariko ntiwabona bamutwitse ngo ako gahinda uzakavemo'.
Mugenzi we na we yagize ati 'Rero iyo umuntu ashyinguye ajya no kwibuka ahantu yagiye gushyingura, akamara umwaka akajya kwibuka, ariko urumva ntiwajya kwibuka aho bamutwikiye, ibyo rero ntabwo turabyakira, ntabwo turamenya agaciro kabyo'.
Ku rundi ruhande, hari abifuza ko gahunda yo gutwika imirambo hagashyingurwa ivu yakwihutishwa kuko basanga hari byinshi izabafasha, nko kurengera ubutaka bwashyingurwagaho bugakoreshwa ibindi ndetse n’amafaranga yabigendagaho agafasha umuryango wagize ibyago.Abo baturage bavuga ko kuba igihugu gifite ubutaka buto kandi abantu bakomeza gupfa umunsi ku wundi, bazisanga nta hantu ho gutura cyangwa gukorera ibikorwa bibafitiye akamaro bagifite, ari ho bahera basaba ko iyo gahunda yakwihutishwa.
Uwitwa Sekamana Jean Paul wo mu Karere ka Nyarugenge, avuga ko ashyigikiye gahunda yo gutwika umurambo hagashyingurwa ivu, kuko abona ko mu gihe kizaza amarimbi ashobora kuzabangamira imiturire.
Ati 'Kubera ko ahantu bashyinguye niba hari kuzajya ibikorwa remezo ku ruhande rwa Leta, urumva ko harimo inyungu no ku ruhande rw’umuturage bya bikorwaremezo na byo bizamufasha, ahubwo byakwihutishwa'.
Vuguziga Olive wo mu Karere ka Kicukiro ati 'Nk’ubu hari ibintu byo kwimura abantu, kandi urabona biriya byo gushyingura bitwara ahantu hanini bashobora no kuhashyira nk’umudugudu bakazahimurira abantu badafite aho baba cyangwa abantu baba mu manegeka bakahatura'.
Uretse abavuga ko gushyingura mu buryo busanzwe bimara ubutaka, abandi bavuga ko binahenda kuko bisaba kugura imva, kwishyura uburuhukiro, imodoka itwara umurambo no kwakira abaherekeje uwashyinguye, iyo gahunda ngo ikaba yagabanya ibyo byose.
Umuyobozi Mukuru ushinzwe iterambere rusange n’imibereho myiza y’abaturage muri Minisiteri y’Ubutegetsi bw’igihugu (MINALOC), Husi Monique, avuga ko ku bijyanye no gushyingura habanje gutwika umurambo itegeko ryamaze gutorwa ahubwo ngo ku bufatanye n’inzego zitandukanye bireba, hatangiye gahunda y’ubukangurambaga kugira ngo abaturage barusheho kubyumva no kubisobanukirwa.
Ati 'Twifuza ko bugera kuri buri muturage wese kugira ngo tubashe guhindura imyumvire, kugira ngo tubashe kubyumva neza, ntitwumve ko ari ugutwika gusa ahubwo muri ubwo bukangurambaga tuzanagaragaza uburyo bikorwa kugira ngo buri wese abyumve kandi yumve ko nta gikomeye kirimo, atari ugushinyagurira umurambo ahubwo ko ari uburyo bwiza bukorwa no mu bindi bihugu, kandi ari n’uburyo bwo gukemura ikibazo cy’ubutaka igihugu cyacu gifite, butazigera bwiyongera ahubwo tugomba kubukoresha uko buri'.
MINALOC inavuga ko muri ubwo bukangurambaga hazanaganirizwa ba rwiyemezamirimo hamwe n’abandi bakora imirimo yo gushyingura mu rwego rwo kugira ngo harebwe uko ibikoresho bikoreshwa byaboneka kuko kugeza ubu mu Karere ka Bugesera honyine ari ho hari ahantu hashobora gutwikirwa umurambo na byo bikaba ari iby’abanyamahanga.
Itegeko No11/2013 ryo ku wa 11 Werurwe 2013, rigena imitunganyirize n’imikoreshereze y’amarimbi mu ngingo yaryo ya 32, iteganya ko iteka rya Minisitiri ufite Umuco mu nshingano ze agena uburyo bwo gutwika umurambo no gushyingura ivu.
Uretse kuba uburyo bwo gushyingura habanje gutwika umurambo bwakemura ikibazo cy’ubutaka buke, ngo byanafasha benshi mu bakora ingendo bagiye gushyingura mu marimbi rusange kuko kugeza ubu mu gihugu hose habarirwa gusa amarimbi rusange 1439 aboneka gusa mu mirenge 91 ku mirenge 416 igize igihugu.
Source : https://www.kigalitoday.com/amakuru/amakuru-mu-rwanda/article/bavuga-iki-ku-gutwika-imirambo
Uyu mufurere w’imyaka 36 yatawe muri yombi ku wa 11 Mutarama 2022, mu gihe icyaha akurikiranyweho bikekwa ko yagikoze mu mpera z’umwaka ushize.
Ibi byabereye mu Karere ka Nyagatare, Umurenge wa Nyagatare, Akagari ka Nyagatare, Umudugudu wa Nyagatare ya II.
Umuvugizi wa RIB, Dr Murangira B. Thierry, yavuze ko iperereza ry’ibanze ryerekana ko uyu mufurere hari impamvu zifatika zigaragaza ko yahohoteye uyu mwana mu bihe bitandukanye harimo na tariki ya 27 Ukuboza 2021.
Avuga ko ubu afungiye kuri Sitasiyo ya RIB ya Nyagatare mu gihe iperereza rikomeje kugira ngo hakorwe dosiye ishyikirizwe Ubushinjacyaha.
Dr. Murangira avuga ko abantu bitwaza ububasha cyangwa ubushobozi bwabo bagasambanya abana badakwiye kwihanganirwa.
Yagize ati 'Turasaba gushyira mu bigo by’amashuri Komite zishinzwe kurwanya ibyaha byo gusambanya abana, ikajya ibigisha ibimenyetso bishobora kwerekana uko bagushwa mu busambanyi bukorerwa abana.”
Yagaragaje ko iyo komite ikwiye kuba igizwe n’abahanga mu by’imitekerereze akaba ari bo bazajya bafasha abana bahuye n’ibyo bibazo cyangwa batarahura na byo ndetse bimwe bikirindwa.
Ati 'Byagaragaye ko akenshi abana basambanywa ariko bakabura abo babwira bumva bizeye. Uru rugamba rwo kurwanya gusambanya umwana ntirwatsindwa n’urwego rumwe gusa, gufatanya ni ingenzi.”
Umufurere ukurikiranyweho gusambanya umwana w’umuhungu wiga mu kigo abereye 'Animateur’, aramutse ahamijwe icyo cyaha n’urukiko yahanishwa ingingo ya 4 y’itegeko Nº69/2019 ryo ku wa 08/11/2019, riteganya igifungo kitari munsi y’imyaka 20 ariko kitarenze 25.
