Author: webrwanda

The New Times yatangaje ko abakozi bo mu nzego za Leta n'abo mu z'Abikorera bize muri iyo Kaminuza y'Abanyamerika bifuje ko HEC yakwisubiraho kuko abo yahaye impamyabumenyi amabwiriza yo guhagarika 'equivalence' ku bayigamo atarasohoka baba baharenganiye.

'Equivalence' ni icyangombwa cyemeza ko impamyabumenyi umuntu runaka afite yatanzwe na kaminuza yo hanze, yemewe gukoreshwa mu Rwanda.

Umuyobozi w'Ihuriro rya Kaminuza zigenga ari na we uyobora Kaminuza y'Ubukerarugendo, Ikoranabuhanga n'Ubukungu (UTB), Dr Kabera Callixte, yavuze ko hategerejwe umwanzuro wa nyuma wa HEC ku bakozi 'equivalence' zahagaritswe mbere y'uko bagira ikindi bakora.

Ati 'Umwanzuro wa HEC turawuzi ariko hari abarimu bo muri kaminuza bazaba baharenganiye kuko bari barahawe 'equivalence' na HEC.'

Yasobanuye ko hari abize muri AIU n'izindi kaminuza zo mu mahanga bigisha maze bagahabwa 'equivalence' bari mu kazi.

Ati 'HEC nikomera ku mwanzuro bisobanuye ko hari umubare runaka w'abarimu bo muri kaminuza bashobora gutakaza akazi kuko dusabwa gukoresha abahawe equivalence gusa kandi turabigenzura mbere yo gutanga akazi.'

Ku wa 10 Mutarama 2022 ni bwo HEC yemeje ko Kaminuza ya AIU nta burenganzira ifite bwo gutanga Impamyabumenyi y'Icyiciro gihanitse (PhD) muri Leta Zunze Ubumwe za Amerika, isaba Abanyarwanda gushishoza kuri kaminuza bagiye kwigamo.

Itangazo yatanze riragira riti 'HEC yasanze iki Kigo kitemewe n'Urwego rushinzwe gutanga uburenganzira bw'ibigo bitanga Impamyabumenyi z'icyiciro gihanitse muri Leta Zunze Ubumwe za Amerika.'

'Abanyeshuri bose bafite 'equivalence' z'impamyabumenyi bahawe na AIU zateshejwe agaciro.'

Umwe mu barangije muri iyo Kaminuza, yavuze ko HEC yagombye kongera gusuzuma umwanzuro wayo kuko nk'urugero we afite 'equivalence' kandi ni yo yayimuhaye.

Yongeyeho ati 'Mu ihame rigenga ubuziranenge muri Leta Zunze Ubumwe za Amerika, Ukwemerwa kw'ishuri rikuru bikorwa n'ibigo bitari ibya Leta.'

Aha yashakaga kumvikanisha ko uburenganzira AIU yahawe na ASIC (Accreditation Service for International Colleges) bwo gutanga PhD bukwiye kwitabwaho, mu gihe HEC yavuze ko icyo atari Ikigo cyemewe.

Abahawe impamyabumenyi na AIU barasaba ko HEC yahura na bo ikabasobanurira neza imiterere y'ikibazo n'ikigiye gukurikiraho.

Kwemeza ko AIU itemerewe gutanga PhD mu gihugu byatangajwe nyuma y'itabwa muri yombi rya Dr. Igabe Egide, ukurikiranyweho gukoresha inyandiko mpimbano y'iyo mpamyabumenyi, mu gushaka akazi muri kaminuza zo mu Rwanda.

Yakurikiranywe nyuma yo gusanga 'equivalence' ye ari impimbano.
Hari ibitekerezo bya bamwe ko HEC yashyira ahagaragara urutonde rwa kaminuza zo mu mahanga zitanga impamyabumenyi zemewe mu Rwanda ndetse n'ibigenderwaho ngo zemerwe, ariko n'abajya kuziyandikishamo bakabanza gukora ubushakashatsi bareba ko zemewe.

Umuyobozi w'Ihuriro rya Kaminuza zigenga ari na we uyobora Kaminuza y'Ubukerarugendo, Ikoranabuhanga n'Ubukungu (UTB), Dr Kabera Callixte, yavuze ko hategerejwe umwanzuro wa nyuma wa HEC ku bakozi 'equivalence' zahagaritswe ntacyo barakora

Ku wa Gatanu w’icyumweru gitaha tariki ya 21 Mutarama 2022 nibwo hazaba tombola y’uburyo amakipe azahura mu gushaka itike y’igikombe cy’Afurika cya 2023.

Ni Tombola izabera Douala muri Cameroun aharimo kubera igikombe cy’Afurika cya 2021, ni mu gihe icya 2023 kizabera Cote d’Ivoire.

Impuzamashyirahamwe y’umupira w’amaguru muri Afurika (CAF),ikaba yaratangaje ko n’ubundi iki gikombe kizitabirwa n’amakipe 24.

Biteganyijwe ko hazabanza ijonjora ry’ibanze (ari n’aho Amavubi ashobora kwisanga) ibihugu bihatanira kujya mu matsinda yo gushaka itike y’iki gikombe, iri jonjora rizakinwa hagati ya 21 na 29 Werurwe 2022.

Amatsinda azaba ari 12 aho buri tsinda rizaba rigizwe n’amakipe 4, 2 ya mbere muri buri tsinda ari yo azabona itike y’igikombe cy’Afurika cya 2023.

Biteganyijwe umunsi wa 1 kugeza ku wa 4 w’amatsinda uzakinwa hagati ya tariki ya 1 na 14 Kamena 2022 n’aho uwa 5 n’uwa 6 ukinwe hagati ya 19 na 27 Nzeri 2022. Igikombe nyirizina kizakinwa muri Kamena 2023.

Amavubi azamenya inzira azanyuramo mu gushaka itike y’igikombe cy’Afurika cya 2023 mu cyumweru gitaha

Album ‘Mu bwiza bwawe’ igizwe n’indirimbo 8 ari zo: ‘Kombo nayo’, ‘Uhoraho’, ‘Amaraso’, ‘Uri Imana’, ‘Izina ryawe’, ‘Iyo nibutse’, ‘Mu mababa yawe’ na ‘Mu bwiza bwawe’ yitiriye iyi Album. Guhera kuri uyu wa Gatanu tariki 14 Mutarama 2022, araba yamaze kugeza iyi Album ye ku mbuga mpuzamahanga zicuruza umuziki zirimo; Apple Music, Amazon, Spotify, Deezer, Tidal, Rhopsody, Youtube Music, Shazam n’izindi.

Willy M. Gakunzi yashyize hanze Album ya mbere y’indirimbo 8

Mu kiganiro na InyaRwanda.com, Willy Makuza Gakunzi yadutangarije ko iyi Album ye ya mbere yatangiye kuyikoraho mu mpera za 2019 nyuma y’ibihe bikomeye yari amaze gucamo byo kubura umugore we Gatera Estelle witabye Imana mu 2018. Ati “(Album) Yaje ari igisubizo cy'umuhamagaro Imana yari imaze kunyemeza wo kudacika intege nyuma y’ibihe bikomeye njyewe n’umuryango wanjye twari twaciyemo”.

Uyu muramyi w’umunyarwanda utuye mu gihugu cya Canada, yavuze ko Imana yamusabye gusohoza umugambi wayo wo gushyira mu bikorwa umutima wo kuyiramya. Ati “Imana yansabye gukomeza gusohoza umugambi wayo wo gushyira umutima wo kuyiramya mu bikorwa. Nyuma y'Imyaka 3, ndashima Imana ko yabanye natwe kandi ikadushoboza no gukora iyi Album”.

Arashima Imana yamushoboje gushyira hanze Album ye ya mbere ‘Mu bwiza bwawe’

Willy M. Gakunzi yavuze ko “Ubutumwa bukubiye muri iyi Album, ni ugukangurira abantu ko iyo turi mu bwiza bw'Imana, tugahagarara ku rutare, biduha gugendera mu mugambi w'Imana. N’igihe twahuye n’ibivuna imitima yacu, mu bwiza bw'Imana tuhabonera amahoro kandi tukaharuhukira. Bityo bikaduha imbaraga zo gukomeza urugendo”.

Yavuze ko indirimbo 8 zigize iyi album, zose zivuga Imana, ni indirimbo ziramya Imana. Yunzemo ati “Nibanze cyane ku kuvuga Imana kuruta uko navuga ibibazo duhura nabyo mu isi”. Yashimiye buri umwe wese wamushyigikiye mu ikorwa ry’iyi Album, ati: “Ndashimira cyane abo twakoranye, abaririmbyi, aba ‘Audio & Video producers’, abanyamakuru, ariko by’umwihariko, inyarwanda.com. Inkunga yanyu yadushoboje gusohoza umugambi w'Imana”.

Willy Makuza Gakunzi [Willy M. Gakunzi] yanazirikanye abantu bose barebye bakanumva indirimbo ze n’abazisangije abandi, abasabira umugisha ku Mana anabifuriza kuba mu bwiza bw’Imana. Yagize ati “Ndanashima cyane abantu bose badushyigikiye mu kumva indirimbo zacu, mukazisangiza abandi, kandi mukazakomeza kubana natwe. Imana ibagirire neza. Mbifurije mwese kuba ‘Mu bwiza bw'Imana”.

Incamake ku mateka ya Willy M. Gakunzi washyize hanze Album ya mbere

Willy M. Gakunzi ni umunyarwanda utuye muri Canada, akaba afite abana babiri b’abakobwa (Kayla na Shayna) yabyaranye n’umugore we Gatera Estelle witabye Imana tariki 8 Ugushyingo 2018. Ni umwanditsi w’indirimbo, umuramyi akaba n’umuvugabutumwa. Afite Impamyabumenyi y’icyiciro cya 3 cya Kaminuza mu bijyanye n’Ubukungu, International Economics and Business, yakuye muri Kaminuza ya Utrecht mu Buholandi.

Anafite icyangombwa nk'umuhanga mu gutegura igenamigambi (Functional Business Architect) yakuye mu Ishuri rya CEVORA na Kaminuza ya Antwerp mu Bubiligi. Afite kandi ubunararibonye mu gukorana n'ibigo by'imari mu bice bitandukanye ku Isi. Mu nshingano ze afasha ibi bigo gushaka no gushyiraho uburyo bwo guhangana n'ibyago byatuma bigwa mu gihombo. Yashinze amatsinda yo kuramya no guhimbaza Imana ku Isi ndetse yizerera mu maraso ya Yesu ahindura ubuzima. 

Gakunzi avuga ko ashishikazwa no kubaka ubushobozi bw'abantu by'umwihariko urubyiruko n'abadafite ubushobozi bagahindurirwa imibereho. Ati 'Nizera ko hatitawe ku ho umuntu aba n'ubuzima arimo, iyo ufite uburyo bwo kubona igishoro n'ubumenyi bukwiye, ushobora gukora umushinga wahindura ubuzima bwawe.''

Willy M. Gakunzi ni we washinze umuryango udaharanira inyungu witwa Heart of Worship in Action Foundation. Yatangije uyu muryango ku gitekerezo cy'umugore we witabye Imana, bakaba bari bahuje inzozi zo gusakaza ibikorwa by’urukundo. Uyu muryango we ufite intego yo gushyigikira ibikorwa bitandukanye bigamije guhindura ubuzima bwa benshi binyuze mu kubaka no kongerera ubushobozi abari muri sosiyete runaka.

Ubwo yatangiza uyu muryango mu Rwanda mu gikorwa cyabaye tariki 27 Ukuboza 2019, Willy M. Gakunzi yaragize ati 'Mu by’ukuri turi gushyiraho itafari muri ya ngoro nini ari rwo Rwanda dushaka kubaka cyane cyane twongera ubushobozi mu byiciro Umujyi wa Kigali ufite mu nshingano zawo'. Nyuma yo kuwutangiza ku mugaragaro, yafashije imiryango inyuranye mu mujyi wa Kigali irimo ababyeyi batishoboye yahaye imishani zidoda n’ibindi.

Kuri uyu wa Gatanu Album ‘Mu bwiza bwawe’ iraba iri ku mbuga ikomeye zicuruza umuziki

REBA HANO ‘MU BWIZA BWAWE’ WILLY M. GAKUNZI YITIRIYE ALBUM YE YA MBERE

Ibyo ni ibyatangajwe n’Umuyobozi wa BioNTech, Ugur Sahin, mu nama ivuga ku bijyanye n’ubuzima yari yateguwe na Banki yo muri Amerika ya J.P.Morgan, inama yabaye ku wa Kane tariki 13 Mutarama 2022.

Uwo muyobozi yavuze ko igerageza ry’urwo rukingo 'etude clinique’ rizatangira mu mpera z’uku kwezi kwa Mutarama 2022.

Yagize ati 'Turatekereza ko tuzatangira kugeza urwo rukingo ku isoko muri Werurwe 2022, ubwo ibyangombwa bisabwa bizaba byamaze kuboneka'.

Izo nganda zatangaje ibyo nyuma y’uko itsinda rishinzwe kujya inama mu bya tekiniki ryashyizweho n’Ishami ry’Umuryango w’Abibumbye ryita ku Buzima (WHO), ku wa Kabiri 11 Mutarama 2022, ryavuze ko inkingo za Covid-19, zikeneye kuvugururwa kugira ngo zishobore guhangana na virusi zihinduranyije (variants) nshya nka 'Omicron’.

Itangazo ryasohowe n’inzobere zigenga, ariko ryatanzwe na WHO ku banyamakuru, rigira riti “Ibigize inkingo za Covid-19 zirimo gukoreshwa ubu, bishobora gukenera kuvugururwa, kugira ngo zikomeze gutanga ubwirinzi bw’umubiri butegangwa na 'WHO’, kugira ngo buwufashe mu kuwurinda gufatwa na za virusi zitandukanye harimo na Omicron n’izindi variants zishobora kubaho mu gihe kizaza”.

Muri sitade zirimo kuberaho imikino y’igikombe cya Afurika muri Kameruni, sitade ya Limbe iherereye mu gace kavugwamo umutekano muke, ariko hari izindi ebyiri ari zo Douala na Bafoussam na zo ziri hafi y’ahakunze kuvugwa ibikorwa bihungabanya umutekano

Imikino y’igikombe cya Afurika n’ubwo yatangiye ku Cyumweru tariki 9 Mutarama, hari impungenge z’umutekano cyane cyane mu ntara zo mu Burengerazuba bwa Kameruni aho abashaka kwiyomora ku gihugu batahwemye kugaba ibitero byahitanye benshi mu basivile kuva mu mwaka wa 2017.

Muri uyu mujyi wa Buea hari kubarizwa amakipe y’ibihugu bya Mali, Gambiya, Tuniziya na Moritaniya, biri mu itsinda F, ndetse nk’uko Daily Mail dukesha iyi nkuru ibitangaza, ni uko ibi byatumye ikipe ya Mali idakora imyitozo yateguraga umukino wayihuje na Tunisia.

Umujyi wa Buea uri mu ntera kandi y’isaha imwe umuntu agenda n’imodoka avuye mu mujyi wa Limbe uherereye ku nkengero z’inyanja ya Atlantika aho imikino ibiri yo mu itsinda F yabereye ku wa gatatu hagati ya Mali yatsindaga Tuniziya igitego kimwe kubusa na Moritaniya na Gambiya umukino warangiye Gambiya itsinze kimwe ku busa.

Daily Mail yatangaje ko abantu 2, ari bo baguye muri uko kurasana kw’abahanganye na Leta.

Abarwanyi bavuga ururimi rw’Icyongereza baherereye mu Burengerazuba kuva muri 2017, barashaka gushyiraho igihugu cyabo cyitwa Ambazoniya. Bakitandukanya na Leta igizwe n’abavuga ururimi rw’Igifaransa.

Kuva icyo gihe imirwano hagati y’abashaka kwiyomora ku gihugu n’ingabo za Leta imaze guhitana abantu batari munsi y’ibihumbi bitatu (3,000), ituma abantu bagera ku miliyoni bahunga.