Author: webrwanda

Shyaka yashinze Youtube yitwa 'Ijwi ry'Imfubyi' akajya ayitangiraho ibiganiro biri mu mujyo nk'uw'ibindi bimaze kumenyerwa by'abantu banenga u Rwanda.

Uyu mugabo w'imyaka 30, yari yavuye mu Rwanda atorokeshejwe n'Umunyarwandakazi witwa Eugénie Muhayimana, utuye i New Castle mu Bwongereza, usanzwe akorana na CMI.

Ubusanzwe Shyaka afite umugore n'abana babiri batuye mu Kagari ka Nyamabuye, Umurenge wa Byumba mu Karere ka Gicumbi. Ni naho yavukiye ari naho twamusanze nyuma yo kugaruka mu Rwanda.

Inkuru z'uko yaburiwe irengero ashimuswe zatangiye kuvugwa muri Kamena 2021, zadukanywe n'abarwanya n'abakoresha imbuga nkoranyambaga mu gusebya u Rwanda.

Uko byatangiye…

Muri Mata 2021, Shyaka yakoranye ikiganiro na shene ya YouTube ya 'Umurabyo TV' ya Uwimana Nkusi Agnes unengwa akora ibiganiro bihembera ingengabitekerezo ya Jenoside n'ibindi.

Mu kiganiro na IGIHE, Shyaka yavuze ko yahamagawe bwa mbere na Uwimana amusaba ko bakorana ikiganiro kuri YouTube ariko agezeyo atangira kumubwira ibyo aza kuvuga anamwizeza ubufasha bw'amafaranga.

Ati 'Cyuma Hassan niwe wamuhaye numero yanjye, arampamagara anyizeza ko nidukorana ikiganiro bazamfasha bakampa amafaranga. Yarampamagaye njya hariya muri RMC [i Remera], akambwira ati nutavuga gutya ntacyo ndakumarira, njyaho mvuga uko yambwiye.'

Yakomeje agira ati 'Agnes Uwimana niwe muntu wa mbere wanyigishije kuvuga iby'Abahutu n'Abatutsi. Ntangiye kuvuga nibwo natanze nimero zanjye, abantu batangira kumpamagara banyoherereza amafaranga, abenshi babaga bari mu mahanga.'

Avuga ko nyuma yo gukora icyo kiganiro atongeye gusubira mu kazi yakoraga k'ubwubatsi, ahubwo yatangiye kujya yitaba telefone za buri munsi z'abantu batandukanye barimo abamwizeza kumufasha n'abamuha amafaranga.

Mu bamwoherereje amafaranga harimo na Eugénie Muhayimana wamuhamagaye amubwira ko yabonye ikiganiro cye akumva ashaka kumufasha ndetse muri icyo gihe yahise amwoherereza ama- pounds 50 [agera ku bihumbi 70Frw].

Shyaka ati 'Yarampamagaye [Eugénie Muhayimana], nk'uko abandi bari bamaze iminsi bampamagara, ambwira ko yakunze ikiganiro nakoze, bityo ashaka kumpa amafaranga, ubwo anyoherereza ama-pounds 50 ayanyujije kuri konti y'umugore wanjye iri muri BK.'

Muhayimana yakomeje kujya amuvugisha umunsi ku munsi kugeza n'ubwo yamusabye ko yazamwubakira inzu muri Kigali.

Shyaka ati 'Yakomeje kujya amba hafi akampamagara kenshi ku buryo buri munsi twavuganaga amasaha menshi, ambwira amateka ye, ndetse biza kugera n'ubwo ansaba ko namuhuza na mukuru wanjye ndetse n'umugore wanjye, ndabahuza muha nimero za telefone zabo bakajya bavugana.'

Avuga ko igihe cyaje kugera Muhayimana amugira inama yo gufungura YouTube Channel akajya ashyiraho indirimbo n'ibiganiro bivuganira 'abababaye'.

Ati 'Kuva ubwo nafunguye YouTube Channel nyita 'Ijwi ry'Imfubyi' ntangira kujya nyuzaho ibiganiro. Ubwo telefone nari mfite yari nto ariko nyuma ayo mafaranga abantu banyoherezaga hari uwampaye ibihumbi 100 Frw mpita nongeraho andi ngura telefone nziza ari nayo nifashishaga mfata ibiganiro nkabishyira kuri YouTube.'

Uko umugambi wo gutoroka wacuzwe

Muhayimana Eugénie yakomeje kujya ahamagara Shyaka umunsi ku munsi, ariko mu biganiro bagiranaga agakunda kumubwira ko mu Rwanda bazamugirira nabi, bakamushimuta.

Shyaka ati 'Yakundaga kumbwira ngo bazagushimuta, bazakwica, cyangwa bagufunge. Ibi ariko hari n'abandi bantu bajyaga banyandikira bari hanze, harimo n'abangaga kumbwira amazina yabo.”

Yakomeje agira ati 'Hagati ya tariki 1 na 25 Kamena [Muhayimana] yatangiye kumbwira ko ngomba guhunga nkava mu gihugu kuko bagiye kunyica, ariko ubwo namubazaga uko nzahunga akambwira ko azaza tugasezerana ubundi akanjyana mu Bwongereza.'

Shyaka avuga ko yaje guhakanira uwo mugore yabonaga ko akuze, ibyo byanze, hakurikiraho umugambi wo kumufasha gutoroka akajya mu gihugu cyo mu Karere ka Afurika y'Uburasirazuba.

Muhayimana yatangiye kubwira Shyaka ko agomba gushaka uruhushya rw'inzira, ariko aza gutinda kurubona ari nabwo yatangiye kumubwira ko agiye kumufasha gutoroka vuba kugira ngo atazashimutwa.

Shyaka ati 'Yarambwiraga ati ' wowe ntugire ikibazo' hari abantu benshi dufasha kwambuka bakagenda bakajya muri Uganda. Aho kugira ngo ugume aho bagushimute, wowe umbwira mbigufashemo ugende.'

Yakomeje agira ati 'Yageze ubwo ambwira ngo nitegure nzagende ngere i Musanze, ubundi bamfashe kwambuka njya muri Uganda.'

Ni ibintu Shyaka yabwiye umugore we, ariko umugore aramwangira amubwira ko ahubwo bazajya i Gatuna akaba ariho banyura.

Byageze ku wa 22 Kanama 2021, Shyaka wari uri i Kigali [icyo gihe abana be bari bari kwa Nyirakuru wabo, ubwo ni Mama wa Shyaka], yafashe umugore we berekeza i Gicumbi bakomeza ku mupaka wa Gatuna.

Shyaka ati 'Twageze i Gatuna njye nari mfite indangamuntu ariko umugore wanjye ntayo yari afite, ni nabwo abakozi bashinzwe umupaka bamufashe njyewe mpita mbacika ndaza ndara i Byumba mu gitondo cya kare mbyuka njya i Musanze nk'uko Muhayimana yari yabimbwiye.'

Yakomeje agira ati 'Nageze i Musanze mpasanga umumotari ahita anshyira kuri moto turagenda tugera ahantu nanjye ntazi.

'Aranjyana ntabwo nari nzi aho njya, namuhaye 5000 Frw, angarurira 1000 Frw, aranjyana anshyikiriza umugabo muremure wirabura, nawe aranjyana ampa abandi bana babiri bafite hagati y'imyaka 14 na 16, barambwira bati bakurikire. Turiruka, duca mu rutoki rwinshi, duca mu makaro turakomeza turagenda kure.'

Icyo gihe ariko ngo Shyaka yari yahawe nimero ya telefone y'umugore uri i Kampala ari nawe yagombaga kujya kureba nk'uko Muhayimana yari yabimubwiye.

Shyaka avuga ko abo bana bamujyanye neza bamugeza ahantu bahuriye n'abandi bantu bafite forode za kanyanga n'imyenda, abo bahise bamubwira ko yahageze.

Ati 'Uwo nahuye nawe yaranjyanye angeza iwe anjyana mu Mujyi wa Kisoro, ubwo menya ko nageze muri Uganda.'

Uyu mugabo yavuye imuzi umugambi wose watumye atoroka igihugu

Uko yaje kwisanga muri CMI

Kuva i Musanze, Shyaka yagiye aherekekanywa n'abantu batandukanye, umwe amugeza ahantu akahasanga abandi bagomba kumugeza ahandi kurinda ageze mu nkuta z'inyubako z'Urwego rushinzwe Ubutasi bwa Gisirikare muri Uganda [CMI].

Ubwo yageraga mu Mujyi wa Kisoro, yakiriwe n'umuntu witwa 'Boy' aramujyana amugeza mu rugo rurimo abantu benshi, bavuga ikinyarwanda.

Ati 'Boy ubanza ariko kazi akora kuko yari afite abantu benshi, arabanza atwara aba mbere nanjye nza kugerwaho, arantwara angeza kuri sitasiyo ya Polisi mu Mujyi wa Kisoro.'

Yakomeje agira ati 'Nageze aho ntangira guhamagara Muhayimana Eugénie, mubwira ko ntangiye kugira ikibazo. Ariko yahise avugana n'abo bantu twari turi kumwe bantwaye, barankomezanya bangeza ahantu hitwa Kyabira.'

Ku rundi ruhande ariko, ngo Muhayimana Eugénie yari yategetse Shyaka ko aho azajya agera hose agomba kuvuga ko ari mushiki we.

Shyaka avuga aho Kyabira yababwiye ko yaje ahunze u Rwanda kuko bashakaga kumugirira nabi kubera ibiganiro yanyuzaga kuri YouTube.

Ku wa 23 Kamena 2021, nibwo yatwawe ajyanwa kuri sitasiyo ya Polisi ya Kisoro, araharara bukeye aza kuhavanwa yerekezwa ahandi hantu.

Kuva Kisoro yari atwawe mu modoka imeze nka 'Pandagari', agenda aherekejwe n'abasirikare babiri barimo n'uwari ufite ipeti rya Captain.

Avuga ko yakoze urugendo rungana n'amasaha agera kuri abiri, mu ijoro ry'igicuku, aho bamushyize mu kigo cya gisirikare atabashije kumenya izina ryacyo.

Ati 'Baranjyanye bangejeyo nkumva barimo kuvuga mu cyongereza ko bamaze kumpererekanya, ariko hari harimo umukobwa w'umusirikare akajya ambaza niba ndi umunyamakuru cyangwa ndi intasi.'

Yakomeje agira ati 'Ubwo abari banzanye bansize aho, mpita njya mu modoka yindi abandi baranjyana bangeza mu kindi kigo kirimo abantu benshi bafunze, bigaragara ko harimo n'Abanyarwanda, noneho uwangejejeyo yahise abwira abandi basirikare twahasanze ko ntari 'Umunyabyaha'.'

Avuga ko abari bamujyanye baje kumusiga muri icyo kigo, asigara afungiye mu cyumba gito cyahozemo ubwiherero.

Ati 'Aho nibuka nanyuze ni ku muhanda wa Makerere, nanyuze kuri Kaminuza ya Makerere, barantwara bangeza muri icyo kigo mbona abantu benshi baryamye. Mpageze baravuga ngo uyu muntu ntabwo ari umunyabyaha.'

Yakomeje agira ati 'Bahise bamfata banshyira mu cyumba gito cyane cy'ahantu hahoze ubwiherero, ubwo bahise banzanira na matelas ndaryama, ariko abanzanye bari bagiye. Bukeye banzaniye igikoma, saa sita banzanira akawunga ndetse na nimugoroba.'

Nyuma y'iminsi itatu aba muri icyo cyumba, haje kuza umusirikare aramufungurira aramusohora amujyana mu nyubako hejuru bamushyira umusirikare witwa Captain Habyarimana John.

Ati 'Mu gihe cyose nari maze ndi aho hantu, niwe muntu wa mbere nari numvise uvuga Ikinyarwanda.Ubwo namugeze imbere, arambwira ati waje hano, bampaye dosiye yawe, ambaza uko naje hano [….] ubwo ntangira inkuru y'uko nari mbayeho mu Rwanda, uko nahavuye n'ibindi byose.'

Shyaka avuga ko nyuma y'ibyumweru bibiri batangiye kumuzanira telefone akavugana na Muhayimana, gusa ngo icyo gihe telefone ye bari barayisibyemo ibintu byose hasigayemo nimero ya Muhayimana yonyine.

Ati 'Ubwo Muhayimana yatangiye kumbwira ko uwo mugabo [Captain Habyarimana John] yamuhaye amafaranga ko azamfunga neza ndetse ko nta kindi kibazo nzagira.'

Ibiro bya Minisitiri w’Intebe muri Uganda, byahaye icyemezo cy’ubuhunzi Shyaka Gilbert, ntabwo yigeze agisaba ahubwo byose byakozwe na Muhayimana Eugenie uba mu Bwongereza

Minisitiri w'Intebe yamuhaye ibyangombwa by'ubuhunzi

Ubwo IGIHE yasuraga Shyaka Gilbert mu rugo rwe i Gicumbi, kuri uyu wa Kane tariki 13 Mutarama 2022, yatweretse ibyangombwa by'ubuhunzi yahawe n'Ibiro bya Minisitiri w'Intebe wa Uganda.

Avuga ko nyuma yo kumara iminsi 68 [kuva avuye mu Rwanda kugeza 29 Ukwakira 2021], yagiye akoreshwa ibazwa mu bihe bitandukanye, Captain Habyarimana akamubaza iby'uko yahunze u Rwanda n'ibindi. Byaje kugera aho abona abantu baje kumutwara abona bamugejeje ahitwa kuri OPM [Office of the Prime Minister].

Gusa ubwo yageraga ku Biro bya Minisitiri w'Intebe ntabwo yongeye gusubizwa muri ya nyubako ya CMI, ahubwo yaje kujyanwa kurara muri 'Lodge'.

Ati 'Ubwo baramfashe baransohora, banshyira mu modoka ndinzwe n'abasirikare babiri bafite imbunda nto, turagenda tugera kuri OPM, bamfata ibikumwe na sinya bambaza n'andi makuru yanjye yose.'

'Uko kunkura muri CMI bakanjyana muri OPM gufata icyo cyemezo cy'impunzi ni Muhayimana wabipangaga sinzi uko byagendaga. Njyewe nabonye ngenda mfata icyemezo gusa byose byabaga byarateguwe.'

Yakomeje agira ati 'Ubwo ariko ntabwo nongeye gusubira muri CMI kuko bahise banyereka uwitwa Major John Nawamanya. Ubwo yaramfashe anjyana muri Lodge ntabwo nongeye gusubira muri CMI.'

Shyaka avuga ko kuva icyo gihe yahise asubizwa telefone ye, ahabwa icyangombwa cy'usaba ubuhunzi, gitangwa na Minisitiri w'Intebe, atangira kujya akigenderaho.

Muri icyo gihe akimara gufata telefone nibwo yatangiye kubona abantu bamuhamagara, barimo Matata Joseph, Freeman Bikorwa n'abandi bamusabaga gukora ibiganiro asebya u Rwanda.

Ati 'Muhayimana ubwo yatangiye kumbwira ati ngaho rero genda uvuge ibyo wari waratinye kuvuga ukiri mu Rwanda. Ibyangombwa urabifite, ugiye kugenda ubane n'abana bawe ariko nawe ujye uravuga ibyo ushaka wibereye aho muri Uganda.'

Ibi ariko byabaga, ari nako Muhayimana yari yaramaze gutorokesha abana ba Shyaka, baravuye mu Rwanda baramaze kugera muri Uganda ndetse icyo gihe bahise bamujyana aho abana be bari ari nabwo yahise atangira gushaka uko ataha.

Ayo mafaranga atangwa binyuze muri Caritas ya Diyoseze ya Butare muri gahunda yayo yo gufasha abatishoboye no gushyigikira uburezi mu Rwanda.

Umuyobozi wa Caritas ya Diyoseze ya Butare, Padiri Gilbert Kwitonda, yabigaragaje kuri uyu wa Kane tariki ya 13 Mutarama 2022 ubwo abayobozi b'ibigo by'amashuri gatolika muri iyo Diyoseze bahuriraga mu nama igamije gutegura icyumweru ngarukamwaka cy'uburezi.

Yagize ati 'Mu byo twakoze uyu mwaka muri ibi bihembwe bibiri twatanze amafaranga miliyoni 129,6 Frw afasha abana 2,876 bo mu mashuri biga bataha, kugira ngo babone ifunguro rya saa Sita.'

Yavuze ko ubusanzwe bafashaga abanyeshuri biga bacumbika mu bigo ariko kuva aho Leta ishyizeho gahunda yo kugaburira abana biga bataha bagafatira ifunguro rya saa Sita ku ishuri, nabo basanze ari ngombwa kujya muri uwo murongo 'Kuko hari abana benshi batabona ifunguro bigatuma batiga neza.'

Musenyeri wa Diyoseze ya Butare, Philippe Rukamba, yavuze ko gahunda ya 'School Feeding' igomba gushyigikirwa, bityo asaba ko Abakirisitu bose gutanga umusanzu wabo kugira ngo bigerweho 100%.

Ati 'Ndagira ngo nsabe Abakirisitu bose biturutse muri paruwasi kumva ko bagomba gutuma abana biga mu ishuri ryo kuri paruwasi yabo bose barya, kumvisha abantu wenda ko n'abo bana bose basangira.'

Musenyeri Rukamba yavuze ko kuba ku mashuri amwe hari abana barya abandi ntibarye, ari ibintu bibi kuko bituma bamwe muri bo biga bababaye ku mutima.

Nkezumuremyi Thadee uyobora G.S St Laurent mu Karere ka Nyaruguru, yavuze ko ubwo baheruka kubarura, basanze ishuri riri imbere mu gutanga amafaranga ya School Feeding rigeze kuri 25% naho andi ari kuri 10%.

Ati 'Caritas yaradufashije cyane kuko hari abana usanga baturuka mu miryango ikennye, abo nibo bafashijwe kuri ubu bakaba babasha kurya neza nta kibazo.'

Umuyobozi w'Akarere ka Huye, Ange Sebutege, yashimye ubufasha Diyosezi ya Butare itanga kugira ngo abanyeshuri bose babashe gusangira, asaba n'ababyeyi kubigiramo uruhare.

Ati 'Ni uruhare rwiza kandi dushima kuko ni ugufasha ba bana batishoboye, ariko mu buryo burambye ababyeyi babigizemo uruhare ni bwo gahunda yagerwaho 100% kandi bigakorwa mu buryo butavunanye.'

Mu bihembwe bibiri by'umwaka w'amashuri wa 2021/22 hafashijwe n'abana batishoboye biga mu bigo by'amashuri bibacumbikira aho muri Diyoseze ya Butare hamaze gufashwa abagera kuri 469 batangirwa asaga miliyoni 75 Frw.

Abiga muri kaminuza batishoboye bafashijwe muri uyu mwaka bagera kuri 29 batangiwe asaga miliyoni 12 Frw.

Mu gutoranya abagomba gufashwa, habaho imikoranire hagati y'ubuyobozi bw'inzego z'ibanze na za paruwasi za Kiliziya Gatolika.

Abitabiriye inama bahawe umwanya batanga ibitekerezo

Bamwe mu bayobozi b’ibigo by’amashuri bya Kiliziya Gatolika muri Diyoseze ya Butare bavuze ko inkunga yatanzwe na Caritas yafashije cyane abana bakomoka mu miryango itishoboye

Biyemeje ko bagiye gukomeza guteza imbere uburezi mu Rwanda

Hagaragajwe ko mu bihembwe bibiri by’uyu mwaka hafashijwe n’abana batishoboye biga mu bigo by’amashuri bibacumbikira aho muri Diyoseze ya Butare hamaze gufashwa abagera kuri 469 batangirwa asaga miliyoni 75 Frw

Kuri uyu wa Kane abayobozi b’ibigo by’amashuri gatolika muri diyoseze ya Butare bahuriye mu nama igamije gutegura icyumweru ngarukamwaka cy’uburezi

Musenyeri wa Diyoseze ya Butare Philippe Rukamba yavuze ko gahunda ya School Feeding igomba gushyigikirwa bityo asaba ko Abakirisitu bose gutanga umusanzu wabo kugira ngo bigerweho 100

Padiri Habanabashaka Jean de Dieu ushinzwe amashuri gatolika muri Diyoseze ya Butare

Umuyobozi w’Akarere ka Huye Ange Sebutege yashimye ubufasha Diyosezi ya Butare itanga kugira ngo abanyeshuri bose babashe gusangira asaba n’ababyeyi ko na bo bakwiye kubigiramo uruhare

Umuyobozi wa Caritas ya Diyoseze ya Butare Padiri Gilbert Kwitonda yavuze ko mu bihembwe bibiri gusabamaze gutangira abanyeshuri batishoboye miliyoni 129 Frw ya School Feeding

Igihembwe cya kabiri cy'amashuri cyatangiye tariki ya 10 Mutarama 2022, hamwe na hamwe hagiye hagaragara imbogamizi zatewe n'icyorezo cya Covid-19, bigendanye n’ingamba zo kuyirinda ndetse no kuba hari ibikoresho bidahagije cyangwa imibereho y'abana bahiga.

Mu rwego rwo kureba uko ibibigo byatangiye no guhanura abana bahiga ndetse no kumenya ingorane ubuyobozi bw'aya mashuri bwahuye nazo, harimo no kurebera hamwe imyiteguro y'abana muri iki gihembwe cya kabiri, umunyamabanga wa Leta muri Minisiteri ushinzwe amashuri abanza n’ayisumbuye, Gaspard Twagirayezu, Umuyobozi wa REB Mbarushimana Nelson n'ubuyobozi bw'Akarere ka Gasabo bwasuye ibigo bibiri byo muri Gasabo harebwa uko igihembwe cya kabiri cyatangiye.

Mu kugera kuri aya mashuri aherereye mu Murenge wa Kinyinya ho mu Karere ka Gasabo, aba bayobozi bari bayasuye basobanuriwe byimbitse ku itangira ry'amashuri muri ibi bigo byombi, babwirwa uko itangira ryagenze, imbogamizi zabonetsemo muri rusange,….Muri uru ruzinduko kandi umuyobozi wa REB, yaganiriye n'abanyeshuri ubwabo abaha impanuro zijyanye no kwiga neza no gukomeza kwirinda icyorezo cya Covid-19.

Abakobwa bamaze iminsi biyandikisha mu rugendo rwo gushakisha umwe muri bo uzasimbura Ingabire Grace wabaye Miss Rwanda 2021.

Umukobwa uzegukana ikamba rya Miss Rwanda 2022 azahabwa imodoka ifite agaciro k'arenga miliyoni 20 Frw.

Ingengabihe y'iri rushanwa igaragaza ko habura iminsi 16 kugira ngo ritangire ku mugaragaro, aho amajonjora (Auditions) azahera mu Ntara y'Amajyaruguru ku wa 29 Mutarama 2022.

Kwiyandikisha muri Miss Rwanda birangirana n'aho amajonjora yabereye. Mu Burengerazuba amajonjora azaba tariki ya 30 Mutarama 2022, ku wa 5 Gashyantare 2022 amajonjora azabera mu Majyepfo, ku wa 6 Gashyantare 2022 azabera mu Burasirazuba n'aho ku wa 12 Gashyantare 2022 azabera muri Kigali.

Urugendo rwo gushakisha abakobwa bazajya mu mwiherero (Pre-Selection) ruzaba tariki ya 26 Gashyantare 2022, ni mu gihe ku wa 19 Werurwe 2022 ari bwo hazamenyakana Nyampinga w’u Rwanda 2022.

Mu gihe habura iminsi mbarwa iri rushanwa rigatangira, Miss Rwanda Organization iherutse gusohora itangazo rimenyesha 'ibigo by'itangazamakuru n'abanyamakuru bifuza gukurikira no kugeza amakuru y'ibikorwa bya Miss Rwanda 2022 ku babakurikira, kwiyandikisha.'

Kwiyandikisha bikorerwa ku rubuga rwo kuri interineti rwa Miss Rwanda (www.missrwanda.rw). Uwiyandikisha asabwa imyirondoro ye yuzuye ndetse n'ibyangombwa bimuranga mu kazi akora k'itangazamakuru.

Abakobwa 10 ba mbere muri Miss Rwanda bazafashwa na Kaminuza ya Kigali gukomeza ibyiciro by'amashuri bari bagezemo. Ikindi ni uko buri mukobwa azahabwa 20% by'amafaranga azinjiza mu matora yo kuri internet no kuri SMS.

Aya mafaranga bazayahabwa kugira ngo babashe gushyira mu bikorwa imishinga yabo. Kompanyi ya Forzza izatera inkunga igikorwa cy'urukundo abakobwa bazahatana muri Miss Rwanda 2022 bazahitamo gukorera Abanyarwanda bo mu cyiciro runaka.

Umukobwa uzagaragaza umushinga mu gufasha abantu kumenya ibyerekeye ubuzima bw'imyororokere azaterwa inkunga na HDI Rwanda.

Imiterere y'ibihembo muri Miss Rwanda:

1.Uzegukana ikamba rya Miss Rwanda 2022

– Azahabwa imodoka nshya yo mu bwoko bwa Hyundai bwitwa Hyundai Venue ya Hyundai Creta 2021 izatangwa na Hyundai Rwanda.

– Buri kwezi azajya ahembwa ibihumbi 800 Frw azatangwa na Miss Rwanda Organization. Ni ukuvuga ko mu mwaka azamarana ikamba azahabwa 9.600.000 Frw.

-Azahabwa Bourse yo kwiga muri Kaminuza ya Kigali

-Umushinga we uzaterwa inkunga na Africa Improved Food. Ni mu rwego rwo gushimangira ubwiza bufite intego, aho umukobwa afasha mu guhindura sosiyete.

-Azahabwa Lisansi umwaka wose izatangwa na Merez Petroleum.

– Internet y'umwaka wose azahabwa na KOPA Telecom mu gihe cy'umwaka.

– Gutunganyirizwa umusatsi mu gihe cy'umwaka bizakorwa na Keza Salon.

-Gusigwa ibirungo by'ubwiza (Make up) bizakorwa na Celine d'Or mu gihe cy'umwaka wose.

– Yemerewe kuba mu mpera z'icyumweru we n'umuryango batemberera muri Golden Tulip La Palisse i Nyamata mu gihe cy'umwaka wose.

-Afite ofise (office) y'ubuntu yo gukoreramo kwa Makuza Peace Plaza muri Kigali.

-Mu gihe cy'umwaka umwe azambikwa na Ian Collection.

-Gukoresha ubugenzuzi bw'amenyo ye mu gihe cy'umwaka umwe abifashijwemo na Diamond Smile Dental Clinic.

2.Igisonga cya Mbere cya Miss Rwanda 2022:

-Azahembwa 2.400.000 Frw azatangwa na Bella Flowers.

-Bourse na Kaminuza ya Kigali.

-Yemerewe kuba mu minsi y'impera z'icyumweru yajya asohokera muri Golden Tulip La Palisse i Nyamata mu gihe cy'amezi atandatu.

-Mu gihe cy'umwaka umwe yemerewe gusuzumisha amenyo ye abifashijwemo na Diamond Smile Dental Clinic.

3.Igisonga cya Kabiri cya Miss Rwanda 2022:

-Azahembwa 2.400.000 Frw azatangwa na Volcano Express ndetse azaba Ambasaderi wabo.

-Azahabwa Buruse na Kaminuza ya Kigali.

-Yemererwe kuba mu mpera z'icyumweru yasohokera muri Golden Tulip La Palisse i Nyamata mu gihe cy'amezi atatu.

-Gusuzumisha amenyo ye abifashijwemo Diamond Smile Dental Clinic.

4.Umushinga urimo agashya (Most Innovative Project):

-Azahabwa 500.000 Frw buri kwezi bingana na 6.000.000 Frw mu gihe cy'umwaka. Azatangwa na Banki ya Kigali kandi azaba Ambasaderi wabo.

-Umushinga we uzakurikiranwa anahabwe n'ubufasha mu by'imari na Banki ya Kigali binyuze muri gahunda yabo bise Inkomoko.

-Buruse yo kwiga muri Kaminuza ya Kigali.

5.Nyampinga w'umurage (Miss Heritage).

-Azahembwa 5,000, 000 Frw azatangwa na BRALIRWA binyuze muri Primus ndetse bazamufasha gushyira mu bikorwa umushinga we wo guteza imbere umuco.

-Buruse ya Kaminuza ya Kigali.

6.Nyampinga wagize igikundiro kurusha abandi (Miss Popularity)

-Azahabwa 2, 400, 000 Frw azatangwa na FORZZA.

-Buruse yo kwiga muri Kaminuza ya Kigali.

7.Miss Congeniality (uwabanye neza na bagenzi be).

-Azahembwa 2, 400, 000 Frw azatangwa na Merez Petroleum.

-Buruse ya Kaminuza ya Kigali.

8.Miss Photogenic (Umukobwa uberwa n'amafoto).

-Azahabwa 2, 400, 000 Frw azatangwa na Diamond Smile Dental Clinic.

-Buruse yo kwiga muri Kaminuza ya Kigali.

9.Talent Winner (Umukobwa wagaragaje impano yihariye).

-Azahabwa 2, 400, 000 Frw azatangwa na IGIHE Ltd.

-Buruse yo kwiga muri kaminuza ya Kigali.

10.Umukobwa wahize abandi mu gukora siporo (Sports Winners).

-Azahabwa 2, 400, 000 Frw azatangwa na Smart Design.

-Buruse ya Kaminuza ya Kigali.

Ingabire Grace wegukanye igihembo cya Miss Rwanda 2021 ahigitse abandi 19 aritegura gutanga ikamba

Miss Rwanda 2022 azahembwa ivatiri nshya yo mu bwoko bwa Hyundai bwitwa Hyundai Venue

Abantu bane ari bo umugore, abagabo 2 n’umuhungu bitabye Imana, buzuza umubare w’abantu 1395 bamaze kwitaba Imana mu Rwanda bazize Covid-19.

Iyi myigaragambo yabereye mu mujyi rwagati munsi y'aho bategera imodoka, yakozwe n'abamotari ubwabo, aho bari bateraniye bose bavuga ko badashobora kwemera ‘Mubazi’ kuko ngo nta nyungu bayibonamo. Aba bamotari bakoraga iyi myigaragambyo bavuza amahoni, abandi bagatwara moto bazihagazeho bihuta cyane berekana ko bababajwe n'ibyemezo bibafatirwa, abandi bafunga imihanda.

Mu kiganiro na InyaRwanda.com, bamwe mu bamotari batifuje gutangazwa amazina bari muri iyo myigaragambyo, bavuze ko kwigaragambya byari bikwiye kugira ngo berekane ko bababaye. Umwe muri bo yagize ati: ''Oya ntabwo byemewe kuko ‘Mubazi’ mubona ntabwo zitworoheye, baradufata ubutitsa kandi ntacyo twakoreye. Ikindi abagenzi nabo ntabwo bazikunda rero badufasha bakazikuraho”.

Abandi kandi baganiriye na InyaRwanda nabo bahurizaga ku kuba izi ‘Mubazi’ zigifite ibibazo byo gukemura kuko mu bihe bitandukanye barabyuka bagasanga zapfuye ndetse hari igihe batwara umugenzi amafaranga zibabariye ugasanga ntangana n'urugendo.

Nyuma yo kumva ibyo bibazo by'abamotari ndetse cyane cyane bitewe n'uko hari aho byari bihuriye n'umutekano wo mu muhanda, InyaRwanda yaganiriye n’Umuvugizi wa Polisi ishami rishinzwe umutekano wo mu muhanda, SSP Irere René wadutangarije byinshi birimo n’ibyo abamotari bari bakwiye gukora n'ibyo batari gukora.

Uyu muyobozi kandi yavuze ko ‘Mubazi’ atari bwo bwa mbere ikoreshejwe, ndetse no kuba zaragiyeho ari uko byizweho n'inzego zibishinzwe ndetse ko hagishijwe inama abafatanyabikorwa ndetse n'abagenerwabikorwa. Yagize ati:

‘Mubazi’ ntabwo ari bwo bwa mbere ikoreshejwe kuko hashize igihe ikoreshwa, bishobora kuba harageze igihe kubera impamvu zitandukanye zituma zidakora uko bikwiye ariko ntabwo byaba byumvikana uburyo umuntu yavuga ko atayishaka ubungubu atarayihakanye muri kiriya gihe, icyo ni icya mbere. Icya kabiri kuba zaragiyeho ni uko byizweho n'inzego zibishinzwe bakagisha inama abafatanyabikorwa ndetse n'abagenerwabikorwa ‘Mubazi’ zigatangira gukora.

Umuvugizi wa Polisi ishami rishinzwe umutekano wo mu muhanda, SSP Irere Rene

Yakomeje agira ati: “Muri iki gitondo rero koko twabonye abamotari mu muhanda, wavuze y’uko byasaga n'imyigaragambyo ariko mu by’ukuri ntabwo buriya buryo ari bwo bagakwiye guhitamo gukemurirwa ibibazo niba banabufite kuko bafite amakoperative babarirwamo, bafite impuzamakoperative ndetse bafite n'ikigo kibishinzwe by'umwihariko gishinzwe amakoperative.

Ubwo rero baramutse bafite ikibazo ni muri izo nzego bakagombye kubicishamo kugera kuri Minisiteri ibishinzwe, twebwe kugeza ejo ikibazo twari tuzi ni uko hari ‘Mubazi’ zishobora kuba zifite ibibazo cyane cyane ziriya zatanzwe kera, zikaba zari zaravuye ku murongo ku buryo kuza activating-a ari ikintu cyoroshye bisaba y’uko uwatanze iyo serivisi abyinjiramo neza akavugana n'abashinzwe terekominikasiyo neza nyuma izo mubazi zikongera zigasubira ku murongo”.

Ati “Ibyo rero ni byo bibazo byari bizwi kandi birimo byigwaho guhera ejo ndetse byanakomeje uyu munsi ku buryo mbona buriya buryo atari bwo buryo bunoze bwo kumvikanisha ikibazo bafite, bakagombye guca mu nzego zibishinzwe, mu nzego zibareberera ikibazo kikabonerwa igisubizo”.

Abamotari bari bigabije imihanda

“>