Author: webrwanda

Uyu mukino wa nyuma wabereye kuri Sitade ya King Fahd International, usifurwa na Cesar Soto Grado. Abakinnyi Real Madrid yabanje mu kibuga: Courtois, Vazquez, Militao, Alaba, Mendy, Casemiro, Kroos, Modric, Rodrygo, Vinicius, Benzema.

Real Madrid yakinaga umukino wa nyuma nyuma y’umukino wa 1/2 yatsinzemo ibitego 3-2, naho Athletic club ikaba yari yatsinze Atletico Madrid.

Luka Modric yafunguye amazamu

  Abakinnyi Athletic club yabanje mu kibuga:

Simon, De Marcos, Yeray, Iñigo, Balenziaga, Vespa, Dani Garcia, Nico Williams, Muniain, Raul Garcia, Williams.

Real Madrid yatangiye umukino iri hejuru, ariko Unai Simon akomeza kuba ibamba akuramo imikino yari yabazwe. Ku munota wa 38, Luke Modric yaje gufungura amazamu, ndetse igice cya mbere kirangira Real Madrid iyoboye umukino.

Benzema yatsinze igitego cya kabiri

Mu gice cya kabiri Real Madrid yagarukanye imbaraga nk’iza mbere, kuko ku munota wa 52 Karim Benzema yaje gutsinda igitego cya kabiri kuri penariti.

Ku munota wa 87 Eder Militao yabonye ikarita itukura, byanatumye Real Madrid isoza umukino ifite abakinnyi 10. Iki gikombe kiruta ibindi, kibaye igikombe cya mbere Real Madrid yegukanye uyu mwaka.

Uyu mugabo weguriye ubuzima bwe Yesu Kristo, amaze igihe kinini ahuza inshingano zo gukorera Imana binyuze mu muziki uramya no kugaburira ubwoko bwayo ijambo ryayo binyuze mu byanditswe Bitagatifu.

Emmanuel ufite impamyabumenyi y'icyiciro cya Gatatu cya Kaminuza [Master's Degree], yavuye mu Rwanda mu 2009 yerekeza mu gihugu cya Kenya aho yavuye mu 2016 ahita ajya gutura muri Leta Zunze Ubumwe za Amerika.

Ni urugendo avuga ko rutari rworoshye, ariko kandi rwamusigiye amasomo yubakiyeho ubuzima bwe.

Uyu mugabo ari mu Rwanda aho yaje gukora ibikorwa birimo kuhakorera indirimbo ye ya mbere nyuma y'imyaka 12 atahabarizwa, kureba uko yatangiza ishami ry'itorero 'House of Grace' no gushinga ibitaro byegamiye kuri iri torero n'ibindi.

Muri iki gihe ari mu Rwanda, yahakoreye indirimbo 'Hashima' yakoranye na Gisubizo Ministries yamenyekanye cyane mu ndirimbo zirimo 'Amfitiye byinshi', 'Mana uriho', 'Ndaguhetse ku mugongo', 'Narababariwe' n'izindi.

Pasiteri Emmanuel yabwiye INYARWANDA ko akimara kugaruka mu Rwanda,  yatekereje kuhakorera indirimbo ariko ayikoranye n'abahanzi bakorera umuziki mu Rwanda.

Avuga ko mbere y'uko aza i Kigali yakurikiranaga umuziki, ku buryo yari azi neza abahanzi bari gukora kandi bakunzwe bashobora gukorana. Avuga ko itsinda rya Gisubizo Ministries bakoranye, abakundira uburyo baramya Imana mu buryo bwihariye.

Ati 'Nabonye ari byiza ko nkorana n'itsinda ryo mu Rwanda mpitamo gukorana na Gisubizo nk'itsinda nkunda, ariko kandi nizeye neza ko bazamfasha gutambutsa ubutumwa bwiza bw'Imana.'

Emmanuel uri kwigira impamyabumenyi y'ikirenga [PHD] muri Amerika, avuga ko yanditse iyi ndirimbo nyuma yo gusubiza inyuma amaso akareba intambwe Imana yamuteresheje mu buzima bwe.

Ni indirimbo avuga ko yujuje amashimwe ye ku Mana, yumvikanisha ko Imana yakoze ibikomeye mu buzima bwe. Ati 'Mu kuyandika nibukijwe byinshi na Mwukawera yankoreye mu buryo nabivugamo mbikubira muri iyi ndirimbo.'

Mu buryo bw'amashusho iyi ndirimbo yakozwe na Producer Fleury Legend, ni mu gihe amajwi yakozwe na Boris.

Uyu mugabo wakiriye agakiza mu 2001, avuga ko yinjiye mu muziki ashaka kuziba icyuho cy'abaririmbyi ba Korali Impuhwe yo ku Gisenyi baririmbanaga bakoreye impanuka mu Karere ka Kamonyi, hakitaba Imana abantu 18.

Emmanuel uzwi mu ndirimbo zirimo 'Amavi', avuga ko imyaka 12 ishize ari mu mahanga 'ari ishuri'. Akavuga ko kuva mu Rwanda akajya mu mahanga yize byinshi birimo imico y'ibihugu bitandukanye, kubana n'abantu, ubuzima n'ibindi.

Pastor Emmanuel A. Ganza na Gisubizo Ministries mu ifatwa ry'amashusho bakoranye bise “Heshima”
Emmanuel [Uri imbere wambaye ikote ry’ubururu bwerurutse] na Gisubizo bakoze indirimbo iri mu rurumi rw'Ikinyarwanda n'Igiswahili mu rwego rwagura imbibi z'umuziki 

Emmanuel avuga ko mu gihe cy'imyaka 12 yari ishize atagera mu Rwanda ayifitemo igikomere, kuko Se umubyara yitabye Imana abura uko aza kumushyingura bitewe n'ingamba zo kwirinda Covid-19

KANDA HANO UREBE AMASHUSHO Y'INDIRIMBO 'HESHIMA' YA PASTOR EMMANUEL NA GISUBIZO MINISTRIES

“>

Ibrahim Boubakar Keita yabonye izuba kuwa 29 Mutarama 1945, yitabye Imana kuwa 16 Mutarama 2022 afite imyaka ikabakaba 76. Ni umwe mu banyapolitike bafite izina rikomeye muri Mali na Afurika muri rusange.

Yabaye Perezida wa Mali hagati ya 2013 kugera 2020, mbere y'uko akorerwa Coup d'Etat. 

Keita yavukiye mu gace ka Koutiala mu cyahoze ari French Sudan. Yize amashuri ye muri Lycee Janson de Sailly i Paris mu Bufaransa, ayasoreza muri Bamako muri Lycee Askia Mohamed.

Yaje kwiga muri kaminuza zinyuranye, aho icyiciro cya kabiri yakize muri Dakar n'i Paris, akomeza kwiga ibijyanye n'amateka abona impamyabumenyi y'icyiciro cya gatatu.

Nyuma yabonye imirimo nk'umushakashatsi muri CNRS aho yakoraga anigisha kubijyanye n'intambara ya gatatu muri kaminuza yasorejemo ya Paris I, mu mwaka wa 1986 yaje gusubira muri Mali akora nk'umugenzuzi w'Ikigega cy'Iterambere cy'Umuryango w'Ubumwe bw'Uburayi.

Yagizwe umuyobozi mpuzabikozwa muri Mali w'umuryango utegamiye kuri Leta w'abafaransa, ufite intero yo gufasha iterambere ry'abana uzwi nka 'Terre des Hommes'.

Nyuma yo gushingwa kw'ishyaka ADEMA-PASJ, Keita yahise agirwa umunyambanga waryo ushinzwe imibanire mpuzamahanga w'Inama yagutse yo kuwa 25-26 Gicurasi 1991, aza kugirwa kandi umuyobozi wungirije w'umukandida waryo Alpha Oumar Konare wegukanye amatora aba umukuru w'igihugu cya Mali muri 1992. 

Nyuma y'uko Alpha abaye Perezida, yagize Keita umujyanama mu bya dipolomasi wungirije n'umuvugizi wa guverinoma muri Kamena 1993.

Mu ugushyingo, Alpha yagize Keita ambasaderi wa Mali mu bihugu birimo Côte d'Ivoire, Gabon, Burkina Faso na Niger.

Keita yaje kuba Minisitiri w'Ububanyi n'amahanga wa Mali, maze kuwa 04 Gashyantare 1994 agirwa na Perezida Alpha Minisitiri w'Intebe, umwanya yagumyeho kugeza mu mwaka wa 2000.

Muri kongere y'ishyaka rya ADEMA yo muri nzeri 1994, Keita yatorewe kuba Perezida w'iri shyaka, hagati aho n'ubwo ariko Keita yabaye Minisitiri w'Intebe kuva mu 1994 kugera muri 2000, kuwa 13 Nzeri 1997 yari yeguye kuri uyu mwanya nyamara haciyeho iminsi itatu yonyine yongera kuwusubizwaho hamwe na guverinoma nshya yari yashyizweho na Perezida Alpha.

Mu Ukwakira 1994, Keita yongeye gutorerwa kuba Perezida w'ishyaka rya ADEMA, mu Ugushyingo agirwa Visi Perezida w'umuryango mpuzamahanga w'impuzamashyaka uzwi nka 'Socialist International' ufite icyicaro muri London mu Bwongereza.

Kutumvikana mu ishyaka rya ADEMA, byatumye kuwa 14 Gashyantare 2000 Keita yegura ku mwanya wa Minisitiri w'Intebe n'uwa Perezida waryo. 

Mu Ugushyingo 2000, Keita atangira ishyaka rye rya RPM yanabereye umuyobozi kuva ryashingwa, kuwa 30 Kamena 2001 aribera umukandida mu matora ya Perezida yo mu mwaka wa 2002, aho yari afite abayoboke benshi baturuka mu idini rya Isilamu.

Mu cyiciro cya mbere cy'amatora yabaye kuwa 28 Mata 2002, yagisoje ari ku mwanya wa gatatu n'amajwi angana na 21 ku ijana, akurikiranye n'abarimo Amadou Toumani Touré na Soumaila Cisse.

Nyamara mu cyiciro cya kabiri yaje gukurwamo we n'abandi bakandida bari inyuma ye hasigaramo Toure na Cisse, ahita atangaza ko we n'ishyaka rye bashyigikiye Toure waje no kwegukana icyiciro cya kabiri.

Muri Nyakanga 2002, yatorewe kuba umwe mu bagize Inteko Nshingamategeko nyuma kuwa 16 Nzeri 2002 atorerwa kuba Perezida wayo.

Keita yagizwe Perezida w'akanama k'Inteko Ishingamategeko ya Afurika Yunze Ubumwe kuwa 24 ukwakira 2002, mu nama yabereye Khartoum. Mu mwaka wa 2007 yongeye kwiyamamariza kuyobora Mali, amatora yaje kwitwaramo neza n'ubwo yegukanwe na Toure.

Yongeye kandi mu mwaka wa 2013 kwiyamamariza umwanya w'Umukuru w'igihugu cya Mali, nyuma y'inkundura itoroshye aza kwegukana umwanya w'Umukuru w'igihugu, arahirira inshingano zo kuyobora Mali muri manda ya mbere kuwa 05 Nzeri 2013.

Yahise kandi akora impinduka mu bijyanye na guverinoma, maze Keïta ashyiraho abayobozi ashingiye k'ubushobozi binyuranye n'uburyo bwari busanzwe bwa politike.

Ubutegetsi bwe ariko bwagiye bukomeza kunegwa n'abatavuga rumwe n'ubutegetsi, bibaza ku ngabo z'abafaransa zari mu gihugu. Byaje kuzamura umutwe utavuga rumwe nawe wa M5-RPM, mu gihe cy'icyorezo cya Coronavirus muri 2020 we na Cisse baza gutabwa muri yombi n'abasirikare.

Bidateye kabiri ivamo  Coup d'Etat yatumye atangaza ko yeguye, ubwegure bwemejwe n'Inteko Ishingamategeko ivuga ko Keita yahamije ko adashaka kumeneka kw'amaraso. Yaje kurekurwa kuwa 27 kanama.

Keita yari yashyingiranwe na Keita Aminata Maiga bari bafitanye abana 4, harimo uwitwa Karim uri mu bagize Inteko Ishingamategeko wanashakanye n'umukobwa wa Perezida w'iyi Nteko, Issaka Sidibe.

Barak Obama na Ibrahim Boubacar Keita n’abafasha babo

Mu buyobozi bwa Boubacar yagiye ahura n’ibikomerezwa bitandukanye ku isi harimo na Papa Francis

Boubacar na Emmanuel Macron, Perezida w’Ubufaransa

Boubacar na Paul Kagame, Perezida w’u Rwanda

Ku mugoroba wo ku wa Gatanu tariki 14 Mutarama 2022, nibwo ababyeyi ba Babo batumiye inshuti, abahanga mu mideli, abahanzi n'abandi mu mugoroba wo gushyikiriza Babo iyi nzu y'imideli yitwa 'Sahorn Shop' iherereye Rwandex.

Irimo cyane cyane inkweto n'imyambaro by'abakobwa byihagazeho, byose bikorerwa mu Budage. Abakobwa b'abanyamideli nibo bifashishijwe mu kugaragaza iyi myambaro, amasakosi n'inkweto biri muri iyi nzu y'imideli.

Nyina wa Babo, Sandrine Horn Murorunkwere, yabwiye INYARWANDA ko batekereje guha umwana wabo impano y'iyi nzu y'imideli kubera ko babonye azi ku bana n'abantu, ku buryo byamworohera no kwigwizaho abakiriya mu gihe gito cyangwa kirekire.

Ikindi babonye ko inyungu iva mu muziki we idahagije, biyemeza kumushakira n'ahandi yajya akura amafaranga. 

Ati 'Twabonye y'uko umuziki udahagije, ariko hari ikintu gishobora kuzamwinjiriza gishobora kuba cyamufasha mu bihangano bye akora. Urumva iyo akoze ikintu ku ruhande, ntabwo azajya atekereza ngo Mama Papa tumufashe azamenye aho akura. Nakora neza ibyo twamuteguriye, abona gukomeza gukora wa muziki we.'

Uyu mubyeyi avuga ko n'ubwo iyi nzu y'imideli yatangiranye inkweto n'imyambaro by'abakobwa, mu minsi iri imbere batangira gushyiramo n'ibindi bicuruzwa by'abagabo bizajya biva mu Budage.

Avuga ko iyi nzu y'imideli bashingiye umwana wabo iri mu murongo wo kureba niba yarakuze, ashobora gufata inshingano nk'umuntu mukuru. Kandi ngo bazakomeza kumuba hafi, mu rwego rwo kugira ngo atere imbere.

Sandrine anavuga ko inyungu izajya iva muri iyi nzu y'imideli, Babo yayifashisha mu kwagura urugendo rw'umuziki we. Uyu mubyeyi avuga ko umuziki w'umukobwa we wagutse, kandi ko bashyizemo imbaraga zifatika.

Ati 'Murabizi akiri umwana 'views' yagiraga ariko ubu ngubu ibikorwa ari gukora hari ikiyongereye, yaba ku mbuga nkoranyambaga, abafana ndetse no kuririmba. Hari ikintu cyahindutse kandi namwe murabibonye. Hari imishinga myinshi turi kumukorera, kandi bidatinze abantu bazabibona.'

Sandrine avuga ko bifuza gushyigikira umwana, ku buryo mu minsi iri imbere hazasohoka indirimbo Babo yakoranye indirimbo n'abahanzi bo mu Rwanda.

Uyu mugoroba w'umusangiro Babo yaherewemo impano y'inzu y'imideli, witabiriwe n'umuhanzikazi Ariel Wayz baherutse gukorana indirimbo 'Lose you', umuhanzikazi Asinah uzwi mu njyana ya Dancehall, Franco Kabano washinze inzu y'imideli 'Webest model', Muhire Patrick, washinze inzu y’imideli yitwa Inkanda House n'abandi.

Babo yabwiye INYARWANDA ko yakuze akunda imideli, ku buryo yumvaga igihe kimwe azabyinjiramo. Avuga ko uretse guhanga imyambaro, bazajya batumiza mu mahanga ibyo abantu bakeneye kandi bifite ireme.

Avuga ko ashima ababyeyi be bamufashije gusingira inzozi ze. Ati 'Ndi umunyamugisha! Uko imyaka igenda ishira imigisha igenda iba myinshi, kandi ibyo nsengera Imana igenda ibimpa. Ndabishimira Imana n'abantu bansengera, abo ni ababyeyi banjye,'

Uyu muhanzikazi avuga ko iyi nzu y'imideli igiye kumuanganira mu rugendo rw'umuziki we amazemo imyaka irenga itanu. 

Sandrine yavuze ko Babo bamushingiye inzu y'imideli bashyira mu ngiro igitekerezo cye cyo gukorera ubucuruzi mu Rwanda. Se wa Babo ni uwo uri inyuma yabo ubasumba Iyi nzu y'imideli yafunguwe irimo inkweto, amasakoshi, imyambaro n'ibindi abakobwa bakenera

Abanyamideli bifashishijwe mu kumurika bimwe mu biri muri iyi nzu y'imideli 'Sahorn Shop'  

Aba banyamideli bari bambaye imyambaro y’abakobwa yakorewe mu Budage 

Inshuti n’abavandimwe bari bitabiriye uyu mugoroba w’umusangiro

Sandrine, Nyina wa Babo yashimye abamubaye hafi mu gushyira mu bikorwa uyu mushinga 

Babo ari kumwe n'umuhanzikazi Ariel Wayz baherutse gukorana indirimbo 'Lose you’

Sandrine asaba Abanyarwanda gushyigikira umwana we, agasaba abahanzi bo mu Rwanda kunga ubumwe kuko ari ryo tafari ryo gutera imbere 

Franco Kabano washinze 'Webestmodels' yavuye muri iyi nzu y'imideli ahahahiye 

Franco Kabano washinze inzu y'imideli 'Webest model' ari kumwe na Muhire Patrick washinze inzu y’imideli yitwa Inkanda House n'abakora muri iyi nzu y’imideli Uhereye ibumoso: Umuhanzi M Izzle, Patrick Muhire ndetse n'umuhanzikazi Asinah uzwi muri Dancehall 

Kwinjira ahabereye uyu mugoroba w'umusangiro wabanzaga kwerekana ko wipimishije Covid-19 kandi wikingije nibura inkingo ebyiri

Ibyishimo ku muhanzikazi Babo nyuma yo kwinjira mu bucuruzi

KANDA HANO UREBE AMASHUSHO Y'INDIRIMBO 'LOSE YOU' YA BABO NA ARIEL 

Abantu batanu ari bo abagore 3, umwana n’umugabo bitabye Imana, buzuza umubare w’abantu 1,408 bamaze kwitaba Imana mu Rwanda bazize Covid-19.

Abo bantu barimo umugore w’imyaka 89 n’umwana w’umwaka umwe n’amezi icyenda i Huye, umugore w’imyaka 88 i Kirehe, umugore w’imyaka 71 muri Ngororero, n’umugabo w’imyaka 73 mu Ruhango.

Iki ni ikibazo kimaze igihe aho usanga mu masaha ya mu gitondo hirya no hino hafatirwa imodoka mu Mujyi wa Kigali, huzuye imirongo y'abantu bategereje imodoka zibatwara amaso yaheze mu kirere.

Si mu gitondo gusa kuko no ku mugoroba iyo amasaha yo gutaha ageze usanga imodoka zabaye nke, hakaba ubwo abagenzi bagenda n'amaguru cyangwa bagakoresha uburyo batari bateganyije.

Muri iyi minsi ho ibihe byarahindutse kugeza aho usanga no mu masaha yo hagati mu munsi hari uduce abagenzi babuze imodoka.

Mu kiganiro Urubuga rw'Itangazamukuru Umuyobozi ushinzwe igenamigambi n'iterambere ry'ubwikorezi muri RURA, Eng Déo Muvunyi, yagaragaje zimwe mu mpamvu zirimo Covid-19 zituma abagenzi bategereza imodoka igihe kinini.

Ati 'Mu mujyi hakoreramo bus nini zitwara abantu bamwe bicaye abandi bahagaze, hajyaho ibyemezo bituma abantu birinda Covid-19 bisaba ko hagenda abicaye gusa, bus yatwaraga abantu 70 ubu itwara bagera kuri 39.'

'Byumvikane ko abo bose barengaho baba bagiye gutegereza bigateza ingaruka. Hari amasaha haba hari umuvundo iyo imodoka ifatiwe muri wo bituma uwari ayitegereje itindaho.'

Yakomeje avuga ko hari ikibazo cy'imikorere mibi yatumye abakora mu rwego rwo gutwara abagenzi batabona ubushobozi bwo kongera imodoka zitwara abagenzi kandi abagenzi biyongera.

Ati 'No kuba Covid-19 yaragabanyije ubushobozi bw'abatanga serivisi z'ingendo ntibabashe kongera bus, ku buryo atabasha kuziba cya cyuho cyo kubura imodoka.'

Umuyobozi w'Ikigo gitwara abagenzi Jali Transport, Twahirwa Innocent, yemeje Covid-19 ari imwe mu bituma batabasha gutwara abagenzi mu gihe gikwiye.

Ati 'Iyo urebye muri rusange ibibazo by'ingendo ntabwo bije uyu munsi na mbere ya Covid-19 byari bihari ariko ubu byarushijeho kuba bibi cyane, hari impamvu zibitera kandi zikemuwe iki kibazo cyakemuka.'

'Uyu munsi nk'uko Covid-19 yagize ingaruka ku bantu benshi, mu bucuruzi ni nako yagize ingaruka ku bigo bitwara abantu mu buryo rusange. Iyo watwaraga ku munsi ibihumbi 200 hakaza ingamba zo kwirinda icyorezo bakakubwira ngo abo watwaraga ubagabanyemo kabiri, birumvikana ko abantu batazagenda uko bagendaga.'

Yakomeje agaragaza ko kuba abantu baba bajya mu cyerekezo kimwe ndetse n'ubucucike bishobora guteza ibura ry'imodoka.

Ati 'Imiterere y'umujyi wacu abantu bose mu gitondo baba bava uruhande rumwe baza mu rundi, serivisi, akazi byose biri mu ruhande rumwe imodoka irava Kimironko yuzuye isubiraneyo ubusa, ibi bigira ingaruka no ku biciro.'

Basabye inzego z'ubuzima ko zazaborohereza amabwiriza yo gutwara abantu ndetse n'Umujyi wa Kigali ugatekereza ku kijyanye n'imihanda myinshi yagenewe imodoka rusange, bikagabanya umuvundo.

RURA yatangaje ko ibibazo birimo Covid-19 biri mu byatumye abagenzi babura imodoka

Kubera gutinda, Ganza yavutse ananiwe biba ngombwa ko bamushyira mu byuma bifasha abana bavukanye intege nke bizwi nka 'Couveuse'.

Mu kiganiro umubyeyi we Ashimwe Médiatrice yagiranye na IGIHE, yavuze ko ubwo buzima bwo kuba mu byuma, bwamugizeho ingaruka zikomeye ku gice cy'ubwonko.

Ati 'Bahise bamujyana muri couveuse bambwira ko umwuka ari muke. Yahumekeraga mu byuma bimwongerera umwuka. Namaze iminsi itatu ntaramubona, ku munsi wa gatatu nibwo bambwiye ngo nzane imyenda bamwambike. Ndayimuzanira ariko afite intege nke, akagagara. Byabaye ngombwa ko bamutera imiti imusinziriza iminsi itatu.'

Umwana yageze aho arakanguka, banamutera andi maraso kugira ngo barebe ko byamufasha kubona umwuka uhagije n'imbaraga ariko bikomeza kugorana.

Ubusanzwe umwana ufite ubuzima buzira umuze arangwa no kurira ndetse no konka nyamara siko byagenze kuri Ganza mu minsi ye ya mbere kuko umubyeyi we yamugaburiraga amukamiye amashereka, kubera ko imbaraga z'imisaya ye zitabashaga kumufasha gukurura amashereka.

Ukwezi kwa mbere kose Ganza yakumaze mu bitaro, nyuma baza kumusezerera bamujyana mu rugo ariko nabwo akigaragaza ibibazo.

Ashimwe yavuze ko umwana we yamugejeje mu rugo akabona nta gihinduka, abaganga bamugira inama yo kumujyana mu bitaro bya Ndera.

Ati 'Nyuma y'amezi atatu nibwo bansabye kujya i Ndera, basanga ku bwonko hariho ikibazo, bwarananiwe. Bahise bamushyira ku miti ariko kugeza ubu mu myaka itatu afite ntabwo yicara, ntavuga, mbese ahora aryamye keretse nk'iyo museguye.'

'Nagerageje kumuvuza ku Muhima ariko kubera abantu benshi ugasanga ngezweho yarasubiye inyuma. Hari aho nagiye Kimironko mu ivuriro ryigenga bamuvura nk'inshuro enye, nabwo amafaranga ashize ndarekera. Icyakora wabonaga ko hari ikigenda gihinduka, ijosi ukabona rirashaka gukomera.'

Ganza ahora aryamye kubera ikibazo yagize ubwo yavukaga, icyakora abaganga bavuze ko avuwe yakira

Ashimwe avuga ko yaje kugira amahirwe akabona umugiraneza w'umupadiri i Shyorongi, yiyemeza kumufasha n'abandi babyeyi batanu bafite abana barwaye, bajya kubasuzumisha ku bitaro bya Rilima mu karere ka Bugesera.

Ganza baramusuzumye basanga aramutse abonye ubuvuzi, yavurwa agakira kuko akiri muto kandi umugongo nta kibazo ufite.

Ati 'Baravuze ngo umugongo nimuzima ariko ukeneye kuvurwa. Padiri bamuhaye facture abona ni ndende, aravuga ati mudukorere udutebe kubavuza ntabwo twabishobora. Bari bakoze facture y'amafaranga asaga miliyoni ebyiri.'

'I Rilima barambwiye ngo umwana wawe yakira, twamuvura ariko na ya miti y'i Ndera akayikomeza nibwo byadufasha.'

Ubushobozi ni buke

Ashimwe avuga ko yifuza ko umwana we avurwa agakira, nyamara ubushobozi bukamubana buke kuko nta mikoro ahagije.

Uyu mubyeyi yarokotse Jenoside yakorewe Abatutsi, papa umubyara n'abandi bo mu muryango we baricwa ndetse n'imitungo yabo irasahurwa, basigara iheruheru.

Amashuri abanza Ashimwe yayize bimugoye kuko umubyeyi we wari usigaye abarera ari umwe byari bimugoye. Kubw'amahirwe amashuri yisumbuye yafashijwe n'icyahoze ari Ikigega gifasha abarokotse Jenoside yakorewe Abatutsi batishoboye (FARG).

Yakomeje gufashwa kugeza mu 2017 ubwo yazosaga muri Kaminuza y'u Rwanda Ishami rya Huye mu ishami ry'inozamubano (Sociologie).

Ashimwe ntiyagize amahirwe yo kubona akazi, icyakora yagiye abona ibiraka bitandukanye byo gukina amakinamico kuko abifitemo Impano.

Yakinnye muri Ni Nyampinga Sakwe, akina muri Mashirika no mu yandi makinamico atandukanye.

Nubwo ajya abona ibiraka nk'ibyo, ntabwo bihoraho ku buryo yabona ubushobozi bwo kuvuza umwana we ku giti cye. Umugabo babyaranye na we ntacyo amufasha.

Mu kababaro kenshi, Ashimwe yavuze ko agira agahinda iyo abona umwana we aryamye atabasha guhaguruka cyangwa kuvuga, nyamara abaganga baramubwiye ko yakira.

Ati 'Bambwira kuba najya i Gahini cyangwa Gatagara kuko bakorera kuri Mutuelle de santé ariko aho hose nta mafaranga mfite ku buryo najyayo nkabayo. Naratuje ariko iyo nibutse ko umwana wanjye bambwiye ko muvuje yakira, ndababara nkahora mu gahinda.'

Mu bitaro bya Rilima bamubwiye ko aramutse abonye ubushobozi, umwana yavurwa mu mezi atatu.

Ashimwe na we yemeza ko umwana we abonye ubuvuzi bwiza yakira kuko iyo abonye ubushobozi buke akamuvuza, hari ibimenyetso yerekana nko kunyeganyeza amaguru, guca amarenga yishimye cyangwa ababaye n'ibindi.

Uramutse ushaka gufasha Ganza ngo avurwe, wavugisha umubyeyi we kuri: +250 787 482 173

Ashimwe avuga ko ubushobozi bubonetse umwana we yavurwa agakira

[email protected]