Author: webrwanda

Umunyimdeli w’umunyarwandakazi, Kate Bashabe ari mu byishimo bikomeye nyuma y’uko yiyujurije inzu y’umuturirwa itangaje.

Kate Bashabe yatangiye kumenyekana ubwo yitabiraga amarushanwa y’ubwiza yigeze gutegurwa n’umujyi wa Kigali aba Miss MTN ndetse yanitabiriye Miss Rwanda ariko yivanamo n’ubwo ari we wari uhagarariye Akarere ka Nyarugenge muri 2011.

Mu mashusho magufi yashyize ku rukuta rwe rwa Instagram, Kate Bashabe yagaragaje iyi nzu y’agatangaza ndetse avuga ko ari we wayiyubakiye ku giti cye.

Ati 'Mama nabikoze! Niyubakiye inzu yanjye ku giti cyanjye. SESAM Cube Architects (abayubatse) mwarakoze ku kazi gatangaje mwakoze.'

Bashabe ni umunyamideri wabigize umwuga utunzwe no kudoda imyenda akanayigurisha. Mu minsi ishize yagarutse mu mitwe y’itangazamakuru kubera inkuru zavuzwe cyane ko yaba ari mu rukundo na rutahizamu rurangiranwa ukomoka muri Senegal ukinira ikipe ya Liverpool, Sadio Mane ariko bose baje kubihakana.

View this post on Instagram

A post shared by Kate Bashabe (@katepyt)

Inzu Kate Bashabe yujuje

Ibyishimo ni byose kuri Kate Bashabe nyuma yo kwiyuzuriza inzu

Kate Bashabe asanzwe ari umunyamideli ukomeye

Uyu musore witwa Nsabimana Evaliste w’imyaka 22 yari atuye mu Murenge wa Munyiginya mu Karere ka Rwamagana yarashwe n’inzego za Gisirikare arapfa nyuma yo kuzirwanya zimubuza gupakurura imodoka yari ipakiye amakaro.

Ibi byabaye ahagana saa cyenda na z’ijoro ryo kuwa 15 Mutarama 2022 bibera mu muhanda uri hagati y’ Umurenge wa Mwurire na Munyiginya, mu Kagari ka Ntunga mu Mudugudu wa Kimbazi.

Amakuru avuga ko ubwo inzego za gisirikare zari mu gikorwa cyo gucunga umutekano zabonye uyu musore ari gushaka gupakurura imodoka yari ipakiye imitwaro y’amakaro agateshwa ariko nyuma agashyamirana, arazirwanya na zo niko guhita zimurasa.

Hari amakuru kandi ko uyu musore yari asanzwe azwiho ibikorwa by’ubujura ndetse n’indi myitwarire ibangamiye sosiyete ndetse ko mu bihe bitandukanye yari yaragiye yigishwa ariko akabisubiramo.

Umunyamabanga Nshingwabikorwa w’Umurenge wa Mwurire, Zamu Daniel, yavuze ko iyi mwitwarire idakwiye mu rubyiruko ko bakwiye gukura amaboko mu mufuka bagakora.

Ati 'Twebwe mu Murenge wacu wa Mwurire hari ibikorwa byinshi cyane bishobora gutanga amafaranga,hari ibyanya by’inganda bikoresha abantu benshi,hari inyubako zitandukanye kuko hari santere iri mu gishushanyo mbonera abantu bubakamo irimo akazi,hari ubucukuzi bw’amabuye y’agaciro.Nta muntu wifuje gukora ngo abure ibyo gukora, urubyiruko rurashaka kwinjiza amafaranga umuntu atakoreye. Baza bagakora ariko binyuze mu byo bakoze.'

Amakuru avuga kandi ko usibye iyo modoka yari ipakiye amakaro yari yabanje guteshwa nabwo imodoka yari ipakiye amabaro y’imyenda.

Mu muco nyarwanda ntibimenyerewe ko umukobwa afata iya mbere akabwira umuhungu ko amukunda, bityo bamwe mu gitsina gore bahitamo gutegereza ko hazagira abasore cyangwa abagabo bazabegera bakababwira uko babiyumvamo cyangwa se uko batsinzwe n'amarangamutima kubera bo. Ibi rero siko bamwe babibona kuko hari umukobwa uherutse kugira inama bagenzi be ko nabo bazajya bafata iya mbere bakegera abasore.

Abakoresha imbuga nkoranyambaga batangajwe n'inkuru y'inkumi yasabaga bagenzi be kureka gukomeza kubaza Imana igihe bazabonera abakunzi ahubwo bagafata iya mbere nabo bakegera abasore bakunze nk’uko nawe yabigenje.

Inkuru y'uyu mukobwa yashyizwe ku rubuga rwa Instagram na @BeilaNaija, aho muri iyi nkuru uyu mukobwa yavuze ko yiremyemo akanyabugabo maze agafata iya mbere akavugisha umusore bari bicaranye mu modoka.

Mu rwego rwo gutangira ikiganiro uyu mukobwa yabanje kubaza umusore uwo yabikiye umwanya wari hagati yabo maze umusore amubwira ko ntawe yabuwikiye, umukobwa ni ko kumusaba kumwegera ngo baganire umusore nawe arabikora.

Nyuma y'uko umusore yegereye umukobwa batangiye kuganira, ubwo aba bombi bari hafi yo kugera aho bari berekeje ibiganiro byari byamaze gukura akanyamuzena ari kose banyuzamo bagaseka ndetse bigera naho bahana nimero.

Inkuru y'uyu mukobwa yishimiwe n'abagenzi be b'igitsina gore ndetse bavuga ko iyi nkuru ibaremyemo icyizere ar ina ko bamwe batanga ubuhamya bwabo bavuga uko bafashe iya mbere bakegera abasore bari bakunze bakababwira uko biyumva maze bikarangira babaye abagabo babo.

Avuga ko iyo habonetse inzu y’ababyeyi ku kigo nderabuzima abantu bashobora kuba bahabyarira, akaba ari inyungu ku baturage no ku buzima bwabo.

Yongeraho ko henshi muri izi nzu z’ababyeyi zubatswe ku bigo nderabuzima haba harimo n’ibikoresho bigezweho bisanzwe mu bitaro.

Meya Gasana avuga ko ibi byakozwe mu rwego rwo gufasha ababyeyi kuko iyo batinze kubona iyo serivisi kubera ko ibari kure bashobora kuhagirira ingorane.

Ati “Iyo serivisi ayiboneye hafi bimurinda kuzahara no kuba yabura ubuzima bwe ndetse n’ubw’umwana atwite.”

Ku bigo nderabuzima 19 bigize Akarere ka Gatsibo, bitanu nibyo bifite inzu z’ababyeyi ariko intego ikaba ari uko ibiri kure y’ibitaro bizaba byabonye iyi serivisi mugihe cy’imyaka hagati y’itatu cyangwa ine.

Agira ati “Izi zibonetse mu myaka ibiri gusa, bishobotse hagati y’imyaka itatu cyangwa ine n’ahandi zizaba zabonetse kugira ngo tugabanye ingendo ndende ku babyeyi.”

Ikigo nderabuzima cya Gitoki nicyo giheruka kubona inzu y’ababyeyi mu mpera za 2021.

Mukamparirwa Maria, uwo yaje aherekeje ari mu bambere bahabyariye.

Avuga ko akibyara iyo serivisi bayibonaga ku kigo nderabuzima cya Kabarore nabwo ngo ari ahantu hatoya nabwo ngo bikaba byari bigoye ku batishoboye.

Agira ati “Ku gihe cyanjye twajyaga Kabarore, urumva udafite ubushobozi gutega ujyayo byari bigoye cyane. Icyo gihe naho hari hatoya ku buryo umuntu atisanzuraga. Umubyeyi wanjye naherekeje nagize Imana abyarira hano kandi yisanzuye.”

Ikigo nderabuzima cya Gitoki mbere y’uko hubakwa inzu y’ababyeyi, hari indi nzu ntoya yifashishwaga ariko igahurirwamo n’abandi barwayi.

Bamwe bishimira ko inzu bubakiwe ari nini ku buryo umubyeyi abyara yisanzuye bitandukanye na mbere.

Bati 'Hari ubwo umubyeyi yashoboraga kubyara abandi baje kwivuza izindi ndwara bamureba, kubera ubuto bw’inyubako cyangwa agatinda guhabwa serivizi kubera ibitanda bicye ariko ubu ni byinshi dushimira Leta.'

Inzu z’ababyeyi zubakwa ku bigo nderabuzima ziba zirimo icyumba cy’ababyeyi bategerereza, ibyariro, ibitanda birenze bitanu, ubwogero n’ubwiherero.

Iyi nzu kandi itangirwamo serivisi zo gupima inda, kuboneza urubyaro n’ahatangirwa inkingo.

Abazacururiza mu gakiriro gashya ka Musanze mu gikorwa cyo kubasaranganya amaseta bazakoreramo

Ni igikorwa cyatangiye cyumweru gishize, aho abagiye kuhakorera, biganjemo abakora imyuga y’ububaji, gusudira, gukanika ndetse n’abanyabukorikori, bamaze iminsi bahabwa amaseta yo gukoreramo.

Ubwo Kigali Today yageraga muri aka gakiriro, mu bo yahasanze barimo n’abari bamaze kuyahabwa, bishimira ko hisanzuye kandi hajyanye n’igihe.

Uwizerimana Jeanne yagize ati 'Iseta nzakoreraho namaze kuyibona. Ubusanzwe nacururizaga imbaho mu gakiriro kendaga kuduhirimaho kubera gusaza. None ndishimira ko mpawe iseta yagutse kandi iri ahantu mbona hazanyorohereza hakorohereza n’abakiriya banjye kuhagera. Ubu icyo ngiye gukora ni ukwisuganya nkahimukira bwangu, ngatangira kuhakorera'.

Ukobizaba ati 'Dushimishijwe no kwimukira mu gakiriro kajyanye n’igihe. Ubu ntituzongera kujya twikanga imvura cyangwa izuba ryinshi kuko igice kinini kizakorerwamo gisakaye. Agakiriro twakoreragamo gashaje, twakoreraga mu mfundanwa, mu bwoba bwinshi bw’uko karamutse gafashwe n’inkongi y’umuriro ibintu byose byahatikirira natwe tudasigaye. Izi mbogamizi zose, turishimira ko duciye ukubiri na zo tubikesha kuba tugiye kwimukira muri aka gakiriro gashyashya'.

Abazahakorera batangiye guhabwa amaseta, nyuma y’amezi atari munsi y’atanu yari ashize, ikibazo cy’umuriro w’amashanyarazi afite ingufu, cyari cyabaye inzitizi ituma kadatangira gukorerwamo, ariko kuri ubu kikaba cyarabonewe umuti.

Hari abanenze uko igikorwa cyo gutanga amaseta cyagenze

Mu bagomba gukorera muri aka gakiriro ku ikubitiro, barimo n’abakoreraga imyuga y’ububaji, ubusudizi, ubukanishi n’indi mirimo ijyanye n’ubukorikori biganjemo abibumbiye muri Koperative 'Duhaguruke Kora' yakoreraga mu gakiriro ko mu mujyi rwagati wa Musanze, gashaje kakaba katezaga umwanda kanateye impungenge zo kuba kateza impanuka. Aba ni na bo bahereweho, basaranganywa amaseta, bigakorwa mu buryo bwo kuyatombora.

Gusa bamwe ntibashimishijwe no kubona hari abagiye bahabwa amaseta menshi, mu gihe bari biteze ko buri muntu yegukana imwe imwe.

Umwe mu bijujutiye uko iki gikorwa cyagenze, yagize ati 'Twagiye tubona hari umuntu aza agatombora iseta, umugore we agakurikiraho, abana be n’abakozi be na bo bagatombora, akageza ku maseta umunani; mbese ugiye kwitegereza neza, wasanga nk’igihangari hafi ya cyose, cyatombowe n’abagize umuryango umwe! Ni ibintu tutishimiye na gato, tugasaba inzego zibishinzwe kudukurikiranira ubu buriganya buri gukorerwa mu gusaranganya aya maseta, bukabuhagarika, twese tugahabwa amahirwe amwe nta muntu upfukamye ku bandi'.

Mugenzi we, na we watunguwe no kuba mu batisanze ku rutonde rw’abagombaga guhabwa iseta nyamara mu minsi ishize yari yarwiyandikishijeho yagize ati: 'Naje gufata iseta ariko ntungurwa no gusanga nta na hamwe nanditswe ku ntonde zose ziri hano. Bivuze ko kubona iseta ahangaha bizampumagiza. Byadutangaje kubona ikibazo tugihuje turi benshi, ubu ntituzi uruhande duherereyemo. Turasaba ngo iki gikorwa cyo kudusaranganya amaseta, gikorwe mu bunyangamugayo, amarangamutima no kwikubira ashyirwe hasi'.

Hari abahamya ko abigwizaho amaseta, atari mu rwego rwo kugira ngo bayakorereho, ahubwo baba bateganya kuzayagurisha abandi amafaranga y’umurengera.

Igikorwa cyo gutanga amaseta cyari kigikomeje kugeza ku wa kane tariki 13 Mutarama 2022. Nyuma y’impaka zabayeho hagati y’abayahabwaga, uwo munsi byaje gutuma inzego zari zihagarariye Akarere muri iki gikorwa, zifatanyije n’Ubuyobozi bw’amakoperative azakorera muri ako gakiriro, zifata umwanzuro wo gusubika igikorwa, hanashyirwaho itsinda rigomba kubanza kubinonosora.

Bisengimana Janvier, Umunyamabanga Nshingwabikorwa w’Umurenge wa Cyuve aka Gakiriro kubatsemo, avuga ko hashyizweho itsinda ryo kubisuzuma.

Ati 'Benshi mu bahereweho, bahabwa amaseta yo gukoreramo, ni abari basanzwe muri kariya gakiriro gashaje. Binashoboke ko haba harimo abafite ubushobozi n’ibikorwa binini binini bakoraga. Ubwo rero wasangaga bifuza gufata ahantu hanini hajyanye n’ibikorwa bafite, ariko ikiriho ni uko hashyizweho itsinda rigiye kubisuzuma neza, binyuze muri Koperative cyangwa itsinda buri muntu akoreramo, tumenye ngo kanaka yakoreraga aha n’aha, yakoraga ibi n’ibi, byanganaga gutya, noneho turamushyira ahangana gutya, kugira ngo abashe gukora kandi neza'.

Yongera ati 'Twiyemeje ko ku wa kabiri w’icyumweru gitaha, abatarahabwa amaseta bazaba bayabonye, kugira ngo na bo batangire gukora. Ariko n’abamaze kuyahabwa na bo, twabahaye iminsi itatu yo kuba bayimukiyemo, kugira ngo tunabashe gusuzuma, tumenye niba koko uwayihawe, afite ubushobozi n’ubushake bwo kuyikoresha? Uwo bizagaragara ko atayikoreraho, tuzahita tuyimwaka tuyihe undi'.

Agakiriro ka Musanze, kubatswe ku bufatanye n’Ikigo cy’Ababiligi gishinzwe Iterambere (Enable), kakaba karuzuye gatwaye miliyari isaga y’Amafaranga y’u Rwanda.

Kitezweho gufasha ba rwiyemezamirimo basaga 300, biganjemo urubyiruko rwo mu bice bitandukanye byo mu mujyi wa Musanze no mu nkengero zawo; basabwa kugacunga neza, kugira ngo kazabe isoko y’ubukungu bubafasha kwiteza imbere, kandi buzagira n’uruhare mu kukagurira ku buso burenze ubwo kubatseho ubu mu gihe kiri imbere, nk’uko byatangajwe na Dr Jean Pierre Hakizimana Umujyanama mu kigo Enable.

Yagize ati 'Birasaba ko abagiye gutangira gukorera muri aka gakiriro, bagomba kunguka ubundi bumenyi bwisumbuyeho mu byo bakora, buzabafasha gucunga neza agakiriro. Hari no kwishyiriraho Urwego na za Komite zigomba kubafasha gucunga neza imikorere n’imicungire y’aka gakiriro, ku buryo mu ntego y’umushinga wako w’igihe kirekire, ari uko kazabyara ishoramari rifitiye akamaro abagakoreramo, kandi rizanatuma karushaho kwaguka. Ibyo byose tuzakomeza kubaba hafi kugira ngo bigerweho'.