Mu itangazo ryashyizweho umukono n’Umunyamabanga wa FERWAFA, Henry Muhire, iryo shyiraharahamwe ryavuze ko imikino yo kwishyura ya shampiyona y’icyiciro cya mbere mu Rwana mu mupira w’amaguru ndetse na shampiyona y’icyiciro cya kabiri izatangira ku itariki 12 Gashyantare 2022.
Iryo tangazo rikomeza rivuga ko ingengabihe y’uko imikino izakinwa, amakipe azayimenyeshwa mu gihe cya vuba.
Shampiyona y’icyiciro cya mbere mu Rwanda igeze ku munsi wa 14 mu gihe umunsi wa 15 ariwo wa nyuma w’imikino ibanza uzakinwa guhera tariki 27 Mutarama 2022 ugasozwa tariki 28 Mutarama 2022, uretse ikipe ya APR FC, Mukura VS na Rutsiro zifite imikino y’ibirarane mu gihe ku cyiciro cya kabiri imikino igeze ku munsi wa 12 w’imikino ibanza aho hasigaye umunsi umwe wa shampiyona.
Aba bashakanye bashyizeho agahigo gashya k'abantu bamaranye igihe gito barushinze kuko nyuma yo gutongana kw'imiryango bari mu kwiyakira mu mujyi wa Baghdad muri Iran,umusore yabwiye umukobwa ko ibyabo birangiye.
Nk'uko amakuru abitangaza, uyu mugore yasabye indirimbo yo muri Siriya yitwa Mesaytara yaririmbwe na Lamis Kan.
Izina Mesaytara bisobanura ndayoboye cyangwa nzakuyobora mu mvugo yumvikana.
Indirimbo itangira n'amagambo agira ati: “Ndayoboye; uzagendera ku mabwiriza yanjye akomeye, nzagusaza niba ureba abandi bakobwa ku muhanda.
“Nibyo, ndayoboye, uri igice cyanjye cy'isukari. Igihe cyose uzaba uri kumwe nanjye, uzagendera munsi y'amategeko yanjye.”
Bivugwa ko umugeni yabyinye iyi ndirimbo karahava ari kwishimira ubukwe bwe, ariko umuryango w'umugabo we ntiwashimishijwe n'imyitwarire ye bituma haba impaka ndende hagati y'imiryango yombi.
Ntabwo aribwo bwa mbere iyi ndirimbo irikoroje kuko mu mwaka ushize nabwo yatumye umugabo n'umugore batandukana muri Jordan.
Gutandukana byihuse byakunze kugaragara mu bukwe mu mpera z'iki cyumweru gishize kuko havuzwe umusore wabujije mushiki we kujya mu bukwe bwe kubera imikino mibi yakozwe n'umukunzi we mu birori byo gusezera ubusore.
Umukuru w’Igihugu yabitangaje ubwo yafunguraga ku mugaragaro ihuriro nyafurika ngarukamwaka ry’abagaba bakuru b’ingabo zirwanira mu kirere (AACS), kuri uyu wa Kabiri tariki 25 Mutarama 2022 ririmo kubera i Kigali guhera tariki 24 kugera tariki 28 Mutarama 2022, ku nshuro yaryo ya 11.
Ni ihuriro ririmo kuba ku bufatanye bw’ingabo zirwanira mu kirere za Leta zunze ubumwe za Amerika hamwe n’iz’u Rwanda, rikaba rihuriyemo ibihugu 30 byo muri Afurika hamwe n’abagaba bakuru b’ingabo zirwanira mu kirere 32.
Afungura ku mugaragaro iyi nama, Perezida Paul Kagame, yavuze ko ingendo z’indege ari ikintu gikomeye mu bijyanye no kubungabunga amahoro n’umutekano ku mugabane by’umwihariko mu bikorwa byo kugarura amahoro ariko kandi ngo ubushobozi bwabyo buracyari buke.
Ati 'Ubushobozi buke mu bijyanye n’indege butuma ingabo za Afurika zirwanira mu kirere zidatabara mu buryo bwihuse ahagaragaye ibibazo by’umutekano, byinshi mu bibazo by’umutekano bigenda bigaragara muri Afurika ni ibyambukiranya imipaka, kandi nta gihugu cyihagije ku buryo cyabisubiza cyonyine'.
Akomeza agira ati 'Tugomba rero gushyira imbere ubufatanye kubera ko gukorera hamwe byafasha ingabo za Afurika zirwanira mu kirere kubona uburenganzira mu ngendo z’ikirere z’abantu n’ibintu, ikindi kandi byanafasha kubona amahirwe y’amahugurwa yihariye ku batwara indege n’abo bafatanya, icya nyuma ubufatanye bwatuma havugururwa ibikorwa remezo byo mu kirere, birimo kugenzura ikirere hamwe n’itumanaho ryifashishwa mu kirere no ku butaka'.
Mu gusoza, Umukuru w’igihugu yavuze ko umugabo umwe adashobora kwigira ariko kandi ngo abishyize hamwe ntakibananira, ku buryo yizeye ko iyi nama ibizigirwamo bizatuma n’ibihugu bitarinjira mu muryango w’ingabo za Afurika zirwanira mu kirere bizatuma na byo byinjiramo.
Umuyobozi w’ingabo za Amerika zirwanira mu kirere ku mugabane w’u Burayi na Afurika, Gen. Jeffrey L. Harrigian, yavuze ko kubaka ubufatanye ari urugendo kandi rukorerwa mu bikorwa bimeze nk’ibyo bahuriyemo.
Ati 'Amahirwe nk’aya atuma turushaho gushimangira no kubaka umubano n’ubufatanye bwacu, bigatuma turushaho kwizerana no kwigirira icyizere mu ngabo zacu, ndabizi ko nitwishyira hamwe tugafatanya kuzana amahoro n’umutekano ku mugabane tubikoreye hamwe, iyi nama izaduha amahirwe yo gukorana no gushakira hamwe ibisubizo by’ibibazo by’ingezi bitwugarije'.
Umugaba Mukuru w’Ingabo z’u Rwanda zirwanira mu kirere, Lt Gen. Jean-Jacques Mupenzi, ari na we uyoboye umuryango w’ingabo za Afurika zirwanira mu kirere (AACS), yavuze ko iyi nama izabafasha mu kungurana ibitekerezo no gusangira ubunararibonye mu bijyanye n’ingendo z’indege ariko kandi ngo bazanungukiramo ibindi byinshi.
Ati 'Nyuma y’iyi nama twiteze ko tuzungukiramo umubano ukomeye w’ingabo za Afurika zirwanira mu kirere ari na ko dukomeza uwari usanzwe, ariko kandi tunarebere hamwe inzira zifatika zakemurirwamo ibibazo byo mu karere ndetse n’iby’umugabane'.
Iri huriro ngarukamwaka n’ubwo ririmo kuba ku nshuro yaryo ya 11 ariko Umuryango w’Ingabo za Afurika zirwanira mu Kirere (AACS), watangiye mu mwaka wa 2015 mu gihe u Rwanda rwabaye umunyamuryango muri 2017.
Itangazo dukesha Ibiro bishinzwe itumanaho mu Nteko ishinga Amategeko y'u Rwanda kuri uyu wa 25 Mutarama 2022, rivuga ko
'Abasenateri bagize Komisiyo bazagirana ibiganiro n'inzego zitandukanye za Leta zifite mu nshingano gukumira no kurwanya inkongi z'umuriro, Ihuriro ry'Ibigo bitanga ubwishingizi n'Urugaga rw'Abikorera.
 Abasenateri bazasura kandi uturere 19 mu gihugu aho bazasura inyubako za Leta, amasoko, udukiriro, inganda ,ibitaro, amagereza n'ahandi hahurira abantu benshi, hagamijwe kureba uko ingamba zashyizweho mu gukumira no kurwanya inkongi z'umuriro  zitabwaho.
Raporo y'ubugenzuzi bwa Minisiteri Ishinzwe Ibikorwa by'Ubutabazi (MINEMA) igaragaza ko inyubako nyinshi za Leta n'iz'abikorera zidafite ibikoresho byo kwirinda no kurwanya inkongi z'umuriro.
 Raporo z'iyi Minisiteri z'imyaka itatu ishize zigaragaza ko inkongi z'umuriro ziyongereye, aho muri 2018 zabaye 21, muri 2019 zigera kuri 71 naho muri 2020 zigera kuri 89.'
Ishyirahamwe ry’umupira w’amaguru mu Rwanda ryamaze kumenyesha amakipe yo mu cyiciro cya mbere n’icya kabiri mu bagabo ko imikino yo kwishyura ya shampiyona ya 2021-22 izatangira mu kwezi gutaha kwa Gashyantare.
Shampiyona y’icyiciro cya kabiri mu bagabo imikino ibanza yamaze gushyirwaho akadomo, ni mu gihe mu cyiciro cya mbere umunsi wa 15 ari na wo usoza igice kibanza cya shampiyona ya 2021-22 uzasozwa tariki ya 28 Mutarama 2022.
Mu itangazo rya FERWAFA ryashyizweho umukono n’umunyamabanga wa FERWAFA, Muhire Henry yamenyesheje aya makipe ko imikino yo kwishyura izatangira tariki ya 12 Gashyantare 2022.
Bagize bati 'tubandikiye tugira ngo tubamenyeshe ko imikino yo kwishyura (2nd leg) mu cyiciro cya mbere 2021-2022 n’icyiciro cya kabiri (2nd leg) iteganyijwe gutangira tariki ya 12 Gashyantare 2022.'
Iri tangazo ryasojwe rivuga ko uko ingengabihe y’imikino yo kwishyura uko iteganyijwe bazayimenyeshwa mu gihe cya vuba.
Shampiyona imikino yo kwishyura izatangira mu kwezi gutaha
Uyu mukobwa utuye muri Leta Zunze Ubumwe za Amerika ,mu kiganiro yahaye Inyarwanda yatangaje ko ikamba rya Miss Rwanda ryafunguye amarembo y'ubuzima bwe, aho akomanze arakingurirwa rimuhesha akazi kugeza n'uyu munsi. Yagize ati 'Ikamba ryahinduye byinshi mu buzima bwanjye kuko hari utuzi twinshi nagiye mbona n'ubu nkibona kuko ryampaye urubuga.'
Miss Mutesi avuga mu bihe bitandukanye abona abamubwira ko ari Nyampinga w'ibihe byose, ariko muri we siko abibona kuko hari abamubanjirije n'abamukurikiye. Ati 'Ntabwo nibona nka Miss w'ibihe byose kuko hari uwambanjirije ndetse hari n'abankurikiye.'
Uyu mukobwa avuga ko kuba abantu bamubwira ko ari Nyampinga w'ibihe byose, bimwereka ko Imana yamuhaye igikundiro muri rubanda. Ati 'Mbyakira neza nk'umugisha kuko binyereka ko Imana yampaye igikundiro.'
Ku wa 29 Mutarama 2022, haratangira urugendo rwo gushakisha Nyampinga w'u Rwanda 2022, mu rugendo ruzatangira mu karere ka Musanze mu Ntara y'Amajyaruguru.
Miss Mutesi avuga ko uko imyaka ishira indi igataha, Rwanda Inspiration Back Up igenda irushaho kunoza neza iri rushanwa mu nyungu zo guhindura ubuzima bw'umwana w'umukobwa.
Yavuze ko abaye ari mu Rwanda agasabwa kuba mu Kanama Nkemurampaka k'iri rushanwa, yabyemera kuko ashaka gutanga umusanzu we mu kuzamura Miss Rwanda.
Akavuga ko mu byo yishimira muri iki gihe ari uburyo iri rushanwa ryashyizemo imbaraga mu guteza imbere uburezi ku bakobwa, aho abagera mu cyiciro cya nyuma bose babona Buruse yo gukomeza amasomo yabo muri Kaminuza ya Kigali.
Avuga ko umukobwa ushaka kwegukana ikamba rya Miss Rwanda agomba kubanza akibaza impamvu arishaka, akagisha inama kandi akubahiriza amabwiriza yose agenga irushanwa. Ati 'â¦Ni ukugira intego atari ukuvuga ngo urashaka kujya mu irushanwa gusa. Kugisha inama, kubahiriza amabwiriza agenga irushanwa kuko ushobora kuba uri mwiza cyane ariko udakurikije ibisabwa ikamba ukaribura.'
Kayibanda abwira umukobwa uzegukana ikamba ry'uyu mwaka kudahindurwa naryo. Ati 'Icyo nasozerezaho igihe utsindiye iryo kamba ukore ibishoboka ntirihindure uwo uri we kuko umwaka nushira uzaritanga. Gumana indangagaciro zawe kandi uharanire agaciro kawe.' Uyu mukobwa yavuze ko yishimira ko imyumvire abantu bafite ku marushanwa y'ubwiza igenda ihinduka ahanini bitewe n'uburyo abategura Miss Rwanda bagerageza kumvikanisha ko ari urubuga rwo guteza imbere umwana w'umukobwa.
Aurore avuga ko mu gihe amaze ku Isi yize ko intwaro ya mbere ari ukwizera Imana, kwihangana, guca bugufi ndetse no kugira neza. Akavuga ko imyaka ibaye myinshi atagera mu Rwanda, ko ahakumbuye byinshi.
Ati 'Nafashwe mu buryo bunyuranyije n’amategeko kuko abantu ntazi bansanze iwanjye n’aho ishema TV ikorera. Abo twari turi kumwe barabafashe barababoha nanjye baramfata ariko ntibamenyesha icyo bamfatiye.'
Me Gatera Gashabana na we yagaragaje ko abagiye gufata umukiliya we batigeze banamukorera inyandikomvugo igaragaraza ibyaha ashinjwa kandi ko bagiye kumuta muri yombi mbere y’uko urukiko rusoma icyemezo cy’uko ahamwa n’ibyaha.
Gashabana yagaragaje ko umuntu waburanishijwe ari hanze afite uburenganzira bwo kuguma kuburana ari hanze mu gihe yajuririye icyemezo cy’urukiko.
Icyakoze iyo bitegetswe n’umucamanza ku mpamvu zumvikana umuburanyi yakomeza kuburana afunzwe. Ibi byatumye Me Gashabana agaragaraza ko impamvu umucamanza wafashe icyemezo cy’uko Niyonsenga ahita afungwa zidafite ishingiro.
Yagaragaje ko umucamanza yasobanuye ko impamvu zashingiweho ari uko Niyonsenga yari akomeje kwiyitirira umwuga w’itangazamakuru bityo ko yagombaga guhita afungwa.
Gashabana yavuze ko kugeza ubu icyo cyaha basanga ari icyaha cyoroheje kuko igihano cyacyo kidakwiye kurenga amezi atandatu.
Perezida w’iburanisha yabajije impande zombi niba gufungurwa by’agateganyo byaburanwa nk’inzitizi cyangwa bikwiye gufatwa nk’impamvu z’ubujurire, Gashabana asubiza ko byafatwa mu nzego zombi nubwo ubushinjacyaha buhagarariwe na Mukunzi Faustin bwabiteye utwatsi.
Mukunzi yagaragaje ko ibi byakabaye impamvu z’ubujurire bwa Cyuma Hassan aho kuba inzitizi cyane ko bwagaragaraje ko gufungwa kwe kutanyuranyije n’amategeko.
Yavuze ko ibyashingiweho afatwa ari uko yari agikomeje gukora ibyaha mu gihe yari akiri hanze.
Ati 'Ibyo uwunganira uregwa avuga tubona nta gaciro byahabwa kuko byasobanuwe ko uregwa ibyaha nibimuhama azahita afatwa agafungwa kandi byasobanuwe mu rukiko n’umwunganizi we ahari.'
Yavuga ko ibirebana n’ifungwa rinyuranyije n’amategeko urukiko rutayifitiye ububasha, naho guhita afatwa agafungwa byatewe n’uko bagendeye ku bisobanuro byatanzwe mu rukiko kandi umucamanza na we yabitangiye ibisobanuro.
Urubanza rwahise rupfundikirwa Icyemezo kuri iyi ngingo kikazasomwa ku wa 4 Gashyantare.
Perezida Yoweli Kaguta Museveni yavanye ku mwanya w'umuyobozi w'urweo rw'ubutasi CMI Maj. Gen Abel Kandiho amujyana muri Sudan y'epfo kuba intumwa idasanzwe ya perezida
Ibinyamakuru muri Uganda byanditse ko General Kandiho avanwe kuri uyu mwanya bitunguranye nyuma y'uruzinduko rwa Lt General Muhoozi KAINERUGABA mu Rwanda
General Kandiho yakunze gushyirwa mu majwi n'u Rwanda ko ariwe uhagarariye ibikorwa by'ihohoterwa n'iyicarubozo kubanyarwanda baba muri Uganda
Uyu musirikare mukuru kandi yakunze gushinjwa n'u Rwanda kuba icyambu cy'abarwanya ubutegetsi buriho mu Rwanda mu mirwe ya RNC akabaha umwanya muri Uganda.
General kandio yasimbuwe kuri uyu mwanya na Maj Gen James Birungi. Ikinyamakuru Daily Monitor cyanditse ko kitabashije kumenya neza niba ikurwaho rya general Kandiho ryaba riri mubyo perezida w'u Rwanda Paul Kagame yasabye General Muhoozi Kainerugaba, ubwo baherutse guhura mu mujyi wa Kigali. Iri zina Abel Kandiho abanyamakuru muri Uganda barigarutseho cyane nk'iryabaye intambamyi mu kunagura umubano wa Uganda n'u Rwanda umaze imyaka hafi 3 urimo igitotsi.
Ku ruhembe rw'uru rwego, Maj. General Kandiho waruyoboraga yakunze gushyirwa mu majwi nk'utiza umurindi ibikorwa by'iyicarubozo rikorerwa Abanyarwanda ku butaka bwa Uganda.
Nko mu rubanza rwa René Rutagungira, umwe mu Banyarwanda bafungiwe muri Uganda, yavuze ko Kandiho yamukoreye iyicarubozo rikamuviramo ubumuga.
Kandiho yanagarutsweho mu birebana n'Abanyarwanda bashaka guhungabanya ubutegetsi bw'u Rwanda banyuze mu mitwe y'iterabwoba n'abagiye bafatwa bari gutegura iyi migambi mibisha barabyemeje.
Uheruka ni Nsabimana Callixte 'Sankara' wabaye Umuvugizi wa FLN, ufunzwe nyuma yo guhamwa n'ibyaha by'iterabwoba n'ubwicanyi.
Uyu musirikare mukuru mu Ngabo za Uganda yanashinjwe kuba ku ruhembe rw'iyicarubozo rikomeje gukorerwa Abanyarwanda muri Uganda binyuze muri CMI, urwego rushinjwa gukorana bya hafi n'umutwe wa RNC ya Kayumba Nyamwasa mu gushaka abayoboke muri Uganda, binyuze ku bantu batandukanye barimo Kayumba Rugema.
Gen Maj Abel Kandiho wayoboraga CMI yoherejwe kuba Intumwa yihariye ya Uganda muri Sudani y'Epfo. Ashyirwa mu majwi nk'umwe mu bari ku isonga mu bikorwa byo gushimuta no gukorera iyicarubozo Abanyarwanda (Foto:IGIHE)
General Kandiho ntiyabonwaga nabi n'u Rwanda gusa kuko na leta zunze ubumwe za Amerika ziherutse kumushyira ku rutonde rw'abategetsi bakuru ba Uganda batemerewe kuhasunutsa ubuzuru, kuko bamushinja ihohotera ry'uburenganzira bwa muntu, ibyiganjemo gufunga no gukorera iyicarubozo abantu mu magereza bamwe bakahamugarira abandi bagapfa. Uyu jenerali w'inyenyeri 2 ku rutugu kandi ari mubafatiwe imitungo muri Amerika kubera ibi byaha yashinjwaga.
Perezida Paul Kagame kuri uyu wa 25 Mutarama 2022 yakiriye indahiro ya Mukamurenzi Béatrice, wagizwe Umucamanza mu Rukiko rw'Ubujurire.
Inama y'Abaminisitiri yo ku wa 14 Ukuboza 2021 ni yo yatangarijwemo ko Mukamurenzi yagizwe Umucamanza mu Rukiko rw'Ubujurire. Ku wa 28 Ukuboza 2021 ni bwo Inteko Rusange ya Sena yamwemeje kuri uwo mwanya.
Kuri uyu wa Kabiri, uyu mucamanza yarahiriye inshingano nshya mu muhango wabereye muri Village Urugwiro. Witabiriwe n'abanyacyubahiro batandukanye mu nzego nkuru za Leta.
Nyuma yo kwakira indahiro ya Mukamurenzi, Perezida Kagame yasobanuye ko inshingano yinjiyemo atari nshya kuko azisanzwemo.
Yagize ati 'Igihindutse ni uko agiye kuzikorera mu rundi rwego rw'ubucamanza. Sinshidikanya ko azubakira ku mirimo asanzwe akora, agakomeza gukorera igihugu n'Abanyarwanda uko bikwiye.''
Umukuru w'Igihugu yagaragaje ko izi nshingano ziremereye kuko ubutabera ari imwe mu nkingi z'ingenzi amajyambere y'u Rwanda yubakiyeho.
Yakomeje ati 'N'amateka y'igihugu cyacu atwigisha byinshi, kimwe muri byo ni ukutihanganira kurebera akarengane gakorwa, ahubwo bikaba ngombwa ko dufata iya mbere tukakarwanya uko kaba gakorwa n'uwo kaba gakorerwa.''
'Abantu twese turi hano ni cyo twaharaniye, iyo abantu bavuga kwibohora ni ibyo tuba tuvuga, abantu bibohora akarengane, ntabwo twatezuka guhora turwanya iby'akarengane.''
Perezida Kagame yavuze ko iyo mikorere ikwiye kujyana no kwimakaza indangagaciro zo 'kudaceceka cyangwa ngo duterere iyo ahagaragaye ibikorwa bibi, tugomba kugira icyo dukora.'
Ati 'Ni cyo ubutabera muri rusange buvuze. Ubutabera bukubiyemo ibyo twigiye mu rugendo turimo rwo kubaka igihugu no kubaka umuryango Nyarwanda, binyuze mu gukorera Abanyarwanda uko bikwiye n'ibyo bifuza.''
Urukiko rw'Ubujurire ni rumwe mu nzego zashyizweho kugira ngo imanza zihute, Abanyarwanda babone ubutabera mu buryo budatinze.
Perezida Kagame yibukije ko kudatanga ubutabera igihe gikwiye ari nko kubura ubutabera cyangwa kutabutanga. Yasabye inzego zose gukorera hamwe kugira ngo intego yo gutanga ubutabera bukwiye igerweho.
Yijeje Mukamurenzi kuzamuba hafi ndetse n'abandi bayobozi ko bazamufasha kuzuza neza inshingano ze.
Mbere yo kugirwa Umucamanza mu Rukiko rw'Ubujurire, Mukamurenzi yari mu Urugereko rwihariye rw'Urukiko Rukuru ruburanisha Ibyaha Mpuzamahanga n'Ibyambukiranya Imbibi. Urukiko rw'Ubujurire yoherejwemo rwashyizweho hagamijwe kuvugurura inzego z'ubucamanza no kuzifasha kurushaho gutanga ubutabera bwihuse kandi bunoze.
Mukamurenzi Béatrice yagizwe Umucamanza mu Rukiko rw'Ubujurire mu Ukuboza 2021
