Author: webrwanda

Ni Kaminuza Nshya kuko yemejwe n'Inama y'Abaminisitiri mu Ukuboza 2020. Kugeza ubu itanga amasomo atandukanye arimo Ubuhanga mu mikurire y'abana (Children Development) Iyobokamana (Theologie), Gukurikirana no kugenzura ibikorwa by'amajyambere (Monitoring and Evaluation) n'ibindi bigezweho ku isoko ry'umurimo.

Iri shuri ribumbatiye indangagaciro za gikirisitu, rifite intego yo kuba ipfundo ry'ubumenyi n'ubuhanga ndetse no guca burundu inyigisho z'ubuyobe zigaragara mu matorero n'amadini anyuranye muri iki gihe.

Umuyobozi Mukuru wa East African Christian College, Rev. Prof Viateur Ndikumana, yabwiye IGIHE ko nubwo ari urugendo rutoroshye, biteguye gukora cyane mu rwego rwo kugera ku ntego biyemeje.

Yagize ati 'Kuba icyitegererezo ni umurimo utoroshye. Ikizatuma tubigeraho ni indangagaciro. Turi gushyira imbaraga ku ndangagaciro za gikirisitu n'iza Kinyarwanda kuko burya ni ibintu bigendana cyane.'

' Kugira ngo tubigereho ni abarimu beza kandi bafashwe neza ndetse n'uburyo turi guteganya gufatanya n'izindi Kaminuza. Ikindi kandi ni ukwimakaza imyigishirize igezweho yo kwifashisha uburyo bw'ikoranabuhanga.'

Yakomeje agira ati 'Hari n'ikigega dufite cyo gufasha abanyeshuri batishoboye tubaha buruse zo kwiga. Ikindi tuzashyiramo imbaraga cyane ni ubushakashatsi ku buryo ibyo tuzaba twigisha bizaba byubakiye kuri bwo.'

Yavuze ko mu gihe kidatinze hazaba higishirizwa n'amasomo ajyanye n'Ubuvuzi, Uburezi ndetse na Siyansi.

Kimwe mu bizatuma iri shuri rigera ku ntego ryihaye, ngo ni uko ubuyobozi bw 'Itorero Anglican ry'u Rwanda burangajwe imbere na Archbishop Dr Laurent Mbanda bwarishyize ku mwanya w'imbere mu bikorwa by'Itorero muri iyi minsi.

Rifite kandi umwihariko wo kuba ari ryo shuri ryigenga riri mu mujyi wa Kigali ryatangiriye ku butaka bwaryo bungana na hegitare 15 kandi ricumbikira abanyeshuri baryigamo.

Rifite ibikorwa remezo binyuranye birimo n'inyubako zitezweho kubyara amafaranga ashobora gutunga abarimu hadashingiwe gusa ku mafaranga abanyeshuri bishyuye.

Ryitezweho kurandura inyigisho z'ibinyoma

Kuba ari Kaminuza yashinzwe n' Itorero byatumye mu masomo ahatangirwa hashyirwamo icyiciro cya Kabiri cya Kaminuza mu Iyobokamana (Theologie) hagamijwe ko abakozi b'amatorero bagira ubumenyi buhagije.

Bijyanye n'Itegeko ryo ku wa 31 Kanama 2018 rigena imitunganyirize n'imikorere by'imiryango ishingiye ku myemerere risaba ko abayobozi mu matorero bagomba kuba bafite impamyabumenyi ya kaminuza mu by'iyobokamana cyangwa indi mpamyabumenyi ya kaminuza hiyongereyeho impamyabushobozi yemewe mu byerekeye iyobokamana kandi yatanzwe n'ishuri ryemewe.

Hari kandi na PostGraduate Diploma muri Tewolojiya aho abasanzwe bafite icyiciro cya Kabiri cya Kaminuza mu yandi masomo bashobora kwiga umwaka umwe , ibintu utapfa gusanga henshi muri Kaminuza zo mu Rwanda.

Muri iri shami rya Theologie, Kaminuza yakira abashaka kuba abavugabutumwa, abasanzwe bakora uwo murimo n'abasanzwe ari abayobozi mu matorero atandukanye, kuko Kaminuza ubwayo itakira abanyeshuri ishingiye ku idini cyangwa itorero babarizwamo.

Rev. Prof. Viateur Ndikumana yagaragaje ko kwigisha abapasiteri n'abavugabutumwa mu matorero biba bikenewe kuko bibaha umuyoboro ufatika bagakora ibyo bize kandi bafitiye umuhamagaro.

Amacumbi y’abanyeshuri yubatswe mu buryo bugezweho

Amasomo ajyanye n’Iyamamazabikorwa nayo ari mu ahatangirwa

Abiga iyobokamana baba bafite ibitabo byo gusoma kandi bikubiyemo ubwenge

Hari amahumbezi ava mu biti biganje byubatse mu busitani bw’ishuri

Hari isomero rikungahaye ku bumenyi bujyanye n’amasomo ahigishirizwa

Hari ikibuga kinini gikinirwaho imikino inyuranye

Hari na hahunda yo kubaka irerero kugira ngo abanyeshuri bajye bahatangirira bakiri bato

Icungamutungo n ibaruramari nayo arahigishirizwa

Icyumba cya Mudasobwa abanyeshuri bakoresha mu rwego rwo kubafasha mu bushakashatsi

Imirimo yo kubaka irerero igeze ahashimishije

Ni Ishuri rifite amacumbi agezweho ku banyeshuri biga ba mu kigo

Iri Ishuri riherereye mu Karere ka Kicukiro Umurenge wa Masaka urenze gato ku bitaro bya Masaka

Hari isomero ryagutse kandi rifite amateka akomeye

Iyi stade bifuza no kuba bayikodesha ku makipe adafite ibibuga yo mu cyiciro cya mbere cy’umupira w’amaguru mu Rwanda

Nk’ishuri rishingiye ku iyobokamana, hari n’urusengero ku buryo igihe kigera abanyeshuri n ‘abakozi bakajya guhimbaza Imana

Iri shuri ryifuza kuba igicumbi cy’uburezi bushingiye ku iyobokamana

Ugeze mu isomero ryabo usanga harimo ibitabo bitandukanye bibumbatiye ubumenyi

Umwihariko waryo ni uko ryatangiriye ku butaka bwaryo bwite

Nk’uko bigaragara mu butumwa bwohererejwe amakipe bwashyinzweho umukono na Jabo Landry ushinzwe ibikorwa muri iyo Federasiyo, buvuga ko amakipe azitabira pre-season tournament agomba gutanga urutonde rw’abakinnyi azakoresha kandi rusinyeho bitarenze ku itariki uyu wa gatatu saa kumi n’imwe (17:00), ikipe itazubahiriza igihe ikazafatwa nk’itazitabira.

Bugira ati 'Bwana/Madame muyobozi, tunejejwe no kubandikira twibutsa bwa nyuma ibyo twari twabasabye aribyo 'list’ isinyweho n’abakinnyi bazabakinira muri pre-season na gahunda y’imyitozo bitarenze ejo ku wa Gatatu tariki ya 26 Mutarama 2022 saa kumi n’imwe z’umugoroba'.

'Icyitonderwa: Ikipe izarenza itariki n’isaha ntarengwa itaratanga ibyasabwe hejuru, izafatwa nk’itazitabira pre-season.'

REG BBC niyo ibitse iki gikombe

Nk’uko bigaragara mu itangazo, biteganyijwe ko iri rushanwa rizatangira tariki ya 28 mutarama 2022 mu bagabo n’abagore, ndetse rikazajya ribera mu bibuga bya Stade nto y’Iremera (Petit Stade) n’ikibuga cya IPRC ya Kigali.

Dore uko amakipe agabangije mu matsinda

Abagabo

Itsinda A Itsinda B

REG -Patriots
IPRC Kigali -Tigers
UGB -APR
IPRC Huye -Shoot 4 Stars

Abagore

Itsinda A Itsinda B

REG -The Hoops
APR -UR Huye
IPRC Huye -UR CMHS

Mu bagore IPRC Huye niyo ibitse igikombe giheruka

Mubagabo REG BBC niyo ibitse iki gikombe yatwaye nyuma yo gutsinda IPRC ya Kigali amanota 67-53. Naho mubagore iki gikombe kibitswe na IPRC HUYE yatwaye nyuma yo gutsinda The hoops Rwanda amanota 71 kuri 59.

Abaherwe 18 bo ku mugabane w’ Africa batunze abarirwa muri miliyari 84.9 z’amadorari y’America, mu gihe mu mwaka wa 2014 bari bafite igiteranyo cya miliyari 28 gusa. Forbes ivuga ko izamuka ry’ibiciro ku bikorerwa mu nganda zabo zikomeye ari byo bituma aba baherwe bakomeza kugwiza ifaranga.

Forbes yakoresheje ibiciro by’imigabane n’igipimo cy’ivunjisha bapima ubwiyongere ku bukire ku bagwizatunga ba Africa. Abaherwe bo muri Africa biganje muri Misiri, Africa y’epfo na Nigeria.

Ku nshuro ya 11 mu myaka yikurikiranya, Aliko Dangote wo muri Nigeria ni we muntu ukize cyane ku mugabane wa Afurika, aho atunze ibifite agaciro ka miliyari 13.9 z’amadolari y’America. Mu mezi 12 ashize yungutse ayinga Mikiyari 2 z’amadorari nyuma yo kuzamuka kwa 30% kw’igiciro cya sima ye ‘Dangote Cement’.

Aliko Dangote

Johann Rupert wo muri Afurika y’Epfo ni umwe mu bagize inyungu ikomeye mu mezi 12 ashize, bitewe no kwiyongera kw’agaciro k’imigabane muri kompanyi ye yitwa ‘Compagnie Financiere Richemont’ ikora amasaha ya ‘Cartier’ hamwe n’amakaramu ya ‘Montblanc’. Ibi byatumye umutungo we ugera kuri miliyari 11 uvuye miliyari 7.2 z’amadorari y’America uko wanganaga muri Mutarama 2021.

Umuntu wungutse cyane mu ijanisha ryo hejuru cyane ni Strive Masiyiwa wo muri Zimbabwe, wungutse angana na 125%. Kuri ubu, umutungo we ufite agaciro ka miliyari 2.7 z’amadolari, aho yavuye kuri miliyari 1,2 mu mwaka ushize. Imigabane ya ‘Econet Wireless’ Zimbabwe yashinze, yazamutseho hejuru ya 750% mu mwaka ushize, imufasha gutumbagiza umutungo we.

Strive Masiyiwa

Undi wungutse cyane ku ijanisha ni Abdulsamad Rabiu, umucuruzi wa Sima muri Nigeria, aho afite umutungo w’agaciro ka miliyari 1.5 z’amadolari y’America. Mu ntangiriro za Mutarama 2022, Rabiu isukari n'ibiribwa ‘BUA Foods’ ku isoko ry'imigabane rya Nigeria, aho we n’umuhungu we bagumanye imigabane 96% muri iyi sosiyete.

Babiri gusa mu baherwe 18 ba mbere muri Africa, nibo batungutse mu mwaka ushize. Abo ni Koos Bekker wo muri Afurika yepfo, wavuye kuri Mikyari 2.8 agera kuri miliyari 2.7 kuko igiciro cy'imigabane y'ibigo bye bikoresha interineti (Naspers na Prosus) byagabanutse hejuru ya 20% na Mohammed Dewji wo muri Tanzaniya, aho na we umutungo wagabanutse uva kuri miliyari 1.6 ugera miriyari 1.5 y’ amadorari y’America. 

Kloos Bakker ari mu bahombye

Abaherwe 18 bo muri Afrika muri uyu mwaka wa 2022, nta n’umwe uje bwa mbere ku rutonde. Bakomoka mu bihugu birindwi bitandukanye, aho Afurika y’Epfo ifitemo batanu inganya na Misiri, bigakurikirwa na Nigeria ifite batatu ndetse na Maroc ifite babiri.

Abaherwe 18 ba mbere muri Africa ubu ni;

1. Aliko Dangote – Nigeria

2. Johann Rupert – Africa y’epfo

3. Nicky Oppenheimer – Africa y’epfo

4. Nassef Sawiris – Misiri

5. Abdulsamad Rabiu – Nigeria

6. Mike Adenuga – Nigeria

7. Issad Rebrab – Algeria

8. Naguib Sawiris – Misiri

9. Patrice Motsepe – Africa y’epfo

10. Koos Bekker – Africa y’epfo

11. Strive Masiyiwa – Zimbabwe

12. Mohamed Mansour – Misiri

13. Aziz Akhannouch – Marooc

14. Michiel Le Roux – Africa y’epfo

15. Othman Benjelloun – Marooc

15. Mohammed Dewji – Tanzania

15. Youssef Mansour – Misiri

18. Yasseen Mansour – Misiri

Mohammed ‘Mo’ Dewji, Umunya-Tanzania ufite umugabane munini mu ikipe ya ruhago (Simba SC) ni we ukize kurusha abandi muri Africa y’ i Burasirazuba.

Yabigarutseho kuri uyu wa 25 Mutarama 2022, mu biganiro byayobowe na Ambasaderi uhagarariye EU mu Rwanda, Nicola Bellomo.

Ni ibiganiro byitabiriwe n'abagize Guverinoma barimo Minisitiri w'Ubucuruzi n'Inganda, Habyarimana Béata, Minisitiri w'Imari n'Igenamigambi, Dr. Ndagijimana Uzziel, Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène n'abandi.

Minisitiri Biruta yavuze ko kuva mu 2019, ubwo ibiganiro nk'ibi biherutse kubaho, hari impinduka nyinshi zabaye mu Isi ariko ubufatanye bw'u Rwanda na EU bugakomeza kuba bwiza.

Ati 'Ubufatanye bw'u Rwanda na EU bwakomeje kugira imbaraga by'umwihariko muri ibi bihe by'icyorezo cya Covid-19, kandi dukeneye gukomeza gukorana bya hafi kugira ngo tubashe kugitsinda.'

Yakomeje agira ati 'Dushimira ubufasha twahawe na EU kuva iki cyorezo cyatangira burimo ubw'inkingo ariko n'uruhare rwa EU mu rugendo u Rwanda rwatangiye rwo gutangiza uruganda rukora imiti n'inkingo.'

Minisitiri Biruta yavuze ko u Rwanda rwatangiye ishyirwa mu bikorwa ry'icyerekezo 2050 na gahunda yo kwihutisha iterambere rirambye, NST1, kandi ibyo byose rubifashwamo n'abafatanyabikorwa barimo na EU.

Ati 'Twizeye gukomeza gukorana n'itsinda ry'u Burayi mu nzego zirimo uburezi, kongerera ubumenyi no guhangira imirimo urubyiruko, guteza imbere ubuhinzi, imiyoborere no guteza imbere urwego rw'abikorera.'

Ibiganiro bihuza u Rwanda na EU byagarutse ku nyungu ziri mu mikoranire hagati y'impande zombi ndetse n'uburyo bwo gukomeza kwagura umubano.

Abayobozi mu nzego zitandukanye bitabiriye ibiganiro byahuje u Rwanda na EU

Ibiganiro bihuza u Rwanda na EU byibanze ku ngingo zirimo ubufatanye mu guhashya Covid-19

Minisitiri Biruta na Ambasaderi Nicola Bellomo bemeranyije ko EU n’u Rwanda bizakomeza ubufatanye mu nzego zitandukanye

Minisitiri w’Ububanyi n’Amahanga, Dr. Biruta Vincent, yashimye umusanzu wa EU muri gahunda y’u Rwanda yo gukorera inkingo n’imiti mu Rwanda