Author: webrwanda

Abasirikare bafunze Perezida Roch Marc Christian Kabore ku wa mbere, w’iki cyumweru bamuziza ko yananiwe murugamba igihugu kirimo n’imitwe y’abajihadiste.

Igihugu kugeza ubu kiyobowe n’umutwe wiswe Mouvement Patriotique pour la Préservation et la Restauration, ku isonga ryawo hakaba hari Lt Col Paul-Henri Sandaogo Damiba.

Abantu babarirwa mu bihumbi bahuriye mu murwa mukuru Ouagadougou, n’amabendera y’igihugu berekana ko bashigikiye abasirikare bafashe ubutegetsi, ndetse bamwe muri bo bari bafite amabendera ya Mali n’ay’u Burusiya, bagamije kwerekana ko bifatanyije n’abasirikare bari ku butegetsi muri Mali.

Ako gatsiko k’abasirikare ku wa mbere nibwo katangaje ko gakuyeho itegeko nshinga, gasesa Guverinoma ndetse n’Inteko Ishinga Amateka, kanafunga imipaka.

Gusa ku wa kabiri, katangaje ko gafunguye urujya n’uruza rwo mu kirere n’inzira zo ku butaka ku modoka zitwara imfashanyo, iz’igisirikare ndetse n’izitwara ibyibanze nkenerwa.

Umunyamabanga mukuru wa ONU, Antonio Guterres, yavuze ko iyo Coup d’état itemewe, avuga kandi ko demokarasi ari yo ikwiye kwimakazwa. Perezida w’u Bufaransa, Emmanuel Macron, na we yamaganye iyo Coup d’état, yongera gusaba ko Perezida Kaboré arekurwa bidatinze.

Abaganiriye na IGIHE kuri uyu wa 25 Mutarama 2021, bari mu cyikiro cya 22 kirangije amasomo atangirwa Iwawa mu Karere ka Rutsiro, cyatangiye amasomo ku wa 30 Mata 2021, kuri ubu bakaba bari kwitegura gutaha bagasubira mu buzima busanzwe nyuma yo kwigishwa imyuga irimo ubudozi, ubwubatsi, ububaji n'ubuhinzi bwa kijyambere.

Utubereyimfura Rodrigue wo mu Karere ka Kicukiro yavuze ko yigiye byinshi muri iki Kigo, ariko aburira bagenzi bafite imyitwarire idahwitse n'abishobora mu kigare.

Uyu musore watangiye gukoresha ibiyobyabwenge ku myaka 12 gusa ubwo yari akiri umunyeshuri, yagize Ati “Nanywaga urumogi, isigara n'inzoga nyinshi. Ikintu cya mbere nshyiriye bagenzi banjye ni indangagaciro twigiye hano, iyo umuntu azikurikije zimugirira akamaro”.

Shema Frank wishoye mu biyobyabwenge ari umugabo wubatse ndetse wanasoje kaminuza, yavuze ko inshuti mbi zishobora kugira ingaruka ku buzima bw'umuntu.

Ati “Inshuti mbi nicyo kintu cyatumye nisanga nkoresha ibiyobyabwenge. Narahemutse, mpemukira abana banjye kandi nanjye ntiretse. Umuryango wanjye nawizeza ko ibi bintu bitazasubira, kandi ndasaba imbabazi Umuryango Nyarwanda.'

Umuhuzabikorwa w'Ikigo Ngororamuco cya Iwawa, akaba n'inzobere mu bijyanye n'uburwayi bwo mu mutwe, Dr. Jean Damascene Nshimiyimana, avuga ko amasomo atangirwa Iwawa agamije intego ebyiri, zirimo kugorora (rehabilitation) no gusubiza abantu mu buzima busanzwe (reintegration).

Yasobanuye ko ikibazo gikunze kugaragara mu basore bazanwa muri icyo Kigo, kijyanye n'uburere butangirwa mu muryango kuva umwana akiri muto.

Ati “Kenshi mu miryango niho bipfira kandi niho hari igisubizo. Iyo umugabo n'umugore batumvikana, bakarwana, nta wundi uhazaharira uretse umwana. Abana benshi dufite hano bava muri bene iyo miryango, niyo mpamvu dushishikariza ababyeyi kurera abana neza no kubabera urugero.”

Umuyobozi w'Akarere ka Rutsiro, Murekatete Triphose, yavuze ko buri karere kazi umubare w'abasore bavuye Iwawa kagiye kwakira kandi ko biteguye kubasubiza mu buzima busanzwe kugira ngo batazasubira mu buzererezi n'ibindi byatuma bagarurwa Iwawa.

Ati “Twiteguye kubakira no kubafasha kugira ngo batazabisuramo. Imiryango mwasize irabategereje, mwaje muri ba Sawuli ariko ubu mwabaye ba Pawulo. Nk'ubuyobozi twiteguye kubafasha kugira ngo ibyo mwize mubishyire mu bikorwa.”

CP Bruce Munyambo, Umuyobozi w'Ishami rya Polisi rishinzwe imikoranire ya Polisi n'izindi nzego, yavuze ko aba basore bakwiye kwitwa imboni z'impinduka aho kwitwa abavuye Iwawa, asaba Umuryango Nyarwanda kubakira, ntubatekereze nk'abanyamakosa.

Ati “Turabasaba kwiha agaciro, ntibagomba kujya mu bikorwa bibi nko kwiba cyangwa kujya mu biyobyabwenge. Turabasaba kongera ubumenyi, bakabyaza umusaruro ibyo bize kugira ngo bazagire imibereho myiza.”

Icyiciro kirangije amasomo ni icya 22, aho kuva iki Kigo cyatangira mu 2010, abamaze kuhagororerwa barenga 27.300.

Abagororerwa Iwawa basabye urubyiruko kwirinda ibigare bishobora kurushora mu ngeso mbi

Rutahizamu mushya wa Rayon Sports ukomoka muri Uganda, Musa Esenu, yamaze gusinyira Rayon Sports amasezerano y’imyaka 2 asezeranya abakunzi b’iyi kipe kuzakora ibishoboka byose agatsinda ibitego.

Ni rutahizamu waraye ageze mu Rwanda mu ijoro ryakeye, mu gitondo cyo kuri uyu wa Gatatu tariki 26 Mutarama 2022 nibwo yashyize umukono ku masezerano y’imyaka 2 akinira Rayon Sports.

Uyu rutahizamu akaba yahawe nimero 7 akaba ari yo azajya yambara, ni nimero yambarwaga n’umunya-Maroc, Rharb Youssef yambaraga ariko ubu yasubiye iwabo.

Nyuma yo gusinya Esenu yasezeranyije abakunzi ba Rayon Sports ko azakora ibishoboka byose ngo atsinde ibitego muri Rayon Sports nka kimwe bamutegerejeho.

Ati 'Muri rusange ndishimye kuba ndi muri iyi kipe, gukorana n’umutoza n’abakinnyi nzongeramo n’ingufu zanjye, ndabasezeranya ko nzakora icyo bisaba cyose kugira ngo ntsinde ibitego muri Rayon Sports.'

Yakomeje avuga ko abakunzi b’iyi kipe bagomba kumwitegaho byinshi, ngo uyu ni umwanya wo gukora cyane.

Ati 'Bagomba kunyitegaho byinshi kuko ni izindi nshingano kuri njye, ngiye gukora cyane, ibyo n’ibyo nasezeranya abafana, baze badufashe ntabwo tuzabatenguha.'

Esenu Musa asinyiye Rayon Sports avuye muri Bul FC yo muri Uganda, akaba asize atsinze ibitego byinshi mu gice kibanza cya shampiyona ya Uganda aho yatsinze ibitego 8. Ni rutahizamu wakiniye amakipe atandukanye nka KCCA, Vipers n’andi.

Impande zombi zisinya amasezerano

Azajya yambara 7

Ati “kula tanu akazi turagasoje”

Mu ijoro ryo kuri uyu wa Kabiri ahagana Saa ine z’ijoro, ni bwo rutahizamu Musa Esenu ukomoka muri Uganda yari ageze mu Rwanda aje gukinira ikipe ya Rayon Sports, akaba aturutse mu ikipe ya BUL Fc yo mu cyiciro cya mbere muri Uganda.

Rutahizamu Musa Esenu yahawe numero 7

Mu gitondo cyo kuri uyu wa Gatatu ni bwo yahise asinya amasezerano y’imyaka ibiri mu ikipe ya Rayon Sports, aho yavuze ko yishimiye kuba yaje mu ikipe ya Rayon Sports ndetse yiteguye no kuyifasha kwitwara neza.

Yagize ati 'Ndishimiye cyane kuba ngiye gukinira ikipe ya Rayon Sports, nzakorana n’abatoza ndetse na bagenzi banjye kandi nzashyiramo imbaraga zanjye mu gutsinda ibitego'

Musa Esenu yakinnye mu makipe nka Soana ( ubu yitwa Tooro United), Kampala Capital City Authority (KCCA) na Vipers, kugeza ubu hamwe na Ceaser Lobi Manzoki wa Vipers ni bo basoje imikino ibanza bayoboye abatsinze ibitego byinshi aho buri wese afite umunani.

Iyi kipe ya BUL FC Musa Esenu yakiniraga, kugeza ubu nyuma y’imikino 15 ibanza iri ku mwanya wa kane n’amanota 24, aho iza inyuma y’amakipe nka Express, Vipers itozwa na Robertinho, ndetse n’ikipe ya KCCA iyoboye urutonde.

Uru rubyiruko rwahawe impanuro zizatuma ruva mu byaha rugakora rugatera imbere

Urubyiruko 1,585 bagororerwa ku kirwa cya Iwawa bagiye gusubira mu miryango yabo nyuma y’amezi icyenda bagororwa.

Mbere yo gutaha, ubuyobozi bw’Ikigo cy’igihugu cy’igororamuco (NRS), burabaganiriza uko bagomba kuzitwara mu buzima bagiyemo, nyuma y’igihe babukuwemo kubera imyitwarire mibi yatumye bajya kugororwa.

Ku wa 22 Mutarama 2022, Pasiteri Dr. Antoine Rutayisire yagiye gusura urubyiruko rurererwa Iwawa kugira ngo aruganirize ndetse aruhe impanuro zizarufasha mu buzima rugiyemo.

Uyu muhanga mu nyigisho z’imiyoborere, avuga ko atanga inyigisho zigamije guhindura, bitandukanye no gutanga inyigisho umuntu amenya ariko ntizigire icyo zimumarira.

Dr Rutayisire, avuga ko amahitamo y’umuntu ariyo agena iherezo rye, asaba urubyiruko ruri ku kirwa cya Iwawa gukoresha imbaraga zabo mu bikorwa byiza kurusha uko bazikoresha mu bikorwa bibi.

Agira ati 'Mwige gutekereza cyane, niba ukoresha imbaraga nyinshi ucuruza urumogi kandi ntirufatwe ahubwo rukakungukira, kuki utazikoresha utekereza igikorwa cyiza, kandi ukungukira mu bitakujyana mu bibazo.'

Dr Rutayisire abihera ko urubyiruko n’abakuze bose bari mu bigo ngororamuco biterwa n’imyitwarire mibi iba yarabaranze bigatuma bajya kugororwa, asaba abantu bose bakoresha imbaraga nyinshi gukora ibikorwa bibi kuzibukira, bagatekereza ibikorwa byiza bitabagiraho ingaruka.

Agereranyije n’inkuru ya Sawuli wahindutse Pawulo, avuga ko urubyiruko rujya mu bikorwa bibi rutarusha imbaraga Leta, ahubwo bakemera bakarandatwa nk’uko Pawulo yahumye akarandatwa agahinduka akongera kureba.

Agira ati 'Urubyiruko rwakuwe mu bikorwa bibi, ruzanwa Iwawa ruragororwa, rwigishwa imyuga, ni rwemere guhinduka, rugire intego no kudacika intege, kuko kunyura inzira y’ubusamo bitazabagwa neza. Ushaka gutera imbere agomba kugira imyitwarire myiza no kwirinda gusesagura.'

Tariki ya 27 Mutarama nibwo urubyiruko rugororerwa Iwawa ruzasoza amasomo, naho tariki 29 Mutarama 2022 rutangiye gusubira mu miryango.

Umuyobozi wa NRS, Mufuluke Fred, avuga ko iki kigo kitazahita cyakira abandi bagomba kugororwa, ahubwo ngo hazabanza kubaho umwiherero w’abakora mu bigo bigorora kugira ngo bagenzuro ibyo bakora n’uburyo barushaho kunoza ibyo bakora.

Avuga ko kuva 2010 ikigo cya Iwawa cyatangizwa, abahakora batigeze baruhuka ngo barebe ibyo bakora, ariko ubu buzakorwa.

Agaragaza ko mu byo bazaganira harimo kugenzura amasomo batanga, agomba kujyana no kwigisha bijyana no guhinduka kurusha.

Mufuluke avuga ko mu byo bifuza guhindura ari ugutanga uburere n’ubumenyi, ariko bijyana no gukurikirana abagorowe kugira ngo batazasubira mu bikorwa bibi bahozemo.

Ni uburyo bushya kuko abagororerwa Iwawa ubundi bakurikiranwa n’ubuyobozi bw’uturere tubaha ibikoresho ariko ntidukurikirane ibibazo bahura nabyo, bituma basubira mu bikorwa bibi bahozemo.

Agira ati 'Ibyo dushyize imbere ni ugukorana n’uturere n’inzego z’ibanze kandi bagahura nibura rimwe mu kwezi bakamenya ibibazo bahura nabyo. Natwe tuzajya tubaherekeza aho bari bafashwe batarasubira mu bikorwa bahozemo.'

Ikigo cya Iwawa kuva cyatangizwa 2010, kimaze kwakira abantu 27,312 bakigororewemo, ariko umubare munini ni ugororwa ukongera ukagaruka kubera kudahinduka.

Dufashe urugero mu bashoje amasomo 1585, abagarutse ni 573, mu gihe abajyanwa Iwawa benshi bavuye mu Mujyi wa Kigali n’Intara y’Iburasirazuba.

Tariki ya 04/02/2022 ni bwo umunyarwanda Mugisha Emmy azahagruka mu Rwanda yerekeza mu Misiri, aho agiye gukina muri Academy yahoo yitwa Extreme Tennis Academy, aho yasinye amasezerano y’amezi atandatu ashobora kwiyongera igihe yaziitwara neza.

Mugisha Emmy witegura kwerekeza mu Misiri

Mu kiganiro yagiranye na Kigali Today, yavuze ko aya ari amahirwe abonye atagomba kwitesha, bikazatuma agera ku ntego yihaye yo kuza mu bakinnyi 500 ba mbere ku isi muri Tennis.

Yagize ati 'Bizampa amahirwe yo gukina amarushanwa mpuzamahanga akomeye nari naraburiye muri East Africa, ni igihugu cyakira amarushanwa menshi mpuzamahanga kuruta n’ibihugu byinshi by’I Burayi, kuko bakira amarushanwa arenga 35 ku mwaka, ni amahirwe nzaba ngize yo kuzamura urwego rwanjye n’izina ry’u Rwanda'

'Intego ni ukuba mu bakinnyi 500 ku isi,byashoboka nkaba nazaza no mu ijana ariko intego ya mbere ni ukujya muri 500, birashoboka igihe nzabona amahirwe yo gukina aya amarushanwa mpuzamahanga, ni amahirwe nabonye ntagomba gupfusha ubusa'

Mugisha Emmy yihaye intego zo kuza mu bakinnyi 500 ku isi

Umuyobozi w’ikipe ya APR FC, Lt Gen Mubarakh Muganga yasuye ikipe ya APR FC mu myitozo maze yibutsa abakinnyi ko babafitiye umwenda w’instinzi.

Ni nyuma y’uko iyi kipe inganyije na AS Kigali 0-0 mu mukino w’umunsi wa 14 wa shampiyona ya 2021-22 wabaye tariki ya 22 Mutarama 2022.

Nyuma y’uyu mukino, umutoza wa APR FC, Adil Erradi yagaragaje kutishimira imyitwarire ya ba rutahizamu be aho yavuze ko bamutengushye ndetse batari no ku rwego rwo gukinira iyi kipe y’ingabo z’igihugu.

Ku munsi w’ejo hashize ku wa Kabiri tariki ya 25 Mutarama 2022, umuyobozi wa APR FC, Lt Gen Mubarakh Muganga yasuye iyi kipe mu myitozo abibutsa ko ari ikipe y’ingabo z’igihugu kandi aho izi ngabo ziri hose zirangwa n’intsinzi bityo ko bafitiye ideni iyi kipe.

Ati 'Sinaherukaga kuza kubareba mu myitozo bitewe n’akandi kazi mba ndimo, ariko imikino imwe n’imwe yanyu ndayireba, shampiyona ntiyoroshye kandi nk’uko mubizi mwese iyi kipe n’iyingabo z’igihugu kandi ingabo z’u Rwanda aho ziri hose zirangwa n’intsinzi, namwe mudufitiye umwenda w’intsinzi, imyitozo yanyu nayikurikiranye dukeneye kubona muri ya kipe itsinda ibitego byinshi, ikipe yose mugiye guhura ikaba ibizi ko iri butahe itsinzwe ibitego byinshi.'

Yakomeje ababwira ko bagomba gukora ibishoboka byose bakabona intsinzi kuko n’ikipe nayo iba yabahaye ibyo bakeneye byose.

ati' Murabizi tuba dushaka kugira abakinnyi benshi mu ikipe y’igihugu ibyo rero bitangirira hano mu ikipe uba usanzwe ukinira, mwitware neza kuko muri mu ikipe ibaha byose mushaka ubundi namwe tubabaza intsinzi, mu kibuga haberamo byinshi ariko ibyo byose mugomba kubinyuramo gitwari kandi mu kinyabupfura ikipe muhanganye kenshi iza ishaka kububakiraho amazina ariko mubereke ko mwe hari icyo mubarusha.'

APR FC ikomeje imyitozo yitegura umukino w’umunsi wa 15 wa shampiyona wo bazakinamo na Police FC tariki ya 28 Mutarama 2022.

Kugeza ubu APR FC iri ku mwanya wa 2 n’amanota 28 n’imikino ibiri y’ibirarane, Kiyovu Sports niyo iyoboye urutonde n’amanota 29.

Umuyobozi wa APR FC yabwiye abakinnyi ba APR FC ko babafitiye ideni ry’intsinzi

Adil ntabwo yishimiye uko abakinnyi be barimo kwitwara muri iyi minsi

Yasabye abakinnyi gushaka intsinzi

Rutahizamu mushya w’ikipe ya Rayon Sports ukomoka muri Uganda, Musa Esenu yaraye ageze mu Rwanda aho agomba gusinyira iyi kipe uyu munsi.

Uyu mukinnyi w’imyaka 26, yakiniraga ikipe ya Bul FC y’iwabo muri Uganda aho yasoje imikino ibanza ya shampiyona ari we uyoboye abamaze gutsinda ibitego byinshi aho afite ibitego 8.

Uyu mugande witezweho kuzahura ubusatirizi bwa Rayon Sports, biteganyijwe ko ashyira umukono ku masezerano y’imyaka 2 yo gukinira iyi kipe saa 9h z’uyu wa Gatatu tariki ya 26 Mutarama 2022.

Uyu musore akaba abisikanye n’abakinnyi babiri bakina basatira basezerewe n’iyi kipe, ni nyuma yo gutsindwa igeragezwa.

Rayon Sports yari yazanye ba rutahizamu 2, umunya-Cameroun, Maël Dindjeke wakiniraga ikipe ya PWD of Bamenda na Cedric ukomoka muri Nigeria, bakaba bakoraga igeragezwa guhera tariki ya 20 Mutarama 2022, bakaba baritsinzwe aho bagomba guhita bisubirira iwabo.

Musa Esenu yaje gusinyira Rayon Sports

Yaraye ageze mu Rwanda