Author: webrwanda

Umuyobozi wa Gasogi United, Kakooza Nkuriza Charles uzwi nka KNC, yaraye atangaje ko ikipe abereye Umuyobozi isezeye gukina shampiyona y’icyiciro cya Mbere nyuma yo gushinja Abasifuzi na FERWAFA kugambana bakamwiba ku mukino yatsinzwe na Rayon Sports igitego 1-0 ariko akibwa igitego kigaragara.

KNC yabwiye Itangazamakuru ati “Biteye isoni n’agahinda.Bikomeje kwisubiramo.Mwabonye umukino wa Police FC uko warangiye.Mubonye n’uyu ariko ibi byo byari Personal kubera ko twavuze ngo Perezida wa komisiyo ishinzwe abasifuzi yegure.Ibi nibyo yakoze.

Ibi ni ibigaragaza ko federasiyo yuzuyemo mafia,umwanda n’ibindi.Twebwe dufashe umwanzuro ikipe tuyikuye mu irushanwa.Guhera uyu munsi abakinnyi bacu bazakomeza gukora imyitozo,tuzakomeza kubahemba ariko ntabwo tuzongera gukina shampiyona.

Ntabwo dushobora kugaruka nubwo zaba impuhwe z’Imana,kuko ibi n’umwanda.Ntabwo dushobora gukora ibi. Mwabonye umupira twakinnye,mwabonye ingufu twashyizemo.Abasifuzi baje bahawe amabwiriza.Nibyo tuvuga nibadakemura iki kibazo hari igihe abantu bazarwana inyuma y’ikibuga. Aba bagabo bari gukina n’amarangamutima.Wabona ibintu nk’ibi ukavuga ngo ugiye gushyira amafaranga mu mupira ?.Noneho banasebeje na Minisitiri waje kureba umukino.

Nibadakubura umwanda uri muri federasiyo yo mu Rwanda,Olivier ntacyo ufite uretse itsinda ry’aba Mafia [abagizi ba nabi],baboze.Ubu ndabivuze nibashaka bampamagare.”

Mu butumwa abafana bamwandikiye bagize bati 'Twebwe abakunzi ba Gasogi United, Urubambyingwe, Hommes integres n’abandi benshi, ni byo koko dukomeje kubabazwa bikomeye n’ibyemezo bidakwiye ikipe yacu ikomeje gufatirwa n’abasifuzi aho byagiye bitubuza amanota dukwiye.'

Bakomeje bagira bati 'Akababaro kagaragajwe n’umuyobozi wacu karumvikana cyane ko ntacyo aba atakoreye ikipe ngo itere imbere, gusa umwanzuro wafashwe na we wo gusezera muri shampiyona mu cyubahiro tumugomba twamusabaga ko yakwisubiraho kuko nk’abakunzi ba Gasogi United cyadushegeshe pe.'

Basoje bagaragaza ko Gasogi United ikwiye guhabwa ubutabera ikwiye ariko bakayibona mu kibuga itanga ibyishimo cyane ko ari yo ntego y’ubuyobozi bw’ikipe.

Lt Col Paul-Henri Damiba

Ubwo yatangaga imbwirwaruhame bwa mbere kuva yafata ubutegetsi, Lt Col Damiba, ku wa Kane taliki 27 Mutarama 2022 ari kuri Televiziyo y’igihiugu, yavuze ko yiteguye kuva ku butegetsi.

Yagize ati 'Ubwo ibihe bizaba bimeze neza, hanagendewe kandi ku gihe ntarengwa kizatangwa n’abaturage bacu, mbasezeranyije ko igihugu kizasubira kuyoborwa mu buryo busanzwe hashingiwe ku Itegeko Nshinga'.

Uwo muyobozi atangaje ibyo mu gihe ku wa Mbere taliki 24 Mutarama 2022, yayoboye imyigaragambyo yirukanye Perezida Roch Kaboré, aho yamushinjaga kuba yarananiwe gukumira ihohoterwa rikorwa n’abarwanyi ba Leta ya Kisilamu.

Lt Col Damiba w’imyaka 41, yavuze ko azahura n’abahagarariye ibyiciro bitandukanye, kugira ngo bumvikane ku cyerekezo cy’ivugurura.

Yongeyeho ko Burkina Faso ikeneye abafatanyabikorwa mpuzamahanga kuruta mbere hose, nyuma yo kwamagana ihirikwa ry’ubutegetsi.
Ati 'Ndahamagarira amahanga gushyigikira igihugu cyacu, kugira ngo gishobore kuva muri iki kibazo vuba na bwangu.”

Ku wa mbere, igisirikare cyari cyatangaje ko cyafashe ubutegetsi kibinyujije kuri Televiziyo y’igihugu. Umusirikare mukuru icyo gihe yavuze ko umutekano umeze nabi, ari yo mpamvu igisirikare cyafashe umwanzuro wo gufata ubutegetsi.

Perezida Kaboré yashinjwaga kuba adashyira imbaraga mu bikorwa byo guhagarika inyeshyamba za Leta ya Kisilamu.
Ni mu gihe Lt Col Damiba yabaye ku isonga mu kurwanya izo nyeshyamba, aho bishimangirwa no kuba yaranditse igitabo kuri iyo ngingo mu mwaka ushize wa 2021.

Burkina Faso nicyo gihugu cya gatatu cya Afurika y’Iburengerazuba kibayemo ihirikwa rw’Ubutegetsi bikozwe n’igisirikare.

Muri Guinea na Mali nyuma y’ihirikwa ry’ubutegetsi, bafatiwe ibihano by’ubukungu n’Umuryango w’Ubukungu uhuza ibihugu byo mu Burengerazuba bwa Afurika (ECOWAS).

BBC dukesha iyi nkuru ivuga ko kuri uyu wa Gatanu taliki 28 Mutarama 2022, haza guterana inama ya ECOWAS hifashishijwe uburyo bw’ikoranabuhanga, ikaza kuba ari inama y’igitaraganya igamije kwiga ku kibazo cy’ihirikwa ry’ubutegetsi riherutse kuba muri Burkina Faso, aho Roch Marc Christian Kaboré w’imyaka 64, yafunzwe n’igisirikare kiyobowe na Lt Col Paul-Henri Sandaogo Damiba, wanafashe ubutegetsi.

Akamaro k’iyi vitamine D ni ugufasha imyunyu ngugu ya phosphore na calcium gucengera neza mu mumagufwa n’amenyo bikayaha gukomera uko bikwiriye. Ikindi kandi yongera ubudahangarwa bw’umubiri, ikanafasha mu mikorere myiza y’ubwonko.

Nk’uko byagaragajwe muri raporo nshya yo muri gicurasi 2020, n’ikigo cy’ubushakashatsi mu by’ubuvuzi cyo mu Bufaransa, inafasha abarwayi ba Covid-19.

Ikindi cyagaragaye ni uko ifasha mu guhagarika gukura kwa kanseri zimwe na zimwe, zirimo iy’ibere n’iya prostate, nk’uko byemezwa n’abashakashatsi bo muri Finlande na Espagne, mu nyigo yabo yo muri gicurasi 2020.

Ese bigenda bite iyo Vitamine D ibaye nke mu mubiri?

1. Amagufwa aroroha cyane bikaba byatuma avunika mu buryo bworoshye, cyangwa akibasirwa n’indwara zayo.

2. Kugabanyuka k’ubudahangarwa bw’umubiri.

3. Kurwara kanseri ifata urura runini, iya prostate, iy’ibere n’iy’ibihaha.

4. Ubushakashatsi bwakorewe muri Amerika muri Mata 2020, bwagaragaje ko abantu bakennye kuri Vitamine D, baba bafite ibyago byinshi byo kurwara Covid-19 yihinduranya inshuro ebyiri kurusha abafite vitamin D ihagije. Ibi kandi byongeye gushimangirwa n’ibyavuye mu nyigo nshya yakorewe muri Espagne, yagaragaje ko 82% by’abarwayi ba Covid-19 bashyizwe mu bitaro, imibiri yabo yari ikennye Vitamine D.

5. Umuntu ufite Vitamine D idahagije aba afite ibyago byinshi byo kurwara indwara yo kwibagirwa, izwi nka Alzheimer. Ubushakashatsi bwakorewe ku bantu bakuze 916 bakurikiranywe mu gihe cy’imyaka 12, basanze muri bo abagera ku 177 baragize indwara zibasira ubwonko muri abo, kandi 124 barwaye Alzheimer.

6. Kurwara indwara ya Parkinson.

Ese uretse kuba ikorwa n’uruhu rwifashishije imirasire y’izuba ahandi twayisanga ni he?

Vitamine D iboneka mu biribwa bimwe na bimwe nk’amafi, ibihumyo, amagi, ibikomoka ku mata nka yaourt na fromage, amata ya soya, tofu, marigarine, sardine, n’ibindi.

Iyo bibaye ngombwa, umuntu ashobora guhabwa ibyunganira imirire birimo vitamine D, ariko nyuma yo gusuzumwa na muganga, akaba ariwe ugena ingano ya vitamine D umubiri ukeneye.

Kugera ku nzozi nibyo byifuzo bya buri muntu, ariko na none biraharanirwa amanywa n’ijoro. Rufonsina  wamamaye muri filime Nyarwanda zirimo nka “Papa Sava”, ” Umuturannyi” n’izindi, twaganiriye atubwira byinshi ku rugendo rwe muri sinema rwiganjemo imvune zikomeye yahuye nazo n’ibyamufashije kugera ku nzozi ze.

Duhereye ku mvune yagaragaje yahuye nazo, hari aho yagize ati”Akazi ako ariko kose nta mbogamizi katagira, niyo mpamvu nakubwiye ngo iyo ukora ikintu ugikunze bisaba kwihangana. Natangiye guhembwa maze nk’imyaka 11 muri sinema. Ntabwo nahembwaga ahubwo nashoragamo n’itike nkavuga nti mureke nze njyewe nditegera ariko munshyire muri ibi bintu ndabikunda”.

Ubu amaze kugira abafana benshi

Mu 2009 nibwo yinjiye muri sinema akina muri filime nyinshi zirimo Papa sava, seburikoko n’zindi, aza kumenyakana cyane nyuma yo guhura na clapton kibonge mu 2020.

Icyamufashije kumenyakana ni ugukina yifashishije ururimi rw’ikigoyi rukoreshwa mu karere ka Rubavu, ubu akaba ari umwe mu bakunzwe muri Sinema Nyarwanda. Ibi mu kubisobanura yagize ati” Navuga ko ibyo nakinnye bikagera kure ari actingi y’ikigoyi nakoresheje nkabona biciyemo!”

Mu buzima busanzwe avuga ikinyarwanda neza ku buryo byakugora kwemera ko ariwe umwumvise avuga ikigoyi muri filime umuturanyi. Twifuje kumenya ibanga yakoresheje ngo abashe kumemya ikigoyi neza adusobanurira ko asanzwe afite inkomoko mu Karere ka Rubavu hakoreshwa uru rurimi. 

Hari aho yagize ati”Ndi umunya-Rubavu, aho niho papa avuka ni iwabo w’umubyeyi wanjye nubwo ntahavukiye ariko nyine niho nturuka kandi ndanahakunda” . 

Yakomeje avuga ko yahabaye kandi na none no guhorana n’abantu baho [ababyeyi be n’abandi] bikaba byaratumye akimenya kurushaho.  Yageze i Kigali mu 2007. Yagiriye Inama abifuza gutera imbere muri sinema avuga ko bisaba kubanza kubikunda, kwihangana no gushaka uko ugaragza impano yawe mu buryo bwose bushoboka ndetse no kugira ikinyabupfura.

Rufonsina  yavuze ko clapton yamufashe ari uko yamubonye muri Seburikoko, yabona imikinire ye agahitamo kumwifashisha muri filime ye ‘Umuturanyi’.

Uwiringira avuga ko abakoresha abana bagiye guhagurukirwa

Ubuyobozi butangaza ko abakoresha abana imirimo ivunanye cyangwa yoroheje ibabuza kujya mu ishuri, biganjemo abacuruzi ku dusantere, ababyeyi babakorera imitwaro bagiye mu masoko n’ababakoresha mu ngo batarageza imyaka y’ubukure.

Mu bukangurambaga bwakorewe mu Murenge wa Rukoma mu isoko ry’ahitwa ku Rwina, abana basaga 30 bafashwe bazanye n’ababyeyi babo mu isoko babatwaje imitwaro, cyangwa baje kubahahira ngo basubire mu ngo.

Ababyeyi bafashwe na bo bemera ko bakoze amakosa, ariko bakitwaza ko bari baje kugurira abana inkweto cyangwa imyenda, nyamara wababaza igihe umwana aherukira ku ishuri ugasanga hari n’abana bamaze igihe batiga.

Umwe mu babyeyi ucuruza imineke muri iryo soko, avuga ko umukobwa we atize igihembwe cya mbere kandi atanasubiye ku ishuri mu cya kabiri, akavuga ko abiterwa no kuba kohereza umwana ku ishuri ntacyo bimushishikajeho n’ubwo yafashwe, yagaragazaga ko uwo mwana we w’umukobwa bucya asubira kwiga.

Agira ati 'Umwana wanjye bamufashe muzanye kumugurira imyenda n’amakayi ngo asubire ku ishuri. Ntabwo yigeze yiga igihembwe cya mbere kuko nari ntarabona ibikoresho by’ishuri ariko ejo nzamwohereza kwiga'.

Abana basaga 30 bafatiwe mu isoko ryo ku Rwina baje batwaje ababyeyi imitwaro

Undi mubyeyi ucuruza imbuto muri iryo soko na we agaragaza ko afite abana babiri biga ariko bimugoye kubishyurira bose amafunguro ku ishuri, akifuza ko bishobotse yajya yishyurira umwe undi akaza kurya mu rugo, kuko n’ubundi uwo atishyuriye bamwirukana kandi nta bushobozi afite.

Agira ati 'Impamvu umwana wanjye atiga ni uko ari njyewe ubitaho nta mugabo ngira, kandi mfite uburwayi buntera kumva nta ntege mfite, ndagerageza nkabona amafaranga y’umwana umwe undi bakamwirukana. Banyemereye namwohereza akajya aza kurya mu rugo utwo nabonye'.

Umuyobozi w’Akarere ka Kamonyi wungirije ushinzwe iterambere ry’ubukungu, Uwiringira Marie Josée, avuga ko ababyeyi usanga bakoresha abana babo imirimo ntibabohereze ku mashuri kandi imyaka yabo y’ubukure itabemerera gutunga imiryango.

Avuga ko hamwe n’abandi bakoresha abana mu bikorwa bitandukanye, bagiye gukurikiranwa bakabihanirwa kugira ngo bacike ku ngeso yo kwangiza abana.

Agira ati 'Usanga abana barimo guhata ibirayi muri za resitora, bakabavomesha amazi aho bubaka amazu, bakabahemba udufaranga duke ahubwo ibyo biraka byagahawe ababyeyi babo bakinjiza menshi. Urumva harimo kwiba umwana'.

Yongeraho ati 'Harimo no kumukoresha kandi ibyo bihanwa n’amategeko. Nyuma yo kurangiza ubukanguramabaga bwo kubasubiza mu ishuri, tuzatangira kwinjira mu bibazo bituma bata amashri kandi nidusanga hari ababakoresha iyo mirimo bazabihanirwa bikomeye'.

Uyu mubyeyi avuga ko umwana we bamufashe yaje kumugurira imyenda ngo asubire kwiga nyamara ataranize igihembwe cya mbere

Akarere ka Kamonyi kari gafite abana babarirwa mu 7.000 batahise basubira ku ishuri mu gihembwe cya kabiri 2022, imibare ikaba igaragaza ko abasaga 5.000 bamaze gusubizwayo kandi ubukangurambaga ngo buzarangira basubiyeyo bose.

Kwizera Pierrot wari umaze imyaka ibiri mu ikipe ya AS Kigali yasinye amasezerano y’imyaka ibiri muri Rayon Sports, nyuma yo gusoza amasezerano yari afitanye na AS Kigali.

Kwizera Pierrot wigeze gukinira ikipe ya Rayon Sports, ni umwe mu bakinnyi bakoranye amateka nayo yo kugera bwa mbere mu matsinda ya CAF Confederation Cup, ndetse inagera muri 1/4 cy’iyo mikino.

Mu kiganiro cyihariye yagiranye na Kigali Today, Nizeyimana Mirafa yemeje ko yamaze gutandukana na Zanaco FC yari agifite amasezerano yagombaga kurangira taliki ya 12 Werurwe 2022, gusa iyo kipe ikaba yari yamaze kumenyesha abakinnyi b’abanyamahanga bayikinamo, ko idafite gahunda yo kongera kubakoresha bityo ko we yahisemo kubasaba ko yatandukana na yo isoko ry’igura n’igurisha ritarafunga.

Ati 'Amasezerano yanjye yagombaga kurangira taliki ya 12 Werurwe uyu mwaka ariko Zanako yari yamaze kutubwira ko idashaka gukoresha abanyamahanga umwaka utaha, ni yo mpamvu nahisemo kubasaba ko njye bandekura nkishakira indi kipe, ngo hato isoko ry’igura n’igurisha ridafunga ntarabona ikipe. Twarumvikanye byose barandekura'.

Mirafa yari asanzwe ari umukinnyi wa Zanaco FC

Kabwe Warriors ni imwe mu makipe akomeye muri shampiyona ya Zambia, dore ko umwaka ushize yanakinnye imikino nyafurika 'Total Caf Confederations Cup’, ubwo yari yarasohokanye na Red Arrows mu gihe Zanaco yakinagamo Mirafa, yo yari yasohokanye na Zesco United muri CAF Champions League.

Nyuma y’umunsi wa 21 wa shampiyona, Kabwe Warriors iri ku mwanya wa 13 n’amanota 25, aho mu mikino itanu imaze gukina itaratsindamo n’umwe, kuko yatsinzwe itatu inganya ibiri.

Mirafa Nizeyimana yerekeje muri Zanaco FC muri Werurwe umwaka ushize, aho yari yavuye mu Rwanda agiye gukinira Napsa Stars atakiniye nyuma yuko hari ibyo batumvikanye, bityo agahitamo kwerekeza muri Zanaco FC.

Mirafa yerekeje muri Zambia avuye muri Rayon Sports

Nizeyimana Mirafa yerekeje muri zambiya aho yari avuye mu ikipe ya Rayon Sports, andi makipe yakiniye ni Etincelles, Police FC ndetse na APR FC