Source : https://yegob.rw/ibyo-andy-bumuntu-yakoreye-umufana-we-birashimishije/
Author: webrwanda
-
Kitoko mu byishimo byinshi byo gusoza icyicir… – #rwanda #RwOT
Abinyujije kuri konti ye ya instagram, umuhanzi Kitoko yifashe ifoto yambaye neza ubona ko yiteguye umunsi we udasanzwe maze yandika agira ati ‘uyu munsi ni umunsi wanjye udasanzwe wo kurangiza icyiciro cya gatatu cya Kaminuza’.
Yagize ati” Uyu munsi ni umunsi udasanzwe kurinjye wo gusozaho amashuri y’icyiciro cya gatatu cya kaminuza.” Nyuma y’ubwo butumwa Kitoko yahise ashyiraho utumenyetso tw’umutima n’akandi k’uwambaye ingofero y’abarangije amashuri.
Kitoko wakunzwe mu ndirimbo zifite umudiho wa Afrobeat, yanditse kuri konti ye ya Instagram kuwa 27 Mata 2021, avuga ko yishimiye kugirana ibiganiro na Ambasaderi Yamina Karitanyi, aho baganiriye birambuye ku ruhare rw'Umugore muri Politiki y'u Rwanda.
Kitoko yasoje icyiciro cya gatatu cya Kaminuza
Uyu muhanzi uzwi mu ndirimbo zirimo 'You', 'Kano Kana', 'Rurashonga' n'izindi, yavuze ko Ambasaderi Yamina Karitanyi yamusobanuriye byinshi arushaho gusobanukirwa ndetse ko azabyifashisha mu gitabo gisoza amasomo ya Kaminuza yari ari gutegura.
Kitoko ati 'Uyu munsi nagize amahiwe yo kuganira na 'Ambasaderi Yamina Karitanyi uhagarariye u Rwanda mu Bwongereza. Ni ikiganiro kivuga uruhare rw'umugore muri Politike y'u Rwanda, yansobanuriye byinshi ndushaho gusobanukirwa ndetse bizamfasha mu igitabo gisoza amasomo ndi gutegura.'
Uyu muhanzi uheruka mu Rwanda mu 2018, yashimye byimazeyo Ambasaderi Yamina Karitanyi kubwo 'guca bugufi kwe no gukora inshingano ze neza'.
Kitoko yasoje icyiciro cya gatatu cya kaminuza, mu gihe mu ntangiriro za 2018 yasoje amasomo ya Kaminuza yize mu Bwongereza mu ishami rya Politike.
Akimara gusoza amasomo ye, yaje mu Rwanda mu ibanga rikomeye mu ntangiriro za Mutarama 2018 asura umuryango we uba mu Majyepfo y'u Rwanda n'abandi.
![]()
Kitoko yashimye Ambasaderi w’u Rwanda mu Bwongereza na Ireland, Yamina Karitanyi ku bw’ibiganiro bagiranye
Source : https://inyarwanda.com/inkuru/113952/mu-byishimo-byinshi-kitoko-yasoje-masters-113952.html
-
Uganda yashimiye u Rwanda kubera umwanzuro rwafashe wo gufungura umupaka wa Gatuna #rwanda #RwOT
Guverinoma ya Uganda yatangaje ko yishimiye icyemezo cy'u Rwanda cyo gufungura Umupaka wa Gatuna, wari umaze hafi imyaka itatu ufunzwe kubera umubano w'ibihugu byombi utari umeze neza.
Mu ijoro ryo ku wa 27 Mutarama 2022, nibwo u Rwanda rwatangaje ko kuva ku wa Mbere tariki 31 Mutarama, Umupaka wa Gatuna uruhuza na Uganda, uzongera kuba nyabagendwa.
Itangazo rya Minisiteri y'Ububanyi n'Amahanga ryavuze ko nyuma y'uruzinduko rwa Lt Gen Muhoozi Kainerugaba, Umugaba Mukuru w'Ingabo za Uganda zirwanira ku butaka uherutse gusura u Rwanda ku itariki ya 22 Mutarama, 'Guverinoma y'u Rwanda yabonye ko hari umugambi wo gukemura ibibazo byagaragajwe n'u Rwanda, ndetse n'ubushake bwa Guverinoma ya Uganda mu gushaka umuti w'ibibazo bitarakemuka.'
Itangazo ryasohowe na Minisiteri y'Ububanyi n'Amahanga ya Uganda kuri uyu wa 28 Mutarama 2022, rivuga ko icyo gihugu gishimishijwe n'uko u Rwanda rwafunguye umupaka, intambwe itewe nyuma y'uruzinduko Umugaba w'Ingabo zirwanira ku Butaka za Uganda, Lt Gen Muhoozi Kainerugaba yagiriye i Kigali.
Uganda kandi yashimiye imbaraga abakuru b'ibihugu byombi, Paul Kagame na Yoweri Museveni bakomeje gushyiramo kugira ngo umubano ubashe kuzahurwa no kongera kubaka amateka y'ubufatanye.
Itangazo rigira riti 'Ni ingenzi ku mibereho myiza y'abaturage b'ibihugu byombi. Twizeye gukomeza ubufatanye mu gukemura imbogamizi izo arizo zose ku mubano wacu.'
Uganda kandi yashimiye u Rwanda kuba rwarohereje Intumwa yagiye gutabara Uganda nyuma yo kwitaba Imana kwa Guverineri wa Banki Nkuru ya Uganda, Prof. Emmanuel Tumusiime Mutebile.
-
IGP Munyuza yitabiriye umuhango wo gusoza amasomo y'abapolisi bato muri Lesotho – #rwanda #RwOT
Kuri uyu wa Gatanu tariki ya 28 Mutarama IGP Munyuza aherekejwe na ambasaderi w'u Rwanda muri Afurika y'Epfo no mu Bwami bwa Lesotho, Eugene Kayihura bitabiriye umuhango wo gusoza amasomo y'abapolisi bato 294 basoje amasomo mu ishuri ry'amahugurwa ya gipolisi mu Murwa mukuru wa Maseru.
Nyuma y'ibirori Minisitiri w'Intebe w'Ubwami bwa Lesotho, Dr. Moeketsi Majoro yaganiriye n'Umuyobozi mukuru wa Polisi y'u Rwanda IGP Dan Munyuza.
Polisi y'u Rwanda n'iya Lesotho bafitanye amasezerano y'ubufatanye basinyiye i Kigali muri Kanama 2021. Aya masezerano akubiyemo ubufatanye mu kurwanya iterabwoba, ibyaha byambukiranya imipaka, ubufatanye mu kongerera ubushobozi abapolisi mu mikoranire n'abaturage, guhanahana amakuru ndetse no guhugurana mu bintu bitandukanye.
Mu bindi bafitanyemo ubufatanye ni mu rwego rw'iterambere no guhanahana ibikoresho n'integanyanyigisho, kurwanya ikwirakwira ry'intwaro nto no guhanahana amakuru ku gihe mu kurwanya ibyaha.
Uyu muhango wari witabiriwe na Minisitiri w'Intebe mu Bwami bwa Lesotho, Dr.Moeketsi Majoro, Minisitiri wa Polisi n'ituze muri Lesotho, Lepota Sekora n'Umuyobozi w'ingabo muri Lesotho, Lt. Gen Majolefa Letsoela. Hari kandi Umuyobozi wa Polisi ya Afurika y'Epfo, Lt. Gen Khehla Site n'Umuyobozi wungirije wa Polisi mu Bwami bwa Eswatini, Dr. Lydia Dlamini n'abandi batandukanye.
IGP Munyuza yitabiriye umuhango wo gusoza amasomo y'abapolisi bato muri Lesotho
-
Iburengerazuba: Hubatswe ibikorwaremezo bizafasha abatuye mu cyaro kubyaza umusaruro amashanyarazi – #rwanda #RwOT
Ibyo bikorwaremezo birimo udukiriro ndetse n'amasoko y'ubucuruzi byubatswe mu mushinga washyizwe mu bikorwa na Sosiyete ishamikiye kuri REG Ishinzwe Guteza Imbere Ingufu (EDCL), ifatanyije n'Ikigega cy'igihugu cyo kurengera ibidukikije (FONERWA), ku nkunga y'Ikigega mpuzamahanga cyita ku bidukikije (Global Environment Facility) binyuze muri Banki Nyafurika Itsura Amajyambere (AfDB).
Umuyobozi uhagarariye uyu mushinga, Vincent Kayigema yavuze ko mu ntego nyamukuru zituma Leta y'u Rwanda ishyira imbaraga nyinshi mu kugeza amashanyarazi hose, harimo ko agomba kuba inkingi y'iterambere ry'ubukungu, aho ageze hakagera ibikorwa by'iterambere bituma ubukungu bwaho buzamuka.
Ati 'Hari aho usanga rero abayahawe batayabyaza umusaruro uko bikwiye ahubwo bagatahira gucana gusa, gusharija telefoni no kumva radio cyangwa kureba televiziyo. Nubwo n'ibi ari ngombwa, ntibihagije kuko ikigambiriwe ari uko afasha abayahawe kwiteza imbere.'
Yakomeje ati 'Twakoranye n'ubuyobozi bw'utu turere maze dushaka ahantu hatari ibikorwaremezo bifasha abaturage guhanga imirimo n'ubucuruzi byabateza imbere cyane cyane udukiriro ndetse n'amasoko. Icyo twifuza ni uko abaturage babona impinduka nziza mu buzima bwabo bagatera imbere bitewe n'amashanyarazi bahawe.'
Kuri ubu imirimo yo kubaka ibi bikorwaremezo yageze ku musozo ndetse ibyinshi muri byo byatangiye gukoreshwa.
Kayigema avuga ko ibicyubakwa na byo biri hafi kuzura biherereye mu Karere ka Rusizi birimo amasoko mu Mirenge ya Butare, Gikundamvurara, Nyakabuye ndetse n'agakiriro ka Bugarama.
Niyomugabo Etienne ukorera mu Gakiriro ka Mubuga mu Karere ka Karongi avuga ko katumye babasha gukora neza kurushaho nta mvura ibanyagira ndetse bakorera n'ahantu hazwi.
Mukabucyana Agatha ufite ibarizo muri aka gakiriro na we yunga mu rya Niyomugabo avuga ko aka gakiriro kamworohereje akazi ndetse ko umusaruro we uziyongera cyane.
Kayigema avuga ko iyubakwa ry'ibi bikorwaremezo ari kimwe mu bikorwa bitandukanye by'uyu mushinga muri rusange ugamije kongerera abatishoboye ubushobozi bwo guhangana n'imihindagurikire y'ibihe.
Uretse kubaka ibikorwaremezo, uyu mushinga ukubiyemo ibikorwa bitandukanye birimo amahugurwa ku baturage ku ruhare rwabo mu guhangana n'imihindagurikire y'ibihe n'ingaruka zabyo, ndetse n'imishinga mito bashobora gukora ijyanye n'ubuhinzi n'ubworozi ndetse n'indi ishamikiye ku mashanyarazi.
Agakiriro ka Mubuga mu Karere ka Karongi
Isoko rusange rya Ntendezi mu Karere ka Nyamasheke
Isoko rya Kigarama mu Karere ka Karongi
Isoko rya Bigugu mu Karere ka Nyamasheke ryaruzuye
Isoko rya Rukuta mu Murenge wa Ntendezi muri Nyamasheke
Mu gice cyagenewe imirimo y’ububaji mu Gakiriro ka Mubuga -
Kirehe: Aborozi basaga 100 bashyikirijwe ibyangombwa by'ubutaka nyuma y'imyaka 20 batabufiteho uburenganzira – #rwanda #RwOT
Atangiza igikorwa ku wa Gatatu, Umuyobozi w'Akarere ka Kirehe, Rangira Bruno yamenyesheje aborozi ko igikorwa cyo kubashyikiriza ibyangombwa bya burundu kigamije kubaha uburenganzira ku butaka bwabo.
Yagize ati 'Ibyangombwa by'ubutaka bizafasha aborozi kugana amabanki n'ibindi bigo by'imari bikazatuma bongera umusaruro uturuka mu bikorwa by'ubworozi.'
Umuyobozi w'Akarere yibukije aborozi ko bagomba gusinya amasezerano yo kuzamura umusaruro w'umukamo kandi bakubahiriza icyemezo cyo kutarenza ubuso bwa 30% mu bikorwa by'ubuhizi bukorwa mu rwuri.
Ibyangombwa by'ubutaka bya burundu byahawe aborozi 114 bari mu matsinda 47 ku buryo bungana. Rangira yagaragaje ko mu gikorwa cyo gukosora ibyangombwa Akarere kagaruje hegitari 275 abaturage bari bariyanditseho.
Muri iki gikorwa Akarere gatanga ibyangombwa by'ubutaka ku baturage bari barahawe inzuri muri 2003 ariko bikagaragara ko hari bagenzi babo bagiye babwiyandikaho. Biteganyijwe ko kizakomereza mu Murenge ya Mpanga na Nasho.
Umwe mu borozi ashyikirizwa icyangombwa cy’ubutaka yari amaze igihe adafiteho uburenganzira
Umuyobozi w'Akarere yibukije aborozi ko bagomba gusinya amasezerano yo kuzamura umusaruro w'umukamo -
ADEPR Gihundwe yateguye ibitaramo byo kwizihiza ubuzima bwa Rev Canisius Nzabonimpa uherutse kwitaba Imana #rwanda #RwOT
Abahanzi bamaze kumenyekana bazaririmba muri ibyo bitaramo barimo Alexis Dusabe, Uzagisenga Isaie, Mahirwe Adeline, Abana ba Nyakwigendera Rev. Nzabonimpa bibumbiye mu itsinda bise 4Brothers n'amakorali nka Bethania, Bethel ya ADEPR Kamembe n'izindi nyinshi zizava impande n'impande mu gihugu.
Mu itangazo ryo guherekeza Rev. Canisius Nzabonimpa watabarutse ku myaka 66 dore ko yabonye izuba mu 1956, Pastor Aimable Nsabayesu wa ADEPR Gihundwe Region wanditse iri tangazo, yavuze ko muri ibi bitaramo bateguye bazahuza umuryango wa Rev. Nzabonimpa Canisius, inshuti za hafi babanye, abo bakoranye umurimo w'Imana n'amakorali azaturuka hirya no hino.
Iri tangazo rikomeza rigira riti “Niba nawe wifuza kuzatanga ubuhamya n'urundi rwibutso rukomeye kuri we, wakohereza ubutumwa bugufi cyangwa WhatsApp kuri +250783103298 (Joel).
Umuhango wo gushyingo uyu mupasiteri, uteganyijwe kuwa Mbere tariki 31/01/2022, ukabera mu Karere ka Rusizi. Ni umuhango uzaba hubahirijwe amabwiriza yo kwirinda Covid-19 yasohotse kuwa 26/01/2022.
Saa Mbiri zuzuye za mu gitondo hazabaho kwakira umurambo mu bitaro bya Gihundwe, Saa Tatu n'igice za mu gitondo habe umuhango wo gusezera nyakwigendera mu rugo i Gihundwe, saa Yine n'igice habe imihango yo kumusezera mu rusengero i Gihundwe: Saa Sita n'igice habe umuhango wo gushyingura mu irimbi i Gihundwe ADEPR, hanyuma saa munani n'igice habe gukarana no gusoza imihango.
Munsi y'iri tangazo bashyizeho icyanditswe cyo muri Bibiliya mu gitabo cyo Kubara 23:10 havuga ngo “Icyampa nkipfira nk'uko abakiranutsi bapfa, iherezo ryanjye rikaba nk'iryabo”.
Rev. Nzabonimpa Canisius yaguye i Rubavu tariki 23/01/2022 ubwo yari yagiye mu ivugabutumwa. Mu myaka yamaze ku Isi, yakoze ivugabutumwa rikomeye harimo inyigisho yagiye ashyira kuri DVD, ibitaramo yagiye ategura mu myaka itandukanye, ibyo yagiye yitabira yatumiwemo ndetse yanagenze amahanga mu kubwiriza ijambo ry'Imana.
Bimwe mu bihugu yagiyemo harimo ibyo yagiyemo mu 2018 aho yamaze amezi agera muri abiri harimo: Norvège, u Bufaransa n'u Bubiligi. Zimwe mu nyigisho ze nk'uko tuzisanga ku mashene anyuranye y'ivugabutumwa ku rubuga rwa youtube, harimo 'Ugucungurwa kw'abari mu isi', 'Iyi si ntigushuke izashira', 'Umugenzi' n'izindi.
Rev. Past Nzabonimpa Canisius yabaye Umuyobozi mu ma Paruwasi atandukanye yo mu itorero rya ADEPR mu karere ka Rusizi harimo Gihundwe, Bigutu, Rwahi, Ntura n'ahandi.
-
APR FC yatsinze Police FC irangiza igice kibanza cya shampiyona iyoboye #rwanda #RwOT
Ikipe ya APR FC yakoze ibyari byitezwe na benshi itsinda Police FC ibitego 2-1 bituma irangiza igice kibanza cya shampiyona iyoboye cyane ko Kiyovu Sports yatsindiwe I Rubavu na Marines FC igitego 1-1.
APR FC yatangiye uyu mukino iri hasi byatumye Police FC iyirusha bikomeye aho yateye imipira 2 yagaruwe n'ibiti by'izamu irimo uwo ku munota wa 13 watewe na Sibomana Patrick kuri coup franc.
Police FC yashakaga kwisubiza ikuzo nyuma yo gutsindwa na Bugesera FC ibitego 2-1,yasatiriye bikomeye APR FC mu minota 15 ya mbere ariko ibura igitego.
APR FC yahise igaruka mu mukino guhera ku munota wa 16 w'umukino aho ndetse yabonye uburyo bukomeye bwo gufungura amazamu ku munota wa 26 ubwo Ruboneka yahabwaga umupira mwiza wenyine mu rubuga rw'amahina,awuteye uca ku ruhande gato nyuma yo gukora ku mukinnyi wa Police FC.
Ku munota wa 42,Sibomana Patrick yazamukanye umupira acenga Ombolenga Fitina yinjira mu rubuga rw'amahina ashaka guhereza umupira Dominique wari uhagaze neza ariko Nsabimana Aimable ahita yitsinda igitego.
APR FC yashakaga kujya kuruhuka yishyuye,yabonye uburyo bwiza cyane ku munota wa 2 w'inyongera w'igice cya mbere,ubwo Byiringiro Lague yafungaga umupira n'igituza ari mu rubuga rw'amahina,atera ishoti umupira unyura hejuru.Igice cya mbere cyarangiye Police FC ifite igitego 1-0.
Mu gice cya kabiri,umutoza wa APR FC yabonye aho byari byapfiriye yinjiza mu kibuga Bizimana Yannick na Ishimwe Anicet akuramo abarimo Tuyisenge Jacques utarakira imvune.
Kwinjira kwa Anicet byatanze umusaruro ukomeye kuko yagoye bikomeye abakinnyi b'inyuma ba Police FC by'umwihariko Iradukunda Eric.
Ku munota wa 48,APR FC yazamukanye umupira,myugariro wa Police FC awugaruza ukuboko mu rubuga rw'amahina umusifuzi avuga ko nta cyabaye.
Uyu mupira Police yahise iwuzamukana,abakinnyi 3 basigarana na myugariro umwe wa APR FC ariko umupira wahawe Danny Usengimana wari usigaranye n'izamu ryonyine,awutera hanze.
Ku munota wa 56,APR FC yabonye coup franc nziza yatewe na Manishimwe Djabel,Yannick awutera n'umutwe usanga Nsabimana Aimable aho yari ari awushyira mu nshundura yishyurira APR FC igitego.
Bidatinze ku munota wa 62 w'umukino,Ishimwe Anicet yagaragaje ko ariwe mukinnyi ugoranye kurusha abandi bose mu Rwanda muri iki gihe, kuko yahawe umupira mwiza ari ku ruhande rw'ibumoso acenga Iradukunda Eric uzwi nka Radu,acenga na Omar areba neza aho Yannick Bizimana ahagaze mu rubuga rw'amahina amuha umupira w'amazi atsinda igitego cya kabiri cya APR FC bitamugoye.
Ntabwo byatinze ku munota wa 63,APR FC yashakaga kwihaniza Police FC yabonye uburyo bukomeye ubwo Yannick yasigaranaga n'umunyezamu Rwabugiri ashaka kumuroba ariko amushota umupira uvamo.
Mu minota yakurikiyeho,Police FC yananiwe guhuza umukino no kurema uburyo bwinshi imbere y'izamu byatumye itakaza amanota 3.
Igice cya mbere cya shampiyona cyarangiye APR FC iyoboye shampiyona kuko Kiyovu Sports yari iya mbere yatsinzwe na Marines FC igitego 1-0 cya Mugiraneza ku munota wa 6 inanirwa kwishyura.Espoir FC yatsinzwe ibitego 2-0 na Gorilla FC.
APR FC yahise iyobora shampiyona n'amanota 31 ndetse iracyafite n'ibirarane 2 birimo icya Mukura VS na Rutsiro FC.
APR FC yujuje imikino 50 ya shampiyona idatsindwa.Intsinzi 39,inganya 11.Itsinze ibirarane yarusha iya 2 amanota 7.Police FC imaze imyaka 10 idatsinda APR FC muri shampiyona
Uko igice cya mbere cya shampiyona Kirangiye:
1. APR FC 31 Pts (-2)
2. Kiyovu Sports 29 Pts
3. Rayon Sports 26 Pts
4. AS Kigali 24 Pts
5. Police FC 23 Pts
6. Musanze FC 23 Pts
7. Marines 21 Pts (-1)
8. Mukura VS 20 Pts (-1)
9. Bugesera 17 Pts
10. Rutsiro 16 Pts (-1)
11. Gasogi 16 Pts
12. Etoile de l'Est FC 16 Pts
13. Espoir FC 15 Pts
14. Gicumbi FC 12 Pts
15. Gorilla FC 11 Pts
16.Etincelles FC 11 Pts -
Miss Rwanda 2022:Abanyamakuru 2 na Miss Mutesi Jolly nibo bagiye kwifashishwa akanama Nkemurampaka #rwanda #RwOT
Mu gihe habura amasaha macye ngo uru rugendo rutangire, abategura Miss Rwanda batangaje ko akanama Nkemurampaka kazifashishwa mu majonjora (Auditions) kagizwe na Miss Mutesi Jolly, Everlyne Umurerwa n'Umunyamakuru James Munyaneza wa The New Times.
Miss Mutesi Jolly wabaye Miss Rwanda ni Umuyobozi Wungirije w'irushanwa rya Miss East Africa aho afite 49% by'imigabane muri iri rushanwa.
Benshi bahuriza ku kuba Miss Jolly ari umukobwa w'umunyabwenge, uvuga macye kandi akagira igitsure.Amateka azakomeza kumuvuga nka Nyampinga wa mbere wafashe ibendera ry'u Rwanda akarijyana ku ruhando mpuzampahanga mu irushanwa rya Nyampinga w'Isi [Miss World] mu 2016.
Nyuma y'uko atanze ikamba, Miss Jolly yagumye mu Rwanda ahakomereza ibikorwa bye bya buri munsi harimo amasomo, n'ibiganiro yise 'Inter-Generation Dialogue'.
Miss Mutesi ajya acishamo agasohoka hanze y'u Rwanda agatembera akagaruka., akunze gutemberera mu Mujyi wa Dubai.
Uyu mukobwa anabitse igikombe cy'umugore/umukobwa uvuga rikijyana (Female celebrity influencer of 2019).
Evelyne Umurerwa washyizwe mu Kanama Nkemurampaka afite uburambe bw'imyaka 20 mu itangazamakuru.
Avuga amakuru, ndetse azwi cyane mu kiganiro cyitwa “Tinyuka Urashoboye” gitambuka kuri Televiziyo y'u Rwanda cyahariwe abagore bafite ibikorwa byagutse bagezeho, yagiye atumira na ba Nyampinga b'igihugu mu gusangiza ibitekerezo byabo abantu batandukanye bagikurikira.
Mu 2018, yegukanye igihembo cy'umunyamakurukazi w'umwaka [Best Female Journalist of the Year Award].
James Munyaneza ni umunyamakuru umaze imyaka irenga 20 mu mwuga. Yifashishijwe mu bihe bitandukanye na Miss Rwanda guhitamo umukobwa wegukana ikamba.
Muri iki gihe ni umwanditsi Mukuru w'Ikinyamakuru The New Times. Ni ku nshuro ya kane abaye umukemurampaka muri Miss Rwanda.Miss Mutesi Jolly asanzwe yifashishwa cyane mu guhitamo umukobwa wambikwa ikamba
Evelyne Umurerwa azwi cyane kuri Televiziyo y'u Rwanda
James Munyaneza uri mu kanama ni umunyamakuru wa The New Times
-
Ukraine: Intambara ikomeje gututumba hagati ya Amerika n’u Burusiya #Rwanda #RwOT via @kigalitoday #rwanda #RwOT
- U Burusiya ngo bukomeje kurunda ingabo n’intwaro ziremereye hafi y’umupaka wa Ukraine
Kuba hari ingabo ibihumbi z’u Burusiya zashyizwe ku mupaka wa Ukraine mu byumweru bikeya bishize, byatumye impungenge n’ubwoba bizamuka, ko u Burusiya bwaba bagiye gutera Ukraine. U Burusiya buvuga ko nta gitero butegura.
Umuvugizi w’inama ishinzwe ibijyanye n’umutekano muri Perezidansi ya Amerika, Emily Horne, yagize ati “Perezida Biden yavuze ko bishoboka cyane ko Abarusiya batera Ukraine muri Gashyantare. Ibi yabivuze mu ruhame, kandi tumaze amezi tubivuga.”
Muri icyo kiganiro Perezida Biden yongeye kwemeza ko Leta zunze Ubumwe za Amerika ndetse n’ibindi bihugu bifitanyije nayo, byiteguye kuba byahita bijya mu ntambara biri ku ruhande rwa Ukraine, mu gihe u Burusiya bwaramuka buteye Ukraine.
U Burusiya buhakana umugambi wo gutera Ukraine, ariko mu kwezi gushize bwari bwasabye ko bimwe mu bihugu byo mu Burengerazuba bw’Isi, harimo na Ukraine bitazigera byemererwa kujya muri NATO/OTAN, ariko Leta zunze Ubumwe za Amerika zahise zamagana ubwo busabe bw’u Burusiya.
Umuvugizi wa Guverinoma y’u Burusiya, Dmitry Peskov, kuri uyu wa Kane tariki 27 Mutarama 2022, yavuze ko imyitwarire ya Amerika kuri icyo kibazo, ituma hasigara icyizere gikeya cyane cyo kwizera ko ibintu bigiye kugenda neza, ariko yongeraho ko hakiri uburyo bwo gukomeza ibiganiro kuko biri mu nyungu z’u Burusiya n’Abanyamerika.
