Author: webrwanda

Urugendo rwo guhitamo umukobwa uhiga abandi mu bwiza, ubwenge n'umuco ruratangira kuri uyu wa Gatandatu tariki ya 29 Mutarama 2022 mu Karere ka Musanze mu Ntara y'Amajyaruguru, ruzakomereze muri Rubavu ku Cyumweru tariki ya 30 Mutarama 2022.

Mu gihe habura umunsi ngo uru rugendo rutangire, abategura Miss Rwanda batangaje ko akanama Nkemurampaka kazifashishwa mu majonjora (Auditions) kagizwe na Miss Mutesi Jolly, Everlyne Umurerwa n'Umunyamakuru James Munyaneza wa The New Times.

Miss Mutesi Jolly wabaye Miss Rwanda ni Umuyobozi Wungirije w'irushanwa rya Miss East Africa aho afite 49% by'imigabane muri iri rushanwa.

Benshi bahuriza ku kuba Miss Jolly ari umukobwa w’umunyabwenge, uvuga macye kandi akagira igitsure.

Amateka azakomeza kumuvuga nka Nyampinga wa mbere wafashe ibendera ry’u Rwanda akarijyana ku ruhando mpuzampahanga mu irushanwa rya Nyampinga w'Isi [Miss World] mu 2016.

Nyuma y'uko atanze ikamba, Miss Jolly yagumye mu Rwanda ahakomereza ibikorwa bye bya buri munsi harimo amasomo, n’ibiganiro yise 'Inter-Generation Dialogue'.

Miss Mutesi ajya acishamo agasohoka hanze y’u Rwanda agatembera akagaruka., akunze gutemberera mu Mujyi wa Dubai.

Uyu mukobwa anabitse igikombe cy’umugore/umukobwa uvuga rikijyana (Female celebrity influencer of 2019).

Evelyne Umurerwa washyizwe mu Kanama Nkemurampaka afite uburambe bw'imyaka 20 mu itangazamakuru.

Avuga amakuru, ndetse azwi cyane mu kiganiro cyitwa “Tinyuka Urashoboye” gitambuka kuri Televiziyo y'u Rwanda cyahariwe abagore bafite ibikorwa byagutse bagezeho, yagiye atumira na ba Nyampinga b'igihugu mu gusangiza ibitekerezo byabo abantu batandukanye bagikurikira.

Mu 2018, yegukanye igihembo cy'umunyamakurukazi w'umwaka [Best Female Journalist of the Year Award].

James Munyaneza ni umunyamakuru umaze imyaka irenga 20 mu mwuga. Yifashishijwe mu bihe bitandukanye na Miss Rwanda guhitamo umukobwa wegukana ikamba.

Muri iki gihe ni umwanditsi Mukuru w'Ikinyamakuru The New Times. Ni ku nshuro ya kane abaye umukemurampaka muri Miss Rwanda.

 

Miss Mutesi Jolly asanzwe yifashishwa cyane mu guhitamo umukobwa wambikwa ikamba

Evelyne Umurerwa azwi cyane kuri Televiziyo y'u Rwanda

James Munyaneza uri mu kanama ni umunyamakuru wa The New Times 

Biragoye kubona amakuru nyayo y'ibyerekeranye na ba Nyampinga mu Rwanda mbere ya Jenoside yakorewe Abatutsi muri Mata 1994,  kubera ko nta makuru yagiye abikwa yabyo, ibigenda bivugwa n'abantu biba bitandukanye cyane kuko nta bimenyetso bifatika biba bibishimangira.

Hagaragaye abavuga ko mu mwaka wa 1910, Abadage batoye abakobwa babiri b’Abanyarwandakazi barushaga abandi ubwiza mu Rwanda, gusa amazina yabo ntabwo agaragara. Hari n'abandi bavuga ko mu mwaka wa 1991 hatowe Nubuhoro Jeanne wari umunyeshuri muri Groupe Scolaire Notre Dame du Bon Conseil i Byumba,  yavukaga i Ndera.

Yabaye Nyampinga w'u Rwanda mu muhango wabereye muri Hotel Meridien  Umubano, ni ibintu byatangajwe na musaza we Mudahunga Jean Marie mu mwaka wa 2017. Bivugwa kandi ko no mu mwaka wa1992 hatowe Miss Rwanda gusa irushanwa rikagenda nabi.

Miss Rwanda 1994, Miss Uwera Dalila

Miss Uwera Dalila yatowe mu Ukuboza 1993, aza kuba Nyampinga w'u Rwanda mu mwaka wa 1994. Mu biganiro yagiye akora yavugaga ko ariwe Nyampinga wa mbere w'u Rwanda. Mc Lion Imanzi wari wayoboye ibyo birori niwe watangaje bimwe mu byaranze uwo muhango, harimo kuba yaragaragiwe n'abandi bakobwa aribo Umuhoza Sandra na Murorundore.

Miss Dalila yari guhembwa ibihumbi 50 Frw, imyambaro, amasabune n'ibindi byatanzwe n'abaterankunga. Ni ibirori byabereye muri Hotel Chez Lando, byari byateguwe n'iduka ryitwaga Partners International rya Nganyiyintwali Jacques.

Miss Rwanda  2009, Miss  Bahati Grace:

Miss Bahati Grace niwe wabaye Miss Rwanda watowe nyuma ya jenoside yakorewe Abatutsi muri Mata 1994. Bahati yatowe afite imyaka 18 y'amavuko, areshya na 1,76m,  akiri umunyeshuri mu mashuri makuru, yigaga mu ishuri rya Lycée de Kigali.

Irushanwa ryabaye tariki ya 19 Ukuboza 2009, atorwa mu bakobwa 13 baturutse mu Rwanda hose, bajyanwa mu mwiherero muri Serena Hotel Rubavu na Nyarutarama. Bahati yaje ahagarariye intara y'Amajyepfo, ni ibirori byabereye i Gikondo Expo Grounds.

Miss Bahati Grace

Miss Bahati Grace yatowe nka  (Miss Photogenic), yagaragiwe na Rusaro Utamuliza Carine (1ere Dauphine),  Ngamije Winnie (2eme Dauphine na Miss Popularity), Winnie Uwanyuze (Miss Congeniality).

Miss Rwanda 2012, Miss Kayibanda Mutesi Aurore.

Miss Mutesi Aurore yatowe tariki ya 01 Nzeri 2012,  atorwa mu bakobwa 14 bavuye mu Rwanda hose. Yatowe afite imyaka 20 y'amavuko, yigaga mu Ishuri ry'ubumenyi n'Ikoranabuhanga (KIST), akaba yari ahagarariye intara y'Amajyepfo. Yambitswe ikamba na Minisitiri w'umuco na Siporo Bwana Mitali Protais.

Miss Mutesi Aurore yagaragiwe na Natasha uwamahoro (1st Runner-Up), Ariane Murerwa (2nd Runner- up).

Abandi ba Nyampinga ni Ange Uwamahoro (Miss Congeniality), Fidelis Tega Karangwa (Miss photogenic), Liliane Mubera Umutesi (Miss Popularity), Joe Christa Giraso (Miss Innovation). Miss Aurole Mutesi yabaye na Miss Heritage.

Miss Mutesi Aurore Kayibanda

Muri iryo rushanwa buri ntara yagize Nyampinga wayo  n'ibisonga bye, Miss Aurole Mutesi( Intara y'Amajyepfo), Miss Ester Uwingabire (Intara y'Uburengerazuba), Miss Liliane Mubera Umutesi (Intara y'uburasirabuza), Miss Francine Uwase (Intara y'Amajyaruguru) na Miss Joe Christa Giraso (Miss Kigali/umujyi wa Kigali).

Miss Aurore yitabiriye amarushanwa Mpuzamahanga harimo Miss Supranational 2013, Miss FESPAM 2013 (yararyegukanye).

Miss Rwanda 2014, Miss  Akiwacu Colombe

Miss Akiwacu Colombe yatowe tariki ya 22 Ukuboza 2014, afite imyaka 20 y'amavuko, areshya na 1.75m, akaba yari ahagarariye intara y'Uburasirazuba. Yatoranyijwe mu bakobwa 15 bavuye mu gihugu hose, mu birori byabereye kuri Petit Stade i Remera.

Miss Akiwacu yagaragiwe na Carmen Akineza (1st Runner-up), Marlene Umutoniwase (2nd Runner-up). Abandi ba Nyampinga bambitswe ikamba ni ; Melissa Isimbi (Miss Congeniality), Yvonne Mukayuhi (Miss Photogenic na Miss Popularity), Marlene Umutoniwase( Miss Heritage).

Miss Akiwacu Colombe

Buri ntara yatoye Nyampinga uyihagarariye; Carmen Akineza (Miss Kigali), Colombe Akiwacu (Miss Eastern Province), Hitayezu Belyse (Miss Southern Province), Melssa isimbi( Miss Northern Province),Vanessa Mpogazi (Miss Western Province).

Miss Aurole akiwacu yitabiriye irushanwa rya Miss Supranational 2016, abona umwanya wa 17 mu bihugu 75.

Miss Rwanda 2015, Kundwa Doriane

Miss Kundwa Doriane yatowe afite imyaka 19 y'amavuko na 1m74, akaba yari umunyeshuri muri Glory Secondary School, yari ahagarariye Intara y'Amajyaruguru, yatoranyijwe mu bakobwa 15 baturutse mu Rwanda hose, mu birori byabaye tariki ya 22 Gashyantare 2015 muri Serena Hotel Kigali.

Miss Kundwa Doriane yagaragiwe na Vanessa Raissa Uwase (Igisonga cya Mbere) na  Lynca Akacu (Igisonga cya Kabiri), Fiona Mutoni Naringwa (Igisonga cya Gatatu), Balbine Mutoni (Igisonga cya Kane).

Miss Kundwa Doriane

Abandi ba Nyaminga bambitswe ikamba ni Miss Joannah Keza Bagwire (Miss Congeniality), Sabrina Kalisi Ihozo (Miss photogenic), Doriane Kundwa (Miss Popularity) na Darlene Gasana (Miss Heritage).

Uyu niwe Nyampinga irushanwa ryatangiye rigenera umushahara wa buri kwezi ungana n'ibihumbi 700 by'amanyarwanda.

Miss Rwanda 2016, Miss Mutesi Jolly

Miss Jolly yatowe afite imyaka 19 y'amavuko, areshya na 1m75, akaba yari ahagarariye intara y'Uburengerazuba, tariki ya 27 Gashyantare 2016 mu birori byabereye muri Camp Kigali Grounds.

Miss Jolly Mutesi yagaragiwe na Peace Ndaruhutse Kwizera (1st Runner-up) na Vanessa Mpogazi (2nd Runner-up), Marie D'Amour Uwase Rangira (3rd Runner-up) na Sharifa Umuhoza (4th Runner-up).

Miss Mutesi Jolly

Abandi ba Nyampinga bambaye amakamba ni Ariane Uwimana (Miss Congeniality), Peace Ndaruhutse Kwizera (Miss Photogenic, Sharifa Umuhoza (Miss Popularity) na Jane Mutoni (Miss Heritage).

Miss Rwanda 2017, Miss  Iradukunda Elsa

Miss Iradukunda Elsa yatowe afite imyaka 19 areshya na 1m76, yari afite ibiro 50, ahagarariye intara y'uburengerazuba, Yarangije amashuri yisumbuye muri King David Academy mu ishami ry'Amateka, Ubukungu n'Ubuvanganzo.

Miss iIradukunda Elsa yagaragiwe na Shimwa Guelda, Umutoniwase Linda, Kalimpinya Queen na Fanique Simbi Umuhoza.

Miss Iradukunda Elsa

Abandi ba Nyampinga bambitswe amakamba ni Nadia Umutesi (Miss Photogenic), Iradukunda Elsa (Miss Congeniality), Shimwa Guelda (Miss Heritage), Uwase Hirwa Honorine (Miss Popularity).

Miss Iradukunda Elsa atorwa yerekanye umushinga wo guteza imbere no kumenyekanisha ibikorerwa mu Rwanda (Made in Rwanda)

Miss Rwanda 2018, Iradukunda Liliane

Miss Iradukunda Liliane yatowe afite imyaka 18 y'amavuko areshya na 1m70, afite ibiro 57,  akaba yari ahagarariye intara y'uburengerazuba, akaba yarahatanaga n'abakobwa 20. Ni ibirori byabaye tariki ya 24 Gashyantare 2018 muri Kigali Convetion Center.

Miss Iradukunda Liliane

Miss Iradukunda yagaragiwe na Shanittah Umunyana (1st Runner-up) na Natasha ursule Irebe(2nd Runner-up).

Abandi banyampinga bambitswe amakamba ni Liliane Uwase Ndahiro (Miss Congeniality), Liliane Iradukunda (Miss Photogenic), Anastasie Umutoniwase (Miss Popularity), Lydia Dushimimana (Miss Heritage).

Miss Rwanda2019, Nimwiza Meghan

Miss Nimwiza Meghan yatowe afite imyaka 19 y'amavuko, areshya na 1m70, yari yambaye numero 32 ahagarariye intara y'umujyi wa Kigali, yahatanaga n'abakobwa 15 bavuye mu Rwanda hose.Ni ibirori byabaye tariki ya 26 Mutarama 2019 I Rusororo ku Intare Conference Arena.

Miss Meghan yagaragiwe na Uwihirwe Yasipi Casmir (1st Runner-up) na Uwase Sangwa Odile (2nd Runner-up).

Miss Nimwiza Meghan

Abandi ba Nyampinga bambitswe ikamba ni Mwiseneza Josiane (Miss Popularity), Tuyishimie Cyiza Vanessa (Miss Congeniality), Ricca Michealla Kabahenda (Miss Heritage) na Muyango Claudine (Miss Photogenic )

Miss Meghan yari afite umushing wo gushishikariza urubyiruko kujya mu buhinzi, kugabanya ubushomweri no kurwanya inda zitateguwe n'ibiyobyabwenge.

Miss Rwanda 2020, Nishimwe Naomie

Miss Nishimwe Naomie  w'imyaka 21 y'amavuko, yigaga mu ishuri rya Glory Secondary School mu ishami rya MEG (Mathematics, Economics and Geograph). Yatowe yambaye numero 31,  akaba yari ahagarariye umujyi wa Kigali, yarushanwaga n'abakobwa 19 bavuye mu Rwanda hose. Ni ibirori byabaye tariki ya 22 Gashyantare 2020 bibera I Rusororo ku Intare Conference Arena.

Miss Nishimwe Naomie yagaragiwe na Umwiza Phiona (1st Runner-up) na Mutesi Denise (2nd Runner-up).

Miss Nishimwe Naomie

Abandi ba Nyampinga bahawe ikamba ni Nishimwe Naomie (Miss Photogenic), Teta Ndenga Nicole (Miss Heritage), Umwiza Phiona (Miss Congeniality) na Irasubiza Alliance (Miss Popularity).

Miss Nishimwe Naomie yerekanye umushinga wo kurwanya Kanseri y'ibere.

Aba Nyaminga batorwa bahabwaga ibihembo bitandukanye birimo imodoka, amafaranga, amatike y'indege, gukorerwa ubwiza, gucumbika mu mahoteli n'ibindi byinshi bitangwa n'abafatanyabikorwa.

Miss Rwanda 2021, Ingabire Grace

Ingabire Grace w'imyaka 25 y'amavuko wari wambaye numero 07, yinjiye mu irushanwa rya Miss Rwanda 2021 ahagarariye Umujyi wa Kigali, akaba yararangije Icyiciro cya Kabiri cya Kaminuza muri Leta Zunze Ubumwe za Amerika, aho yize ibijyanye n'imibyinire ihuzwa n'imitekerereze.

Mu bandi bamugaragiye harimo, Akaliza Amanda wabaye Igisonga cya Mbere mu gihe Igisonga cya Kabiri ari Umutoni Witness

Miss Ingabire Grace

Ni amasaha macye gusa iri rushanwa rikongera rikaba, kuko kuri uyu wa gatandatu, tariki ya  29 Mutarama 2022,  rizatangirira mu ntara y’Amajyaruguru hatoranywa abakobwa bazahagararira iyo ntara.

Kuva kuri Nyampinga wa 2014 (Miss Akiwacu Colombe) irushanwa ritegurwa na Rwanda Inspiration BackUp. Hakaba haba igikorwa cyo kuzenguruka intara zose z'u Rwanda bashakisha abakobwa bazatoranywamo uzavamo Miss Rwanda 2022, hagenderwa ku bintu bitandukanye harimo; ubwenge, ubwiza n'umuco.

Amashusho y'uyu mukobwa ari gutera ivi asaba umukunzi we ko yamubera umugabo yasakaye ku mbuga nkoranyambaga zitandukanye. Uyu mukobwa utamenyekanye amazina ye, mu mashusho yagaragaye ari kumwe n'umukunzi we ndetse aza gutera ivi hasi mu ruhame asaba umusore ko yamubera umugabo.

Umusore wabonaga atishimiye ibyo umukunzi we yakoraga yagerageje kubuza umukobwa gupfukama hasi ndetse agerageza kumuhagurutsa yanga ko abantu bari hafi aho bakomeza kubahanga amaso.

Umukobwa nyuma yo gufata iya mbere agasaba umusore ko yakwemera bagafatanya urugendo rw'ubuzima, byaje kurangira ibyo yifuzaga atabigezeho nkuko yari abyiteguye kuko umukunzi we yaje kumuhakanira.

N’umujinya mwinshi, umukobwa yaje guhaguruka nyuma yo kwanga icyifuzo cye maze ahita akubita umusore urushyi ku itama. Amakuru avuga ko aba bombi bari bamaze imyaka igera kuri itandatu bakundana.

REBA VIDEO HANO

Umuryango Imbuto Foundation uvuga ko abo bantu bawiyitirira bagasaba abantu amafaranga bababwira ko bazabarihira amashuri cyangwa se bakabizeza kubaha akazi.

Ubuyobozi bwa Imbuto Foundation bwasobanuye inzira binyuramo kugira ngo umuntu abe umugenerwabikorwa wa Imbuto Foundation muri gahunda yayo y’uburezi yiswe 'Edified Generation'.

Uyu muryango uvuga ko abana baterwa inkunga muri iyi gahunda ya Edified Generation batoranywa n’ibigo bigaho hakurikijwe amabwiriza aba yatanzwe na Imbuto Foundation, hanyuma ibigo bikoherereza uwo muryango urutonde rw’abanyeshuri b’abahanga ariko baturuka mu miryango idafite ubushobozi bwo kubafasha. Ibigo ngo byohereza amabaruwa asaba inkunga y’abo bana b’abahanga badashoboye gukomeza amasomo kubera ubushobozi buke.

It has come to our attention that fraudsters have been deceiving people into believing that Imbuto Foundation would fund their studies or offer them jobs in exchange for money.
We deplore these deceitful, illegal actions, which have caused great disappointment to some. pic.twitter.com/MdeavZ1Vxt

— Imbuto Foundation (@Imbuto) January 28, 2022

Ishimwe Anicet wagiyemo asimbuye, yatanze umupira wavuyemo igitego cya kabiri

Kuri uyu wa Gatanu tariki 28 Mutarama 2022, kuri Stade ya Kigali i Nyamirambo, APR FC yari yakiriye Police Fc mu mukino w’umunsi wa 15, umukino wari wanitabiriwe n’abafana benshi nyuma yo gukomorerwa n’inama y’Abaminisitiri.

Ikipe ya Police FC yabonye igitego ku munota wa 41 w’umukino, igitego cyitsinzwe na Nsabimana Aimable, ku mupira wari utewe na Sibomana Patrick.

Police Fc yarase igitego cyari cyabazwe

Igice cya kabiri cy’umukino kigitangira APR FC yakoze impinduka yinjizamo Ishimwe Anicet na Bizimana Yannick, bakuramo Tuyisenge Jacques na Kwitonda Alain Bacca.

Ku munota wa 57 w’umukino APR FC yabonye igitego cyo kwishyura cyatsinzwe na Nsabimana Aimable kuri coup-franc yari itewe na Manishimwe Djabel, Bizimana Yannick akozaho umutwe maze Nsabimana Aimable ahita atera mu izamu.

Nsabimana Aimable yishyuye igitego yari yitsinze

Ku munota wa 63 w’umukino, APR FC yabonye ikindi gitego cyatsinzwe na Bizimana Yannick, ku mupira yari ahinduriwe na Ishimwe Anicet.

Umukino waje kurangira APR FC itsinze ibitego 2-1, bituma ihita ifata umwanya wa mbere, nyuma y’aho Kiyovu Sports yatsindiwe i Rubavu na Marines Fc igitego 1-0.

Bizimana Yannick yishimira igitego cya kabiri

Abafana ba APR FC

Iyi mpanuka yabaye hagati ya saa kumi n’ebyiri na saa moya z’umugoroba kuri uyu wa 27 Mutarama 2022, ubwo abantu bari bavuye gusaba umugeni mu Murenge wa Nyabitekeri. Bari baturutse mu Murenge wa Mururu mu Karere ka Rusizi.

Nyuma yo gukora impanuka batabawe n’ubwato bw’abarobyi, bwahise bubakomezanya bubageza aho bari baturutse.

Umunyabanga Nshingwabikorwa w’Umurenge wa Bushenge, Uwimana Damas yatangaje ko iyi mpanuka yatewe n’uko mu Kivu harimo imiyaga myinshi kuko ayo masaha imvura yarimo igwa.

Yasabye abakora ingendo zo mu mazi kujya bazirikana kwambara amakote y’umutekano wo mu mazi (life jacket) no kujya bibuka gutanga amakuru y’ubwato bugiye guhaguruka n’umubare w’abantu butwaye.

Igikorwa cyo gushakisha uwaburire irengero kirakomeje. Abantu 18 barokotse, n’umurambo batahanywe n’ubwato bw’abarobyi bwatabaye.

Abari muri ubu bwato bose bivugwa ko bari bambaye amakoti yabugenewe, icyabaye nk’iyobera ni uburyo umwe muri bo yaburire irengero.

Yabitangaje kuri uyu wa Gatanu tariki 28 Mutarama 2022 nyuma y’amasaha macye atangaje ko akuye ikipe ye muri Shampiyona y’u Rwanda kuri uyu wa Kane tariki 27 Mutarama avuga ko abitewe n’ibibazo abona mu misifurire yo mu Rwanda we yise 'umwanda.'

Mu kiganiro yagiranye na Radio 1 asanzwe abereye umuyobozi, KNC yagarutse ku cyemezo yari yatangaje kuri uyu wa Kane tariki 27 Mutarama 2022 ko akuye ikipe ye muri Shampiyona y’umupira w’amaguru.

Ubwo Umunyamakuru Ngabo Roben ukorera kuri iyi radio ati 'Uracyahaze kuri uyu mwanzuro Perezida ?'

KNC yasubije agira ati 'Nyuma yo kureba ingaruka bishobora kugira wenda no ku bantu batabigizemo uruhare nk’abakinnyi ntabwo wavuga ngo uhagaritse Shampiyona bari bari muri phase alle, waba uhemutse…'

Yakomeje agira ati 'Icya kabiri nta muntu waba uhimye, ndumva ari icyemezo kigaragaza kutishima n’ibindi byose bishobora guhindura byinshi ariko icyemezo cyafashwe ubu ni njyewe utazongera gusubira ku kibuga.'

Mu gitondo cyo kuri uyu wa Gatanu tariki 28 Mutarama 2022, hari hagaragaye ibaruwa yanditswe n’abafana 26 ba Gasogi United basaba KNC kwisubiraho ku cyemezo yari yatangaje ejo bavuga ko cyabashegeshe ariko ko icyabashegesha kurushaho ari ukuba ikipe yabo itakomeza gukina shampiyona.

Ibi byemejwe mu ntangiriro z'iki Cyumweru ubwo abayobora Intara zikora kuri uru rugomero barusuraga hagamijwe kureba aho imirimo yo kurwubaka igeze.

Mu bayobozi barusuye baturutse mu Burundi harimo Guverineri w'Intara ya Muyinga, Jean Claude Barutwanayo n'uw'Intara ya Kirundo Albert Hatungimana. Ku ruhande rw'u Rwanda hitabiriye Guverineri w'Intara y'Iburasirazuba, Gasana Emmanuel, mu gihe ku ruhande rwa Tanzania hitabiriye Col. Charles Mbuge.

Uretse aba bayobozi hanitabiriye abayobozi b'uturere twa Giteranyi, Busoni, Kirehe, Ngoma na Ngara nka tumwe mu twubatswemo ibikorwaremezo bitandukanye bigamije iterambere ry'umuturage.

Nyuma yo gusura ibikorwa bitandukanye biri kubakwa bizatuma uru rugomero rutanga umuriro ungana na megawati 80 zizasaranganywa ibi bihugu bitatu, babwiwe ko imirimo igeze kuri 86% bikaba biteganyijwe ko uyu mwaka uzasiga imirimo irangiye neza ndetse rwanatangiye gutanga amashanyarazi.

Aba bayobozi kandi babwiwe ko buri gihugu cyagenewe miliyoni eshanu z'amadorari agamije kongera ibikorwaremezo mu turere twegereye uru rugomero basabwa kongera ibikorwaremezo bari bakoze.

Ku ruhande rw'u Rwanda aya mafaranga akazakoreshwa mu turere twa Kirehe na Ngoma aho buri kamwe kazahabwa miliyoni 2,5$.

Umuyobozi w'Akarere ka Kirehe, Rangira Bruno yabwiye IGIHE ko aya mafaranga bagiye kuyakoresha mu kubaka umuhanda wa Kigarama-Musaza ubahuza n'Akarere ka Ngoma, uwo muhanda ngo ukaba ufite ingengo y'imari ingana na miliyari 5,5 Frw izigera kuri 2,5 bazahabwa n'uyu mushinga akaba ariyo bazakoresha andi atangwe na Leta binyuze muri RTDA.

Ku ruhande rw'Akarere ka Ngoma, Umuyobozi w'Akarere, Niyonagira Nathalie, yavuze ko bo amafaranga bazahabwa azubaka ibikorwaremezo birimo ibigo nderabuzima bibiri n'amasoko.

Ati “Tuzubaka isoko rya Gafunzo, ibigo nderabuzima bibiri harimo icya Kazo n'icya Karembo kuko nta bigo nderabuzima byari biri muri iyo mirenge, hari n'andi masoko ya Karembo n'irya Rukira tuzubaka ndetse tunubake ikigo cy'urubyiruko rwa Ngoma kuko aho bakoreraga ntabwo hameze neza.”

Imirimo yo kubaka uru rugomero rwa Rusumo yatangiye mu 2017, yagombaga gusozwa mu 2020 ariko igenda idindira bitewe na ba rwiyemezamirimo bagiye bagira imbogamizi zirimo n'icyorezo cya COVID-19 cyatumye batabona ibikoresho.

Ibihugu bihuriye ku rugomero rwa Rusumo bigiye gusaranganywa miliyoni 15$ zo kongera ibikorwaremezo

Urukiko rw’Ubujurire rurimo kuburanisha abaregwa kugaba ibitero mu turere twa Nyaruguru na Nyamagabe muri 2018-2019, nyuma y’aho Ubushinjacyaha, abaregwa n’abaregera indishyi batangiye ibirego by’ubujurire, kuko bose batanyuzwe n’ibihano byatanzwe n’Urukiko Rukuru.

Me Herman Twajamahoro wunganira Munyaneza yabwiye Urukiko ko adashobora kuguma mu iburanisha ryari kumara amasaha arenga atandatu bitewe n’uko yagombaga kujya gutabara.

Yagize ati “Nagize ibyago ntakaza umuntu w’ingirakamaro muri ‘famille’, nkumva icyifuzo cyanjye mwahera ku wo nunganira noneho mukanyemerera nkajya gutabara kuko ‘social’ na yo iba ikenewe”.

Umukiriya wa Me Twajamahoro yemereye Urukiko ko rwagendera kuri icyo cyifuzo ariko Ubushinjacyaha buvuga ko byaba bidakurikije amategeko, buba ari bwo busaba ko iburanisha risubikwa aho kugira ngo uregwa aburanishwe umwunganizi we adahari.

Nyuma yo kwiherera k’Urukiko, Umucamanza uyoboye iburanisha yatangaje ko iburanisha ryo kuri uyu wa Gatanu risubitswe, rikazasubukurwa ku wa Mbere tariki 31 Mutarama 2022.

Kuri uyu wa Gatanu Urukiko rw’Ubujurire rwari kumva abareganwa na Rusesabagina, aho bamwe basaba kugabanyirizwa ibihano, abandi bagasaba kurekurwa bagasubira mu buzima busanzwe.