Author: webrwanda

Ibihugu 4 byo mu Majyaruguru ya Afurika (Abarabu) birahabwa amahirwe menshi yo kwerekeza mu gikombe cy'Isi mu bihugu 5 bizahagararira uyu mugabane muri Qatar mu mpera z'uyu mwaka, nyuma y'imikino ibanza yo gushaka iyi tike yakinwe ku mugoroba wo kuri uyu wa Gatanu.

Mu mikino itanu yakinwe, ibihugu bitatu byo mu Barabu nibyo byabashije kubona amanota atatu mbumbe, mu gihe na Maroc yanganyirije muri Congo 1-1 ikaba itegereje umukino wo kwishyura uzabera i Rabat.

Algérie yatsindiye mu rugo ikipe y'igihugu ya Cameroon igitego 1-0 cyatsinzwe na Islam Slimani ku munota wa 40 w'umukino, ndetse Senegal iherutse gutwara igikombe cya Afurika, itsindwa na Misiri yihimuraga igitego 1-0 cyagizwemo uruhare rukomeye na Salah ubundi Ciss ahura n'umupira ugaruka ujya mu izamu.

Tunisie yatsindiye Mali mu rugo igitego 1-0 cyitsinzwe na Sissako ku munota wa 36, bituma Abanya-Mali biyongerera akazi gakomeye mu mukino wo kwishyura uzabera i Tunis.

Ikipe 5 zizatsindira mu mukino wo kwishyura nizo zizahita zibona itike yo gukina igikombe cy'Isi 2022, zikaba zizamenyekana ku wa kabiri tariki ya 29 Werurwe 2022.

Morocco na Tunisie niyo makipe yo muri Afuirika amaze kwitabira imikino y'igikombe cy'Isi inshuro nyinshi, aho zose zimaze kuyitabira inshuro eshanu.

Mu 2018 mu gikombe cy'Isi cyabereye mu Burusiya, amakipe yose yari ahagarariye Afurika, ntiyabashije kubona amahirwe yo kurenga imikino y'amatsinda.

Uko imikino ibanza mu mikino ya kamarampaka mu gushaka itike y'igikombe cy'Isi 2022 yagenze:

RD Congo 1:1 Morocco

Cameroon 0:1 Algérie

Mali 0:1 Tunisie

Egypte 1:0 Senegal

Ghana 0:0 Nigeria

Misiri yihimuye kuri Senegal iyitsindira i Cairo 1-0

Maroc yaguye miswi na Congo 1-1 itegereje umukino w’i Rabat

Tunisia yatsindiye Mali mu rugo 1-0 yoroshya akazi mu mukino wo kwishyura

Algeria yakuye intsinzi muri Cameroun y’igitego 1-0

Ku gicamunsi cyo kuri uyu wa Gatanu tariki 25 Werurwe 2022, kuri Dereva Hotel mu Karere ka Rwamagana mu Ntara y'Iburasirazuba, habereye ijonjora rya mbere ryo gushaka abasore baserukira Uburasirazuba muri Mister Rwanda iri kuba ku nshuro ya mbere.

Abasore 67 nibo biyandikishije mu Burasirazuba, ariko 14 nibo bageze ahabereye ijonjora. Ni mu gihe Akanama Nkemurampaka kemeje ko abasore batanu (5) ari bo bagera mu kindi cyiciro.

Abasore bakomeje ni Rukundo Dismas [Nimero 9], Gatsinzi Didier [Nimero 16], Mutangana Francis [Nimero 11], Mugisha Faustin [Nimero 27] ndetse na Ngiruwonsanga Regis [Nimero 5].

Abasore babashije guhiga abandi bahawe ingabo n'icumu nk'ikimenyetso cy'uko bahize abandi (Pass).

Ingabo n'icumu ni ibikoresho byahabwaga umusore w'intoranywa wabaga agiye ku rugamba. Imanzi Ltd itegura Mister Rwanda, yavuze ko bahisemo gutanga ingabo n'icumu ku basore bahize abandi, 'nk'ibikoresho by'urugamba rw'iterambere rye nk'umusore ndetse n'iterambere ry'igihugu.'

Uretse guhabwa ingabo n'icumu, aba basore baserutse mu mishanana buri wese abyina, Kinyarwanda mu rwego rwo kugaragaza umuco w'u Rwanda.

Akanama Nkemurampaka kazifashishwa mu rugendo rw'amajonjora kagizwe na Aissa Cyiza, Sunday Justin ndetse na Sebudwege Chear.

Nyuma yo kuva mu Ntara y'Uburasirazuba, iki gikorwa kizakomeza kuri uyu wa 27 Werurwe 2022 mu Karere ka Rubavu mu Burengerazuba, ku wa 29 Werurwe 2022 amajonjora azabera mu Karere ka Huye mu Ntara y’Amajyepfo, amajonjora azarangirira mu Mujyi wa Kigali ku wa 30 Werurwe 2022.

AMAFOTO Y'ABASORE 5 BATSINDIYE GUSERUKIRA UBURASIRAZUBA MURI MISTER RWANDA 

Rukundo Dismas [Nimero 9] 

Gatsinzi Didier [Nimero 16] 

Mutangana Francis [Nimero 11] 

Mugisha Faustin [Nimero 27] 

Ngiruwonsanga Regis [Nimero 5]  

Abasore 5 batsindiye guserukira Intara y’Iburasirazuba muri Mister Rwanda 2022

Rukundo Dismas [Nimero 9] ari kumwe na Gatsinzi Didier [Nimero 16] 

IHERE IJISHO UKO ABASORE 14 BIYEREKANYE MURI IRI RUSHANWA RYA MISTER RWANDA

“>

Umugabo wo muri Afurika y'epfo wishe umukobwa bakundagana nyuma yo kumenya ko yamuteye inda, yasabiwe igifungo nyuma yo gushinjwa n'uwo yahaye ibiguzi.

Urukiko rukuru rwa Johannesburg rwanzuye ko Ntuthuko Ntokozo Shoba yahamwe no gucura umugambi wo kwica Tshegofatso Pule no kuriha uwamwishe.

Umurambo w'uwo mugore wari ufite imyaka 28, wari utwite, wasanzwe unagana mu giti mu myaka ibiri ishize, ufite igikomere cy'isasu mu gatuza.

Ubwo bwicanyi bwamaganywe na benshi, barimo na Perezida Cyril Ramaphosa.

Mbere, Ramaphosa yavuze ko Afurika y'epfo ari hamwe 'mu hantu hari umutekano mucye cyane ku isi ku mugore.'

Mimi Mehfira umugore w’umuhanzi nyarwanda, Ngabo Medard wamamaye nka Meddy yashimiye uyu mugabo uburyo yamwihanganiye igihe yari atwite kuko yamugoye.

Tariki ya 23 Werurwe 2022 nibwo Meddy yasangije abamukurikira ifoto y’umugore we Mimi imugaragaza atwite, ni ifoto yazamuye amarangamutima ya benshi.

Nubwo yayisangije abantu ndetse ntagire byinshi ayivugaho, byaje kumenyekana ko aba bombi bari bamaze iminsi bibarutse imfura yabo y’umukobwa.

Abinyujije ku rukuta rwe rwa Instagram, Mimi akaba yafashe umwanya ashimira Meddy uburyo yamwihanganiye mu bihe bye byo gutwita kuko yamugoye cyane.

Ati 'Ku mugabo wanjye w’igikundiro, ndagushimira uburyo wanyihanganiye mu bihe bitambutse ku bw’ibihe byanjye byahindagurikaga, kubera ko Imana izi ko nagize byinshi, kwifuza n’amategeko yanjye ya buri munsi, kora iki na kiriya. Ntabwo wihanganye gusa wanatumye ibi bihe biba byiza kurushaho. Sinshobora kugukunda bihagije ku bw’umwana wanjye.'

Aba bombi bakoze ubukwe muri Gicurasi 2021, bubera muri Amerika muri Leta ya Dallas aho aba bombi baba.

Mu ijoro ryo ku wa Gatanu tariki 19 Ukuboza 2020, nibwo Meddy yasabye uyu munya-etiyopiyakazi ko yareka igihe basigaje ku Isi bakazakimarana.

Muri Kanama 2019, Mimi yari yatangaje ko nyuma y’igihe amaranye n’uyu musore yabonye ari umwizerwa bityo ko amusabye ko babana atazuyaza.

Tariki ya 1 Mutarama 2019 ni bwo Meddy yerekanye umukunzi we mu Rwanda mu gitaramo cya East African Party Meddy yari yatumiwe kuririmbamo, akaba ari nabwo uyu mukobwa w’imyaka 30 aheruka mu Rwanda ariko akaba yavuze ko ari hafi kugaruka.

Urukundo rwa Meddy na Mimi rwatangiye muri 2017 ubwo Meddy ubwe yatangazaga ko hari umukobwa utari Umunyarwanda asigaye atereta uba muri Amerika.

Mimi yashimiye Meddy uburyo yabanye na we mu bihe bigoye

Ni ibyishimo muri uyu muryango nyuma yo kwibaruka imfura yabo

Yabitangaje kuri uyu wa Gatanu mu karere ka Kamonyi, mu bukangurambaga bugamije kumenyekanisha ihame ry'uburinganire n'akamaro karyo kugira ngo igihugu kigere ku iterambere cyifuza.

Ni ibiganiro byitabiriwe n'abayobozi b'inzego z'ibanze mu karere ka Kamonyi, abafatanyabikorwa n'abandi bafite aho bahurira n'uburinganire n'ubwuzuzanye bw'umugabo n'umugore mu iterambere.

Madamu Rwabuhihi, yavuze ko nta Munyarwanda utarebwa n'ihame ry'uburinganire.

Yagize ati 'Turi hano kugira ngo twumve neza Ihame ry'Uburinganire , iri hame ntirireba abagore ahubwo rirareba abanyarwanda twese umugabo n'umugore'.

Yavuze ko ihame ry'uburinganire ritanga amahirwe angana hagati y'abagore n'abagabo mu iterambere ry'igihugu, ntawe uhejwe kuko iterambere ritarobanura.

Umuyobozi w'Akarere ka Kamonyi Dr Nahayo Sylvere yashimiye Urwego rishinzwe iyubahirizwa ry'Uburinganire n'Ubwuzuzanye (GMO) kuba rwarateguye igikorwa cy'ubukangurambaga, asaba inzego zose zitabiriye kwimakaza ihame ry'Uburinganire ndetse bakumva ko kurwanya ihohoterwa rishingiye ku gitsina ari inshingano zabo kugira ngo hubakwe Umuryango ushoboye kandi utekanye.

Guverineri w'Intara y'Amajyepfo, Kayitesi Alice yashimye ubufatanye bwa GMO mu gufasha abayobozi, abaturage n'inzego zitandukanye gusobanukirwa ihame ry'uburinganire, yizera ko ibi biganiro bisiga barushijeho kumva neza uko bakwimakaza ihame ry'uburinganire aho bayobora bizazana impinduka mu iterambere.

Mu bitekerezo byatanzwe, abayobozi mu nzego z'ibanze mu karere ka Kamonyi biyemeje kurushaho kugira uruhare mu kwimakaza uburinganire, kandi bakumira ihohotera rishingiye ku gutsina aho bayobora.

Hashize iminsi hakorwa ubukangurambaga mu turere tugize intara y'Amajyepfo, hagamijwe ko ihame ry'uburinganire rikomeza kumvikana uko riri mu baturage, kugira ngo iterambere u Rwanda rwifuza ritagira uwo riheza.

Madamu Rwabuhihi, yavuze ko nta Munyarwanda utarebwa n'ihame ry'uburinganire

Guverineri w'Intara y'Amajyepfo, Kayitesi Alice yijeje ko ibi biganiro bisiga barushijeho kumva neza uko bakwimakaza ihame ry’uburinganire aho bayobora bizazana impinduka mu iterambere

Umuyobozi w’Akarere ka Kamonyi Dr Nahayo Sylvere yasabye inzego zose kwimakaza ihame ry’Uburinganire

Abayobozi mu nzego z’ibanze mu karere ka Kamonyi biyemeje kurushaho gukumira ihohotera rishingiye ku gutsina aho bayobora.

Abayobozi mu nzego z’ibanze mu karere ka Kamonyi biyemeje kurushaho kugira uruhare mu kwimakaza uburinganire

Abayobozi batandukanye bari bitabiriye