Source : https://www.kigalitoday.com/amakuru/amakuru-mu-rwanda/Bakingiwe-Covid-19-mu-muganda-rusange
Ikipe ya Patriots BBC ikoze ibisa n’ibitangaza muri Kigali Arena ikuramo ikinyuranyo cy’amanota 12 yatsinzwe na REG mu duce 2 tubanza tw’umukino itsinda amanota 70-63, ni umukino wakurikiranywe na Minisitiri wa Siporo, Munyangaju Aurore Mimosa.
Aya makipe yahuriye mu mukino w’umunsi wa 9 wa shampiyona ya Basketball 2022, ni nyuma y’uko yaherukaga guhurira ku mukino wa nyuma wa shampiyona ya 2021 aho REG yayitsinze inayitwara igikombe.
Muri uyu mukino wabereye muri Kigali Arena kuri uyu wa Gatandatu tariki ya 26 Werurwe, hari hitezwe kureba niba Patriots BBC yihorera cyangwa bayisubira.
Ni umukino watangijwe n’umunota wo kwibuka Barame Aboubakar wakiniye ikipe y’igihugu n’amakipe nka APR BBC na Espoir BBC uheruka kwitaba Imana.
REG BBC ibifashijwemo n’abakinnyi bayo nka Nshobozwabyosenumukiza Jean Jacques Wilson wari ufite abafana benshi muri Arena kubera uko aheruka kwitwara muri BAL na Kami Kabange ukongeraho na Kaje Elie bayifashije gusoza agace ka mbere bari imbere n’amanota 19-14 ya Patriots BBC nubwo abasore nka Ndizeye Dieudonne bari bagerageje.
REG BBC ntiyoroheye Patriots BBC mu gace ka kabiri kuko amanota 3 yagiye atsindwa n’abarimo Nshobozwa, yabafashije gutsinda agace ka kabiri ku munota 23 kuri 16 ya Patriots BBC yagowe cyane n’aka gace aho bagiye bakora amakosa menshi. Bagiye kuruhuka ari 42-30.
Patriots BBC yasaga n’iyacitse intege benshi bavuga ko awutakaza, agace ka gatatu yari yahinduye byinshi, bashyizemo kapiteni wayo Mugabe Aristide ahindura umukino, abafana nabo barakanguka babongerera imbaraga bituma n’abandi bakinnyi basubira mu mukino , mu manota 12 barushwaga bakuyemo 11, aka gace bagatsinze ku manota 21- 10 ya REG byahise biba 52 REG kuri 51 ya Patriots.
Patriots yakomerejeho no mu gace ka nyuma irusha REG BBC mu buryo bugaragara igatsinda amanota 19 kuri 11 ya REG BBC, umukino wose warangiye ari 70 ya Patriots BBC kuri 63 ya REG BBC.
Undi mukino wari wabanje w’umunsi wa 9, mu bagabo APR BBC yatsinze IPRC Kigali 76 -69.
Mu bakobwa APR WBBC yatsinze IPRC Huye 57-51 ni mu gihe REG WBBC yatsinze The Hoops 69-50.
Source : http://isimbi.rw/siporo/imbere-ya-minisitiriwa-siporo-patriots-bbc-ikoze-ibisa-n-ibitangaza
Zlatan Ibrahimovic yamaganye igitekerezo cyo gusezera ku mupira w'amaguru avuga ko yumva afite ubwoba igihe atekereje kubyo kumanika inkweto.
Uyu mugabo w'imyaka 40 y'amavuko akomeje kwitwara neza muri AC Milan nyuma y'igihe kinini amaze akina,cyane ko yatangiriye mu ikipe ya Malmo yo muri Suwede mu 1999.
Nta kimenyetso cyerekana ko yasubiye inyuma gusa amaze gutsinda ibitego umunani mu mikino 18 ya Serie A nubwo yagize ibibazo by'imvune.
Ibrahimovic yanyuze mu makipe yo muri Premier League, Ligue 1, La Liga, Eredivisie, MLS hamwe n'akomeye mu Butaliyani – yegukana ibikombe 30 mu mwuga we.Amaze gutsinda ibitego 510.
Aganira na Goal,yagize ati “Numva mfite ubwoba iyo bigeze ku gusezera umupira w'amaguru.
'Nzakomeza gukina igihe kirekire gishoboka, igihe cyose nzaba ngishobora gutsinda kandi singire ikibazo. Ndashaka kurangiza umwuga wanjye nta kwicuza, bityo ngomba gukoresha igihe cyanjye. '
Ibrahimovic yashimishije abafana kubera ukuntu akoresha imbaraga ze, kwitwara neza bihoraho imbere yizamu n'ikinyabupfura mu kibuga nubwo rimwe na rimwe anyuzamo akihaniza umusagariye.
Nkuko asanzwe abizwiho,Ibrahimovic yasekeje benshi ubwo yavugaga ko nubwo azababara nasoza umupira ariko ngo abafana nibo bazashegeshwa cyane no kumubura kuko 'batazongera kubona undi umeze nkawee. '.
Ati: 'Nzi ko imbaraga mfite ubu zitazahoraho.'Dufite gahunda yo gukanguka, tukajya mu myitozo, tugasubira mu rugo kuruhuka.
'Ibi bimaze imyaka 20-25, ariko umunsi umwe nzabyuka nta gahunda n'imwe mfite, kandi ibyo bizaba ari ibintu bidasanzwe.'
'Ndatekereza ko umubabaro mwinshi uzaba uwanyu [abafana], kuko mutazongera kumbona nkina.Mugomba kunyishimira ubu, kuko mutazongera kubona umukinnyi nkanjye.”
Yakomeje avuga ko azasezera mu mupira w'amaguru igihe azaba abona ku isi haje umukinnyi umurusha umupira aho yibona nkaho ntawe umurusha guconga ruhago.
Ati “Ukuri nuko nzakomeza gukina kugeza kugeza mbonye undi mukinnyi ukina neza kundusha.Rero ndacyakina.”
Bagwire Keza Joannah witabiriye Miss Rwanda 2015 ndetse anatahana ikamba rya nyampinga w'umuco n'umurage (Miss heritage) akaba n'umunyamakurukazi wa Kiss FM yibarutse imfura ye nyuma y'amezi ane akoze ubukwe.
Keza Joannah yashyingiranwe n'umugabo we Murinzi Michael mu mwaka ushize tariki 14 Ugushyingo 2021.Yifashishije instagram ye yagaragaje ko yishimiye ibitangaza Imana yamukoreye nyuma y'aho kuri uyu wa Gatanu tariki 25 Werurwe 2022 yibarutse umwana w'imfura ye.
Source : https://yegob.rw/umunyamakuru-keza-joannah-yibarutse-nyuma-yamezi-4-gusa-akoze-ubukwe/
Keylor Navas, Umunyezamu wa PSG n'ikipe y'igihugu ya Costa Rica, yacumbikiye impunzi 30 z'abanya-Ukraine bahunze intambara bashoweho n'Uburusiya.
Uyu mugabo yabaguriye ibitanda 30 abishyira mu cyumba we n'umuryango we basanzwe bareberamo filime, azajya abaha ibyo kurya n'imyambaro.
Uyu mukinnyi ukomeye w'ikipe y'igihugu cye na PSG y'Abafaransa, yafunguye imiryango y'urugo rwe i Paris kugira ngo iri itsinda ry'abantu 30 baturutse muri Ukraine babone aho baba by'agateganyo,anabagaburire.
Byongeye kandi, umugore wa Navas, Andrea Salas, niwe ushinzwe gutegurira ibiryo aba banya Ukraine bacumbikiwe mu cyumba bareberagamo filimi mu rugo rwabo, aho bazajya banasengera,cyane ko uyu munyezamu wa Costa Rika ndetse n'umuryango we basanzwe basengera mu idini ry'aba Evangelist.
Kuri ubu, Navas ari kumwe n'ikipe y'igihugu ya Costa Rica aho bari gukina imikino itatu ya nyuma y'amajonjora ya CONCACAF mu gushaka itike y'igikombe cy'isi kizabera muri Qatar 2022.
Costa Rica iri ku mwanya wa gatanu ku rutonde,n'amanota 16 ikazahura n'ikipe iyoboye Canada, El Salvador na Amerika mu rwego rwo gushakisha byibuze umwanya wa kane, wayifasha gukina umukino wa kamarampaka n'ikipe ihagarariye OFChanyuma utsinze akerekeza mu gikombe cyisi.
Yabivugiye mu kiganiro abavugizi b’inzego nkuru z’igihugu bahaye abanyamakuru n’abanyagihugu uyu munsi kuwa Gatanu.
Ati 'Mu byo u Burundi busaba nibasanga barya bashatse guhirika ubutegetsi uno munsi u Burundi buri gusaba u Rwanda basigaye bagengwa n’amategeko mpuzamahanga reka ibyo tubitegereze. Murabizi ko hari abateye igihugu mu 2015 kandi ko igihugu cyacu cy’u Burundi kitashimishijwe na gato n’iyo myitwarire.'
Mu kiganiro abavugizi b’inzego zitandukanye za Leta y’u Burundi bagiranye n’abanyamakuru ku wa Gatanu tariki 25 Werurwe 2022, ifungurwa ry’iyi mipaka ni imwe mu ngingo zongeye kugarukwaho.
Umuvugizi wa Perezida w’u Burundi, Evelyne Butoyi yavuze ko umubano w’u Rwanda n’igihugu cye ugenda ujya mu buryo kandi bikaba bigaragazwa n’uko abakuru b’ibihugu byombi bagenda bandikirana.
Yakomeje avuga ko bari gukora ibishoboka byose kugira ngo igihugu cye gifungure uruhande rwacyo ku mipaka igihuza n’u Rwanda kuko biri mu nyungu z’abaturage bombi.
Ati 'Mwibuke buriya mu Rwanda bafunguye imipaka bijyanye n’aho icyorezo cya COVIDâ”19 kigeze kuko bari bihaye gahunda yo kurwanya Coronavirus. Uyu munsi bafunguye uruhande rw’u Rwanda reka natwe dutegereze niho bigana kuko aricyo twese twifuza kandi barimo barakora ibishoboka byose kugira ngo uko kugenderanirana bitere imbere.'
Kuba u Rwanda rucumbikiye abashatse guhirika Leta y’u Burundi mu 2015, ni kimwe mu byakunzwe kugaragazwa nk’impamvu u Burundi bugitsimbaraye ku gufungura imipaka yarwo.
Hashize iminsi hari ibimenyesto by’uko u Rwanda n’u Burundi biri guharanira kuzahura umubano wabyo. Igiheruka ni uko ku wa 15 Werurwe Perezida Kagame yohereje Minisitiri w’Ingabo, Gen Albert Murasira i Burundi nk’intumwa ye yihariye.
Icyo gihe Gen Murasira yagiranye ibiganiro na Perezida w’u Burundi, Evariste Ndayishimiye.
Ni urugendo rubaye nyuma y’uko muri Mutarama 2022, Perezida Kagame yakiriye Minisitiri ushinzwe Umuryango wa Afurika y’Iburasirazuba, Urubyiruko, Umuco, na Siporo mu Burundi, Ezéchiel Nibigira, wamugejejeho ubutumwa bwa Perezida Ndayishimiye.
Umubano w’u Rwanda n’u Burundi wajemo agatotsi mu 2015 ubwo hageragezwaga umugambi wo guhirika ubutegetsi bwa nyakwigendera Pierre Nkurunziza. U Burundi bwashinje u Rwanda kuba inyuma y’uwo mugambi ariko rubihakana rwivuye inyuma.
Kuva icyo gihe inzego zose mu bihugu byombi zagiye zikora ibishoboka byose ngo ibi bibazo bikemurwe ariko bikagenda biguru ntege.
Kuva Perezida Ndayishimiye yajya ku butegetsi mu 2020 hagaragaye impinduka nziza ku kuzahuka k’umubano w’u Rwanda n’u Burundi.
Hateguwe ikirori cyihariye gikorerwa mu rugo cyizwi nka 'House Party’ cyiswe 'Social Media House Party’ kizahuza ibyamamare bitandukanye mu Rwanda birimo Dj Brianne umaze kumenyerwa mu kuvangavanga imiziki, umusobanuzi wa filime, Rocky Kirabiranya, MC Nario n’abandi aho abazabyitabira bazahabwa amahirwe yo kuganira no kwifotozanya nabo.
Ni ibirori bizaba tariki ya 1 Mata kugeza tariki ya 3 Mata 2022, bikaba bizabera ku i Rebero muri 'MU RUGO RESORT INN.’
Kamaro Felecien wateguye iki kirori yavuze ko impamvu cyagiye ku i Rebero ari uko ibirori bya 'House Party’ n’ubundi bitabera mu Mujyi kandi na Rebero ikaba imaze kumenyerwaho kwakira ibitaramo kandi bikagenda neza.
Ati 'Bisa nk’aho ku i Rebero ari agace kameze neza kandi kamaze kumenyerwa gukorerwamo ibitaramo bikagenda neza, ikindi ntabwo house party zibera mu mujyi zibera ahantu mu nkengero, rero nasanze ari heza n’aho bizabera ni inzu nziza, ni nini n’uwakenera kuruhuka yazabona uko aruhuka.
Yakomeje avuga ko impamvu yahisemo gutegura iki kirori ari mu rwego rwo guhuza ibyamamare bikaganira bakanasabana n’abafana babo ndetse bakaba bagira n’amahirwe yo kwifotozanya nabo.
Ati 'Nararebye nsanga ibyamamare rimwe na rimwe muhurira mu kabari no mu bitaramo ntimubone umwanya wo gusabana kandi muba muri mu bintu bimwe, ndavuga ngo nta kuntu nahuza aba bantu tukagasangira ariko n’abo bafana bacu bakaba baza bakishyura tugasabana nabo, niba ari ifoto tukayifata, urebye ni muri urwo rwego.'
Bimwe mu byamamare bizaba bihari, hari Dj Brianne, SKY2, MC Nario, Rocky Kirabiranya n’itsinda rye, Kamaro, Dj Drizzy, Dj Direx na MC Gasan.
Biteganyijwe ko bizatangira saa 14h ku wa Gatanu tariki ya 1 Mata 2022 kugeza ku wa Gatandatu mu gitondo, bongere basubukure tariki ya 2 Mata 2022 saa 14h, bageze ku Cyumweru mu gitondo tariki ya 3 Mata 2022.
Kwinjira bikaba ari ibihumbi 5 ahasanzwe ndetse n’ibihumbi 10 muri VIP. Kizakorwa hakurikijwe amabwiriza yo kwirinda COVID-19.
Perezida wa DR Congo Felix Tshisekedi yagiye murwambariro rw'abakinnyi b'ikipe y'igihugu ya Maroc nyuma y'aho umukino bakinaga na RDC urangiye banganyije 0-0, yifata amafoto nabo,hanyuma Ashraf Hakimi amuha umupira yakinannye.
Uwarebye umupira wese yakwemera ko ikipe ya Les Leopards yatengushye bikomeye Abakongomani barimo na Perezida Tshisekedi wari uyishyigikiye bikomeye kuko amahirwe akomeye Mbokani na Bakambu babonye bakayapfusha ubusa yababaje benshi.
Muri uyu mukino wa Kamarampaka wo gushaka itike y'igikombe cy'isi kizabera muri Qatar uyu mwaka,Maroc yatangiye uyu mukino irushwa bikomeye , byatumye ku munota wa 14 Yoane Wissa yinjiriza RDC igitego cyiza cyane ku mupira yazamukanye ku ruhande rw'ibumoso arekura ishoti rikomeye umunyezamu Bonou ntiyamenya uko bigenze.
RDC yari ishyigikiwe bikomeye,yabonye andi mahirwe ya Bakambu nyuma y'umupira yari ahawe na Wissa basigaranye n'umunyezamu gusa ayapfusha ubusa.
Abarimo Perezida Tshisekedi bari bahagurutse ndetse biteguye kwishimira iki gitego ariko birangira batengushywe.Igice cya mbere cyarangiye nta kindi gitego cyinjiye.
Mu gice cya kabiri,RDC yagarutse wagira ngo bayihinduye ariko igerageza gushimisha abafana mu minota ya mbere aho Mbokani yahushije igitego cyabazwe ku mupira yahawe ari imbere y'izamu ananirwa kuwusunikira mu izamu.
Wissa witwaye neza muri uyu mukino,nawe yabonye andi mahirwe akomeye ahabwa umupira acenga myugariro uwe ashaka gukaraga umupira mu izamu uca ku ruhande gatoya.
Maroc iri mu makipe afite abakinnyi b'amazina akomeye muri Afurika yagarutse mu mukino kare, bituma ibona penaliti ku munota wa 57 ariko Ryan Mmaee ayitera mu bicu.
Ku munota wa 76, nibwo Tarik Tissoudali winjiye asimbuye yaboneye Maroc igitego cyo kwishyura, abakongomani batangira kurushwa birenzeho.
Ku munota wa 85, myugariro Glody Ngonda yahawe ikarita itukuru n'umusifuzi Victor Gomez, DRCongo isigarana abakinnyi 10 mu kibuga,icyakora yihagararaho ntiyatsindwa.
Nyuma y'uyu mukino,Perezida Tsisekedi yagiye gusura Maroc nubwo yamubujije ibyishimo ndetse ikazaha akazi gakomeye RDC mu mukino wo kwishyura uzabera muri Maroc kuwa 29 Werurwe 2022.
Umunsi wo ku wa gatanu wahiriye amakipe yo muri Afurika y'amajyaruguru – Algeria na Tunisia na zo zatsinze 1-0 Cameroon na Mali, nubwo zari zasuye.
Kutagira amahirwe kwa myugariro SaliouCiss kwatumye yitsinda igitego,Misiri na yo itsinda Senegal igitego 1-0 i Cairo mbere yo kwerekeza muri Senegal mu wo kwishyura.
Aya makipe azongera guhura ku wa kabiri mu mukino wo kwishyura, izatsinda ikazabona itike yo gukina imikino y'igikombe cy'isi muri Qatar mu kwezi kwa cumi na kumwe.