Webrwanda Backend

Author: webrwanda

  • Muhanga: Abakohwa babyariye iwabo, bibukije ababyeyi ko kubajugunya bidahindura ibibazo bahura nabyo #rwanda #RwOT

    Bamwe mu bakobwa babyariye iwabo, baributsa ababyeyi ko kubajugunya, kubatererana ngo ni uko batwaye inda bakiri bato cyangwa bakuze bidahindura imiterere yabo mbere yo guterwa inda zavutsemo abana batumwa ibishirira, umunyu ndetse n'amazi ku iriba. Barabasaba guhindura imyitwarire n'imigirire bakabegera, bakabaha urukundo.

    Ibyo aba bakobwa batewe inda bakabyarira iwabo bavuga, babitangarije mu muhango wo kubaha impamyabumenyi z'uko bize gukora amasabune y'amazi n'ay'imiti (akomeye) amavuta yo kwisiga, imitobe, amarangi n'ibindi.

    Muhawenimana Jacqueline utuye mu kagali ka Munazi, Umudugudu wa Kiyoro avuga ko yabyaye ndetse agafatwa nabi, ariko ashimira HumurizaTamari Foundation yabafashije guhindura ubuzima bakaba bageze ku rwego rwo gukora Kompanyi ikora ibikorwa by'ubucuruzi.

    Yagize ati' Maze kubyara nafashwe nabi n'umuryango wanjye, ariko nyuma y'aho uyu muryango umaze kuza waradufashije ndetse abaduhaga akato barahinduka kuko yaduhaye agaciro, itwigisha umwuga bimwe batuguriraga bikabatera uburakari burashira kubera uruhare tujyana mu rugo, none tugiye gutegura imibereho myiza y'abana bacu'.

    Umutanguha Euphrasie, atuye mu kagali ka Rwasare, Umudugudu wa Kanyinya avuga ko kubana n'ababyeyi biba bigoye iyo umaze kubyara, ariko ko bakwiye kwibuka ko ikosa ridakosorwa n'irindi kuko kuba waguye mu ikosa rikabyara icyaha bidakuraho ko uri umwana ushobora kongera kugira agaciro. Ahamya ko iyo ababyeyi bagutereranye, bakujugunye birushaho kumera nabi ukaba wanakwiyambura ubuzima.

    Yegize ati' Ababyeyi bakwiye kwibuka ko amakosa tugwamo adakosorwa no kutureba nabi ndetse no kutwirukana mu muryango'. Yibutsa ko bakwiye kwibuka ko gukosa bibaho, ko nubwo babonye ubuzima bubi bwo kwangwa n'abavandimwe ndetse bigatuma hari bamwe bashaka kwiyambura ubuzima kubera ko nta muntu uba ukugira inama, bakwiye kwitabwaho, bakegerwa ubuzima bukarushaho kuba bwiza.

    Akomeza yemeza ko Huriza Tamari yababereye umubyeyi igihe abandi bari babataye batakigira agaciro ku miryango yabo. Asaba ko bibaye byiza yagera kuri benshi bashoboka kuko hari benshi bakeneye urukundo batabona.

    Umuyobozi W'Umuryango Nyarwanda wa Humuriza Tamari Foundation, Pasteur Nyiraneza Albertine avuga ko ibi bibazo abakobwa babyariye iwabo bahura nabyo bikwiye kuba umusingi wo gukosora ibitaragenze neza bigahinduka bakagirwa inama,  bakanafashwa kuva mu bibazo bitandukanye bagiye bahura nabyo, bakerekwa inzira nziza yo kwiteza imbere, bagakora imishinga.

    Umuyobozi w'Akarere ka Muhanga, Kayitare Jacqueline avuga ko umubyeyi watereranye umwana yabyaye aba yirengagije byinshi kuko hari ibyo ababyeyi bahura nabyo bikwiye kubabera ikimenyetso cyo kudata abana babyaye.

    Avuga ko gukosa bibaho, ko ibyiza ari ukwegera umuntu nk'uwo akagirwa inama, kuko kumujugunya cyangwa kumutererana bidakemura ibibazo aba yahuye nabyo. Asaba ko  ' dukwiye kumuba hafi tugamije kumukura mu bibazo, twirinda kumuciraho iteka, ahubwo tugerageza kubashaka tukabagarura tugamije kubarinda. Ahamya ko iyo utabafashije biroha mu biyobyabwenge, ingaruka zibabaho ugasanga zituruka ku mibanire mibi n'ababyeyi ndetse n'ababarera.

    Akomeza avuga ko Humuriza Tamari Foundation, ikwiye kugera henshi hashoboka kuko hari benshi bakeneye guhumurizwa no kwibona mu muryango nyarwanda, aho abenshi usanga bumva badakwiye kubamo kubera ibyo banyuzemo byo kwangwa n'imiryango yabo ndetse n'abaturanyi.

    Bimwe mubyo bamuritse bamaze kumenya gukora muri Kampuni bahuriyeho.

    Mu nta ngiriro zo gushaka aba bakobwa babyariye iwabo, habaruwe benshi ku buruo babonye abana bavutse basaga 854 ariko umushinga bitewe n'ubushobozi bwawo ufata ababyeyi 200 n'abana 200. Bose bibumbiye muri Kampani aho bamazee kwizigamira asaga Miliyoni ebyiri n'igice kuva mu jwezi kwa Cumi umwaka ushize wa 2021. Bimwe mu byo bakora nka Kampuni batangiye kubishyira ku isoko kandi bijejwe ubufasha mu kwiteza imbere no gushaka ibyangombwa byose basabwa,

    Akimana Jean de Dieu

    Source : https://www.intyoza.com/muhanga-abakohwa-babyariye-iwabo-bibukije-ababyeyi-ko-kubajugunya-bidahindura-ibibazo-bahura-nabyo/

  • U Rwanda rurashimirwa gukumira ihohoterwa rishingiye ku gitsina #Rwanda #RwOT via @kigalitoday #rwanda #RwOT

    Ihuriro ry’imiryango n’impuzamiryango y’abagore bo mu karere k’Ibiyaga bigari (COCAFEM GL), yagaragaje raporo y’ubushashatsi bwakozwe, bwerekana aho u Rwanda (…)

    Source : https://www.kigalitoday.com/amakuru/amakuru-mu-rwanda/U-Rwanda-rurashimirwa-gukumira-ihohoterwa-rishingiye-ku-gitsina

  • U Rwanda rurashimirwa aho rugeze rwubahiriza amasezerano mpuzamahanga yo gukumira ihohoterwa rishingiye ku gitsina #Rwanda #RwOT via @kigalitoday #rwanda #RwOT

    Ihuriro ry’imiryango n’impuzamiryango y’abagore bo mu karere k’Ibiyaga bigari (COCAFEM GL), yagaragaje raporo y’ubushashatsi bwakozwe, bwerekana aho u Rwanda (…)

    Source : https://www.kigalitoday.com/amakuru/amakuru-mu-rwanda/article/u-rwanda-rurashimirwa-aho-rugeze-rwubahiriza-amasezerano-mpuzamahanga-yo-gukumira-ihohoterwa-rishingiye-ku-gitsina

  • Wa musore wamenyekanye mubahatanira MrRwanda 2022 mu ntara y'iburasirazuba yavuze impamvu atakomeje #rwanda #RwOT

    Uyu musore wari wambaye nimero 26 yavukiye mu Rwanda akarere ka Kicukiro, umurenge wa Kanombe ninaho yakuriye ariko nyuma baje kwimuka bimukira i Rwamagana avuka mu muryango w'abana babiri akaba ari imfura mu muryango bakaba bafite mama gusa.

    Mu kiganiro yagiranye n'umunyamakuru Yago yavuze ko kugira igitekerezo cyo kwiyamamaza yakigize ari mu ijoro aho yarari kumbugankoranyambaga ahagana saa sita z'ijoro abona itangazo risaba abantu bifuza kwitabira irushanwa rya Rudasumbwa 2022 kwiyandikisha nawe abikora atyo.

    Yakomeje avuga ati” maze kwiyandikisha nyuma nabonye ubutumwa bumbwira aho tuzakorera numva nigiriye ikizere cyane ko numvaga nshaka kugira uruhare cyane muburezi kubana b'i Gihugu birambabaza cyane kubona abana kumuhanda cyangwa nabo tungana biga ntibasoze amashuri.

    Uyu musore ubona ko yishimye kumaso ye yakomeje avuga ati niyamamarije muntara y'iburasirazuba nambaye nimero 26 ariko sinakomeje, umunyamakuru amubajije impamvu atakomeje yasetse arangije ati” nakoze icyo nagombaga gukora ariko sinakomeje ati kuko urebye abantu twari kumwe baransubaga wabonaga ko aringe muto urimo”.

    Yakomeje ati nawe nkuko ubibona urabona abantu twari duhatanye harimo nuvuye mu irushanwa rya Mister Africa ati ubundi kwigirira ikizere nicyo cya mbere.

    Umunyamakuru yakomeje amubaza ikintu cyamuteye kwigirira ikizere kuburyo yumva agomba kujya mu irushanwa rya rudasumbwa yagize ati' nge ubusanzwe nkunda gukurikirana Miss Rwanda nkareba uko batambuka nkumva nange bintera imbaraga zo kujya muri MIster Rwanda.

    Emanuel yakomeje avuga ko kuba atarakomeje atarenganya abantu kuko nawe akimara kubona abo bari bahanganye yahise abona nta gihagararo afite kimwemerera kujya muri Mr Rwanda.

    Yakomeje avuga ko kuba yarasigaye bigaragara nkaho harimo icyo yakwita kata bitewe nuko hari bamwe bakiriwe muburyo budasanzwe kandi bagahita bakomeza.

    Source : https://umuryango.rw/imyidagaduro/article/wa-musore-wamenyekanye-mubahatanira-mr-rwanda-2022-mu-ntara-y-iburasirazuba

  • Rusizi: Abagore 1600 bahombejwe na Covid-19 bagobotswe – #rwanda #RwOT

    Ubucuruzi bw'aba bagore bwahungabanyijwe bikomeye n'icyorezo cya Covid-19, kuko imipaka yamaze igihe ifunze mu rwego rwo kwirinda ikwirakwira ryacyo.

    Mukabutera Dorcas ukorera muri koperative 'Kora Ukire' avuga ko covid-19 yamuteye igihombo agashima Pro-Femmes Twese Hamwe yamuhaye inkunga yo kuzahura ubucuruzi bwe.

    Ati “Aya mafaranga azadufasha kwiteza imbere no gukemura ikibazo cy'aho gukorera hadahagije, twongere isuku, ushaka ibicuruzwa byacu abone ko dukorera ahantu heza. Azanadufasha kongera igishoro cyacu twari twarariyeho mu bihe bya Covid-19.”

    Uwineza Immaculée ufite ubucuruzi bw'imboga n'amafi, yavuze ko ifunga ry'umupaka ryamugizeho ingaruka kuko atabonye uko asarura inyanya yari yarahinze muri Repubulika Iharanira Demokarasi ya Congo.

    Ati”Byangizeho ingaruka kuko twari dufite umurima w'inyanya muri Congo, Covid-19 ije ihagarika ingendo ntitwajya gusarura, abaturage ba Congo barisarurira bityo ayo twashoye ntiyagaruka. Aya mafaranga rero azadukura muri cya gihombo twahuye na cyo. Nkanjye nacuruzaga ibihumbi 20 Frw, kuba bampaye ibihumbi 100 igishoro cyazamutse kandi bizazamura n'inyungu.”

    Iyi nkunga yatanzwe n'Impuzamiryango Pro-Femmes Twese Hamwe ku nkunga ya Ambasade y'u Buholandi mu Rwanda.

    Umuyobozi wa Pro-Femmes Twese Hamwe, Bugingo Emma Marie yasabye aba bagore kwishyira hamwe kuko bizatuma bunguka.

    Ati “Tubasaba gushyira imbaraga mu gukorera mu makoperative kuko ubusanzwe buri mugore yakoraga ukwe, yambuka, rimwe na rimwe ntibace ku mipaka izwi. Kwishyira hamwe bizatuma amafaranga arushaho kubyara andi.'

    Umuyobozi wungirije w'Akarere ka Rusizi ushinzwe imibereho myiza y'abaturage, Anne Marie Dukuzumuremyi, yavuze ko bafite icyizere ko iyi nkunga igiye kugabanya ubukene mu baturage.

    Iyi nkunga yahawe abagore 1603 bakorera mu makoperative 35 akora ubucuruzi buciriritse bwambukiranya imipaka ya Rusizi I na Rusizi II.

    Iyi nkunga izafasha abagore kongera igishoro hazibwa icyuho cy’igihombo cyatewe na Covid-19

    Umuyobozi wa Pro-Femmes/Twese Hamwe Bugingo Emma Marie yasabye abatese inkunga gukorera hamwe

    Source : http://igihe.com/amakuru/u-rwanda/article/rusizi-abagore-1600-bahombejwe-na-covid-19-bagobotswe

  • La Jeunesse isezereye ESPOIR FC, Gasogi na Bugesera nazo zirakomeza mu gikombe cy’Amahoro #Rwanda #RwOT via @kigalitoday #rwanda #RwOT

    Mu ijonjora ry’ibanze ry’igikombe cy’Amahoro ryakomeje kuri uyu wa Gatatu, ikipe ya La Jeunesse yongeye gutungurana isezerera Espoir FC yo mu cyiciro cya (…)

    Source : https://www.kigalitoday.com/imikino-11/football/article/la-jeunesse-isezereye-espoir-fc-gasogi-na-bugesera-nazo-zirakomeza-mu-gikombe-cy-amahoro

  • Amarangamutima ya watorewe kuba visi perezida wa Kung Fu Wushu muri Afurika #rwanda #RwOT

    Uwiragiye Marc usanzwe ari Perezida w’ishyirahamwe ry’umukino wa Kung Fu Wushu mu Rwanda ” RKWF ” yatorewe kuba Visi Perezida wa Kung Fu Wushu muri Afurika, aho yavuze ko byamushimishije bugaragaza intera u Rwanda kugeraho muri uyu mukino.

    Ni mu nama y’Inteko rusange y’uyu mukino yabereye Cairo mu Misiri guhera tariki ya 24 kugeza 27 Werurwe 2022.

    Muri iyi nama, Sherif Mostafa ukomoka mu Misiri ni we wongeye gutorerwa kuyobora ” African Wushu Kung Fu Federation ” (AWKF) mu gihe cy’imyaka 4 (2022-2026).

    Ku mwanya wa Visi Perezida hatowe abantu 4 ari bo Uwiragiye Marc (Rwanda), Patrice Komenan (Benin), Yayah Beddour (Algérie) na Maître Gao (Madagascar).
    Hari kandi abatowe nk’abagize Komite ari bo Ndiogou Gueye (Senegal), Meïté siaka (Cote d’Ivoire), Abderamane Esannaghi (Maroc), Mohamed Adel Zahra (Tunisia), Luc Bendza (Gabon) na Steve Kouma (Congo Brazzaville).

    Nyuma yo gutorerwa uyu mwanya, Perezida wa RKWF, Uwiragiye Marc atangaza ko iyi ari intambwe nziza ku Rwanda kandi bigaragaza ko hari aho bageze mu bijyanye n’imikorere.

    Yakomeje avuga ko bategura buri mwaka irushanwa ryo kwibuka aho ryabaye mpuzamahanga rikaba ryitabirwa n’ibihugu byo muri aka Karere k’Afurika y’Uburasirazuba.

    Ati : ” Iri rushanwa ryo Kwibuka risanzwe riba kandi rikitabirwa n’amakipe yo mu Karere gusa COVID-19 yadukomye mu nkokora ariko ubwo iri gucisha make tuzongera dusubukure dushyiremo imbaraga kurenza uko twakoraga.”

    Uwiragiye avuga ko inshingano ze ari ukwita ku iterambere ry’umukino wa Kung Fu Wushu mu bihugu by’Afurika y’Uburasirazuba.
    Ati : “Biransaba gushyira imbaraga mu gukorana cyane n’andi mashyirahamwe cyane cyane ayo muri Afurika y’Uburasirazuba .”

    Perezida wa RKWF, Uwiragiye avuga ko ibi bikomeza kubatera ingufu nk’Abanyarwanda bakaba basabwa gukora cyane bakesa umuhigo bagahiga abandi.

    Ikipe y’u Rwanda yitabiriye ku nshuro ya mbere shampiyona y’Isi mu mukino wa Kung Fu Wushu 'World Wushu Championships 2019', yabereye mu mujyi wa Shanghai mu Bushinwa kuva tariki 17 kugeza 23 Ukwakira 2019. Uwiragiye avuga ko bajyanye abakinnyi 2 barakina barasoza kandi hari byinshi bungutse bizabafashe nubwo inzira ikiri ndende.

    Yavuze kandi ko muri 2023, iyi mikino izaba ku nshuro ya 16 aho izabera Dallas muri USA na ho bakaba bateganya kujyayo kandi bizeye ko bazabigeraho bakaba basaba buri Munyarwanda wese aho ari kubashyigikira.

    Mu yindi myanzuro yafatiwe muri iyi Nama y’Inteko Rusange ni uko Libya na Zimbabwe zahagaritswe. Hemejwe kandi ko Shampiyona y’Afurika igiye kuba ku nshuro ya 8 izabera muri Cote d’Ivoire. Shampiyona y’Afurika y’abakiri bato “Junior” izabera muri Algeria naho irushanwa mpuzamahanga muri Kung Fu Wushu ribere mu Misiri.

    Uwiragiye Marc yatorewe kuba visi perezida wa Kung Fu Wushu muri Afurika

    Sherif Mostafa uri hagati ni we watorewe kuba perezida wa Kung Fu Wushu muri Afurika

    Batorewe mu nama y’inteko rusange yabereye mu Misiri

    Source : http://isimbi.rw/siporo/article/amarangamutima-ya-watorewe-kuba-visi-perezida-wa-kung-fu-wushu-muri-afurika

  • Ishyamba si ryeru hagati ya APR FC na kapiteni wayo Jacques Tuyisenge, yavuye mu mwiherero #rwanda #RwOT

    Uyu ni umunsi wa 3 APR FC isubukuye imyitozo yetegura igikombe cy’Amahoro n’imikino ya shampiyona izabukurrwa mu kwezi gutaha, kapiteni wayo ntaritabira imyitozo aho bivugwa ko umwuka atari mwiza hagati ye n’umutoza mukuru, Adil Erradi Mohammed.

    Uyu rutahizamu winjiye muri APR FC muri Nzeri 2020, amakuru ISIMBI ifite yizewe ni uko yavuye mu mwiherero w’iyi kipe mbere gato y’umukino w’umunsi wa 22 wa shampiyona APR FC yatsinzemo Rutsiro 1-0 tariki ya 20 Werurwe 2022, ubu akaba yibereye iwe mu rugo.

    ISIMBI yamenye amakuru ko uyu rutahizamu atishimiye uburyo umutoza mukuru w’iyi kipe ukomoka muri Maroc, Adil Erradi Mohammed ababwiramo, cyane cyane abataha izamu ababwira nabi avuga ko badatsinda.

    Ni kenshi uyu mutoza yagiye yumvikana mu itangazamakuru anenga ba rutahizamu be ko ikipe irema uburyo bwinshi ariko ba rutahizamu be ntibatsinde.

    Ubwo yari amaze kunganya na AS Kigali tariki ya 22 Mutarama 2022, icyo gihe yagaragaje kutishimira imyitwarire ya ba rutahizamu be kuko baremye amahirwe menshi ariko ntibabasha kureba mu izamu.

    Ibi byaje kwisubiramo ubwo batsindwaga na Mukura VS 1-0 tariki ya 1 Gashyantare 2022, nabwo ntiyishimiye imyitwarire y’abakinnyi be bataha izamu.

    Amakuru avuga ko uko yagaragazaga ko atishimiye umusaruro wabo ari nako yavuganaga n’abakinnyi be bataha izamu ababwira nabi, akaba ari n’aho haje kuva kutumvikana hagati ye na Jacques Tuyisenge wamubwiraga ko nubwo badatsinda ariko na none akwiye kureka kubatuka buri munsi, ngo hari uburyo yababwiramo atabatutse kuko n’abo ari abantu.

    Umwuka mubi hagati y’aba bombi waje gukomeza gututumba kugeza aho Jacques Tuyisenge afashe umwanzuro wo gusohoka mu mwiherero arataha, ndetse abamuri hafi bavuga ko yifuza kuba yatanduka n’iyi kipe.

    Ubwo ISIMBI yageragezaga kuvugana n’Umunyamabanga w’iyi kipe kuri iki kibazo, ntibyakunze kuko atabonekaga ku murongo we wa telefoni gusa andi makuru avuga ko atari mu Rwanda yagiye kwivuriza hanze y’igihugu.

    Jacques Tuyisenge yinjiye muri APR FC muri Nzeri 2020 akaba yari yarayisinyiye imyaka 2 ubu akaba ari mu mwaka we wa nyuma.

    Mu gihe amazemo ntabwo yahiriwe kuko yaranzwe n’imvune ndetse n’imikino yakinnye akaba atarabashije gutsinda ibitego nk’ibyo yari ategerejweho kuko amaze kuyikinira imikino 26 aho yayitsindiyemo ibitego 2 gusa yatsinze AS Muhanga muri shampiyona, hari tariki 11 Gicurasi 2021 ubwo bayitsindaga 3-1, yatsinzemo 2.

    Jacques Tuyisenge amaze imins yibereye iwe mu rugo, bivugwa ko yagiranye ikibazo na Adil Erradi utoza APR FC

    Source : http://isimbi.rw/siporo/article/ishyamba-si-ryeru-hagati-ya-apr-fc-na-kapiteni-wayo-jacques-tuyisenge-yavuye-mu-mwiherero

  • Ukuri ku bagabo babiri bafatiwe mu mirwano muri Congo bikavugwa ko ari abasirikare b’u Rwanda #rwanda #RwOT

    Iyi mirwano iri kuvugwaho amakuru atandukanye aho ku ikubitiro Guverinoma ya Congo binyuze mu buyobozi bwa Kivu y’Amajyaruguru, yatangaje ko yatewe na M23 ifatanyije n’Ingabo z’u Rwanda, bikanyomozwa n’u Rwanda binyuze mu itangazo rya Guverineri w’Intara y’Iburengerazuba, wavuze ko nta musirikare n’umwe w’u Rwanda uri muri Congo kandi ko nta n’inyungu rwabikuramo.

    Guverinoma ya Congo yagaragaje abagabo babiri ivuga ko ari abasirikare b’u Rwanda bafatiwe muri iyo mirwano aribo Adjudant Jean-Pierre Habyarimana na John Uwajeneza Muhindi.

    U Rwanda rwatangaje ko abo basirikare batabarizwa mu ngabo zarwo, rwongeraho ko ibyo Congo ivuga biteye urujijo kuko abo bantu bagarutsweho mu nama yahuje inzego z’ubutasi ku mpande zombi i Kigali tariki 25 Gashyantare 2022, hakibazwa uburyo bongeye kugarurwa bivugwa ko bafatiwe ku rugamba kandi bari bari mu maboko y’inzego z’umutekano za Congo.

    Jeune Afrique yatangaje ko yabashije kubona inyandikomvugo ya bimwe mu byavugiwe mu nama yahuje inzego z’ubutasi z’ibihugu byombi muri Gashyantare. Ibyo icyo kinyamakuru cyabashije kubona ni ibyavuzwe na Gen Michel Mandiangu uyoboye by’agateganyo ubutasi bwa gisirikare muri Congo.

    Muri iyo nama, Gen Mandiangu yavuze ko Adjudant Jean-Pierre Habyarimana yafashwe na FARDC tariki 1 Gashyantare 2022 bitandukanye na tariki 27 na 28 Werurwe yatangajwe n’Umuvugizi wa Guverineri wa Kivu y’Amajyaruguru, Gen Sylvain Ekenge.

    Inyandiko mvugo ya Mandiangu, ntabwo igaragaza igihe John Uwajeneza Muhindi yafatiwe gusa Jeune Afrique yatangaje ko amakuru ifite, ari uko na we yafashwe muri Gashyantare 2022 aho kuba Werurwe. Congo icyo gihe yavuze ko Muhindi yaturutse mu Karere ka Nyabihu.

    Uyu muyobozi w’ubutasi bwa gisirikare muri Congo, yakomeje avuga ko nyuma yo gutsindwa kwa M23 mu 2013, abari bayigize bahungiye mu bihugu birimo Uganda n’u Rwanda, bagakomeza kwisuganya ngo bagabe ibitero ku butaka bwa Congo.

    Yavuze ko mu Rwanda bisuganyiriza mu Ruhengeri, hakinjizwa abahoze mu nyeshyamba zahoze zirwanya Congo nka CNDP ya Laurent Nkunda ndetse n’abahoze ari abasirikare mu Ngabo z’u Rwanda.

    Mandiangu yavuze ko amakuru yizewe bafite ari uko M23 iyobowe na Sultani Makenga, igizwe n’ingabo ziri hagati ya 200 na 250, ifashwa n’ibihugu bihana imbibi na Congo.

    Makenga n’abasirikare be bahungiye muri Uganda mu 2013 mu gihe bari bagitegereje ko amasezerano bagiranye na Leta ya Congo yo gusubizwa mu ngabo, abandi bagasubizwa mu buzima busanzwe yubahirizwa.

    Mandiangu yavuze ko M23 na FDLR ari imitwe iteye ikibazo mu karere igomba kurwanywa, by’umwihariko kuri M23 avuga ko hakenewe umusanzu w’u Rwanda mu gusenya ibirindiro byayo, kuyibuza kwinjiza abarwanyi bashya no gukoresha u Rwanda mu kubona ibikoresho.

    Jeune Afrique yatangaje ko kwegeka ku Rwanda igitero cya M23 byakozwe n’ingabo ze Congo, bitanyuze abategetsi bakuru b’icyo gihugu.

    Umwe mu ba hafi ya Perezida Félix Tshisekedi yagize ati 'Ni ibintu byatubabaje ndetse bibabaza na Perezida. Haraza gufatwa ibihano.'

    Hari amakuru avuga ko gutangaza amakuru yose ajyanye n’imirwano iri hagati ya FARDC na M23 byambuwe abayobozi ba gisirikare muri Kivu y’Amajyaruguru, bigahabwa Umuvugizi w’Ingabo Gen Kasonga Léon-Richard.

    Imirwano yatumye abaturage ba Congo batuye aho iri kubera bahungira muri Uganda no mu bindi bice bya kure.

    Hashize igihe u Rwanda rugaragaza ko nta ruhare rufite mu gufasha M23 nubwo bamwe mu banyapolitiki ba Congo bakunze kubikoresha mu kwigarurira abaturage.

    Mu kiganiro Perezida Paul Kagame yahaye Jeune Afrique muri Mutarama uyu mwaka, yabigarutseho.

    Ati 'Twaganiriye kenshi na Guverinoma ya Joseph Kabila, nyuma dukomeza n’iya Félix Tshisekedi ku buryo bataha. Twamenyesheje bagenzi bacu ko abo bantu bambuwe intwaro, tukabashyira mu nkambi kandi ko tugenzura ibikorwa byabo. Ni ikibazo kimaze igihe. Twasabye Abanye-Congo kubajyana, aho babashyira ni ibyabo.'

    'Abanya-Uganda nabo basabye nk’ibyo kuko hariyo benshi bahoze muri M23. Bamwe bari mu nkambi ariko hari itsinda riyobowe na Sultani Makenga riri ku mupaka uhuza RDC, u Rwanda na Uganda ku ruhande rwa Uganda. Bahamaze imyaka ibiri kandi bakomeje kugaba ibitero kuri RDC.Twaganiriye n’abayobozi ba Congo kandi hari itsinda rishinzwe ubugenzuzi ryageze aho baherereye. Kuvuga ko bafite aho bahuriye n’u Rwanda, ntabwo ari byo.'

    Perezida Kagame icyo gihe yavuze ko ikibazo kiri mu maboko ya Congo, ariyo igomba gufata umwanzuro kuko ariyo isabwa kubahiriza amasezerano.

    Guverinoma ya Congo yakunze gusabwa kenshi kurangiza ikibazo cya M23 ishyira mu bikorwa amasezerano yasinywe mu 2013 ariko yakunze kubigendamo gahoro ari nabyo byagiye birakaza abahoze muri uwo mutwe.

    Abagabo FARDC yeretse itangazamakuru kuri uyu wa Mbere ivuga ko ari abasirikare b’u Rwanda, nyamara byagaragaye ko hashize ukwezi Congo ibafite

    Source : http://www.ukwezi.rw/1-1/Amakuru-anyuranye/article/Ukuri-ku-bagabo-babiri-bafatiwe-mu-mirwano-muri-Congo-bikavugwa-ko-ari-abasirikare-b-u-Rwanda

  • Amajyaruguru: Batangije icyumweru cyahariwe kurangiza imanza zaciwe n’inkiko Gacaca #Rwanda #RwOT via @kigalitoday #rwanda #RwOT

    Ku wa Mbere tariki 28 Werurwe 2022, ku rwego rw’Intara y’Amajyaruguru mu murenge wa Shyorongi mu Karere ka Rulindo, hatangirijwe icyumweru cyahariwe (…)

    Source : https://www.kigalitoday.com/ubutabera/imanza/article/amajyaruguru-batangije-icyumweru-cyahariwe-kurangiza-imanza-zaciwe-n-inkiko-gacaca