Webrwanda Backend

Author: webrwanda

  • Bwa mbere Zuchu na Diamond Platinmuz bagaragaye bari gusomana – YEGOB #rwanda #RwOT

    Ku nshuro ya mbere abahanzi bakomoka mu gihugu cya Tanzania, Diamond Platinmuz na Zuchu bagaragaye bari gusomana ndetse banaca amarenga y'urukundo bari bamaze iminsi bavugwamo.

    Mu minsi ushize aba bahanzi bombi bavuzwe mu rukundo, gusa ariko iyo babibabazagaho bose ntibatinyaga kubyamaganira kure, bavuga ko nta rukundo ruri hagati y'abo bombi.

    Ibintu by'urikundo rwabo byatangiye ubwo bombi basohokanaga ku munsi wa Noheli y'umwaka ushize, icyo gihe itangazamakuru ryatangiye gucyeka ko baba bari mu rukundo rw'ibanga.

    Mu biganiro Diamond Platinmuz yagiye akora ku bitangazamakuru yagiye ahakana ko ari mu rukundo na Zuchu, aho yavugaga ko ari umuhanzi we gusa.

    Ku munsi w'ejo hashize nibwo hasohotse imwe mu mafoto yafashwe bari gukora amashusho y'indirimbo yabo bise Mtasubiri.

    Muri ayo mafoto harimo aho baba bari gusomana, ibintu byatumye abantu bahita bashimangira ko baba bari mu rukundo nubwo bo bakunze kugenda babihakana.

    Source : https://yegob.rw/bwa-mbere-zuchu-na-diamond-platinmuz-bagaragaye-bari-gusomana/

  • M23 yashinje ingabo za RDC kurasa ku bushake indege ya MONUSCO yaguyemo benshi #rwanda #RwOT

    Nyuma yaho Abasirikare umunani bo mu ngabo za LONI zishinzwe kubungabunga amahoro muri Repubulika Iharanira Demokarasi ya Congo (MONUSCO) baguye mu ndege yarashwe kuri uyu wa Kabiri ubwo bari mu bikorwa by'iperereza, M23 yatangaje ko iyi ndege yahanuwe ku bushake n'ingabo z'igihugu (FARDC).

    Nkuko M23 yashyize hanze itangazo ibisobanura,iyi ndege ya MONUSCO yagurukaga mu kirere cya Cyanzu yarashwe n'igisasu cya Mortier 122 mm multiple laucher sustem cyarashwe n'ingabo za RDC bahanganye.

    Itangazo ryasinyweho na Willy Ngoma umuvugizi mushya wa M23 rigira riti “Umuryango wacu wa M23 uramenyesha abantu bose ko ingabo za RDC arizo zarashe indege ya MONUSCO yagurukaga mu kirere Cyanzu ahagana saa 11am bitandukanye n'ibirego byatangajwe nabo kuwa 29 Werurwe 2022 byari bigamije guhishira ibyaha byabo.”

    Iri tangazo ryakomeje rivuga ko ubwo izi ndege 2 za MONUSCO zarimo ziguruka muri aka gace M23 yafashe ka Chanzu,imwe muri izi ndege yarashwe na FARDC.

    Bavuze ko bidatangaje kuba FARDC yarashe iyi ndege ya MONUSCO kuko ngo uburyo bwayo bushya bw'imirwanire nyuma yo gutsindwa bidasubirwaho ari uguhamagara amahanga akaza kubatabara kuko ngo bataratsinda urugamba bonyine.

    M23 yavuze ko izindi ndege 2 za MONUSCO zageze muri Cyanzu zije kureba ibyabaye kuri iyo ndege yarashwe kandi ko zahageze mu mahoro nta kuzirasaho.

    M23 yavuze ko nta ntego ifite yo kurasa ku ngabo za UN zishinzwe kugarura amahoro muri RDC.

    Izi mpande zombi ziri mu mirwano muri teritwari ya Rutshuru zirashinjanya guhanura kajugujugu y'Umuryango w'Abibumbye yaburiwe irengero mu gace k'imirwano ka Chanzu, biragoye kumenya uruvuga ukuri.

    Ingabo za MONUSCO ziri mu burasirazuba bwa Congo zatangaje ko iyi kajugujugu y'ubutasi yabuze igeze mu gace ka Chanzu “karimo imirwano hagati ya M23 na FARDC”.

    Umuvugizi wa leta ya gisirikare ya Kivu ya ruguru Gen Sylvain Ekenge yaraye abwiye abanyamakuru ko iyi ndege “yarashwe na M23 igeze mu gace ka Chanzu kagenzurwa n'uwo mutwe”.

    Ati: “Yarashwe iri mu butumwa bw'amahoro bwo kureba uko abantu bahunga kubera ibitero bya M23 no kureba ibikorwa by'ubutabazi bakeneye”.

    Ingabo za Pakistan zatangaje kuri Twitter ko abasirikare babo batandatu ba MONUSCO bari “muri iyi kajugujugu ya Puma” bari mu bapfuye, muri bo harimo umupilote w'ipeti rya Liyetona Colonel.

    Fawad Hussain minisitiri w'itumanaho n'itangazamakuru wa Pakistan yise aba bapfuye abantu “b'umutima w'intwari”.

    Imirwano hagati ya M23 na FARDC imaze gutuma abantu barenga 6,000 bahunga, nk'uko bitangazwa n'umuryango utabara imbabare Croix Rouge.

    Source : https://umuryango.rw/amakuru/mu-mahanga/umutekano/article/m23-yashinje-ingabo-za-rdc-kurasa-ku-bushake-indege-ya-monusco-yaguyemo-benshi

  • #COVID19: Abantu babiri banduye babonetse mu bipimo 7,625 #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) yatangaje ko ku wa Kabiri tariki 29 Werurwe 2022 mu Rwanda habonetse abanduye Covid-19 bashya babiri (2), bakaba babonetse (…)

    Source : https://www.kigalitoday.com/ubuzima/indwara/article/covid19-abantu-babiri-banduye-babonetse-mu-bipimo-7-625

  • Miss Nshuti Muheto Divine yasubije abavuga ko Yateguwe n'Impamvu yasubiyemo Amagambo Mutesi Jolly yavuze muri 2016 #rwanda #RwOT

    KANDA HANO UREBE IKIGANIRO KIHARIYE NA MISS MUHETO N'IBISONGA BYE

    Atanga Igisubizo, Miss Muheto yagize ati: Indangagaciro izandanga nka Nyampinga w'u Rwanda ni Ubupfura. iyo uri Imfura Ukunda Igihugu, Ukunda Umurimo, wubaha Imana kandi iyo Uri Imfura Ubanira neza abandi dore ko Imfura zose ari inyangamugayo ariko Inyngamugayo zose atari Imfura”.

    Iki Gisubizo gisa neza neza nicyo Nyampinga Mutesi Jolly yatanze muri 2016. benshi kumbuga nkoranyambaga batangiye guhuza aya mashusho ya Banyampinga bombi, bakanakurikizaho ijambo Jolly yavuze akibona Muheto bwambere, bagahamya badashidikanya ko Mutesi Jolly ariwe wizaniye Miss Muheto yaramuteguye ngo Azabe Miss Rwanda 2022.

    Mu Kiganiro Kihariye yagiranya na Umuryango, Miss Muheto Divine yahakanye ibivugwa ndetse anasobanura neza Impamvu yasubiyemo igisubizo cya Mutesi Jolly. Ati: Kuba naravuze ibyo yavuze ntakosa ririmo, Kuko twese tugira abantu twigiraho. niba yarasubije kuriya agasanga yasubije neza, nange nasubiza ibyo yasubije nkabikora neza bikanampira, ntakosa nakoze”

    Abajijwe kubijyanye nimpamvu abandi bakobwa icumi baje mu 11 bambere bo batomboraga numero y'Ibibazo bari bubazwe, nyamara we akaza ari uwa 11 kandi ntanatombore numero yikibazo yagombaga kubazwa, Muheto yasubije ati “Twari tuzi ko abakobwa ari Icumi, hanyuma baza kuba Cumi numwe. kandi urabizi ninge waje bwanyuma nasanze ibibazo byashizemo hanyuma mbazwa muri buriya buryo”

    KANDA HANO UREBE IKIGANIRO KIHARIYE NA MISS MUHETO N'IBISONGA BYE


    Nyampinga nshuti Muheto Divine

    Muheto niwe wambaye Ikamba rya Miss Rwanda 2022

    Source : https://umuryango.rw/imyidagaduro/article/miss-nshuti-muheto-divine-yasubije-abavuga-ko-yateguwe-n-impamvu-yasubiyemo

  • BNR yagaragaje Ingaruka intambara y’u Burusiya na Ukraine izagira ku Rwanda #rwanda #RwOT

    Guverineri John Rwangombwa yavuze ko hafi 60% y’ingano igihugu cy’u Rwanda gitumiza hanze ituruka mu bihugu by’u Burusiya na Ukraine, bityo igihugu kigomba gushakisha andi masoko gihahiramo ingano n’ibindi bicuruzwa bikomoka kuri peteroli na gazi.

    Guverineri John Rwangombwa yabwiye abitabiriye igikorwa cyo kugaragariza uko urwego rw’imari na politiki y’ifaranga bihagaze ko nubwo hari impungenge ku kwiyongera kw’inguzanyo zigomba gukurikiranirwa hafi ku bijyanye n’imyishyurire yayo, iyo banki ishimishwa nuko ibigo by’imari bikomeje kunguka, ashingiye ku mibare y’umwaka wose wa 2021.

    Akomoza ku izamuka ry’ibiciro ku isoko, Guverineri Rwangombwa yavuze ko hakenewe gushakishwa isoko u Rwanda rwahahiramo ibicuruzwa bimwe na bimwe u Rwanda rwakuraga mu bihugu by’u Burusiya na Ukraine mu rwego rwo kwirinda ingaruka iyi ntambara yateza ku biciro ku isoko ry’u Rwanda.

    Banki Nkuru y’u Rwanda kandi yatangije ku mugaragaro urubuga rw’ikoranabuhanga yise GERERANYA ruzaba rukubiyemo amakuru kuri serivisi z’imari zitangwa n’ibigo bitandukanye mu rwego rwo gufasha abaguzi ba serivisi z’imari kugira amahitamo ahamye ya serivisi bifuza mu kigo babona ko gitanga serivisi neza ku kiguzi kibanogeye.

    Guverineri wungirije Soraya Hakuziyaremye avuga ko ibi bishobora no kuzagira uruhare mu kugabanya ikiguzi cya serivise z’imari.

    BNR igaragaza ko bitewe na politiki zitandukanye zigenga urwego rw’imari, ibigo bitandukanye muri uru rwego byakomeje kunguka. Urwego rw’amabanki rwazamutse ku gipimo cya 17.5% umutungo wabyo ugera kuri miliyali 5064 bivuye kuri miliyali 4311 wariho muri 2020. Mu gihe urwego rw’ibigo by’imari nto n’iciriritse rwazamutse ku gipimo cya 18.3% umutungo wabyo ugera kuri miliyali 421 bivuye kuri miliyali 357 wariho muri 2020.

    Source : http://www.ukwezi.rw/1-1/Amakuru-anyuranye/article/BNR-yagaragaje-Ingaruka-intambara-y-u-Burusiya-na-Ukraine-izagira-ku-Rwanda

  • U Rwanda rwahawe umukoro ku bitero bya M23 ,Ambasaderi Vincent Karega agiye guhatwa ibibazo #rwanda #RwOT

    Ku rundi ruhande Umuyobozi wa MONUSCO nawe yamaganye ibitero by’inyeshyamba za M23, avuga ko MONUSCO iri kumwe n’ubutegetsi buriho ndetse inegamiye abaturage.

    Ikinyamakuru Politico cyanditse ko madame Bintou Keita, avuga ko yamaganye iki gitero cyagabwe mu ntara ya Nord Kivu muri Rutshuru, asaba aba barwanyi guhita barambika intwaro hasi.

    Iki kinyamakuru cyanditse ko Minisitiri w’Ububanyi n’Amahanga wa RDC yavuze ko agiye guhamagaza ambasaderi w’u Rwanda i Kinshasa, agasobanura ihuriro ry’u Rwanda na M23 ndetse akaba yanatanga inama y’uko iki kibazo cy’umutekano mucye giterwa n’aba barwanyi cyahabwa umurongo ugororotse.

    Hagati aho ibinyamakuru bya Uganda byo byanditse ko abanye-Congo barenga ibihumbi 13 bamaze guhunga iyi mirwano yahanganishije inyeshyamba za M23 ndetse n’igisirikare cya leta FARDC.

    Amakuru aravuga ko hari amashuri amwe hafi y’umupaka wa Bunagana, yabaye afunzwe akagirwa inkambi z’impunzi.

    Amakuru aravuga ko ingabo za Uganda UPDF zisanzwe muri 'Operation Shujaa’ zaba zinjiriye muri Repubulika Iharanira Demokarai ya Congo ku mupaka wa Bunagana, guhangana n’abarwanyi ba M23, bivugwa ko bashaka kwigarurira Rutshuru, mu Ntara y’amajyaruguru.

    Biravugwa ko imiryango itari iya leta, yatangiye kubona abantu benshi cyane bahunga iyi mirwano kandi ngo hari gukoreshwa imbunda zikomeye cyane.

    Source : http://www.ukwezi.rw/1-1/Amakuru-anyuranye/article/U-Rwanda-rwahawe-umukoro-ku-bitero-bya-M23-Ambasaderi-Vincent-Karega-agiye-guhatwa-ibibazo

  • Amakuru mashya kuri Sultani Makenga, Iby’abaturage bafashwe bakitirwa RDF ,Imbarutso y’ibitero bishya bya M23 #rwanda #RwOT

    Mu kiganiro na BBC Gahuzamiryango, ‘Major Willy Ngoma’ uvugira uyu mutwe yahakanye amakuru ya FARDC ko bari gufashwa n’ingabo z’u Rwanda, ko abagabo babiri berekanye ari abaturage b’abanyecongo bavuga ikinyarwanda bazwi muri kariya gace.

    Imirwano y’izi nyeshyamba na FARDC yakomeje none kuwa kabiri mu bice bindi bya teritwari ya Rutshuru, kandi abaturage bakomeje guhungira hakurya muri Uganda.

    Ngoma avuga ko FARDC ari yo yabateye “natwe twagombaga kwirwanaho maze ejo [kuwa mbere] tubaha isomo rikomeye”.

    Ingabo za leta ubu zitegeka intara ya Kivu ya ruguru kuwa mbere zatangaje ko abarwanyi ba M23 bateye ibirindiro byabo i Runyoni na Chanzu muri Rutshuru.

    BBC ntiyashoboye kugenzura ibyo impande zombi zatangaje kuri iyi mirwano, gusa bamwe mu batuye muri ibi bice bavuga ko M23 imaze gufata udu-centre tunyuranye muri Rutshuru.

    Ngoma avuga ko koko abaturage benshi bahunze imirwano, ati : “ariko bazagaruka, kuko bariya ni abavandimwe bacu, ni bashiki bacu, ni amabyeyi bacu bari hariya.”

    Abantu babarirwa mu bihumbi bamaze kuva mu byabo bahunga iyi mirwano kuva ejo kuwa mbere, kandi bifashe nabi cyane nk’uko Jean Claude Bambanze ukuriye sosiyete sivile Forces Vive ya Rutshuru yabibwiye BBC.

    Ni inde uyoboye M23 ubu ?

    Nyuma yo gutsindwa intambara yo mu 2013 aho M23 yarashwe n’ingabo za Congo zifatanyije n’iz’akarere, Sultani Makenga yahunganye n’igice kimwe cya M23 bajya muri Uganda.

    Ikindi gice cya M23 cyari kumwe na Gen Bosco Ntaganda cyerekeje mu Rwanda, abarwanyi bacyo amagana bashyirwa mu nkambi i Kibungo mu burasirazuba bw’u Rwanda, naho Ntaganda ‘yishyikiriza’ ambasade ya Amerika i Kigali nayo imuha urukiko mpuzamahanga mpanabyaha.

    Abarwanyi bajyanywe muri Uganda benshi batorotse inkambi bashyizwemo bagaruka mu misozi ya Rutshuru barisuganya.

    Willy Ngoma yagize ati : “Jenerali Major Sultani Makenga yagarutse mu gihugu cye turamukurikira, niwe mukuru w’igisirikare cyacu. Bertrand Bisimwa niwe mukuru w’umutwe wa politike.”

    Ngoma yabwiye BBC ko bagarutse muri Congo kuko leta itubahirije ibiri mu masezerano bagiranye mu 2013 yo guhagarika intambara.

    Ati : “Twagiye i Kinshasa twagize amezi 14 y’ibiganiro na Kabila, amezi 14 wa mugabo we ! adusaba gutaha ngo azaduhamagara igihe icyo aricyo cyose.

    “Tugeze hano nyuma y’ibyumweru bicye FARDC itangira kuturasa mu buryo tutumva.

    “Hari ibyo twari twumvikanye, i Nairobi, i Kinshasa… ariko twategereje ishyirwa mu bikorwa ry’ayo masezerano ahubwo baza kudutera.”

    Ngoma avuga ko ibyo basabye birimo ; irekurwa ry’imfungwa za M23, gushyira mu gisirikare aba M23 abandi mu buzima busanzwe, guhagarika imitwe y’inyeshyamba z’abanyamahanga, no gucyura impunzi… Ati : “Ni ibyo dusaba, ariko nta na kimwe bashyize mu bikorwa”.

    Leta ya Kinshasa ihakana ko yananiwe gushyira mu bikorwa ibyumvikanyweho na M23, yavuze ko ibyo bumvikanye bikorwa gahoro gahoro kandi mu byiciro.

    Source : http://www.ukwezi.rw/Mu-mahanga/Amakuru-anyuranye/Amakuru-mashya-kuri-Sultani-Makenga-Iby-abaturage-bafashwe-bakitirwa-RDF-Imbarutso-y-ibitero-bishya-bya-M23

  • Amerika yongeye kuvuga ku ifungwa rya Rusesabagina #rwanda #RwOT

    Itangazo Ijwi ry’Amerika rikesha umuvugizi wa minisiteri y’ububanyi n’amahanga y’Amerika, Ned Price, rivuga ko abo bayobozi baganiriye ku mubano n’ubutwererane hagati y’ibihugu byombi. Umubano ushingiye ku bufatanye mu by’ubuzima, uburezi, ubukungu, ibidukikije umutekano mu karere n’ibindi.

    Iryo tangazo rivuga ko ministiri Sherman yashimiye u Rwanda kuba rwarashyigikiye umwanzuro wa LONI wamaganye ibitero Uburusiya bwagabye ku gihugu cya Ukraine.

    Muri ibyo biganiro ministiri Sherman yagaragarije mugenzi we w’u Rwanda ko Leta zunze ubumwe z’Amerika zitashimishijwe n’ifungwa rya Paul Rusesabagina ufite uburenganzira bwo gutura muri Amerika. Rusesabagina afungiye mu Rwanda kuva mu kwezi kwa munani 2020, nyuma y’uko akuwe I Dubai akagezwa mu Rwanda mu buryo butarasobanuka.

    Mu ntangiriro y’icyumweru gitaha nibwo urukiko rw’ubujurire rusazoma urubanza rwa Rusesabagina na bagenzi be. Rusesabagina yari aherutse gukatirwa igifungo cy’imyaka 25 ahamijwe ibyaha byo kuba mu mutwe w’iterabwoba no kugira uruhare mu gikorwa cy’iterabwoba. Ubushinjacyaha bwajuririye iki cyemezo, busaba urukiko rw’ubujurire ko rwazahanisha Rusesabagina igifungo cya burundu.

    Itangazo rya ministeri y’ububanyi n’amahanga y’u Rwanda ku rubuga rwa twitter rivuga ko abo bategetsi baganiriye ku ngingo zifitiye inyungu ibihugu byombi. Rivuga ko ministiri Biruta yanabonanye kandi na Molly Phee, ushinzwe umugabane w’Afurika.

    Ministiri wungirije w’ububanyi n’amahanga wa Leta zunze ubumwe z’Amerika Wendy Sherman yakiriye ministiri Vincent Biruta w’u Rwanda ushinzwe ububanyi n’amahanga.

    Source : http://www.ukwezi.rw/1-1/Amakuru-anyuranye/article/Amerika-yongeye-kuvuga-ku-ifungwa-rya-Rusesabagina

  • Umuvugizi wa M23 yashyize mu majwi ingabo za FARDC kuba arizo zabateye #rwanda #RwOT

    Umuvugizi w'inyeshyamba z'umutwe wa M23 avuga ko ingabo za Leta FARDC ari zo zateye ibirindiro byabo mu misozi ya Rutshuru nyuma y'uko bagarutse bava mu nkambi bari barashyizwemo muri Uganda. 'Major Willy Ngoma' uvugira uyu mutwe yahakanye amakuru ya FARDC ko bari gufashwa n'ingabo z'u Rwanda. Ahamya ko abagabo babiri berekanye ari abaturage b'abanyekongo bavuga ikinyarwanda bazwi muri kariya gace.

    Imirwano y'izi nyeshyamba na FARDC yakomeje none kuwa kabiri mu bice bindi bya teritwari ya Rutshuru, kandi abaturage bakomeje guhungira hakurya muri Uganda. Ngoma avuga ko FARDC ari yo yabateye' natwe twagombaga kwirwanaho maze ejo [kuwa mbere] tubaha isomo rikomeye'.

    Ingabo za Leta ubu zitegeka intara ya Kivu ya ruguru kuwa mbere zatangaje ko abarwanyi ba M23 bateye ibirindiro byabo i Runyoni na Chanzu muri Rutshuru. BBC ntiyashoboye kugenzura ibyo impande zombi zatangaje kuri iyi mirwano, gusa bamwe mu batuye muri ibi bice bavuga ko M23 imaze gufata udu-centre tunyuranye muri Rutshuru.

    Ngoma avuga ko koko abaturage benshi bahunze imirwano, ati: 'ariko bazagaruka, kuko bariya ni abavandimwe bacu, ni bashiki bacu, ni amabyeyi bacu bari hariya'.

    Abantu babarirwa mu bihumbi bamaze kuva mu byabo bahunga iyi mirwano kuva ejo kuwa mbere, kandi bifashe nabi cyane nk'uko Jean Claude Bambanze ukuriye sosiyete sivile Forces Vive ya Rutshuru yabibwiye BBC dukesha iyi nkuru.

    Ni inde uyoboye M23 ubu?

    Nyuma yo gutsindwa intambara yo mu 2013 aho M23 yarashwe n'ingabo za Congo zifatanyije n'iz'akarere, Sultani Makenga yahunganye n'igice kimwe cya M23 bajya muri Uganda.

    Ikindi gice cya M23 cyari kumwe na Gen Bosco Ntaganda cyerekeje mu Rwanda, abarwanyi bacyo amagana bashyirwa mu nkambi i Kibungo mu burasirazuba bw'u Rwanda, naho Ntaganda 'yishyikiriza' ambasade ya Amerika i Kigali nayo imuha urukiko mpuzamahanga mpanabyaha.

    Abarwanyi bajyanywe muri Uganda benshi batorotse inkambi bashyizwemo bagaruka mu misozi ya Rutshuru barisuganya.

    Willy Ngoma yagize ati: 'Jenerali Major Sultani Makenga yagarutse mu gihugu cye turamukurikira, niwe mukuru w'igisirikare cyacu. Bertrand Bisimwa niwe mukuru w'umutwe wa politike'.

    Ngoma yabwiye BBC ko bagarutse muri Congo kuko Leta itubahirije ibiri mu masezerano bagiranye mu 2013 yo guhagarika intambara. Ati:' Twagiye i Kinshasa twagize amezi 14 y'ibiganiro na Kabila, amezi 14 wa mugabo we! adusaba gutaha ngo azaduhamagara igihe icyo aricyo cyose.

    Akokeza ati' Tugeze hano nyuma y'ibyumweru bicye FARDC itangira kuturasa mu buryo tutumva. Hari ibyo twari twumvikanye, i Nairobi, i Kinshasa… ariko twategereje ishyirwa mu bikorwa ry'ayo masezerano ahubwo baza kudutera'.

    Ngoma avuga ko ibyo basabye birimo; irekurwa ry'imfungwa za M23, gushyira mu gisirikare aba M23 abandi mu buzima busanzwe, guhagarika imitwe y'inyeshyamba z'abanyamahanga, no gucyura impunzi… Ati: 'Ni ibyo dusaba, ariko nta na kimwe bashyize mu bikorwa'.

    Leta ya Kinshasa ihakana ko yananiwe gushyira mu bikorwa ibyumvikanyweho na M23, yavuze ko ibyo bumvikanye bikorwa gahoro gahoro kandi mu byiciro.

    intyoza

    Source : https://www.intyoza.com/umuvugizi-wa-m23-yashyize-mu-majwi-ingabo-za-fardc-kuba-arizo-zabateye/

  • Senegal yongeye gukubita ahababaza Misiri iyitwara itike y'igikombe cy'isi 2022 #rwanda #RwOT

    Mu mukino udasanzwe wabereye muri Senegal,iki gihugu gikomeje kwandika amateka mu mupira w'amaguru wa Afurika cyatsinze Misiri kuri penaliti kiyitwara itike y'igikombe cy'isi kizabera muri Qatar mu Ugushyingo uyu mwaka.

    Ku mugoroba wo kuri uyu wa kabiri,ikipe ya Senegal yakatishije itike yo kwerekezamu gikombe cy'isi cya 2022 cyo muri Qatar 2022, nyuma yo gutsinda Misiri kuri penaliti 3-1,mu mukino wa kabiri w'amakipe yabaye aya mbere iwayo kuri Stade ya Abdoulaye Wade.

    Nkuko byagenze ku mukino wa nyuma wa AFCON 2020,Senegal yongeye kubabaza Misiri yongeye kuri penalti.Ibi byabaye nyuma y'aho Senegal itsinze igitego 1-0 mu minota 120 cyishyuraga icyo Misiri yari yabatsinze mu mukino ubanza banganya 1-1.

    Igitego cyitsinzwe na SaliouCiss mu minota ine ya mbere y'umukino, cyari gihagije kugira ngo Misiri itsinde umukino ubanza.

    Uyu mukinnyi kandi yongeye kugira uruhare ku munota wa kane muri uyu mukino wo kuri uyu munsi ubwo yakorerwagaho ikosa ku ruhande rw'ibumoso aho asanzwe akina.

    Umusifuzi yatanze free kick ku ruhande rwa Senegal,umupira usanga Boulaye Dia aho yari ahagaze imbere y' izamu, awusunikira mu nshundura.

    Kuva kuri uwo munota, umukino wahinduye isura cyane ariko Senegal yari imbere y'abafana irusha Misiri bigaragara. Amakosa menshi yagiye ahagarika uyu mukino, aho abakinnyi b'Abanyamisiri bakeneye ubuvuzi kenshi.

    Abashyitsi bahatiwe gusimbuza kabiri mu gice cya mbere kubera imvune z'abakinnyi. Senegal yageragezaga gusatira mu gihe Misiri yugariraga.

    Senegal yateye amashoti menshi, ariko inanirwa kuyashyira mu nshundura byatumye Misiri ibigaranzura ubwo yinjizaga mu kibuga Zizoahusha amahirwe abiri akomeye yashoboraga gutuma Abanyamisiri batsinda.

    Igihugu cya Misiri cyagumishijwe mu mukino n'umunyezamu El Shenawy, wakuyemo imipira yabazwe mu gace ka mbere k'iminota 30 y'inyongera bituma bagera kuri za penaliti zitabahiriye.

    Nyuma yo kunanirwa kwikiranura mu minota 210 yakinwe mu mikino 2,aya makipe yategetswe gukiranurwa na penaliti zahiriye Senegal.

    Senegal yatomboye gutera mbere Penaliti ahomyugariro Koulibaly yayiteye ikubita umutambiko,Mohamed Salah ateye iya Misiri nawe arayihusha.

    Saliou Ciss yateye iya kabiri ya Senegal umunyezamu El Shenawy ayikuramo , mbere yuko na Zizo aza ayitera hanze.

    Penaliti za 3 zinjiye ku mpande zombi aho Senegal yinjirijwe na Ismaila Sarr hanyuma na El Solia abigenza uko

    Senegal yagize amahirwe, kuko penaliti ya Mostafa Mohamed yakuwemo na Mendy, nyuma y'aho Bamba Dieng yari amaze kuyinjiza.Sadio Mané yahise aza gutera iya nyuma ayinjiza neza, Senegal ikomeza gutyo zibaye 3-1

    Abafana bihutiyekujya mu kibuga, bishimira hamwe n'aba bakinnyi bazerekeza muri Qatar mu Gushyingo.

    Ababanjemo:

    Senegal: E. Mendy, Y. Sabaly, P. Cisse, K. Koulibaly, S. Ciss, B. Sarr (B. Dieng 68'), N. Mendy (C. Kouyate 81'), I. Gueye (P. Sarr 114'), S. Mane, B. Dia (P. Gueye 81'), I. Sarr.

    Egypt: M. El Shenawy, R. Rabia (E. Ashour 36'), O. Gaber (A. Ashraf 29'), Y. Ibrahim, A. El Fotouh, H. Fathi (M. Alaa 118'), M. Elneny (N. Emad 70'), A. El Soleya, O. Marmoush (M. Mohamed 70'), M. Salah, Trezeguet (Zizo 70').

    Ku rundi ruhande,Nigeria imbere y'abafana bayo yakoze amakosa inganya na Ghana igitego 1-1 nyamara i Accra amakipe yombi yari yanganyije 0-0,bituma ikurwamo ku gitego cyo hanze.

    Ghana yafunguye amazamu ku munota wa 10 ku gitego cya Thomas Partey hanyuma Trost Ekong acyishyura ku munota wa 22 kuri penaliti birangira Nigeria irize ayo kwarika.

    Tunisiya yasezereye Mali nyuma y'uko banganyije 0-0 mu gihe mu mukino ubanza iyi kipe yo mu majyaruguru ya Afurika yari yatsinze igitego 1-0.

    Maroc yihanije RDC iyitsinda ibitego 4-1 mu mukino wo kwishyura nubwo mu mukino ubanza bari banganyije igitego 1-1.

    Source : https://umuryango.rw/imyidagaduro/imikino/article/senegal-yongeye-gukubita-ahababaza-misiri-iyitwara-itike-y-igikombe-cy-isi-2022