Author: webrwanda

  • Abanyamuryango ba Pan African Movement bahawe umukoro ku cyateza Afurika imbere – #rwanda #RwOT

    Uyu mwiherero wabaye mu mpera z'icyumweru gishize ku wa Gatandatu, tariki ya 19 kamena 2022.

    Pan Africa Movement (PAM) Rwanda yashinzwe mu 2015 hagamijwe gushyigikira intego, amahitamo n'icyerekezo Abanyarwanda bayobowemo na Perezida Paul Kagame.

    Atangiza umwiherero mu ijambo rye, Umuyobozi Mukuru wa Pam Rwanda, Musoni Protais, yasabye abawitabiriye ko impanuro bawukuramo ziba ikibatsi cyo kwihutisha ishyirwa mu bikorwa ry'igenamigambi z'iterambere.

    Yakomeje ati 'Kugira u Rwanda rufite agaciro, rukungahaye, rutekanye, ruyobowe n'abenegihugu bose bagamije kwihesha agaciro n'iterambere bya Afurika kandi bafite ijambo mu rubuga mpuzamahanga nk'Abanyafurika ni inshingano zabo no kubyumvisha abandi.''

    Umuyobozi w'Urwego Ngishwanama, Tito Rutaremara, witabiriye uyu mwiherero yabwiye abayobozi bo mu nzego za PAM Rwanda ko bifitemo ubushozozi n'ibisabwa byose ngo bahindure Umugabane wa Afurika.

    Yakomeje avuga ko bakwiye 'guharanira impinduka mu mitekerereze, imyumvire, imikorere n'imyitwarire by'Abanyarwanda n'Abanyafurika mu nzego zose kugira ngo tugire Afurika Yunze Ubumwe, ifite amahoro, ikungahaye, ifite ijwi ku isi kandi iyobowe na bene yo.'

    Nyuma y'uyu mwiherero abawitabiriye biyemeje kubaka umuryango ushingiye ku ndangagaciro z'Abanyafurika zaranze abakurambere mu gukunda igihugu, kurangwa n'ubutwari no guharanira kwitekerereza nk'Abanyafurika no guhanga udushya dukemura ibibazo bafite.

    Nkuko bisanzwe muri gahunda z'Umurynago wa PAM Africa Movement, abitabiriye uyu mwiherero biyemeje kuzategura inama ku ndangagaciro n'ubumenyi bya Afurika no gushyira imbaraga mu bukangurambaga bwo kwimakaza amahame ya Panafrican Movement mu Banyarwanda b'ingeri zose n'Abanyafurika cyane cyane mu rubyiruko.

    Mu rwego rwo kubaka Afurika yifuzwa biyemeje gukora ubuvugizi ku ireme ry'uburezi bugamije gukemura ibibazo by'umugabane n'iterambere ryayo, kubaka Umunyarwanda n'Umunyafurika ufite indangagaciro kandi uyikunze.

    Umuyobozi Mukuru wa Pam Rwanda, Musoni Protais, yasabye abitabiriye umwiherero kubakira ku ndangagaciro zikwiriye

    Abagize Komite Nyobozi, abari mu Nama y'Ubuyobozi n'Abayobora Komisiyo muri Pan Africa Movement, Ishami ry'u Rwanda bakoze umwiherero w'umunsi umwe

    Abanyamuryango ba Pan African Movement bahawe umukoro ku cyateza Umugabane wa Afurika imbere


    Source : http://igihe.com/amakuru/u-rwanda/article/abanyamuryango-ba-pan-african-movement-bahawe-umukoro-ku-cyateza-afurika-imbere

  • Rutsiro: Yafashwe agerageza gutoroka nyuma y'urupfu rw'umugore bari bamaranye iminsi ibiri – #rwanda #RwOT

    Ibi byabereye mu Karere ka Rutsiro, Umurenge wa Ruhago, Akagari ka Kavumu aho uyu mugabo yari asanzwe atuye.

    Amakuru IGIHE yamenye ni uko uyu mugabo yafashwe ageze mu Murenge wa Mushonyi, uhana imbibi na Ruhango.

    Aya makuru yamenyekanye mu gitondo cyo kuri uyu wa 20 Kamena 2022 ubwo uyu mugabo yitabazaga abaturanyi ngo bamufashe kugeza uyu mugore we w'imyaka 31 kwa muganga ariko ubwo yumvaga ko yashizemo umwuka agahita agerageza gutoroka.

    Umunyamabanga Nshingwabikorwa w'Umurenge wa Ruhango, Mpirwa Migabo, yemeje aya makuru avuga ko uyu mugabo yari amaranye iminsi ibiri uyu mugore akekwaho kwica.

    Ati 'Uyu mugabo umaze igihe yibana mu nzu nyuma yo gutandukana n'Umugore we akaba yari yazanye undi babanaga bitemewe n'amategeko. Kuva ku wa 18 Kamena 2022 babanaga mu nzu hanyuma mu gitondo atabaza abaturanyi ko atameze neza bamujyanye kwa muganga bamugezayo yashizemo umwuka undi abyumvise aratoroka. Twatanze amakuru afatwa atararenga umutaru ashyikirizwa RIB.''

    Yakomeje asaba abaturage kwirinda ibyaha, bagatangira amakuru ku gihe, ndetse n'ugize umushyitsi akamenyesha inzego z'ibanze ku buryo arara bizwi n'ubuyobozi.

    Umurambo wa nyakwigendera wahise ujyanwa ku Bitaro bya Murunda kugira ngo ukorerwe isuzuma mbere y'uko ushyingurwa.

    Umugabo ukekwa uruhare mu bwicanyi bw'umugore we yahise ashyikirizwa Sitasiyo ya RIB ya Ruhango.

    Ingingo ya 107 y'itegeko Nº68/2018 ryo ku wa 30/08/2018 riteganya ibyaha n'ibihano muri rusange iteganya ko umuntu wica undi abishaka, aba akoze icyaha. Iyo abihamijwe n'urukiko, ahanishwa igihano cy'igifungo cya burundu.


    Source : http://igihe.com/amakuru/u-rwanda/article/rutsiro-yafashwe-agerageza-gutoroka-nyuma-y-urupfu-rw-umugore-bari-bamaranye

  • Indirimbo Buga ya Kizz Daniel na Tekno uteg… – #rwanda #RwOT

    Hagendewe ku bipimo biheruka kwegeranywa kuburyo indirimbo ziri gucurangwa kuri radiyo, kurebwa kuri televiziyo, gucuruzwa ku mbuga zicururizwaho umuziki 'Buga iracyayoboye. Iyi ndirimbo  ikaba yarageze hanze kuwa 04 Gicurasi 2022, bivuze ko kuva yajya hanze ntayirayihiga mu gihugu cya Nigeria.

    Iyi ndirimbo ikaba yihariye 1.5% byo gucuruzwa cyane muri 50 zihiga izindi bingana na miliyoni 6.52, naho kuri radio ikagira miliyoni 49.9 bingana na 16.7%, uretse ko kuri radiyo atariyo iyoboye iri ku mwanya wa 5.

    Mu bipimo kandi byegeranijwe kuva umwaka wa 2022 watangira mu ndirimbo zumviswe zikanacuruza cyane ku butaka bwa Nigeria, iri ku mwanya wa gatatu kuri radiyo gukinwa, no kumvwa ku mwanya wa 38 ibi bishyira ku mwanya wa 10 muzaciye ibintu kuva umwaka watangira muri Nigeria.

    Yaciye kandi agahigo mu ndirimbo zose ko kumara ibyumweru bitandatu ntayindi ikoraho muzikomeje kwiharira imitima ya benshi, hashingiwe ku mibare y'ibifatika mu ikoranabuhanga igakurikirwa na 'Kwatu The Traveller' ya Black Sheriff kimwe na 'Baddest Boy' ya Skiibii na Davido zamazeho ibyumweru 5. 

    Tekno utegerejwe i Kigali mu gitaramo cya Choplife 

    Kizz Daniel uri mu bahanzi bahagaze neza muri Nigeria

    KANDA HANO UREBE UNUMVE ‘BUGA’ YA KIZZ DANIEL NA TEKNO

    “>

    Source : https://inyarwanda.com/inkuru/118334/indirimbo-buga-ya-kizz-daniel-na-tekno-utegerejwe-i-kigali-yaciye-agahigo-muri-nigeria-118334.html

  • Perezida Kagame yashyize ibuye ry'ifatizo ahazubakwa inzu yiswe 'Kigali International Finance & Business Square' #rwanda #RwOT

    Perezida Paul Kagame avuga ko kongera inyubako z'ubucuruzi zigezweho mu Rwanda, ari kimwe mu bizafasha igihugu kugera ku ntego zo gushyiraho urubuga rw'ishoramari n'ubucuruzi mpuzamahanga rushyize imbere.

    Ibi umukuru w'igihugu yabivuze ubwo yatangizaga  ibikorwa byo kubaka inzu yiswe Kigali International Finance & Business Square izubakwa rwagati mu Mujyi wa Kigali mu gihe cy'amezi 24, ikazatwara miliyari 100 z'amanyarwanda ni ukuvuga miliyoni 100 z'amadolari kandi umukuru wígihugu akaba yijeje ubufasha mu migendekere myiza yúbwubatsi.

    Iyi nyubako izubakwa hagati y'ibiro by'Umujyi Kigali na Ecobank, ahahoze ministeri y'ububanyi n'amahanga.

    Igice kimwe kizaba kigizwe n'amagorofa 20 abiri abangikanye naho ikindi kizaba kigizwe n'amagorofa 24 bikazahurizwamo kandi igice cyo hasi kizatangirwamo serivisi zinyuranye z'ubucuruzi, nk'uko byasobanuwe Namara Hannington umuyobozi wa Equity Bank mu Rwanda.

    Image

    Equity Bank igiye kubaka uyu muturirwa, imaze kugira umutungo wa miliyari 1.269.5 z'amashilingi ya Kenya aho abanyamigabane bayo bafitemo miliyari 176.2 Umuyobozi w'amahuriro n'ibikorwa bya Equity Bank isanzwe ifite icyicaro gihugu muri Kenya, Dr James Mwangi yasobanuye uko banki irushaho gutera imbere ari nako ibikorwa byo gushora imari mu karere ihereyemo byiyongera.

    'Ubu tuvugana Equity bank yarakuze kuko iri mu mabanki afite umutungo munini muri Afurika, uku kuzamuka bituruka kuri serivisi duha abatugana bikanatuma dukorana n'abandi bo ku rwego rw'isi, ari yo mpamvu turi hano ngo dukorane nk'inshuti kandi dufatanije twatanga umusanzu wacu.'

    Image

    Mu mezi 24 gusa iyi nyubako izaba yatangiye gukorerwamo cyane ko inari hafi y'agace kahariwe abanyamaguru kazwi nka car free zone, ibintu umuyobozi w'urugaga rw'abikorera mu Rwanda Robert Bafakulera asanga bizakomeza kwagura ubucuruzi ku bagana mu mugi wa Kigali.

    Perezida Kagame wanatambagijwe ikibanza cy'ahazashyirwa iyi nyubako, yashimangiye ko inyubako nk'izi zifite uruhare rukomeye mu gufasha u Rwanda kugera ku ntego zo kureshya no gushakira abashoramari n'abikorera ku rwego mpuzamahanga, akaba yijeje abubaka iyi nzu ubufasha bushoboka kugirango izuzure ku gihe cyateganijwe.

    Image

    Yagize ati 'Iki gice cy'ishoramari kizafasha u Rwanda kugera ku cyerekezo rwihaye cyo kugira urubuga rw'ishoramari mpuzamahanga rwizewe. Mu myaka 2 ishize icyorezo cya covid 19 cyakomye mu nkokora izamuka ry'ubukungu ariko ibi ntabwo bizahoraho haba kuri twe no mu karere cyangwa ku mugabane wose, ahubwo ntekereza ko ibintu bizasubira mu buryo. Ibyanya nk'ibi byagenewe  ubucuruzi mu karere, bikurura abashoramari bashya kandi bigatuma tujya mu murongo uboneye mu bucuruzi bufite agaciro.'

    'Mu myaka itambutse twagiranye imikoranire ifatika mu ishoramari kandi byatanze umusanzu mu iterambere ryacu, niyo mpamvu nta gushidikanya ko bizamera kimwe n'iki cyanya cy'ubucuruzi. Ubufasha bwacu bwose mukeneye muzabubona kandi mutwizere nk'umufatanyabikorwa nyawe, ndashaka kubabwira ko ibyo dufatanyamo n'abandi byose mu gihugu cyacu, tubishyiraho umutima.'

    Mu rwego rwo gukoresha neza ubutaka iyi nyubako yiswe Kigali International Finance&Business Square, yateganijwe kubakwamo parikingi ishobora kwakira imodoka zigera kuri 600.

    @RBA

    The post Perezida Kagame yashyize ibuye ry'ifatizo ahazubakwa inzu yiswe 'Kigali International Finance & Business Square' appeared first on IRIBA NEWS.

    Source : https://iribanews.rw/2022/06/21/perezida-kagame-yashyize-ibuye-ryifatizo-ahazubakwa-inzu-yiswe-kigali-international-finance-business-square/

  • Prince Charles yageze mu Rwanda #rwanda #RwOT

    Bwa mbere Igikomangoma cya Wales mu Bwami bw'u Bwongereza Charles n'umugore we Camilla bageze i Kigali aho bitabiriye inama y'Abayobozi Bakuru b'Ibihugu na za Guverinoma zo mu Muryango w'Ibihugu bikoresha Icyongereza, CHOGM,iri kubera mu Rwanda.

    Aba bombi bageze mu Rwanda ku mugoroba wo kuri uyu wa Kabiri tariki 21 Kamena 2022.

    Muri iyi nama ya CHOGM, Prince Charles araba ahagarariye nyina umubyara akaba n'Umwamikazi w'u Bwongereza, Elizabeth II utarabashije kuboneka.

    Umuryango wa Commonwealth uhuriyemo ibihugu 54 ku migabane itandatu y'Isi, bikoresha ururimi rw'Icyongereza, bituwe n'abaturage bose hamwe bagera kuri miliyari 2.6.

    Benshi muri abo baturage ni urubyiruko kuko rusaga 60 %.

    Inama y'Abayobozi Bakuru b'Ibihugu na za Guverinoma zo mu Muryango w'Ibihugu bikoresha Icyongereza, CHOGM, baterana buri myaka 2, ikakirwa n'ibihugu bitandukanye bigize uwo muryango.

    Kuva mu 1971, hamaze guterana inama 24, iheruka kuba yabereye mu Bwongereza muri 2018.

    The post Prince Charles yageze mu Rwanda appeared first on FLASH RADIO&TV.

    Source : https://flash.rw/2022/06/21/prince-charles-yageze-mu-rwanda/?utm_source=rss&utm_medium=rss&utm_campaign=prince-charles-yageze-mu-rwanda

  • Gisagara: Imiryango isaga 900 ikennye iri gufashwa mu buryo bwihariye – #rwanda #RwOT

    Iyo miryango isanzwe ituye mu Midugudu itanu ya Rususa, Rurimbi, Nyabihama, Agatare na Mihigo, yahawe amatungo arimo inka 16, ihene 120 n'ingurube 142. Yafashijwe kubaka uturima tw'igikoni, itozwa kugira isuku ndetse ihabwa n'inyigisho zigamije gukumira imirire mibi itera kugwingira.

    Biteganyijwe ko izahabwa n'izindi ngurube 22 n'ihene 34.

    Bashyizwe no mu matsinda 16 aho bahurira bagakora igenemigambi ry'ibikorwa, bakizigamira amafaranga make, bakanagurizanya kugira ngo bakore imishinga iciriritse.

    Ubwo bufasha babuhabwa na Croix Rouge y'u Rwanda nk'umufatanyabikorwa w'Akarere ka Gisagara mu bikorwa by'iterambere n'imibereho myiza y'abaturage.

    Bamwe mu baturage bamaze guhabwa ubwo bufasha babwiye IGIHE ko imibereho yabo yatangiye guhinduka.

    Niyodusenga Josephine wo mu Mudugudu wa Nyabihama yavuze ko Croix Rouge yamusanze mu bukene bukabije kuko yari atunzwe no guca inshuro.

    Ati 'Iyi nka bampaye yatangiye kumpindurura ubuzima kuko nsigaye mbona ifumbire yo guhingisha bitandukanye na mbere nahingaga sineze. Ubu namaze kuyibangurira ku buryo mu minsi iri imbere izabyara zikaba ebyiri kandi nkajya mbona amata.'

    Ndagijimana Jean Paul yavuze ko yari akennye kuko atabashaga kubona ibyo kurya bihagije kuko atahingaga ngo byere.

    Ati 'Maze guhabwa iyi nka icya mbere yampaye ni ifumbire ku buryo nahinze birera, abana banjye babona ibiryo. Mu rugo batwigishije isuku ku buryo tutakirwara indwara ziterwa n'umwanda. Iyi nka nyitezeho iterambere ku buryo izankura mu cyiciro cy'abakene.'

    Umuyobozi wa Croix Rouge y'u Rwanda mu Ntara y'Amajyepfo, Sebaganwa Guillaume, yavuze ko iyo miryango biyemeje kuyifasha kuko bayisanze mu bukene bukabije.

    Ati 'Ni ingo 987 zo mu midugudu itanu aho twashyizemo amafaranga y'u Rwanda agera kuri miliyoni 800 Frw. Tuzabakurikirana muri iyi myaka ine n'igice ku buryo bazaba bavuye mu bukene.'

    Umunyamabanga Nshingwabikorwa w'Umurenge wa Mukindo, Tumusifu Jérome, yasabye abahawe inkunga kuyikoresha neza kugira ibavane mu bukene.

    Ati 'Ni inshingano zacu nk'ubuyobozi kubashishikariza gufata neza aya matungo kuko ni izingiro ry'ubukungu kugira ngo umuntu atere imbere kuko itungo turibonamo amafaranga, ifumbire n'ibindi.'

    Mu kubafasha gukomeza kugira isuku imiryango 176 itaragiraga ubwiherero yamaze kubwubakirwa. Bafashijwe gukurungira inzu zabo kandi imiryango 360 igizwe n'abantu 2280 yafashijwe kwishyura ubwisungane mu kwivuza.

    Bahawe amatungo arimo inka abafasha kuva mu bukene

    Ndagijimana Jean Paul yavuze ko yari akennye kuko atabashaga kubona ibyo kurya bihagije kuko atahingaga ngo byere

    Niyodusenga Josephine wo mu Mudugudu wa Nyabihama yavuze ko Croix Rouge yamusanze mu bukene bukabije kuko yari atunzwe no guca inshuro

    [email protected]


    Source : http://igihe.com/amakuru/u-rwanda/article/gisagara-imiryango-isaga-900-ikennye-iri-gufashwa-mu-buryo-bwihariye

  • Umunyamakuru w'Umurusiya yiguranye abahunze muri Ukraine #rwanda #RwOT

    Umwanditsi mukuru w'Umurusiya w'ikinyamakuru cyigenga Novaya Gazeta yagurishije muri cyamunara umudali we w'igihembo cy'amahoro cyitiriwe Nobel kuri miliyoni 103.5 z'amadolari y'Amerika (miliyari 105 uyavunje mu mafaranga y'u Rwanda).

    Dmitry Muratov yavuze ko ayo mafaranga yose azajya mu gufasha impunzi zahunze intambara Uburusiya bwagabye muri Ukraine.

    Muratov ni umwe mu banyamakuru babiri bahembwe mu 2021 igihembo cy'amahoro cyitiriwe Nobel kubera kurwanirira ubwisanzure no gutanga ibitekerezo mu bwisanzure mu Burusiya.

    Ikinyamakuru Novaya Gazeta cyahagaritse ibikorwa byacyo mu kwezi kwa gatatu uyu mwaka, nyuma yuko Uburusiya buteye Ukraine mu kwezi kwa kabiri.

    Inzu ikoresha cyamunara ya Heritage Auctions, yagurishije uwo mudali, ntiyahishuye uwawuguze.

    Mu kwezi kwa kane, Muratov yagabweho igitero cy'irangi ry'ibara ritukura ririmo ikinyabutabire cya acetone, ubwo yari muri gariyamoshi mu Burusiya.

    Umugabo wamugabyeho icyo gitero yateye hejuru agira ati: “Muratov, ibi ni ku bw'abahungu bacu”.

    Yari umwe mu itsinda ry'abanyamakuru bashinze ikinyamakuru Novaya Gazeta mu mwaka wa 1993 nyuma y'isenyuka ry'ubwari Ubumwe bw'Abasoviyeti.

    Kuva mu mwaka wa 2000, abanyamakuru batandatu bo muri icyo kinyamakuru hamwe n'abakorana na cyo barishwe mu bwicanyi bufitanye isano n'akazi kabo, barimo n'umunyamakuru Anna Politkovskaya wakoraga inkuru zicukumbuye.

    Source : https://umuryango.rw/amakuru/mu-mahanga/umutekano/article/umunyamakuru-w-umurusiya-yiguranye-abahunze-muri-ukraine

  • Yavuye muri Bangladesh yoga agera mu Buhinde asanze umusore bahujwe na Facebook #Rwanda #RwOT via @kigalitoday #rwanda #RwOT

    Bivugwa ko urukundo ari ikintu kigira imbaraga zikomeye, ndetse ko hari abantu bakora ibintu bitangaje bagamije kwerekana urukundo, cyangwa se bagakora (…)

    Source : https://www.kigalitoday.com/ntibisanzwe/Yavuye-muri-Bangladesh-yoga-agera-mu-Buhinde-asanze-umusore-bahujwe-na-Facebook