Author: webrwanda

  • NKORE IKI: Njye numugabo wanjye tumaranye am… – #rwanda #RwOT

    Uyu mugore umaraye amezi agera kuri ane n'umugabo we yatangaje ko umugabo yamutunguye na cyane ko babanye bari basanzwe bamaranye imyaka itatu bakundana. 

    Yagize ati 'Muraho neza! Ndabasaba kungira inama kuko ndabangamiwe cyane. Nashatse umugabo twari dusanzwe tumaranye imyaka ine yose mu rukundo ariko kugeza ubu ari kuntungura cyane. Uyu mugabo wanjye ari kunyiyereka nabi”.

    “Uyu mugabo wanjye tubana ni mwiza cyane kuri njye ndetse ansize sinzi niba nabona n’ahandi nerekeza, sinzi niba nanashobora kubaho muri ubu buzima kuko ndamukunda cyane. Ubwo nari mu kazi nagize ikiruhuko gito ngiye kumva numva arampamagaye ambwira ko yifuza ko twaza kuganira ndetse anambwira ko araza kumfata.

    Ubwo yazaga namukubise amaso mbona yahindutse, mbona ntabwo ameze nk'uwo nari nsanzwe nzi. Ubusanzwe nigeze kumuca inyuma mbere cyane ariko sinabyibukaga kuko hari hashize umwaka wose kandi nta n’ubwo nigeze menya ko azabimenya.

    Uko byagenze ngo muce inyuma: 

    Mu mwaka washize, umwe mu nshuti zanjye rero yari yateguye ikirori. Umugabo wanjye yari afite akazi kenshi cyane twari bujyane muri icyo gitaramo. Bitewe n'uburyo aba afite akazi kenshi, ntabwo nigeze mubwira ko hari aho nagiye kandi ni byo nakoze ntabwo nabikoranye umutima mubi nari nzi ko njyayo nkabyina ubundi nkataha.

    Tujya muri iki kirori nari kumwe n'abandi bashuti banjye nabo bari kumwe n'abandi bakorana. Twarariye, turabyina, tujya muri Pisine turoga,…Umusore wari hafi aho rero yatangiye kunyegera maze njye n’abakobwa twari kumwe aratwishyurira ngo tujye kubyinira ahandi hiyubashye ariko hafi y'aho twari turi.

    Abakobwa twari kumwe nabo bari bazanye n'abakunzi babo maze igihe kigeze nsigara aho n'uwo musore. Uwo musore twarabyinanye biratinda, twasinze maze tuva mu kabyiniro ntawe uyobora undi. Sinibuka aho yanyujije ariko byarangiye amfashe ku ngufu gusa kuko nari nasinze ndabyicuza cyane.

    Kugeza ubu ampamagara inshuro nyinshi ndetse agakomeza kunsaba ko twabyongera ariko naramuhakaniye yanze kumva. Umuntu w'inshuti yanjye nagerageje kubwira iryo banga, yarambwiye ngo ngomba kubibika sinzagire uwo mbibwira.

    Kugeza ubu rero ikibazo mfite ni uko umugabo wanjye ahora ambaza iby'icyo gitaramo twagiyemo sinzi aho yabikuye kandi ahora abimbaza kandi akabimbaza arakaye cyane. Ndi kwibaza niba yarabimenye kuko kugeza ubu tubanye nabi, yirirwa ambwira nabi, antuka,…”.

    Aho bigeze umugabo wanjye ntabwo akimvugisha, yarandetse, ahora ampunga gusa yanze no kumpa umwanya w'isegonda. Ntabwo anyitaba, sinzi icyo gukora pe. Kuva twabana tumaranye amezi ane gusa. Nkore iki?.

    Source : https://inyarwanda.com/inkuru/119650/nkore-iki-njye-numugabo-wanjye-tumaranye-amezi-ane-munyica-inyuma-atabizi-none-yarahinduts-119650.html

  • Ni igisebo … nagaburiye nanishyurira ubukode abakinnyi n’umutoza agiye gusohorwa mu nzu – Agahinda ka Paixão wababajwe na Rayon itagira n’amasogisi #rwanda #RwOT

    Umutoza Jorge Paixão avuga ko yababajwe akanaterwa agahinda na Rayon Sports yitangiye mu buryo bushoboka bwose kugeza aho gutunga abakinnyi ariko yo ikamuhemba kumwambura imishahara y’amezi atatu n’igice yakoreye.

    Mu Ntangiriro za Gashyantare 2022 ni bwo Rayon Sports yerekanye Jorge Paixão nk’umutoza mukuru mu gihe cy’amezi 6 agomba kungirizwa na Pedro Miguel, gusa uyu mutoza nyuma y’ibyumweru 2 yahise asubira iwabo muri Portugal maze mu mpera za Gashyantare 2022 asimbuzwa Daniel Ferreira Faria.

    Aba botoza bombi bafashije Rayon Sports yari yasoje nabi igice kibanza cya shampiyona gusoza ku mwanya wa 4 n’amanota 48 ni mu gihe APR FC yegukanye yari ifite amanota 66.

    Mu buryo busa n’ubutunguranye mu gitondo cyo kuri uyu wa Gatatu tariki ya 3 Kanama 2022, habyutse inkuru z’uko uyu mutoza yaba yitabaje FIFA ngo akemurirwe ikibazo cye na Rayon Sports yamwambuye.

    Mu kiganiro cy’umwihariko Jorge Manuel da Silva Paixão Santos ukomoka muri Portugal yagiranye n’ikinyamakuru ISIMBI ku bijyanye no kuba yareze Rayon Sports, yayishuye ko mu mezi atanu yatoje iyi kipe yahembwe ukwezi kumwe gusa.

    Ati 'ntabwo nshobora kuvuga amafaranga yose bamfitiye, mu mezi 5 nishyuwe ukwezi n’igice. Nakoze amezi atatu n’igice ya mbere ntarabona umushahara. Ikipe yahoragamo ibirarane abakinnyi, muri Mata abakinnyi bari bafitiwe ibirarane by’amezi 3, abatoza bo yararengaga.'

    Yakomeje avuga ko yakoreye mu buryo bugoranye kugeza aho imipira yo gukina yari mike kimwe n’ibindi bikoresho.

    Ati 'twakoraga imyitozo n’imipira 8 gusa, nta masengeri y’imyitozo (bibs) twari dufite, nta masogisi ku mukino, abasimbura bahaga abari bubanzemo amasogisi, hari ibikoresho by’ingenzi bijyanye n’ubuvuzi tutari dufite ku ikipe y’umupira w’amaguru.'

    Paixão kandi yavuze ko hari igihe cyageze agakoresha amafaranga ye bwite yishyurira abakinnyi ubukode anabagaburira.

    Ati 'nahaye amafaranga yo kurya no kwishyura inzu abakinnyi benshi.'

    Ngo yagobotse umutoza Lomami Marcel wari ugiye gusohorwa mu nzu yabuze amafaranga y’ubukode Rayon Sports irebera ntiyagira icyo ikora kandi afitiwe amafarana menshi y’umushahara atishyuwe.

    Ati 'nahaye amafaranga umutoza wungirije Marcel (Lomami) yo kwishyura ubukode kubera ko nyiri nzu yashakaga kuyimusohoramo, ikipe yari ibizi ariko nta kintu yakoze. Iyi ni yo Rayon Sports.'

    Ntabwo yumva uburyo iyi kipe irimo gusinyisha abakinnyi itarishyura abo ifitiye ibirarane kandi barayitangiye.

    Ati 'Ubu barimo gusinyisha abakinnyi batishyura abo bahaye buri kimwe ikipe, ni igisebo, abafana bakwiye kumenya ukuri.'

    Uyu mutoza yavuze ko ikipe ayikunda ariko na none abagize komite nyobozi yayo bamusuzuguye batigeze baha agaciro ibyo yabakoreye.

    Ati 'mu by’ukuri ikipe ndayikunda n’abafana ba yo, ibi bihe sinabyifuzaga ariko abantu bo muri komite ntabwo banyubashye nta nubwo bahaye agaciro buri kimwe nakoreye ikipe mu mezi 5 mu bihe bigoranye, nta kintu na kimwe nigeze mvuga mu itangazamakuru, rimwe na rimwe abakinnyi ntibashakaga gukora imyitozo kubera ko batari bishyuwe, buri gihe natumaga bitoza, none ntibashaka kwishyura nta n’icyi bavuga. Nkunda u Rwanda n’abaturaga barwo kubera ko nakiriwe neza, nakwishimira umunsi umwe kugaruka mu Rwanda nkafasha umupira w’amaguru mu gihugu.'

    Ikindi ashinja Rayon Sports ni uko yatumye aramara hafi ukwezi visa ye yararangiye bamubwira ko nta mafaranga bafite yo kugira ngo bayongereshe, ubwo yashakaga gutaha bamukoreye 'Exit Visa’ kuko atari kuva mu gihugu mu gihe Visa ye yarangiye.

    ISIMBI yagerageje kuvugana na Rayon Sports kuri ibi byose bashinjwa n’umutoza Jorge Paixão ariko ntibyakunda kuko umuvuizi wa yo, Nkurunziza Jean Paul atitabaga telefoni ye ngendanwa.

    Jorge Paixão urimo wishyuza Rayon Spprts, aheruka kugirwa umutoza wa Al- Yarmouk iheruka kumanuka mu cyiciro cya kabiri muri Kuwait.

    Jorge Manuel da Silva Paixão Santos yasutse hasi agahinda yatewe na Rayon Sports yitangiye mu buryo bushoboka bwose kugeza aho yanishyuriraga bamwe mu bakinnyi ubukode

    Ngo komite nyobozi ya Rayon Sports iyobowe na Uwayezu Jean Fidele yaramusuzuguye ntiyaha agaciro akazi yakoze

    Source : http://isimbi.rw/siporo/article/ni-igisebo-nagaburiye-nanishyurira-ubukode-abakinnyi-n-umutoza-agiye-gusohorwa-mu-nzu-agahinda-ka-paixao-wababajwe-na-rayon-itagira-n-amasogisi

  • Myugariro w'umunyarwanda Dylan Maes wakinaga muri Portugal yerekeje muri Cyprus #rwanda #RwOT

    Umukinnyi ukina yugarira w'umunyarwanda , Dylan Maes wakinaga mu ikipe ya CF Estrela de Amadora yo mu kiciro cya kabiri muri Portugal, yamaze kwerekeza mu ikipe ya Alki Oroklini FC yo mu gihugu cya Cyprus ku masezerano y'imyaka ibiri iri imbere.


    Georges Francis Dylan w'imyaka 21 y'amavuko yavukiye mu gihugu cy'u Bubiligi ariko akaba afite umubyeyi umwe w'umunyarwanda aherutse kuva muri ikipe nyuma yaho amasezerano yari afitanye nayo arangiye.


    Nk'uko uyu mukinnyi yabitangaje, yemeje aya makuru avuga ko yahinduye ikipe mu rwego rwo kurushaho kubona umwana bizatuma azamura urwego rwe rw'imikinire bityo bikazamuhesha gukinira ikipe y'u Rwanda nkuru.


    Uyu myugariro ushobora gukina mu mutima w'ubwugarizi cyangwa inyuma ku ruhande rw'ibumoso, aheruka kwambara imyenda y'ikipe y' u Rwanda muri Gicurasi 2018, ubwo Amavubi y'abatarengeje imyaka 20 yasezererwaga na Zambia mu gushaka itike y'igikombe cy'Africa cya 2019.

    The post Myugariro w'umunyarwanda Dylan Maes wakinaga muri Portugal yerekeje muri Cyprus appeared first on RUSHYASHYA.

    Source : https://rushyashya.net/myugariro-wumunyarwanda-dylan-maes-wakinaga-muri-portugal-yerekeje-muri-cyprus/?utm_source=rss&utm_medium=rss&utm_campaign=myugariro-wumunyarwanda-dylan-maes-wakinaga-muri-portugal-yerekeje-muri-cyprus

  • Amaze gukura: Umuhungu wa Muyango Claudine na Kimenyi Yves yagaragaye ari gukina na mam we (Videwo) – YEGOB #rwanda #RwOT

    Umuhungu wa Kimenyi Yves na Miss Muyango Claudine yongeye kugaragara ku mbuga nkoranyambaga zigiye zitandukanye nyuma y'igihe atagaraga.

    Kimenyi Miguel, umuhungu w'imfura wa Kimenyi Yves na Muyango Claudine yagaragaye binyuze ku rukuta rwe rwa Instagram yafungurijwe n'ababyeyi be.

    Kimenyi Miguel afite urukuta rwa Instagram rugenzurwa n'ababyeyi be mu gihe we atari yageza igihe cyo kuyigenzurira.

    Muri ayo mashusho yashyizwe hanze n'ababyeyi be, Kimenyi Miguel aba ari gukina na mama we Muyango Claudine.

    ko

     

    Source : https://yegob.rw/amaze-gukura-umuhungu-wa-muyango-claudine-na-kimenyi-yves-yagaragaye-ari-gukina-na-mam-we-videwo/

  • Abimuwe muri Kangondo ya 2, bahawe isoko ntibahabwa igishoro #rwanda #RwOT

    Bamwe mu bahoze batuye muri Kangondo ya Kabiri, batujwe mu midugudu ya Rwanco mu Kagari ka Busanza, mu Murenge wa Kanombe mu Karere ka Kicukiro, bakubakirwa isoko baravuga ko bahangayikishijwe no kuba batarahawe igishoro cyo gutangira ubuzima.

    Isoko rya Rwanco ryubatse mu buryo bugezweho, harimo abacuruzi batarenze cumi na batanu ibindi bibanza bihari birarangaye, nta rujya n'uruza rw'abaguzi ruhagaragara.

    Bamwe mu baricururizamo baganiriye n'itangazamakuru rya Flash, baravuga ko bahangayikishijwe no kuba barimuwe ntibahabwe igishoro, ngo batangire ubuzima

    Barasaba ko bagihabwa kuko babayeho nabi, kandi ko  batakibasha no kwishyurira abana babo amashuri no kubagaburira.

    Ntege Seraphina ati 'Leta yatwubakiye isoko ariko imbogamizi dufite nta giishoro dufite, n'abana bacu kubishyurira amashuri biratugora. Twasaba ko badufasha bakaduha igishoro, kuko ubuzima buratugoye.'

    Mugenzi we Yagize ati 'Nkanjye nkorera aha hanze y'isoko, imbogamizi dufite zituma na bagenzi bacu bataza ni uko nta gishoro bafite. Leta y'Ubumwe idufashije yaduha igishoro tukiyubaka.'

    Undi yunzemo ati 'Nk'ubu izi nyanya ndazicuruza ngo mbone ayo kwishyura inzu, niba ndigushaka ay'inzu ubwo abana baraburara. ''

    Iki kibazo si gishya mu buyobozi bw'Umurenge wa Kanombe, umunyamabanga Nshingwabikorwa w'uyu murenge, Nkurunziza Idrissa, arabasaba  gutegereza bihanganye.

    Yagize ati 'Ibijyanye n'igishoro kwaba ari nko kongererwa, kuko bari basanzwe bacuruza. Nibyo koko bemerewe kuzahabwa igishoro, ariko ntibiratungana, urutonde rw'abacururiza hariya rurahari, Loda ni yo igomba kuzatanga igishoro. Nibabe bategereje bihanganye.'

    Abacururiza muri iri soko bavuga ko bafite iki kibazo kuva mu mwaka wa 2019, ubwo bimurwaga mu mudugudu wa Kangondo ya 2 Nyarutarama.

    Aba bagaragaza ko batemerewe kwaka inguzanyo mu ma banki ngo babe bakwikorera,  kuko nta byangombwa bya burundu bahawe by'inzu bimuriwemo, bakavuga  ko bikomeje kudindiza imibereho yabo.

    AGAHOZO Amiella

    The post Abimuwe muri Kangondo ya 2, bahawe isoko ntibahabwa igishoro appeared first on FLASH RADIO&TV.

    Source : https://flash.rw/2022/08/03/abimuwe-muri-kangondo-ya-2-bahawe-isoko-ntibahabwa-igishoro/?utm_source=rss&utm_medium=rss&utm_campaign=abimuwe-muri-kangondo-ya-2-bahawe-isoko-ntibahabwa-igishoro

  • M23 yafashe utundi duce inagota ikigo cya Gisirikare cya Rumangabo, FDLR na FARDC berekeje i Goma #rwanda #RwOT

    Goma 24 News yatangaje aya makuru kuri uyu wa Gatatu tariki 03 Kanama 2022 ko uduce twa Bukima, Kabaya na Kanombe turi mu maboko ya M23.

    Iki kinyamakuru gikomeza kigira kiti 'Nanone kandi Rumangabo [ikigo cya gisirikare] na cyo cyagoswe na M23. FARDC na FDLR bari guhunga berecyeza i Goma.'

    Aya makuru kandi yanemejwe n’umugaba mukuru wa M23, Gen Sultan Makenga wavuze ko M23 iri kugenzura utwo duce dutatu two muri Rutshuru kuva ku mugoroba wo kuri uyu wa Kabiri nyuma y’imirwano ikomeye yabaye hagati y’uyu mutwe na FARDC ndetse n’abarwanyi yiyambaje.

    Utu duce two muri Gurupoma ya Gisigari twafashwe na M23 mu gihe ku wa Mbere tariki 01 Kanama 2022 FARDC ifatanyije n’iyo mitwe bagabye ibitero ku birindiro bya M23 biherere muri Bisoke na Kalisimbi.

    Amakuru atangwa n’umwe mu bakurikiranira hafi iyi mirwnao imaze iminsi, yemeza ko M23 yanamaze kugota ikigo cya gisirikare cya Rumangabo gisanzwe gicunzwe na FDLR aho bamwe mu barwanyi bayo banabuze uko bahunda.

    Source : http://www.ukwezi.rw/Mu-mahanga/Amakuru-anyuranye/article/M23-yafashe-utundi-duce-inagota-ikigo-cya-Gisirikare-cya-Rumangabo-FDLR-na-FARDC-berekeje-i-Goma

  • Umunyamakuru Emmalito yambitse impeta umukunzi we bitegura kurushinga(AMAFOTO) #rwanda #RwOT

    Emmalito ukorera Isibo Tv yambitse impeta umukunzi we Umwali Liliane usanzwe atuye muri Canada mu Mujyi wa Ottawa.

    Ni igikorwa cyabaye kuri uyu wa kabiri Taliki 2 Kanama 2022 kibera mu Gihugu cya Kenya aho aba bombi bahuriye.

    Emmalito ubwo yaganiraga n'Inyarwanda yavuze ko umukunzi we bamaranye imyaka igera kuri itanu bari mu rukundo, ahamya ko yamubonyeho ibintu byinshi bimwemeza ko akwiye kumubera umufasha w'ubuzima bwe bwose.

    Ati” Tumaranye imyaka itanu mu rukundo, Dukundana mu bihe bitoroshye bya 'Long Distance Relationship'ariko igihe cyari iki y'uko dufata icyemezo kugira ngo tugire ikindi twubaka”.

    Emmalito avuga ko avuga ko yafashe umwanzuro wo kwambika impeta umukunzi we mu gihe bari bafite ibiruhuko mu Gihugu cya Kenya.

    Ati”Twari tumaze iminsi dutekereza kujya mu biruhuko, kuko twashakaga ahantu hihariye, urabona ko ahantu twafatiye amafoto ari heza cyane”.

    Emmalito yambikiye impeta umukunzi we mu Gihugu cya Kenya ahazwi nko mu gace ka Nyeri gakunda gusurwa na ba Mukerarugendo cyane.

    Source : https://umuryango.rw/imyidagaduro/article/umunyamakuru-emmalito-yambitse-impeta-umukunzi-we-bitegura-kurushinga-amafoto

  • Umunyamakuru Phil Peter yashyize hanze ukuri kose kubyo gufungisha Moses yavuzweho (video) – YEGOB #rwanda #RwOT

    Nyuma y'uko havuzwe byinshi kubijyanye nuko Phil Peter yaba yarafungishije mugenzi we moses bakoranye mu kiganiro the choice.

    Mu magambo ye Phil Peter yabwiye umunyamukuru yago yahakanye amakuru Moses yashyize hanze ko ariwe watumye afungwa, ahishura ko ariwe wasabye imbabazi ndetse atanga amafaranga ye kugirango arekurwe aburane ari hanze nkuko yabyeretse yago mu nyandiko y'urukiko.

    Phil peter yongeye gukuraho urushijo kubyo gufungisha Moses ahubwo yemeza ko yafunzwe nibyo yakoze mu kigo Phil peter arebera inyungu zacyo,bityo akuraho urujijo kubyo benshi bamenye mu nkuru zitandukanye.

    Source : https://yegob.rw/umunyamakuru-phil-peter-yashyize-hanze-ukuri-kose-kubyo-gufungisha-moses-yavuzweho-video/

  • Manchester United yihariye abakinnyi 8 kuri 1… – #rwanda #RwOT

    Kenshi na kenshi, iyo abakinnyi ba ruhago batari mu bihe byabo byiza bibasirwa n’abafana ndetse rimwe na rimwe n’itangazamakuru, by’umwihariko hifashishijwe imbuga nkoranyambaga zikoreshwa n’abakunzi ba ruhago ziyobowe na Twitter.

    BBC yasohoye icyegeranyo cyerekana ubushakashatsi bwakozwe n’ibigo by’ibarurishamibare bya Ofcom na Alan Turing, byari bigamije kureba uko abakinnyi bo muri Shampiyona y’u Bwongereza bibasiwe n’abafana mu mwaka ushize.

    Ubushakashatsi bwasesenguye ubutumwa bwa Twitter bugera kuri Miliyoni 2.3 bwose burebana na Shampiyona y’u Bwongereza, haza gusangwa ko ubusaga 60.000 bwose bwatukaga abakinnyi ku buryo bukomeye hagati ya Kanama 2021 na Mutarama 2022.

    Abakinnyi 10 bagenewe ubutumwa bwo gusebywa n’abafana mu mwaka ushize bayobowe na Cristiano Ronaldo wagenewe ubugera kuri 12,520, agakurikirwa na Harry Maguire bakinana muri Manchester United, aho we yatutswe inshuro 8,954.

    Abakinnyi batutswe cyane;

    1. Cristiano Ronaldo – 12,520
    2. Harry Maguire – 8,954
    3. Marcus Rashford – 2,557
    4. Bruno Fernandes – 2,464
    5. Harry Kane – 2,127
    6. Fred – 1,924
    7. Jesse Lingard – 1,605
    8. Jack Grealish – 1,538
    9. Paul Pogba – 1,446
    10. David de Gea – 1,394

    Uretse rutahizamu Jack Grealish wa Manchester City na Harry Kane wa Totenham bombi bakinira ikipe y’igihugu y’u Bwongereza, abandi bakinnyi 8 batutswe cyane ni aba Manchester United imaze imyaka 10 idakoza intoki ku gikombe cya Shampiyona.

    Gutukwa bikomeye kw’abakinnyi ba Manchester United mu mwaka ushize, byaturutse ku musaruro mubi bagize mu ntangiriro z’umwaka ushize, byanatumye iyi kipe inanirwa kuza mu makipe ane ya mbere azakina muri UEFA Champions League 2022-2023.

    Source : https://inyarwanda.com/inkuru/119623/manchester-united-yihariye-abakinnyi-8-kuri-10-ba-premier-league-batutswe-cyane-kuri-twitt-119623.html