Author: webrwanda

  • Rutsiro: Umuturage watabaje Perezida Kagame mu isengesho akomeje guhindurirwa imibereho #rwanda #RwOT

    Guverineri w'Intara y'Iburengerazuba Habitegeko François yashyikirije Habimana Emmanuel, inka na telephone mu rwego rwo kumufasha gukomeza guhindura imibereho mibi yari abayemo. 

    Kuri uyu wa 02 Kanama 2022, mu nteko y'abaturage yabereye mu mudugudu wa Karungu, Akagari ka Kabujenje mu murenge wa Kivumu mu karere ka Rutsiro nibwo Guverineri Habitegeko yashyikirije uyu muturage inka na telephone igezweho ya smartphone.

    Habimana yamamaye ku mbuga nkoranyambaga kubera isengesho yasenze atabaza Perezida wa Repubulika y'u Rwanda Paul Kagame.

                          Habimana Emmanuel

    Uyu mugabo wabaga ku gasozi amaze ukwezi kumwe ahawe inzu. Yamamaye kubera isengesho rye ryakwirakwiye ku mbuga nkoranyambaga, avugamo ko hari abayobozi yise 'ibisambo by'ibyubi' barya inkunga z'abakene bigatuma ubukene budacika.

    Muri iryo sengesho yasabye Perezida Kagame guhagurukira bene abo bayobozi agakiza abaturage ibisambo birya iby'abakene.

    Ni umugabo w'imyaka 58, washatse umugore aza kwitaba Imana bamaze kubyarana abana bane. Nyuma yishumbushije undi nawe babyarana abana bane, ariko aza kumuta kubera ubukene ajya kwishakira undi mugabo.

    Mu bana umunani yabyaye babiri bitabye Imana, abandi babiri barakuze bashinga ingo zabo. Abasigaye bose bari baratatanye kuko uyu mugabo atagiraga inzu yo kubamo.

    Tariki 6 Nyakanga 2022, ubwo Habimana yahabwaga inzu yo kubamo, yavuze ko amaze imyaka myinshi aba ku gasozi ahantu yise mu maveni.

    Guverineri Habitegeko François

    Nyuma yo gushyikirizwa inka na telephone yashyimye ubuyobozi bw'igihugu avuga ko kubera inzu yahawe abana be bane bagarutse mu rugo.

    Ati 'Ubu sindi kunyagirwa n'abana banjye baratahutse. Bari baragiye kuko bandebaga bagasanga nta kintu nabamarira. Aho mperewe inzu ndumva ndikoroherwa'.

    Habimana Emmanuel yavuze ko inka yahawe izamufasha kurera abana be bagakurana ubuzima bwiza.

    Ati 'Ndanezere cyane, kuko bampaye amata, baherutse kumpa inzu nzanywemo ayo mata. Guverineri ampaye telephone nzajya mvuganiraho n'abayobozi. Iyi nka bampaye nyitezeho kuzamfasha kurera abana banjye, bakanywa amata nanjye nkanywa amata tukanezerwa'.

    Guverineri Habitegeko yavuze ko Perezida Kagame yashyizeho inteko z'abaturage kugira ngo abayobozi bamanuke begere abaturage babakemurire ibibazo.

    Ati 'Ntabwo ari ukumanuka n'imitwe gusa hari n'igihe umanukana n'ibisubizo'

    Ubwo Guverneri yaherukaga mu murenge wa Kivumu mu gikorwa cyo gutaha amazu 26 yubakiwe abatishoboye barimo na Habimana nibwo Habimana yamubwiye ko yasabye amata Nyakubahwa Perezida wa Repubulika.

     

    Ibi byahuriranye ni uko Perezida Kagame yari yarahaye inka Ikigo cy'igororamucyo cya Iwawa. Mu kwitura Perezida Kagame, abakozi b'iki kigo bakusanyije amafaranga bagurira inka uyu muturage Habimana Emmanuel.

    Mu mwaka ushize w'ingengo y'imari Akarere ka Rutsiro kubakiye imiryango 69, kagabira inka 1076 binyuze muri gahunda ya girinka munyarwanda.

    Yanditswe na Habimana Gad

    [email protected]

     

     

    The post Rutsiro: Umuturage watabaje Perezida Kagame mu isengesho akomeje guhindurirwa imibereho appeared first on IRIBA NEWS.

    Source : https://iribanews.rw/2022/08/02/rutsiro-umuturage-watabaje-perezida-kagame-mu-isengesho-akomeje-guhindurirwa-imibereho/

  • Rubavu: Biravugwa ko umubare w’abamaze guhita… – #rwanda #RwOT

    Ni impanuka yabaye ku saa 10:15′ za mu gitondo ibera mu murenge wa Gisenyi, Akagari ka Nengo mu Mudugudu wa Nyabagobe ahazwi nko kwa Gacukiro usohoka umujyi wa Gisenyi. Muri aka gace, si ubwa mbere habereye mpanuka ikomeye igahitana ubuzima bwa benshi.

    Iyi mpanuka yatewe n'ikamyo itwara ibikomoka kuri Peteroli yacitse feri. Iyi kamyo yamanukaga yerekeza mu mujyi wa Gisenyi, yagonze imodoka yo mu bwoko bwa Coasteur ya Kompani itwara abagenzi ya Virunga yerekezaga i Kigali, bamwe barapfa abandi barakomereka.

    Aha hantu hazwi nko kwa Gacukiro ni hamwe mu hakunze kubera impanuka zinatwara ubuzima bwa benshi ari na yo mpamvu bamwe baturage bageze ahabereye iyi mpanuka basabye kwihutisha imirimo yo gukora umuhanda wa Rugerero-Rubavu-Byahi uzajya unyuzwamo amakamyo.

    Nyuma gato y’impanuka hari hamaze kwemezwa abantu batatu bahitanywe nayo, gusa kugeza ubu amakuru ava mu bakozi b’ibitaro aremeza ko hamaze gupfa abagera kuri 4.

    Ku bitaro bya Gisenyi hari abaje kureba abo mu miryango yabo bari mu modoka yakoze impanuka

    Source : https://inyarwanda.com/inkuru/119615/rubavu-biravugwa-ko-umubare-wabamaze-guhitanwa-nimpanuka-ari-4-batanu-abakomeretse-ntibara-119615.html

  • Perezida Kagame yakiriye Umunyamabanga mukuru wa COMESA #Rwanda #RwOT via @kigalitoday #rwanda #RwOT

    Perezida Paul Kagame, kuri uyu wa Kabiri tariki 02 Kanama 2022, muri Village Urugwiro, yakiriye Chileshe Kapwepwe, Umunyamabanga mukuru w’Isoko rusange (…)

    Source : https://www.kigalitoday.com/amakuru/amakuru-mu-rwanda/article/perezida-kagame-yakiriye-umunyamabanga-mukuru-wa-comesa

  • Hari ibigo bya Leta bigiye kwegurirwa abikorera – Perezida Kagame #Rwanda #RwOT via @kigalitoday #rwanda #RwOT

    Perezida wa Repubulika Paul Kagame aratangaza ko mu buryo budatinze, ibigo bimwe bya Leta bigiye kwegurirwa abikorera kugira ngo birusheho gutanga (…)

    Source : https://www.kigalitoday.com/politiki/amakuru/article/hari-ibigo-bya-leta-bigiye-kwegurirwa-abikorera-perezida-kagame

  • Rubavu: Batatu baguye mu mpanuka ikomeye y'ikamyo yagonganye na coaster (YAVUGURUWE) – #rwanda #RwOT

    Iyi mpanuka biravugwa ko yatewe n'ikamyo yari yikoreye mazutu yacitse feri ikagonga imodoka yo mu bwoko bwa Coaster ya Sosiyete itwara abagenzi ya Virunga yerekezaga mu Mujyi wa Kigali. Yabereye mu ikorosi rimanuka rigana ku Bitaro bya Gisenyi n'ubundi hakunze kubera impanuka nyinshi.

    Ikimara kuba, inzego z'umutekano zahise zihagera zitangira gutanga ubutabazi bw'ibanze ku bayikomerekeyemo ndetse bajyanwa kwa muganga kugira ngo bakurikiranwe.

    Umunyamabanga Nshingwabikorwa w'Umurenge wa Gisenyi, Tuyishime Jean Bosco, yemeje ko impanuka ndetse hari abayiguyemo.

    Yagize ati “Saa Yine ni bwo impanuka yabaye, abitabye Imana ni batatu mu gihe abakomeretse bataramenyekana. Turihanganisha imiryango yabuze ababo.''

    Umunyamakuru wa IGIHE ukorera i Rubavu wageze aho impanuka yabereye yavuze ko hari abantu yabonye bashobora kuba bahise bitaba Imana nubwo imibare y'abayiguyemo itaratangazwa.

    Iyi mpanuka yafunze umuhanda wa Rubavu-Musanze iminota 30 bitewe n'ibikorwa by'ubutabazi.

    Abakomeretse n'abitabye Imana bajyanywe ku Bitaro bya Gisenyi mu gihe Polisi y'Igihugu ikomeje ibikorwa by'ubutabazi.

    Bamwe mu bagize imiryango y'abari muri Coaster ya Virunga bahise bajya aho bakirira indembe ku Bitaro bya Gisenyi kugira ngo bamenye uko bamerewe.


    Source : http://igihe.com/amakuru/u-rwanda/article/i-rubavu-habereye-impanuka-ikomeye-y-ikamyo-yagonganye-na-coaster-itwaye

  • Hari ibigo bya leta bigiye kwegurirwa abikorere-Perezida Kagame #rwanda #RwOT

    Perezida wa Repubulika Paul Kagame yatangaje ko hari ibigo byari bisanzwe ari ibya  leta bigiye kwegurirwa abikorera.

    Ibi umukuru w'igihugu yabigarutseho kuri uyu wa Kabiri tariki 2 Kanama 2022, ubwo yakiraga indahiro z'abayobzi bashya bo ku rwego rwa Minisitiri baherutse guhabwa imyanya muri guverinoma.

    Nta bigo bya leta byatangajwe bigiye kwegurirwa abikorera ariko umukuru w'igihugu yavuze ko hari ibizajya mu maboko y'abikorera vuba bishoboka.

    Nyuma yo kwakira indahiro za Dr. Ildephonse Musafiri wahawe inshingano zo kuba umunyamabanga wa leta muri minisiteri y'ubuhinzi n'ubwororozi na Minisitiri Eric Rwigamba wahawe kuyobora minisiteri nshya ishinzwe ishoramari rya leta, imbwirwaruhame y'umukuru w'igihugu yibanze ku gusobanura inshingano za minisiteri nshya ishinzwe ishoramari rya leta.

    Ati 'Minisiteri nshya y'ishoramari rya Leta izareba uko ibigo bicungwa neza, ndetse amaherezo cyangwa se byihuse kuri bimwe bikegurirwa abikorera. Ni ibice bibiri hari ibigombwa kwegurirwa abikorera vuba na bwangu bitagomba gutegereza. leta, guverinoma  cyangwa inzego zose za leta ubundi ntabwo akazi kacu ari ukujya mu bucuruzi, ibintu bias nk'ibyo, ahubwo dufasha abacuruza , abikorera kugira ngo bagere kuri byinshi ari nako babigeza ku gihugu.'

    Umukuru w'igihugu kandi yavuze ko ingeri y'Ubucuruzi, ishoramari, ubuhinzi n'ubworozi, ari inkingi  z'ingenzi mu majyambere y'u Rwanda, igihugu kiri kurwana no gusubiranya ubukungu bwakomwe mu nkokora n'icyorezo cya Covid-19.

     Ati 'Ubucuruzi, ishoramari, ubuhinzi n'ubworozi ni inkingi z'ingenzi mu majyambere y'igihugu cyacu. Uko dukomeza kurwanya no guhashya icyorezo cya Covid… tuzahura ubukungu bw'igihugu cyacu ni nako bizakomeza kurushaho kuba ingenzi, kugira ngo dukomeze ibyo tumaze kugeraho twongeraho n'ibindi byinshi.'

    Umunyamabanga wa Leta muri Minisiteri y'Ubuhinzi n'Ubworozi, Ildephonse Musafiri agiye kuri uyu mwanya asimbuye Dr. Ngabitsinze Jean Chrysostome,  wagizwe minisitiri w'ubucuruzi n'inganda mu mavugurura muri guverinoma aheruka, gusa ntiyarahiye kuko yari asanzwe muri guverinoma.

    Minisiteri nshya y'Ishoramari rya Leta ije ikurikira iy'Ubumwe bw'Abanyarwanda yashinzwe muri Nyakanga 2021.

     Ubu u Rwanda rufite minisiteri 22.

    Tito DUSABIREMA

    The post Hari ibigo bya leta bigiye kwegurirwa abikorere-Perezida Kagame appeared first on FLASH RADIO&TV.

    Source : https://flash.rw/2022/08/02/hari-ibigo-bya-leta-bigiye-kwegurirwa-abikorere-perezida-kagame/?utm_source=rss&utm_medium=rss&utm_campaign=hari-ibigo-bya-leta-bigiye-kwegurirwa-abikorere-perezida-kagame

  • MINEDUC igiye gushyira hanze amabwiriza ajyanye no guhangana n'ubwiyongere bw'amafaranga y'ishuri #rwanda #RwOT

    Minisitiri w'Uburezi,Dr Valentine Uwamariya,yavuze ko mu minsi mike mbere y'uko umwaka w'amashuri utaha utangira, hazasohorwa amabwiriza y'uburyo bw'imitangire y'amafaranga y'ishuri, mu rwego rwo kugabanyiriza umutwaro ababyeyi.

    Ikibazo cy'ubwiyongere bw'amafaranga y'ishuri bya hato na hato ndetse no gusabwa amafaranga y'agahimbaza musyi k'abarimu bitanyuze mu nama z'ababyeyi ku bigo by'amashuri, ni ikibazo ababyeyi barerera mu bigo by'amashuri bamaze imyaka myinshi bavuga ko kibahangayikishije.

    Icyo kibazo gikunze no kuba n'intandaro y'uko umubyeyi utatanze ayo mafaranga umwana we yirukanwa mu gihe cy'amasomo ndetse hari n'abakurizamo kuva mu ishuri.

    Abayobozi b'ibigo by'amashuri bagiye bavuga kobafata icyemezo cyo kuyongera ngo bitewe n'ibikenewe ku ishuri abandi, bakabinyuza mu nama rusange z'ababyeyi baharerera.

    Mu kiganiro yagiranye na RBA,Minisitiri w'Uburezi,Madamu Valentine Uwamariya yavuze ko mu minsi mike hagiye gushyirwaho amabwiriza ajyanye n'imitangire y'amafaranga y'ishuri kuko hari ibigo bikabya guca umurengera.

    Ati “Mu minsi mike mbere y'uko umwaka w'amashuri utangira turaza gusohora amabwiriza y'imitangire y'amafaranga mu mashuri ya Leta ndetse n'afatanya na leta,ajyanye n'agahimbazamusyi ka mwarimu.Sinabivuga byose kuko ntabwo turabinoza neza ariko ikintu cyose kizarebwaho.

    Ikintu cyose cyatumaga hari amafaranga y'umurengera asabwa ababyeyi biturutse wenda ku kuzamura mwarimu ku ishuri,turagira ngo tugabanyirize n'umutwaro ababyeyi.Niyo mpamvu hazabaho ayo mabwiriza y'uko bizakorwa mu mashuri ya leta n'afatanya na leta ku bw'amasezerano.”

    Ibi bikozwe nyuma y'aho abarimu bose bo mu Rwanda bongerewe umushahara ndetse abo mu mashuri abanza bakubiwe 88% mu gihe abo mu yisumbuye bafite A1 na A0 bongereweho 40%.

    Ikindi kandi,ku mbuga nkoranyambaga abantu batandukanye bagiye binubira amabaruwa yacicikanaga agaragaza amafaranga ahanitse amashuri yasabye abanyeshuri kuza bitwaje ndetse n'ibisabwa bitari ngombwa.

    Hari ibigo bisaba amafaranga yo kugura imodoka y'ikigo,kubaka ikigo,akayabo k'amafaranga yo kugura amasaha n'ibikombe n'impapuro zitandukanye,imikoropesho,amasuka n'ibindi buri gihembwe.

    Kugeza mu mpera za 2017, mu Rwanda hari ibigo by'amashuri yisumbuye 1,567 birimo ibya Leta 461 n'ibifashwa na Leta 871 nkuko imibare ya Mineduc yabigaragaje.

    Minisitiri w'Uburezi, Dr Uwamariya Valentine yavuze kandi ko nyuma yo kuzamura umushahara wa mwarimu, ubu abakora muri uyu mwuga bagiye gukora batuje ndetse ireme ry'uburezi rirusheho kwiyongera.

    Source : https://umuryango.rw/amakuru/mu-rwanda/uburezi/article/mineduc-igiye-gushyira-hanze-amabwiriza-ajyanye-no-guhangana-n-ubwiyongere-bw

  • Miss Muheto nibisonga bye basuye ahabumbatiy… – #rwanda #RwOT

    Ni mu rugendo shuri bakoze kuri uyu wa Mbere tariki 1 Kanama 2022, rwateguwe n'Inteko y'Umuco bari kumwe n'abafatanyabikorwa bayo mu rwego rwo kwizihiza umunsi w'umuganura.

    Miss Muheto yari kumwe na Keza Maolithia wabaye igisonga cya mbere cya Miss Rwanda 2022, Kayumba Darina wabaye igisonga cya kabiri cya Miss Rwanda 2022 na Ruzindana Kelia wegukanye ikamba rya Nyampinga w’Umuco [Miss Heritage 2022].

    Muri uru rugendo, basuye i Rutunga mu Karere ka Gasabo ndetse n'i Huro mu Karere ka Gakenke. Aha hantu hafitanye isano n'umuganura ku buryo bw'umwihariko.

    Inteko y'Umuco ivuga ko i Huro ari ho hahingwaga imbuto nkuru zakoreshwaga mu muganura. Hari hatuye abiru bashinzwe imihango yawo, ndetse hari n'ivubiro ribafasha kumenya niba imvura izagwira igihe, bitaba ibyo bakitabaza abavubyi kugira ngo imbuto z'umuganura zibibwe kare.

    Abiru b'abahinzi banitwaga abiru bo kwa Myaka, bari bafite icyicaro ku musozi bigengaho wa Huro. Basimburanaga ku mazina ya Nyamurasa, Musana na Mumbogo.

    Umwiru wo kwa Myaka yari afite inshingano zo gukusanyiriza i Huro imyaka, uburo n'amasaka yakoreshwaga ibwami mu mihango y'umuganura; akazisohozayo ndetse akagira uruhare kimwe n'umwami n'umwiru w'umuganura, mu mihango yakorwaga ku munsi nyir'izina w'umuganura.

    Miss Muheto yabwiye InyaRwanda ko gusura ahantu nyaburanga habumbatiye amateka y'umuganura yahungikiye byinshi, ariko kandi abona ko hari byinshi urubyiruko rw'u Rwanda rukeneye kumenya.

    Ati 'Nungutse byinshi ariko icya mbere nyamukuru nabonye, ni uko twe nk'urubyiruko hari byinshi tutazi ku mateka kandi dukwiye kwiga tukamenya, kuko nitwe Rwanda rw'ejo.'

    Mu kiganiro 'Dusangira ijambo' cya Televiziyo Rwanda cyo ku wa 31 Nyakanga 2022, Umuyobozi w'Inteko y'Umuco, Amb Robert Masozera yavuze ko umuganura udakwiye kugaragara mu ishusho y'ibiryo, ahubwo ushingiye ku kugira umutima ukunda u Rwanda n’Abanyarwanda.

    Muri iki kiganiro cyagarutse ku mateka y’Umuganura n’imyiteguro yo kwizihiza umuganura, Masozera yagize ati 'Ntabwo umuganura ukwiye kugaragara mu ishusho ry’ibiryo cyangwa ibinyobwa. Ntabwo ari cyo cyari ibanze. Niyo mpamvu tuvuga ngo umuganura ntabwo ari umutsima ahubwo ni umutima, kubera ko ririya robe ry’umutsima baganuraga rirobetsemo indangagaciro nyinshi cyane ari wo mutima w’u Rwanda.'

    Akomeza ati 'Rero mu myemerere y’abanyarwanda bemeraga ko umutima ari wo ugize umunyarwanda, ari ryo zingiro ry’indangagaciro; kwa kunga ubumwe, kwa gufashanya, kwa kuramirana, umuntu akeza akaganuza abandi. Uwo mutima rero w’ubunyarwanda, iyo urebye umuganura usanga mu muganura harobetsemo izo ndangagaciro zose.”

    Ku wa 5 Kanama 2022 nibwo hazaba igitaramo ‘i Nyanza twataramye’ kizabanzirizwa n’ibirori byo kwizihiza umunsi w’umuganura, bizabera kuri sitade ya Nyanza.

    Ibi birori bizakurikirwa n’inama y’ishoramari. Ku wa Gatandatu tariki 6 Kanama 2022 hateganyijwe umutambagiro wo gusura ahantu ndangamurage n’ibikorwa by’ubukerarugendo. 

    Inteko y'Umuco n’abafatanyabikorwa bayo basuye ahantu ndangamurage habumbatiye amateka y’Umuganura 

    Uhereye ibumoso: Keza Maolithia wabaye igisonga cya mbere cya Miss Rwanda 2022, Miss Nshuti Divine Muheto, Kayumba Darina wabaye igisonga cya kabiri cya Miss Rwanda 2022 na Ruzindana Kelia wegukanye ikamba rya Nyampinga w’Umuco [Miss Heritage 2022] 

    Miss Nshuti Divine Muheto avuza ingoma za Kinyarwanda 

    Intore zasusurukije abitabiriye urugendo rwo kwiga amateka y'umuganura 

    Ivubiro rya huro ryafashaga Abanyarwanda bo hambere gupima imvura n’ikirere 

    Miss Muheto, Keza Maolithia na Kayumba Darina    

    Ruzindana Kelia yagaragaje ko yanyuzwe no gusura ahabumbatiye amateka y'umuganura mu Rwanda


    Umwanditsi w’ibitabo Mutangana Boshya Steven ari mu bakoze urugendo shuri ku muganura  

    Umwe mu bakuze bazi neza amateka y'umuganura mu bice bya Gasabo na Gakenke





    Source : https://inyarwanda.com/inkuru/119590/miss-muheto-nibisonga-bye-basuye-ahabumbatiye-amateka-yumuganura-amafoto-119590.html

  • Valery Zihalirwa, umwe mu bari inyuma y'umugambi wo kurimbura Abatutsi muri Kongo ni muntu ki? #rwanda #RwOT

    Ku mbuga nkoranyambaga hashize iminsi mike hadutse umugabo witwa Valery Zihalirwa aho yashinze umuryango utegamiye kuri Leta ushinzwe gusesengura u Rwanda ndetse n'akarere yise 'Bureau d'Etudes sur le Rwanda'

    Uyu Valery Zihalirwa mu kwezi kwa Kamena gushize yafunguye compte kuri Twitter zigera kuri 80 zishinzwe kurwanya Abatutsi b'Abanyekongo avuga ko atari abenegihugu bagomba gusubira iwabo. Uyu Valery Zihalirwa kandi yifatanya nicyiyise 'FNATC' (FRONT NATIONAL ANTI #TUTSI AU CONGO) umuryango uhuza abahezanguni b'abanyekongo batifuza icyitwa umututsi muri Kongo.

    Si FNATC Valery Zihalirwa akorana nayo gusa kuko akorana nindi yitwa KOPAX (Conscience Congolaise pour la Paix) bombi bakaba baterwa inkunga na Dr Denis Mukwege. Uyu Mukwege iyo umweretse umushinga urimo kurwanya Abatutsi ndetse n'abavuga ikinyarwanda muri rusange ahita agutera inkunga.

    Mu gihugu cya Kongo muri rusange hashize iminsi hahererekanwa imvugo z'urwango zihamagararira abaturage guhiga abo bita Abanyarwanda bakabasubiza mu Rwanda.

    Kuva Umutwe wa M23 wigaruriye umujyi wa Bunagana uri ku mupaka wa Republika ya Demokarasi ya Congo na Uganda, abavuga ururimi rw'Ikinyarwanda barahizwe cyane bamwe baricwa harimo n'abokejwe ku muriro maze barabarya.

    Ibi byabereye ahitwa I Kalima mu ntara ya Maniema aho bishe umuntu ukomoka mu bwoko bw'Abanyamulenge abandi barahunga, i Kisangani ho bafata umucolonel wo muri Kivu y'amajyaruguru, aha ho n'abapolisi bagaragaye ku mbuga bamukurubana bakamujugunya mu modoka yabo, hari n'ahandi havugwa abasirikare n'abasivile bafashwe, nk'i Bukavu, i Goma, Kalemie ndetse n'i Kinshasa ku murwa mukuru wa Congo.

    Ubu twandika iyi nkuru amagambo y'urwango araganishwa ku ngabo z'Umuryango w'Abibumbye aho abagera kuri batatu bishwe n'insoresore z'abakongomani zibateye mu kigo cyabo mu byo bo bitaga imyigaragambyo.

    Abayobozi ba Kongo bigize indorerezi muri ibi bikorwa bamenye ko amateka azabibabaza.

    The post Valery Zihalirwa, umwe mu bari inyuma y'umugambi wo kurimbura Abatutsi muri Kongo ni muntu ki? appeared first on RUSHYASHYA.

    Source : https://rushyashya.net/valery-zihalirwa-umwe-mu-bari-inyuma-yumugambi-wo-kurimbura-abatutsi-muri-kongo-ni-muntu-ki/?utm_source=rss&utm_medium=rss&utm_campaign=valery-zihalirwa-umwe-mu-bari-inyuma-yumugambi-wo-kurimbura-abatutsi-muri-kongo-ni-muntu-ki

  • Abagore 2 bafashwe bagiye kwinjiza ibiyobyabwenge muri Rwandair #rwanda #RwOT

    Ku itariki ya 25 Nyakanga, abagore babiri bafashwe bagiye kwinjiza ibiyobyabwenge mu ndege ya RwandAir, yari igiye muri Leta Zunze Ubumwe z'Abarabu inyuze i Kigali.

    Abagore bafashwe barimo Ebhodaghei Gloria Osenemeshen wasanganywe ibiyobyabwenge mu isakwa ryakorewe abagenzi mbere y'uko berekeza mu Rwanda bavuye muri Nigeria, uyu mugore akaba yari yerekeje i Dubai ariko agomba kunyura i Kigali, aho yagombaga gutwarwa na RwandAir.

    Uyu mugore yafatanywe udusashi turimo miligarama 225 za Tramadol yari yahishe mu ifu y'ubugari yari afite nk'umuzigo warimo n'ibindi biribwa, nk'uko byatangajwe n'ikinyamakuru Gistmania.

    Mu kubazwa, uyu mugore yavuze ko igikapu cyasanzwemo ibiyobyabwenge yagihawe n'umuntu wari wamucumbikiye, akaba ari nawe wamusabye kugeza icyo gikapu ku wundi muntu yari busange i Dubai.

    Kuri uwo munsi kandi hafashwe Emebradu Previous Rachael wari ufite urumogi rungana na 1.8kg mu mizigo ye, na we akaba yariteguraga gukoresha RwandAir ajya muri Leta Zunze Ubumwe z'Abarabu, ariko akanyura i Kigali.

    Mu kwiregura, uyu mugore ufite umwana umwe yavuze ko asanzwe acuruza imyenda y'imbere y'abagabo, agashimangira ko yari agiye muri Leta Zunze Ubumwe z'Abarabu kugira ngo yagure ubucuruzi bwe.

    Nyuma ngo nibwo uwahoze ari umukunzi we utuye i Dubai yaje kumusaba kumuzanira igikapu cyarimo ibiyobyabwenge, akabivanga n'ibiribwa.

    Kugira ngo ibiyobyabwenge bive mu mirima bigere ku masoko mpuzamahanga bicuruzwaho, ni inzira ndende kandi igoranye cyane, kuko ibibuga by'indege bikomeye ku Isi ndetse n'ibigo bitwara abantu mu ndege, biba byarashyizeho uburyo bwo kugenzura ibiyobyabwenge kugira ngo bikumirwe.

    Amwe mu masoko akomeye aba ari kure cyane y'aho ibyo biyobyabwenge bikomoka, ugasanga kugira ngo bizayagereho bisaba urugendo rushobora kwambukiranya ibihugu byinshi n'inyanja ngari, ari nako birushaho kugorana.

    Nk'urugero, ikiyobyabwenge cya Cocaine cyonyine, cyakoreshwaga n'abarenga miliyoni 16 hagati ya 2007 na 2008, gifite isoko rya miliyari 88$ ku migabane ibiri gusa, ari yo u Burayi na Amerika ya Ruguru.

    Cocaine ni ubwoko bumwe gusa bw'ikiyobyabwenge, kuko hari ibindi nka Heroine, urumogi n'ibindi byinshi binyuzwa mu ndege kugira ngo bive mu mirima bigezwe ku masoko yo hanze.

    Muri Afurika, ubu bucuruzi naho burahari, ndetse buri kwaguka cyane kuko ari hamwe mu hantu usanga ibibuga by'indege bidafite ingamba zikomeye n'ikoranabuhanga rihambaye ryo gutahura ibiyobyabwenge.

    Nko muri Nigeria, cyane cyane mu bice by'amajyaruguru y'igihugu ahakunze kubarizwa imitwe y'iterabwoba, ubuhinzi bw'ibiyobyabwenge bumaze gufata indi ntera, kandi ibyo biba bigomba kugezwa ku masoko mpuzamahanga kugira ngo bicuruzwe.

    Icyakora Leta imaze iminsi ishyira imbaraga mu guhangana nabyo ndetse birimo gutanga umusaruro, kuko ibiro bishinzwe kurwanya ikoreshwa ry'ibiyobyabwenge muri icyo gihugu, NDLEA, bimaze iminsi mu bikorwa byo guhashya ubwo bucuruzi.

    IGIHE

    Source : https://umuryango.rw/amakuru/mu-mahanga/umutekano/article/abagore-2-bafashwe-bagiye-kwinjiza-ibiyobyabwenge-muri-rwandair