Author: webrwanda

  • Leta yashyize ibitaro 9 mu byigishirizwamo abiga ubuvuzi #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE), yashyize ibitaro icyenda ku rwego rwo kwigishirizamo abiga ubuvuzi mu Rwanda, mu kongera inzobere (…)

    Source : https://www.kigalitoday.com/ubuzima/ubuvuzi/article/leta-yashyize-ibitaro-9-mu-byigishirizwamo-abiga-ubuvuzi

  • Abapilote babiri barasinziriye indege irenga… – #rwanda #RwOT

    Abashinzwe ingendo z'indege bagerageje kubavugisha nyuma y'uko barenze aho bagombaga gutangira kururutsa indege mu kirere cya Addis Ababa mu murwa mukuru wa Ethiopia. Amaherezo aba bapilote baje gukanguka bagarura indege bayimanura neza, nk'uko Aviation Hearld ibivuga. Abo bakozi ba Ethiopian Airlines bahise bashyirwa mu kiruhuko mu gihe hari gukorwa iperereza, nk'uko bivugwa n'igitangazamakuru cya Leta Fana.

    Iyo ndege yari yahagurutse ku kibuga cy'indege cya Khartoum muri Sudan kuwa mbere. Iyo Boeing 737, itwara abagenzi 154, ubusanzwe ifata munsi y'amasaha abiri kuri uru rugendo rw'ibihugu bituranyi. Abavuze kuri uku gusinzira kw'abapilote bamwe bifatanya nabo ko akazi kabo kagoye, abandi bagatangazwa n'uburyo basinziriye mu kazi nk'ako.

    Ku rubuga Aviation Herald, umwe mu basubije kuri iyi nkuru yagize ati: 'Hano ntabwo naveba abapilote ba Ethiopian — ibi ni ibintu bishobora kuba ku bapilote bose ku isi, ndetse bishobora kuba byarabayeho…Ikibazo kiri kuri kompanyi n'abagenzuzi.'

    Undi avuga ko hari ikintu kimwe gusa gishoboka: 'Kubirukana. Umusozo w'inkuru. Akadomo.'Abandi babibonamo ibisekeje, umwe kuri Twitter ati: 'Gusinzira mu kazi ku rundi rwego!' Umwe mu nzobere mu by'ingendo z'indege yanditse kuri Twitter avuga ko ibi 'biteye impungenge cyane'. Iyi nzobere yitwa Alex Macheras ati: 'Umunaniro w'abapilote si ikintu gishya, kandi ukomeje kuba kimwe mu bibazo by'ingendo — mpuzamahanga – zo mu kirere.”

    Inkomoko: BBC

    Source : https://inyarwanda.com/inkuru/120171/abapilote-babiri-barasinziriye-indege-irenga-aho-yari-kugwa-120171.html

  • Ikiryabarezi cyarikoze : Nsekanabo yishe Nyina amukubise isuka mu mutwe #rwanda #RwOT

    Amakuru atangwa n’Umunyamabanga Nshingwabikorwa w’Umurenge wa Kageyo, Gahano Jean Marie Vianney, ahabereye ubu bwicanyi, avuga ko Nsekanabo yishe nyina mu ijoro ryakeye ryo ku wa 18 Kanama 2022, ubwo uyu mubyeyi we yamubuzaga gukubita umugore we witwa Bitegwamaso Jacqueline.

    Ati 'Uyu mugabo Nsekanabo yiriwe muri santere, akina ibyo bita ibiryabarezi ageze mu rugo umugore we amubaza niba amafaranga igihumbi na maganatanu (1500 frw) yari yamuhaye ariyo yanjyanye gukinira ikiryabarezi mu kabari ka Tufurahi, uzwi ku izina rya Gashoza, Nuko Nsekanabo ahita yadukira umugore we aramukubita'.

    Nyakwigendera Mukangenzi ngo yahise aza gutabara urugo rw’umuhungu we, amubuza gukubita umugore, ako kanya uyu mugabo yahise ahindukirana nyina aramwirukankana amukubita isuka mu mutwe ahita apfa.

    Umurambo wa nyakwigendera wajyanwe ku bitaro bya Byumba kugira ngo usuzumwe, naho Nsekanabo ahita ajyanwa kuri Sitatiyo ya RIB kugira ngo ashyikirizwe ubutabera.

    Mu buzima busanzwe Nsekanabo ngo asanzwe yitwara nabi, kuko akunze kugaragara mu bikorwa by’urugomo birimo gukina urusimbi ndetse n’ubusinzi.

    Gitifu Gahano atanga ubutumwa ku bantu bose bajya mu bikorwa bibi byo gukina urusimbi, kunywa ibiyobyabwenge ndetse n’ubusinzi, ko babireka kuko biri mu bintu bikurura amakimbirane mu ngo.

    Ivomo:Kigali Today

    Source : http://www.ukwezi.rw/1-1/Amakuru-anyuranye/article/Ikiryabarezi-cyarikoze-Nsekanabo-yishe-Nyina-amukubise-isuka-mu-mutwe

  • CANAL+ yorohereje abanyarwanda gutunga Dekoderi kugira ngo baryoherwe n’imikino y’iburayi #rwanda #RwOT

    Kuva tariki 05 Kanama 2022, shampiyona zikomeye ku mugabane w’iburayi zarasubukuwe, ndetse by’umwihariko, CANAL+ GROUP yongera amasezerano y’uburenganzira bwo kwerekana iyi mikino yose harimo SERIE A yo mu butaliyani, BUNDESLIGA yo mu budage, LALIGA yo muri Espgane, LIGUE 1 yo mu bufaransa, Shampiyona yo mu gihugu cy’Ubwongereza, Premier League ndetse n’imikino y’igikombe kiruta ibindi ku mugabane w’iburayi cya UEFA Champions League.

    Mu rwego rwo gufasha abanyarwanda kuryoherwa n’ibi byiza, CANAL+ yatangije poromosiyo igenewe abanyarwanda bifuza gutunga ibikoresho byayo. Guhera kuri uyu wa gatanu tariki 19 Kanama 2022 kugeza tariki 31 Kanama 2022, Dekoderi ya CANAL+ ubu iragura amafaranga 5,000 gusa mu gihe igiciro cya Installation nacyo cyashyizwe ku mafaranga 5,000 gusa.

    Ikipe ishinzwe ubucuruzi muri CANAL+ RWANDA yatangaje ko iyi poromosiyo yashyizweho mu rwego rwo kurushaho korohereza abanyarwanda kubona serivisi za CANAL+ mu buryo bworoshye ndetse no kuryoherwa na porogaramu z’ingeri zose CANAL+ ibagezaho.

    CANAL+ ifite abacuruzi hirya ni hino mu gihugu ndetse n’amaduka yayo mu mujyi wa Kigali afasha umukiliya kubona Dekoderi mu buryo bworoshye.

    Source : http://www.ukwezi.rw/Inkuru-zamamaza/article/CANAL-yorohereje-abanyarwanda-gutunga-Dekoderi-kugira-ngo-baryoherwe-n-imikino-y-iburayi

  • Igisa na Filime i Kigali : Umugabo we umaze imyaka 11 yaraburiwe irengero bahuriye kuri RIB, Inzu ye yatejwe cyamunara atabizi #rwanda #RwOT

    Uwimana Catherine ubara inkuru ye ayihereye hasi, yabwiye RADIOTV10 ko umugabo we Bahizi Francis yaburiwe irengero kuva muri 2011, kandi ko bari bazi ko yapfuye ndetse bakiyambaza inzego z’iperereza.

    Avuga ko iki kirego cy’umugabo we waburiwe irengero cyakurikiranwaga n’Umuganzacyaha witwa Mbabazi Modeste ndetse ko ubwo yahuraga n’iki kibazo ari gukurikirana cyo gusohorwa mu nzu, yongeye gusubira kuri uyu Mugenzacyaha.

    Ati 'Tariki 25 z’ukwa karindwi Naragiye rero njyanye n’umuhungu wanjye wa gatatu witwa Yvan tugeze kuri RIB ku cyicaro gikuru cyayo, Mbabazi Modeste arambwira ati 'noneho uyu munsi turakorera kuri RIB Kicukiro’ adushyira mu modoka turaza, tugeze aha kuri iyi RIB yahamagaye uwitwa numvise witwa Murangira Thierry ibintu nkibyo, tumaze akanya tubona Bahizi Frank baramuzanye, nyuma ya ya myaka yose.'

    Umunyamakuru yahise amubaza aho RIB yari ikuye uwo mugabo we umaze imyaka yose batazi aho aherereye, asubiza agira ati 'Mbaza nkubaze.'

    Akomeza avuga ko umugabo we yaje mu modoka ya RIB ariko ko batamaranye umwanya kuko bahise bongera bakamujyana.

    Ati 'Bamuzanye mu modoka, RIB ntituzi aho yamukuye, ni nkuko waba uri mu cyumba ukabona umuntu baramuzanye…'

    Avuga ko na we ubwe yakubiswe n’inkuba, ati 'Amakuru twari dufite ni uko yapfuye.'

    Uwimana Catherine avuga ko kimwe mu byatumye asubira mu nzego za RIB kubaza iby’umugabo we ari uko yari amaranye iminsi ikibazo cyo kuba ari gusohorwa mu nzu yiguriye ndetse ko bamubwiye ko yamaze gutezwa cyamura ariko ko we nta rubanza yigeze agira ngo akeke ko ari rwo rwaba rubyihishe inyuma.

    Ari gusohorwa mu nzu ndetse batangiye kuyimusenyeraho

    Avuga ko tariki 18 Nyakanga 2022 iwe haje umuhesha w’inkiko ari kumwe n’abapolisi babiri bakamusaba gusohoka mu nzu abanamo n’abana be batanu bamubwira ko yatejwe cyamunara.

    Ati 'Baraza barambwira ngo nidusohoke mu nzu, nta n’ikindi bambwiye uretse kumbwira bati 'sohoka mu nzu’ nti 'ese byagenze gute ?’ bati 'twe ntubitubaze tuje kubasohora mu nzu n’abana bawe bose musohoke’.'

    Uyu mubyeyi avuga ko yabwiye aba bari baje kumusohora ko atabikora kuko nta rubanza na rumwe yigeze agira ndetse ko n’iyo nzu ubwayo nta rubanza yigeze igira.

    Bahise bamwambika amapingu ndetse bahita bakuraho urugi rwayo n’ibindi bikoresho byose byari mu nzu barabitwara, ubu ngo ntazi irengero ryabyo.

    Nyuma yuko atangiye gusabwa gusohoka mu nzu ye, ni bwo yasubiye kuri RIB kubura dosiye y’ikirego cy’umugabo we wabuze ari na bwo yongeraga kumuca iryera.

    Avuga ko muri uku kumusohora ku gahato, banamukuriyeho urugi ku buryo ubu we n’abana be baba mu nzu irangaye.

    Perezida w’Urugaga rw’Abahesha b’Inkiko mu Rwanda, Me Munyaneza Valerie avuga ko ikibazo cy’uyu mubyeyi batakizi, ndetse ko n’iyi cyamunara itazwi.

    Ati 'Wenda amakosa yakorwa mu kubishyira mu bikorwa ariko nta Muhesha w’Inkiko wajya gusohora umuntu mu nzu nta gipapuro afite kibimwemerera ntabwo bibaho. Gusenya byo ntabwo mbyemera rwose, byo yanabihanirwa.'

    Cyamunara yaturutse ku mwenda wafashwe n’umugabo we

    Umunyamabanga Nshingwabikorwa w’Umurenge wa Kicukiro, Mukandahiro Hidaya yavuze ko cyamunara y’iyi nzu ya Uwimana Catherine, yabayeho kugira ngo hishyurwe umwenda wafashwe n’umugabo we yafashe muri Banki.

    Ati 'Yananiwe kuwishyura kandi iyo nzu ari yo yatanzeho ingwate hanyuma uwayiguze asaba ko urubanza rwe rurangizwa ku bwumvikane ntibyakunda, urubanza ruza kurangizwa.'

    Uyu muyobozi avuga ko ubwo iyi nzu yatezwaga cyamunara, Banki yiyishyuye hakagira andi amafaranga asaguka ahabwa Uwimana Catherine ariko arayanga ahita asubizwa mu isanduku ya Leta.

    Uwimana Catherine we avuga ko ntakibazo na gito azi kuri iyi nzu ndetse ko yifuza ko inzugi zakuweho n’ibikoresho byose byajyanywe abisubizwa.

    Source : http://www.ukwezi.rw/1-1/Amakuru-anyuranye/article/Igisa-na-Filime-i-Kigali-Umugabo-we-umaze-imyaka-11-yaraburiwe-irengero-bahuriye-kuri-RIB-Inzu-ye-yatejwe-cyamunara-atabizi

  • Minisitiri w’Intebe yagaragaye mu Kabyiniro abyinana ingwatira n’umugoba utari uwe #rwanda #RwOT

    Kuri uyu wa Gatanu hasakaye amashusho agaragaza Sanna Marin ari mu kabari kazwi cyane muri Helsinki mu ijoro ari kubyinana n’umugabo utari uwe.

    Aya mashusho yagiye hanze nyuma y’amasaha 36 hasakaye andi yashyizwe kuri Instragram, agaragaza Marin usanzwe ari Minisitiri w’Intebe muto wabayeho mu mateka akiri muto, aririmba anabyina mu birori bizwi nka House Party.

    Muri ibi birosi bisanzwe bitegurwa mu rwego rwo kwinezeza hagati y’abakiri bato bahuje urungano, Minisitiri w’Intebe Marin yari kumwe na bimwe mu byamamare bifite izina rikomeye muri kiriya Gihugu cye.

    Ibi kandi byatumye bamwe bahuza iby’aya mashusho na Politiki, bavuga ko ibi bidakwiye gukorwa n’umuyobozi wo kuri uru rwego.

    Hari na bamwe mu Banya-Finland bakomeje gusaba ko uyu muyobozi ahagarika inshingano ndetse agasuzumwa niba atanywa ibiyubyabwenge dore ko muri amwe mu mashusho yashyizwe hanze, yumvikanamo abatura bagahamagaza ikiyobyabwenge cya Cocaine.

    Uyu muyobozi ukomeye, yagize icyo avuga kuri aya mashusho, avuga ko kuri we yumva ntakidasanzwe yakoze ahubwo ko ikibazo ari uwafashe ariya mashusho akanayashyira hanze.

    Ntahakana ko ugaragara muri ayo mashusho ari we, ahubwo akavuga ko yafashwe ari mu buzima bwe bwite ari kwishimana n’inshuti ze, baririmba banaceza umuziki.

    Yari aherutse kugaragara abyinana n’inshuti ze muri house Party

    Source : http://www.ukwezi.rw/Mu-mahanga/Amakuru-anyuranye/article/Minisitiri-w-Intebe-yagaragaye-mu-Kabyiniro-abyinana-ingwatira-n-umugoba-utari-uwe

  • AS Kigali, APR FC na Espoir FC zatangiye neza shampiyona y'u Rwanda 2022-2023, Sunrise ikizamuka yisasiye Police FC ya Mashami Vincent watoreje muri Sitade Gologota #rwanda #RwOT

    Kuri uyu wa gatanu tariki ya 19 Kanaam 2022 nibwo shampiyona y'u Rwanda y'ikiciro cya mbere yatangiye mu mwaka wayo wa 2022-2023, ni intangiriro yatangiye haboneka intsinzi ku makipe yari yakiriye imikino yayo.

    Duhereye ku mukino wabere kuri Sitade ya Kigali i Nyamirambo, ikipe ya AS Kigali yari yakiriye Etincelles FC y'i Rubavu, abanyamujyi bitwaye neza muri uyu mukino kuko ruthaizamu wayo Hussein Shaban Shalala niwe watsinze ibitego 2 byose byabonetse muri uy mukino.


    Uyu rutahizamu ukomoka i Burundi uheruka no gutsinda ibitego byinshi muri shampiyona iheruka, yari yatsinze ibitego cumi na bitanu wenyine yaraye atsinze ibindi bibiri ku munota wa 32 na 37 w'umukino.


    Undi mukino wabereye kuri iyi Sitade, ni APR FC yahatsindiye ikipe ya Musanze FC ibitego 2-1, ni ibitego byatsinzwe na Mugunga Yves na Bizimana Yannick ku ruhande rw'ikipe y'ingabo z'igihugu na Peter Agbrevor ku ruhande rwa Musanze FC.


    I Nyagatare kuri Sitade Gologota, ikipe ya Sunrise izamutse mu kiciro cya mbere uyu mwaka yahatsindiye ikipe ya Police FC igitego kimwe ku busa cyatsinzwe ku munota wa 3 w'umukino, ni igitego cyatsinzwe na Brian Ssali.

    Ni umukino ku ruhande rwa Police FC utatojwe n'umutoza mukuri mushya wayo, Mashami Vincent, utari watangira akazi mu buryo bwemewe n'amategeko kuko uyu kugabo azatangira gutoza guhera tariki ya 1 Nzeri 2022 kuko amasezerano y'umutoza bari basanganwe Frank Nuttal azaba arangiye.

    i Rusizi mu ntara y'i Burengerezuba, ikipe ya Espoir FC yahatsindiraga ikipe ya Marines FC igitego kimwe ku busa, ni igitego cyatsinzwe n'umunya Nigeria mushya baguze mu ikipe ya Musanze FC, Samson Ikecukwu.


    Usibye iyi mikino yabaye kuri uyu wa Gatanu, shampiyo y'u Rwanda 2022-2023 irakomeza kuri uyu wa gatandatu, kuya 20 Kanama 2022.

    Nyuma y'iyi mikino shampiyona irahita ihagarara kubera ko ikipe y'igihugu yitegura imikino ya CHAN2023 bazahuramo n'ikipe y'igihugu ya Ethiopie bazakina kuya 29 Kanama ku mukino ubanza naho uwo kwishyura uzabe kuya 3 Nzeri 2022
    Uko idi mikino ikinwa kuri uyu munsi:

    15:00 Bugesera FCvs Kiyovu Sports
    15:00 Rwamagana City FC vs Gorilla FC
    15:00 Gasogi United vs Mukura VS
    18:30 Rayon Sports FC vs Rutsiro FC

    The post AS Kigali, APR FC na Espoir FC zatangiye neza shampiyona y'u Rwanda 2022-2023, Sunrise ikizamuka yisasiye Police FC ya Mashami Vincent watoreje muri Sitade Gologota appeared first on RUSHYASHYA.

    Source : https://rushyashya.net/as-kigali-apr-fc-na-espoir-fc-zatangiye-neza-shampiyona-yu-rwanda-2022-2023-sunrise-ikizamuka-yisasiye-police-fc-ya-mashami-vincent-watoreje-muri-sitade-gologota/?utm_source=rss&utm_medium=rss&utm_campaign=as-kigali-apr-fc-na-espoir-fc-zatangiye-neza-shampiyona-yu-rwanda-2022-2023-sunrise-ikizamuka-yisasiye-police-fc-ya-mashami-vincent-watoreje-muri-sitade-gologota

  • Perezida Kagame yazamuye mu ntera Col Nyamvumba Andrew amuha ipeti rya Brigadier General #rwanda #RwOT

    Perezida wa Repubulika akaba n'Umugaba w'Ikirenga w'Ingabo z'u Rwanda yazamuye mu ntera Colonel Andrew Nyamvumba amuha ipeti rya Brig. General.

    Nyamvumba yaherukaga kuzamurwa mu ntera muri Nyakanga 2018, icyo gihe yari avuye ku ipeti rya Lieutenant Colonel. Yahise anahabwa inshingano zo kuyobora Urwego rushinzwe Ubutasi mu Gisirikare ryari risanzwe rizwi nka J2.

    Mbere yo guhabwa izo nshingano, Brig Gen Nyamvumba yakoraga mu Biro by'Umukuru w'Igihugu nk'ushinzwe ishyirwa mu bikorwa rya gahunda.

    Muri 2019, yahinduriwe imirimo, ahabwa kuyobora Ishami rishinzwe Iterambere n'Ubushakashatsi mu Gisirikare cy'u Rwanda. Kuva muri Kamena 2021, yari Umuyobozi ushinzwe ibikorwa n'amahugurwa mu Gisirikare cy'u Rwanda.

    Source : https://umuryango.rw/amakuru/mu-rwanda/umutekano/article/perezida-kagame-yazamuye-mu-ntera-col-nyamvumba-andrew-amuha-ipeti-rya

  • APR FC yikuye mu nzara za Musanze FC bigoranye,Police FC itsindirwa I Gologota #rwanda #RwOT

    Bigoranye cyane,ikipe ya APR FC yatsinze Musanze FC ibitego 2-1 ibona amanota 3 y'umunsi wa mbere wa shampiyona,mu gihe Police FC yatangiye nabi cyane itsindirwa I Nyagatare na Sunrise FC igitego 1-0.

    APR FC yatwaye ibikombe 3 bya shampiyona biheruka,yatangiye umunsi wa mbere ihura na musanze FC yayitsinze igitego 1-0 mu mukino wa shampiyona baheruka guhura.

    Iyi Musanze FC yatangiye ikanga APR FC kuko yafunguye amazamu ku munota wa 39 ku gitego cyatsinzwe na Peter agbrevor ku ishoti rikomeye yatereye inyuma y'urubuga rw'amahina.

    APR FC yanze kurangiza igice cya mbere irimo umwenda,yishyura iki gitego ku munota wa 45 gitsinzwe na Mugunga Yves.

    Igice cya kabiri cyagoye cyane amakipe yombi ariko APR FC yari yakiriye umukino isatira Musanze FC yashakaga inota rimwe birangira iyitsinze igitego cyayishenguye ku munota wa 2 mu yo bari bangeye kuri 90 y'inyongera,gitsinzwe na Yannick Bizimana.APR FC yatangiranye amanota 3.

    Mu yindi mikino yabaye,AS Kigali ihabwa amahirwe menshi yo gutwara igikombe cy'uyu mwaka kubera ukuntu yiyubatse biteye ubwoba,yatsinze Etincelles FC ibitego 2-0 byose byatsinzwe na Shabani Hussein uzwi nka Tshabalala byose mu gice cya mbere.

    Police FC niyo yagayitse cyane ku munsi wa mbere,kuko i Nyagatare yahatsindiwe na Sunrise FC izamutse vuba igitego 1-0 cyatsinzwe na Brian Ssali ku munota wa 5 w'umukino.

    Uko indi mikino yagenze:

    Sunrise 1-0 Police FC
    ESPOIR FC 1-0 Marines FC

    Imikino iteganyijwe kuri uyu wa Gatandatu tariki ya 20 Kanama 2022

    Rwamagana City vs Gorilla FC
    Rayon Sports vs Rutsiro
    Gasogi United vs Mukura VS
    Bugesera FC vs Kiyovu Sports

    Source : https://umuryango.rw/imyidagaduro/imikino/article/apr-fc-yikuye-mu-nzara-za-musanze-fc-bigoranye-police-fc-itsindirwa-i-gologota

  • 101 barangije muri Kepler bahawe impamyabumenyi zo muri Amerika #Rwanda #RwOT via @kigalitoday #rwanda #RwOT

    Ikigo Kepler cyigishiriza mu Rwanda amasomo ya Kaminuza ya Southern New Hampshire University SNHU (USA), cyatanze impamyabumenyi z’icyiciro cya kabiri cya (…)

    Source : https://www.kigalitoday.com/uburezi/amashuri/article/101-barangije-muri-kepler-bahawe-impamyabumenyi-zo-muri-amerika