Author: webrwanda

  • Urugomero rwa Rusumo rugeze kuri 95% – #rwanda #RwOT

    Ibi byatangajwe kuri uyu wa Gatatu tariki ya 20 Kanama 2022 ubwo abaminisitiri b'ibihugu bitatu bihururira ku rugomero rwa Rusumo barusuraga bagamije kureba aho imirimo yo kurwubaka igeze.

    Mu bice basuye harimo ibice by'uru rugomero byubatswe ku ruhande rw'u Rwanda mu Murenge wa Nyamugari mu Karere ka Kirehe ndetse n'ibikorwa byubatse mu Karere ka Ngara ku ruhande rwa Tanzania.

    Mu basuye uru rugomero harimo Minisitiri w'Ibikorwaremezo mu Rwanda, Dr, Erneste Nsabimana; Minisitiri w'Ingufu mu Burundi, Ibrahim Uwizeye ndetse na Minisitiri w'Ingufu muri Tanzania, Makamba Yusuf.

    Urugomero rwa Rusumo ni rumwe mu zitezweho gutanga umuriro w'amashanyarazi mwinshi ungana na Megawati 80, buri gihugu kizahabwa Megawati 26,6 zizacanira abaturage miliyoni imwe n'ibihumbi 146 barimo Abarundi ibihumbi 520, Abanyarwanda ibihumbi 467 n'Abanya-Tanzania ibihumbi 159.

    Kuri ubu aba bayobozi basanze imirimo yo kubaka uru rugomero rwa Rusumo igeze kuri 95% mu gihe imirimo yo kubaka amapoto no gushyiraho insinga n'ahazakirirwa uyu muriro igeze kuri 97%.

    Minisitiri w'Ingufu mu Burundi, Ibrahim Uwizeye, yabwiye itangazamakuru ko kuri ubu bahumuriza abaturage bazagerwaho n'aya mashanyarazi ko noneho imirimo igeze kure ngo nubwo yatinzeho gato.

    Ati ' Muri rusange navuga ko ibikorwa bigeze kuri 95% twabwiye abari kubikurikirana ko bongera imbaraga kugira ngo umuriro uboneke vuba.'

    Minisitiri w'Ibikorwaremezo mu Rwanda, Dr Erneste Nsabimana, yavuze ko abubaka bagiye bahura n'ingorane zitandukanye zirimo Covid-19 zatumye ibikorwa byo kubaka bidindira gusa ngo kuri ubu ibikorwa byo kubaka biri kwihuta cyane aho ngo hari ibikorwa byagombaga gukorwa byarangiye ibindi byo ngo bikaba nabyo byenda kurangira.

    Ati 'Ubu turizera ko umushinga ugizwe n'ibice bitatu bitanga amashanyarazi, hari igice kimwe kiri imbere y'ibindi twizera ko mu Ugushyingo kizaba cyatangiye gutanga amashanyarazi, mu Ukuboza ikindi nacyo kizaba cyatangiye gutanga amashanyarazi mu gihe icya gatatu nacyo kizatangira kuyatanga muri Mutarama umwaka utaha.'

    Dr Nsabimana yijeje abaturage ko muri Gashyantare umwaka utaha abaturage bo muri ibi bihugu bitatu bazaba bakoresha amashanyarazi aturuka kuri uru rugomero.

    Kuri ubu u Rwanda rugeze kuri 72% rugeza amashanyarazi ku baturage barwo mu gihe rwihaye intego y'uko mu 2024 abaturage bose bazaba bagerwaho n'amashanyarazi 100%. Minisitiri Nsabimana yavuze ko Megawati 27 zizaturuka muri uru rugomero ari inyongera nziza mu gufasha igihugu kugera ku ntego kihaye.

    Mu bihugu bitatu bihuriye ku rugomero rwa Rusumo hubatswe ibikorwaremezo bitandukanye bifite agaciro ka miliyoni 15,5 z'amadolari bigamije gufasha abaturage batuye mu turere twegereye uru rugomero.

    Mu bikorwaremezo byubatswe harimo amavuriro, kubaka imiyoboro y'amazi, kuvugurura imihanda mu turere twa Kirehe na Ngoma ku ruhanda rw'u Rwanda.

    Ku ruhande rw'u Burundi mu turere twa Giteranyi na Busoni haguwe imiyoboro y'amazi, hubakwa ikigo cy'urubyiruko ndetse hanongerwa umusaruro w'ibihingwa birimo imyumbati, ibigori n'ibishyimbo.

    Ku ruhande rwa Tanzania mu Karere ka Ngara hakozwe ibikorwa byo kongera umusaruro w'ibikomoka ku bworozi nk'amata, ubuki n'ibindi. Hanatunganyijwe imiyoboro y'amazi mu bice bine by'icyaro.

    Uru rugomero byitezwe ko ruzajya rutanga Megawati 80

    Abaminisitiri basobanuriwe ko imirimo igeze kuri 95%

    Minisitiri w’Ibikorwaremezo mu Rwanda, Dr Erneste Nsabimana, yavuze ko uyu mwaka uzarangira hakozwe igerageza rya mbere

    Abaminisitiri bashinzwe ingufu mu bihugu by’u Rwanda,u Burundi na Tanzania bahuriye i Rusumo kugira ngo barebe aho uyu mushinga ugeze


    Source : http://igihe.com/amakuru/u-rwanda/article/hamenyekanye-igihe-urugomero-rwa-rusumo-ruzatangirira-gutanga-amashanyarazi

  • Rutsiro: Inkuba yishe umuturage umwe undi arakomereka – #rwanda #RwOT

    Iki kibazo cyabaye saa tanu z'amanywa kuri uyu wa Gatandatu tariki 20 Kanama 2022, mu Kagari ka Buhindure, Umudugudu wa Gacaca.

    Umunyamabanga Nshingwabikorwa w'agateganyo w'Umurenge wa Kigeyo, Nikuze Aimée, yabwiye IGIHE ko muri uyu murenge imvura yazindukiye ku muryango, inkuba yakubise ikaba yahitanye Ntawukirasongwa Thérèse w'imyaka 42.

    Ati 'Muri kano gace imvura yiriwe igwa inkuba yakubise muri iyo mvura ikubitira Ntawukirasongwa mu murima ahita apfa, umukobwa bahinganaga yakomeretse byorohereje yajyanywe kuvurirwa kuri Poste de Santé”.

    Yasabye abaturage ko mu gihe cy'imvura irimo inkuba bajya birinda kugama munsi y'ibiti ariko avuga ko akurikije uko mbere inkuba zicaga abantu benshi muri aka karere, ubu asanga iki kibazo cyaragabanutse.

    Ku itariki ya 7 Kanama 2021, muri aka Karere mu Murenge wa Mushonyi, inkuba yakubise umugore n'umugabo baryamye bombi barapfa.

    Ntawukirasongwa Thérèse yasize umugabo n'abana batatu.


    Source : http://igihe.com/amakuru/u-rwanda/article/rutsiro-inkuba-yishe-umuturage-umwe-undi-arakomereka

  • Yari aberewe cyane mu note ya bitanu: Ibying… – #rwanda #RwOT

    Ibirori bya Bianca Fashion Hub byabereye muri Camp Kigali ku mugoroba w’uyu wa Gatandatu tariki 20 Kanama 2022 byabereyemo udushya tunyuranye. Agashya tugiye kwibandaho ni ak’umukobwa waserutse yambaye ikanzu iri mu ishusho y’inote ya bitanu y’amanyarwanda.

    Ubwo ibirori bya Bianca Fashion Hub byabaga bwa mbere umwaka ushize kuri Onomo Hotel, mu banyamideli babyitabiriye banahabwaga amahirwe yo kweguka ibihembo harimo Tanichou. Icyo gihe yari yambaye umwambaro wagaragariraga buri wese usa n’uw'umuco uri mu ibara ry'ibendera ry'Igihugu cy'u Rwanda.

    Kuri iyi nshuro uyu mukobwa yongeye guseruka yambaye ikanzu yo mu gitambaro gisa n'inoti ya bitanu y’amafaranga y’u Rwanda. Mu kiganiro gito yagiranye na nyaRwanda.com, uyu mukobwa yagize ati: 'Bitewe n’uko muri BFH badusaba kwambara ibintu byihariye ni yo mpamvu nahisemo kwambara gutya kuko nabonaga ari wo mwabaro nkwiye guserukana.'

    Tanichou yatangaje ko mu buzima bwe yifuza kuzavamo umuhangamideli agashinga inzu ye y'imideli inareberera inyungu z'abandi banyamideli. Yinjiye mu kumurika imideli ari mu mashuri abanza, ageze mu yisumbuye atangira kwambika n'abandi mu birori binyuranye byabaga byateguwe mu kigo.

    Uyu munyamideli Tanichou14 yize Ubavanganzo (Literature) mu mashuri yisumbuye, muri Kaminuza yasoreje muri Davis College Akilah Campus mu ishami ry'Ubukerarugendo no Kwakira Abantu (Hospitality Management and Tourism).

    Tanichou yavukiye mu mujyi wa Kigali mu gace ka Nyamirambo ari na ho atuye kugeza ubu. Avuka mu muryango w'abana bane barimo abahungu 2 n'abakobwa 2 akaba ari uwa gatatu.

    Yaserukanye ikanzu isa n’inoti ya bitanu

    Yifuza kugera kure mu ruganda rw’imideli

    Ubushize yari yaserutse yambaye umwambaro usa n’ibendera ry’igihuguIfoto y’urwibutso ya Bianca na Tanichou 14

    Source : https://inyarwanda.com/inkuru/120180/yabanje-ibendera-ryigihugu-none-ni-mu-note-ya-bitanu-ibyingenzi-kuri-tanichou14-waserukany-120180.html

  • Abarimo Miss Maolithia na Nkusi Arthur bahage… – #rwanda #RwOT

    Kuri uyu wa 20 Kanama 2022 muri Camp Kigali hatangiye ibirori by'imideli bya Bianca Fashion Hub byari bimaze iminsi bitegerejwe na benshi. Aba mbere batangiye kuhagera ndetse urabona ko bari bamaze iminsi bategura imyambaro bazambara kuri uyu munsi. Umwe muri aba banyabirori babucyereye harimo umunyamakuru wa Isibo Tv Mbarubukeye Etienne Peacemaker uzwi nka Pundit.

    Mu kiganiro gito Peacemaker yagiranye n'inyaRwanda.com yagize ati: 'Umwaka wari ushize nitegura kuzitabira ibi birori, nagiye nganira n’inzu y'imideli inyambika ya Urugero Fashion tuganira ku buryo bazanyambika kuri uyu munsi nanjye nkahacana umucyo. Ikiyongeye kuri ibyo mfite icyizere cy’uko ijisho rya Hamisa Mobeto riza kundambagiza.'

    Mu bandi bamaze kuhagera harimo Arthur Nkusi wananyuze ku itapi y'umutuku. Si abanyarwanda bonyine bitabiriye ibi birori ahubwo harimo n'abazungu. Abakobwa babarizwa mu ikompanyi ya Protocol izwi nka Kigali Protocal imaze kuba ubukombe ni bo bari kwakira abitabiriye ibi birori. Aba bakobwa bambaye amakanzu meza bamwe yo mu ibara ry'iroze abandi mu ry'umuhondo n'inkweto ndende.

    Ibi birori iby'imideli byateguwe n’umunyamakuru Bianca ku bufatanye bw'umuhangamideli Abryanz n’umuhanzikazi n'umunyamideli Hamisa Mobeto. Biraza guhemberwamo abaserutse neza kurusha abandi ariko hateganijwe n'ibikorwa by'umuziki harimo igice cyo guha icyubahiro Yvan Buravan.

    Ibi birori biraza gususurutswa n'abahanzi barimo Chris Eazy, Bwiza, Symphony Band na Eddy Kenzo wazanye itsinda ry'abaririmbyi n'abacuranzi bagera kuri 25 bo kumufasha gususurutsa abanyabirori bitabira Bianca Fashion Hub.

    Ubwo abakobwa barimo Igisonga cya mbere cya Miss Rwanda 2022, Keza Maolithia bahageragaMbarubukeye Peacemaker ari mu bitabiriye ibirori by’imideli, ni umwe mu basesenguzi bahagaze ne

    Umunyamakuru, umushyushyarugamba na rwiyemezamirimo Nkusi Artur ni umwe mu bitabiriye Bianca Fashion HubAbahageze bamaze gufata ibyicaro 

    Abakobwa bo muri Kigali Protocal ni bo bari kwakira abitabiriye ibirori bya Bianca Fashion 

    AMAFOTO: SANGWA Julien-INYARWANDA.COM

     

    Source : https://inyarwanda.com/inkuru/120179/abarimo-miss-maolithia-na-nkusi-arthur-bahageze-uko-byifashe-mu-birori-byakataraboneka-byi-120179.html

  • Bigoranye Rayon Sports yikuye imbere ya Rutsiro, Kiyovu Sports itanga isomo rya ruhago #rwanda #RwOT

    Shampiyona yari yakomeje hakinwa imikino 4 y’umunsi wa mbere yari isigaye, byasabye umunota wa 90 kugira ngo Rayon Sports ibone igitego cy’intsinzi imbere ya Rutsiro FC.

    Ku munsi w’ejo APR FC yari yatsinze Musanze FC 2-1, AS Kigali itsinda Etincelles 2-0, Sunrise FC itsinda Police FC 1-0 na Espoir FC itsinda Marines FC 1-0.

    Uyu munsi shampiyona ya 2022-23 yari yakomeje hakinwa imikino y’umunsi wa 1 yari isigaye.

    I Ngoma Rwamagana City yazamutse mu cyiciro cya mbere uyu mwaka yari yakiriye Gorilla FC. Gorilla FC yaje kubyitwaramo neza itsinda uyu mukino igitego 1-0 cya Victor Murdah.

    Kuri Stade ya Kigali, Gasogi United yari yakiriye Mukura VS yari ifite abakinnyi 13 gusa kuko itigeze ijya ku isoko bitewe n’uko iri mu bihano y’imyaka 2 byo kutagura abakinnyi.

    Gasogi United byaje kuyisaba iminota 87 kugira ngo Eloundou Ngono ayitsindire igitego cya mbere ari nacyo rukumbi cyabonetse muri uyu mukino.

    Nyuma y’uyu mukino hahise hakurikiraho uwo Rayon Sports yakiriyemo Rutsiro FC saa 18h30′.

    Benshi baketse ko uyu mukino uri buze korohera Rayon Sports cyane ko Mbirizi Eric yari yafunguye amazamu ku munota wa 26.

    Rayon Sports yagerageje andi mahirwe atandukanye ariko bajya kuruhuka ari 1-0.

    Amakipe yombi wabonaga akina umupira w’imbaraga, byaje gutuma Rutsiro yishyura iki gitego ku munota wa 54 gitsinzwe na Mumbere.

    Rayon Sports yakomeje kuyishyiraho igitutu ariko ikomeza kwihagararaho, akagozi ka yo kaje gucika ku munota wa 87 ubwo Mucyo Junior Didier yayitsindiraga igitego cya kabiri. Umukino warangiye ari 2-1.

    Mbirizi watsinze igitego cya mbere

    Yishimira igitego cye

    Byari ibyishimo ku bakinnyi ba Rayon Sports

    Mu Bugesera, Bugesera FC yari imbere y’abafana ba yo, Kiyovu Sports yayihahereye isomo rya ruhago iyitsinda ibitego 3-1.

    Mugenzi Bienvenue ku munota wa 9, Hakizimana Felicien ku munota wa 34 na Mutyaba Muzamiru ku munota wa 72 ni bo batsindiye Kiyovu Sports ni mu gihe igitego cy’impozamarira cya Bugesera FC cyatsinzwe na Théophile Nyandwi ku munota wa 55.

    Bugesera FC ntiyorohewe n’umukino

    Hakizimana Felicien yatsindiye Kiyovu Sports igitego cye cya mbere

    Kiyovu Sports yishimira intsinzi

    Source : http://isimbi.rw/siporo/article/bigoranye-rayon-sports-yikuye-imbere-ya-rutsiro-kiyovu-sports-itanga-isomo-rya-ruhago

  • Rayon Sports itsinze Rutsiro FC ku munota wa nyuma #Rwanda #RwOT via @kigalitoday #rwanda #RwOT

    Ikipe ya Rayon Sports kuri uyu wa Gatandatu, niyo yasoje umunsi wa mbere wa shampiyona y’icyiciro cya mbere mu Rwanda 2022-2023, yakira Rutsiro FC kuri (…)

    Source : https://www.kigalitoday.com/imikino-11/football/article/rayon-sports-itsinze-rutsiro-fc-ku-munota-wa-nyuma

  • Perezida Kagame yakiriye intumwa ya mugenzi we wa Comores – #rwanda #RwOT

    Azali Assoumani ni Perezida wa Comores guhera muri Mata 2019. Yabaye Perezida kandi hagati ya 2002 na 2006 ndetse no mu 2016 kugeza mu 2019 ubwo yongeraga gutorwa. Yabaye Perezida bwa mbere mu 1999 ubwo yahirikaga ubutegetsi nyuma aza gutorwa mu 2002, 2016 na 2019.

    Ntabwo ibiro by'Umukuru w'Igihugu byigeze bitangaza ibyari bikubiye mu biganiro byabaye hagati y'impande zombi. Minisitiri w'Ububanyi n'Amahanga w'u Rwanda, Dr Vincent Biruta, yari yitabiriye ibyo biganiro.

    Houmed asanzwe ari Minisitiri w'Ubuhinzi, Uburobyi, Ubukorikori n'Ubukerarugendo. Ni nawe muvugizi wa Guverinoma ya Comores.

    Mu butumwa yashyize kuri Twitter, yatangaje ko ibiganiro yagiranye na Perezida Kagame bigamije inyungu ku mpande zombi.

    Ibi biganiro byitabiriwe na Minisitiri w’Ububanyi n’Amahanga w’u Rwanda, Dr Vincent Biruta

    Perezida Kagame yagiranye ibiganiro na Houmed Msaidie, intumwa yihariye ya Perezida wa Comores


    Source : http://igihe.com/amakuru/u-rwanda/article/perezida-kagame-yakiriye-intumwa-ya-mugenzi-we-wa-comores

  • DRC: Hifashishijwe ibisasu biremereye mu mirwano ikomeye hagati ya M23 na FARDC #rwanda #RwOT

    Ibinyamakuru bitandukanye byo muri Congo bivuga ko abagenzi bagenda n'amaguru, imodoka zitwara abagenzi n'imizigo ndetse na za motto bidashobora gucya muri uwo muhanda kubera ko imiryano yakajije umurego.

    Ibi bisasu ngo biri kuraswa na M23 biturutse ku birindiro byayo biherereye ku musozi wa Shwema na Mukarange mu gihe ingabo za FARDC zifite ibirindiro mu gace ka Bukengeri kegereye umuhanda wa Rangira nazo ziri gusubiza zirasa ibindi bisasu, byatumye uyu muhanda kugeza ubu utakiri nyabagendwa.

    Aya makuru akomeza avuga ko ubu impande zombi M23 na FARDC ziri kurasanira mu ntera ndende aho buri ruhande ruri mu birindiro byarwo.

    imirwano Hagati ya M23 na FARDC yongeye kubura kuwa 17 kanama 2022 ubwo ingabo za FARDC zateraga ibirindiro bya M23 biherereye mu gace ka Bweza gurupoma ya Tanda ariko abaryanyi ba M23 babasha kukisubiza nyuma.

    ubu imirwano hagati ya M23 na FARDC irakomeje mu duce dutandukanye tugize teritwari ya Rushuru ndetse ikaba imaze gutuma abarenga 1000 batuye mu gace ka Rangira na Rwankuba muri gurupoma ya Jomba Teritware ya Rutshuru bata ingo zabo bahunga berekeza mu gace ka Matebe abandi bahunga berekeza i Kiwanja.

    Source : https://umuryango.rw/amakuru/article/drc-hifashishijwe-ibisasu-biremereye-hagati-ya-m23-na-fardc-mu-mirwano-ikomeye

  • Menya uko washyira amafaranga ku Ikarita ya BK Arena #Rwanda #RwOT via @kigalitoday #rwanda #RwOT

    Nyuma y’aho Banki ya Kigali (BK Plc) igaragarije Ikarita yitwa BK Arena Card, ihesha uyiguze amahirwe menshi arimo no kwitabira imikino n’imyidagaduro muri (…)

    Source : https://www.kigalitoday.com/amakuru/amakuru-mu-rwanda/article/menya-uko-washyira-amafaranga-ku-ikarita-ya-bk-arena

  • Umuyobozi mukuru w'ikigo cy'indege cya Uganda yatawe muri yombi #rwanda #RwOT

    Bamuturaki yafunganywe n'umuyobozi ushinzwe ibijyanye na 'engineering' muri iki kigo, Ephraim Kalyebara Bagenda bitegetswe n'Umuyobozi wa Komisiyo, Joel Ssenyonyi.

    Bamuturaki na Bagendamu byo bashinjwa harimo gutanga akazi kuri kompanyi yitwa Abbavater Group Limited, ko kwamamaza iyi sosiyete y'indege mu gihugu imbere no hanze yacyo nyuma yo kongera kuvugururwa ku giciro cya 540.000$ bitanyuze mu masoko nk'uko byagenwe.

    Ssenyonyi yategetse aba bombi gusobanura uruhare rwabo muri ibyo bikorwa ariko bavuga ko batabyibuka babwira Komisiyo ko yabaza urwego rushinzwe iby'amasoko muri Uganda Airlines rutari ruhagarariwe ubwo bahatwaga ibibazo.

    Bamuturaki na Bagenda hamwe n'abandi bayobozi bakuru ba Uganda Airlines bitabye komisiyo inshuro eshatu ngo basubize ibibazo bitandukanye bifitanye isano n'ibibazo byagaragaye muri raporo y'Umugenzuzi w'Imari y'umwaka wa 2020/2021 birimo iby'imiyoborere, ihinduka ry'imishahara y'abakozi, amasoko atemewe n'amategeko, imicungire y'amadosiye n'ibindi.

    Ubwo yabazwaga ibyangombwa byerekana ko yarangije amasomo muri kaminuza ya Makerere, yasubije ko atigeze ajya kubifata nyuma y'imyaka 28 ishize.Yananiwe no kugaragaza icyemezo cy'uko yarangije amashuri yisumbuye nk'uko The Observer cyabitangaje.

    Abajijwe uburyo yagiye ahabwa akazi mu nzego zo kwakira abantu n'izo gutwara abantu mu ndege nta byangombwa bya nyabyo afite, yavuze ko yagiye agira amahirwe yo guhabwa akazi kose yasabye.

    Mu bigo yakoreye harimo Sheraton Hotel, East African Airlines na Air Uganda mu myanya itandukanye.

    Ikindi kintu gikomeye kuri Bamuturaki byagaragaye ko yahinduye amazina mu gikorwa cy'ikusanyamakuru cyo mu 2019 cyakozwe n'urwego rushinzwe ibyo kwandika abantu muri Uganda.

    Source : https://umuryango.rw/amakuru/article/umuyobozi-mukuru-w-ikigo-cy-indege-cya-uganda-yatawe-muri-yombi