Author: webrwanda

  • Gisagara: Abarenga 60 barembeye mu bitaro nyuma yo kunywa ikigage gihumanye – #rwanda #RwOT

    Ibyo biriro byo gukomezwa kw'abana byabereye mu rugo rwo mu Kagari ka Bweya mu Murenge wa Ndora, ku Cyumweru tariki ya 21 Kanama 2022.

    Kuri ubu barembaye mu bitaro bya Kibirizi, bafite ibimenyetso birimo kuribwa mu nda n'umutwe, kuruka, guhitwa no kwituma amaraso.

    Umukecuru wo muri urwo rugo yavuze ko bashigishe ikigage ariko bakeka ko hari umuntu waba yarashyizemo ibintu bihumanya.

    Yavuze ko abaturanyi bazindutse baza iwe gusogongera ikigage n'urwagwa bakomeza kukinywa kugeza nimugoroba ubwo batangiraga kuribwa mu nda.

    Ati 'Bigeze ku mugoroba abana batangira kubabara mu nda, numva ngo n'abandi bantu bari ku muhanda batangiye kuruka.'

    Ahagana saa Sita z'Ijoro nibwo bajyanywe kwa muganga kuko bari barembye.

    Barimo abana be, abakazana, abuzukuru, abana b'abaturanyi, inshuti n'abaturanyi.

    Umuyobozi w'Akarere ka Gisagara Wungirije Ushinzwe Iterambere ry'Imibereho Myiza y'Abaturage, Dusabe Denise, yabwiye IGIHE ko kugeza ubu mu bitaro hamaze kugezwa abantu 68.

    Ati 'Ubu mu bitaro harimo 68 bari kwitabwaho n'abaganga. Hari bane barembye cyane.'

    Yahumurije abaturage avuga ko barakomeza kwitabwaho n'abaganga kandi ubuyobozi buri kubafasha kubona ubundi bufasha burimo ibiribwa n'ibindi bakeneye.

    Yabasabye kujya bagira isuku muri byose kandi igihe bateguye ibirori bakajya bitwararika kurushaho.

    Kugeza ubu bamwe mu bajyanywe mu bitaro babuze ibitanda baryamaho kubera ubwinshi bwabo kuko ku gitanda kimwe haryamyeho abarwayi babiri abandi bakaba baryamye hasi.

    Bamwe muri bo bagowe mo kwivuza kuko batatanze umusanzu w'ubwisungane mu kwivuza.

    Bose uko ari 68 barwariye mu Bitaro bya Kibirizi

    [email protected]


    Source : http://igihe.com/amakuru/u-rwanda/article/gisagara-abarenga-60-barembeye-mu-bitaro-nyuma-yo-kunywa-ikigage-gihumanye

  • Umujyi wa Kigali ugiye gufasha abaturage bashaka kwiyubakira imihanda – #rwanda #RwOT

    Hashize igihe abaturage bo mu bice bitandukanye by'Umujyi wa Kigali bishakamo ubushobozi bakubaka imihanda ariko ntirambe kubera ubushobozi buke yaba ubwa tekiniki cyangwa amafaranga, bagasubira kugendera mu gitaka.

    Umujyi wa Kigali watangaje ko hari umushinga urimo gutegura mu mezi abiri ari imbere, aho uteganya gufatanya n'abaturage kwiyubakira imihanda.

    Umuyobozi Mukuru ushinzwe Ibikorwa remezo mu Mujyi wa Kigali, Asaba Katabarwa Emmanuel, yabwiye IGIHE ko umujyi wiyemeje kugira uruhare mu bwitange bw'abaturage kugira ngo imihanda yubakwe neza ifite n'ubwiza buyibashisha kuramba.

    Katabarwa avuga ko izaba ari imihanda y'Umujyi wa Kigali ku buryo ikibazo cyabaho nyuma yo kuyubaka, umujyi ugomba kujya kuyisana.

    Ati 'Ni imihanda duteganya ko izaba igizwe n'inzira y'umuhanda usanzwe, ukagira inzira z'amazi, inzira z'abanyamaguru, amatara, ibyapa n'imirongo yabugenewe ku buryo aba ari umuhanda uri ku kigero cyo hejuru, kandi byose bigakorwa muri ya mikoro y'umuturage bitagiye kuba byamuremerera'.

    Yakomeje avuga ko uyu mushinga uri mu ngengo y'imari y'uyu mwaka, aho Umujyi wa Kigali ku bufatanye n'abaturage uteganya kubaka ibirometero bisaga 20.

    Ati 'Turateganya gushyiramo 50% y'ay'abaturage batanze. Abafite ubushake bwo gufatanya n'Umujyi wa Kigali twabakangurira y'uko batugana tukabaha amakuru ku bisabwa noneho bagatangira kwitegura kugira ngo mu mezi abiri ari imbere tuzatangirane nabo kubafasha kubaka imihanda yabo'.

    Mu ngengo y'imari y'uyu mwaka kandi Umujyi wa Kigali urateganya kubaka ibilometero 70 by'imihanda ku buryo uteganya kwimura abaturage bagera mu bihumbi hafi bibiri.

    Hari kwimura ahazubakwa amasangano yo mu Kabuga ka Nyarutarama n'imihanda ishamikiyeho, umuhanda wa Mulindi-Gasogi-Rusororo-Kabuga, Busanza-Muyange, Sonatubes-Sahara-Kabeza, Migina-Controle Technique, Nyabisindu unyura ku ivuriro rya Baho-RDB.

    Hari imihanda yo mu mudugudu wa Rwinyana (kwa Gaposho), uva Miduha-Mageragere.

    Umujyi wa Kigali ku bufatanye n'abaturage uteganya kubaka ibirometero bisaga 20


    Source : http://igihe.com/amakuru/u-rwanda/article/umujyi-wa-kigali-ugiye-gufasha-abaturage-bashaka-kwiyubakira-imihanda

  • Casemiro yasubije abamushinje kwerekeza muri United akurikiye amafaranga #rwanda #RwOT

    Umunya Brazil,Casemiro yavuze ko kwerekeza muri Manchester United bitatewe n'amafaranga yahawe akamuhuma amaso.

    Ibi yabitangaje kuri uyu wa mbere ubwo yasezeraga ku mugaragaro ikipe ya Real Madrid yakiniye mu myaka isaga 9 ishize.

    Uyu mukinnyi w'imyaka 30, yatangaje ko yerekeje mu “ikipe ikomeye ku isi”ndetse agiye gukomeza gutwara ibikombe.

    United yemeye kwishyura agera kuri miliyoni 70 z'ama pound kuri Casemiro mu masezerano y'imyaka ine azatuma aba umwe mu binjiza amafaranga menshi muri iyi kipe ikomeye mu Bwongereza.

    Yagize ati: “Iyo biza kuba ari amafaranga nari kuba naragiye mu myaka ine cyangwa itanu ishize.

    Abantu batekereza gutyo baribeshya, ntibanzi na gato.Ikipe yamfashe neza cyane. Ni icyemezo cyanjye,n'inzira yanjye.”

    Nyuma yo kwinjira muri Real Madrid avuye muri Sao Paulo mu mwaka wa 2013, Casemiro yafashije Real Madrid gutwara UEFA Champions League inshuro eshanu, kongeraho La Liga inshuro eshatu na Cope del Rey imwe.

    Mu gusezera,Casemiro yavuze ko azakomeza kwishimira igitego cyose Manchester United itsinze ndetse n'ibikombe itwaye kuko ari ikipe y'ubuzima bwe.

    Source : https://umuryango.rw/imyidagaduro/imikino/article/casemiro-yasubije-abamushinje-kwerekeza-muri-united-akurikiye-amafaranga

  • Ibitaro bya Byumba bifite igihombo cya miliyoni 16Frw z'abivuza bagatoroka – #rwanda #RwOT

    Mu mwaka wa 2018/2019 ibi bitaro byambuwe agera kuri Miliyoni 7Frw, mu 2019/2020 byamburwa asaga miliyoni 5Frw naho mu 2020/2021 byamburwa miliyoni 4Frw.

    Ni igihombo kibangamiye imikorere y'ibitaro bya Byumba, kuko abarwayi baba bahawe imiti, serivisi n'ibindi, iyo bagiye batabyishyuye bituma ibitaro bigorwa no kurangura imiti yo gufasha abandi barwayi.

    Binabangamira izindi nshingano ibitaro bifite nko kwishyura amafaranga y'amashanyarazi, kugura umwuka wa oxygène w'abarwayi, gukoresha imbangukiratabara n' ibindi bikenerwa ku bitaro bya Byumba.

    Umuyobozi ushinzwe imari n'umutungo mu bitaro bya Byumba, Gatsinzi Jean Marie Vianney, yabwiye IGIHE ko iki kibazo cy'abajya kwaka serivisi kwa muganga bakagenda batishyuye kigomba guhagurukirwa n'inzego zose kugira ngo ibitaro bidakomeza guhura n'igihombo.

    Avuga ko iyo umuturage atishyuye bigira ingaruka ku bitaro kuko imiti bikoresha nabyo biyishyura.

    Ati 'Ibyo dukenera natwe bidusaba gutanga amafaranga, nko kugura imiti iba yabagenzeho no kwishyura umwuka w'abarwayi wa oxygène'.

    Umuyobozi w'Akarere ka Gicumbi, Nzabonimpa Emmanuel avuga ko ikibazo cy'abaturage bambura ibitaro ugisanga kenshi kuri bamwe bakigenda biguruntege mu kwishyura ubwisungane mu kwivuza, bityo ko hagikenewe ubukangurambaga no gufatanya kwishyuza abambuye ibitaro.

    Asaba abaturage kurushaho kwishyura ubwisungane mu kwivuza, ababona badafite ubushobozi bwo kwishyura ibitaro bakajya baniyambaza ubuyobozi bukabafasha kuko hari ingengo y'imari yateganyirijwe gufasha abatishoboye, aho guhombya ibitaro.

    Meya Nzabonimpa asaba inzego zose gufatanya mu gushaka amakuru y'abambuye ahatangirwa serivisi z'ubuzima muri aka kerere n'aho babarizwa bakajjya kubishyuza.

    Asoza asaba inzego zose gufatanya kwishyuza amafanga abaturage bambuye ibitaro aho gukomeza kubishora mu gihombo.

    Umuturage wivuriza ku bitaro bya Byumba, Ngendahayo, yagaye bagenzi be bitabaza abaganga ngo babafashe gusubira mu buzima busanzwe ariko bamara guhabwa serivisi bakagenda batishyuye kandi hari na bagenzi babo baba bazajya kwivuza mu yindi minsi.

    Ati 'Bajye bazirikana ko uko bivuza bakishyura amafaranga bifasha n'abandi kuza kwivuza bakabona imiti'.

    Imibare igaragaza ko 98% y'abaturage bambuye ibitaro ari abadafite ubwisungane mu kwivuza naho 2% usanga bafite ubwisungane ariko bakaburaho make mu yo bishyura bakagenda bavuga ko bazagaruka kuyatanga ntibagaruke.

    Ibitaro bya Byumba bifite igihombo cya miliyoni 16Frw z'abivuza bagatoroka batishyuye

    Gatsinzi ushinzwe imari n’umutungo mu bitaro bya Byumba yavuze ko abatoroka batishyuye batuma ibitaro bigorwa no kugura imiti


    Source : http://igihe.com/amakuru/u-rwanda/article/ibitaro-bya-byumba-bifite-igihombo-cya-miliyoni-16frw-z-abivuza-bagatoroka

  • Umukobwa wambaye ikanzu ikoze mu note ya Bitanu muri Bianca Fashion Hub yavuze uko yabitekereje #rwanda #RwOT

    Ikanzu Gisele yaseruksnye buri wese wari ahabereye ibi birori muri Camp Kigali ku wa Gatandatu w'icyumweru gishize tariki ya 20 Kanama 2022, yatunguwe no kuyibona bitewe n'uburyo ikoze ndetse n'uburyo yagize igitekerezo cyo kuyikoresha.

    Uyu mukobwa uzwi nka Tania cyangwa Tanichou nk'amazina akoresha ku mbuga nkoranyambaga, ubwo yaganiraga na Isimbi tv dukesha iyi nkuru yavuze ko atari amafaranga yari yambaye ahubwo ari ifoto ya yo, kubijyanye n'aho igitekerezo cyavuye avuga ko ahitamo kwambara bitewe n'aho agiye kandi akaba akunda guhanga udushya.

    Ati 'Ni ifoto y'amafaranga ntabwo ari amafaranga. Ikozwe mu gitambaro gisanzwe. Ntabwo nakubwira ngo ni ukubera iki nayitekereje ariko njyewe mba mfite imyenda myinshi cyangwa se imiteguro myinshi niba ariko navuga. Ariko njyewe iyo ngeze mu guhanga udushya bitewe n'ibirori ngiyemo ndeba ibyo ngiye kwambara niba bijyanye n'icyo kirori ngiyemo, hari n'igihe ndeka kujyayo bitewe n'uko imyenda mfite cyangwa ibyo ndimo gutekereza bitajyanye n'icyo kirori.'

    Source : https://umuryango.rw/imyidagaduro/article/umukobwa-wambaye-ikanzu-ikoze-mu-note-ya-bitanu-muri-bianca-fashion-hub-yavuze

  • Miss Kellia Ruzindana akuye mu rujijo abibaza k'urukundo rwe na Element #rwanda #RwOT

    Kellia yakuye urujijo ku bibaza ko yaba ari mu rikundo na Element ubwo yasubizaga bimwe mu bibazo yabajijwe n'abakunzi be ku rukuta rwe rwa Instagram.

    Miss Kellia ubwo yasubizaga ibibazo bitandukanye hari uwamubajije ku mubano we na Element ati”Muraho ese ukundana na Element?”. Kllia mu gusubiza nawe ntiyazuyaje yahise ahakana aya makuru ati”Oya”.


    Si ubwa mbere Kellia ahakanye amakuru y'uko yaba akundana na Element ahubwo we akomeza gushimangira ko ari inshuti zisanzwe ndetse bize no mukigo kimwe ikirenze Element akaba n'inshuti ya hafi ya musaza we.

    Mu bandi babajije Kellia Ruzindana ibibazo harimo uwamubajiije niba afite umukunzi undi nawe yemera atazuyaje ndetse agaragaza n'ifoto ari kumwe n'umukunzi we icyakora ntiyagaragaza amasura uretse ibiganza bigaragara ko ari icye n'icy'umukunzi we.

    Undi wamubajije ikibazo yamubajije niba ateganya kuzasubira mu irushanwa rya Miss Rwanda 2023 ariko Kellia mu gusubiza yavuze ko atari mu mwanya mwiza wo kuba yasubiza icyo kibazo ako kanya byumvikana ko byose bishoboka.

    Urukundo rwa Element na Kellia rwatangiye kuvugwa ubwo Element yagaragazaga ko ashyigikiye Kellia Ruzindana mu irushanwa rya Miss Rwanda 2022 ryegukanywe na Miss Nshuti Divine Muheto mu gihe Kellia Ruzindana yegukanya ikamba ry'umukobwa waranzwe n'umuco.

    Source : https://umuryango.rw/imyidagaduro/article/miss-kellia-ruzindana-akuye-mu-rujijo-abibaza-ku-rukundo-rwe-na-element

  • RIB Yemeje amakuru y'uko Nyaxo afunze n'ibyaha akurikiranyweho #rwanda #RwOT

    Dr Murangira Thiery yahamije ko Nyaxo yafashwe kuwa 18 Kanama 2022. Ati “yego nibyo yarafashwe.dosiye ye iri mu bushinjacyaha”.

    Amakuru avuga ko Nyaxo yakubise uyu mugabo w'imyaka 30 icupa n'inkoni yo mu mutwe biza kumukomeretsa ubwo bari muri restora iherereye mu karere ka Nyarugenge,umurenge wa nyamirambo, Akagari ka Rugarama,umudugudu wa Rusisiro.

    kugeza ubu nyaxo acumbikiwe kuri station ya RIB ya Nyamirambo mu gihe dosiye yamaze gushyikirizwa ubushinjacyaha kuri uyu wa 22 Kanama 2022.

    Icyo itegeko rivuga:Ingingo ya 121 y'itegeko nimero 68/2018 ryo ku wa 30 Kanama 2018 ritaganya igifungo cy'imyaka itatu ariko kitarenze imyaka itanu n'ihazabu y'ibihumbi 500Frw ariko atarenze miliyoni 1Frw.

    Source : https://umuryango.rw/imyidagaduro/article/umunyarwenya-nyaxo-arafunzwe