Author: webrwanda

  • FC Barcelona yisanze mu bigugu, Totenham ijya… – #rwanda #RwOT

    Hari hateraniye abayobozi batandukanye b’impuzamashyirahamwe y’umupira w’amaguru i Burayi UEFA bayobowe na Alexander Caferin, mu gihe kandi hari abahagarariye amakipe 32 yatsindiye guhagararira ibihugu 15 muri Champions League.

    Ibihugu by’ u Bwongereza, u Budage, u Butaliyani na Espagne bihagarariwe n’amakipe 4 buri kimwe, Portugal ihagarariwe n’amakipe 3, u Bufaransa bugahagararirwa n’amakipe 2, mu gihe hari ibihugu 9 bihagarariwe n’ikipe imwe kuri imwe, ari byo; U Buholandi, Autriche, Scotland, Ukraine, U Bubiligi, Repubulika ya Checz, Denmark, Croatia na Israel.

    Amakipe 32 agiye gutangira imikino ya UEFA Champions League arimo atandatu yabanje guca mu majonjora, ari yo; Maccabi Haifa yo muri Israel, Rangers yo muri Scotland, Viktoria Plzen yo muri Checz, Copenhagen yo muri Denmark, Benfica yo muri Portugal na Dynamo Zagreb yo muri Croatia.

    Mu matsinda yatombowe, iriganirwaho cyane kubera amakipe y’ibigugu aririmo ni irya gatatu ‘C’ ryahuriyemo Bayern Munich yo mu Budage, FC Barcelona yo mu Bwongereza, Inter Milan yo mu Butaliyani na Viktoria Plzen yo muri Repubulika ya Checz.

    Uretse Viktoria Plzen yonyine, andi makipe ahuriye muri iri tsinda yose yatwaye igikombe cya UEFA Champions League, nibura kimwe kuva mu myaka 12 ishize.

    Ni mu gihe kandi hari itsinda ‘D’ benshi bagaragaje ku mbuga nkoranyambaga ko ryoroshye, ririmo Totenham yo mu Bwongereza, Sporting Cp yo muri Portugal, Marseille yo mu Bufaransa na Eintracht Frankfurt yo mu Budage.

    Amakipe ahuriye muri iri tsinda nta byinshi azi ku gikombe cya UEFA Champions League, kuko iheruka kugitwara ari Marseille mu 1993, mu gihe Totenham yo itaragikozaho intoki na rimwe.

    Uko amakipe ari mu matsinda

    Mu mikino y’amatsinda aho amakipe 32 agabanyije mu matsinda 8, bazatangira gukina ku ya 6 Nzeri, mu gihe imikino ya nyuma yo muri iki cyiciro izaba ku ya 2 Ugushyingo 2022 mbere y’uko haba tombola y’uko amakipe azahura muri 1/8, ku ya 7 Ugushyingo 2022.

    Source : https://inyarwanda.com/inkuru/120317/fc-barcelona-yisanze-mu-bigugu-totenham-ijya-ahoroshye-uko-tombola-ya-uefa-champions-leagu-120317.html

  • RIB irashakisha Ngabo na Gahamanyi kubera ibyaha bakekwaho #Rwanda #RwOT via @kigalitoday #rwanda #RwOT

    Urwego rw’Igihugu rushinzwe Ubugenzacyaha (RIB), rurashakisha uwitwa Ngabo Felix bakunze kwita Bagabo, ukekwaho ubwinjiracyaha ku cyaha cy’ubwicanyi na (…)

    Source : https://www.kigalitoday.com/amakuru/amakuru-mu-rwanda/article/rib-irashakisha-ngabo-kubera-icyaha-akekwaho

  • Jimmy Gatete ategerejwe i Kigali #rwanda #RwOT

    Rutahizamu wakanyujijeho mu ikipe y’igihugu Amavubi, Jimmy Gatete ategerejwe i Kigali muri gahunda yo gutegura igikombe cy’Isi cy’abahoze baconga ruhago.

    Muri Gicurasi uyu mwaka nibwo ishyirahamwe ry’umupira w’amaguru ry’abahoze bakina ruhago ku Isi (Féderation Internationale de Football Vétéran [FIFVE]) ryasinye amasezerano n’ishyirahamwe ry’umupira w’amaguru mu Rwanda (FERWAFA) ryo gutegura igikombe cy’Isi cy’abahoze bakina ruhago “Veteran Club World Championship”.

    Biteganyijwe ko iki gikombe kizabera mu Rwanda umwaka utaha wa 2024 muri Nyakanga.

    Mu rwego rwo gukomeza kwitegura neza iki gikombe, tariki ya 12-14 Ukwakira 2022 mu Rwanda hazaba hateraniye ibihangange byakanyujijeho muri ruhago.

    Muri ibyo bihangange harimo na rutahizamu wakanyujijeho mu ikipe y’igihugu Amavubi, benshi bitaga Imana y’ibitego, Jimmy Gatete.

    Uyu umukinnyi wafashije Amavubi kwitabira igikombe cy’Afurika cya 2004 kimwe rukumbi u Rwanda rwitabiriye, benshi bamwibukira ku gitego yatsinze Ghana cyahise kinahesha u Rwanda itike.

    Nyuma yo gusoza umupira w’amaguru, uyu mukinnyi ibijyanye na ruhago ntiyakunze kubigaragaramo cyane aho ubu yinjiye mu bikorwa by’ubucuruzi, yibera muri Amerika.

    Abandi bakanyujijeho bazaba bahari ni abanya-Cameroun Roger Milla na Patrick Mboma, umufaransakazi Laura Georges, umunya-Senegal Khalilou Fadiga ndetse n’umunya-Ghana Anthony Baffoe.

    Jimmy Gatete ategerejwe i Kigali

    Source : http://isimbi.rw/siporo/article/jimmy-gatete-ategerejwe-i-kigali

  • RFL irateganya gukoresha 'Robot’ #Rwanda #RwOT via @kigalitoday #rwanda #RwOT

    Ubuyobozi bwa Laboratwari y’u Rwanda y’ibimenyetso bishingiye ku bumenyi n’ubuhanga bikoreshwa mu butabera (RFL), buravuga ko buteganya kuzajya bukoresha za (…)

    Source : https://www.kigalitoday.com/amakuru/amakuru-mu-rwanda/article/rfl-irateganya-gukoresha-robot

  • Ibicuruzwa byo muri Uganda byongeye kuboneka ku masoko yo mu Rwanda #rwanda #RwOT

    Umwe mu bacuruzi bakorera mu mugi wa kigali waganiriye numunyamakuru wa Radiiotv10 yagize ati 'Twarabyishimiye kuko twari tumaze igihe hari byinshi tutabona, bimwe na bimwe byamaze kuza ariko hari n'ibyo tutaratangira kubona.'

    Bimwe mu bicuruzwa byatangiye kuboneka, birimo amavuta yo kwisiga azwi nka Movit, isabune y'ifu yo kumesesha ndetse n'amavuta yo guteka na kawunga.

    Bavuga ko kuba ibi bicuruzwa byaratangiye kuza, bizeye ko bizanagira uruhare mu kumanura ibiciro ku masoko bikomeje gutumbagira, gusa bakavuga ko hanozwa inzira zose zatuma ibi bicuruzwa biza ku bwinshi kuko n'ibyaje byari bicye ndetse bigahita bishira ku babiranguye.

    Source : https://umuryango.rw/amakuru/article/ibicuruzwa-byo-muri-uganda-byongeye-kuboneka-ku-masoko-yo-mu-rwanda

  • Mu marira menshi umumotari asabye ikintu gikomeye Perezida Kagame #rwanda #RwOT

    Hirya no hino cyane mu mugi wa Kigali, hagiye humvikana abamotari binubira ibyo basabwa na leta kwishyura, bakavuga ko birenze kure ubushobozi bwabo.

    Aba bavuga ko isoko bariho ridahura n'ibyo basabwa kwishyura, bityo ko Leta ikwiye kubumva nabo bakabasha kwitungira imiryango nk'abandi Banyarwanda.

    Amariya y'abamotari ashobora guhanagurwa vuba, niba uruhare Perezida wa repuburika y'Urwanda Paulo Kagame yemeye rwihutishijwe.

    Ni nyuma y'uko umwe mu bamotari yahisemo kwibwirira umukuru w'Igihugu agahinda bamaranye iminsi,kagiye gakururira bamwe muri bagenzi be gukora igisa n'imyigaragambyo.

    Uwatanze ikirego yitwa Bizimana Pierre ukorera ikimotari mu karere ka ruhango, ari naho Perezida Kagame yagiriye uruzinduko rw'akazi.

    Yagize ati ' Nyakubahwa Perezida, abamotari twishyura asuranse ingana n'165000frw ,yiyongeraho indi misoro myinshi bakaw. Bituma batabasha kugira icyo basigarana mu Mufuka kuburyo batakibasha no gutunga imiryango yabo'

    N'ikibazo cyururukije imitima ya benshi cyane abakora umwuga wo gutwara moto bari bamaze igihe binubira ikiguzi gihanitse bakwa nk'umusoro.

    Bizimana Pierre yasabye Perezida Kagame Stade mu Karere ka Ruhango, maze Umukuru w'Igihugu amusubiza ko hazashakwa uburyo haboneka stade zajya zikoreshwa n'uturere twegeranye.

    Ku kibazo cy'abamotari, Bizimana yavuze ko hari ikibazo cy'ubwishingizi buhenze, ibyangombwa bindi ndetse n'imisoro ku buryo abantu badashobora gukora ngo babone inyungu.

    Perezida Kagame yamusubije ati 'Ndabyumva.'

    Umukuru w'Igihugu yasabye Minisitiri w'Ibikorwaremezo, Dr Erneste Nsabimana, avuga ko hari inzego ziri kugikoraho ndetse ko mu mezi abiri kizaba cyakemutse.

    Perezida Kagame ati 'Nanjye ndagishyiramo imbaraga ku buryo kizaba cyakemutse.'

    Abamotari bavuze ko igiciro cy'ubwishingizi bwa moto cyikubye gatatu, ku buryo hari bamwe bahagaritse kubwaka.

    Mu myaka hafi itanu ishize, ubwishingizi bwavuye ku mafaranga ibihumbi 45 Frw bugera 153.200 Frw kuri moto itarengeje imyaka itanu. Irengeje iyo myaka, ubwishingizi bwayo bwageze mu bihumbi 200 Frw.

    Guhera ku itariki 7 Mutarama 2022, mu Mujyi wa Kigali ikoreshwa rya mubazi ni itegeko. Ni nyuma y'uko zageragejwe inshuro nyinshi ariko ntibitange umusaruro.

    Kimwe mu byo abamotari batishimira ni uko bakatwa amafaranga menshi ku rugendo, bakibaza impamvu iri koranabuhanga rigiye gukiza abandi bo bari mu gihombo.

    Perezida Kagame yijeje abaturage bo mu Karere ka Ruhango, ko ibikorwa bemerewe na Guverinoma bitaragendwaho, bitigeze byibagirana, ko ahagaragaye intege nke mu myaka ishize, hari gahunda yo kongera ingufu ku buryo bigerwaho iterambere rikihuta.

    Yabigarutseho ubwo yasuraga Akarere ka Ruhango, ku munsi wa mbere w'uruzinduko rwe mu Ntara y'Amajyepfo n'Iburengerazuba aho azasura utundi turere turimo Nyamagabe, Nyamasheke na Karongi.

    Perezida Kagame yaherukaga mu Karere ka Ruhango ku wa 14 Nyakanga 2017 ubwo yiyamamarizaga manda ye ya gatatu imaze imyaka itanu.

    Source : https://umuryango.rw/amakuru/mu-rwanda/politiki/article/mu-marira-menshi-umumotari-asabye-ikintu-gikomeye-perezida-kagame

  • Wa musazi Thomas Nahimana ngo 'kuvuga gusa' ntacyo byamugejejeho, none ngo agiye kumena amaraso mu Rwanda #rwanda #RwOT

    Abinyujije kuri youtube, wa mupadiri warumbiye Imana n'abantu, Thomas Nahimana, yivugiye ku mugaragaro ko ari umusazi, ndetse anashishikariza abasazi bagenzi be kwiyahura batera u Rwanda, ngo kuko bamaze imyaka babwejagura bikaba ntacyo byabagejejeho.

    Mu mvugo ye bwite, Nahimana yagize ati:' Ndasaba batayo y'abantu igihumbi basaze nkanjye, biyumva muri politiki yacu, guhaguruka  tukagaba igitero mu Rwanda, maze tugafata Kigali. Tumaze imyaka tubwejagura gusa ariko nta kintu na kimwe twagezeho. Ntituzemera ko amatora ataha aba mu mahoro. '

    Ibisazi bya Thomas Nahimana Abanyarwanda bari basanzwe babizi, ariko we ubwe yari atarerura ngo yivugire ku mugaragaro ko yazahajwe n'uburwayi bwo mu mutwe.  Kuba yifuza abantu 1.000 bo gutera u Rwanda bagafata Kigali, ni ikimenyetso gishimangira ko Nahimana atazi ibyo arimo. Ese ni hehe yumvise abasazi bagiye ku rugamba, rukabahira. Abo basazi be se bazaba barusha ibisazi ibihumbi n'ibihumbagiza bya Ex-FAR n'Interahamwe, batsinzwe ruhenu! 

    Zimwe mu ngero zerekana ko ibisazi bya Nahimana bimaze igihe, ni ukuntu yihanukiriye agahimba igihuha ngo Perezida wa Repubulika yitabye Imana. Kubera ko nta murwayi wo mu mutwe ugira ikimwaro, ntiyigeze ava ku izima yakomeje gukwiza ibihuha bye, atitaye ku kuba Perezida Kagame ahorana n'abaturage. 

    Nahimana Thomas yarihanukiriye ati'nshyizeho guverinoma ikorera mu buhungiro'. Erega ashyiraho inzererezi Jean Paul Ntagara ngo ni minisitiri w'intebe, yadukana n'izindi ndindagire ngo ni abaminisitiri. Erega bakanavugira ku maradiyo ngo ni abategetsi b'u Rwanda! Amenyo ni amabuye gusa.

    Kubwejagura ku maradiyo no ku mbuga nkoranyambaga  nabyo koko  arabirambanye  nk'uko abyivugira, ariko icyiza ni uko yiyemerera ko we n'abandi babwejaguzi  bagenzi be ntacyo byabamariye, nta n'icyo bizigera bibamarira. Iri ni isomo ryiza ku bantu nka Gasana Anastase, Faustin Twagiramungu, Ingabire Victoire, Bernard Ntaganda, abo kwa Rusesabagina, abavuzanduru bo muri za FDU-Inkingi, Jambo Asbl, ARC-Urunana, RNC n'abandi bataye umutwe. Twizere ko ubwo babwiwe n'umusazi mugenzi wabo, Nahimana,  bumva neza ko ibyo barimo ari ibitabapfu.

    Icyo twashimira Thomas Nahimana ni uko yeruye akiyemerera ko ari umurwayi, kandi burya ujya gukira indwara arayirata. Kuba yiyemerera ko amaze imyaka abwejagura nabyo  ni ubutwari, kandi ubwo abonye ko ntacyo byamumariye, twizere ko agiye kubireka.

    Inama twagira Nahimana nk'uko tutahwemye kubimubwira, ni ukwibuka ko uRwanda rutera rudaterwa. Uretse ko bitanamworohera kubona 'batayo y'abasazi 1.000' biyahura ngo baje gufata Kigali, azabaze  n'abandi babigerageje urwo bahuye narwo. Niyegere inzobere mu buvuzi bw'indwara zo mu mutwe zimutabare, naho ibyo kwisukira Ingabo z'uRwanda abigumane mu nzozi atazigera akabya.

    The post Wa musazi Thomas Nahimana ngo 'kuvuga gusa' ntacyo byamugejejeho, none ngo agiye kumena amaraso mu Rwanda appeared first on RUSHYASHYA.

    Source : https://rushyashya.net/wa-musazi-thomas-nahimana-ngo-kuvuga-gusa-ntacyo-byamugejejeho-none-ngo-agiye-kumena-amaraso-mu-rwanda/?utm_source=rss&utm_medium=rss&utm_campaign=wa-musazi-thomas-nahimana-ngo-kuvuga-gusa-ntacyo-byamugejejeho-none-ngo-agiye-kumena-amaraso-mu-rwanda

  • Umugore wa Kobe Bryant agomba kwishyurwa arenga miliyari 1.6 #rwanda #RwOT

    Vanessa Marie Bryant umugore wa nyakwigendera wari ikirangirire mu mukino wa Basketball ku Isi, Kobe Bryant urukiko rwategetse ko agomba kwishyurwa miliyoni 16 z’amadorali kubera amafoto y’umugabo we yakwirakwijwe n’umupolisi ubwo yari amaze gukora impanuka ya kajugujugu.

    Muri Mutarama 2020 ni bwo Kobe Bryant yakoze impanuka ya Kajugujugu yaje kumuhitana n’abo bari kumwe barimo n’umwana we Gianna Bryant.

    Umwe mu bapolisi bageze aho iyi mpanuka yabereye agafata amafoto, mu kwezi kwakurikiyeho kwa Gashyantare 2022 yatangiye gukwirakwiza amafoto y’imibiri y’aba bantu baguye mu mpanuka.

    Umugore wa Kobe Bryant akaba yarahise atanga ikirego arega polisi ya Los Angeles (LAPD) kubera aya mafoto yagiye hanze yita ko ari ugushinyagura no gutesha agaciro abaguye mu mpanuka.

    Muri iki kirego arega umuyobozi wa polisi muri Los Angeles, Sheriff Alex Villanueva kuba atarigeze abwira imiryango y’abaguye mu mpanuka ibijyanye n’amafoto yafashwe n’abapolisi bagera ku munani bageze ahebereye iyi mpanuka, bakaza kubona amafoto ku mbuga nkoranyambaga.

    Ibintu avuga byamuhungabanyije cyane bituma abana n’ubwoba yiteze ko hari n’andi mafoto ashobora kujya hanze kuko polisi yanze kubaha ibisubizo byuzuye.

    Uyu mugore mu rukiko yavuze ko hari n’igihe cyageze akumva yakwiruka akijugunya nko mu mazi cyangwa agasakuza kuko yari abonye polisi yizeye imutengushye.

    Ku munsi w’ejo hashize ku wa 24 Kanama 2022, Urukiko rwanzuye ko Polisi ya Los Angeles igomba kwishyura Vanessa Bryant miliyoni 16 z’amadorali, ni ukuvuga arenga miliyari 1.6 z’amafaranga y’u Rwanda.

    Iyi polisi kandi igomba kwishyura Chris Chester waburiye umugore n’umwana muri iyi mpanuka miliyoni 15 z’amadorali.

    Amafoto y’impanuka ya Kober Bryant n’umukobwa we yateje ikibazo polisi

    Vanessa Bryant Urukiko rwategetse ko agomba kwishyurwa miliyoni 16 z’amadorali

    Source : http://isimbi.rw/siporo/article/umugore-wa-kobe-bryant-agomba-kwishyurwa-arenga-miliyari-1-6-8262