Author: webrwanda

  • Dore ibintu 10 by’ingirakamaro ku buzima bw’imodoka yawe #Rwanda #RwOT via @kigalitoday #rwanda #RwOT

    Kumenya ibigize imodoka yawe n’uburyo bikora ntabwo ari ibintu bigoye, kubera ko imodoka nshya zose ziba zifite udutabo twanditsemo ibisobanuro by’uko iteye, (…)

    Source : https://www.kigalitoday.com/amakuru/utuntu-n-utundi/article/dore-ibintu-10-by-ingirakamaro-ku-buzima-bw-imodoka-yawe

  • Igihe umubiri wa Yanga uzegerera mu Rwanda na gahunda yo kumushyingura #rwanda #RwOT

    Inkuru mbi y’uko Nkusi Thomas wamenyekanye mu gusobanura filime azikura mu rurimi rw’amahanga azishyira mu Kinyarwanda nka Yanga yitabye Imana, yamanyekanye mu gitondo cyo ku wa 17 Kanama 2022.

    Uyu mugabo akaba yaraguye muri Afurika y’Epfo aho yari yashyiriye abana nyina kuko ari ho akorera, yaje kurwarirayo araremba aza kwitaba Imana azize uburwayi.

    Biteganyijwe ko kuri uyu wa Gatanu tariki ya 26 Kanama 2022 ari bwo abamurwaje ndetse n’abandi banyarwanda baba muri Afurika y’Epfo bazakora umuhango wo kumusezeraho, bikazabera mu Mujyi wa Johannesburg.

    Umubiri we ukaba uzahita uzanwa mu Rwanda aho uzagera i Kigali mu gitondo cyo ku wa Gatandatu tariki ya 27 Kanama 2022 saa 7h ni mu gihe ku wa Mbere tariki ya 29 Kanama 2022 ari bwo hazaba umuhango wo kumusezeraho bwa nyuma no kumushyingura.

    Umubiri wa Yanga uzagezwa mu Rwanda ku wa Gatandatu

    Source : http://www.ukwezi.rw/Imyidagaduro/article/Igihe-umubiri-wa-Yanga-uzegerera-mu-Rwanda-na-gahunda-yo-kumushyingura

  • FERWAFA, FIFVE na Minisiteri ya siporo bereka… – #rwanda #RwOT

    Ni imikino izaba ibayeho bwa mbere ikaba iri gutegurwa na Federation Internationale de Football Veterans (FIFVE). Ku gicamunsi cyo kuri uyu wa kane nibwo ishyirahamwe ry’umupira w’amaguru mu Rwanda (FERWAFA), FIFVE na Minisiteri ya siporo berekanye aho imyiteguro y’iyi mikino igeze.

    Irushanwa rizaba riteye gute? 

    Iri rushanwa rizaba ririmo ibice 2 igice cya mbere cy’irushanwa, ndetse n’igice y’ihuriro kizabamo n’unwotange. Hazitabira amakipe 8 azaba afite abakinnyi bagera ku 150 harimo 40 b’abenegihugu, hakazakimwa imikino 20.

    “N’iby’umugisha kwakira iri rushanwa nk’u Rwanda kuko tuzungukiramo byinshi” Shema Maboko Didier umunyamabanga uhoraho muri Minisiteri ya siporo aganira n’itangazamakuru. “iri rushanwa rizafasha igihugu kuzamura ubukungu kandi rizongera imibereho y’abaturage binyuze mu bazaryitabira. Igihugu cyacu kizarushaho kumenyekana ndetse  urubyuruko rwigire ku bakinnyi bazaba bitabiriye.” 

    Shema Maboko Didier wari uhagarariye Minisiteri ya siporo 

    Ki mwe mu bikorwa bigomba kubimburira ibindi ni abavetera bagera kuri 6 bagomba kuza mu Rwanda mu Kwakira hagati ya tariki 12 na 14. Abo bakinnyi b’abavetera ni; Laura Stéphanie Georges, Khalilou Fadiga, Anthony Baffoe, Gatete Jimmy, Patrick Mboma na Roger Milla.

    Marcel Matiku wari uhagarariye FERWAFA yatangaje ko iri rushanwa biteguye ko rizazana impinduka mu mupira w’u Rwanda. Yagize ati ” iri rushanwa twiteze ko rizazana impinduka mu mupira w’amaguru mu Rwanda ubwo twagiranaga amasezerano n’iyi federasiyo, twasanzwe harimo byinshi tuzunguka kubera abanyabigwi tuzakira. Iyo ufite umuntu ureberaho mu buzima busanzwe biragufasha kuko uba uziko yageze kuri byinshi kubera gukora.”

    Marcel Matiku Perezida wungirije wa FERWAFA 

    Iyi mikino y’igikombe cy’Isi mu bavetera izaba igamije kuzamurira ubushobozi amakipe y’abavetera, gushishikariza abanyarwanda baba hanze kwitabira iyi mikino, kuzamura umubano mu itangazamakuru, ubucuruzi n’imyubakire, ndetse no gushyigikira Visit Rwanda.

    Itangazamakuru ryari ryabucyereye 

    Herekanwe abakanyujijeho batandukanye bazaza mu Rwanda mu Kwakira uyu mwaka

    Source : https://inyarwanda.com/inkuru/120319/ferwafa-fifve-na-minisiteri-ya-siporo-berekanye-aho-imyiteguro-yigikombe-cyisi-cya-2024-ig-120319.html

  • Aimable Twahirwa yavuze uko Buravan yamugishi… – #rwanda #RwOT

    Uyu muyobozi yabigarutseho ku mugoroba wo kuri uyu wa Gatatu tariki 24 Kanama 2022, nyuma y'umuhango wo gushyingura Buravan mu irimbi rya Rusororo.

    Buravan yaherekejwe n'abantu amagana barimo inshuti ze, abahanzi, umuryango we, abanyamadini, aba ambasaderi n'abandi.

    Twahirwa yavuze ko bitoroshye kugira icyo uvuga mu muhango nk'uyu, ariko ijambo ryiza ni ukubwira buri wese gukomera mu bihe nk'ibi bitorohera umutima kubyakira.

    Yisunze amwe mu magambo yavuzwe n'umubyeyi wa Buravan, Michael Burabyo yavugiye mu mugoroba wo gusezera Buravan wabereye muri Camp Kigali, Twahirwa yashimangiye ko Buravan ari umunyamuziki wabayeho ubuzima butamenywa na buri wese.

    Avuga ko kuba abantu ibihumbi n'ibihumbi bahuriye mu muhango wo kumuhekereza, bigaragaza ibikorwa byamuranze no kugisha inama.

    Twahirwa yavuze ko nka Minisiteri y'Urubyiruko n'Umuco ari abahamya b'uko 'Buravan yari ahagaze neza mu ndangagaciro twigisha buri munsi'.

    Yungamo ati 'Impamvu mubona twicaye hano twese, impamvu mubona igihugu cyose cyahagaze, ni umuhanzi w'imyaka 27.'

    Uyu muyobozi yavuze ko yasubije amaso inyuma, yongera kujya muri telefoni ye areba neza ubutumwa yandikiranaga na Buravan bifashishije urubuga rwa Whatsapp.

    Yatanze urugero avuga ko muri Gashyantare 2021, yakiriye telefoni ya Buravan amusaba kumuha umwanya bakaganira, bemeranya isaha hanyuma bahurira kuri Milles Collines mu Mujyi wa Kigali.

    Twahirwa yavuze ko buri wese yatungurwa no kumva icyo Buravan yamushakiraga, ku buryo n'uyu munsi iyo abitekerejeho bimurenga.

    Yavuze ko abahanzi bose baramutse bagenjeje nka Buravan nta muntu wakongera kugira icyo abashinja.

    Yakomeje avuga ko mbere y'uko ahura na Buravan yari yamwandikiye amubaza niba yabonye 'Dread' yashyizeho, amubaza niba ntacyo bitwaye.

    Ati 'Yabanje (yarabanje) aranyandikira ngo 'dread' zanjye wazibonye? Urazivugaho iki? Kandi ntumbeshye duhure tuganire. Tujya kuri Milles Collines kuganira nk'umuhanzi ufite 'dread'.'

    'Ni ukuvuga ngo yavuze (yaravuze) ati Bwana Muyobozi w'umuco ninkora 'dread' bikagaragara nabi, reka mbanze mbaze…ndamubwira nti urasa neza bitarabaho. Ashyiraho 'dread' yumva atababaje igihugu. Mwumve icyo kintu… Niko byagenze.'

    Twahirwa yavuze ko Buravan yamenye gukora inganzo avomye mu murage, avomye mu muco, agendera mu ndangagaciro z'umuco nyarwanda, kandi bimugira umuhanzi w'indashyikirwa mu muziki mu gihe cy'imyaka isatira umunani yari amaze mu muziki.

    Yavuze ko Buravan yari umuhanzi wemye, umusore mwiza wumutse, byamufashije kuzenguruka Isi yose. Ndetse ko ubwo yegukanaga Prix Découvertes RFI 2018, abantu bose yagiye amuhuza nabo bacyeje ubuhange bwe n'imibanire ye n'abandi.

    Twahirwa yasabye abahanzi bagenzi be gukora bakurikije indangagaciro z'u Rwanda, nk'uko Buravan yabigenje.

    Ati 'Bahanzi ushobora gukora wambaye neza, ushobora kuba uri ku mbuga nkoranyambaga zose zishoboka, ushobora kuba abantu bakureba benshi ariko icyo uri cyose mukore mukurikije indangagaciro z'u Rwanda nk'uko Buravan yabikoze. Ndabibasabye, ndabinginze, mukore nka Buravan.'

    Yavuze ko Buravan w'imyaka 27 y'amavuko asize indirimbo zubakiye ku muco, wabibona mu butumwa yanyujije mu ndirimbo ze, uburyo yakoraga amashusho y'indirimbo n'ibindi bitandukanye, asaba abahanzi kumwigiraho mu rugendo rwe rw'umuziki. 

    Kanda hano urebe amafoto 

    Aimable Twahirwa yavuze ko Buravan yanze gutatira indangagaciro z'u Rwanda, amubaza niba gusuka 'dread' ari ukwica umuco


    Mu rusengero rwa EAR Remera niho habereye amasengesho yo gusabira Buravan 

    Byari amarira n’agahinda mu gusezeraho bwa nyuma umuririmbyi Buravan 

    Umuhanzi Juno Kizigenza 

    Amagana y’abantu barimo abahanzi, abanyapolitiki, abakinnyi ba filime, inshuti ze n’abandi baramuherekeje


    Umuhanzi Andy Bumuntu n’umuraperikazi Ciney 

    Ange Tricia Niyonshuti [Umugore wa Tom Close] na Butera Knowless [Umugore wa Ishimwe Karake Clement]


    Umuryango we wagarutse ku buzima bwe, ubumuntu bwamurenze, ubusabane n’ibindi 

    Umuhazi Nel Ngabo ari kumwe na Igor Mabano uri imbere ye 

    Junior Giti uzwi mu basobanura filime mu Rwanda 

    Ababyeyi ba Buravan bamusezeyeho

    Source : https://inyarwanda.com/inkuru/120316/aimable-twahirwa-yavuze-uko-buravan-yamugishije-inama-yo-gusuka-dread-120316.html

  • Tuyishimire yegukaye miliyoni 2.4 Frw muri Inzozi Lotto – #rwanda #RwOT

    Inzozi Lotto ni umushinga ukorwa na Carousel Ltd, ukaba ufitemo imikino y'amahirwe itandukanye nka Quick lotto, Jackpot, Quick10 n'uwitwa Igitego Lotto.

    Kuri uyu wa Gatatu nibwo uwitwa Tuyishimire Elisa yakiriye inkuru nziza imubwira ko yatsinze nyuma yo kugura amatike arindwi ahwanye n'igihumbi 400Frw.

    Ati 'Nari naguze amatike arindwi ahwanye 1400Frw kuko naguraga itike ya Igitego Lotto kandi imwe igura 200Frw, hanyuma ejo bambwira ko natsindiye miliyoni 2,455,186Frw.”

    Tuyishimire akomeza avuga ko ayo mafaraga agiye kumufasha kwagura umushinga we w'ubworozi bw'inzuki no kuwukora kinyamwuga.

    Ati 'Mfite umushinga wo korora inzuki ariko kuba ngize amahirwe yo gutsindira aya mafaranga, ngiye kubikora kinyamwuga kandi ndashimira Inzozi lotto kuko iyo itabaho sinari buyabone.”

    Umukino wa IGITEGO LOTTO uwukina akanda *240# akawuhitamo. Agomba kuba afite byibura amafaranga 200 Frw kuri Mobile Money.

    Gukina uyu mukino uhitamo imibare ibiri gusa indi ine ukayihabwa na système kuko imibare isabwa kugira ngo utsinde igomba kuzura itandatu. Uwatsinze ahamagarwa kuri uwo munsi saa kumi n'imwe z'umugoroba.

    Abashaka gukina imikino ya inzozi lotto bakanda *240# cyangwa bagasura urubuga rwabo kuri www.inzozilotto.rw cyangwa bakegera abakozi ba inzozi lotto bari hirya no hino mu gihugu.

    Tuyishimire yatsinze nyuma yo gukina umukino ‘Igitego Lotto’

    Tuyishimire yiyemeje gukoresha amafaranga yahawe mu kwagura umushinga we


    Source : http://igihe.com/amakuru/u-rwanda/article/tuyishimire-yegukaye-miliyoni-2-4-frw-muri-inzozi-lotto

  • FC Barcelona yisanze hamwe na Bayern Munich muri Champions League [AMATSINDA] #rwanda #RwOT

    Habaye Tombola y'amatsinda y'irushanwa rya UEFA Champions League yarangiye aho amakipe yose yitwaye neza ku mugabane w'I Burayi azesurana guhera kuwa 06 z'Ukwezi gutaha.

    Muri iyi tombola,yabaye kuri uyu wa Kane,itsinda C niryo rikomeye kurusha ayandi kuko ryahuriyemo Bayern Munich, Fc Barcelona, Inter Milan na Viktoria Plzen.

    Uko amatsinda apanze:

    Itsinda rya A: Ajax Amsterdam, Liverpool, Napoli, na Rangers.

    Itsinda rya B: FC Porto, Atletico Madrid, Bayer Leverkusen na Club Brugge.

    Itsinda rya C : Bayern Munich, Fc Barcelona, Inter Milan na Viktoria Plzen.

    Itsinda rya D:Eintracht Frankfurt, Tottenham, Sporting CP na Marseille.

    Itsinda rya Gatanu E : AC Milan, Chelsea, RB Salzburg na Dinamo Zagreb.

    Itsinda F: Real Madrid,RB Leipzig, Shakhtar Donetsk, Celtic

    Itsinda rya G: Manchester City,Sevilla, Dortmund na FC Copenhagen.

    Itsinda rya H: Paris Saint Germain, Juventus, Benfica na Maccabi Haifa.

    Imikino ya mbere mu matsinda izaba tariki 6 na 7 Nzeri 2022.

    Imikino itegerejwe na benshi mu matsinda ni izahuza Bayern Munich v Barcelona na Paris Saint Germain v Juventus.

    Umukino wa nyuma uzabera kuri Ataturk Olympic Stadium i Istanbul, muri Turkey, tariki ya 10/6/2023.

    Nyuma yo gutombora amatsinda,Karim Benzema yahembwe nk'umukinnyi mwiza wa UEFA 2021-2022.Umutoza mwiza yabaye Carlo Ancelotti.

    Karim Benzema yabigezeho nyuma yo gutwara Champions League umwaka ushize akayobora abatsinze ibitego byinshi muri iryo rushanwa na 15.

    Uko amakipe apanze:

    Karim Benzema yabaye umukinnyi w'umwaka wa UEFA:

    Source : https://umuryango.rw/imyidagaduro/imikino/article/lewandowski-agiye-guhita-ahura-na-bayern-munich-muri-champions-league-amatsinda

  • Uko gahunda iteye yo gusezera kuri Yanga uher… – #rwanda #RwOT

    Ku mugoroba wo kuri uyu wa Gatanu tariki 26 Kanama 2022 muri Afurika y’Epfo aho Yanga yari amaze igihe abarizwa, hazaba umugoroba wo kwizihiza ubuzima bwe.

    Ku wa Gatandatu tariki 27 Kanama 2022, umubiri we uzagezwa ku kibuga cy’indege Mpuzamahanga cya Kigali mu gitondo ahagana saa moya za mugitondo, wakirwe n’abo mu muryango we n’abandi.

    Ku Cyumweru tariki 28 Kanama 2022, i Ntarama mu Murenge wa Nyamatara, inshuti ze, abavandimwe be, umuryango we n’abandi bazahurira mu mugoroba wo kwizihiza ubuzima bwe.

    Umuryango we uvuga ko ku wa Mbere tariki 29 Kanama 2022, ari bwo Yanga azashyingurwa.

    Yanga yitabye Imana ku wa Gatatu tariki 17 Kanama 2022 azize uburwayi bw’umwijima, aho yari arwariye muri Afurika y’Epfo.

    Uyu mugabo yamamaye mu gusobanura filimi zari zigezweho hagati y'umwaka wa 2000 kugera muri 2013, umwuga we umuhesha amafaranga menshi. Yamaze imyaka 10 akora aka kazi.

    Ku wa 20 Gicurasi 2020, Yanga yabwiye Isimbi TV urugendo rwo gukizwa, nyuma y'uko Imana imugiriye ubuntu.

    Yavuze ukuntu Imana yamusimbukije urupfu ubwo yari arwaye kanseri iri ku kigero cya nyuma, agomba kubagwa bakamukuramo igifu-Imana ikaza kumwiyereka agakira.

    Ni ikiganiro cyarebwe n'umubare munini ahanini bitewe n'inzira y'inzitane uyu mugabo wubatse yanyuzemo, yaratangiye no gutakaza icyizere cy'ubuzima.

    Yavuze ko yivurije mu bitaro bikomeye byo mu Rwanda no mu mahanga, hose avugwa n'abaganga bakomeye rimwe na rimwe bakamubwira ko bishobora kuzarangira nabi.

    Muri iki kiganiro, avuga ko yashyize imbere isengesho Imana iza kumwiyereka ayishikamaho, atangira kwamamaza ingoma y'Imana kuva icyo gihe.

    Ubuzima yanyuzemo ahanganye na kanseri bwavuyemo indirimbo 'Garukira Uwiteka', umuhanzi Naason yasohoye ku wa Kabiri tariki 04 Kanama 2020. 

    Umuryango wa Yanga wagaragaje gahunda yo kumuherekeza

    Source : https://inyarwanda.com/inkuru/120318/uko-gahunda-iteye-yo-gusezera-kuri-yanga-uherutse-kwitaba-imana-120318.html