Webrwanda Backend

Author: webrwanda

  • AMAFOTO: Yanga yashyinguwe mu cyubahiro #rwanda #RwOT

    Umuhango wo gusezera bwa nyuma kuri Yanga watangiye saa kumi n'ebyiri za mu gitondo ubwo umurambo wa nyakwigendera wakurwaga mu buruhukiro bw'ibitaro bya Polisi ku Kacyiru ugezwa mu rugo aho yasezeweho bwa nyuma.

    Nyuma yo kumusezeraho bwa nyuma, inshuti n'umuryango wa Yanga wagiye kumusabira mu isengesho ryabereye mu rusengero rwa 'New Life Bible Church'.

    Nyuma y'isengesho abitabiriye umuhango wo guherekeza Yanga, bakomereje mu irimbi rya Rusororo aho umubiri we ugomba gushyingurwa.

    Umuhango wo guherekeza mu cyubahiro Yanga, wabaye kuri uyu wa Mbere mu gihe mu ijoro ryo ku wa 28 Kanama 2022 habayeho igitaramo cyo kwizihiza ubuzima yabayemo.

    Yanga yitabye Imana ku wa 17 Kanama 2022 aguye muri Afurika y'Epfo aho yarari kwivuriza.

    Buri wese wafashe ijambo yaba mu gitaramo cyo kwizihiza ubuzima bwa Yanga ndetse no mu muhango wo kumuherekeza mu cyubahiro yashimiye Leta y'u Rwanda yabafashije mu kugira ngo umubiri w'uyu mugabo ubashe kugezwa mu Rwanda.

    Junior Giti yashenguwe n'urupfu rw'umuvandimwe we

    Umugore wa Yanga yagerageje gukomera nubwo bitari byoroshye

    Umugore wa Junior Giti nawe ari mu basabiraga isengesho Yanga

    Source : https://umuryango.rw/imyidagaduro/article/amafoto-yanga-yashyinguwe-mu-cyubahiro

  • U Rwanda rurifuza imijyi itoshye yiganjemo ibiti #Rwanda #RwOT via @kigalitoday #rwanda #RwOT

    Minisitiri w’Ibidukikije, Dr Jeanne D’Arc Mujawamariya, aganira na Kigali Today, yagaragaje ko u Rwanda rwifuza imijyi n’imidugudu bitoshye, mbese biri mu (…)

    Source : https://www.kigalitoday.com/ibidukikije/ibungabunga/article/u-rwanda-rurifuza-imijyi-itoshye-yiganjemo-ibiti

  • Rayon Sports igiye kuzana Kagere i Kigali #rwanda #RwOT

    Rayon Sports yateguye imikino ibiri ya gicuti mpuzamahanga yose izabera i Kigali harimo n’uwa Singida Big Stars ikinamo rutahizamu Meddie Kagere.

    Ni nyuma y’uko umukino wagombaga guhuza iyi kipe n’ikipe y’igipolisi cya Kenya wari kuba mu mpera z’icyumweru gishize usubitswe bitewe n’ibihano FIFA yafatiye Kenya muri ruhago.

    Rayon Sports yamaze kwemeza ko muri iki cyumweru izakinamo imikino 3 ya gicuti harimo 2 mpuzamahanga.

    Iyi mikino izabimburirwa n’uwo Rayon Sports izakinamo na Mukura VS ku munsi wo ku wa Gatatu tariki ya 31 Kanama 2022.

    Uyu mukino uzakurikirwa n’uwo Rayon Sports izakiramo URA yo muri Uganda ku wa Gatanu tariki ya 2 Nzeri 2022 ndetse n’uwo bazakiramo Singida Big Stars ya Meddie Kagere ku Cyumweru tariki ya 4 Nzeri 2022.

    Iyi mikino yose izabera kuri Stade Regional i Nyamirambo ariko iyi kipe ntabwo yigeze itangaza amasaha iyi mikino izaberaho.

    Meddie Kagere agiye kuza mu Rwanda n’ikipe ye gukina na Rayon Sports

    Source : http://isimbi.rw/siporo/article/rayon-sports-igiye-kuzana-kagere-i-kigali

  • Olivier Niyungeko wajyanye u Burundi mu gikom… – #rwanda #RwOT

    Niyungeko uzwi ku kazi ka Mutombora, niwe mutoza rukumbi wabashije kugeza ikipe y’igihugu y’u Burundi mu mikino ya nyuma y’igikombe cy’Afurika cyabereye mu Misiri mu 2019. Mu itangazo ryasinyweho na Perezida w’ishyirahamwe ry’umupira w’amaguru mu Burundi, Brigadier General Alexandre Muyenge, yemeje ko Olivier Niyungeko yagizwe umutoza mukuru w’ikipe y’igihugu y’u Burundi mu batarengeje imyaka 17, akazungirizwa na Jean Pierre Gishikizo.

    Kuva mu 2017 kugera mu 2020, Olivier Niyungeko yari umutoza w’ikipe y’igihugu y’u Burundi ayivamo asimbuwe na Jimmy Ndayizeye, nyuma yerekeza mu ikipe ya Bumamuru FC, gusa kuri ubu nta kipe yari afite.

    Olivier ubwo yari mu nshingano mu gikombe cy’afurika


    Olivier ni umwe mu batoza bazi umupira wo mu Burundi  

    Source : https://inyarwanda.com/inkuru/120416/olivier-niyungeko-wajyanye-u-burundi-mu-gikombe-cyafurika-yahawe-ikipe-yabatarengeje-imyak-120416.html

  • Victoire Ingabire yibukijwe ko igihe cya Muvoma cyo kubiba ingengabitekerezo ya Jenoside cyibagiranye  #rwanda #RwOT

    Ingabire Victoire yatangaje inkuru mu kinyamakuru Le Vif aho yasubiyemo amagambo ya Pasteur Bizimungu yatangaje mu mwaka wa 2004 mu kinyamakuru cya Jeune Afrique aho yavuze ko mu bihe biri imbere abahutu bazongera bakegura imipanga bagatema Abatutsi.

    Aya magambo kimwe n'ibindi bikorwa byo muri PDR Ubuyanja nibyo byatumye ubutabera bukatira Pasteur Bizimungu igihano cy'imyaka 15 ahamwe n'ibyaha byo kugumura rubanda, kurema umutwe w'abagizi ba nabi nyuma aza kubabarirwa na Perezida Kagame.

    Ingabire Victoire yabisubiyemo mu bundi buryo ariko umenyereye imvugo z'ababiba amagambo y'urwango bahita bumva icyo ashaka kuvuga. Kamere ntirara bushyitsi koko, Ingabire akomeje kuba uwo ari we nk'umusigire wa Hutu Power. Uyu muhango wabaye igihe yatorerwaga kuyobora Interahamwe na Ex FAR mu cyiswe RDR yari igamije gucyura impunzi muri 1995. 

    Ingabire yatorewe uwo mwanya kuko ahuje ingengabitekerezo n'abari bamaze kurimbura Abatutsi ariko agakoresha iturufu yuko we yari hanze y'u Rwanda muri ya minsi ijana ubwo imbaga y'Abatutsi yarimburwaga. 

    Ku munsi w'ejo Minisiri w'Ubumwe bw'Abanyarwanda no gukunda igihugu, Dr Jean Damascene Bizimana yamwibukije ibihe bitandukanye yagiye abiba ingengabitekerezo ya Jenoside amwibutsa ko ingengabitekerezo ya Jenoside nta mwanya ifite mu Rwanda.

    Ingabire Victoire arasakuza ashaka kuganisha ku matora ya Perezida wa Repubulika aho ateza urusaku ariko nawe azi neza ko ibyaha yakoze agakatirwa bitamwemerera kuba ku rutonde, ikindi nta politiki ifite ihamye ahubwo kumva ko ari umuhutukazi bimuhagije. 

    Ingabire yibwira ko arinde ?

    Hari igihe Ingabire Victoire yigira intama kandi ari ikirura ashaka kwerekana ko ari umunyapolitiki nyamara nta shyaka cyangwa ishyirahamwe rizwi ku mugaragaro ahubwo ari umunyabyaha wakatiwe n'inkiko akaba ari hanze ku mbabazi yahawe na Perezida wa Repubulika.

    Iyo habaye ikintu cyose ku Rwanda yaba ari raporo y'inzego z'u Rwanda. Ingabire ayamaganira kure, yaba raporo ivuga neza u Rwanda nabwo bikaba uko. Ariko iyo ari raporo yakozwe n'abari mu murongo nkuwe, ahita ayikwirakwiza vuba na bwangu. Mu minsi ishize hasohotse Itangazo rishyira mu myanya abayobozi batandukanye ariko Ingabire yahise yibasira Dr Bizimana Jean Damascene wagizwe Minisitiri w'Ubumwe bw'Abanyarwanda n'Inshingano Mboneragihugu, Ingabire yahise ajya kumbuga nkoranyambaga yibasira Dr Bizimana kuko nawe adahwema kugaragaza ingengabitekerezo yabokamye, barazwe n'ababyeyi babo. Arikose ubundi Ingabire uvuga ibyo ninde? Dusubire mu mateka;

    Muri Nyakanga 1994, nyuma ya Jenoside yakorewe Abatutsi mu Rwanda hafashwe icyemezo cyiswe 'Deparmehutisation'. Icyo cyemezo ni ugucibwa muri politiki kwa MRND/CDR n'amashyaka yari ayishamikiyehoy nka PECO, PADER, PARERWA yijanditse muri Jenoside yakorewe Abatutsi. Mu ntangiro za 2003, nyuma y'imyaka hafi icyenda, ishyaka MDR ryakoraga nka PARMEHUTU naryo ryaraciwe n'ubwo byatinze.

    Ayo mashyaka uko yavuzwe, yaciwe kubera ingengabitekerezo yagenderagaho. Guhindura izina kwa MRND/CDR igahinduka RDR yayobowe na Ingabire Victoire bwacya ikabyara UFDR ikaza kwihindura FDU-Inkingi ukumva mu gitondo yabaye DALFA Umulinzi.

    MRND yo mu 1975 yahinduye inyito mu 1991 iguma ari MRNDD (ivuguruye) hiyongereyemo ubukana bw'ingengabitekerezo ya Jenoside. Mu mwaka w'1992 MRND ibyara CDR, muri 1993 havuka impuzabugome bwiswe Hutu-Pawa. Mu 1994 Hutu-Pawa ikora Jenoside yateguye yibwira ko ari yo nzira yo kugira ubutegetsi. Baratsindwa.

    Iyo Pawa, cyane cyane abagize uruhare mu gushingwa kwa CDR, n'aba CDR nyirizina, mu 1995 bashinze 'Rassemblement pour le Retour des Réfugiés et la Démocratie au Rwanda' (RDR) icyura 'Impunzi na Demokarasi'. Kubera ko gucyura impunzi byarangiye mu 1997, bakomeje kwitwa ko bazacyura impunzi basanga ntacyo bivuze.

    Ingabire Victoire ntiwamuvuga utavuze MRND/CDR kuko ninko kuvuga inkomoko yawe ukirengangiza Sogokuru ndetse na Sogokuruza wawe.

    MRND/CDR bamaze kurimbura Abatutsi (babyitaga gukora) bagombaga guhindura umuvuno bagashaka irindi zina (RDR) ndetse n'abayobozi batari bazwi, bityo bahitamo Ingabire Victoire kuko we atari mu Rwanda muri 1994. Ariko ikigaragara ntaho Ingabire ataniye n'amazina yakoze Jenoside, impamvu nyamukuru bamuhisemo nuko atari mu Rwanda.

    Mu mwaka w'2003, RDR ihinduka 'Rassemblement Républicain pour la Démocratie au Rwanda' (RDR), ivana gahunda yo gucyura impunzi mu nyito iyisimpuza 'Repubulika' cyakora inyito mu magambo ahinnye ikomeza kuba RDR. Icyo gihe cyo kwinjiza 'Abaharanira Repubulika' mu nyito RDR yayoborwaga na Ingabire Victoire.

    Mu ngengabitekerezo ya MDR, CDR, MRND, RDR na FDLR amagambo 'Abaharanira Repubulika' na 'Demokarasi' ntibisobanura Repubulika na Demokarasi y'abanyarwanda. Ahubwo, bivuga ubutegetsi bw'Abahutu gusa kandi b'indobanure. Si na 'Repubulika' na 'Demokarasi' nkuko bizwi ahandi.

    Uko RDR iyoborwa na Ingabire na Ndereyehe yahinduye izina hakavanwamo 'Impunzi' ni nako MRND yabigenje mu 1991. MRND yo mu 1975 yari 'Mouvement Révolutionnaire National pour le Développement'. Ijambo 'révolutionnaire' rivamo risimburwa na 'Abaharanira Repubulika' na 'Demokarasi', bituma MRND nshya iba 'Mouvement Républicain National pour la Démocratie et le Développement'. Itandukaniro rya MRND na MDR, mu nyito ni uko hamwe harimo 'National' na 'Développement'.

    Uwo mukino w'amagambo ahishahisha ingengabitekerezo y'ivangura na Jenoside unayibona aho l'Union des Forces Démocratiques Rwandaises (UFDR) bakuraho ijambo 'Rwandaise' ahasigaye 'Union' igasimburwa na 'Unifiées' iza nyuma ya 'Forces Democratiques' bikabyara FDU hiyongereyeho Inkingi none ubu tukaba dufite DALF Umulinzi.

    Guhindura amazina ingengabitekerezo ikaba ya yindi ntacyo bivuze. FDU-Inkingi ikwiye gucibwa muri politiki, no kuyamamaza bikaba icyaha kuko n'amategeko arahari. Ntibizaba ari ubwa mbere ntibikwiye no kuba ubwa nyuma. Amateka y'u Rwanda afite umwihariko muri Africa ariko si ku isi. Kureka FDU-Inkingi n'abayamamaza bakidegembya ni ukwibagirwa vuba.

    The post Victoire Ingabire yibukijwe ko igihe cya Muvoma cyo kubiba ingengabitekerezo ya Jenoside cyibagiranye  appeared first on RUSHYASHYA.

    Source : https://rushyashya.net/victoire-ingabire-yibukijwe-ko-igihe-cya-muvoma-cyo-kubiba-ingengabitekerezo-ya-jenoside-cyibagiranye/?utm_source=rss&utm_medium=rss&utm_campaign=victoire-ingabire-yibukijwe-ko-igihe-cya-muvoma-cyo-kubiba-ingengabitekerezo-ya-jenoside-cyibagiranye

  • Yanga yasezeweho bwa nyuma #Rwanda #RwOT via @kigalitoday #rwanda #RwOT

    Kuri uyu wa 29 Kanama 2022, amarira n’agahinda byashenguye umuryango wa Nkusi Thomas wari uzwi nka Yanga mu gusobanura amafilimi, ubwo bamusezeragaho mu (…)

    Source : https://www.kigalitoday.com/amakuru/amakuru-mu-rwanda/article/yanga-yasezeweho-bwa-nyuma

  • IBIVUGWA ku Banyarwanda barimo umugore ufite uruhinja bamaze Icyumweru bafungiwe i Goma #rwanda #RwOT

    Umwana witwa Nyirarukundo wari kumwe n’abafashwe ni we watanze amakuru ko bagenzi be bafatiwe ku butaka bwa Congo.

    Na we yari yafashwe ariko aza gucika ababafashe agaruka mu Rwanda.

    Amakuru avuga ko abaturage ari uwitwa NIRAGIRE Speciose w’imyaka 65, BYUKUSENGE Dative w’imyaka 30, uyu ari kumwe n’umwana we w’uruhinja rw’amezi atandatu.

    Abandi ni UZAMUKUNDA Clementine w’imyaka 26, NYIRARUGENDO w’imyaka 24 n’umwana w’imyaka irindwi (7).

    Bariya baturage ngo bafashwe n’Ingabo za Congo (FARDC), bagiye gutashya inkwi mu kibaya gihuza Rubavu na Congo, ariko ngo bari ku ruhande rwa Congo.

    Abafashwe ni abo mu Murenge wa Busasamana, Akagari ka Gacurabwenge mu Mudugudu wa Nyarubuye.

    Umuyobozi w’Akarere ka Rubavu, Kambogo Ildephonse ku wa Kane w’icyumweru gishize yagiye kuganiriza abaturage, abasaba kunyurwa n’uko bameze aho kumva ko amakiriro y’ubuzima bwabo ari muri Congo.

    Yagize ati '…Ukambuka bisanzwe ukumva ko ari ibisanzwe, harya ubwo bagutandukanye ? Iki kintu cyatujemo twumva ko udashobora kubaho utambutse hariya hakurya. Kiriya gihugu ni icyanyu ?'

    Kambogo avuga ko abaturage b’i Rubavu bumva ko batakora ngo batere imbere, ngo umutima wabo uba uri hakurya muri Congo.

    Yavuze ko abaturage badakwiye kuganya, ahubwo bakwiye kuvugana n’ubuyobozi bakamenya ibibazo bafite bakabafasha kubikemura.

    Ubwo twakoraga iyi nkuru twari tutarabona igisubizo cy’Umuyobozi w’Akarere ka Rubavu ku cyaba kiri gukorwa ngo aba baturage barekurwe.

    Source : http://www.ukwezi.rw/1-1/Amakuru-anyuranye/article/IBIVUGWA-ku-Banyarwanda-barimo-umugore-ufite-uruhinja-bamaze-Icyumweru-bafungiwe-i-Goma

  • Uko hacuzwe Umugambi wagejeje Maj Gen Rwarakabije i Kigali n’Uruhare Gen James Kabarebe yabigizemo #rwanda #RwOT

    Gen Rwarakabije yari asoje urugendo rurerure nk’umugabo wabaye umuyobozi w’umutwe wa FDLR/FOCA, umuyobozi mu Ngabo z’u Rwanda (RDF) n’umuyobozi w’Urwego rw’Imfungwa n’abagororwa, RCS.

    Tugiye kugaruka ku nzira Maj Gen Paul Rwarakabije yaciyemo muri FDLR kugeza atashye mu Rwanda, mu buryo bw’ibanga. Turifashisha inyandiko zakoreshejwe mu rubanza rw’abahoze ari abayobozi bakuru ba FDLR, rwabereye mu Budage.

    Abo barimo Ignace Murwanashyaka wari umuyobozi mukuru wa FDLR na visi perezida we Straton Musoni. Ni urubanza rwapfundikiwe tariki ya 28 Nzeli 2015.

    Murwanashyaka yahamwe n’ibyaha byakozwe na FDLR yari abereye umuyobozi, akatirwa imyaka 13 y’igifungo, naho visi perezida wa FDLR Straton Musoni akatirwa imyaka umunani.

    Mu batanze ubuhamya mu rubanza rwabeyere mu mujyi wa Stuttgart harimo na Maj Gen Paul Rwarakabije wari ukuriye ingabo za FDLR, arizo FOCA.

    Tumenye gutandukanya FDLR na FOCA. FDLR ni umutwe wa Politiki ufite ingabo zizwi nka FOCA.

    Dusubiye inyuma gato mu mateka, ingabo zahoze ari iza Leta ya Habyarimana zimaze kurimbura imbaga muri Jenoside yakorewe Abatutsi, zahungiye muri Zaire muri Nyakanga 1994.

    Nyuma y’amezi make, abasirikare bakuru barateraniye i Goma bashinga icyiswe ishyirahamwe rigamije gucyura impunzi, bise Le “Rassemblement pour le retour des réfugiés et la démocratie au Rwanda, RDR. Yari iyobowe na General Augustin Bizimungu.

    Twihuse mu mateka, ubwo ingabo zari iza AFDL (L’Alliance des forces démocratiques pour la libération du Congo) zari ziyobowe na Laurent Desire Kabila – zishyigikiwe n’ingabo za APR – zahirikaga ubutegetsi bw’umunyagitugu Mobutu, inkambi z’impunzi z’Abanyarwanda zari hafi y’umupaka zarasenywe, abarenga miliyoni bataha mu Rwanda. Abandi bakomeje mu mashyamba ya Congo.

    Uko ingabo za AFDL zakomezaga kwigira imbere, niko n’impunzi n’abasirikari bakuru ba FAR n’interahamwe bakomezaga bagenda. Ubwo Kinshasa yafatwaga, abenshi bahungiye mu bihugu bituranye na Congo birimo Congo Brazzaville, Zambia, Centrafrique n’ibindi.

    Hagati aho, ingabo zose za FAR n’Interahamwe ntabwo zakomeje urugendo rugana kure, cyane cyane izari mu nkambi ya Mugunga na Katale.

    Abahoze ari ingabo za FAR bari bayobowe na Lt Col Leonard Nkundiye ndetse na Lt Col Paul Rwarakabije, bahungiye mu mashyamba ya Masisi muri Kivu y’Amajyaruguru, ahitwa i Gatoyi, kugeza Mobutu akuwe ku butegetsi.

    Aho i Masisi, niho ingabo za ALiR (Armée de libération du Rwanda) zavukiye zishamikiye ku ishyaka rya politiki, PALiR (Parti pour la Liberation du Rwanda).

    Umukuru wa ALiR yabaye Lt Col Leonard Nkundiye, naho Lt Col Paul Rwarakabije na Lt Col Dr Mugemanyi baramwungiriza. Abibuka intambara y’abacengezi yayogoje amajyaruguru n’uburengerezuba bw’u Rwanda, yari yatewe n’ingabo za ALiR.

    Ubwo umukuru wa ALiR, Lt Col Leonard Nkundiye yicwaga mu bitero bagabye mu cyahoze ari Komini Giciye – ubu ni mu karere ka Ngororero muri Nyakanga 1998, byakomye mu nkokora ingabo za ALiR dore ko umurambo we werekanwe kuri televiziyo zitandukanye.

    Nyuma y’ibyumweru bibiri, uwari umwungirije Lt Col Dr Mugemanyi yiciwe mu yahoze ari Komini Nyarutovu, ubu ni mu karere ka Gakenke mu ntara y’amajyarugu, yicanwa n’abasirikari benshi.

    Kuko yari afite imiti myinshi y’izo ngabo, no kurwana ngo umurambo we nawo uterekanwa kuri televiziyo, ingabo za ALiR zarahashiriye. Umurambo wa Dr Lt Col Mugemanyi wamenyekanye kubera uwahoze amurinda wari warinjiye mu ngabo z’igihugu, APR, (ntabwo zari zakabaye RDF), wawerekanye.

    Mu basirikare bakuru ba ALiR hari hasigaye Lt Col Rwarakabije, aba ariwe ujya ku buyobozi bwayo.

    Ingabo za ALiR zari zimaze gukubitwa inshuro, izari zisigaye Rwarakabije azitumaho zisubira muri Congo kwisuganya. Bafashijwe na Leta ya Laurent-Désiré Kabila, binyuze ku muhungu we Joseph Kabila.

    Ku wa 15 Gashyantare 2003, nibwo Ingabo za ALiR zari muri Kivu y’Amajyepfo zitwaga ALiR I zari zivuye i Kamina ziyobowe na Col Sylvestre Mudacumura, zahuye n’ingabo zivuye muri Kivu y’amajyaruguru (ALiR II) ziyobowe na Col Paul Rwarakabije, zihurira ahitwa Kilembwe mu misozi miremire ya Kivu y’Amajyepfo.

    Iyo tariki nibwo Paul Rwarakabije yabaye umukuru w’ingabo za FDLR zizwi nka FOCA, yungirizwa na Lt Col Sylvestre Mudacumura.

    Indi myanya nayo yaratanzwe maze Maj Pacifique Ntawunguka Alias Omega ashingwa ingabo zo mu majyaruguru ya Kivu naho Lt Col Leodomir Mugaragu akurira diviziyo y’ingabo zo muri Kivu y’amajyepfo.

    Abandi basirikare bakuru bahoze muri FAR barimo Gen Augustin Bizimungu na Col Renzaho, bari bafashwe n’Urukiko Mpuzamahanga Mpanabyaha rwa Arusha , mu gihe abandi nka Col Ntiwiragabo yari yahungiye muri Sudan.

    Ingabo za FDLR ziswe FOCA mu 2003, aho Paul Rwarakabije azibereye Umugaba Mukuru nkuko yabibwiye urukiko rwa Stuttgart nk’umutangabuhamya.

    Inshingano Paul Rwarakabije yihutiye gushyiraho ni amahame n’amategeko agenga ingabo za FOCA, no gutegura ibitero ku Rwanda. Icyo gihe yari muri Kivu y’Amajyepfo.

    Uko yatashye mu Rwanda n’uruhare rwa Gen James Kabarebe

    Nyuma y’ibyo bikorwa byose, Rwarakabije yaje kubivamo, ataha mu Rwanda. Yambutse umupaka ku wa 14 Ugushyingo 2003.

    Ni igikorwa cyari kimaze igihe gitegurwa. Nk’uko yigeze kubitangariza TV1 mu 2019, ndetse tukifashisha n’inyandiko zo mu rubanzwa rwa Ignace Murwanashyaka, Rwarakabije yanyuze mu nzira nyinshi ngo atahe mu Rwanda.

    Akimara kuba umugaba mukuru wa FOCA, Rwarakabije yafashe icyemezo cyo kohereza igitero mu Rwanda kigizwe n’abasirikari bari hagati ya 2000-3000.

    Yasanze abaturage barahinduye imyumvire, noneho akaba aribo babifatira bagashyikirizwa ingabo z’u Rwanda ubundi bakajyanwa mu kigo cya Mutobo, bitandukanye n’uko mbere abaturage bababeraga ibyitso.

    Uwari uyoboye icyo gitero cyiswe “Operation Oracle du Seigneur”, Col Pierre Claver Habimana Alias Bemera, na we yafashwe n’ingabo kubera ubufatanye n’abaturage i Nyakinama. Uyu Bemera ngo yarasengaga cyane, ku buryo yari yeretswe ko Imana yamuhaye u Rwanda.

    Rwarakabije yavuze ko yakoze isesengurantambara asanga ntaho bagana. Yagerageje kuvugisha bamwe mu bayobozi b’u Rwanda harimo uwari Guverineri w’Intara y’Amajyaruguru, Rucagu Boniface, amwemerera bakoresheje inyandiko ko azamuhuza n’ubuyobozi bukuru bw’igihugu.

    Gen Rwarakabije yatumye umupasiteri w’umunye-Congo azana ibaruwa mu ntoki.

    Nyuma haje umunye-Congo waje kumuhuza na Gen Kabarebe wari umugaba w’ingabo icyo gihe, baravugana hakoreshejwe telefone izwi nka Valise Satelitaire yari yarahawe na Joseph Kabila ngo ahuze ibikorwa by’ingabo za Congo na FDLR.

    Ubwa mbere bavuganye igihe gito ntiyabyumva neza, ubundi Gen Kabarebe amuhamagara igihe kirekire bagirana ibiganiro binyuranye.

    Nibwo Gen Kabarebe yamubwiye aba Ex FAR bari mu buyobozi bw’Ingabo na Polisi, amubwira amazina arimo Juvenal Marizamunda na Stany Nsabimana n’abandi, hanyuma asaba Paul Rwarakabije kohereza intumwa ze zigasura u Rwanda ubundi zigasubirayo kumubwira ibyo ziboneye.

    Mu bindi Kabarebe yamubwiye harimo ko izo ngabo za FDLR zihuje n’iz’u Rwanda zavamo umutwe w’ingabo ukomeye, aho kugira ngo amaraso y’Abanyarwanda akomeze ameneke.

    Gen Maj Rwarakabije yabwiye TV1 ko uwo yabwiraga wese yamusubizaga ko adashobora kuza mu Rwanda, ahubwo ko ashaka kumuroha.

    Yaje kubona ko nakomeza umugambi we uzatahurwa ahubwo akabura gutaha no kuguma muri FDLR. Yahisemo kutongera kugira uwo abibwira. Gen Rwarakabije umunsi mwe yabwiye bamwe mu ngabo zimurinda harimo n’abasirikari bakuru ko agiye kuganira n’intumwa z’u Rwanda baramuherekeza. Yafashe nk’abasirikari 100 muri 600 bamurindaga.

    Gen Rwarakabije yemeje ko Gen Kabarebe yabafashije mu buryo bwo kubona ikibakura muri Congo, aboherereza amakamyo n’umunyarwanda wari wigize umunye-Congo, bityo bambuka umupaka nijoro kuko ku manywa ntibari kubasha kwambuka i Bukavu.

    Yakiriwe n’ukuriye Diviziyo y’ingabo muri ako gace, wari kumwe n’abasirikari bari bambaye imyenda ya gisiviri kuko na Rwarakabije n’ingabo ze bari bambaye sivile, ariko bafite imbunda. Kwishishanya byarashize.

    Mu gitondo, Gen Rwarakabije yafashe indege ya Kajugujugu yari yoherejwe na Gen Kabarebe maze imugeza ku kibuga cy’indege i Kanombe, aho yari amutegereje.

    'Uraho Rwarakabije ? Duherukana muri CND', aya niyo magambo Gen Kabarebe yabwiye Rwarakabije amuhereza ikiganza, nk’uko tubikesha ikinyamakuru ' Ingabo Magazine', cyari icya Minisiteri y’Ingabo.

    Rwarakabije yazanye na Col Andre Bizimana, Col Jerome Ngendahimana n’abandi. Uyu Ngendahimana uri mu kiruhuko cy’izabukuru yanabaye Umugaba mukuru wungirije w’Inkeragutabara.

    Gen Rwarakabije yahise yakiranwa icyubahiro cya gisirikare, maze ahita afata amafunguro mu nzu abasirikari bakuru biyakiriramo (Officers Mess).

    Maj Gen Rwarakabije akigera i Kigali

    Nyuma y’umunsi umwe yakiriwe na William Swing wari ukuriye intumwa za Loni muri Congo (MONUC), wamubwiye ko igikorwa yakoze ari icy’ubutwari.

    Gen Rwarakabije yanayoboye Urwego rw’Imfungwa n’Abagororwa, RCS

    Nyuma y’iminsi ibiri, Maj Gen Rwarakabije yagiye kuri Radiyo Rwanda avuga ko umutwe wa FDLR/FOCA usheshwe, ko ingabo zigomba gutaha mu Rwanda nta yandi mananiza.

    Muri 2004, nibwo Rwarakabije hamwe na bamwe mu basirikare bazanye, bahise binjizwa mu ngabo, abandi basubizwa mu buzima busanzwe nk’uko bitangazwa na IGIHE.

    Mu butumwa yatanze, Maj Gen Rwarakabije yavuze ko ikibazo cya FDLR atari umubare w’abasirikare, ahubwo ko ari ingengabitekerezo ya Jenoside bagenderaho.

    Source : http://www.ukwezi.rw/1-1/Amakuru-anyuranye/article/Uko-hacuzwe-Umugambi-wagejeje-Maj-Gen-Rwarakabije-i-Kigali-n-Uruhare-Gen-James-Kabarebe-yabigizemo

  • Amafoto – Amavubi yakoreye imyitozo ya mbere kuri Sitade ya Huye, yitegura gukina na Ethiopie mu gushaka itike yo gukina CHAN2023 #rwanda #RwOT

    Nyuma yaho ikipe y'igihugu y'u Rwanda Amavubi ivuye muri Tanzania gukina umukino ubanza wo guhatanira itike yo gukina imikino y'igikombe cy Afurika ku makipe y'ibihugu akoresha abakinnyi bakina imbere muri shampiyoza z'iwabo, kuri iki cyumweru yatangiye imyitozo kuri Sitade ya Huye.

    Iyi myitozo yabereye kuri Sitade mpuzamahanga ya Huye yo mu ntara y'amajyepfo yitegura gukina umukino wo kwishyura uzaba tariki ya 3 Nzeri 2022, ni nyuma y'umukino wabaye kuwa gatanu w'icyumweru gishize warangiye ari ubusa ku busa ku mpande zombi.

    Mu rwego rwo kwitegura uyu mukino wo kwishyura, umutoza w'Amavubi Carlos Alos yahisemo ko imyiteguro yabera ku kibuga bazakiniraho na Ethiopie, icyo kibuga kikaba ari icya sitade ya Huye.

    Iyi Sitade Mpuzamahanga ya Huye igiye kwakira umukino wayo wa mbere nyuma yaho CAF yari yandikiye u Rwanda babwirwa ko nta sitade ihari yakwakira imikino mpuzamahanga, bityo Minisiteri ya Siporo ikaba yarahisemo ko iyi sitade ariyo yavugururwa ikajya yakira iyi mikino.

    The post Amafoto — Amavubi yakoreye imyitozo ya mbere kuri Sitade ya Huye, yitegura gukina na Ethiopie mu gushaka itike yo gukina CHAN2023 appeared first on RUSHYASHYA.

    Source : https://rushyashya.net/amafoto-amavubi-yakoreye-imyitozo-ya-mbere-kuri-sitade-ya-huye-yitegura-gukina-na-ethiopie-mu-gushaka-itike-yo-gukina-chan2023/?utm_source=rss&utm_medium=rss&utm_campaign=amafoto-amavubi-yakoreye-imyitozo-ya-mbere-kuri-sitade-ya-huye-yitegura-gukina-na-ethiopie-mu-gushaka-itike-yo-gukina-chan2023

  • Perezida Kagame yasezeranije Abaturanyi ikintu gikomeye, anabaha umukoro #rwanda #RwOT

    Yabivuze mu kiganiro yagiranye n’abavuga rikumvikana bo mu Ntara y’Iburengerazuba mu cyumweru gishize ubwo yagiriraga uruzinduko mu bice binyuranye by’Igihugu.

    Umukuru w’u Rwanda, Paul Kagame yavuze ko umubano hagati y’Ibihugu ugirwamo uruhare n’impande zombi, kandi ko ibi akunze no kubibwira Ibihugu by’ibituranyi by’u Rwanda.

    Ati 'Rwose kuri twe ntibazagire impungenge ngo bibwire ko hari ikizabangamira umutekano wabo giturutse mu Rwanda, ariko nanjye nkabasaba, ariko bivuze ko nta n’umutekano w’u Rwanda ukwiye guhungabana biturutse mu baturanyi. Ni magirirane rero, turuzuzanya.'

    Umukuru w’u Rwanda yavugiye ibi mu Karere ka Rusizi gahana imbibi n’Igihugu cya Repubulika Iharanira Demokarasi ya Congo kimaze iminsi gishinja u Rwanda gutera inkunga umutwe wa M23 umaze iminsi uhanganye na FARDC.

    Ni ibirego u Rwanda rwakunze kwamaganira kure, ruvuga ko ntaho ruhuriye n’uyu mutwe ugizwe n’Abanye-Congo bafite icyo barwanira cyanze kubahirizwa n’ubutegetsi bw’Igihugu cyabo.

    Muri iki kiganiro Perezida Kagame yagiranaga n’abavuga rikumvikana, yibukije Abanyarwanda ko bagomba kugira uruhare mu kubungabunga umutekano w’Igihugu cyabo.

    Ati 'Dukore ibishoboka byose ntihazagire ibishobora kuduhungabanyiriza umutekano hanyuma tubane n’abaturanyi neza, twita ku mutekano wabo, tunabasaba ngo bite ku mutekano wacu.'

    U Rwanda ahubwo rushinja ubutegetsi bwa Repubulika Iharanira Demokarasi ya Congo gufasha umutwe wa FDLR ugizwe na bamwe mu basize bakoze Jenoside Yakorewe Abatutsi, wanakomeje guhungabanya umutekano w’u Rwanda.

    Ubu bufasha igisirikare cya DRCongo (FARDC) giha FDLR, bwanahungabanyije umutekano w’u Rwanda mu minsi ishize, ubwo barasaga ibisasu biremereye ku butaka bw’u Rwanda birimo n’ibyakomerekeje bamwe mu Banyarwanda ndetse bikanangiza imwe mu mitungo yabo.

    Uyu mutwe w’iterabwoba na wo ubwawo wiyemereye ko uri gufatanya na FARDC, mu matangazo washyize hanze mu minsi ishize.

    Source : http://www.ukwezi.rw/1-1/Amakuru-anyuranye/article/Perezida-Kagame-yasezeranije-Abaturanyi-ikintu-gikomeye-anabaha-umukoro