Webrwanda Backend

Author: webrwanda

  • Moto yibwe yafashwe yarambitswe ibirango bishaje kandi ari nshya #Rwanda #RwOT via @kigalitoday #rwanda #RwOT

    Umuvugizi wa Polisi mu Ntara y’Iburasirazuba, SP Hamdun Twizeyimana, arasaba abaturage kugira amakenga ku bintu bagura byarakoze, batabikuye ku isoko (…)

    Source : https://www.kigalitoday.com/umutekano/imbere-mu-gihugu/article/moto-yibwe-yafashwe-yarambitswe-ibirango-bishaje-kandi-ari-nshya

  • Imyanda ya pulasitiki itabwa mu Kivu igabanya umusaruro w’isambaza – Impugucye #Rwanda #RwOT via @kigalitoday #rwanda #RwOT

    Buri mwaka u Rwanda rufata amezi abiri yo guhagarika uburobyi mu kiyaga cya Kivu, kugira ngo amafi n’isambaza bishobore kororoka bitekanye. Kimwe mu bivugwa (…)

    Source : https://www.kigalitoday.com/ibidukikije/ibungabunga/article/imyanda-ya-pulasitiki-itabwa-mu-kivu-igabanya-umusaruro-w-isambaza-impugucye

  • Sauti Sol igiye gukorera igitaramo i Kigali – #rwanda #RwOT

    Ubwo bari mu muhango wo Kwita Izina wabaye ku wa Gatanu tariki 2 Nzeri 2022 mu Kinigi mu Karere ka Musanze, Sauti Sol, yavuze ko yaje mu Rwanda mu bihe bitandukanye kandi 'buri gihe twiyumva nk’abari mu rugo.' Ati “Imana ihe umugisha u Rwanda.”

    Iri tsinda ni ryo ryise izina umuryango mushya w’ingagi ubarizwa muri Pariki y’Ibirunga y’u Rwanda. Byari no kwishimira ko uyu muryango wakomotse kuwundi witwa Kwitonda bisobanuye ko imiryango yombi ubu igizwe n’umubare wingagi ungana.

    Kuva kwitonda na Kwisanga byabaho, iyi miryango yahuye inshuro nyinshi kandi ntakibazo igirana ahubwo usanga abayigize bisanzura.

    Icyumweru kidasanzwe kuri Sauti Sol i Kigali!

    Mu gitondo cyo kuri iki Cyumweru tariki 4 Nzeri 2022, Perezida Kagame ari kumwe na Madamu Jeannette Kagame bitabiriye siporo rusange, ihuza abanya-Kigali.

    Ibera mu bice bitandukanye by'uyu Mujyi, ikarangwa no kwiruka, kunyonga igare, gusimbuka n'ibindi bifasha benshi kumva bamerewe neza.

    Iyi Siporo yitabiriwe n'abayobozi mu nzego zinyuranye, ibyamamare barimo na Sauti Sol.

    Amafoto yashyizwe hanze na Village Urugwiro, agaragaza Perezida Paul Kagame asuhuzanya na Bien Aime uri mu bagize itsinda rya Sauti Sol, ari kumwe na bagenzi be.

    Abagize iri tsinda kandi bagaragara mu mihanda ya Kigali bakora siporo n'abandi banyamujyi.

    Ku mugoroba wo kuri iki Cyumweru, iri tsinda ryatunguranye mu gitaramo 'Kwita Izina Gala Dinner' cyanitabiriwe na Perezida Kagame na Madamu Jeannette Kagame.

    Umuhanzi Mukuru muri iki gitaramo yari umunya-Senegal Youssou N'Dour, wahuriye ku rubyiniro n'abarimo Mike Kayihura na Ruti Joel.

    Sauti Sol yasanze ku rubyiniro Youssou N'Dour baririmbana indirimbo '7 Seconds' nyuma baranzika mu ndirimbo yabo bise 'Nerea' ari nabwo batangazaga ko ku wa 24 Nzeri 2022, bazagaruka i Kigali mu gitaramo.

    Iri tsinda ryatanze ibyishimo i Kigali mu bitaramo bitandukanye birimo nka 'New Year Eve Countdown 2018' cyabaye ku wa 29 Ukuboza 2017, bahuriyemo na Yemi Alade wo muri Nigeria.

    Igitaramo bakoreye i Kigali ku wa 17 Nzeri 2016, bamurika album ya Gatatu bise 'Live and Die in Africa' cyabereye i Gikondo ahasanzwe habera Expo.

    Sauti Sol igizwe n'abasore bane bakurikiranye amasomo kugeza ku rwego rwa Master's barimo Bien-Aimé Baraza; Willis Austin Chimano, umuririmbyi unakina ikitwa Saxophone, Savara Mudigi hamwe na Polycarp Otieno uvuza guitar.

    Iri tsinda rifite amateka akomeye mu ndirimbo nyinshi zakoze benshi ku mutima nka Mapacha, Blue Uniform, Isabella, Live and Die in Africa, Nerea, na Unconditionally Bae'.

    Bien-Aimé Baraza w’itsinda Sauti Sol aramukanya na Perezida Paul Kagame|Byari ibyishimo ku bagize iri tsinda bahura na Perezida Kagame 

    Sauti Sol ni bamwe mu bantu bitabiriye siporo rusange yabaye kuri iki Cyumweru tariki 4 Nzeri 2022 

    Bien-Aimé Baraza wa Sauti Sol ubwo yaganiraga na Madamu Jeannette Kagame mu muhanda bari muri siporo rusange ihuza abantu batandukanye muri Kigali 

    Itsinda rya Sauti Sol ryatangaje ko ku wa 24 Nzeri 2022 rizakorera igitaramo i Kigali 

    Ubwo bari mu muhango wo Kwita Izina ku nshuro ya 18, Sauti Sol yavuze ko yishimira ‘kugaruka mu rugo buri gihe’

    Sauti Sol yakunzwe cyane mu ndirimbo zirimo nka ‘Suzanna’, ‘Tujiangalie’, ‘Melanin’, ‘Sura Yako’ n’izindi. 

    Sauti Sol yise izina umuryango mushya w’ingagi, bawita ‘Kwisanga’



    Source : https://inyarwanda.com/inkuru/120638/sauti-sol-igiye-gukorera-igitaramo-i-kigali-120638.html

  • Stars For Jesus 2022: Umwana wo muri Kiliziya… – #rwanda #RwOT

    Abahanga bavuga ko ibyo umwana atojwe mu buto bwe, akenshi ari byo akora akuze. Aha ni ho havuye n'ubundi igitecyerezo cyo gutangiza amarushanwa ya Stars For Jesus ariko na none hanashingiwe ku iyerekwa rya Rev. Pastor Alain Numa nyiri NumaTok itegura iri rushanwa.

    Iri rushanwa ribaye ku nshuro ya kane, rikaba kuva ryatangizwa mu byiciro bitatu birigize ari byo; Gucuranga, Kubwiriza no Kuririmba. Abanyempano benshi bamaze kuryitabira. Kuri uyu wa 03 Nzeri 2022, ni bwo hamenyekanye abahize abandi muri Stars For Jesus 2022.

    Igikorwa cyo gusoza aya marushanwa cyabereye kuri Shiloh Prayer Mountain Church i Nyamirambo. Nyuma y'ibikorwa birimo kunyura ku itapi y'umutuku, gusangira ijambo ry'Imana no kurushanwa, abana bagera ku icyenda ni bo begukanye ibihembo, batatu muri buri cyiciro.

    Mu cyiciro cyo gucuranga, umwana witwa Igiraneza Gilbert ufite imyaka 14 wo muri ADEPR Samuduha ni we wahize abandi, akurikirwa na Ishimwe Mucyo Prince w'imyaka 15 wo muri ADEPR, naho uwitwa Gabiro Muhire Kevin w'imyaka 11 usengera mu itorero ry'Abadivantisiti b'umunsi wa 7, aba uwa gatatu.

    Mu kuririmba, itsinda ry'abaririmbyi bato bavukana rya The 4 Brothers ni ryo ryahize abandi. Aba bana basengera mu itorero ry'Abadivantiste b'umunsi wa 7. Iri tsinda ryakurikiwe na One Family One Vision yo muri Bethesda Holy Church – Gisozi, naho umwanya wa gatatu wegukanwa na Irakoze Naomie wo muri ADEPR.

    Mu cyiciro kubwiriza, Uwikunda Anne Anais ni we ari wabaye uwa mbere. Uyu mwana ni umukirisitu wo mu idindi Gatolika. Yakurikiwe na Shimwa Akaliza Gaella wo EPR Karugira naho Imanirakiza Jeanine wo muri ADEPR Kacyiru aba ari we wegukana umwanya wa gatatu.

    Abatsinze bose bagiye bagira amanota rusange wabarira hejuru ya mirongo 80%. Umwana wa mbere muri buri cyiciro, yahawe ibihumbi 100 Frw, uwa kabiri ahabwa ibihumbi 60Frw naho uwa gatatu ahabwa ibihumbi 40Frw.

    Itangwa ry'ibi bihembo ryitabiriwe n'ababyeyi b’aba bana, abavandimwe babo n'abakunzi b'umuziki usingiza Imana. Mu bitabiriye kandi harimo Murindahabi Irene umunyamakuru akaba n'umujyanama w'abahanzi barimo abakobwa bakiri bato Vestine na Dorcas. 

    Murindahabi Irene na Peace Nicodem wa Magic Fm mu bitabiriye isozwa rya Stars For Jesus, hano bari kumwe na Akaliza Gaella wabaye uwa kabiri mu kubwirizaAbitabiriye bose bagize umwanya wo kunyura ku itapi y’umutukuMugisha, umuhungu wa Alain Numa yari mu bayobozi ba gahunda kuva icyiciro cya kane cy’iri rushanwa cyatangiraRev.Pastor Alain Numa watangije amarushanwa ya Stars For JesusUwikunda Anne Anais yabaye uwa mbere mu kubwiriza ashyikirizwa sheki y’ibihumbi 100Frw nk’igihembo nyamukuruThe 4 Brothers baheruka gushyira hanze indirimbo yabo ya mbere babaye aba mbere mu kuririmba – Jacky Flower abaha ururabo mu kubashimira

    Byari ibyishimo ku mpande zombi yaba ku babyeyi bitabiriye n’abarushanijweUbwo M.Irene yakurikiranaga uko abana biyerekana

    Ifoto y’urwibutso y’abana 3 bahize abandi muri buri cyiciro

    Akanama Nkemurampaka kari kagizwe n’abagabo gusa

    Stars For Jesus ni irushanwa riba buri mwaka

    Ifoto y’urwibutso y’abegukanye ibihembo muri Stars For Jesus 2022 na bamwe mu bitabiriye iki gikorwa

    Stars For Jesus imaze kugaragaza impano z’abana batandukanye

    KANDA HANO UREBE IBIRORI BYOSE BY’ITANGWA RY’IBIHEMBO BYA STAR FOR JESUS SEASON 4


     AMAFOTO: Feddy Rwigema- InyaRwanda.com

    Source : https://inyarwanda.com/inkuru/120626/star-for-jesus-2022-umwana-wo-muri-kiliziya-gatolika-yabaye-uwa-mbere-mu-kubwiriza-the-4-b-120626.html

  • Ubwongereza bwabonye Minisitiri w’Intebe Mushya w’Umugore #rwanda #RwOT

    Uyu Mary Elizabeth Truss watorewe kuyobora iri shyaka agahita anatorerwa kuba Minisitiri w’Intebe w’u Bwongereza, yari asanzwe muri Guverinoma y’u Bwongereza agiye kuyobora kuko yari Umunyamabanga wa Leta ushinzwe Ububanyi n’Amahanga.

    Yatowe kuri uyu wa Mbere tariki 05 Nzeri 2022 ku majwi 57% mu gihe Rishi Sunak bari bahanganye yagize 43%, mu matora y’icyiciro cya nyuma.

    Boris Johnson asimbuye kuri uyu mwanya yatangaje ubwegure bwe muri Nyakanga uyu mwaka nyuma yuko yari abo mu ishyaka rye bari muri Guverinoma bari bamaze kwegura bitandukanya na we ku byo bamushinjaga birimo guha akazi uwari ukurikiranywe mu butabera.

    Liz Truss watorewe gusimbura Boris Johnson, afite imyaka 47 y’amavuko asimbuye Boris Johnson na we wagiyeho asimbuye Theresa May na we wavuyeho yeguye.

    Biteganyijwe ko Liz Truss atangira iyi mirimo mishya kuri uyu wa Kabiri nyuma yo guhura n’Umwamikazi w’u Bwongereza, Elizabeth II.

    Liz Truss abaye umugore wa gatatu ubaye Minisitiri w’Intebe w’u Bwongereza nyuma ya Margaret Thatcher na Theresa May.

    Source : http://www.ukwezi.rw/Mu-mahanga/Amakuru-anyuranye/article/Ubwongereza-bwabonye-Minisitiri-w-Intebe-Mushya-w-Umugore

  • Perezida Kagame yakiriye Umuyobozi w’Impuzamashyirahamwe ya Handball muri Afurika #Rwanda #RwOT via @kigalitoday #rwanda #RwOT

    Perezida wa Republika y’u Rwanda Paul Kagame yakiriye Umuyobozi w’Impuzamashyirahamwe y’umukino wa Handball muri Afurika Dr Mansourou Aremou uri mu (…)

    Source : https://www.kigalitoday.com/imikino-11/handball/article/perezida-kagame-yakiriye-umuyobozi-w-impuzamashyirahamwe-ya-handball-muri-afurika

  • Bidasubirwaho William Ruto yemejwe nka Perezida Mushya wa Kenya #rwanda #RwOT

    Perezida w’Urukiko rw’Ikirenga, Martha Karambu Koome, yavuze ko Ruto wahagarariye ihuriro Azimio la Umoja ari we watsinze amatora yabaye tariki ya 9 Kanama 2022.

    Tariki ya 15 Kanama 2022, Umuyobozi Mukuru wa komisiyo y’amatora yigenga (IEBC), Wafula Chebukati, yatangaje ko Ruto yatsinze amatora n’amajwi 50.49%, naho Raila Odinga agira amajwi 48.85%.

    Raila Odinga yavuze ko yibwe amajwi, yemeza ko ari we watsinze amatora, ndetse atanga ikirego.

    Urukiko rwatesheje agaciro icyo kirego cye.

    Uru rukiko rwavuze ko ingingo zishingirwaho z’ibirego by’impande icyenda zirimo Raila Odinga – nta shingiro zifite.

    Martha Karua, uwiyamamazaga kuba visi perezida wa Raila Odinga, yahise atangaza kuri Twitter ko yubashye ibyavuzwe n’uru rukiko ariko atemera ibyo rwabonye.

    Martha Koome yagiye asoma ingingo ku yindi — ingingo zigera ku munani — zatanzwe n’abareze, akavuga iby’impande zarezwe, n’uko urukiko rubibona.

    Umutekano wakajijwe cyane mu mujyi wa Nairobi ahegereye uru rukiko rw’ikirenga.

    Martha Koome yavuze ko ibimenyetso byatanzwe n’abareze bitagaragaza ko ikoranabuhanga ryakoreshejwe ritari ritekanye, ritarimo umucyo cyangwa ritari ryizewe.

    Yavuze ko nta kimenyetso cyerekana ko 'ststem’ yo gukusanya ibyavuye mu matora yaba yarinjiwemo n’abatabifitiye uburenganzira ngo bahindure ibyayavuyemo.

    Koome yavuze kandi ko Urukiko rw’Ikirenga rutatesha agaciro ibyatangajwe na komisiyo y’amatora kuko bamwe mu bakomiseri bayo 'bivanye ku munota wanyuma' wo gutangaza amajwi mu bagize iyi komisiyo.

    Yagize ati : 'Abo bakomiseri bane nta nyandiko n’imwe bahaye uru rukiko yerekana ko ibyavuye mu matora bishidikanywaho kandi ntibasobanura impamvu bagiye kubara ibyavuye mu matora mu gikorwa bavuze ko 'cyijimye’.'

    Yavuze ko nubwo aba bakomiseri ari ingenzi mu mitegekere ya komisiyo ariko kuba barivanyemo mu bayigize bidahagije ngo ibyavuye mu matora biseswe.

    Umwanzuro w’Urukiko rw’Ikirenga rwa Kenya nta handi ujuririrwa muri icyo gihugu.

    Uyu mwanzuro usobanuye ko mu gihe nta gihindutse William Ruto agomba kurahira nka perezida mushya wa Kenya mu gihe kitarenze iminsi irindwi.

    Source : http://www.ukwezi.rw/Mu-mahanga/Amakuru-anyuranye/article/Bidasubirwaho-William-Ruto-yemejwe-nka-Perezida-Mushya-wa-Kenya

  • Nyuma y'isezererwa ry'Amavubi amakipe 18 yo yamaze kubona itike ya CHAN2023, Rayon Sports yasoje imikino mpuzamahanga ya gishuti inganya na Singida Bigstars #rwanda #RwOT

    Impera z'icyumweru zisize ikipe y'igihugu y'u Rwanda Amavubi itakaje amahirwe yo gukina imikino ya nyuma y'igikombe cya Afurika ku bakinnyi bakina imbere mu gihugu iwayo, ni nyuma yo gutsindirwa mu rugo na Ethiopie igitego kimwe ku busa.


    Nyuma yo gusezererwa kw'Amavubi, hahise hatangazwa urutonde rw'amakipe yamaze kubona itike yo kuzakina aya marushanwa azabera mu gihugu cya Algeria umwaka utaha wa 2023.

    Amakipe yabonye itike ni:Algeria, Morocco , Libya, Uganda, Ethiopia, Sudan, Madagascar, Mozambique, Angola, Senegal, Mali, Niger, Ghana, Mauritania,Dr Congo, Congo,Cameroon Na Cote D'ivoire.

    Biteganyijwe ko tariki ya mbere Ukwakira 2022 aribwo hazaba tombola y'uko amakipe azahura mu matsinda hitegurwa imikino ya CHAN2023.


    Nyuma yaho ikipe y'igihugu yakinaga uyu mukino, ku rundi ruhande amakipe atandukanye ya hano mu Rwanda yakinaga imikino ya gishuti, kuri Rayon Sports yaraye isoje imikino ya gishuti ikina an Singida Bigstars yo muri Tanzania, ni umukino warnagiye amakipe yombi anganyije 0-0.


    Usibye uyu mukino wakinwe, ku wagatanu kandi Rayon Sports yari yanganyije na URA FC igitego kimwe kuri kimwe, naho Kiyovu SC yo yaraye itsinze Bullf FC yo mu gihugu cya Uganda igitego kimwe ku busa cyatsinzwe na Elissa Ssekisambu.

    The post Nyuma y'isezererwa ry'Amavubi amakipe 18 yo yamaze kubona itike ya CHAN2023, Rayon Sports yasoje imikino mpuzamahanga ya gishuti inganya na Singida Bigstars appeared first on RUSHYASHYA.

    Source : https://rushyashya.net/nyuma-yisezererwa-ryamavubi-amakipe-18-yo-yamaze-kubona-itike-ya-chan2023-rayon-sports-yasoje-imikino-mpuzamahanga-ya-gishuti-inganya-na-singida-bigstars/?utm_source=rss&utm_medium=rss&utm_campaign=nyuma-yisezererwa-ryamavubi-amakipe-18-yo-yamaze-kubona-itike-ya-chan2023-rayon-sports-yasoje-imikino-mpuzamahanga-ya-gishuti-inganya-na-singida-bigstars

  • Musanze : Abayobozi Baje kumwirukana mu nzu basanga hapfiriyemo umuntu #rwanda #RwOT

    Umugore witwa Sibomana Phelomene ucumbitse mu Mudugudu wa Kamutara mu Kagari ka Kivugiza mu Murenge wa Muko, asanzwe avugwaho ingeso mbi zirimo kwicuruza no gusinda.

    Ubuyobozi bw’Inzego z’Ibanze bumaze iminsi busaba uyu muturage gusubira mu Mudugudu yaturutsemo wo mu Kagari ka Mburabuturo gahana imbibi n’aka yaje gucumbikamo.

    Mu gitondo cyo kuri uyu wa Mbere tariki 05 Nzeri 2022, Ubuyobozi bw’Ibanze bwabyutse buza gusaba uyu muturage kubahiriza iki cyemezo cyo kuba yasubira aho yaturutse gusa busanga urugi rw’aho atuye rufunze.

    Umuyobozi w’Umudugudu wa Kamutara, Muhawenimana Marcelline yabwiye RADIOTV10 ko ubwo bageraga ku rugo rucumbitsemo uyu mugore, basanze hafunze, bagahamagara ariko bakabura ubikiriza.

    Yavuze ko byaje kuba ngombwa ko bakoresha imbaraga bagafungura iyi nzu, bagasanga hapfiriyemo umugore witwa Ntirenganya Angelique bivugwa ko yari yaraye acumbikiwe n’uyu muturage uvugwaho ingeso mbi.

    Uyu muyobozi avuga ko bahise bajya gushakisha uyu wari wacumbikiye nyakwigendera, bakaza kumubona avuga ko yari yazindukiye mu kazi mu gihe abaturanyi bavuga ko yari yaramukiye mu nzoga.

    Ubuyobozi buvuga kandi ko uyu muturage atari yabaruje uyu yacumbikiye mu gihe bizwi ko muri aka gace, umuntu wese ujemo adasanzwe ahatuye, umucumbikiye abimenyesha inzego z’ubuyobozi.

    Ubuyobozi bw’inzego z’ibanze bwahise bwiyambaza ubuzikuriye ndetse n’inzego z’iperereza aho Urwego rw’Igihugu rw’Ubugenzacyaha (RIB) rwahise rwihutira kuhagera, rugahita rujyana umubiri wa nyakwigendera mu Bitaro bya Ruhengeri kugira ngo ukorerwe isuzuma rya nyuma.

    Uru Rwego rw’Igihugu rw’Ubugenzacyaha kandi rwahise rutangira gukora iperereza ku cyaba cyahitanye uyu mugore.

    Abaturanyi b’uyu mugore, bavuga ko yaba uyu witabye Imana ndetse n’uwamucumbikiye, bombi basanzwe bazwiho kutirwara neza ndetse ko yari yamucumbikiye nyuma yo gusangira inzoga.

    Source : http://www.ukwezi.rw/1-1/Amakuru-anyuranye/Musanze-Abayobozi-Baje-kumwirukana-mu-nzu-basanga-hapfiriyemo-umuntu

  • Umusaza w’i Nyabihu yasanzwe amanitse mu mugozi ukoze mu nzitiramibu #rwanda #RwOT

    Uwo mugabo w’imyaka 63 y’amavuko yari afite umuryango w’abantu batanu mu Mudugudu wa Twumba mu Kagari ka Marangara.

    Ahagana isaa kumi n’ebyiri z’umugoroba w’iki cyumweru nibwo umwana we yavuye gukura ibijumba asanga Se amanitse mu mugozi ukoze mu nzitiramibu.

    Umugore wa Tulinamungu witwa Mukndutiye Florence yari yagiye gusura bene wabo mu Murenge wa Kintobo.

    Uyu mugore wabanaga na Tulinamungu ni uwa kabiri kuko uwambere yitabye Imana.

    Umunyamabanga Nshingwabikorwa w’Umurenge wa Rugera, Byukusenge Emmanuel yavuze ko uyu musaza batabaye bagasanga yiyambuye ubuzima.

    Nta bibazo byihariye bizwi n’ubuyobozi yaba yari afitanye n’abo mumuryango we cyangwa n’abaturanyi muri rusange.

    Gitifu Byukusenge ati 'Umuntu ni mugari ushobora gusanga afite ibindi bibazo byihariye umuntu aba atari yamenya, inzego zibishinzwe zagiye gukora ibizami (autopsie) bizamenyekana.'

    Nta rwandiko cyangwa ubutumwa bwihariye nyakwigendera yasize nk’ikimenyetso cy’impamvu yamuteye kwiyambura ubuzima.

    Abaturage bo mu Murenge wa Rugera basabwe kujya bagaragaza ibibazo bafite kuko kwiyahura atari umuco nyarwanda.

    Umurambo wa Tulinamungu Juvenal wahise ujyanwa ku bitaro bya Shyira aho wagiye gukorerwa isuzumwa mbere yo gushyingurwa.

    Ivomo:Umuseke

    Source : http://www.ukwezi.rw/1-1/Amakuru-anyuranye/article/Umusaza-w-i-Nyabihu-yasanzwe-amanitse-mu-mugozi-ukoze-mu-nzitiramibu