Author: webrwanda

Taarifa dukesha iyi nkuru yamenye neza ko hari abayobozi bakuru muri iyi Banki batawe muri yombi barimo Umuyobozi mukuru ushinzwe iby’inguzanyo witwa Georges Ndizihiwe n’Umuyobozi mukuru ushinzwe iby’ubucuruzi witwa Joel Kayonga.

Bajyanywe kubazwa ibya ruswa no gusasegura umutungo babikijwe na rubanda kandi amakuru avuga ko muri iyi dosiye harimo n’umwe mu bafite imigabane minini muri iyi Banki.

Umuvugizi w’Urwego rw’igihugu rw’Ubugenzacyaha Dr. Thierry B.Murangira yabwiye Taarifa ko bariya bantu bakurikiranyweho gukoresha nabi umutungo wa rubanda kandi ubusanzwe iyo iki cyaha gihamye ugikekwaho ahanishwa igifungo kitari munsi y’imyaka itanu ariko kitarenze imyaka irindwi n’amande atarenze miliyoni Frw 5.

Amakuru avuga ko aba bagabo bombi basinyiye umwenda rwiyemezamirimo witwa David Byuzuza ungana na Miliyari Frw 4, uyu ariko ayo mafaranga ayakoresha nabi.

Uyu Byuzuza ni rwiyemezamirimo ukorera umwe mu bagize Inama y’ubutegetsi ya COGEBANQUE kandi akayigiramo n’imigabane.

Iby’uko bariya bantu bafunzwe byemejwe n’Umuyobozi mukuru wa COGEBANQUE witwa Guillaume Ngamije Habarugira.

Yabwiye Taarifa ko bariya bagabo batawe muri yombi bakaba bari gukorwaho iperereza.

Ku rundi ruhande, yemeje ko nawe ari kubazwa n’Ubugenzacyaha kuri kiriya kibazo, akabazwa nk’umuyobozi mukuru wa Banki ivugwamo kiriya cyaha.

Ngo Telefoni y’umunyamakuru wa Taarifa yayitabye ahagana saa tatu z’ijoro akiri mu Biro, ari kuganira n’abo kiriya kibazo kireba.

Yavuze ko 'nta byinshi yavuga ku idosiye iri gukorwaho iperereza.

Ikinyamakuru Taaarifa dukesha iyi nkuru kivuga ko cyaje kumenya ko iriya nama yarangiye mu masaha akuze y’ijoro.

Aba basore bafashwe kuri uyu wa Mbere tariki ya 5 Nzeri 2022 bakaba bafatiwe mu Mudugudu Rwimbogo mu Kagari ka Marimba ariko ngo ubusanzwe bakaba bakomoka mu Kagari ka Kigasha mu Murenge wa Ngarama.

Amakuru yizewe avuga ko aba basore kugira ngo bafatwe byaturutse ku baturage babiri bababonye bokeje inyama bababaza icyo botsa bababwira ko ari agahene ko mu ishyamba, ngo bahise babegera babaha ku nyama batangira kurya umwe agira amakenga ababaza uruhu rw’iyo hene cyangwa umutwe wayo.

Ubwo batangiraga gushakisha aho biciye iri tungo ngo barebe koko niba ari ihene ngo baguye ku mutwe w’imbwa n’uruhu rwayo bamenya ko ariyo babagaburiye.

Aba baturage ngo bahise bahuruza ubuyobozi busanga koko ni imbwa babaze ndetse ngo bakaba bari banafite umugambi wo kujya kugurisha inyama zayo mu gasantere kari hafi aho.

Umuyobozi w’Akarere ka Gatsibo, Gasana Richard, yemeje ko bafashe abaturage babaze imbwa, avuga ko kuri ubu babashyikirije RIB kugira ngo harebwe icyo amategeko ateganya.

Ati ' Bafashwe babaga imbwa bivugwa ko bashakaga no kujya gucuruza inyama zayo, twabafashe tubashyikiriza RIB , ndumva ku bijyanye n’ibihano bahabwa aribo babisobanura.'

Meya Gasana yavuze ko ubusanzwe mu muco nyarwanda hari amatungo aribwa n’andi ataribwa, bakaba babafunze kugira ngo barengere abantu be kugura inyama z’imbwa ngo bazirye nyamara batanabizi.

Yavuze ko amategeko namara kureba neza niba hari ibihano bahabwa cyangwa se niba barekurwa ngo biraza gukurikizwa hanyuma banagirwe inama.

Ivomo : Igihe

Miss Shanitah nyuma yo kwegukana iri Kamba yemerewe ibihembo bitandukanye birimo igihembo nyamukuru kigizwe n'imodoka yo mu bwoko bwa Nissan Xtrail 2021 nshyashya, igura miliyoni 44 z'amafaranga y'u Rwanda, ndetse akazajya ahabwa umushahara wa 1500 $, arenga 1.500.000 Frw buri kwezi.

Mu kiganiro (Space) cyabaye kuri uyu wa gatanu kuri Twitter mu masaha akuze, Miss Mutesi Jolly yahishuye ko ariwe wishyuye Miss Umunyana Shanitah amafaranga y'amezi atandatu.

Ubwo yumvikanishaga ko we na Miss Shanitah nta kibazo bafitanye ndetse bari kurebera hamwe ukuntu ikibazo cy'imodoka cyakemuka cyane ko aricyo cyari cyabaye imbarutso, Miss Mutesi Jolly yasobanuye iby'uyu mushahara.

Mu byumvikana akimara gusobanura iby'aya mafaranga, abantu bahise bumva ko ibibazo byo muri Miss East Africa byatangiye mbere, kugeza ubwo n'aho amafaranga atangira kwishyurwa na Visi Perezida w'irushwana aho kwishyurwa n'irushanwa ubwaryo.

Miss Jolly yagize ati''Nta kibazo gihari kuko iyaba cyari gihari umubaze (Sanitah) n'amezi atandatu ninjye wayamwishyuye.''

Ubwo irushanwa rya Miss East Africa ryamaraga kubona nyiraryo, Miss Shanitah yifotoreje ku modoka nk'ibisanzwe byitwa ko ari iye kuko byanashobokaga ko ahita ayicyura ariko byari ukuyobya uburari kuko atayihawe.

Ku wa 27 Mutarama 2022 nibwo hasohotse inkuru ivuga ko iyi modoka igiye kugurishwa, kuko ifite ikibazo cy'uko ukuboko itwarirwaho atari uko mu Rwanda.

Imodoka Miss Shanitah yifotorejeho yaragurishijwe

Kuva icyo gihe kugeza ubu nta yandi makuru kuri iyi modoka yagiye hanze, gusa Miss Mutesi Jolly akaba yaravuze muri icyo kiganiro ko biri gukurikiranwa kugira ngo Miss Shanitah abone imodoka ye.

Amakuru Miss Shanitah yakomeje kubaza gusa bamuhoza ku cyizere, ari nako asaba Miss Jolly kumufasha kubona imodoka yemerewe akamubwira ko nawe ari kubikurikirana ngo ibonerwe umukiliya, gusa nta gisubizo gihamye yaje kubona.

Miss Shanitah Yakomeje guhatiriza abaza no ku ruhande rwa Rena events yo muri Tanzania, nabo bamubwiye ko bari kubikoraho.

Amakuru yizewe dufite ni uko yagerageje no kwifashisha Ambasade ya Tanzania mu Rwanda gusa nta makuru ahari y'icyo bamufashije.

Miss Jolly nka Visi Perezida w’irushanwa niwe wiyambikiye Miss Shanitah ikamba

Amezi abaye icyenda imodoka ikiri gushakirwa umukiliya, ndetse mu minsi ishize abategura iri rushanwa babwiye Miss Shanitah ko bagiye kumuha amafaranga akigurira imodoka ariko amakuru yizewe ahari ni uko buri gihe bamubwira ko bagiye kohereza amafaranga ariko bikarangira ntayo abonye.

Abategura Miss East Africa batangaje ko iri rushanwa rizajya riba buri mwaka, haribazwa uburyo hazategurwa irindi rushanwa kandi n'undi atarahabwa ibihembo nk'uko yabyemerewe.

Ni irushanwa rizamara ukwezi kumwe kuko ryatangiye tariki 3 Nzeri 2022, rikazagera tariki 1 Ukwakira uyu mwaka. Iri rushanwa ryatangiye gukinwa bwa mbere mu 2015, gusa kuri ubu rikaba ryari rimaze imyaka 3 ritaba kubera icyorezo cya COVID-19. Iri rushanwa ryitwa Interbank Sports Tournament kuri iyi nshuro rigiye guhuza za Bank 10, muri Bank zigera Kuri 15 zibarurwa mu Rwanda. Iyi mikino yitabiriwe mu byiciro bitandukanye harimo umupira w’amaguru, Volleyball, Basketball ndetse no koga.

Amakipe yitabiriye: duhereye mu mupira w’amaguru, hiyandikishije amakipe 8 ari mu matsinda abiri, aho itsinda rya mbere ririmo Urwego, Bank of Afurika, BK na Congebanque. Itsinda rya kabiri ririmo Equity Bank, Access Bank, I&M Bank na BPR. Imikino izabera ku bibuga bya IPRC Kigali, kuri Sitade Mumena no muri Notre Dame Des Anges i Remera. Amakipe 2 ya mbere muri buri tsinda niyo azakomeza mu mikino ya 1/2.

Muri Basketball hitabiriye 7 ashyirwa mu matsinda abiri, itsinda A ririmo BK, I&M Bank na Cogebanque naho itsinda B ririmo Equity Bank, BPR, Ecobank na Access Bank.

Aha imikino y'amajonjora mu  matsinda izasozwa taliki 17 Nzeri 2022 hanyuma taliki 25 Nzeri 2022 habe imikino ya ½, ubundi taliki 01 Ukwakira 2022 habe umukino wa nyuma n'uwo guhatanira umwanya wa  gatatu.

Muri Volleyball hitabiriye amakipe 4 ari yo BK, Congebank, Ecobank na BPR. Aya makipe agomba gukina hahati yayo  kugeza taliki 18 Nzeri 2022. Mu mikino ya ½ iteganyijwe taliki 25 Nzeri 2022, ikipe ya mbere izakina n'iya 4 hanyuma iya kabiri ikine n'iya 3, izitwaye neza zihurire ku mukino wa nyuma taliki 01 Ukwakira 2022.

Mu Koga 'Swimming' irushanwa rizaba  taliki 01 Ukwakira2022 guhera saa tatu (09h00). Abazarushanwa bazakina mu byiciro bitandukanye birimo 'Freestyle',  'Backstroke', Breaststroke' na 'Butterfly'.

Mu mikino yabaye mu mpereza z’iki cyumweru, mu mupira w’amaguru Urwego rwatsinzwe na BOA ibitego 14-1, BK itsinda Cogebanque ibitego 19-0, Equity Bank yatsinzw Access ibitego 18-0, naho BPR inganya na I&M Bank ibitego 3-3.

Muri Volleyball, Cogebank yatsinzwe na Bk amaseti 3-0, Ecobank itsindwa na BPR amaseti 3-0. Muri Basketball BK yatsinze Cogebank amanota 120 kuri 24, Equity itsinda Access Bank amanota 20 ku busa, BRP itsinda Ecobank amanota 53 kuri 17.

Natacha Haguma, Umuyobozi  wa Kompanyi, GLS ifatanya na RBA  gutegura iri rushanwa yatangaje ko iri rushanwa rifite insanganyamatsiko igamije gushishikariza abanyamuryango ba RBA  gukora akazi, kandi bafite ubuzima buzira umuze. 

U Budage nka kimwe mu bihugu by’u Burayi gifite ubukungu cyashingiraga cyane kuri Gaz ituruka mu Burusiya, bwatangaje ko buzabona izakoreshwa mu gihe (…)

Ni mu birori byabereye muri ‘Centre’ ya Kicukiro ku mugoroba wo ku Cyumweru tariki 4 Nzeri, aho Nibakwe n’inshuti ze bari babukereye bishimira imyaka 10 amaze akora umwuga w’itangazamakuru, ndetse bungurana ibitekerezo ku byateza abagore imbere ndetse bigatuma barushaho kugira umuryango mwiza.

Abitabiriye ibirori byiswe ‘Women Of Impact Evening’ bari barimbye mu myambaro y’umweru, baganiriye ku ngingo zitandukanye mu gihe cy’amasaha ane, bagirana inama, bungurana ibitekerezo ndetse bishimira gusangira amafunguro yari yateguwe.

Bakihagera babanje gusenga, basangira imbuto baranifotoza mbere y’uko Edith Nibakwe afata umwanya wo kuganiriza abitabiriye, arabashimira ndetse abasangiza ku mateka ye mu mwuga w’itangazamakuru amazemo imyaka 10.

Nibakwe Edith

Nibakwe yavuze ko yishimira ko amaze igihe cy’imyaka 10 mu mwuga akunda w’itangazamakuru, aho yahuriye n’abantu bo mu ngeri n’inzego zitandukanye, bikamuteza imbere umunsi ku wundi.

Uyu mugore watangiriye Itangazamakuru kuri Radio na Televiziyo Izuba, yasangije abari bateranye amateka ye y’urugendo rurerure rwe, aho yanyuze ku bitangazamakuru bya Autenthic, Radio10, Radio France International (RFI), ITV (Tanzania), Isango Star akorera kuri ubu, n’ibindi.

Nyuma y’aho yavuze ko muri 2021, ubwo yatekerezaga ko agiye kuzuza imyaka 10 akora itangazamakuru, yanatekereje umushinga yakora mu rwego rwo gutanga undi musaruro ku gihugu n’ubundi binyuze mu itangazamakuru, ariko ku buryo bwe bwihariye.

Aha niho yakuye igitekerezo cyo gutangiza umushinga ‘Women Of Impact’ ugamije guteza imbere abagore, arebeye ku kuba abakobwa n’abagore bafite imbogamizi n’inzitizi nyinshi zituruka kuri Sosiyete, zirimo n’izibatera ihungabana n’ibindi bibazo by’ubuzima.

Ibirango bya Women of Impact

Nk’uko Edith abivuga, yatekereje gutangiza umushinga wa ‘Women Of Impact’ hagamijwe gukangurira abagore guharanira kuzana impinduka nziza, binyuze mu biganiro byo ku nzego zitandukanye, gukora ihuriro ndetse n’imishinga ihuriweho.

Nyuma y’aho, Mudakikwa Pamella na we usanzwe ari umunyamakuru yayoboye ikiganiro cya’abatumirwa cyavugaga ku ngingo zitandukanye, ahahawe umwanya abarimo umunyamakuru Aissa Cyiza wavuze ku ruhare rwabo mu itangazamakuru mu gukemura ibibazo bigaragara muri sosiyete, Umulisa Josiane wavuze ku buryo bwo kurera abana barindwa ibibazo by’ubuzima bwo mu mutwe, n’abandi.

Hanaganiriwe kandi ku zindi ngingo zitandukanye ahanini ziganjemo izerekeranye n’uburyo bukwiriye bwo kurera abana, ahagarutswe ku kurera muri iki gihe cy’ikoranabuhanga, Uruhare rw'umugore mugukumira inda z'imburagihe mu bana b'abangavu, Uruhare rw’isengesho mu rugo n’ibindi.

Edith wa Isango Star na Aissa Cyiza wa Royal FM

Mujawayezu Beatrice usanzwe ari umushoramari ndetse akaba impuguke mu bushabitsi, yatanze ikiganiro cyihariye ku bukungu ndetse akangurira abagore bose kwinjira mu nzira zo kubyaza amafaranga andi, asobanura ko bidasaba ko amafaranga aba menshi cyane kugira ngo abyare andi, ahubwo bisaba kuyigira imishinga neza.

Mujawayezu usanzwe afatanya na Edith Nibakwe mu mishinga ya Women Of Impact yashimangiye ko ubuzima bufite intego bukwiriye buri mugore, kuko ari kimwe mu bituma abasha kwiteza imbere.

Mu gusoza ibiganiro, Edith Nibakwe yashimangiye ko ‘Women Of Impact’ igamije kuzamura abagore mu bukungu n’ubuzima, ashimira abitabiriye ibirori bose, anasaba ko bose bakomeza gushyigikirana no gufatanya mu bikorwa by’iterambere, bizageza buri mugore ku buzima bwiza.

Rutayisire Aisha uyobora ibiganiro bya Radio Voice Of Africa ari mu bashyigikiye Nibakwe

Pamella Mudakikwa yari ahari

Bwiza Connie na Nibakwe Edith

Pam Mudakikwa na Edith Nibakwe

Mujawamariya na Nibakwe

Byari ibyishimo

AMAFOTO: WOMEN TV

Iki gitaramo cyabaye tariki 04 Nzeri 2022 kibera kuri Prayer House – Kicukiro kuva saa kumi n’imwe z’umugoroba kugeza saa tatu z’ijoro. Cyaririmbyemo Luc Buntu ndetse na Olivier The Legend. 

Ni igitaramo cyateguwe Prayer House ikuriwe na Kavutse Olivier ku bufatanye na RG Consult imenyerewe mu gutegura ibitaramo bikomeye aho izwi cyane kuri ‘Jazz Junction’ imaze kuba ubukombe.

Ubwitabire bwari ku rwego rushimishije na cyane ko ari ubwa mbere iki gitaramo kibaye ndetse kwinjira bikaba byari ukwishyura. 

Ku munsi w’igitaramo, amatike yaguraga 10,000 Frw mu myanya isanzwe, 20,000 Frw muri VIP naho muri VVIP itike imwe yari 50,000 Frw. Mu minsi ya mbere y’igitaramo, amatike yari ari ku biciro biri munsi gato y’ibyo twavuze haruguru.

Luc Buntu wakoreye umurimo w’Imana muri Kaminuza y’u Rwanda i Butare, ndetse akawukorera mu matorero akomeye hano mu Rwanda, yahembuye imitima ya benshi bitabiriye iki gitaramo “Igicaniro Concert Series”.

Bafatanyije nawe kuramya Imana mu ndirimbo ze zitandukanye zirimo “Shimwa Mana”, “Ntutinye” n’izindi. Nyuma yo kubona ko benshi bari banyotewe cyane no gutaramana nawe, Luc Buntu yavuze ko azongera akabaratamira kuri Prayer House.

Yashimye Imana yamushoboje muri iki gitaramo, anayishimira ku bwo kumutungura ‘Surprise’ akabasha kuba umuramyi wa mbere uririmbye muri ibi bitaramo. 

Yavuze ko ubwo Kavutse Olivier yamugezagaho ubusabe bwo kuririmba muri ibi bitaramo by’uruhererekane, yabyumvise vuba ahita amwemerera. Yatangaje ko ubu agarutse mu muziki nyuma y’igihe yari amaze atumvikana.

Ibi bitaramo “Igicaniro Concert Series” bizajya biba buri Cyumweru cya mbere cy'ukwezi, mu rwego rwo gufasha abanyarwanda n'abandi kuramya no guhimbaza Imana. 

Bizajya biririmbamo umuhanzi mukuru ndetse n’umuhanzi ukizamuka mu rwego rwo gushyigikirana no guteza imbere umuziki wa Gospel mu Rwanda.

Kavutse Oliver, Umuyobozi wa Prayer House itegura ibi bitaramo, yashimiye cyane abitabiriye ibi bitaramo bibaye ku nshuro ya mbere anaboneraho gusaba abakunzi b’umuziki wa Gospel kujya bitabira cyane ibi bitaramo.

Yasobanuye ko ibi bitaramo bigamije guteza imbere umuziki wa Gospel no gushyigikira abaramyi bitanga uko bashoboye bagamije guhembura imitima y’abantu. Yasabye n’abahanzi kujya bitabira ibi bitaramo kandi bakishyura mu gushyigikira bagenzi babo.

Uyu mugabo usigaye utuye muri Canada n’umuryango we, yavuze ko nta nyungu y’amafaranga afite muri ibi bikorwa, ahubwo ko ari inyunyu z’abahanzi, abakristo n’abakunzi b’umuziki. 

Yatangaje ko umuhanzi uzajya uririmba muri ibi bitaramo “Igicaniro Concert Seried”, hari ibahasha irimo amafaranga atavuze umubare azajya atahana. 

Luc Buntu yari akumbuwe cyane! Yeretswe urukundo rwinshi

Byari ibihe bihembura umutima

Batambiye Imana biratinda

“Igicaniro Concert Series” cyabafashije kuganira n’Imana

Olivier The Legend ni we muhanzi ukizamuka wabimburiye abandi kuririmba muri ibi bitaramo

Patient Bizimana umaze iminsi i Burayi, yitabiriye iki gitaramo ahagarariye abandi baramyi

“Nitwa Pastor Kavutse Olivier” – Kavutse yabwiye abari muri iki gitaramo ko ari Pasiteri w’urubyiruko

• Umuziki ni kimwe mu bintu bifasha imigendekere n'imibereho myiza ya muntu, kandi umwe mu bahanga muriwo yavuze ko uvuga wese yabasha kuririmba bivuze ko buri umwe iyi mpano aba ayifite ariko na none abantu bagenda barutanwa mu kubikora neza.

Gusa na none kugira ngo ubashe kumenya urusha abandi bigendera ku bintu bitandukanye, akenshi bikunze gushingirwa ku marushanwa anyuranye akorwa n'abahanzi bataramenyekana cyane cyangwa n'abamenyekanye n'ubwo bihindurirwa inyito ntibyitwe amarushanwa bikaba ibihembo.

Kenshi usanga iyo amarushanwa ateguye neza aha umurongo impano z'abayitabira, ndetse benshi mu bahanzi bayanyuramo  bakagera kure yaba mu Rwanda no hanze yarwo. Kuri ubu hakaba hagiye kuba amarushanwa azasiga amurikiye isi abahanzi bashoboye batari bazwi yiswe 'One Nyota Music Competition', igiye kuba ku nshuro yayo ya mbere.

Mu kiganiro inyaRwanda.com yagiranye n'umwe mu bari kuyategura, yasobanuye impamvu za nyazo zatumye bategura aya marushanwa agira ati:'One Nyota Music Competition ni irushanwa ryubatse mu buryo buhesha agaciro umunyempano, uhereye ku byiciro birigize ndetse n'itsinda rigari riri kuritegura.'

Asobanura impamvu yo gutegura iri rushanwa ati:'Hari abahanzi benshi batangiye n'abandi bataratangira ariko usanga barabuze aho banyura, n'ubwo bose tutazabageraho cyangwa ngo tubafashe mu rugendo rwabo rw'umuziki ariko turifuza ko buri mwaka tuzajya tuba dufite impano nshya idasanzwe tumurikiye isi.'

Yinjira mu buryo irushanwa ryubatse ati:'Mumaze iminsi mubona amatangazo avuga ko guhera kuri uyu wa 05 Nzeri 2022 abahanzi bashoboye bumva bifuza kugera kure bakohereza amashusho yabo y'umunota umwe baririmba, kuri nimero ya WhatsApp +250723693793 ubundi abazahiga abandi nyuma y'uko kwiyandikisha bisojwe bakazamenyeshwa ko bakomeje.'

Yongeraho ati:'Turifuza byibuze kuzafata abazakomeza bagera kuri 30, ni umubare ushobora kwiyongera ariko utajya munsi. Dufite abafatanyabikorwa turi gukorana nabo aho hazafatwa umwanya wo kubatoza, ubundi bakazafatwa amashusho umwe kuwundi aririmba azashyirwa kuri Youtube, ndetse hagashyirwaho n'uburyo bw'amatora binyuze ku rubuga buzasozwa hamwe n'amanota azatangwa n'akanama nkempurampaka hatangajwe 20 bakomeje mu cyiciro cya nyuma.'

Avuga ku cyiciro cya nyuma yagize ati:'Icyiciro cya nyuma hazabaho uburyo bwo kunyura imbere y'akanama nkempuramaka ndetse abakunzi b'abahanzi nabo bongere gushyirirwaho uburyo bwo gutora, ku buryo umuhanzi uzatangazwa ko ari we ugiye gufashwa mu gihe kingana n'umwaka wakongerwa bitewe n'ubwumvikane bw'impande zombi azaba koko abikwiye.'

Agaruka kandi kubashobora kumva umuntu umwe atabawe akitinya ati:'Nibyo koko ni One Nyota umuhanzi umwe impano imwe, ariko hazakorwa ibishoboka byose uwageze muri semifinal kuko ari na we uzamenyekana abandi bose amakuru yabo azagirwa ibanga kubwo kubaha impano zabo, azabasha kumenyekana no kuba yagira umufasha mbega gutuma aticuza kuba yarageze mu marushanwa, ahubwo akayabona nk'umuyoboro uboneye.'

Asoza avuga intego bihaye ati:'Dufite imbogamizi y'uko hari amarushanwa yagiye aza abantu bagakora ariko ntibamenye uwatsinze, cyangwa yanatangazwa ntihamenyekane icyakurikijwe ariko turi kugerageza ibishoboka ngo dusobanure neza irushanwa ryacu.'

Uzahiga abandi muri irushanwa akazakorerwa indirimbo zigera ku 10 z'amajwi ndetse zirimo n'iza mashusho agafashwa kuzimenyekanisha n'ibindi byatuma abasha gutera imbere nk'uko Umuyobozi wa CHUFA ikompanyi ifite mu nshinga aya marushanwa yabivuze.'

Ariko na none akavuga ko ibihembo bishobora kuziyongera gusa uko byagenda kose nta mafaranga bazatanga ahubwo byose bazagenda babivunja mu bikorwa, kuko intego bafite y'imyaka 10 ari uko byibuze bazaba bafite abahanzi banyuze muri iri rushanwa bageze kure byibuze barenze 10, harimo abatsinze n'abandi bagize amahirwe kubera irushanwa ryabo rya One Nyota Music Competition.

Kugeza ubu ushaka kwiyandikisha nk'uko twabivuze haruguru yohereza amashusho y'umunota umwe kuri nimero ya WhatsApp ya +250723693793, ku bindi bisobanuro akaba yahamagara kuri +250788274763 cyangwa akabandikira anyuze kuri Instagram yitwa 'ase_inganzo'.Kwiyandikisha byatangiye ndetse aba mbere bamaze kohereza amashusho yabo y’umunota umwe baririmba

Mu ijoro ryo kuri iki Cyumweru tariki 4 Nzeri 2022, Youssou N'Dour wamamaye mu ndirimbo zinyuranye zubakiye mu muco wa Senegal, yakoreye igitaramo gikomeye mu Intare Conference Arena, abantu bataha bakinyotewe.

Uyu muhanzi ni umwe mu bise izina abana 20 b'ingagi mu muhango wabaye ku wa Gatanu tariki 2 Nzeri 2022 mu Kinigi, mu Karere ka Musanze mu Majyaruguru. Umwana w’ingagi yamwise ‘Ihuriro’.

Igitaramo cye yakoreye i Kigali kitabiriwe na Madamu Jeannette Kagame na Madamu Jeannette, abayobozi mu nzego zinyuranye n'abandi batandukanye.

Youssou N'Dour ari ku rutonde rw'abahanzi b'ibikomerezwa baganiriye na Perezida Macky Sall na mugenzi we Perezida Kagame muri Gashyantare 2022, nyuma y'umuhango wo gutaha ku mugaragaro Stade Abdoulaye Wade.

Ni umuhanzi wabaye icyatwa muri Senegal nzima, Afurika iramumenya n'ahandi. Ni umwanditsi mwiza w'indirimbo, umunyamuziki udashidikanywaho mu buhanga, rimwe na rimwe agakina filime ariko agakora n'ubucuruzi na Politiki.

Mu 2004, ikinyamakuru Rolling Stone cyamwise umuhanzi wa mbere wagize igikundiro kidasanzwe mu bakiriho. Kuva mu 2012 kugera mu 2013, yari Minisitiri w'Ubukerarugendo muri Senegal. Indirimbo ye nka 'The Lion, Birima, 7 Seconds, n'izindi zamwaguriye izina.

Nyuma yo gukorera igitaramo mu Rwanda, umuhanzi mugenzi we Massamba Intore yamwoherereje impano y'inanga.

Massamba yabwiye InyaRwanda ko amaze igihe kinini aziranye na Youssou, akaba inshuti ye. Ati 'Naraye mpaye Youssou N'Dour 'cadeau' y'Inanga. Yishimye cyane. Ejo barayimuhaye akimara gukina (kuririmba).'

Kuva kuri iki Cyumweru tariki 4 Nzeri 2022, Masamba ari kumwe n'Itorero ry'Igihugu Urukerereza aho bitabiriye iserukiramuco Jamafest riri kubera mu gihugu cy'u Burundi, rizasozwa ku wa 12 Nzeri 2022.

Uyu muhanzi yavuze ko yavuye mu Rwanda yarateguriye impano Youssou, atuma Igor Sentore, hanyuma ayishyikiriza Youssou N'Dour nyuma y'igitaramo.

Mu butumwa yanyujije kuri konti ye ya Instagram, Masamba yagize ati 'Sinabashije gutaramana namwe muri 'Kwita izina Gala dinner', noherejwe muri Mission I Burundi Jamafest hamwe n'Itorero ry'Igihugu Urukerereza. Ariko nohereje Igor ngo ampere Youssou Ndour Inanga. Ni umuhanzi nkunda kandi nemera cyane.'

Inanga ni igikoresho gakondo kibajwe mu giti cyitwa umwungo. Igizwe n'ibice bitatu birimo inyahura, ibihumurizo n’igituza.

 

Massamba Intore yoherereje Youssou N'Dour impano y'inanga kuko ari muhanzi w'inshuti ye y'igihe kirekire-Igor Sentore ni we wayimushyikirije 

Massamba yavuze ko atabashije kuririmba mu gitaramo 'Kwita Izina Gala Dinner' kubera ko yagiye mu butumwa bw'akazi

Youssou N'Dour yashimye Perezida Kagame na Madamu Jeannette Kagame bamwakiriye