Author: webrwanda

Source : https://www.kigalitoday.com/amakuru/amakuru-mu-rwanda/article/nirda-yahembye-urubyiruko-rwatsinze-amarushanwa-ku-kubyaza-umusaruro-ibikomoka-ku-nka

Argentine yageze muri kimwe cya kabiri nyuma yo gutsinda Ubuholandi kuri penaliti 4-3 nyuma yo kunganya ibitego 2-2 mu mukino wari ugoye wamaze iminota 120.

Nyuma yo gutsinda ibitego 2-0 hakiri kare,Argentina yaje gutungurwa ubwo Ubuholandi bwabyishyuraga mu minota 10 n'iy'inyongera,bituma hongerwaho iminota 30 nyuma haterwa za penaliti zahiriye aba banyamerika y'Amajyepfo.

Argentina yafunguye amazamu ku munota wa 35 ku gitego cyatsinzwe na Nahuel Molina ku mupira mwiza yahawe na Lionel Messi bituma igice cya mbere kirangira iyoboye.

Uyu mupira Messi yatanze warimo ubuhanga bwinshi kuko waciye hagati ya ba myugariro 2 b'Ubuholandi,Daley Blind na Virgil van Dijk usanga Molina,awushyira mu izamu.

Mu kwica umukino wa Argentina,umutoza w'Ubuholandi Van Gaal yahise yinjiza mu gice cya kabiri Teun Koopmeiners na Steven Berghuis basimbura Bergwijn na Marten De Roon.

Ibi byafashije Ubuholandi kongera gukomera mu kibuga hagati nubwo bwagize ibyago myugariro wabo Denzel Dumfries agakora penaliti ubwo yakandagiraga mu rubuga rw'amahina Marcos Acuna,ku munota wa 73.

Nyuma yo guhusha penaliti 2 ziheruka mu mikino 2 itandukanye,Messi yateye neza iyi,afasha Argentina kugira ibitego 2-0.

Ubuholandi bwiganye Australia bumenya ko iminota 10 ya nyuma Argentina iba iri hasi niko gutangira kuyisatira cyane ndetse bubona igitego cya mbere ku munota wa 82 gitsinzwe na Wout Weghorst winjiye mu kibuga asimbuye.

Uyu mukino wari wajemo amahane bitewe ahanini n'imisifurire itavugwagaho rumwe ku ruhande rw'Ubuholandi,iminota 90 yarangiye ari 2-1 umusifuzi yongeraho indi 10.

Iyi minota 10 yabereye umusaraba Argentina yakinaga yirwanaho ariko ntibyaza kuyihira kuko ku munota wa 8 yishyuwe igitego cya kabiri na Wout Weghorst nyuma ya free kick yabonetse inyuma gato y'urubuga rw'amahina igaterwa neza cyane na Koopmeiners.

Uyu Koopmeiners yajijishije Argentina ko agiye gutera mu izamu,ahereza agapira gato Weghorst ahita atsinda.

Umukino wahise uhinduka Argentina ishaka igitego cy'intsinzi mu minota 2 yari isigaye aho Lautaro Martinez yari abonye uburyo bwo gutsinda umunyezamu Noppert awukuramo.

Messi nawe yagerageje ishoti rya kure umupira ujya hanze mu gihe ku munota wa nyuma Enzo Fernandez yateye umupira ukubita igiti cy'izamu ujya hanze.

Iminota 30 ntacyo yahinduye ku mpande zombi byatumye hitabazwa penaliti zahiriye Argentina.

Umunyezamu Emiliano Martinez yabereye intwari Argentina akuramo penaliti 2 za mbere zatewe na Van Dijk na Berghuis.Abazinjije mu Buholandi ni Koopmeiners,Weghorst na Luuk de Jong.

Messi,Paredes, Montiel na Lautaro Martinez binjije penaliti za Argentina gusa Enzo Fernandez yayihushije.

Nyuma y'umukino,Messi yagize ati: “N'ibyishimo byinshi no kwiruhutsa.

“Ntabwo twifuzaga iminota y'inyongera cyangwa penaliti. Twababaye cyane kubera uko ibintu byose byagenze, ariko ni kimwe cya kane cy'igikombe cy'isi. Twari tuzi uko kubabara bimera igihe kigeze, ariko twageze muri kimwe cya kabiri.Ni byiza,ibintu bishimishije cyane.”

Umutoza Louis van Gaal ati: “Twitoje gutera penaliti umwaka wose ariko nyuma y'ibyo byose twatsinzwe. Biteye isoni.

Nk'umutoza, nashakaga gushyira ibintu byose ku murongo. Niyo mpamvu nasabye abakinnyi gufata penaliti mu makipe yabo, bose barabikoze. Ariko uramutse uhushije ebyiri, ntiwatsinda. Ntushobora kurenga umurongo nk'uyu “.

Argentina yari ifite abafana benshi cyane kuri stade Lusail aho abantu 88,235 barebye uyu mukino.

Argentina izahura na Croatia muri 1/2 cy'irangiza kuwa Kabiri.

Source : https://umuryango.rw/imyidagaduro/imikino/article/argentina-yiruhukije-nyuma-yo-gusezerera-ubuholandi-bigoranye

Source : https://www.kigalitoday.com/umutekano/imbere-mu-gihugu/article/rubavu-impanuka-yaguyemo-abantu-batatu

Myugariro wo mu mutima w’ubwugarizi, Manzi Thierry umaze iminsi nta kipe afite, bivugwa ko yatangiye ibiganiro na Rayon Sports aherukamo ayihesha shampiyona ya 2018-19 ngo abe yayisubiramo.

Uyu musore uheruka gutandukana na FAR Rabat yo muri Maroc, n’ubundi mbere y’uko uyu mwaka w’imikino utangira byavuzwe ko yegereye iyi kipe ngo abe yayijyamo ariko bitewe n’uburyo yayivuyemo akajya muri APR FC mukeba wa yo biranga

Amakuru avuga yongeye gukomanga muri iyi kipe ndetse na yo ikaba yatangiye kumutekerezaho kuko ifite ikibazo mu bwugarizi ni nyuma y’uko Rwatubyaye Abdul agomba kubagwa akazagaruka mu kibuga byibuze bitari mbere yo muri Gashyantare 2023.

Gusa iyi kipe ikaba bivugwa ko ifite ihurizo rimwe kuko mu bakinnyi bandikishije basigaranye imyanya 2 gusa kandi bikaba bivugwa ko bamaze kumvikana na Luvumbu ndetse na Youssef ku buryo kugira ngo asinye byasaba ko umubare muri federasiyo bawongera cyangwa bakareka umwe muri aba bakinnyi.

Mu ntangiriro z’uyu mwaka wa 2022 ni bwo Manzi Thierry yatandukanye n’ikipe ya Dila Gori muri Georgia yari yagiyemo avuye muri APR FC, yahise asinyira FAR Rabat yo muri Maroc amezi 6.

Nyuma yo gusoza amezi 6, Manzi Thierry yasohowe ku rutonde rw’abakinnyi 8 iyi kipe itazakomezanya.

Manzi Thierry aravugwa muri Rayon Sports

Source : http://isimbi.rw/siporo/article/nyuma-y-amezi-hafi-6-nta-kipe-manzi-thierry-ari-mu-biganiro-n-ikipe-ikomeye

Ikinyamakuru France24 gitangaza ko umunyamakuru ukomoka muri Leta Zunze Ubumwe za Amerika, Grant Wahl yaraye apfiriye mu kazi ku mukino wa 1/4 w’igikombe cy’Isi 2022 wahuje Argentine n’u Buholandi.

Uyu mukino warangiye Argentine isezereye U Buholandi kuri penaliti 4-3 nyuma y’uko bari banganyije 2-2, watumye umwe mu banyamakuru ahisaga ubuzima.

Uyu mukino wabaye mu ijoro ryakeye tariki ya 9 Ukuboza 2022 muri Qatar aho iki gikombe kirimo kubera, Grant yaje kugwa igihumure ubwo yari mu kazi ke nk’ibisanzwe.

Grant Wahl w’imyaka 48 wakoreraga CBS Sports, inzego z’ubuzima zari kuri Stade zakoze ibishoboka byose ngo zimutabare ndetse zinamutware kwa muganga ariko birangira yitabye Imana.

Wahl wari umuhanga mu kazi k’itangazamakuru akora, yavuzwe cyane mu gikombe cy’Isi cya 2022 ubwo yazaga ku mukino wahuje Wales na Leta Zunze Ubumwe za Amerika maze akangirwa kwinjira muri Stade kuko yari yambaye umupira uriho iberendera ry’abaryamana bahuje igitsina, gusa nyuma yaje kwemererwa kwinjira.

Grant Wahl yitabye Imana ubwo yari mu kazi ke nk’ibisanzwe

Source : http://isimbi.rw/siporo/article/umunyamakuru-yasize-ubuzima-ku-mukino-wa-argentine-n-u-buholandi

Mu igikombe cy'isi hakomeje kugaragara urwego rw'mifanire ruri hejuru cyane harimo nuyu mukobwa ufite amarira Kumaso kubera kwishimira insinzi y'igihugu cye.

Mu mikino y'igikombe cy'isi kiri kubera mu igihugu cya Qatar amakipe amwe namwe ari mugahinda gakomeye cyane ariko harayandi ari mubyishimo by'ikirenga.

Ni mugihe umukino ukomeye cyane wahuzaga ikipe y'igihugu ya Croatia yasezereraga ikipe y'igihugu ya Brasil muri 1/4.

Source : https://yegob.rw/fata-ikibizu-mu-mabara-meza-nimyambarire-ibereye-ijisho-yarize-yahogoye-yishimira-kubabaza-neymar/

Bamwe bakomeje kwibaza kubigwi byuyu mugabo Lionel Messi ukinira ikipe y'igihugu ya Argentina akomeje kwerekana ko ari umwami.

Mu mikino y'igikombe cy'isi kiri kubera mu igihugu cya Qatar amakipe amwe namwe ari mugahinda gakomeye cyane ariko harayandi ari mubyishimo budasanzwe.

Messi akomeje gufasha igihugu cye murugendo rugana ku igikombe cy'isi.

Source : https://yegob.rw/igikombe-cyisi-umwami-messi-muntebe-yubwami-nibyubahiro-byinshi-akora-ibyananiye-abandi/

Argentine isezereye Ubuhorandi kuri penaliti 4 kuri 3 mu mukino wa 1/4 mu gikombe cy'isi uyu nyuma y'uko amakipe yombi yari yanganyije Ibitego bibiri kuri bibiri mwaka ibona n'itike ya 1/2.
Ubuhorandi bwari bwageze muri 1/4 nyuma yo gusezerera Leta Zunze Ubumwe z'Amerika Ibitego bitatu kuri kimwe muri 1/8.

Abakinnyi babanjemo ku ruhande rw'Ubuhorandi:
UbuhorandiXI: Noppert; Dumfries, Timber, Van Dijk, Aké, Blind; De Roon, De Jong; Gakpo, Bergwijn, Memphis Depay
Argentina yo yari yageze muri 1/4 nyuma yo gusezerera Australia muri 1/8 bayitsinze Ibitego bibiri kuri kimwe.
Umutoza w'Argentina yari yahisemo kubanza mu kibuga abakinnyi nka Martínez; Molina, Romero, Otamendi, Lisandro Martínez, Acuña; Mac Allister, Enzo Fernández, De Paul; Messi na Julián Álvarez.
Uyu mukino watangiye ku isaha ya saa tatu z'ijoro ubera kuri Lusail Iconic stadium.
Argentina niyo yatangiye yataka cyane kuko gusa ku munota wa 10 Messi yahaye umupira Acuña ariko yawuhindurira mu rubuga rw'amahina rw'Ubuhorandi hakabura uwukoraho.
Iminota 14 ya mbere y'umukino ikigereranyo cyo guhanahana umupira cyasaga nk'aho kingana kuko Ubuhorandi bwari bufite 41% naho Argentina ifite 42%.

Ubuhorandi bwabonye Amahirwe y'igitego ku munota wa 17 ubwo Julian Timber yateraga umupira muremure ashaka Bergwijn ariko umupira ntawushyikire.
Rodrigo de Paul wa Argentina yabonye amahirwe yo gutsinda igitego ku munota wa 32 ubwo Macalister yamuhaga umupira,yawutera umuzamu w'Ubuhorandi arawufata.
Ku munota wa 35 Messi yazamukanye umupira acenga maze acomekera agapira Molina atsinda igitego kiza kiba kibaye kimwe cya Argentina ku busa bw'Ubuhorandi.
Iminota 45 y'igice cya mbere yarangiye umusifuzi yongeraho iminota 5 nk'inyongera, Ubuhorandi bugerageza uburyo bwo kwishyura igitego bwari bwatsinzwe ariko nyibyabahira.
Igice cya kabiri cuatangiye Argentina ishaka uburyo bwo gutsinda igutego cya kabiri kuko ku munota wa 47 Acuña yashatse gutsinda igutego ariko Dumfries umupira akuwushyira muri koroneli.
Argentina yari yakomeje gusatira Ubuhorandi yaje kubona kufura ku munota wa 62 ,Messi atera kufura yinziramugozi ariko umupira uca mu masoso y'izamu.
Argentina yaje kubona igitego cya kabiri cyatsinzwe na Messi kuri penaliti bari babaonye ivuye ku ikosa Dumfries yarakoreye Acuña ubwo yamutegeraga mu rubuga rw'amahina.
Ubuhorandi bwaje gutsinda igutego cya mbere ku munota wa 83 gitsinzwe na Weghorst akoresheje umutwe.
Ku munota wa 87 Leandro Parades wa Argentina yateje imvururu mu mukino biturutse ku gutega Ake.
Iminota 90 isanzwe yarangiye bongeraho iminota 10 y'inyongera.
Muri iyo minota niho Ubuhorandi bwatakiye Argentina baza no kubona kufura itererwa neza na Luke de Djong maze Weghorst atsinda igitego kigarura Ubuhorandi mu mukino biba bibaye bibiri kuri bibiri.
Nyuma yo kunganya hitabajwe agace ka gatatu ku mukino Kari kagizwe n'iminota 30.
Agace ka mbere ki minota 15 karangiye ntakipe ibashije gutsinda igitego bikiri bibiri kuri bibiri.
Iminota 120 yose y'umukino yarangiye amakipe yombi anganya Ibitego bibiri kuri bibiri hitabazwa penaliti.

Source : https://yegob.rw/igikombe-cyisi-argentina-ya-messi-ibonye-itike-ya-1-2-kuri-hamana/

Mu mikino ya 1/4 mu gikombe cy’isi cy’uyu mwaka kuri uyu wa Gatanu saa tatu z’ijoro Argentine yazamutse ikubise Australia yatsindiye kuri penariti ikipe y’igihugu y’u Buhorandi yazamutse itsinze ikipe y’igihugu ya Leta Zunze Ubumwe z’Amerika.

Abakinnyi b’u Buhorandi 11 babanje mu kibuga: Noppert; Dumfries, Timber, Van Dijk, Aké, Blind; De Roon, De Jong; Gakpo, Bergwijn na Memphis Depay.

Uyu mukino wabereye kuri Lusail Stadium, nk’ibyari byitezwe ikipe y’igihugu ya Argentine niyo yatangiye ihererekanya umupira ndetse inataka ariko u Buhorandi bufite ba myugariro beza barimo Virgir batangira birwanaho.

Abakinnyi 11 ba Argentina babanje mu kibuga: Martínez; Molina, Romero, Otamendi, Lisandro Martínez, Acuña; Mac Allister, Enzo Fernández, De Paul; Messi na Julián Álvarez.

Ku munota wa 10 Argentine yagombaga kuba yabonye igitego ku mupira mwiza wari uhinduwe imbere y’izamu na Acuna ariko habura umukinnyi uwushyira mu nshundura.

U Buhorandi wabonaga burusha Argentine gukina neza hagati mu kibuga mu minota 15 bwatangiye kugerageza kugera imbere y’izamu ariko ntibabyaza amahirwe umusaruro ngo babe batsinda igitego hakirikare. 

Amakipe yombi yakomeje gukinira mu kibuga hagati ananyuzamo akagera imbere y’izamu, ku munota 35 Nahuel Molina yatsinze igitego cya 1 cya Argentine ku mupira yari ahawe na kizigenza Lionel Messi. Igice cya mbere cyarangiye Argentine ariyo iyoboye n’igitego 1. 

Igice cya kabiri cyatangiranye n’impinduka mu kibuga, ku ruhande rw’u Buhorandi havuyemo Marten De Room na Steven Bergwijn hinjiramo Teum Koopmeiners ndetse na Steven Berghuis. 

U Buhorandi bwakomeje gahunda yo gushaka igitego cyo kwishyura cyane binyuze ku bakinnyi babo bakina imbere barimo na Gakpo ariko gikomeza kubura. 

Ku munota wa 58 Lionel Messi yongeye guhereza umupira mwiza kuri De Paul ananirwa gutsinda igitego ari wenyine imbere y’izamu. 

Umukinnyi watsinze ibitego 2 by’u Buhorandi

ikipe y’igihugu ya Argentine yakomeje kwataka cyane ishaka igitego cy’umutekano, ku munota wa 73 Lionel Messi yatsinze igitego cya 2 kuri penariti yari ikozwe na Dumfries ategera Acuna mu rubuga rwamahina. 

Mu minota 80 Argentine yiraye maze u Bohorandi bubyaza amahirwe umusaruro buhita butsinda igitego cy’impozamarira ku munota wa 83 gitsinzwe na Weghorst winjiye mu kibuga asimbuye.

Ku munota wa 88 Leandro Paredes yateze Nathan Ake umusifuzi asifura ikosa ahita atera umupira mu basimbura bituma haba imvururu mu kibuga ndetse hafi yo kurwana.

Umuzamu wa Argentine wakuyemo penariti

Mu minota ya nyuma u Buhorandi bwakije umuriro bushaka igitego cya 2, ku munota wa 92 Gakpo yakoreweho kufura nziza yashoboraga no kuvamo igitego ariko bayitera nabi ntihagira ikivamo.

Ku munota wa 10 w’inyongera u Buhorandi bwabonye kufura ndetse inavamo igitego cya 2 gitsinzwe na Weghorst ku mupira yari ahawe na Teum Koopmeiners bose binjiye mu kibuga basimbuye. 

Umukino warangiye amakipe yombi anganya ibitego 2-2 bituma bakina iminota 30 y’inyongera kugira ngo haboneke ikipe itsinda igakomeza muri 1/2 mu gikombe cy’isi. 

Iminota 30 y’inyongera yarangiye amakipe yombi akinganya ibitego 2-2 hitabazwa Penariti. Argentine yatsinze penariti 4 kuri 3 z’u Buhorandi ihita ikomeza muri 1/2 aho izacakirana na Croatia yasezereye Brazil.

Argentine iraye ibyina intsinzi 

Source : https://inyarwanda.com/inkuru/123711/igikombe-cyisi-umutima-wenda-guhagarara-argentine-ya-messi-yerekeje-12-itsinze-u-buhorandi-123711.html