Webrwanda Backend

Author: webrwanda

  • MU MAFOTO – Kiyovu Sports yatsinze Police FC… – #rwanda #RwOT

    Mu mukino wabereye kuri Stade ya Kigali i Nyamirambo ku mugoroba wo kuri iki Cyumweru, SC Kiyovu yafatanyije gukora cyane n’igitutu cy’abafana, yongera kubona amanota atatu ndetse biyegereza amakipe ari imbere ku rutonde.

    Igitego rukumbi cyinjijwe na rutahizamu Ssekisambu Elisa kuri Penaliti, nicyo cyahesheje ‘Urucaca’ amanota atatu y’umunsi wa 13 wa Shampiyona, naho Police FC yo itaha uko yaje.

    Abakinnyi ba SC Kiyovu bishimira igitego cya Ssekisambu

    SC Kiyovu yaherukaga gutakaza imikino ibiri ya Shampiyona ikurikiranye, aho yabanje gutsindwa ibitego 3-1 na Gasogi United, igakurikizaho gutsindwa na AS Kigali ibitego 4-2 mu cyumweru gishize.

    Iyi kipe yahagaritse Andre Landeut ikaba iri gutozwa na Mateso Jean De Dieu usanzwe ari umwungiriza, ihagaze ku mwanya wa 3 ku rutonde rwa Shampiyona imaze kubonamo amanota 24, mu gihe Rayon Sports ya mbere ifite amanota 28.

    Ababanje mu kibuga n’abo ku ntebe y’abasimbura ya Police FC

    Ababanje mu kibuga n’abasimbura ba SC Kiyovu

    Aba-Kapiteni b’amakipe yombi babanza gutora impande z’ikibuga bafashijwe n’abasifuzi

    Riyad Nordien wa SC Kiyovu agerageza gutambutsa umupira

    Kapiteni wa SC Kiyovu, Serumogo Ally ni umwe mu bahagaze neza


    Kwizera Janvier ‘Rihungu’ ni we ubanza mu izamu rya Police FC muri iyi minsi

    Nshuti Savio agenzura ikibuga mbere yo gutanga umupira


    Nkinzingabo Fiston ugira amacenga meza yateraga imibare

    Umutoza mukuru wa Police FC, Mashami Vincent yarushijwe imibare

    Mateso Jean De Dieu (Utambaye ingofero) ni we mutoza w’agateganyo wa SC Kiyovu

    Mvukiyehe Juvenal uyobora Kiyovu Sports yakurikiranye umukino

    Abayovu bari bake ariko ntibyabujije gutahana ibyishimo

    Abafana bake ba Police FC babanje kubyina ariko batashye amaramasa

    AMAFOTO: NGABO M. Serge

    Source : https://inyarwanda.com/inkuru/123728/mu-mafoto-kiyovu-sports-yatsinze-police-fc-itangira-kwiyunga-nabakunzi-bayo-123728.html

  • Ese Cristiano Ronaldo yarangije inzozi ze mu ikipe ya Portugal? #rwanda #RwOT

    Inzozi za Cristiano Ronaldo zo gutwara igikombe cy'isi zaraye zirangiye,nyuma y'uko Portugal isezerewe muri 1/4 cy'igikombe cy'isi na Maroc itahabwaga amahirwe.

    Uyu kizigenza yabanje ku ntebe y'abasimbura ku nshuro ya kabiri yikurikiranya,amahirwe ahabwa Goncalo Ramos utarahiriwe n'umukino.

    Igitego cya Maroc cyinjiye ku munota wa 42 gitsinzwe na En Nesyri bituma Portugal irwana no kwishyura birayinanira.

    Gutsindwa na Maroc bivuze ko uyu mukinyi w'imyaka 37 atazabasha gutwara igikombe cy'isi ndetse niwo mudali wonyine atarambara mu mupira w'amaguru.

    Ronaldo yavuye muri Man United hasigaye igihe gito ngo igikombe cy'isi ritangire, ariko Qatar ntiyamuhiriye nubwo yari yatangiye neza atsinda igitego Ghana kuri penaliti ari nacyo cyonyine yatsinze.

    Abantu benshi barimo kwibaza ku hazaza ha Ronaldo yaba mu ikipe y'igihugu cyangwa mu makipe cyane ko ubu nta ho arerekeza nyuma yo gusesa amasezerano na United.

    Mu mukino wa nijoro na Maroc,Ronaldo yahawe hafi igice cya kabiri cyose, kuva ku munota wa 51,ntiyahirwa no kubona inshundura.

    Kuboneka mu kibuga byonyine byasobanuye ko yari aciye undi muhigo wo gukina umukino mpuzamahanga wa 196, ahita anganya na rutahizamu wa Koweit Bader Al-Mutawa mu bamaze gukinira ibihugu byabo imikino myinshi ku isi — ariko nta kintu kinini yakoze ugereranije n'ibyo yakoze mu myaka iheze.

    Ronaldo yari asanzwe yaraciye umuhigo wo kuba umukinnyi watsindiye ibitego byinshi ikipe y'igihugu ku ruhande rw'abagabo, aho afite ibitego 118.

    Umutoza wa Portugal,Fernando Santos,yabwiye abanyamakuru nyuma y'umukino ati: “Sinibaza ko ibyabaye kuri Ronaldo hari ingaruka byagize ku mukino, nubwo hari ababinenze. Twese turi hamwe.

    “Niba twavuga ko hari abantu babiri bababaye cyane, ni Ronaldo nanjye. Iki kiri mu bigize akazi ku mutoza n'umukinnyi'.

    Bafite kuba bunze ubumwe, ariko Portugal yatashye nyuma y'ibibazo byinshi, aho abantu bibaza niba koko iyi iki gihugu hari icyo yageraho itari kumwe n'iyi nyenyeri yayo.

    Ibihe biha ibindi kandi ni ibisanzwe ko amakipe akomeye atsindwa mu mikino ikomeye, ariko, nubwo Santos yagenda cyangwa akaguma ari umutoza wa Portugal,Ronaldo si umuntu agiye kwibagirwa vuba.

    Aracyafise icyubahiro mu gihugu cye nyuma y'ibyo yagikoreye mu gutwara igikombe cy'Uburayi mu 2016 (Euro 2016), igikombe cya mbere gikomeye mu mikino ikomeye.

    Abafana benshi ba Portugal bari bambaye imipira yanditseho 'Ronaldo 7' hanze y'ikibuga Al Thumama Stadium ejo ku wa gatandatu byerekana neza ko batibagiwe ibihe byiza yabagejejeho.

    Mushiki wa Ronaldo, Katia Aveiro,abicishije mu butumwa bwuzuye umubabaro ku rubuga rwa Instagram nyuma yo gutsindwa na Maroc,yagize ati: “Igihe abuzukuru banjye bazambaza ibyerekeye urugamba, iteka, icyubahiro, akazi, ukwitanga, inzitizi, ububi bw'abantu buzuye ishyari; nibansaba kuvuga ibyerekeye ibikombe, ibitego, imidari, inyandiko z'umurage utarigera uboneka, nzababwira ibyerekeye musaza wanjye, se wabo'.

    Nzababwira ibyerekeye ubwami yubatse, nzababwira ingufu ze, ibyo yemeye n'ibyo yakoze, nzababwira amateka ye, nzababwira ko atigeze acika intege n'igihe babaga bamaze kumucukurira icyobo. Nzabereka firime [film], firime nyayo y'ubuzima bwa se wabo'.

    Irushanwa ritaha ry'igikombe cy'isi,Ronaldo azaba afite imyaka 41, ariko niba yifuza kongera guhamagarwa, aracyafite amahirwe mu gikombe cy'Uburayi kizaba mu 2024.

    Ikindi kibazo nyamukuru ni ukumenya ni iyihe kipe ashobora kuzaba akinira.

    Hari iamakipe atari make yifuza kugura Ronaldo muri uku kwezi kwa mbere, harimo Al-Nassr yo muri Arabia Saoudite yamaze no kumwemerera umushahara w'umurengera.

    BBC

    Source : https://umuryango.rw/imyidagaduro/imikino/article/ese-cristiano-ronaldo-yarangije-inzozi-ze-mu-ikipe-ya-portugal

  • Mu Rwanda hakenewe benshi batunganya imyanda ibora n’itabora ikavamo ibindi bintu by’agaciro #Rwanda #RwOT via @kigalitoday #rwanda #RwOT

    Minisiteri y’Ibidukikije mu Rwanda yatangije gahunda yo guteza imbere Ubukungu bwisubira (Circular Economy) isaba abantu kugura ibyo bakeneye aho kugura (…)

    Source : https://www.kigalitoday.com/amakuru/mu-mahanga/article/mu-rwanda-hakenewe-benshi-batunganya-imyanda-ibora-n-itabora-ikavamo-ibindi-bintu-by-agaciro

  • AMAFOTO:Umugeni waje yambaye ivara ry’umukara mu bukwe bwe nyuma yo kwibasirwa, nawe yabivuzeho – YEGOB #rwanda #RwOT

    AMAFOTO:Umugeni waje yambaye ivara ry'umukara mu bukwe bwe nyuma yo kwibasirwa, nawe yabivuzeho.

    Umugeni wo muri Nijeriya, Dasplang Rinset Lisa, yatangaje benshi kubera imyambarire yaje yambaye mu bukwe bwe aha ubwo yari yambaye umwenda wirabura.

    Ngo impamvu yambaye iyi ikanzu yirabura ni kubera ko yabonaga ko ariyo imubereye neza!

    Source : https://yegob.rw/amafotoumugeni-waje-yambaye-ivara-ryumukara-mu-bukwe-bwe-nyuma-yo-kwibasirwa-nawe-yabivuzeho/

  • Ben na Chance bateguye igitaramo bise 'Yesu arakora’ #Rwanda #RwOT via @kigalitoday #rwanda #RwOT

    Abahanzi Ben & Chance bateguye igitaramo bise 'Yesu arakora’, bagendeye ku bitangaza Imana yabakoreye kugira ngo bahumurize imitima (…)

    Source : https://www.kigalitoday.com/imyidagaduro/muzika/Ben-na-Chance-bateguye-igitaramo-bise-Yesu-arakora

  • Umugore ari mu byishimo byinshi nyuma yo kumara imyaka hafi 50 akiri isugi yarabuze uwamuha urukundo ruzima. – YEGOB #rwanda #RwOT

    Umugore witwa Ladunni Idowu Giwa-Osagie wo mugihugu cya Nigeria, kuri ubu ari mu byishimo bidasanzwe kuko yabyaye umwana we wambere ku myaka 51 y'amavuko amaze imyaka 48 akiri usugi,yarabuze uwamuha urukundo nyarukundo.

    Uyu mugore w'imyaka 51, avugako yakuze iwabo ari abanyamasengesho ndetse bituma nawe akura yariyeguriye Imana, mu kwiyegurira Imana yari yarahawe isezerano ko agomba kurinda ubusugi bwe kugeza abonye umugabo bakora ubukwe bagasezerana imbere y'Imana n'imbere y'ababyeyi bakabiha umugisha.

    Ikinyamakuru NaijaLeaks, cyanditse ko Ladunni avugako yatangiye gukundana afite imyaka 25.

    Ati 'Natangiye gukundana ku myaka 25, umusore wambere twakundanye yari umusore twaririmbanaga muri korali, uwo twamaranye umwaka, twapfuyeko yashaka ko turyamana mbere yuko tubana kandi narimfite isezerano ryo kurinda ubusugi bwanjye'

    Uyu mugore akomeza avugako mubuzima bwe bw'urukundo yakundanye n'abasore bagera kuri 15, bose ngo bagiye batandukana nawe kubera ko bashakaga gusambana nawe mbere yuko bakora ubukwe akabahakanira, bitewe nuko yari afite isezerano ryo kurinda ubusugi bwe kugeza abonye umugabo wemerako bakora ubukwe akaba ariwe baryamana.

    Ku myaka 48 yari akiri isugi kuko arisezerano yari yarahawe n'Imana, yabyaye umwana wambere ku myaka 51, yari amaze gutandukana n'abasore 15 kuko bose bazaga bashaka kumwambura ubusugi akabahakanira
    Ladunni ku myaka 47 nibwo yahuye na AIgbovu, umugabo wahise atwara intekerezo ze nuko batangira gukundana uyu we ngo ntiyigeze ashaka ko baryamana mbere yuko babana ngo ninacyo yamukundiye.

    Uyu mugabo bakundanye umwaka umwe, ku myaka 48 bahise bakora ubukwe, kuri ubu uyu mugore arishimirako yabyaye umwana we wambere ku myaka 50 y'amavuko ndetse arashima Imna ko yamushoboje kurwana urugmba avugako rutari rworoshye.

    Source : https://yegob.rw/umugore-ari-mu-byishimo-byinshi-nyuma-yo-kumara-imyaka-hafi-50-akiri-isugi-yarabuze-uwamuha-urukundo-ruzima/

  • Igikombe cy’isi: U Bufaransa bwagubanyije u B… – #rwanda #RwOT

    Mu mukino wa nyuma wa 1/4 mu gikombe cy’isi cya 2022 wakinwe uyu munsi saa tatu z’ijoro kuri Al Bayt stadium,  u Bufaransa buheruka gutwara igikombe cy’isi bwatsinze u Bwongereza. Ikipe y’igihugu y’u Bufaransa muri 1/8 yari yaratsinze Poland naho u Bwongereza bwaratsinze Senegal.

    Abakinnyi 11 b’u Bwongereza babanje mu kibuga: Pickford; Walker, Stones, Maguire, Shaw; Henderson, Rice, Bellingham; Saka, Kane na Foden.

    Abasore ba Didier Descham na Southgate bose batangiye bigana banagera imbere y’izamu ariko nta n’umwe ubona urusha undi.

    Abakinnyi 11 b’u Bufaransa babanje mu kibuga: Lloris; Koundé, Varane, Upamecano, Theo Hernández; Griezmann, Tchouaméni, Rabiot; Dembélé, Giroud na Mbappé.

    Ikipe y’igihugu y’u Bufaransa niyo yinjiye mu mukino mbere, ku munota wa 10 gusa Giroud yaratsinze igitego ku mupira yari ahawe na Dembele ariko Pickford aba maso umupira awukuramo nta nkomyi. U Bufaransa bwabonye igitego hakiri kare ku munota wa 17 gitsinzwe na Tchouaméni ku ishoti riremereye yatereye inyuma y’urubuga rw’amahina ahawe umupira na Griezmann.

    Ikipe y’igihugu y’u Bwongereza ikimara gutsindwa igitego, yabaye nk’iriye amavubi irataka cyane kuko ku munota wa 21 Harry Kane yashoboraga kuba yatsinze igitego agerageza kurenza umupira umuzamu ariko Lloris amubera ibamba awukuramo. 

    U Bwongereza bwakomeje kwataka bituma ba myugariro b’u Bufaransa bakora amakosa menshi ndetse byanashobokaga ko babona penariti ikorewe kuri Harry Kane ariko umusifuzi arasanza. Iminota 45 n’ine y’inyongera y’igice cya mbere yarangijwe no gushaka igitego cyo kwishyura ku ruhande rw’u Bwongereza ariko kirabura.

    Igitego cy’u Bufaransa cya 1

    Ikipe y’igihugu y’u Bwongereza yatangiye igice cya kabiri ikomereza aho yari Igejeje igice cya mbere kirangira, ikomeza kwataka cyane, ku munota wa 46 na 47 Lloris yakuyemo ibitego 2 byabazwe icya Jude Bellingham warekuye umupira uremereye ahawe umupira na Walker ndetse n’icya Harry Maguire ku mupira wari uvuye muri koroneri.

    Ku munota wa 54 Tchouaméni yateze Bukayo bari mu rubuga rw’amahina umusifuzi atanga penariti Harry Kane ahita arekura icumu mu izamu u Bwongereza bubona igitego cyo kwishyura. 

    Ikipe y’igihugu y’u Bwongereza yakomeje gukina umukino wihuta ndetse inarata ibitego byabazwe, ku munota wa 69 Maguire yashoboraga gutsinda igitego cya 2 ku mupira yashyize ku mutwe uvuye kuri kufura ariko unyura impande y’izamu gato.

    Harry Kane watsinze penariti 1 iyakabiri 2 akayihusha

    Olivier Giroud ku munota wa 78 yahinduye ubusa ibyari byakinywe n’u Bwongereza atsinda igitego cya 2 akoresheje umutwe ahawe umupira na Griezmann igitego. 

    Nyuma y’imunota 2 u Bwongereza butsinzwe igitego cya 2, bwabonye penariti ku ikosa ryari rikozwe na Theo Hernandez asunika Mount wari winjiye mu kibuga asimbuye. Harry Kane yayiteye akoresheje imbaraga z’umurengera inyura hejuru y’izamu. 

    Umukino warangiye u Bufaransa buyoboye n’ibitego 2-1 buhita bukomeza 1/2 aho buzakina na Morocco.

    • Olivier Giroud watsinze igitego cya 2


    Abafaransa baraye mu byishimo

    Source : https://inyarwanda.com/inkuru/123726/igikombe-cyisi-u-bufaransa-bwagubanyije-u-bwongereza-bwerekeza-12-123726.html

  • Ubufaransa bushyize akadomo ku nzozi z’Ubwongereza mu gikombe cy’isi uyu mwaka – YEGOB #rwanda #RwOT

    Ubufaransa butsinze Ubwongereza Ibitego bibiri kuri kimwe mu mukino wanyuma wa 1/4 mu gikombe cy'isi buhita bwikatishiriza n'itike ya 1/2 aho buzacakirana na Morocco.
    Ubwongereza bwari bwageze muri 1/4 nyuma yo gusezerera Senegal mu mukino wa 1/8.

    Olivier Giroud ukomeje kwerekana ubuhanga bwe

    Abakinnyi 11 babanjemo ku ruhande rw'UBwongereza: Pickford; Walker, Stones, Maguire, Shaw,Henderson,Rice,Bellingham; Saka, Kane, Foden.

    Uyu mukino watangiye ku isaha ya saa tatu z'ijoro ubera kuri Al Bayt Stadium.
    Ubufaransa bwo bwageze muri 1/4 bubanje gusezerera Pologne muri 1/8.
    Didier Deschamps utoza Ubufaransa yari yahisemo kubanza mu kibuga abakinnyi nka Lloris; Koundé, Varane, Upamecano, Theo Hernández; Griezmann, Tchouaméni, Rabiot; Dembélé, Giroud na Mbappé.

    Iminota 10 ya mbere y'umukino yaranzwe no kwataka ku ruhande rw'Ubufaransa kuko bwabonye koroneli imwe ndetse na Giroud ahusha uburyo bw'igitego inshuro ebyiri harimo umutwe yateye aryamye ku mupira yarahawe na Dembele ariko Pickford akawufata.
    Ubufaransa bwatakaga bikomeye bwaje gutsinda igitego cya mbere ku munota wa 17 gutsinzwe na Auriel Tchouaméni warekuye ishoti riremereye ari inyuma y'urubuga rw'amahina nyuma yo guhabwa umupira na Griezman.

    Ubwongereza bwashakishije uburyo bwo kwishyura igitego ku munota wa 20 Luke Shaw yateye kufura yariturutse ku ikosa Rabiot yarakoreye Saka ,ariko umupira Lloris arawufata
    Umuzamu w'Ubufaransa yongeye kurokora Ubufaransa bwo Harry Kane yamurobaga agapira ariko agahita agafata.

    Harry Kane yongeye gutera ishoti riremereye ku munota wa 28 ariko Lloris umupira awushyira muri koroneli, koroneli yatewe neza na Foden ariko Harry Maguire umupira awuburira mu birenge bye ngo atsinde igitego.
    Ku munota wa 40 Antonie Griezman yahawe ikarita y'umuhondo azira gukandagira Walker dore ko yari yagumye gukora amakosa akihanangirizwa.
    Igice cya mbere cyarangiye Ubufaransa aribwo buyoboye n'igitego kimwe ku busa bw'Ubwongereza.

    Ubwongereza bwatangiye igice cya kabiri bwisize insenda byibuze ku munota wa 47 Jude Bellingham yarekuye ishoti riremereye , Lloris arasimbuka umupira awushyira muri koroneli,Fofen yateye koroneli umupira usanga aho Maguire ahagaze arasimbuka ashyira ku mutwe ariko biranga ntiwajya mu izamu.
    Ubwongereza bwakomezaga kwataka bwaje kubona penaliti ku munota wa 52 ivuye ku ikosa Auriel Tchouaméni yakoreye Bukayo Saka.
    Penaliti yatewe neza na Harry Kane Ubwongereza buba bubonye igitego cya mbere,umukino usubira bubisi.
    Ku munota wa 57 Mbappé yazamukanye umupira yiruka agundagurana na Walker , Mbappé aramusiga ariko umupira awuhaye Giroud gutsinda igitego biranga.

    Maguire yongeye guhusha igitego ku munota wa 70 ubwo Jordan Hunderson yakaragaga kufura, Maguire agasimbuka agakozaho umutwe ariko umupira ugakubita igiti k'izamu ukarenga.

    Olivier Giroud yaje gutsinda igitego ku munota wa 78 ubwo Griezman yamuzariraga umupira mwiza nawe agasimbuka agakozaho umutwe agatsinda igitego cya 2.
    Ubwongereza bwabonye penaliti ya 2 ivuye ku ikosa Theo Hernandez yakoreye Mason Mount ubwo yamusunikiraga mu rubuga rw'amahina.

    Harry Kane yateye penaliti mbi kuko yayiteye hejuru cyane aba yimye Ubwongereza amahirwe yo kwishyura igitego yari yatsinzwe.
    Iminota 90 yatangiye ndetse n'inyongera z'iminota 8 zose zirangira Ubufaransa buyoboye n' Ibitego bibiri kuri kimwe cy' Ubwongereza.
    Ubufaransa buzacakirana na Morocco mu mukino wa 1/2.

    Source : https://yegob.rw/ubufaransa-bushyize-akadomo-ku-nzozi-zubwongereza-mu-gikombe-cyisi-uyu-mwaka/

  • Ubufaransa bwasezereye Ubwongereza butera intambwe igana ku kwisubiza igikombe cy'isi #rwanda #RwOT

    Ikipe y'Ubufaransa ikomeje kwerekana ko ishaka kwisubiza igikombe cy'isi nyuma yo gutsinda Ubwongereza muri 1/4 cy'irangiza ibitego 2-1 igahita ikatisha itike ya 1/2.

    Mu mukino w'ishyiraniro waranzwe no kwigaragaza kw'abakinnyi bakiri bato b'Ubwongereza,ikipe y'Ubufaransa yakoze ibisabwa itsinda umukino ndetse igera muri 1/2.

    Olivier Giroud yatsindiye Ubufaransa igitego cy'intsinzi mu gihe Harry Kane yahushije penaliti y'ingenzi yari gutuma Ubwongereza bwishyura ariko byarangiye ku ntsinzi y'abafransa y'ibitego 2-1.

    Bigitangira,Harry Kane yabonye uburyo bwiza ku mupira wari utakajwe na Upamecano ariko umunyezamu Lloris yitwara neza arawufata.

    Harry Kane nanone yasabye penaliti ubwo yari atezwe na Upamecano ariko VAR yemeza ko nta penaliti yabaye.

    Lloris yongeye gutabara Ubufaransa mu gice cya mbere akuramo ishoti rikomeye ryari ritewe na Harry Kane ku mupira yari ahawe na Saka.

    Ubufaransa bwafunguye amazamu ku munota wa 17 ku ishoti ryarekuwe na Aurelien Tchouameni ari kure cyane y'izamu,umupira wijyana mu rushundura.Uwamuhaye uyu mupira wavuyemo igitego ni Antoine Griezmann.Iki nicyo gitego rukumbi cyabonetse mu gice cya mbere.

    Igice cya kabiri kigitangira,Ubwongereza bwagarukanye imbaraga nyinshi,Jude Bellingham abona amahirwe akomeye atera ishoti rikomeye ariko Hugo Lloris ahita awushyira muri koloneri.

    Ubwongereza bwakomeje gusatira cyane bituma ku munota wa 52 bubona penaliti nyuma y'aho Tchouameni ategeye mu rubuga rw'amahina Bukayo Saka.

    Iyi penaliti yinjijwe neza na Harry Kane ahita akora agahigo ko kuba Umwongereza utsindiye igihugu ibitego byinshi,53 aho yahise anganya na Wayne Rooney gusa batandukanywa n'uko uyu abikoze mu mikino 80 naho Rooney yabigezeho mu mikino 120.

    Ubwongereza bwari hejuru ntibwahagaritse gusatira kuko bwari bufite abakinnyi bato bari hejuru nka Saka,Foden na Bellingham.

    Harry Maguire yabonye uburyo bukomeye ku mupira wari uturutse muri koloneri ateye n'umutwe umupira uca gato iruhande rw'izamu.

    Ubufaransa bwakinaga bike ndetse bugacungira ku mipira Abongereza batakaje,bwabonye amahirwe adasanzwe ku munota wa 77 ubwo Giroud yahabwaga umupira mu rubuga rw'amahina arawutera n'ikirenge ariko umunyezamu Pickford awushyira muri koloneri.

    Giroud uri kwitwara neza muri iki gikombe cy'isi yabonye andi mahirwe ku mupira wa tewe mu rubuga rw'amahina na Griezmann ahita awutanga Maguire atsindira Ubufaransa igitego cya kabiri ku munota wa 78 n'umutwe.

    Ubwongereza bwashegeshwe n'iki gitego kuko bwarushaga bigaragara Ubufaransa muri uyu mukino.

    Ku munota wa 83,Mason Mount wari winjiye asimbuye,yakorewe ikosa mu rubuga rw'amahina na Theo Hernandez,VAR yemeza ko ari penaliti y'Ubwongereza.

    Iyi penaliti yagombaga kugarura Ubwongereza mu mukino,yatewe mu kirere na Harry Kane,amahirwe y'Ubwongereza ayoyoka atyo.

    Abongereza bongeye kubona amahirwe ya nyuma ku munota wa nyuma mu minota 8 y'inyongera yari yongejwe kuri 90,Ubwo Harry Maguire yakorerwaga ikosa inyuma gato y'urubuga rw'amahina,umusifuza atanga free kick nziza cyane ariko Marcus Rashford ateye umupira uca hejuru gato.

    Inzozi z'Ubwongereza zahise zirangira gutyo mu gihe Ubufaransa bugomba guhura na Maroc kuwa gatatu w'icyumweru gitaha muri 1/2 cy'irangiza.

    Ubufaransa bufite iki gikombe cy'isi,bufite amahirwe menshi yo kucyisubiza ndetse bushobora kuzahurira ku mukino wa nyuma n'izarokoka hagati ya Croatia na Argentina,bo bazakina ku wa Kabiri.Iyi mikino yombi izajya itangira saa tatu z'ijoro.

    Muri uyu mukino,Hugo Lloris yakoze amateka yo kuba umukinnyi ukiniye Ubufaransa imikino myinshi kurusha abandi bose kuko yakinnye uwa 143 mu gihe Lilian Thuram banganyaga yakinnye 142.

    Source : https://umuryango.rw/imyidagaduro/imikino/article/ubufaransa-bwasezereye-ubwongereza-butera-intambwe-igana-ku-kwisubiza-igikombe

  • Igikombe cy’isi: Morocco yakubise kinubi Port… – #rwanda #RwOT

    Ikipe y’igihugu ya Portugal itakikoza kizigenza wayo Cristiano Ronaldo, yasezerewe n’ikipe y’igihugu ya Morocco ihagarariye Africa. Portugal yageze muri 1/4 inyagiye Switzerland naho Morocco yo yari yaratsinze Espagne muri 1/8 cy’irangiza.

    Abakinnyi ba Morocco babanje mu kibuga: Bono; Hakimi, El Yamiq, Saiss, Attiat-Allah; Amrabat, Ounahi, Amallah; Ziyech, En Nesyri na Boufal.

    Uyu mukino watangiye gukinwa saa kumi n’imwe ubera kuri Al Thumama stadium, Portugal yinjiye mu kibuga ifite amateka meza mu gikombe cy’isi ugereranyije na Morocco, niyo yatangiye ihererekanya umupira neza ihera kuri ba myugariro, ku munota wa 3 gusa João Félix yashyize umupira ku mutwe wari uvuye kuri kufura ariko umuzamu wa Morocco awushyira muri koroneri.

    Ni imikino mukurikirana binyuze kuri Televiziyo y'u Rwanda shene ya RTV CH 101 & CH 725 (Dish) kuri Decoderi ya StarTimes.

    Abakinnyi 11 ba Portugal babanje mu kibuga: Diogo Costa; Dalot, Pepe, Rúben Dias,Neves, Bernardo Silva, Otávio; Bruno Fernandes, João Félix Gonçalo Ramos na Guerreiro. 

    Umukino watangiye Morocco ikinira inyuma bituma icungira ku gukoresha imipira miremire kandi yihuta ariko ntibibyare umusaruro nk’uko babyifuza. Mu minota 21, Morocco yari yakije umuriro imbere y’izamu rya Portugal kuko yabonye koroneri 3 zikurikiranya ariko ntizatanga umusaruro. 

    Ku munota wa 30 Portugal yashoboraga kuba yabonye igitego ku mupira wari urekuwe na João Félix ariko Ashraf Hakim akoresheje umugongo awushyira muri koroneri. Uburyo bwa Morocco bwo gukina imipira miremire bwakomeje kuyihira maze ku munota wa 42 En Nesyri atsinda igitego cya 1 akoresheje umutwe ku mupira mwiza yari ahawe na Attiat-Allah. Igice cya mbere cyarangiye Morocco ariyo iyoboye n’igitego 1.

    Igice cya kabiri cyatangiye n’ubundi Morocco ikomeza gukinira inyuma Portugal ihiga aho yanyuza umupira ngo itsinde igitego ariko bakomeza kubura. Ku munota wa 49 Ziyech yarekuye ishoti ripima amatoni kuri kufura yari yakorewe Ashraf Hakim ariko umuzamu wa Portugal Diogo Costa aba intwari awukuraho.

    Umutoza wa Portugal ku munota wa 50 yavuye ku izima ashyiramo Cristiano Ronaldo na Joao Cancelo havuyemo Ruben Neves na Guerreiro. Ikipe y’igihugu ya Portugal yakomeje guhiga igitego cyo kwishyura, ku munota wa 61 Bruno Fernandes yarekuye umupira uremereye ari inyuma y’urubuga rw’amahina ariko ku bw’amahirwe macye umupira unyura hejuru y’izamu gato bikomeza kugorana. 

    Umunyezamu wa Morocco yakomeje kuba ibamba akuramo ibitego bya Portugal byabazwe. Ku munota wa 81 João Felix yongewe kurekura ishoti riremereye ku mupira yari ahawe na Ronaldo ariko Bono ufatira Morocco arishyira muri koroneri.

    Iminota 90 y’umukino yarangiye ndetse hanongerwaho 8 ariko Portugal ikomeza kubura igitego bituma umukino urangira batsinzwe igitego 1. Morocco ihagarariye Afurika, yahise ikatisha itike ya 1/2 aho izahura n’ikipe irava hagati y’u Bwongereza n’u Bufaransa.

    StarTimes mu mwaka utaha wa 2023, izabereka 'imikino ya CHAN 2023, CAF Champions League, na CAF Confederations Cup na Shampiyona y'Abadage Bundesliga kuri shene za Sports za StarTimes, no kuri Application ya StarTimes ON.

    Morocco ihagarariye Afrika yakuyemo Portugal ya Cristiano

    Source : https://inyarwanda.com/inkuru/123723/igikombe-cyisi-morocco-yakubise-kinubi-portugal-bihindura-ronaldo-umushomeri-wuzuye-123723.html