Iburanisha mu rubanza rwa Félicien Kabuga ukekwaho ibyaha bya jenoside yakorewe Abatutsi mu 1994, rirakomeje, umutangabuhamya wumviswe kuri uwo munsi, ni (…)
Author: webrwanda
-
Abifuza akazi bahuye n’abagatanga, bamwe bari biteze ko bahita bakabona #Rwanda #RwOT via @kigalitoday #rwanda #RwOT
Urubyiruko rurangije kwiga rwifuza akazi rwahuye n’abagatanga cyangwa abaranga aho kari, bamwe barufasha kumenya ahari amahirwe, abandi barwizeza (…)
-
Harakurikiraho iki nyuma yo kwegura kwa Perezida wa Sena? #Rwanda #RwOT via @kigalitoday #rwanda #RwOT
Visi Perezida wa Sena ushinzwe kugenzura amategeko n’ibikorwa bya Guverinoma, Nyirasafari Esperance ni we kuri ubu uyoboye Sena mu buryo bw’inzibacyuho nyuma (…)
-
Ibya Harmonize na Kajala byadogereye, urukundo rwabo ruri mu marembera (inkuru irambuye) – YEGOB #rwanda #RwOT
Ibya Harmonize na Kajala byadogereye, urukundo rwabo ruri mu marembera (inkuru irambuye)
Nyuma y'iminsi bivugwa ko aba bombi umubano utagihagaze neza nka mbere, bakomeje guca amarenga ko urukundo rwabo rwaba rurimo gushonga nk'isabune.
Kajala Frida kuri ubu yamaze guhindura ibyamurangaga ku mbuga nkoranyambaga, avanaho amagambo yavugaga ko areberera inyungu za Harmonize nk'uko byari bisanzwe.
Uyu mugore kandi yaje gusangiza abamukurikira, ubutumwa bwuzuye ikiniga, avuga ko akwiriye gusekwa kuko yakoze amakosa yo kubabarira uwo bahoze bakundana n'ubwo atigeze avuga ko ari Harmonize.
Ubu butumwa burebure bwaherekejwe n'ijambo rigira riti 'Ndabihagaritse'.
Kugeza ubu abantu bari mu rujijo bibaza icyaba cyateye uyu mugore kuvuga ko yicuza kuba yarababariye uwo bahoze bakundana.
-
Dr Iyamuremye yahishuye uburwayi bwatumye yegura agenera ubutumwa Perezida Kagame #rwanda #RwOT
Dr Iyamurenye yashimiye abo bakoranaga muri Biro ya Sena ku buryo bakiriye ubwegure bwe ku mirimo y’ubuyobozi bwa Sena ndetse no kuba Umusenateri.
Yabwiye Abasenateri ko amaze igihe arwaye indwara itandura ndetse n’izindi ziyuririraho.
Ati “Abanyarwanda bati ujya gukira indwara arayirata ariko murabizi habaho ibanga, ni irya muganga, no kubera icyubahiro umuntu aba afitiye umuryango n’abandi bantu. Nk’umunyapolitiki ntabwo nabahisha ko maze igihe ndwaye indwara itandura ndetse n’izindi ngorane zuririyeho bikaba bituma maze igihe mfite imbogamizi mu mirimo ya buri munsi.”
Dr Iyamurenye yavuze ko abaganga bo mu Bitaro byitiriwe Umwami Faisal ndetse n’ibya Kanombe bamwitayeho baramuvura, bakaba banakomeje kumuvura.
Ati “Icyo mwantoreye ni ukugira ngo nteze imbere Sena, ntabwo mwantoye kugira ngo njye nyiyobora ndi mu gitanda cyangwa ntabasha kurira ariya ma escaliers.'
Yashimiye Perezida wa Repubulika ku cyizere yamugiriye mu nshingano zitandukanye yagiye amuha ,anashimira Abasenateri bagiye bakorana nawe kugeza uyu munsi.
Ibaruwa y’ubwegure bwe yayandikiye Abasenateri amenyesha abarimo Perezida wa Repubulika kuri uyu wa 8 Ukuboza 2022.
Dr Iyamurenye yavuze ko yeguye ku mwanya w’ubuyobozi bwa Sena no ku Busenateri kubera impamvu z’uburwayi akaba akeneye gufata umwanya wo gukomeza kwivuza bitabangamiye inshingano ashinzwe.
Mu gitondo cyo kuri uyu wa Gatanu tariki 9 Ukuboza 2022 nibwo Inteko Rusange ya Sena yagejejweho uko kwegura, yemeza bidasubirwaho ko Perezida wa Sena avuye burundu mu mirimo ye.
Visi Perezida wa Sena, Nyirasafari Esperance, niwe wayoboye iyi Nteko Rusange, atangira yibutsa ibyo Itegeko rigenga imikorere ya Sena riteganya ko iyo Perezida wa Sena yeguye ku mirimo ye
Itegeko rigena Visi Perezida ushinzwe ibijyanye n’amategeko, kumenya no kugenzura ibikorwa bya Guverinoma ni we ugomba kuba ayoboye imirimo ya Sena mu gihe hategerejwe ko hatorwa undi Perezida wa Sena mushya.
Nka Dr Iyamurenye kuko ari mu Basenateri bashyirewaho na Perezida wa Repubulika, ni ko bizagenda mu gushyiraho umusimbura muri Sena ariko ibijyanye na Perezida wa Sena we hazabaho amatora yo kureba ushobora kujya kuri uwo mwanya muri 26 bagize Sena.
-
Abo muri RNC bariye karungu nyuma y'uko Kayumba Nyamwasa atorotse inama yari kubarizwamo iby'amafaranga yariye #rwanda #RwOT
Kubona Kayumba Nyamwasa yongera gutaba abambari be mu nama byatutumbije icyuka kibi n'umwiryane muri RNC, igisa n'ishyaka yashinze agamije kurya amafaranga y'Abanyarwanda barindagiriye mu mahanga, ku buryo hari n'abari kuvuga ko Kayumba ashobora kuba ashaka kwigarukira mu Rwanda batabizi.
Mu nama yabaye mu kwezi gushize k'Ugushyingo 2022 mu buryo bw'amashusho, Kayumba Nyamwasa yaraje asuhuza abagize RNC bo mu bice bitandukanye by'Isi bari batumiwe, ariko yahise ata abambari be mu nama ngo kuko yari afite ibibazo mu ikoranabuhanga.
Andi makuru yizewe Rushyashya yamenye, ni uko nta ngingo zo kuganirwaho zari zagaragajwe mu gutangira iyi nama. Hari uwabaciye ruhinganyumye abwira Kayumba ko hacuzwe umugambi wo kuza kumufatirana bakamubaza iby'amafaranga yariye.
Ubwo inama yatangiraga, yaraje arabasuhuza, ababwira ko Atari bwifatanye nabo muri iyo nama kubera ikibazo cy'ikoranabuhanga mu itumanaho.
Nyuma yo gutahura ko yatinye kubazwa iby'uko ubufaranga bwabo abuguguna ntagire icyo afasha iyi ngirwashyaka, RNC, bamutereye icyizere bashingiye ku kuba akomeje no kwigwizaho imitungo ayikuye mu misanzu batanga nyuma yo kwikamura imitsi.
Inda nini n'ubusambo byanatumye Kayumba Nyamwasa ava mu Rwanda ntiyigeze abifasha hasi. Icyakora kuri iyi nshuro imyivumbagatanyo ifashe indi ntera muri RNC, abayisohokamo bariyongera, ku buryo ishobora no gusenyuka, n'ubwo n'ubundi yacumbagiraga.
Ubusambo bwa Kayumba Nyamwasa si ubwa vuba aha. Mu rubanza rwa Calixste Sankara wahoze avugira umutwe w'inyeshyamba wa FLN, yahishuye ko hari ubwo Kayumba yahawe amafaranga yo kugura intwaro aho kubigenza atyo akiguriramo za rukururana. Â Â Â
Umwe mu bari muri iyo inama utarashatse ko umwirondoro we utangazwa, yabwiye Rushyashya ko batumva ukuntu bo nk'abanyamuryango basanzwe babashije kwitabira inama ntibagire imbogamizi izo arizo zose, nyamara shebuja Kayumba unafite ububasha ku misanzu batanga ntabashe kugumana nabo mu nama ngo kubera ibibazo by'itumanaho.
Abamaze gutahura ko Kayumba yashinze RNC agamije kubanyunyuza imitsi baritsize, bavuga ko batazongera gutanga imisanzu, hatagira igikorwa bakitandukanya na Kayumba kuri ubu bahaye akazina 'Isiha Rusahuzi'. Barashaka Kayumba bubi na bwiza, ngo aze asobanure aho amafaranga batanga ajya.
Ikindi cyatumye abitabiye iyi nama ya RNC babura ahazaza habo, ni Serge Ndayizeye wasezeye ku mirimo yakoraga kuri Radio Itahuka. Muri iyi nama, Serge Ndayizeye usanzwe ayobora Radio Itahuka, umuzindaro RNC inyuzamo ibinyoma biharabika u Rwanda, nibwo yeruye avuga ko arambiwe gukorera ubusa. Mu mvugo ica amarenga ko atakomeza kwicwa n'inzara Nyamwasa yijuse imisanzu bamuha, yavuze ko bashaka undi ukorera ubusa, niba nta mushahara ashyiriweho. Â
Serge Ndayizeye ni mwene Ndayizeye Chrysostome wagize uruhare rukomeye muri Jenoside yakorewe Abatutsi, ubwo yari Umuyobozi Mukuru muri Minisiteri y'Ubuhinzi n'Ubworozi mu 1994. Ipfunwe ry'ibyo yakoze ryaburagije amahwemo umuhungu we Serge, rimujyana ku mutekamutwe Kayumba Nyamwasa, none biranze.
Singaye n'abavuga ko abiyita 'abanyapolitiki batavuga rumwe n'ubutegetsi', ubashyize mu ndege baje gufata ubwo butegetsi, bayirwaniramo banananiwe kugabana imyanya, igahanuka itaragera i Kigali.
Abari ku ruhembe muri iyo ngirwa'opozisiyo', ubwonko bwabo bwibereye mu gifu, abandi ni indindagire zisigaye ku ruhu inka yarariwe kera.
Â
The post Abo muri RNC bariye karungu nyuma y'uko Kayumba Nyamwasa atorotse inama yari kubarizwamo iby'amafaranga yariye appeared first on RUSHYASHYA.
-
Hafashwe umwanzuro wa nyuma ku bwegure bwa Dr Iyamuremye wari Perezida wa Sena y’u Rwanda #rwanda #RwOT
Byemerejwe mu Nteko Rusange ya Sena yateranye mu gitondo cyo kuri uyu wa Gatanu tariki 09 Ukuboza 2022.
Iyi nteko rusange yemeje ubwegure bwa Dr Iyamuremye Augustin waraye yanditse asaba kwegura kubera impamvu z’uburwayi.
Nyuma yuko iyi Nteko Rusange y’Abasenateri iteranye, hashyizwe hanze itangazo rivuga ko 'Inteko Rusange ya Sena yemeje ko Dr Iyamuremye Augustin avuye burundu mu mwanya wa Perezida wa Sena ku bwiganze burunduye bw’amajwi y’Abasenateri bitabiriye Inteko rusange.'
Dr Iyamuremye Augustin yeguye kuri uyu mwanya wa Perezida wa Sena n’uw’Ubusenateri yari amazeho imyaka itatu dore ko yinjiye mu Nteko Ishinga Amategejo y’u Rwanda muri 2019, ashyizweho na Perezida Paul Kagame.
Muri iyi baruwa yavuze ko yeguye ku mwanya w’ubuyobozi bwa sena no ku busenateri kubera impamvu z’uburwayiakaba akeneye gufata umwanya wo gukomeza kwivuza bitabangamiye inshingano ashinzwe.
- Yeguye ku mpamvu z’uburwayi
-
Ukuri ku mushahara w’Intica Ntikize n’Imibereho mibi bivugwa ku barimu bo muri Zimbabwe baje kwigisha mu Rwanda #rwanda #RwOT
Hashize amezi abiri itsinda rya mbere ry’abo barimu bo muri Zimbabwe rigeze mu Rwanda.
Icyakora bamwe muri aba barimu[bahagaririye bagenzi babo] babwiye itangazamakuru ryo mu Rwanda ko iby’uko babayeho nabi nta shingiro bifite.
Ngo ni ibintu bivugwa n’abantu bavuga rikijyana ariko bidafite epfo na ruguru, ibyo bise 'baseless insinuations.’
Bimwe mu bika bigize raporo twavuze haruguru, bivuga ko abo barimu bahembwa intica ntikize, kandi ngo ikibabaje kurushaho ni uko mbere y’uko baza mu Rwanda gukora akazi kabazanye, batigeze na rimwe bamenyeshwa uko umushahara wabo uzaba ungana.
Uwitwa Nicholas Moi yabwiye bagenzi bacu ba The New Times ko iyi ngingo ari ikinyoma.
Ati : ' Sinzi aho abavuga ibyo babikura kuko [twe] mbere yo kurira indege tuza inaha twasinye amasezerano asobanura neza ikituzanye n’ibizagendana nacyo.'
Uyu ni umwe mu bagize itsinda ry’abarimu bavuye muri Zimbabwe ari 159 bakagera mu Rwanda mu Ukwakira, 2022.
Avuga ko akazi akorera mu Rwanda nta hantu hanini gatandukaniye n’ako yakoreraga i Harare gusa ngo mu Rwanda arazinduka ugereranyije n’uko byari bimeze muri Zimbabwe.
Ubusanzwe mwarimu arabyuka, akitegura, akajya mu ishuri yagerayo akigisha isomo nk’uko yaraye ariteguye.
Moi avuga ko umwihariko wo mu Rwanda ni ukuzinduka ugereranyije n’uko byari bimeze muri Zimbabwe ariko muri rusange akazi ni kamwe.
Moi avuga ko abavuga biriya batigeze bagira umwe muri bo( abarimu ba Zimbabwe bari mu Rwanda) bavugisha ngo abihere ubuhamya.
Undi mwarimu wigisha imibare witwa Josiah Chidawo avuga ibivugwa na bariya barimu basigaye muri Zimbabwe bishobora kuba bikomoka ku mpamvu za Politili zizamurwa n’umuntu cyangwa abantu runaka.
Ngo hari benshi batashimishijwe n’uko imikoranire y’u Rwanda na Zimbabwe muri ubu bufatanye yageze ku ntego mu gihe gito.
Ikindi ngo ni uko hari abibwiraga ko abarimu bo muri Zimbabwe nibagera mu Rwanda bidatinze bazatangira kuvuga ko babayeho nabi, ko mu Rwanda nta kigenda, ariko ngo abo bantu barumiwe !
Chidawo avuga ko ibyiza ari uko abantu bakwirengagiza abanegura uko abarimu bo muri Zambabwe babayeho mu Rwanda.
Ngo ibyo bavuga ni ibinyoma byambaye ubusa, bitagombye kugira uwo birangaza.
Ku ruhande rwa Guverinoma ya Zimbabwe naho bavuze ko ibyo abagize ihuriro ry’abarimu muri Zimbabwe batangaje ku mibereho ya bagenzi babo baje kwigisha mu Rwanda, nta kuri na guto kurimo.
Itangazo ryo muri Minisiteri y’abakozi ba Leta, umurimo n’imibereho myiza y’abaturage rivuga ko amakuru y’imibereho ya bariya barimu aganirwaho kenshi hagati y’inzego bireba kandi imiryango yabo ikamenyeshwa uko babayeho mu Rwanda.
-
Abagize Inteko zishinga Amategeko muri Afurika y’Iburasirazuba basabye ko ingengo y’imari mu buhinzi yongerwa #Rwanda #RwOT via @kigalitoday #rwanda #RwOT
Mu nama y’iminsi itatu yateraniye i Kigali kuva tariki 7 kugera tariki ya 9 Ukuboza 2022 ihuje abagize Inteko zishinga Amategeko baharanira iterambere (…)
-
Kamonyi-Nyamiyaga: Bakanguriwe gukumira ihohoterwa, basabwa guca imirire mibi n'igwingira mu bana #rwanda #RwOT
Ni Murugendo rwitabiriwe n'Ubuyobozi n'Abakozi b'Umurenge wa Nyamiyaga, Ubuyobozi n'Abakozi b'Uruganda RWACOF bafatanije gutegura iki gikorwa hamwe n'Abaturage. Urugendo rwatangiriye ku Kagari ka Ngoma rusorezwa ahazwi nko ku nkambi, ari naho hatangiwe Ubutumwa bukangurira abaturage gukumira ihohoterwa iryo ariryo ryose, by'umwihariko irishingiye ku gitsina, kurwanya no kurandura burundu ibibazo by'imirire mibi n'igwingira mu bana bato, aho aba bahawe indyo yuzuye hanigishwa uko itegurwa.
Mu butumwa bwa Mudahemuka Jean Damascene, Umunyamabanga Nshingwabikorwa w'Umurenge wa Nyamiyaga yahaye abitabiriye uru rugendo rwo ku wa 6 Ukuboza 2022, yasabye ubufatanye mu guca burundu ihohoterwa iryo ariryo ryose ribera mu ngo, irishingiye by'umwihariko ku gitsina, gukumira ibyaha batanga amakuru neza kandi ku gihe, ariko kandi no kugira uruhare mu kurandura imirire mibi n'igwingira mu bana.
Abari mu rugendo. Yagize kandi ati' Turifuza ko buri wese mu mbaraga n'ubushobozi afite amenya gukumira no kurwanya ihohoterwa, gusobanukirwa neza uburyo rishobora kugira ingaruka zikomeye ku buzima bw'abantu, ariko na none bagatinyuka kurivuga, aho ryabaye, bagatinyuka kumva ko buri mubyeyi afite inshingano zo kurera umwana w'Umukobwa agakura, akagira igihe cyo gusobanukirwa uburyo nawe yazagira umuryango mwiza uzira ihohoterwa'.
Akomeza ati' Twakoze urugendo tugamije kwibutsa abaturage, kwibutsa urubyiruko, kwibutsa buri wese ko afite uruhare ntasimburwa kugira ngo dukumire ihohoterwa rishingiye kugitsina, ndetse tunakumire igwingira n'imirire mibi hagamijwe ko abaturage bacu bagira ubuzima bwiza'.
Ntiyamira Jean Bosco, Umuyobozi w'uruganda rutunganya Kawa rwa RWACOF rukorera mu Murenge wa Nyamiyaga ari nabo bafatanije n'ubuyobozi gutegura uru rugendo, avuga ko gutegura iki gikorwa biri mu rwego rwo kurwanya ihohoterwa rikorerwa mu muryango, cyane cyane irishingiye ku gitsina ariko kandi no gukangurira abaturage kurandura burundu imirire mibi n'igwingira mu bana hagamijwe kugira umuturage muzima ubasha kwikorera akiteza imbere, agakorera Igihugu cye.
Yagize kandi ati' Iyo umuryango ari muzima, ufite ubwumvikane, iyo gahunda zitandukanye za Leta zimeze neza ni nabwo ubucuruzi turimo bumera neza. Bitubera kandi umwanya wo kwishimira ko tugira uruhare muri gahunda za Leta. Nk'abahinzi ba Kawa, turifuza ko bubagirira akamaro, bakeza umusaruro mwinshi no mu bwiza bakabona amafaranga, agatuma aho kugira ngo umwiryane uze mu muryango wabo, ubwumvikane buke buze, ahubwo bashyire hamwe mu kuyakorera igenamigambi rirambye ribasha kubagirira akamaro n'abana babo'.
Abaturage bari bafite ibyapa biriho ubutumwa butandukanye. Nkundabagenzi Evaliste, umwe mu baturage bitabiriye uru rugendo akaba n'umuhinzi wa Kawa, yabwiye intyoza.com ko yabayeho igihe kitari gito ahohotera umugore we, amuheza ku mutungo ndetse rimwe na rimwe akamukubita. Ahamya ko ubu yigishijwe atandukana burundu no gukorera ihohotera umuryango we, ari nayo mpamvu yitabiriye uru rugendo agamije guha ubutumwa abagabo bagenzi be kimwe n'abandi. Asaba buri wese kurigendera kure kuko ari inzitizi y'iterambere.
Avuga ko iyo bezaga Kawa akagurisha, umugore we ntaburenganzira yagiraga ku kumenya irengero ry'amafaranga babonye, ko yayakoreshaga uko ashaka nta kujya inama, ndetse umugore yashaka kubaza agakubitwa. Ahamya ko yigishijwe akumva, acika burundu ku Ihohoterwa cyane ko yasanze ryaramuhezaga hasi akabaho nabi, nta genamigambi, nta kujya inama n'umuryango by'umwihariko umugore bashakanye byose.
Umugore we, ashima Imana ko yakize guhohoterwa yagirirwaga n'umugabo. Ati' Mbere tutarahugurwa na RWACOF narahohoterwaga nkanakubitwa. Ahanini byavaga ku mitungo yo mu rugo, umugabo agashaka kuyigira iye, yaba yabonye amafaranga y'izo Kawa ntatekereze ko mwafatanyije kuyashaka, akumva ko yaba aye umugore cyangwa Abana ntibayagireho uruhare. Ubu amakimbirane yaracitse, dukorera hamwe twumvikanye. Inyungu nabonye rero ni uko mu rugo twumvikanye, ikije mu rugo tukajya inama. Ndagira inama buri wese ko uwahura n'ihohoterwa atajya arihisha ko ahubwo yajya yegera ubuyobozi'.
Muri iki gikorwa cy'Uru rugendo, Abaturage bari bitwaje ibyapa biriho ubutumwa butandukanye bwo kwamagana ihohoterwa. Muri ubwo butumwa, harimo ubugira buti; Abahohotewe bafite uburenganzira bwo kuvuga no gutanga ikirego. Ihohoterwa ririca mu bitekerezo no mu marangamutima. Dufatanye kurwanya Ihohoterwa rikorerwa abana babyaye bakiri bato. Dufatanye twubake Umuryango uzira Ihohoterwa n'ubundi. Muri uru rugendo, insanganyamatsiko yagiraga iti ' WICECEKA! Rwanya ihohoterwa rishingiye ku gitsina'.
Abana bahawe indyo yuzuye. 
Munyaneza