Webrwanda Backend

Author: webrwanda

  • Umukobwa w’i Kigali afashe umukunzi we bendaga gukora ubukwe aryamanye n’undi mukobwa – YEGOB #rwanda #RwOT

    Umukobwa w' I Kigali yanditse asaba inama zihutirwa nyuma yo gufatira mu cyuho umukunzi we aryamanye n'undi mukobwa gusa bikaba byamugoye gufata icyemezo dore ko biteguraga gukora ubukwe mu kwezi gutaha kwa Mutarama 2023.

    Uyu mukobwa avuga ko , nyuma yo gusanga umukunzi we amuca inyuma yamusabye imbabazi ariko akaba yumva bigoye kumubabarira.

    Yagize ati:'Muraho,ndi umukobwa w'imyaka 21 nkaba maranye igihe nkundana n'umutipe ariko ikibazo mfite ni uko mu kanya hashize mufatanye n'undi mukobwa w'inshuti yanjye magara baryamanye kandi ikibazo ni uko atari ubwambere,arimo kunsaba imbabazi ariko njye sinzi…none ndikwibaza,ko twari dufite ubukwe mu kwezi kwa mbere ,gahunda tuyikomeze ko twasuye imiryango yacu yose babizi?ndababaye pee.'

    Mugire inama utwandikira muri comment.

     

     

    Source : https://yegob.rw/umukobwa-wi-kigali-afashe-umukunzi-we-bendaga-gukora-ubukwe-aryamanye-nundi-mukobwa/

  • AS Kigali yatsinze Gorilla FC yambura Rayon Sports umwanya wa mbere #rwanda #RwOT

    Igitego kimwe rukumbi cya Kone Lotin Felix cyo ku munota wa nyuma, cyafashije AS Kigali kurara ku mwanya wa mbere.

    Wari umukino w’umunsi wa 14 wa shampiyona wabereye kuri Stade Regional i Nyamirambo kuri uyu wa Gatanu tariki ya 16 Ukuboza 2022.

    AS Kigali yagiye gukina uyu mukino ibizi ko igomba kuwutsinda ubundi igategereza ibizava mu mukino wa APR FC na Rayon Sports ku munsi w’ejo ku wa Gatandatu.

    AS Kigali ntabwo yorohewe n’umukino kuko byayisabye umunota wa 4 w’inyongera ku minota 90 kugira ngo Lotin Kone Felix wari winjiye mu kibuga asimbura ayitsindire igitego cyayihesheje amanota 3.

    Undi mukino wabaye ni uwo Marines FC yanganyijemo na Sunrise FC i Rubavu ibitego 2-2.

    Nyuma yo gutsinda uyu mukino, AS Kigali ni iya mbere n’amanota 30, Rayon Sports ni iya kabiri n’amanota 28 ikaba ifite umukino ba APR FC ejo ya 3 n’amanota 24 inganya na Kiyovu Sports.

    Kalisa Rashid yagoye Gorilla FC

    Haruna Niyonzima mu bakinnyi ba Gorilla FC

    Lotin Kone Felix yicaje AS Kigali ku mwanya wa mbere

    Source : http://isimbi.rw/siporo/article/as-kigali-yatsinze-gorilla-fc-yambura-rayon-sports-umwanya-wa-mbere

  • Abahanzi Nyarwanda bakunzwe muri 12 batoranyijwe muri East African Party #rwanda #RwOT

    East African Promoters (EAP) yamaze gutangaza abahanzi 12 bazaririmba muri East African Party akaba ari abanyarwanda gusa nta munyumahanga urimo.

    Bibaye nyuma y’uko ku wa Gatatu w’iki cyumweru bari batangaje ko nta munyamahanga n’umwe bazongera gutumira muri iki gitaramo.

    Iki gitaramo kizaba kiba ku nshuro ya 14, biteganyijwe ko kizabera muri Kigali Arena tariki 1 Mutarama 2023.

    Mu bahanzi batoranyijwe harimo bamwe bamaze igihe mu gakino bakunzwe cyane ndetse n’ubu bagikunzwe nka Bruce Melodie, Riderman ndetse na King James.

    Harimo kandi abahanzi bigaragaje cyane muri iyi myaka mike itambutse ariko banamaze igihe mu bakora umuziki ariko bakoze cyane mu mwaka wa 2022 nka Davis D, Alyn Sano, Platini umaze igihe gito akora umuziki ku giti cye nyuma yo kuva muri Dream Boys.

    Hari kandi abahanzi nka Niyo Bosco, Ish Kevin, Nel Ngabo, Ariel Wayz, Afrique na Okkama.

    Abahanzi 12 batumiwe muri East African Party

    Source : http://isimbi.rw/imyidagaduro/article/abahanzi-nyarwanda-bakunzwe-muri-12-batoranyijwe-muri-east-african-party

  • BREAKING NEWS : Imirwano ikaze yubuye hagati ya M23 n’Ingabo za Congo i Bwiza #rwanda #RwOT

    Byatangajwe na M23 mu itangazo yashyize hanze kuri uyu wa Gatanu, rivuga ko igisirikare cya Guverinoma ya Congo gifatanyije n’imitwe kiri gukorana nacyo, cyagabye ibitero mu birindiro by’uyu mutwe mu gace ka Bwiza.

    Umutwe wa M23 uvuga ko ibi byerekana ko Guverinoma ya Repubulika Iharanira Demokarasi ya Congo idashaka ko hakurikizwa inzira z’amahoro zo gushaka umuti w’ibibazo.

    Uyu mutwe kandi uvuga ko ibyakozwe by’iki gitero bihabanye n’imyanzuro yafatiwe mu nama y’i Luanda muri Angola yabaye tariki 23 Ugushyingo 2022.

    M23 kandi yaboneyeho kwibutsa ko yatanze umuburo kenshi ko ubutegetsi buhagarika ibikorwa byo guhonyora uburenganzira bwa muntu mu gace ka Bwiza ariko ko bukomeje kubirengaho, bityo ko uyu mutwe udashobora kubyihanganira kuko n’izi ikomeje kubireba ikicecekera.

    Source : http://www.ukwezi.rw/Mu-mahanga/Amakuru-anyuranye/article/BREAKING-NEWS-Imirwano-ikaze-yubuye-hagati-ya-M23-n-Ingabo-za-Congo-i-Bwiza

  • Urakagenda buheri-heri wababereye nk’umubirizi! Bamwe mu bakinnyi bashavujwe na 2022 (AMAFOTO) #rwanda #RwOT

    Hari bamwe mu bakinnyi batazibagirwa umwaka wa 2022 bitewe n’ibyo bawubonyemo, hari abo waryohewe ariko hari n’abo wabihiye mu buryo bukomeye.

    Muri iyi nkuru turagaruka kuri bamwe mu bakinnyi batazibagirwa umwaka wa 2022 n’ibihe bibi bawugiriyemo, hari abashobora kuba barawutangiye neza ariko bakawusoza na bi.

    Yannick Mukunzi

    Yannick Mukunzi ni umukinnyi w’umunyarwanda ukinira Sandvikens IF muri Sweden, ni umukinnyi utazibagirwa ko amezi 12 yose yayamaze nta mukino n’umwe akinnye bitewe n’ikibazo cy’imvune yo mu ivi yagize mu Kwakira 2021, yari yabwiwe ko agomba kumara amezi 6 hanze y’ikibuga ariko umwaka wose ushize ataratangira gukina, gusa imyitozo yo yarayitangiye.

    Rwatubyaye Abdul

    Kapiteni wa Rayon Sports kuri ubu ni umwe mu bakinnyi bahuritse mu mwaka wa 2022, mu ntangiriro za wo ubwo yakiniraga FC Shkupi muri Macedonia yagize ikibazo cy’imvune y’agatsintsino aza kubagwa, yamaze amezi 7 adakina muri Kanama 2022 yasinyiye Rayon Sports amasezerano y’imyaka 2, gusa na bwo yaje kugira indi mvune yo mu ivi akaba agomba kubagwa. Uyu mwaka wamubere impfabusa.

    Yves Mutabazi

    Umwe mu bakinnyi beza ba Volleyball u Rwanda rwari rufite muri iyi minsi wamaze no kwimukira muri Leta Zunze Ubumwe za Amerika, Yves Mutabazi ni umwe mu bantu bahuye n’ibyo batazabagirwa muri uyu mwaka wa 2022.

    Muri Mutarama 2022 yaje guhura n’ikibazo muri Leta Zunze Ubumwe z’Abarabu, aho yari asanzwe akinira ikipe ya Al Jazira SC, yaje kuburirwa irengero mu buryo butunguranye, inkuru zikavuga ko yashimuswe cyane ko amashusho ngo yagaragaye mbere y’uko aburirwa irengero habanje kuba imirywano, ariko ku bufatanye bw’Ambasade y’u Rwanda muri UAE n’inzego zibishinzwe, yaje gushakishwa araboneka, agarurwa mu Rwanda.

    Itangishaka Blaise}]

    Ni mumukinnyi wa APR FC, benshi bazi ko asanzwe agira ikinyabupfura, yatangiye umwaka we neza ariko na none yawusoje nabi kuko yaje gusogongezwa ibibera muri gereza.

    Ni nyuma y’uko mu ntangiriro z’uku kwezi yafungiwe i Rubavu iminsi 5 kubera gutwara imodoka yanyweye inzoga.

    Nsanzimfura Keddy

    Niba hari umukinnyi wabihiwe na 2022, ni Nsanzimfura Keddy wa APR FC uri mu bihano by’iyi kipe bizarangira muri 2023.

    Kubera imyitwarire mibi, muri Kanama 2022 yahawe ibihano by’amezi 2 akorera imyitozo mu bato b’iyi kipe ariko mu Kwakira 2022 azakwandikirwa indi baruwa imubwira ko ibihano bye byiyongereyeho amezi 4 kubera amakosa yakomeje kugaragaza.

    Uyu mukinnyi yaje gutangaza ko ibi byamukozeho kuko guhanwa byatumye amafaranga yahembwaga agabanukaho, asigaye yakabaye ahembwa banki irayakata yishyura inguzanyo yafashe. Byatumye n’umuvandimwe we yishyuriraga ishuri arivamo.

    Nirisarike Salomon

    Bwa mbere mu mateka ye mu myaka igera mu 10 amaze akina ku mugabane w’u Burayi, Nirisarike Salomon ntazibagirwa ko uyu mwaka ari bwo yamaze igihe kinini nta kipe afite.

    Muri Kamena ni bwo FC Urartu yakiniraga muri Armenia yamumenyesheje ko itazamwongerera amasezerano. Kuva icyo gihe kugeza uyu munsi aricaye nta kipe arabona, ategereje ko muri Mutarama 2023 yazabona indi.

    Djihad Bizimana

    Ni umusore uri mu bihe bigoye mu ikipe ya KMSK Deinze mu cyiciro cya kabiri mu Bubiligi. Djihad nta gushidikanya ko agiye gusoza umwaka wa 2022 nabi kubera ibihe arimo.

    Ni umukinnyi kuva umwaka wa 2022-23 watangira nta mukino n’umwe arakina ndetse nta nubwo araboneka muri 18 bifashishwa ku mukino.

    Uyu mukinnyi ndetse byavuzwe ko yanoherejwe gukorera imyitozo mu bato b’iyi kipe. Ubwo ISIMBI yageragezaga kumubaza kuri iki kibazo yavuze ko atari cyo gihe cyiza cyo kubivugaho. Ni Nyuma y’uko ubwo yari mu ikipe y’igihugu nabwo yabibajijweho akavuga ko ari ibintu byinshi byatwara igihe azabivugaho nyuma.

    Source : http://isimbi.rw/siporo/article/urakagenda-buheri-heri-wababereye-nk-umubirizi-bamwe-mu-bakinnyi-bashavujwe-na-2022-amafoto

  • Rayon Sports irakira APR FC mu mukino kwinjira mu myanya y'icyubahiro ari ibihumbi 100Frw, ibiranga umunsi wa 14 wa PNL #rwanda #RwOT

    Shampiyona y'icyiciro cya mbere mu mupira w'Amaguru mu Rwanda izwi nka Primus National League irakomeza kuri uyu wa gatanu ndetse no kuwa gatandatu, cyane umukino utegerejwe ni uhuza Rayon Sports na APR FC.

    Duhereheye ku mikino ikinwa kuri uyu wa gatanu, ikipe ta AS Kigali irakira ikipe ya Gorilla FC kuri sitade ya Kigali i Nyamirambo, ni umukino uri bukinwe guhera ku isaha ya saa cyenda zuzuye.

    Undi mukino utegerejwe kuri uyu wa gatanu, ikipe ya Marines FC ibarizwa mu karere ka Rubavu irakira ikipe ya Sunrise FC yo ibarizwa mukarere ka Nyagatare, ni umukino ubera kuri Sitade ya Rubavu guhera saa cyenda zuzuye.

    Umukino utegerejwe n'abakunzi ba ruhago nyarwanda, ni uzaba kuri uyu wa gatandatu uzahuza Rayon Sports izakira APR FC guhera saa cyenda zuzuye ukazabera kuri Sitade ya Kigali i Nyamirambo.

    Usibye kuba uyu mukino ubwawo uba utegerejwe n'abatari bake bitewe n'ihatana ry'impamde zombi haba guhera mu bakinnyi, abatoza  ndetse n'abafana hakanabaho ubwiza bw'umukino bitewe nibibera mu kibuga.

    Agaciro k'uyu mukino kagaragazwa n'ibiciro byawo cyane cyane kuri iyi ncuro ko ahasanzwe h'amafaranga make ni ibihumbi bitanu by'amanyarwanda, ndetse n'ibihumbi ijana kubazaba bari kubarizwa mu kiciro cy'imyanya y'Abanyacyubahiro.

    Nk'uko Rayon Sports yabitangaje kwinjira ahatwikiriye ho ni amafaranga ibihumbi icumi by'Amafaranga y'u Rwanda ndetse n'ibihumbi mirongo itatu mu myanya yegeranye n'iyo mu cyubahiro.

    Uko imikino y'umunsi wa 14 wa Primus National League iri bukinwe:

    Kuwa Gatanu, tariki ya 16 Ukuboza 2022:

    AS Kigali vs Gorilla FC

    Marines FC vs Sunrise FC

    Kuwa gatandatu, tariki ya 16 Ukuboza 2022:

    Rayon Sports vs APR FC

    Rutsiro FC vs Gasogi United

    Musanze FC vs Bugesera FC

    Rwamagana City vs Kiyovu SC

    Mukura VS vs Police FC

    Espoir FC vs Etincelles FC

    The post Rayon Sports irakira APR FC mu mukino kwinjira mu myanya y'icyubahiro ari ibihumbi 100Frw, ibiranga umunsi wa 14 wa PNL appeared first on RUSHYASHYA.

    Source : https://rushyashya.net/rayon-sports-irakira-apr-fc-mu-mukino-kwinjira-mu-myanya-yicyubahiro-ari-ibihumbi-100frw-ibiranga-umunsi-wa-14-wa-pnl/?utm_source=rss&utm_medium=rss&utm_campaign=rayon-sports-irakira-apr-fc-mu-mukino-kwinjira-mu-myanya-yicyubahiro-ari-ibihumbi-100frw-ibiranga-umunsi-wa-14-wa-pnl

  • Hamenyekanye impamvu Tshisekedi yabuze ku meza y’ibiganiro bisuzuma ibibazo yegeka ku Rwanda #rwanda #RwOT

    Nk’uko bitangazwa n’Ibiro bye ngo impamvu atabonetse mu nama yo kuwa gatatu yahuje abakuru b’ibihugu by’akarere i Washington ku kibazo cya Congo, 'muri uwo mwanya' yari yatumiwe na Joe Biden wa Amerika.

    Nyuma y’iyi nama yabaye adahari , Perezida Evariste Ndayishimiye w’u Burundi yatangaje ko 'nta kuruhuka kwemewe amahoro arambye ataraboneka' mu burasirazuba bwa DR Congo, ubwo yahuraga na ba Perezida Tshisekedi na João Lourenço wa Angola i Washington.

    Ndayishimiye yavuze ko we na Lourenço bahuye na Tshisekedi kugira ngo bamubwire ibyo baganiriye adahari mu nama yabahuje na ba perezida b’u Rwanda, Tanzania, Uganda na Kenya.

    Ndayishimiye, ubu ukuriye umuryango w’ibihugu bya Africa y’iburasirazuba (EAC), yatangaje ko 'amahoro mu karere ari nkenerwa bidasubirwaho', yongeraho ko bategereje ko M23 'ingabo zayo zitangira gushyira intwaro hasi'.

    Perezidansi y’u Rwanda yatangaje ko ibi biganiro byabereye muri Leta Zunze Ubumwe za America, ahateraniye Abakuru b’Ibihugu byo ku Mugabane wa Afurika bitabiriye inama ihuza uyu Mugabane na USA.

    Inama y’aba bakuru b’ibihugu batatu yagarutse ku gushyira mu bikorwa imyanzuro ya Luanda yo mu Ugushyingo(11) irimo 'kubahiriza agahenge, M23 kuva mu bice yafashe kugira ngo haboneke amahoro n’umutekano mu burasirazuba bwa DR Congo', nk’uko ibiro bya perezida w’iki gihugu bibivuga.

    Umutwe wa M23 unenga leta kwanga kuganira nawo kandi ukavuga ko ikibazo cy’umutekano mucye mu burasirazuba bwa Congo kiva ku yindi mitwe yitwaje intwaro yibasira abanyecongo b’Abatutsi n’abavuga ikinyarwanda.

    M23 — ishinja leta ya Kinshasa gukorana n’iyo mitwe nka FDLR, PALECO, Nyatura n’indi, ibyo Kinshasa ihakana — ivuga ko igihe cyose ikibazo cy’iyo mitwe kidakemutse nta mahoro arambye azaboneka muri ako gace ka Congo.

    Burundi, Kenya, Sudani y’Epfo na Uganda, mu rwego rwa EAC, byohereje muri Congo ingabo z’akarere zo kurwanya imitwe yitwaje intwaro yose izanga gushyira intwaro hasi muri ako gace.

    Kugeza ubu ntiziratangira ibikorwa byo gukoresha imbaraga muri izo nshingano gusa umutwe wa M23 watangaje ko izi ngabo niziyigabaho ibitero yiteguye kwitabara mu buryo bushoboka bwose.

    Perezida Tshisekedi yahuye na Mugenzi we wa Amerika, Joe Biden

    Perezida Felix Tshisekedi wa Repubulika Iharanira Demokarasi ya Congo ari na cyo Gihugu giheruka kwinjira muri uyu Muryango wa Afurika y’Iburasirazuba, ntiyagaragaye muri iyi nama kimwe na Salva Kiir wa Sudan y’Epfo.

    Perezida Tshisekedi ashinja u Rwanda gufasha umutwe wa M23, Perezida Kagame agashinja ingabo za Congo gufatanya n’umutwe w’inyeshyamba wa FDLR ukorera mu burasirazuba bwa Congo.

    Source : http://www.ukwezi.rw/Mu-mahanga/Amakuru-anyuranye/article/Hamenyekanye-impamvu-Tshisekedi-yabuze-ku-meza-y-ibiganiro-bisuzuma-ibibazo-yegeka-ku-Rwanda

  • Ibihano bitegereje Abanyarwanda bafatanywe amahembe y’Inzovu #rwanda #RwOT

    Aba bagabo babiri bakurikiranywe n’Ubushinjacyaha ku Rwego Rwisumbuye rwa Ngoma, bakorewe dosiye y’ikirego cyabo yanamaze kuregerwa Urukiko Rwisumbuye rwa Ngoma ku ya 14 Ukuboza 2022.

    Aba bagabo bafashwe mu ntangiro z’uku kwezi, tariki 02 Ukuboza 2022 ku bufatanye bw’ubuyobozi bw’inzego z’ibanze n’abaturage bo mu Mudugudu wa Rwakigeri, Akagari ka Cyinzovu mu Murenge wa Kabarondo, baturiye Pariki y’Igihugu Akagera.

    Aba bagabo babiri bafatanywe amahembe y’inzovu afite uburebure bwa santimetero 37 ku mugongo w’inyuma na santimetero 35 mu mugongo w’imbere, afite amagarama 700. Abafashwe bombi bemera icyaha.

    Ingingo ya 65 y’Itegeko N° 064/2021 ryo ku wa 14/10/2021 rigenga urusobe rw’ibinyabuzima, ivuga ko umuntu ku giti cye ucuruza igikanka cy’ikinyabuzima ndangasano cyashyizwe ku rutonde ruri ku mugereka wa III w’iri tegeko atabifitiye uruhushya aba akoze icyaha.

    Iyo ahamijwe icyaha ahanishhwa igihano cy’igifungo kitari munsi y’imyaka itanu (5) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atarenze miliyoni icumi y’amafaranga y’u Rwanda (10.000.000 FRW).

    Source : http://www.ukwezi.rw/Mu-rwanda/Amakuru-anyuranye/article/Ibihano-bitegereje-Abanyarwanda-bafatanywe-amahembe-y-Inzovu

  • Umugore yasimbutse urwo kwicishwa amabuye, ahanishwa gufungwa azira gusoma umugabo #rwanda #RwOT

    Umugore wo muri Sudani warezwe ubusambanyi yarokotse kwicwa ahanishwa gufungwa amezi atandatu nyuma yo kwemera ko yasomye umugabo. Uwo mugore w'imyaka 20 mbere yari yakatiwe urwo gupfa atewe amabuye, bituma ibi byamaganwa cyane ku isi.  

    Uyu mugore, yatawe muri yombi na Polisi nyuma y'uko mubyara we yishe umugabo bakundanaga. Ikigo African Centre for Justice and Peace Studies (ACJPS) kivuga ko igihano yakatiwe ari 'uguhonyora bikabije amategeko mpuzamahanga'.

    Uyu mugore watanye n'umugabo, yakatiwe urwo gupfa nyuma yo guhamwa n'ubusambanyi mu rukiko rw'i Kotsi muri Leta ya White Nile ya Sudan. Nyuma y'uko byamaganywe cyane ku isi, urwo rukiko rwasubiyemo uru rubanza.

    Amaherezo, umucamanza mukuru yahinduye ikirego kiva ku 'ubusambanyi' kitwa 'igikorwa cy'urukozasoni' bisobanuye ko aho kwicwa yagifungirwa. Yemeye mu rukiko ko yari kumwe n'uwo mugabo kandi ko bombi basomanaga.

    Umunyamategeko we, Intisar Abdullah, yavuze ko umucamanza 'nta mahitamo menshi yari afite uretse kumukatira'. Abdullah yabwiye BBC dukesha iyi nkuru ati: 'Ikiriho ni uko yemeye mu rukiko ko yari kumwe n'umugabo, aracyari muto cyane kandi ntazi uburyo uru rubanza rukomeye'.

    Uyu mugore yari yarekuwe hatanzwe ingwate ariko ubu yajyanywe muri gereza gutangira igihano cye. ACJPS yavuze ko mu rubanza rwa mbere nta munyamategeko yari afite, kandi amakosa yarukozwemo yatumye igihano cyo kwicishwa amabuye gikurwaho.

    Sudan iracyacira abantu urwo gupfa ku byaba mu cyarabu bita Hudud, ibyaha bivugwa na Allah muri Korowani, birimo ubusambanyi. Itegeko rya Sudan ritanga ibihano nko gukubitwa ibiboko, gucibwa ikiganza n'ikirenge, kumanikwa no kwicishwa amabuye.

    Byinshi mu bihano byo kwicishwa amabuye muri Sudan, byakatiwe cyane cyane abagore byagiye bikurwaho n'Urukiko Rukuru.

    Mbere, abaminisitiri ba Leta bavuze ko iki gihano 'gisekeje' ariko bemera ko nta muminisitiri wa Leta wagira icyo abikoraho. Sudan itegetswe n'agatsiko ka gisirikare kuva kuri coup d'etat yo mu 2021.

    intyoza

    Source : https://www.intyoza.com/2022/12/16/umugore-yasimbutse-urwo-kwicishwa-amabuye-ahanishwa-gufungwa-azira-gusoma-umugabo/

  • Birabe ibyuya! Abakinnyi b’Ubufaransa bakomeje kwatakwa n’icyorezo kitaramenyekana – YEGOB #rwanda #RwOT

    Abakinnyi b'ikipe y'igihugu y'Ubufaransa bakomeje kwibasirwa n'uburwayi butunguranye mu gihe habura iminsi mbarwa ngo umukino wanyuma w'igikombe cy'Isi ube.

    Abakinnyi nka Rabiot Upamecano na Kingsley Coman bamaze gufatwa n',uburwayi

    Ku mukino Ubufaransa bwatsinze Morocco bwaburaga abakinnyi nka Rabiot na Upamecano kuko hari habanjemo Konate mu mwanya wa Upamecano ndetse na Fofana mu mwanya wa Rabiot. Mu gitondo cyo kuri uyu wa kane n'ibwo haramutse amakuru avuga ko na Kingsley Coman nawe yafashwe n'icyo cyorezo cyadutse mu bakinnyi b'Ubufaransa.
    Didier Deschamps utoza Ubufaransa yatangarije itangazamakuru ko Coman nawe yaramukanye umuriro mu gitondo vm Deschamps yagize ati ' Coman nawe yaramukanye umuriro mu gitondo, muri Doha ubushyuhe bwagabanutse turi gukenera imashine zongera ubushyuhe buri kanya .Dufite utubazo tugaragaza ibimenyetso by'ibicurane.'
    Didier Deschamps utoza Ubufaransa yakomeje avuga ko n'ubwo hari ikibazo cy'icyorezo bitazababuza gikomeza kwitegura neza kuko ngo bafashe ingamba zo gushyira mu kato umukinnyi ugaraje ibimenyetso by'ubwandu.

    Ubufaransa buracakirana n'Argentina Ku cyumweru kuri Lusail iconic Stadium I saa kumi n'imwe z'umugoroba.

    Source : https://yegob.rw/birabe-ibyuya-abakinnyi-bubufaransa-bakomeje-kwatakwa-nicyorezo-kitaramenyekana/