Author: webrwanda

Akarere ka Rusizi ni kamwe mu turere 7 tugize intara y’Iburengerazuba gahana imbibi n'ibihugu n'igihugu cy'u Burundi mu Majyepfo bigabanywa n'umugezi wa Ruhwa n’igihugu cya Repubulika iharanira demokarasi ya Kongo mu Burengerazuba bigatandukanywa n'ikiyaga cya Kivu n'umugezi wa Rusizi.

Aka Karere gafite igice cy’umujyi aricyo umujyi wa Rusizi ukaba n’umwe mu mijyi 6 yunganira umujyi wa Kigali. Ikirango cy'Akarere ni ubucuruzi bwambukiranya imipaka n'ubuhinzi bugamije ubucuruzi (Cross border trade and agribusiness).

Rusizi yabereyemo ibitaramo by'abahanzi bikomeye mu bihe bitandukanye. Gusa, ni Akarere kari kure y’umujyi wa Kigali n’Uturere twinshi tw’u Rwanda, bikaba byaratumye abanya-Rusizi batabona ibitaramo bihoraho.

Kuva i Kigali ujya muri aka kare ukoresha nibura amasaha 5 n'iminota 20'. Ni ukuvuga 222.7 km.

Ni ubwa mbere Bwiza ndetse na Afrique bagiye gutaramira muri aka karere. Aba bahanzi bombi nta gihe kinini bamaze mu muziki ariko bari kwigaragaza cyane.

Bwiza aherutse kwifata amashusho akangurira abakunzi be 'kutazacikwa n'iki gitaramo' aho kwinjira ari ubuntu.

Kizaba ku wa Gatandatu tariki 18 Ukuboza 2022 ahitwa Kumbya Beach. Kandi cyateguwe na Kikac Music ifatanyije na Royalty Music. Iki gitaramo kandi kizayoborwa na Sengabo Jean Bosco [Fatakumavuta] afatanyije na MC B4Turn.

Bwiza agiye kuririmba muri iki gitaramo mu gihe aherutse kuririmba mu gitaramo 'Kigali Fiesta Live Concert' cyaririmbyemo umunya-Nigeria Joeboy.

Ni mu gihe Afrique aherutse kuririmba mu gitaramo cyabereye mu gihugu cya Uganda. Muri uyu mwaka kandi uyu muhanzi yaririmbiye mu Burundi na Dubai.

Bwiza azwi mu ndirimbo zirimo nka ‘Exchange’, ‘Ready’, ‘Yiwe’ ‘Rumours’ n’izidi. Ni mu gihe Afrique yamamaye mu ndirimbo ‘Agatunda’ yakurikiwe n’izirimo ‘Rompe. 

Kwinjira ni ubuntu! Bwiza na Afrique bagiye gufasha abanya-Rusizi kwizihiza Noheli 

Bwiza azataramira abanya-Rusizi kuri uyu wa Gatandatu mu gitaramo cyibinjiza mu byishimo bya Noheli 

Afrique agiye gutaramira bwa mbere mu Mujyi wa Rusizi- Anaherutse kuririmbira muri Uganda 

KANDA HANO UREBE AMASHUSHO Y'INDIRIMBO 'EXCHANGE' YA BWIZA

 

KANDA HANO UREBE AMASHUSHO Y'INDIRIMBO 'MY BOO' YA AFRIQUE

“>

Kuwa 10/12/2022 ni bwo Blessing Miracle Church yimitse abashumba batatu: Rev. Pastor Munyaribanje Didace [Papa Divine], Pastor Uwitonze Jeannette na Pastor Ahishakiye Cansilde.

Umuhango wo kwimika aba bapasiteri wabereye mu itorero Blessing Miracle Church ishami rya Kanombe mu mujyi wa Kigali. Aba bashumba bimitswe, basanzwe bakorera umurimo w’Imana ku Kacyiru aho bayobowe na Rev. Didace Munyaribanje uvukana na Patient Bizimana.

Kuri iyo itariki bimikiweho, Rev Pastor Didace Munyaribanje yizihije isabukuru y'imyaka 55 y’amavuko. Ni mu gihe ubwo yizihizaga imyaka 50 y’amavuko, yari yimitswe ku kuba Mwalimu mu Itorero Jesus is coming ryabatirijwemo Anita Pendo kuwa 25 Ukuboza 2015.

Umuramyi Patient Bizimana n'umugore we Gentille Bizimana batuye muri Leta Zunze Ubumwe za Amerika, bifashishije iyakure {internet} batanga ubutumwa bwo kukwifuriza Munyaribanje Didace ibihe byiza no kuzahirwa mu nshingano nshya ahawe zo gukorera Imana nka 'Reverend'.

Iki gikorwa cyabaye kuwa Kane tariki 15 Ukuboza 2022 kuri Groupe Scolaire Kagugu, aho abanyeshuri mu mashuri abanza n’ayisumbuye bahawe inama cyane ko bagiye mu biruhuko.

Ni igikorwa cyitabiriwe na Uwayezu Valens wari uhagarariye Urwego rw'Igihugu rw'Ubugenzacyaha, RIB; Narcisse Nteziryayo wari uhagarariye AHF-Rwanda ndetse na Patricie Mukangarambe wari uhagarariye Umujyi wa Kigali muri iki gikorwa.

Uwayezu Valens wari uhagarariye Urwego rw'Igihugu rw'Ubugenzacyaha, RIB niwe waganirije aba banyeshuri. Mu kiganiro cye yibanze ku gukangurira aba bana bagiye kujya mu biruhuko kwirinda ibishuko, ibyobyabwenge ndetse n'ibindi byabangiriza ejo hazaza kuko aribo u Rwanda rutezeho iterambere ry'ahazaza.

Yabanje kubaza bamwe muri aba bana icyo bifuza kuzaba mu myaka iri imbere, bamwe bakavuga inzozi bafite zirimo kuzaba abaganga, abatwara indege, abapolisi n'ibindi.

Arangije ati 'Kugira ngo muzagere ku nzozi zanyu bizasaba kwirinda ibiyobyabwenge, ibisindisha, abantu babacuruza, ihohoterwa rishingiye ku gitsina ndetse n'imibonano mpuzabitsina kuko byatuma ejo hanyu haba habi.'

Yakomeje ababwira ko mu bintu byose bakwiriye kujya bagira amakenga mu buzima, kuko abantu bashobora kubereka ko babafitiye impuhwe nyamara hari izindi nyuma babashakamo bo batabizi.

Muri iki gikorwa hakinwe umukino wiswe 'Iyo Wemeye Inama'. Uyu mukino wakinwe n'abanyeshuri bakangurira bagenzi babo kujya birinda ibishuko. Ugaruka ku mukobwa w'umuhanga utsinda mu cyiciro akajya kwiga mu cyiciro gisoza amashuri yisumbuye.

Uyu mukobwa agerayo agatangira kurangara, kugera aho akundana n'umusore akamutera inda akamwanduza na SIDA, ubuzima bwe bugatangira kwangirika.

Aba bana b’abanyeshuri bashimishije benshi mu muvugo ukebura bagenzi babo bashobora kwishora mu ngeso mbi bikica ahazaza habo

Abanyeshuri bari bari muri iki gikorwa ari benshi

Abanyeshuri bagiye mu biruhuko bahawe impanuro

Patricie Mukangarambe wari uhagarariye Umujyi wa Kigali muri iki gikorwa 

Narcisse Nteziryayo wari uhagarariye AHF-Rwanda 

Uwayezu Valens wari uhagarariye RIB mu karere ka Gasabo yasabye abana kwitwararika mu biruhuko, babona umuntu uri gukora ibitemewe bagatanga amakuru 

Turatsinze Bright usanzwe ari umunyamakuru wa RBA , niwe wayoboye iki gikorwa 

Aba bana basusurukijwe n’ababyinnyi mu ndirimbo zitandukanye zigezweho 

Hakinwe umukino wari ugamije gukangurira urubyiruko kwitwararika 

Umukino wakinwe wavugaga ku mukobwa warangajwe n’umuhungu akamutera inda na SIDA, inzozi ze zikarangirira aho

Imyiteguro ya Seraphim Day igiye kuba ku nshuro ya 9 irarimbanyije dore ko habura amasaha macye. Ubusanzwe, Seraphim Day iba mu byiciro bitatu ari byo: Gutanga amaraso ahabwa abarwayi barembeye mu bitaro, Gusura abarwayi mu bitaro bakabaha ibikoresho nkenerwa bakanabasengera, hakabaho n’Igitaramo cya Noheli.

Muri uyu mwaka, Seraphim Day iratangira kuri uyu wa Gatandatu tariki 17/12/2022 mu gikorwa cyo gutanga amaraso kizabera kuri AEBR Kacyiru saa Yine za mu gitondo kugeza saa Cyenda z’amanywa. Tariki 24/12/2022 saa saba z’amanywa ni bwo bazasura abarwayi mu bitaro bya CHUK hanyuma ku mugoroba w’uwo munsi habe igitaramo cya Noheli.

Umuhuzabikorwa wa Seraphim Melodies, Bwana Michel Dusingizimana, yabwiye inyaRwanda ko hari ibintu bishimira cyane muri iri vugabutumwa bakora muri mwaka mu gikorwa bise Seraphim Day. 

Ati “Kuba twaragize uruhare mu gutuma abantu benshi bakeneye ubufasha bafashwa. Buri mwaka twagiye twishyurira abakene fagitire zo kwa muganga bikabafasha kwizihiriza Noheri mu ngo zabo, abandi bagahabwa imyambaro, amafunguro n'ibindi bikenerwa kwa muganga”.

Yavuze ko amaraso yagiye atangwa nta kabuza yafashije benshi kubona ubuvuzi. Yungamo ati “Ubu twavuga ko ubufatanye bwacu na RBC bumaze guhama aho dutegura ibikorwa byo gutanga amaraso byibuze kabiri mu mwaka kandi intego ni ukubyagura kuko bikenewe cyane na benshi”.

Ikindi bishimira ni uburyo imyumvire ku bitabira Seraphim Day ikomeje kugenda ihinduka umunsi ku wundi, aho abakristu bagenda bumva ko “gushima Imana bikwiriye kujyana n'ibikorwa ntibigarukire gusa ku gusenga no kuririmba. Ni koko, kwizera kudafite imirimo kuba gupfuye”.

Yavuze ko imbogamizi bahura nazo ari ukuba “tutarabasha kugera ku bantu benshi nk’uko tubyifuza, guha imbabare nyinshi amaraso nk'uko tubyifuza, kwishyura fagitiri nyinshi z'abarwayi nk’uko tubyifuza”. 

Dusingizimana aragira ati “Ariko iyi mbogamizi turi kuyikoraho kuko uko bwije n’uko bucyeye tugenda twunguka abantu benshi bumva ibikorwa bya Seraphim Melodies bakaza kwitanya natwe”.

Ku bijyanye no kwagura iki gikorwa, bakaba bakwifatanuya n’andi makorali cyangwa andi matsinda, yagize ati “Ntabwo Seraphim Melodie ikora iki gikorwa yonyine ahubwo ifatanya n'andi makorali abarizwa muri AEBR Kacyiru ndetse intumbero ihari ni iyo gufatanya n'izindi korali zo mu matorero atandukanye”. 

Yongeyeho ati “Ubu bufatanye kandi tunabugirana n'imiryango itandukanye nk’aho ubu turi gufatanya n'Umuryango witwa Every Home for Christ Rwanda (EHC RWANDA) ndetse tukaba turi gushaka n'indi miryango ifite ibi bikorwa dukora mu ntego zayo ngo tubashe gukorana muri uyu murimo mwiza w'Imana”.

Seraphim Melodies irasaba abantu bose bafite umutima ufasha kwifatanya nayo mu gutanga amaraso kuri uyu wa Gatandadu 17.12.2022 guhera saa tatu kuri AEBR Kacyiru hafi ya MINAGRI.

Bati “Gutanga amaraso ntacyo bitwara uyatanze. Umuntu wese ufite ubuzima bwiza, utarwaye, ufite imyaka 18 kandi ufite ibiro 50 yemerewe gutanga amaraso. Abakozi ba RBC babishinzwe baba bahari ngo baguhe ubundi busobanuro bwose”.

Aba baririmbyi bibukije kandi buri umwe kurangwa no gushimisha Imana ibikorwa bafasha bagenzi babo. Bati “Nta muntu wabura icyo amarira abababaye. Turasaba abantu bose gutekereza uko bazasoza umwaka bibuka bagenzi babo bashobora kuba bagiye kuwusoza bari mu bihe bibagoye. Niyo mpamvu Seraphim Melodies yateguye ibi bikorwa byo gutanga amaraso ndetse no gusura abarwayi. 

Usibye gutanha amaraso bizakorwa ejo, kuwa Gatandatu utaha kuri 24 Ukuboza tuzasura abarwayi kwa muganga, nituvayo duhurire mu Gitaramo cya Noheri kuri AEBR Kacyiru aho Seraphim Melodies izafatanya n'itsinda ry'abaramyi Narada Worship Team, Horeb ndetse n'abahanzi nka Elmax Kagoma k'Imana”.

“Seraphim Day” ni igikorwa kimaze gushinga imizi aho benshi bishimira uburyo Seraphim Melodies yatekereje neza kujya isangira Noheli n’abarwayi barembeye mu bitaro. Mu mwaka wa 2017 iyi korali yahawe igihembo cy’ishimwe cya “Sifa Reward” cyatanzwe na Isange Corporation.

Buri mwaka bakora igikorwa cyo kwereka urukundo abarwatyi barembeye mu bitaro

Seraphim Melodies ikorera umurimo w’Imana muri AEBR Kacyiru

Seraphim Day igiye kuba ku nshuro ya 9