Umuhanzi Diamond Platnumz uzwi nka Simba yemeje ko atagitaramiye I Kigali aho ashinja abari bamutumiye kuba nyirabayazana,ntibakore ibyo bari bumvikanye.
Biravugwa ko Kizigenza Diamond Platnumz yanze kwitabira iki gitaramo nyuma y'uko adahawe amafaranga yose yari yumvikanye n'abagiteguye.
Abinyujije kuri Instagram ye,Simba yagize ati “Kubera ibikorwa by'ukudaha agaciro ibintu n'uburangazi ku bategura igitaramo,mbabajwe no kubamenyesha ko igitaramo cyacu i Kigali-Rwanda,cyagombaga kuba uyu munsi kuwa 23 Ukuboza 2022 kitari bube.”
Uyu yakomeje agira ati “Abashinzwe inyungu zanjye n'abanyamategeko banjye bari kubikoraho.Ntegereje ikindi gitaramo,vuba aha nzabamenyesha amatariki mashya y'igihe nzaririmbira i Kigali.
Simba Arabakunda.”
Iki igitaramo cyiswe 'One People Concert'cyatangiye guca amarenga ejo ko kitazaba ubwo uyu muhanzi bwije atageze mu Rwanda kandi yari gusangira n'abakunzi be ku mugoroba.
Byari byitezwe ko uyu muhanzi agera ku kibuga cy'indege mpuzamahanga cya Kigali saa kumi n'imwe z'umugoroba wo ku wa 22 Ukuboza, gusa abanyamakuru bamutegereje baraheba, bazinga ibikoresho barataha.
Byari byitezwe ko Diamond afata indege ikamuzana i Kigali mu gitondo cyo kuri uyu wa 23 Ukuboza nyuma y'ibiganiro byamuhuje n'umwe mu bamutumiye, gusa yanze guhaguruka atarahabwa 80% y'amafaranga bumvikanye.
Biravugwa ko muri kontaro harimo ko yagombaga kwishyurwa miliyoni 124 Frw, ariko yari yamaze guhabwa miliyoni 40 Frw.
Izi nka zibwe muri Tanzania ku wa 3 Ukuboza 2022, ziza gufatirwa mu Murenge wa Rwimiyaga bukeye bwaho ku makuru yari atanzwe n'abaturage, aho habanje gukeka ko ari uwari utuye muri iki gihugu wambukanye inka ze.
Umunyamabanga Nshingwabikorwa w'Umurenge wa Rwimiyaga izi nka zafatiwemo, Anthony Bagabo yabwiye Umuseke ko izi nka 11 zibwe n'Abanyarwanda bakoranye n'umuntu wabaga muri Tanzania.
Yagize ati 'Izi nka 11 zibwe Tanzania ku itariki 3 tuzifata kuri 4 Ukuboza, 2022 mu murenge wa Rwimiyaga zimaze kwambuka Akagera katugabanya n'abaturanyi, twazifashe tuzi ko ari inka abantu batuye hakurya bashobora kuba bambukije, ariko nyuma dukurikiranye tuza gusanga zari zibwe.'
Yakomeje agira ati 'Hari umuntu wabaga muri Tanzania ari na we wari wibye izo nka, hanyuma akorana n'Abanyarwanda bajyayo bazirongora bazizana.'
Abantu batatu bari mu maboko y'Urwego rw'Igihugu rw'Ubugenzacyaha, RIB bakurikiranyweho ubujura bw'izi nka.
Anthony Bagabo akaba yasabye abaturage gukomeza kubana neza n'abaturanyi, kandi bakazirikana ko ari icyasha kuba umuntu yakambuka akajya kwiba mu baturanyi, ibintu bakwiye gucikaho.
Ati 'Icyo dusaba abaturage ni uko dukomeza kugira imibanire myiza n'abaturanyi, ni ibintu bibi kuba umuntu yava mu gihugu kimwe akajya kwiba mu kindi, cyane cyane igihugu nk'iki cy'inshuti tubanye neza.'
Yavuze ko bakwiye kwirinda ibi bikorwa nubwo kenshi usanga harabayemo ubufatanye n'abantu batuye hakurya muri Tanzania.
Ati 'Icyo tutakwifuza ni uko hari icyaha cyakorwa, umuntu yiba mu gihugu kimwe azana mu kindi.'
Igikorwa cyo gushyikiriza izi inka ubuyobozi bwa Tanzania giteganyijwe kuri uyu wa Gatanu, tariki 23 Ukuboza 2022, aho izinka zigomba kuba zagejejwe ku mupaka wa Rusumo ku saha ya saa cyenda z'amanywa.
Umunyamabanga Nshingwabikorwa w'Umurenge wa Rwimiyaga, Anthony Bagabo akaba ashyikiriza izi nka ubuyobozi bwa Tanzania, ari kumwe n'inzego z'umutekano z'u Rwanda, ingabo, polisi na DASSO n'ubuyobozi bwo ku mupaka.
Umukinnyi wa Fiimi,Leonardo DiCaprio wamamaye nka Jack muri filimi Titanic,ari mu rukundo n'umukobwa w'imyaka 23 witwa Victoria Lamas,kandi we afite imyaka 48.
Uyu mwana w'umukobwa uri gukundana na Leonardo yavutse muri 1999,nyuma y'imyaka ibiri hasohotse filimi yakoze amateka ya Titanic.
Uyu mugabo akundanye n'uyu mukobwa,nyuma y'amezi make atandukanye n'umukinnyi wa filimi ukomoka muri Argentine witwa Camila Morrone waburaga iminsi mike ngo yuzuze imyaka 25.
Uyu Leonardo yagaragare ari kuva Hollywood ari kumwe na Victoria n'itsinda ry'inshuti zabo
Uyu mukobwa uri mu rukundo na Leonardo DiCaprio asanzwe ari umwana w'umukinnyi wa filimi witwa Lorenzo Lamas w'imyaka 64, wakinnye yitwa Lance Cumson muri filimi yasohotse muri 1980 yitwa Falcon Crest.
Abakobwa bane baheruka gukundana na DiCaprio bose bari munsi y'imyaka 25 ubwo bari mu rukundo nawe.
Camila yasubije abamwibasiye ko ari mu rukundo n'umusaza ko buri wese afite uburenganzira bwo gukundana n'umuntu ashaka.
Umuhanzi Diamond Platnumz yakuriye inzira Ku murima abari bamutegereje. Diamond Platnumz ukomoka muri Tanzania yari yitezwe mu rw'imisozi igihumbi mu gitaramo yari gukora Ku mugoroba w'itariki 23 ukuboza akagikorera mu nzu y'myidagaduro uzwi nka BK Arena ariko Diamond Platnumz abinyujije Ku rukuta rwe rwa Instagram atangaje ko atakije gutaramira i Kigali bitewe n'ibibazo abateguye igitaramo batacyemuye. Platnumz aciye ku rubuga rwe rwa Instagram yanditse ati ' Bitewe no kutita Ku bintu no kudashyira umutima ku bintu kw'abateguye igitaramo,mbabajwe no kubamenyesha ko igitaramo cyacu i Kigali mu Rwanda cyari giteganyijwe kuwa 23 ukuboza kita kibaye.Abandeberera n'abanyamategeko bange bari kubikoraho ndizera ko hazabaho ikindi. Vuba aha ndatangaza i tariki nzataramiraho i Kigali. Simba Arabakunda,Rwanda tubonane vuba'.
Diamond Platnumz wari utegerejwe i Kigali kuhakorera igitaramo, yavuze ko kitakibaye kubera guhuzagurika kw’abagiteguye.
Iki gitaramo cyagombaga kubera muri Kigali Arena kuri uyu wa Gatanu tariki ya 23 Ukuboza 2022, ni mu gihe yagombaga kugera i Kigali ejo hashize ariko baramutegereza baramubura.
Abinyujije ku mbuga nkoranyambaga, Diamond yavuze ko ababajwe no kuba atakitabiriye igitaramo yari yatumiwemo i Kigali ku bw’impamvu z’abamuteguriye igitaramo.
Ati 'Bitewe no guhuzagurika kw’abateguye igitaramo, mbabajwe no kubamenyesha ko igitaramo cyacu cy’i Kigali – Rwanda cyari giteganyijwe uyu munsi ku wa 23 Ukuboza 2022 kitakibaye.'
Uyu muhanzi yahishuye ko abajyanama be ndetse n’abanyamategeko be batangiye gukora kuri iki kibazo.
Diamond yavuze ko yatangiye gutekereza gukorera igitaramo mu Rwanda agataramana n’abakunzi be mu minsi ya vuba.
Diamond Platnumz yavuze ko kubera guhuzagurika kw’abateguye igitaramo atagitaramiye i Kigali
Ni ibintu byatumye abafana bataha bijujuta, icyakora ubuyobozi bwa Romantic Garden buhamya ko nta ruhare bwabigizemo.
Mu kiganiro na Igihe, Ubuyobozi bwa Romantic Garden bwavuze ko bwababajwe n'ibyabaye buhamya ko atari byo bari biteze. Baboneyeho kandi umwanya wo kwisegura ku bakiriya babo n'abandi babagana.
Bati 'Ntabwo twari twiteze ko bigenda uko byagenze, byatubabaje! hari abaje batugana basanga ibyo babwiwe ntibyabaye kuko umuhanzi ataje, tubiseguyeho cyane.'
Ku rundi ruhande ibya Diamond bikomeje kugorana kuko bigeze ku manywa y'umunsi afiteho igitaramo nta makuru avuga ko agera i Kigali arasohoka.
Nyuma y'uko Diamond ananiwe kugera i Kigali ku munsi watangajwe, impungenge z'uko atakibashije gutaramira i Kigali zongeye kuzamuka.
Buri wese mu bakurikiranira hafi ibya muzika ari kwibaza ikiri kujya imbere, hibazwa niba uyu muhanzi akije i Kigali mu gitaramo yagombaga gukorera muri BK Arena ku wa 23 Ukuboza 2022 ariko igisubizo kiri kugorana.
Andi makuru ahari avuga ko abatumiye uyu muhanzi bari muri Tanzania ahari kubera ibiganiro byamaze kurenga gutaramira i Kigali ahubwo hibazwa ikiri bukurikire nyuma y'uko uyu muhanzi yaba atakitabiriye igitaramo yatumiwemo.
Umunya-Cameroun André Onana ukinira Inter Milan yahagaritse gukinira ikipe y'igihugu cye,nyuma yo kwirukanwa mu mwiherero mbere yo guhura na Serbia mu itsinda ry'igikombe cy'isi.
Yafashe iki cyemezo nyuma y'uko nyuma yo gukurwa mu bagombaga gukina uwo mukino banganyijemo ibitego 3-3 na Serbia mu Gikombe cy'Isi, yasize bagenzi be muri Qatar arataha.
Umuzamu ufatira ikipe y'igihugu ya Cameroon André Onana ukinira Inter Milan yahagaritse gukinira ikipe y'igihugu cye,nyuma yo kwirukanwa mu bakinnyi bari mu mwiherero bagombaga gukina umukino banganyijemo ibitego 3-3 na Serbia mu Gikombe cy'Isi, yasize bagenzi be muri Qatar arataha.
Onana w'imyaka 26 yakiniye igihugu cye cya Cameroon imikino 34 kuva muri Gicurasi 2016, bivugwa afashe iyu mwanzuro nyuma yo gushwana n'umutoza we Rigobert Song amaze gukina umukino umwe mu gikombe cy'isi wamuhuje n'Ubusuwisi.
Mu ibaruwa ndende Onana yanditse yagize ati 'Nyuma y'amasaha menshi y'imyitozo, ingendo nyinshi no kwihangana kudasanzwe, ubu navuga ko nageze ku nzozi zanjye ariko buri nkuru yose, uko yaba ari nziza kose igira iherezo. Inkuru yanjye n'ikipe ya Cameroon yageze ku iherezo.
Abagabo batandatu bahoze mu mutwe w’iterabwoba wa FDLR urwanya u Rwanda ukorera mu mashyamba ya Repubulika Iharanira Demokarasi ya Congo, bakomeje kuburabishwa ku byaha baregwa birimo iterabwoba.
Abo ni ari Mujyambere Leopord alias Musenyeri, Habyarimana Joseph alias Mchebo Sophoni, Habimana Marc, Ruzindana Felicien, Habimana Emmanuel na Mpakaniye Emilien.
Baregwa kurema umutwe w’ingabo utemewe, kuba mu mutwe w’iterabwoba n’ubugambanyi bugamije kugirira nabi ubutegetsi buriho mu Rwanda.
Ubwo basubiraga imbere y’urukiko kuri uyu wa Kane, umunyamategeko wunganira bamwe muri bo yasabye ko abatangabuhamya bazabazwa n’urukiko baba barimo Gen Paul Rwarakabije wahoze akuriye uwo mutwe ariko akaza gutaha mu Rwanda ku bushake bwe agasubizwa no mu kazi ; kuri ubu akaba ari mu kiruhuko cy’izabukuru.
Mu iburanisha, Me Felix Nkundabatware Bigimba wunganira Lt.Col Mpakaniye Emilien, Lt.Col Habimana Emmanuel na Gen de Brigade Léopold Mujyambere bahoze muri FDLR, ni we wahawe umwanya munini.
Yasabye urukiko ko rwahanagura ibyaha byose ku bo yunganira birimo iterabwoba, kurema no kuba mu mutwe w’abarwanyi utemewe.
Yabwiye urukiko ko abo yunganira mu mategeko bagiye muri FDLR batabishaka ahubwo barengeraga ubuzima bwabo nk’uko babyivugiye.
Ati”Iyo habuze ubushake biba bivuze ko nta cyaha cyakozwe”
Urukiko rwamubajije ukuntu umuntu yamara imyaka irenga 20 afashwe bugwate ari nako agenda yongezwa amapeti ariko bikitwa ko atari ku bushake bwe.
Me Nkundabatware avuga ko abo yunganira bari bafite abayobozi babakuriye ku buryo iyo babikinisha bari kwicwa cyangwa bagahabwa ibihano biremereye ashingiye ku mvugo zabo kandi ko hari ingero z’aho babigerageje bikanga , bakabihanirwa bikomeye
Me Nkundabatware avuga ku cyaha cyo kuba mu mutwe w’iterabwoba, yasobanuye ko itegeko rihana icyo cyaha ryasohotse nyuma mu gihe Gen Léopold Mujyambere yari afungiye muri Congo naho Lt Col Mpakaniye Emilien yari yarasezeye muri FDLR , ndetse na Lt Col Emmanuel Habimana we akaba yari arwaye umugongo na we atagikora akazi ka gisirikare.
Yasabye ko Gen Rwarakabije ahamagazwa mu rukiko
Me Nkundabatware yifuje ko abatangabuhamya batanzwe n’abakiliya be nabo bazabazwa n’urukiko.
Yavuze ko Lt.Col Mpakaniye Emilien na Gen de Brigade Léopold Mujyambere batanze abatangabuhamya barimo Gen Rwarakabije Paul babanye muri FDLR ari umuyobozi wabo.
Ati 'Léopold na Mpakaniye batanze nabo abatangabuhamya barimo Gen Rwarakabije Paul banabanaga muri FDLR ariko bo ntibigeze babazwa. Ari ibishoboka nabo bazabazwa nk’uko abo ku ruhande rw’ubushinjacyaha babajijwe.”
Urukiko rwavuze ko rutanze kubaza abatangabuhamya bo ku ruhande rw’abaregwa ko rwabanje kumva kwiregura kwabo.
Rwavuze ko nyuma ruzasuzuma niba ari ngombwa ko abatangabuhamya batanzwe bahamagazwa bakabazwa.
General Paul Rwarakabije wayoboye FDLR -FOCA yagiye avugwa muri uru rubanza, yatashye mu Rwanda mu 2003 asubizwa mu kazi ka leta ; kuri ubu ari mu kiruhuko cy’iza bukuru.
Abagabo batandatu bakurikiranywe mu rukiko i Nyanza bahakana ibyaha bashinjwa, bagasaba kujyanwa mu kigo cya Mutobo guhabwa amasomo yo kubasubiza mu buzima busanzwe nk’uko byagiye bigenda kuri bagenzi babi no ku bari abayobozi n’abarwanyi babo batahutse mu bihe bitandukanye ku bushake cyangwa hakoreshejwe ingufu.
Ibi babigarutseho mu nama y'Igihugu nyunguranabitekerezo yahuje inzego zitandukanye ku migirire idaheza abafite ubumuga, aho hahujwe inzego zigira uruhare mu gufata ibyemezo.
Brigitte Murekatete.
Murekatete yagize ati' Muri iyi myaka 4 ishize nk'urugaga ruhuza abafite ubumuga mu Rwanda(NUDOR) biciye mu mushinga ugamije imigirire idaheza abafite ubumuga twabakanguriye ibijyanye n'uburenganzira bwabo kandi bamwe muri bo barasobanukiwe ndetse twahuje inzego zitandukanye zigira uruhare mu gutanga serivisi zaba izikorera ndetse n'inzego bwite za Leta, ariko bamwe muri aba ntibaragera aho twifuza kugirango inzitizi ziveho burundu'.
Akomeza avuga ko hari igihe ufite ubumuga agana serivisi z'amabanki bakaba bafite uburyo bwihariye bwo kwakira abafite ubumuga bw'uburebure budasanzwe ndetse hakaba n'abandi batarabasha kubona uko bisabira serivisi nko gutanga ibirego mu ikoranabuhanga kubera ibikoresho ndetse n'ubumenyi aho usanga hari abataramenya uburyo bwo kuvugana n'abafite ubumuga bukomatanyije bwo kutavuga no kutumva.
Ingabire Marie Solange, umwe mu bafite ubumuga avuga ko bashima ibyo Leta ibakorera. Akomeza asaba ko abikorera bakwiye kwibutswa ko bagifite ibikorwa remezo bimwe bitorohereza abafite ubumuga.
Yagize ati' Turashimira Leta yacu kuko yatuvanye mu kirambi ariko hari abikorera ndetse n'inzu za Leta zubatswe ubona ko zishaje zitorohereza abafite ubumuga ugasanga hari ibikorwaremezo bikitugora, haba muri za Banki, ahahurira abantu benshi, ubwiherero n'ibindi byinshi bikwiye kwifashishwa n'abafite ubumuga'.
Ndahayo Eugene, umwe mu bikorera avuga ko bikigoye ko uwikorera yakoresha umuntu ufite ubumuga kubera ko zimwe mu nzu bakoreramo zubatswe kera bityo kubona ubwiherero bw'abafite ubumuga bushya bigoye. Avuga kandi ko hari abafite ubumuga bwo kutabona bize bashobora gukora ibijyanye n'icungamutungo ariko bikaba ikibazo kubabonera imashini bajya bakoresha. Atanga urugero ko hari uwigeze gushaka guha akazi ufite ubumuga bwo kutabona, abajije igiciro cy'imashini yajya akoresha asanga irahenze abivamo.
Komiseri muri Komisiyo y'uburenganzira bwa Muntu mu Rwanda akaba ashinzwe gukurikirana uburenganzira bw'abantu bafite ubumuga, Gahongayire Eularie avuga ko ubushake bwa Politiki bugaragara kubera amasezerano mpuzamahanga ndetse n'andi yerekeye uburenganzira bw'abafite ubumuga, ndetse ibyo bikanashyirwa mu mategeko arengera abafite ubumuga. Avuga kandi ko byanashyizwe mu bijyanye n'uburezi, hakaba n' ubundi buryo abafite ubumuga bafashwa mu buryo bushoboka.
Uyu mushinga watangiye muri 2019, ugiye gusozwa ku mpera z'uyu mwaka wa 2022. Wakoreye mu turere twa Gisagara, Kicukiro, Nyamasheke, Ngoma na Burera. Muri iyi gahunda hakoreshejwe abafashamyumvire bagiye bagaragaza ibibazo bikeneye ubuvugizi bikibangamiye abafite ubumuga mu bice babarizwamo.
