Author: webrwanda

Buri tariki ya 1 Gashyantare u Rwanda rwizihiza Umunsi w'Intwari, kuko ari umunsi wo kwibuka ibikorwa byaranze intwari. Umunsi mukuru ngarukamwaka w'intwari wizihirizwa ku rwego rw'imidugudu mu Rwanda hose.

Intwari z'u Rwanda ziri mu byiciro bitatu ari byo: Imanzi, Imena n'Ingenzi. Icyiciro cy'Imanzi ni cyo kiri hejuru kikaba kigizwe n'intwari zaranzwe n'ibikorwa bidasanzwe birimo no guhara ubuzima mu rwego rwo kwitangira igihugu. Icyiciro cy'Imena kigizwe n'intwari zaranzwe n'ibikorwa by'intangarugero birimo kwitanga.

Intwari z'u Rwanda n'ibikorwa by'ubutwari byaziranze

Urwego rw'Intwari z'Imanzi: Uru rwego rurimo intwali zitakiriho

* Urwego rw'Intwari z'Imanzi

Ingabo itazwi izina:

Ingabo itazwi izina yatoranyijwe mu zindi ngabo zemeye guhara ubuzima bwazo kandi zitabashije kumenyekana ku buryo bwihariye.

Ingabo itazwi izina ihagarariye Ingabo zose z'u Rwanda zaguye ku rugamba cyangwa zashoboraga kurugwaho mu gihe cyahise, icy'ubungubu n'ikizaza zirwanira igihugu.

Imva y'Ingabo itazwi izina ni ikimenyetso cyo guha icyubahiro gihebuje abana b'u Rwanda bitanze, baharanira guhanga no kwagura u Rwanda, ubwigenge n'ubusugire bwarwo.

Major General Rwigema Fred:

Yavukiye i Mukiranze mu Karere ka Kamonyi mu Ntara y'Amajyepfo ku wa 10 Mata 1957.

Ni mwene Anastase Kimonyo na Gatarina Mukandilima. Yashakanye na Jeannette Urujeni, basezerana ku wa 20 Kamena 1987. Babyaranye abana babiri, ari bo Gisa Junior na Gisa Teta.

Yatabarutse ku wa 2 Ukwakira 1990 i Kagitumba mu Karere ka Nyagatare mu Ntara y'Iburasirazuba, agwa ku rugamba amaze gutangiza intambara yo kubohora u Rwanda.

Mu bwana bwe, Fred Rwigema yakundaga kwibaza icyatumye iwabo bava i Rwanda n'icyabuze kugira ngo basubireyo, yakundaga gusoma ibitabo by'abaharaniye kubohora ibihugu byabo nka Kwame Nkrumah, Mao-Tse-Tung na Fidel Castro.

Mu wa 1974 nibwo yiyemeje kureka amashuri asanzwe, ajya muri Tanzaniya gukurikirana imyitozo ya gisirikare na politike.

Mu wa 1976, yayikomereje muri Mozambike, ari kumwe n'abandi mu mutwe wa FRONASA bari hamwe n'indi mitwe bafashwa na Mwalimu Julius Nyerere nka Zanu, Zapu, ANC, KM na FRELIMO.

Mu wa 1979 yari mu bagaba ba FRONASA mu ntambara yavanyeho ubutegetsi bw'igihugu bwa Idi Amin, ayoboye 'Mondlane 4 th Infantry Column'.

Mu wa 1981, hamwe n'abandi basore 27, barimo Abanyarwanda babiri Rwigema Fred na Paul Kagame, yatangiranye na Kaguta Museveni intambara yo kurwanya igitugu cya Obote.

Kuva muri 1985, Fred Rwigema yakomeje kuba umwe mu bayobozi bakuru ba NRA, Ishami rya gisirikare rya RNM. Niho yaboneye umwanya wo gukomeza gutoza intambara Abanyarwanda.

Ataretse kuba Umunyarwanda, Fred Rwigema yagiye agira imyanya ikomeye muri NRA nko kuba Uwungirije Umugaba Mukuru w'Ingabo (Deputy Army Commander), Minisitiri wungirije w'Ingabo (Deputy Minister for Defense) n'Umugaba Mukuru w'imirwano (Overall Operations Commander).

Muri iyo mirwano yose yo mu mahanga, Fred Rwigema yari umusirikare nyakuri, w'intangarugero mu mikorere n'imyifatire, afite imyitwarire myiza kandi yubahiriza amategeko. Ariko muri byose yahozaga u Rwanda ku mutima, adahwema kuvuga ko 'kubohora u Rwanda ari ngombwa'.

Fred Rwigema yaranzwe n'ubupfura n'ubuhanga, kuba umunyakuri, areba kure, azi kwihangana, yubaha bose, ategekesha urugero, akunda umuco wa kinyarwanda n'imikino, aba umuhuza w'abantu.

Yabaye urugero rwo kwitanga no gukunda igihugu bihebuje.

Urwego rw'Imena

Umwami Mutara wa III Rudahigwa/ Charles Léon Pierre

Yavukiye i Nyanza, mu Karere ka Nyanza, mu Ntara y'Amajyepfo muri Werurwe 1911.

Ni umwana w'Umwami Yuhi wa IV Musinga na Nyiramavugo Kankazi Redegonde.

Mutara III yimitswe ku ngoma na Guverineri Voisin abifashijwemo na Musenyeri Classe ku wa 16 Ugushyingo 1931, Se Musinga amaze gukurwa ku ngoma kuwa 12 Ugushyingo 1931.

Kuwa 15 Ukwakira 1933, yashakanye na Nyiramakomali, batana mu bya 1940, nyuma ku wa 18 Mutarama 1942 ashakana na Rosaliya Gicanda, ntiyabyaranye na bo.

Ku wa 17 Ukwakira 1943, yabatijwe na Musenyeri Léon Classe, yitwa Charles Léon Pierre, abyarwa mu batisimu na Guverineri Mukuru wa Kongo Mbiligi na Rwanda-Urundi, Bwana Pierre Ryckmans, abatiranwa na nyina, umugabekazi Nyiramavugo Kankazi wiswe Radegonde.

Kuva muri 1929, aho yagizwe umutware wa Nduga na Marangara, kugeza muri za 1950, Mutara wa III Rudahingwa yakoze politike yo kumvikana na Kiliziya Gatolika na Leta Mbiligi, kugeza n'aho atuye Kirisitu Umwami ingoma z'u Rwanda i Nyanza ku munsi wa Kirisitu Umwami ku wa 27 Ukwakira 1946.

Hagati ya 1950 na 1959, aho yatangiye aguye i Bujumbura mu buryo butunguranye ku wa 25 Nyakanga.

Umwami Mutara wa III Rudahigwa yaharaniye guteza imbere imibereho y'Abanyarwanda n'ubwigenge bw'u Rwanda.

Rudahigwa yaranzwe no kurwanya akarengane mu butabera, abigaragariza mu Rukiko rw'Umwami no mu mirimo ya buri munsi aho yirirwaga arenganura abaturage cyane cyane abato bato.

Rudahigwa yitaye cyane ku bujijuke bw'Abanyarwanda: ashinga Fonds Mutara, asaba Abayezuwiti gushinga Koleji i Gatagara, bayijyana i Bujumbura iba Collège International du Saint Esprit, ashinga Ishuri ry'Abayisilamu ku Ntwari ry'i Nyamirambo, ashinga amashuri adashingiye ku madini, ashinga Ishuri ry'Abenemutara ry'i Kanyanza anohereza Abanyarwanda ba mbere kwiga i Burayi.

Mutara wa III yatangiye impinduramatwara muri politike, akuraho inkuke zakamirwaga Umwami yishakira ize bwite, akuraho imirimo y'agahato yitwaga akazi, akuraho ubuhake abagaragu bagabana na bashebuja, ashaka gukuraho igitabo cy'umusoro cyanditsemo amoko, Ababiligi barabyanga, yanga “kwica Gitera ashaka gukuraho ikibimutera”.

Rudahigwa yahirimbaniye ubumwe n'ubwigenge by'Abanyarwanda ku buryo Abanyarwanda batekereza ko ari byo yazize nka ba Lumumba na Rwagasore.

Intwari Michel Rwagasana

Yavukiye i Gitisi na Nyamagana mu Karere ka Ruhango mu Ntara y'Amajyepfo mu w'1927.

Mu wa 1956, yashakanye na Suzana Nzayire, babyarana abana batatu.
Hagati ya 1945 na 1950 yize muri Groupe Scolaire ya Astrida bitaga shariti, ahakura impamyabumenyi mu by'ubutegetsi (Diplôme d'Assistant Administratif).

Michel Rwagasana yakoze imirimo inyuranye yose yerekana ko yagirirwaga icyizere kubera ubunyangamugayo n'umwete bye. Yabaye umukozi wa Leta Mbirigi i Bujumbura, yabaye umunyamabanga w'Inama Nkuru y'Igihugu kuva yajyaho muri 1954 yabaye umunyamabanga wihariye w'Umwami Mutara wa III Rudahigwa.

Kubera guharanira ubumwe, ubwigenge bw'u Rwanda no kurwanya amacakubiri, yabaye umunyamabanga wa mbere wa UNAR ajya mu ntumwa z'u Rwanda zaruhagariraga mu bindi bihugu no muri Loni.

Michel Rwagasana yatanze urugero ruhebuje rwo gushyira imbere inyungu z'igihugu aho kwita ku ze bwite kuko aba yaremeye politike y'irondakoko agahabwa umwanya ukomeye mu Rwanda rwari rutegetswe na mwene Se wabo Gerigori Kayibanda nka Perezida wa Repubulika.

Uwilingiyimana Agatha

Yavukiye i Gikore mu Karere ka Gisagara mu Ntara y'Amajyepfo ku wa 23 Kamena 1953.

Ni mwene Ntibashirakandi Yuvenali na Nyirantibangwa Saverina.
Yashakanye na Barahira Ignace mu wa 1976, babyarana abana batanu.

Yabaye Minisitiri w'Intebe wa mbere w'umugore kuva kuwa 17 Nyakaganga 1993 kugeza kuwa 7 Mata 1994 mu gihe cya Jenoside yishwe n'abari ingabo z'igihugu.

Uwilingiyimana Agathe yagize umutima wa kigabo arwanya akarengane k'iringaniza mu gihe yari Minisitiri w'Amashuri Abanza n'Ayisumbuye mu butegetsi bw'irondakarere n'irondakoko bwa Habyarimana.

Yongeye kugaragaza ubwitange bwe buhebuje mu gihe cya Jenoside akomeza iy'ubuyobozi agerageza kugarura ituze mu gihugu cyari kigabijwe n'abicanyi.

Nta washidikanya ko ari umwe mu bagore b'Abanyarwanda baharaniye uburenganzira bw'Umunyarwandakazi.

Intwari Félicité Niyitegeka

Yavukiye i Vumbi mu Karere ka Huye mu Ntara y'Amajyepfo mu wa 1934. Ni mwene Sekabwa Simoni na Nyirampabuka Angelina.

Yishwe ku wa 21 Mata 1994, mu gihe cya Jenoside kubera ko yanze kwitandukanya n'abo yari yahaye ubuhungiro hamwe na bagenzi be bari muri Centre Saint Pierre ku Gisenyi. Musaza we Colonel Nzungize yari yamutumyeho ngo asezerere izo mpunzi maze ave muri icyo Kigo agisigemo ba nyagupfa. Ni byo yanze mu ibaruwa yuzuye urukundo n'ubutwari yandikiye uwo musaze we.

Mu mibereho ye, Niyitegeka Félicité yerekanye bwa butwari bwa buri munsi mu mirimo umuntu aba ashinzwe, haba mu byerekeye kwigisha no kurera, mu gucunga umutungo w'ibigo yakozemo, haba mu kuyobora abinjiraga mu muryango w'abafasha b'ubutumwa no gufasha abatishoboye. Ibyo byose yabigiranye ubushobozi bwinshi bagenzi be bakabimwubahira kandi bakabimukundira.

Kuba intangarugero yari yarabigize umuco, nicyo cyamufashije mu kwemera kwitangira abari baramugannye ahitamo kwicwa aho kugwa mu ngengabitekerezo y'ivanguramoko.

Abanyeshuri b'i Nyange

Abemezwaho ubutwari ni abari mu cyigo cy'i Nyange mu ijoro ryo kuwa 18 Werurwe 1997 mu ishuri ry'uwa gatandatu n'uwa gatanu igihe abacengezi batera icyo kigo ari abapfuye ari n'abatarapfuye iryo joro.

Abanyeshuri b'i Nyange baharaniye ku mugaragaro amahame y'ubumwe bw'Abanyarwanda kugeza aho bamwe babizira babizi, bemera guhara ubuzima bwabo aho kwivangura.

Babereye Abanyarwanda muri rusange n'urubyiruko by'umwihariko, urugero rw'urukundo, rwo kurwanya amacakubiri no kwitangira uburenganzira bwa muntu.

Hifashishijwe inyandiko ya Minisiteri y'Urubyiruko Umuco na Siporo, yiswe “Intwari z'u Rwanda”, yanditswe mu 2004.

Source : https://umuryango.rw/amakuru/mu-rwanda/ubuzima/article/menya-amateka-y-intwari-u-rwanda-rwizihiza-buri-mwaka

Uyu muririmbyi w'ikimenyabose yabigarutseho mu kiganiro aheruka kugira na kimwe mu bitangazamakuru byo muri Congo Kinshasa.

Congo Kinshasa imaze igihe irebana ay'ingwe n'u Rwanda kubera ibirego irurega byerekeye umutwe wa M23 umaze umwaka urenga urwana n'Ingabo zayo.
Ni umutwe u Rwanda ruregwa guha ubufasha, ku mpamvu abanye-Congo bavuga ko ari zo kuba rugamije kwiba amabuye y'agaciro' y'igihugu cyabo, n'ubwo rwo rutahwemye guhakana ibyo birego.

Perezida Félix Antoine Tshisekedi ari mu bamaze igihe bakwirakwiza biriya birego, ndetse anakomeje kuririra amahanga ayasaba gufatira u Rwanda ibihano.
Ku bwa Koffi Olomide, ngo ntibihagije kuba Congo Kinshasa ihora ishyira ibirego ku Rwanda, kuko ikibazo iki gihugu gifite ari ba nyiracyo ubwabo.

Yavuze ko niba u Rwanda rwiba 10 cyangwa 20% by'umutungo wa Congo 80% usigaye waba ugirira akamaro kiriya gihugu, gusa akaba atari ko bimeze.
Ati: “Niba koko [abayobozi] bafitiye urukundo Congo, kuko buri gihe bahora bavuga ngo 'oh Abanyarwanda, Abanyarwanda!' Niba Abanyarwanda basahura 10, 20 cyangwa 30% by'amabuye yacu y'agaciro, 70 cyangwa 80% asigaye ajya he? Ntabwo dukunda igihugu cyacu, umwanzi wa RDC ni abanye-Congo.”

Koffi yavuze ko RDC inafite ikibazo cy'abayobozi badashoboye, bijyanye n'uko usanga abayoboye igihugu baha imirimo abavandimwe babo, inshuti zabo cyangwa abakunzi babo batagendeye ku bushobozi bafite.

Yunzemo ko hejuru y'ibi usanga abanyagihugu barabaye abantu bahora binezeza, batagira gahunda kandi b'abanebwe; ibiri mu bituma kiriya gihugu kidatera imbere uko bikwiye.

Ivomo: Bwiza

Source : https://umuryango.rw/amakuru/article/niba-u-rwanda-rwiba-20-by-amabuye-ya-dr-congo-80-bisigaye-bijya-he-koffi

Nimbona Jean Pierre uzwi nka Kidum yatumiwe mu gitaramo cya Kigali Jazz Junction giteganyijwe ku wa 24 Gashyantare 2023.

Ni ibirori Kidum azahuriramo n'abandi bahanzi barimo itsinda rya B2C rigezweho muri Uganda, ryanamaze gutangazwa ko rizataramira i Kigali.

Kwinjira mu gitaramo bizaba ari 10 000Frw mu myanya isanzwe, 25 000Frw muri VIP, 40 000Frw ku bakundana bifuza kwicarana muri VIP, 35 000Frw muri VVIP ndetse n'ameza y'abantu umunani azaba agura 280 000Frw.

Abazagurira amatike ku muryango amafaranga azaba 15 000Frw mu myanya isanzwe, 30 000Frw muri VIP, 55 000Frw ku bakundana bifuza kwicarana muri VIP ni 40 000Frw muri VVIP ndetse n'ameza y'abantu umunani azaba agura 320 000Frw.

Kidum mu 2019 yateguriwe igitaramo i Kigali kiburizwamo ku mpamvu z'umutekano kuko abagiteguye nta byangombwa bari basabye mu nzego zibishinzwe.

Icyo gihe Kidum kwihangana byaramugoye abifata nk'ikibazo cya politike cyari kiri hagati y'u Rwanda n'u Burundi, ahitamo kuvuga ko atazongera gutaramira muri ibi bihugu byombi yisubirira muri Kenya.

Kidum yagiye gutaramira i Burundi yavuze ko yisubiyeho kuko yasanze icyemezo yafashe hari abo cyababaje. Kuri ubu mu Burundi amaze kuhakorera ibitaramo bibiri.

Source : https://umuryango.rw/imyidagaduro/article/kidumu-agiye-kugaruka-gutaramira-mu-rwanda-nyuma-y-igihe-atangaje-ko-atazongera

Source : https://umuryango.rw/amakuru/urukundo/article/dore-uburyo-bwiza-wahakaniramo-umuntu-urukundo-kandi-mugakomeza-kuba-inshuti

Umugore wa myugariro,Dani Alves yasabye gatanya nyuma yo kumva ko uyu mugabo we afunzwe ashinjwa gusambanyiriza umugore mu kabyiniro ko mu mujyi wa Barcelona.

Madamu Joana Sanz w'imyaka 29,yabanje gusiba amafoto ari kumwe n'uyu mugabo we kuri Instagram nyuma yo kumva amakuru ko uyu mukinnyi yasambanyije ku ngufu umugore ndetse nawe akemera ko yamusambanyije ariko babyumvikanyeho.

Dani Alves aherutse kugezwa imbere y'urukiko kubera ibi byaha yashinjwaga,avuga ko uyu mugore basambaniye mu bwiherero babyumvikanyeho gusa ngo batari baziranye.

Joana Sanz usanzwe ari umunyamideli,yavuze ko yababajwe no gufungwa k'umugabo we Alves w'imyaka 39,nyuma y'iminsi mike apfushije nyina umubyara.

Joana yabwiye abanyamategeko be ko ashaka gatanya kubera ko uyu mugabo we yanze ko babonana akigezwa muri gereza nkuko TV yo muri Espagne yabitangaje.

Uyu mugore uvuka ahitwa Tenerife,yashyingiranwe na myugariro Alves muri 2017 gusa ntabwo we aratangaza ukuri ku bivugwa ko yasabye gatanya.

Joana yafashe umwanzuro wo gusiba amafoto yose ari kumwe na Alves [uretse imwe bari hamwe bamamaza],waje nyuma yo gukora ikirori cyo kumushyigikira.

Alves yahise yirukanwa n'ikipe yo muri Mexico yitwa UNAM Pumas yakiniraga,nyuma yo gushyirwa mu kasho n'umucamanza wo mu mujyi wa Barcelona.

Umugore w'imyaka 23 yareze Alves amushinja ko yamufashe ku ngufu,ubwo bari bahuriye mu kabyiniro Kuwa 30 Ukuboza,byatumye uyu mukinnyi ahita afungwa kuwa 20 Mutarama 2023.

Umucamanza yavuze ko Alves agomba gukomeza gufungwa ndetse na nubu aracyari mu kasho aho yanatangiye gukinira ikipe ya gereza.

Source : https://umuryango.rw/imyidagaduro/imikino/article/umugore-wa-dani-alves-aravugwaho-gusaba-gatanya-kubera-ibirego-byo-gufata-ku

Perezida Paul Kagame na Madamu Jeannette Kagame bunamiye Intwari z'Igihugu banashyira indabo ku kimenyetso cy'ubutwari kiri ku gicumbi cy'Intwari i Remera mu Karere ka Gasabo, Umujyi wa Kigali.

Intwari z'Igihugu zizihizwa kuri uyu wa 1 Gashyantare 2023, mu Rwanda.

Ni ku nshuro ya 29 u Rwanda rwizihije Umunsi w'Intwari z'Igihugu.Uw'uyu munsi ufite insanganyamatsiko igira iti 'Ubutwari mu Banyarwanda, Agaciro kacu'.

Ku rwego rw'Iigihugu, umuhango wo kwizihiza Intwari z'u Rwanda wabereye i Remera ku Gicumbi cy'Intwari mu gihe hirya no hino mu gihugu habereye ibikorwa bitandukanye byo kwizihiza uyu munsi.

Ni umuhango witabiriwe n'abayobozi mu nzego nkuru z'igihugu, abahagarariye ibihugu byabo mu Rwanda ndetse n'abahagarariye imiryango y'intwari.

Kugeza ubu Intwari z'u Rwanda ziri mu byiciro bitatu birimo Ingenzi, Imena n'Imanzi.

Indabo zashyizwe ku Gicumbi cy'Intwari zo mu cyiciro cy'Imanzi ari zo Umusirikare utazwi izina, uyu ahagarariye abasirikare bose baguye ku rugamba barwanira ineza y'u Rwanda ndetse n'abazarugwaho.

Muri iki cyiciro kandi harimo intwari Maj Gen Fred Gisa Rwigema wayoboye urugamba rwo kubohora igihugu mu minsi ya mbere.

Indabo kandi zashyizwe ku gicumbi cy'intwari ziri mu cyiciro cy'Imena kirimo Umwami Mutara III Rudahigwa, Rwagasana Michel, Uwilingiyimana Agathe, Niyitegeka Felicité n'Abanyeshuri b'i Nyange banze kwitandukanya ubwo baterwaga n'abacengezi mu 1997.

Umunsi w'Intwari wizihizwa buri mwaka tariki ya 1 Gashyantare kuva mu 1999 kuko mbere yaho mu 1994 kugeza mu 1998 wizihizwaga tariki ya 1 Ukwakira ugahuzwa n'umunsi wo gukunda igihugu.

Source : https://umuryango.rw/amakuru/mu-rwanda/ubuzima/article/perezida-kagame-na-madamu-we-bazirikanye-intwari-z-igihugu

Iminkanyari yo mu maso ibaho mu gihe cy'ubuzima bw'abantu, mu gihe uruhu rwatakaje ubutoto, rugahinduka nk'urudasanzwe, rugatemba kandi rugatakaza ugukomera

Nubwo rimwe na rimwe, gusaza k'uruhu hamwe n'iminkanyari bishobora kubaho mu buryo busanzwe, nabyo bivuka biturutse ku myitwarire y'ubuzima nko kunywa itabi, ntabwo bigushimisha, kandi mu gihe hariho byinshi mu ma farumasi byagufasha nk'amavuta, hamwe n'uburyo bundi bw'ubwiza bwo gukemura iki kibazo, umuti wo mu rugo usanzwe kandi udafite ingaruka ni igitekerezo cyiza.

Umuti woroshye gukorwa wo mu rugo ugizwe n'ibintu karemano burigihe n'uburyo bwiza bwo gukoresha ku ruhu kuko n'ibisanzwe / nta miti kandi nta n'ubwo bigira ingaruka mbi.

Igishishwa cy'umuneke kiroroshye gukoresha ku ruhu kugirango ukureho ibiheri n'inkovu zabyo, bigasiga uruhu rusukuye kandi rudafite inenge kandi bikorwa muburyo bworoshye cyane. Icyo ukeneye gusa ni igishishwa cy'umuneke ukajya ugisigaho.

Icyitonderwa: Koresha gusa ibishishwa by'imineke igishya.itarasa n'iyaboze.

Source : https://umuryango.rw/ubuzima-115/article/menya-akamaro-gatangaje-k-igishishwa-ku-ruhu-rwa-muntu

Igihe cyo kurangiza kirangwa n'ibimenyetso binyuranye ku bagabo ariko muri rusange harimo impinduka mu guhumeka, gutera k'umutima, kuzamuka k'ubushyuhe, gusa n'ususumira ndetse no kumva uri mu yindi si.

Abagabo benshi kurangiza no gusohora biragendana ariko kuko ari ibintu 2 bitandukanye bishobora kuba no mu bihe bitandukanye. Kuko ushobora kurangiza ariko ntusohore. Nubwo abagabo benshi bibafata iminota 3 gusa kuva batangiye imibonano ngo barangize, ariko icyegeranyo rusange ni iminota hagati ya 7 na 14.

akamaro ko kurangiza ku mugabo mu gihe cyo gutera akabariro

1.Byongera imikorere y'ubwonko

Mu gihe cyo kurangiza imikorere y'ubwonko iriyongera dore ko amaraso ajyamo aba yiyongereye bityo n'umwuka wa oxygen ujyamo ukiyongera. Ibi rero bituma ubwonko bw'umuntu urangiza kenshi buba bukora neza kandi butekereza byihuse.

2.bigabanya uburibwe

Mu gihe cyo kurangiza harekurwa umusemburo wa ocytocin ukaba ukunze kwitwa umusemburo w'urukundo. Ubusanzwe ku bagore uyu musemburo ukorwa ku bwinshi mu gihe cyo kubyara kugirango ufashe mu kugabanya uburibwe no kumufasha gukira vuba.

3.Bikurinda kanseri ya Prostate

Inyigo yakozwe mu 2004 n'ikigo nyamerika kireba ibya kanseri (National Cancer Institute) yerekanye ko abagabo barangiza byibuze inshuro 21 mu kwezi ibyago byabo byo kurwara kanseri ya porositate bigabanyukaho 30% ugereranyije n'abandi. Kuko kurangiza ahanini bijyana no gusohora, bijyana no gusohoka kw'amasohoro akuze ashobora gutera kanseri kubera gutinda mu mugabo.

4.Bigabanya Stress

Nubwo bikiri mu nyigo, umusemburo wa ocytocin na za endorphins birekurwa mu gihe cy'imibonano no kurangiza bituma umugabo yumva aruhutse, yishimye kandi atuje. Ibi bifasha mu kugabanya stress no kongera umutuzo.

5.Bituma usinzira neza

Mu gihe cyo kurangiza, umusemburo wa dopamine urarekurwa ugakurikirwa na oxytocin hamwe na za endorphins. Ibi bikaba bitera gusinzira neza nyuma y'imibonano.

6.Bituma utinda kurangiza

Niba wajyaga wibaza icyagufasha kujya utinda kurangiza, umuti wa mbere ni ukongera inshuro urangiza. Iyo uri kurangiza umubiri ukoresha ingufu bityo bikawufasha kumenyera igikorwa cy'imibonano.

7.Byongera kuramba

Ubushakashatsi bwakorewe ku baturage bo muri South wales mu 1997 bwerekanye ko abagabo barangiza byibuze 2 mu cyumweru baramba inshuro zikubye kabiri ugereranyije n'abandi.

Ubu bushakashatsi kandi bwanzuye ko impamvu nyamukuru ari uko imibonano ari imwe muri siporo bikaba birwanya indwara nk'imitsi, umubyibuho ukabije, diyabete, Kandi izi ndwara ziri mu zihitana benshi.

Source : https://umuryango.rw/ubuzima-115/article/ibyiza-byo-kurangiza-ku-mugabo-mu-gihe-cyo-gutera-akabariro

Amatora ari kubera ku rubuga rwa Noneho.com yatangiye ku wa 17 Mutarama 2023 azarangira kuri uyu wa Gatandatu tariki 4 Gashyantare 2023 ari nabwo hazamenyekana 30 bakomeza mu kindi cyiciro.

Batatu bazahiga abandi muri 86 bahatanye bazafashwa kwitabira ibikorwa birimo nka Dubai International Fashion Week ibera mu Mujyi wa Dubai, The Look of the year ibera mu Butalitani na World Top Model nayo ibera mu Butaliyani.

Ndekwe Paulette uhagarariye Embrace Africa mu Rwanda iri gutegura iri rushanwa, aherutse kubwira InyaRwanda ko hari ibyo bazagenderaho mu guhitamo abanyamideli batatu bahiga abandi.

Yavuze ati 'Hari intambuko n'ukuntu agaragara. Tuzashingira kandi ku kuntu yitwaye imbere y'Akanama Nkemurampaka ari na ko kazadufasha kumenya aba batatu, uburyo abasha guhuza na bagenzi be n'ibindi.'

Akomeza ati 'Ikindi ni ukureba uwujuje ibisabwa ku buryo buri gikorwa cyose twamwoherezamo cyamugeza kure.'

Laura Sarah ufite Nimero 29 mu irushanwa agiye kumara iminsi ine ari we wicaye ku mwanya wa Mbere. Uyu mwanya yigeze kuwuvaho asimbuwe na Diane Ngabonziza, ariko yaje kongera kuwisubiza.

Kuri ubu, Laura Sarah afite amajwi 5,305; akurikiwe na Nadia Umuhire [Nimero 40] uri ku mwanya wa kabiri n’amajwi 5,209, uyu mwanya agiye kuwumaraho iminsi irenga itatu.

Diane Ngabonziza [Nimero 38] wigeze kuba ku mwanya wa Mbere, ubu ari ku mwanya wa Gatatu n’amajwi 4,412. Akurikiwe na Rosine Bamurange [Nimero 53] uri ku mwanya wa Kane n’amajwi 3,059, ni mu gihe Keylan Mucyo [Nimero 71] ari we uri ku mwanya wa Gatanu n’amajwi 2,500.

Michelle Ashimwe [Nimero 42] ari ku mwanya wa Gatandatu n’amajwi 2,060 akurikiwe na Batamuriza Yvette ufite amajwi 1,355, aho ari ku mwanya wa Karindwi, Marie Benigne Nsanzimana [Nimero 30] uri ku mwanya wa munani n’amajwi 927,

Belyse Uwambayinema [Nimero 878] ari ku mwanya wa Cyenda n’amajwi 878, ni mu gihe Kany Nikeze Mupenzi ari ku mwanya wa cumi n’amajwi 745.

KANDA HANO UBASHE GUTORA UWO USHYIGIKIYE MURI AYA MATORA

 

Abanyamideli batatu bazatsinda bazafashwa kwitabira ibikorwa by’imideli bikomeye ku Isi

Laura Sarah akomeje kuza imbere y’abandi mu majwi yo mu itora ryo kuri Internet mu irushanwa ‘Rwanda’s Global Top Model

Laura ufite Nimero 29 mu irushanwa agejeje amajwi 5,305

Diane Ngabonziza agejeje amajwi 4,412 ari ku mwanya wa Gatatu 

Laura Sarah [Nimero 29] ni we ukomeje kuguma ku mwanya wa Mbere aho afite amajwi 5,305

Nadia Umuhire [Nimero 40] uri ku mwanya wa kabirin’amajwi 5,209, uyu mwanya agiye kuwumaraho iminsi irenga itatu

Diane Ngabonziza [Nimero 38] wigeze kuba ku mwanya wa Mbere, ubu ari ku mwanya wa Gatatu n’amajwi 4,412

Rosine Bamurange [Nimero 53] ari ku mwanya wa Kane n’amajwi 3,059

Keylan Mucyo [Nimero 71] ari ku mwanya wa Gatanu n’amajwi 2,500

Michelle Ashimwe [Nimero 42] ari ku mwanya wa Gatandatu n’amajwi 2,060

Batamuriza Yvette afite amajwi 1,355, aho ari ku mwanya wa Karindwi

Marie Benigne Nsanzimana [Nimero 30] uri ku mwanya wa munani n’amajwi 927

Belyse Uwambayinema [Nimero 878] ari ku mwanya wa Cyenda n’amajwi 878

Kany Nikeze Mupenzi ari ku mwanya wa cumi n’amajwi 745

Source : https://inyarwanda.com/inkuru/125603/laura-sarah-yanze-kurekura-abanyamideli-10-bafite-amajwi-menshi-muri-rwandas-global-top-mo-125603.html

Noam, umuhungu wa Nkusi Flitz Emeran wakiniye Amavubi, ni umukinnyi wa Manchester United wifashishwa cyane mu ikipe y’abatarengeje imyaka 21 nubwo yanditswe no mu bemerewe gukinira ikipe nkuru.

Igitego yatsinze kuwa 27 Mutarama ubwo Manchester United U21 yakinaga na Blackburn Rovers U21, cyashyizwe mu bizatoranywamo igitego cyiza cy’ukwezi muri Manchester United, ahatoranywa igitego cyiza mu bo mu byiciro byose.

Noam Emeran yishimira igitego

Igitego cya Noam gihatanye n’ibindi birimo icyatsinzwe na Luke Show mu mukino wahuje Manchester United na Bournemouth, icyatsinzwe na Fred bakina na Reading n’icyo Anthony yatsinze Chalton Atletics muri Calabao Cup.

Hari kandi ibitego Marcus Rashford yatsinze Arsenal na Manchester City ndetse n’ibyo muri Manchester United y’abagore byatsinzwe na Martha Thomas ndetse na Rachel Williams mu bihe bitandukanye.

Noam na bagenzi be ba Manchester United U21 bishimira intsinzi

Mu Ukuboza 2022, iki gihembo cyegukanwe na Marcus Rashford ku bw’igitego yatsinze acenze abugarizi ba Burnley, naho mu Ugushyingo cyari cyahawe rutahizamu Alejandro Garnacho ku bw’igitego yatsinze Fulham FC muri Shampiyona.

Iki gihembo gitangwa buri kwezi hakurikijwe amatora y’abafana, aho bakoresha Urubuga rwa Manchester United bakihitiramo igitego batora, ikigize amajwi menshi kigahembwa.

Kanda Link (Manchester United Goal Of the Month Nomination) urebe amashusho y’ibitego bizatoranywamo igitego cyiza cya Mutarama 2023 muri Manchester United. 

Source : https://inyarwanda.com/inkuru/125604/noam-emeran-wifuzwa-namavubi-ahatanye-nabarimo-marcus-rashford-na-anthony-ku-bwigitego-cyi-125604.html