Author: webrwanda

Urukiko muri leta ya Utah muri Amerika rwageneye miliyoni $10 y'impozamarira ku muryango w'impirimbanyi yo muri Uganda yapfuye mu 2020 mu mpanuka yabereye muri Arches National Park.

Izo mpozamarira ziri munsi cyane ya miliyoni $140 umuryango wa Esther Nakajjigo wifuzaga, ariko kandi niyo mafaranga menshi atanzwe n'urukiko muri leta ya Utaha kubera urupfu rw'umuntu, nk'uko umunyamategeko wabo abivuga.

Umugabo wa nakajjigo yagenewe miliyoni $9.5, nyina Christine Namagembe agenerwa $700,000 naho se John Bosco Kateregga $350,000, nk'uko ibinyamakuru muri Amerika bibivuga.

Nakajjigo wari ufite imyaka 25 n'umugabo we Ludovic Michaud w'umunyamerika, nyuma y'amezi macye bashyingiwe bari mu biruhuko basura iyi parike ubwo yapfaga.

Inkubi y'umuyaga yazunguje umuryango w'icyuma utari ufashe neza ubwo imodoka ya Nakajjigo na Ludovic yariho isohoka muri iriya parike.

Uwo muryango waciye mu idirishya ry'imodoka ku ruhande rw'umugenzi uca ijosi Nakajjigo ahita agwa aho, mu gihe umugabo we yari yicaye mu mwanya wa shoferi.

Uru rupfu ruteye ubwoba no kuba Nakajjigo yari ambasaderi w'umuryango Women and Girls muri Uganda byatumye urubanza rwe rukomera.

BBC

Source : https://umuryango.rw/amakuru/mu-mahanga/ubutabera/article/us-urukiko-rwahaye-miliyoni-10-umuryango-w-umunya-uganda-wapfiriyeyo

Minisitiri w'ingabo wa Ukraine yatangaje ko Uburusiya burimo gutegura igitero rurangiza gishya, aburira ko gishobora gutangira tariki 24 z'uku kwa Gashyantare.

Oleksii Reznikov yavuze ko Moscow yakusanyije ibihumbi by'ingabo kandi ishobora 'kugerageza ikintu' ku isabukuru y'umwaka umwe itangije iyi ntambara.

Icyo gitero kandi ngo cyaba kijyanye no kwizihiza 'umunsi mukuru wo kurengera igihugu' mu Burusiya wizihizwa n'igisirikare tariki 23 Gashyantare.

Perezida Zelensky yatangaje ku mbuga nkoranyambaga ati: 'Uburyo bwonyine bwo guhagarika iterabwoba ry'Uburusiya ni ukubutsinda. N'ibifaru. N'indege. Na misile ziraswa kure.'

Ukraine yongeye gusaba bushya indege z'intambara ngo biyifashe kwirinda nyuma y'uko Ubudage, Amerika n'Ubwongereza byemeye kuyoherereza ibifaru by'intambara.

Minisitiri Reznikov yavuze ko Moscow yakusanyije abasirikare bagera ku 500,000 bo gukora kiriya gitero.

Muri Nzeri(9), Perezida Vladimir Putin yatangaje kwinjiza mu ngabo abantu 300,000 avuga ko byari ngombwa ko baza kurinda 'ubusugire bw'igihugu'.

Ariko Reznikov avuga ko umubare nyawo w'abinjijwe mu ngabo bakoherezwa muri Ukraine ushobora kuba urenze uwo.

Nubwo hari imirwano ikomeye mu gace ka Donbas k'iburasirazuba, intambara isa n'iyagumye hamwe mu mezi ashize kuva Ukraine yakwisubiza umujyi wa Kherson uri mu majyepfo.

Uretse kuba Uburusiya bwarafashe umujyi muto wa Soledar, impande zombi ntabwo zirongera kwigira imbere bigaragara.

Ariko igitero gikomeye gishya — hamwe n'igitero cyo kwigaranzura cya Ukraine — byombi bimaze igihe byitezwe.

Ikigo cyo muri Amerika kitwa Institute for the Study of War (ISW) vuba aha cyavuze ko Moscow yaba ishaka 'gukora igikorwa rurangiza' igakora 'igitero kinini' mu burasirazuba.

Reznikov avuga ko abakuru b'ingabo ba Ukraine bashaka 'gukomeza ingerero no gutegura kwigaranzura' mbere y'uko Uburusiya bukora ibi bivugwa.

Yagize ati: 'Nizeye ko umwaka wa 2023 uzaba umwaka w'intsinzi ya gisirikare', yongeraho ko ingabo za Ukraine 'zitatsindwa ibyo zatangiye' mu mezi ashize.

Uyu mu minisitiri w'ingabo za Ukraine yari ari mu Bufaransa aho yagiye kugura izindi ntwaro za MG-200 za radar zo kurinda ikirere, zishobora kongera ubushobozi bwo kubona misile na drones z'Uburusiya, harimo na misile ziraswa kure cyane.

Ibivugwa na Reznikov bije nyuma y'uko ubutasi bwa gisirikare bwa Ukraine butangaje ko Perezida Putin yasabye ingabo ze gufata akarere ka Donbas mbere y'uko iki gihe cy'urugaryi kirangira.

Ariko kuwa mbere, umunyamabanga wa OTAN Jens Stoltenberg yaburiye ko nta kimenyetso ko ibyifuzo bya gisirikare bya Putin ari ugufata uburasirazuba bwa Ukraine gusa.

Yagize ati: 'Barimo kuzana intwaro nshya, amasasu menshi, no kongera izo bikorera, ariko kandi banakura izindi ntwaro nyinshi muri Iran na Korea ya Ruguru'.

Yongeraho ati: 'Hejuru y'ibyo, nta kitwereka ko Perezida Putin yahinduye umugambi rusange we w'ibi bitero — uwo ni ukugenzura umuturanyi, gufata Ukraine. Rero mu gihe cyose bikimeze gutyo, tugomba kwitegura intambara ndende.'

Mu butumwa yatanze mu ijoro ryo kuwa gatatu, Perezida Zelensky yavuze ko uko ibintu byifashe ku ngerero bigoye ingabo ze.

Yagize ati: 'Imbere ku rugamba mu burasirazuba hari ukwiyongera runaka kw'ibitero by'abaduteye. Ibintu biragenda birushaho kuba bibi cyane.'

BBC

Source : https://umuryango.rw/amakuru/mu-mahanga/umutekano/article/uburusiya-burategura-igitero-rurangiza-tariki-24-02-ukraine

Mu gihe inkuru zari nyinshi ko Zari ashobora kuba yaratandukanye n’umukunzi we Shakib, bashimangiye ko bakiri kumwe.

Inkuru zari nyinshi ko umuherwekazi ukomoka muri Uganda wibera muri Afurika y’Epfo, Zari Hassan urukundo rwe na Shakib Lutaaya rwajemo agatotsi.

Aba bombi bashimangiye ko bakiri kumwe, ni mu mashusho Zari yanyujije kuri Snapchat aho basaga n’abasezeranaho ari na ko babwiranaga amagambo meza y’urukundo.

Shakib yagaragaye abwira Zari ati “urabeho rukundo rwanjye”, ni nako yamwegeraga agahita anamusoma.

Zari yahise amusubiza ati “Nanjye ndagukunda.”

Bibaye nyuma y’ubutumwa Zari aheruka gushyira hanze yifashishije amagambo ya Horacio Jones aho yagize ati “abantu bamwe ntabwo bumva uburyo ibinyoma ari uburozi. Ibinyoma byangiza bikanavuma umubano kugeza aho wumva urwaye mu nda ku kukongera kubizera ukundi.”

“Uko waba ukunda umuntu kose, rimwe na rimwe ntushobora kwihangana. Uba utagituje kubera ko uba ukeka buri kimwe. Ubu kubizera nta mbaraga bigisaba, ubu bisaba gukekakeka.”

Ubu butumwa bwashyize benshi mu rujijo bamwe bagakeka ko hari aho bihuriye n’umubano we na Shakib wavugwagamo agatotsi, bwaje bukurikirana n’amagambo Shakib yatangarije TV yo muri Uganda aho yavugaga ku mugore wari umaze iminsi amuzengereza avuga ko bashakanye aho yavuze ko atigeze ashakana na we kuko afite abana 6 ku bagabo 6.

Ati “Shakirah Nanule ndamuzi, yari umukunzi wanjye imyaka 8 ishize ariko sinigeze nshyingiranwa na we. Yashakaga ko njya muri America n’igihe nari muri Afurika y’Epfo ariko narabyanze maze kumenya ko twese tuva mu bwoko bumwe (Ngome), si ibyo gusa afite abana 6 ku bagabo batandukanye.”

Urukundo rwa Zari na Shakib rwagiye rugerwa intorezo kuva mu ntangiriro za 2022 batangira gukundana, bennshi bashinja uyu mugore w’abana batanu gufatirana Shakib arusha imyaka irenga 10, gusa babyimye amatwi bikomereza urukundo rwa bo.

Shakib na Zari bashimangiye ko bakiri kumwe

Source : http://isimbi.rw/imyidagaduro/article/afite-abana-6-ku-bagabo-6-shakib-wa-zari-ku-mugore-umwitsindiraho-ibyo-gutandukana-na-zari

Rutahizamu wa APR FC, Lague Byiringiro yavuze ko kuba yaramaze kugurwa n'ikipe ya Sandvikens IF yo muri Sweden ari inzozi zabaye impamo kuko ngo yahoze arota gukina nk'uwabigize umwuga.

Uyu musore uri mu bato batanga icyizere yabwiye The New Times ko kuba yerekeje muri iyi kipe yo mu cyiciro cya gatatu ari umugisha ndetse yahoze arota gukina i Burayi.

Ati “Ndishimye cyane kuba ngiye gukina nk'uwabigize umwugano kuba nerekeje mu ikipe nziza nk'iriya n'umugisha kuri njyewe.Ni iby'agaciro kuri njye gukina i Burayi.Nategereje aya mahirwe igihe kinini.

Gukina i Burayi ni inzozi ku bakinnyi benshi kandi ni ikintu gikomeye cyane nagezeho.Buri mukinnyi wese aba ashaka gukina nk'uwabigize umwuga.Ndizera ko birabera urugero abakiri bato bakina hano mu Rwanda bagakora cyane.

Mu cyumweru gishize nibwo uyu rutahizamu mpuzamahanga w'umunyarwanda yasinye amasezerano y'imyaka ine muri iyi kipe yo muri Sweden aho yaguzwe ibihumbi 100 by'amayero.

Byiringiro w'imyaka 22,n'umwe mu bakinnyi batangaga icyizere muri APR FC ndetse yayifashije kwegukana ibikombe 4 bya shampiyona birimo 3 biheruka.

Yari mu ikipe yamaze imikino 50 idatsindwa kuva muri Nyakanga 2019 kugeza muri Gashyantare 2021.

Uyu yashimye APR FC kuba yaramureze ndetse ngo izamuhora ku mutima aho azajya hose.

Byiringiro agiye gukinana na Yannick Mukunzi muri Sweden,kandi ngo yiteguye gukora cyane kuko abizi neza ko kwemeza umutoza mushya biba bigoye.

Uyu yahamagawe bwa mbere mu ikipe y'igihugu afite imyaka 20 ndetse kuwa 25 Mutarama 2021 akina umukino we wa mbere muri CHAN 2020 ubwo yasimburaga Bertrand Iradukunda mu mukino u Rwanda rwatsinze ibitego 3—2 ikipe ya Togo.

Source : https://umuryango.rw/imyidagaduro/imikino/article/byiringiro-lague-yavuze-akamuri-ku-mutima-nyuma-yo-kwerekeza-i-burayi

Source : https://umuryango.rw/amakuru/urukundo/article/amagambo-meza-10-wabwira-umukunzi-wawe-mbere-yuko-aryama

Kuri uyu munsi Abanyarwanda bizihiza umunsi w'intwari ku nshuro ya 29,Perezida Kagame yavuze ko Umunsi w'Intwari “utwibutsa ubushobozi bwacu bwo guhagarara ku kuri, kurinda igihugu cyacu, no kubaka umurage w'iterambere ku badukomokaho n'ababakomokaho.”

Ibi yabivuze mu butumwa yanyujije ku rukuta rwe rwa Twitter,nyuma yo kunamira no gushyira indabo ku mva zishyinguwemo Intwari z'Igihugu.

Yagize ati “Uyu munsi, turizihiza ubutwari no gukunda igihugu by'Abanyarwanda badusigiye umusingi wo kubakiraho u Rwanda rufite abaturage biyemeje kwigenera ejo hazaza hababereye.

Mu gihe duhanganye n'ibibazo bifite aho bihuriye n'akarere duherereyemo ndetse n'isi muri rusange,uyu munsi uratwibutsa ubushobozi bwacu bwo guhagarara ku kuri, kurinda igihugu cyacu, no kubaka umurage w'iterambere ku badukomokaho n'ababakomokaho. Umunsi Mwiza w'Intwari!.”

Indabo zashyizwe ku Gicumbi cy'Intwari zo mu cyiciro cy'Imanzi ari zo Umusirikare utazwi izina, uyu ahagarariye abasirikare bose baguye ku rugamba barwanira ineza y'u Rwanda ndetse n'abazarugwaho.

Muri iki cyiciro kandi harimo intwari Maj Gen Fred Gisa Rwigema wayoboye urugamba rwo kubohora igihugu mu minsi ya mbere.

Indabo kandi zashyizwe ku gicumbi cy'intwari ziri mu cyiciro cy'Imena kirimo Umwami Mutara III Rudahigwa, Rwagasana Michel, Uwilingiyimana Agathe, Niyitegeka Felicité n'Abanyeshuri b'i Nyange banze kwitandukanya ubwo baterwaga n'abacengezi mu 1997.

Umunsi w'Intwari wizihizwa buri mwaka tariki ya 1 Gashyantare kuva mu 1999 kuko mbere yaho mu 1994 kugeza mu 1998 wizihizwaga tariki ya 1 Ukwakira ugahuzwa n'umunsi wo gukunda igihugu.

Kugeza ubu Intwari z'u Rwanda ziri mu byiciro bitatu birimo Ingenzi, Imena n'Imanzi.

Source : https://umuryango.rw/amakuru/mu-rwanda/politiki/article/perezida-kagame-yahishuye-icyo-umunsi-w-intwari-wibutsa-abanyarwanda

Bad Rama yabigarutseho mu kiganiro kirekire yagiranye na Igihe, aho yakomoje ku rupfu rw'umubyeyi we.

Bad Rama yakomoje ku gahinda ahamya ko yatewe n'imfu zikurikiranye z'inshuti ze noneho bihumira ku mirari ubwo yapfushaga Se.

Ati 'Agahinda gakabije mfite, ak'umubyeyi ko karabishwanyaguje numva Isi inyikubiseho birarenze. Mfite agahinda rwose mba numva mu mutwe wanjye nkeneye abaganga.'

Yakomeje avuga ko agahinda gakabije katangiye kuzamuka biturutse ku rupfu rwa Jay Polly bakoranye muri The Mane Music. Yari umufana ukomeye w'uyu muraperi mbere y'uko amusinyisha ngo bakorane.

Umuhanzi Jay Polly yitabye Imana azize uburwayi ku wa 2 Nzeri 2021 aguye mu Bitaro bya Muhima.

Urundi rupfu rwashegeshe Bad Rama ni urwa Nsanzamahoro Denis wamamaye nka Rwasa muri filime witabye Imana ku wa 5 Nzeri 2019.

Nsanzamahoro yitabye Imana nyuma y'igihe yari amaze arwariye mu Bitaro Bikuru bya Kaminuza bya Kigali, CHUK.

Aba bose bahoze ari inshuti za Bad Rama, ashengurwa no kuba ataragize amahirwe yo kubashyingura ngo abaherekeze mu cyubahiro cyabo.

Kutabasha gushyingura inshuti ze bitewe n'icyorezo cya Covid-19 cyari cyajujubije uyu mugabo kimwe n'abandi benshi mu batuye Isi, biri mu byatumye yumva Isi imwikaragiyeho kurushaho.

Bad Rama wari muri Leta Zunze Ubumwe za Amerika yitegura gutaha ngo arwaze Se umubyara wari umaze igihe arembye, ahamya ko yongeye gukomeretswa n'urupfu rwa Yvan Buravan.

Igikomere cya rurangiza kuri Bad Rama cyaje kuba urupfu rw'umubyeyi we witabye Imana ku wa 12 Ukuboza 2022 mu gihe uyu musore yari amaze iminsi mike mu Rwanda azi ko agiye kumurwaza.

Ati 'Maze kubona ibyangombwa nahise nza mu Rwanda nje kurwaza papa wanjye, no mu byo nakoraga byose navugaga ko nimara kuba umunyamerika nzatwara data nkamuvuza neza, njye ntabwo naje nzi ko ngiye gushyingura ahubwo numvaga ko ngiye gutanga ubufasha ku buryo yavuzwa.'

Bad Rama yashimiye nyina wamubereye imfura akajya amuhisha ko Se arembye, kuko uburemere bw'uburwayi bwe yabumenye ageze i Kigali.

Avuga ko yagize amahirwe yo kuganira na Se umubyara ndetse yanagize amahirwe yo kumusezera kuko yaguye mu modoka ye.

Ati 'Mpageze nabonanye na muzehe, icyumweru cyose tuganira, ndetse anapfa yapfiriye mu modoka yanjye mujyanye kwa muganga.'

Bad Rama yishimira ko nibura yagize umwanya wo gusezera kuri Se umubyara, ati 'Nizeye ko n'amagambo ya nyuma twavuganye yayumvise kuko twageze kwa muganga yamaze gupfa.'

Ikindi Bad Rama yishimira ni uko umubyeyi we yongeye kumubona bigasubiza icyifuzo uyu musaza yari amaranye igihe, ati 'Inshuro nyinshi muzehe yakundaga kuvuga ko gupfa azapfa ariko adashobora gutaha atabonye umwana we.'

Bad Rama ahamya ko umwanya yamaranye na Se wamubereye umwanya mwiza wo kumushimira ibintu bitandukanye yamufashije mu buzima, bityo ahamya ko nubwo urupfu rwabatandukanyije ariko uyu mubyeyi yitabye Imana yishimye.

Src:Igihe

Source : https://umuryango.rw/imyidagaduro/article/bad-rama-yahishiye-ko-afite-indwara-y-agahinda-gakabije-yatewe-no-kubura-abo

U Rwanda rwavuze ko ibyo Perezida Tshisekedi akomeje gukora byo kurugira urwutwazo mu bibazo by'igihugu cye biteye isoni ndetse agamije kuyobya abantu.

Kuri uyu wa Kabiri tariki ya 31 nibwo Perezida Tshisekedi yakiriye Umushumba wa Kiliziya Gatolika ku isi,Papa Francis,amubwira ko u Rwanda ari umwanzi w'amahoro mu gihugu cye ndetse arirwo rwihise inyuma y'umutekano muke waranzwe muri RDC.

Ati “RD Congo mu myaka irenga mirongo itatu yaranzwe n'ihohoterwa ndetse no guhungabana kw'amahoro n'umutekano, bigizwemo uruhare n'imitwe yitwaje intwaro, ibihugu by'amahanga bishaka kwiba umutungo w'igihugu, kandi ibyo bigaterwa inkunga n'uRwanda, ibyo bikaba ari bimwe dukomeje guhangana nabyo.'

Umuvugizi wa Guverinoma y'u Rwanda, Yolande Makolo, yabwiye Reuters ati 'Ni ibintu bisanzwe kandi biteye isoni Perezida Tshisekedi yiyemeje byo kugira u Rwanda urwitwazo ku mpamvu z'amatora, zo kuyobya abantu kugira ngo ntibite ku musaruro mubi wa Guverinoma ye, no kunanirwa kugeza ku baturage ibyo yabemereye.'

Perezida Kagame aherutse gutangaza ko ibibazo bya Repubulika Iharanira Demokarasi ya Congo, bizakemuka mu gihe iki gihugu ubwacyo kibishyizemo ubushake.

Mu kiganiro yagiranye na Jeune Afrique, yagize ati ' Mu gihe cyose amahanga na guverinoma zagiye zisimburana muri Congo bagumye muri iyi ntero, ntabwo igisubizo kirambye cy'ibibazo by'Uburasirazuba bwa Congo kizigera kiboneka.

Ni ibintu bigaragara mu maso yanjye ko inshingano za mbere kuri iki kibazo, ziri mu biganza by'abayobozi ba Congo, ku rundi ruhande, no ku bihugu byo mu Burengerazuba bw'Isi byagize n'ubundi uruhare mu ntangiriro z'ibibazo.'

Perezida Paul Kagame yavuze kandi ko igisubizo cy'ibibazo bya RDC cyoroshye kuko kiri mu maboko y'abategetsi b'iki gihugu.

Source : https://umuryango.rw/amakuru/mu-rwanda/politiki/article/u-rwanda-rwasubije-perezida-tshisekedi-warwise-umwanzi-w-amahoro-mu-maso-ya

How to start a small business in Ontario, Canada in […]

The post How to start a small business in Ontario in 2023 appeared first on UGWIRE.

Source : https://ugwire.com/start-small-business-ontario/