Author: webrwanda

Uwafashwe yafatiwe mu mudugudu wa Nyabitare, akagari ka Ruyenzi mu murenge wa Runda, ku wa Kabiri tariki ya 31 Mutarama, afite udupfunyika tw'urumogi 200 yari avuye kurangura kwa Nizeyimana Rukabu Patient w'imyaka 45 wahise utoroka naho hafatiwe udupfunyika 2,200.

Umuvugizi wa Polisi mu Ntara y'Amajyepfo, Chief Inspector of Police (CIP) Emmanuel Habiyaremye, yavuze ko uwo mugore yafashwe ku isaha ya saa Kumi n'imwe z'umugoroba, biturutse ku makuru yatanzwe n'umuturage.

Yagize ati 'Abapolisi bo mu ishami rishinzwe kurwanya ibiyobyabwenge bahawe amakuru n'umuturage wo mu mu mudugudu wa Nyabitare ko [uwafashwe] azwiho gucuruza urumogi kandi bikekwa ko avuye kururangura.

Hahise hategurwa igikorwa cyo kumufata, bamusangana udupfunyika 200, bageze no kwa Nizeyimana ari naho yari aruvanye, na we utuye muri uwo mudugudu wahise atoroka akibabona, bahasanga utundi dupfunyika 2,200 n'amafaranga y'u Rwanda ibihumbi 136 y'urwo yari amaze kugurisha.'

CIP Habiyaremye yashimiye uwatanze amakuru yatumye ibi biyobyabwenge bifatwa bitarakwirakwizwa mu baturage, anashimira muri rusange ubufatanye abaturage bakomeje kugaragaza mu kwicungira umutekano, batangira amakuru ku gihe ku cyawuhungabanya cyose.

Uwafashwe n'ibiyobyabwenge byafashwe yashyikirijwe Urwego rushinzwe ubugenzacyaha (RIB) kugira ngo hakomeze iperereza mu gihe hagishakishwa uwatorotse ngo na we ashyikirizwe ubutabera.

Iteka rya minisitiri nº 001/moh/2019 ryo ku wa 04/03/2019 rigena urutonde rw'ibiyobyabwenge n'ibyiciro byabyo rishyira ikiyobyabwenge cy'urumogi mu biyobyabwenge bihambaye.

Itegeko nº68/2018 ryo ku wa 30/08/2018 riteganya ibyaha n'ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw'imiti ikoreshwa nka byo mu buryo bunyuranije n'amategeko, aba akoze icyaha.

Iyo abihamijwe n'urukiko ahanishwa igifungo cya burundu n'ihazabu y'amafaranga y'u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Src:Igihe

Source : https://umuryango.rw/amakuru/article/kamonyi-babiri-bafatanywe-udupfunyika-2-400-tw-urumogi

Somalia, Kenya, Ethiopia, na Djibouti byiyemeje ubufatanye mu kurwanya Al Shabaab Kuri uyu wa Gatatu, itriki 01 Gashyantare 2023, Perezida wa Somalia, Hassan Sheikh Mohamud, yakiriye Perezida wa Kenya, William Ruto, Minisitiri w'Intebe wa Ethiopia, Abiy Ahmed, na Perezida wa Djibouti, Ismail Omar Guelleh, mu biganiro mu murwa mukuru Mogadishu.

Abayobozi ” bemeye guhuriza hamwe no gutegura ibikorwa bikomeye ku rwego rw'ibihugu, byo gushakisha no gusenya ku mpande nyinshi ibirindiro bikomeye bya al-Shabaab mu majyepfo no muri Somaliya rwagati “.

Itangazo ryashyizwe ahagaragara rigira riti: 'Ubukangurambaga buzakumira gucengera gushya mu karere.'

Bashimangiye kandi ko 'akamaro ko gushyiraho uburyo bw'umutekano ku mipaka buhuriweho ari ugukuraho ibikorwa by'iterabwoba byambukiranya imipaka no guharanira urujya n'uruza rw'abantu n'ibicuruzwa.'

Abayobozi bashimye ibitero Somalia ikomeje kugaba kuri al-Shabaab, bikaba byaragaragaye ko igisirikare cya leta cyongeye kwigarurira uduce twinshi kandi kikagira intsinzi nyinshi mu mezi ashize.

Iri tangazo rivuga ko bemeye guhuriza hamwe imbaraga mu kurwanya al shabaab mu duce tukigenzurwa n'uyu mutwe w'iterabwoba.

Source : https://umuryango.rw/amakuru/article/somalia-kenya-ethiopia-na-djibouti-biyemeje-guhuza-imbaraga-mu-kurwanya-al

Tariki ya 31 Mutarama 2023 ni bwo uru rukiko rwakatiye ibi bihano Florance utuye mu mugi wa Boston. Mu mwaka wa 2021, ni bwo Florence w'imyaka 38 hamwe n'abandi batanu bashinjwaga uruhare rwabo mu buriganya bwo kuri interineti. Bivugwa ko bariganyije arenga miliyoni enye z'amadolari. Yemeye ibyaha byose aregwa.

Ubushinzacyaha bwavuze ko iri tsinda ryakoresheje pasiporo mpimbano hamwe n'andi mazina menshi kugira rifungure konti muri banki zo muri Boston, ribone uko rinyereza amafaranga yavuye mu buriganya bw'urukundo.

Mu gihe cy'iburanisha, ubushinjacyaha bwavuze ko Florance yakurikizaga amabwiriza yahabwa n'umukunzi we Mark Arome Okuo ukomoka muri Nigeria.

Uyu musore Mark yahuriye n'abakobwa ku rubuga bashakiraho abakunzi, yigira nk'umusirikare w'ingabo z'Amerika ukorera mu burasirazuba bwo hagati.
Uko umubano wagendaga utera imbere, Mark yavugaga ko akeneye amafaranga kugira ngo ashobore kuva mu gisirikare asubire muri Amerika, bashyingiranwe.

Iyo wemeraga kuyohereza, yaguhaga konte yafungujwe na Florance nk'uko umwe mu batanze ubuhamya yabitangaje ati: “Namuhaye miliyoni 137 kuri konti ya banki igenzurwa na we, hamwe na Florance, kandi nabikoze ntekereza ko yazamufasha igihe yazaba avuye mu kazi.”

Mark yagendaga abikora abantu batandukanye, ababwira ko abakunda hanyuma akabaka amafaranga barangiza kuyamuha bikaba birangiye.
Ku rundi ruhande kandi Florance na we abicishije mu rukundo, yashutse umuturage wo muri California bari bahuriye ku mbuga nkoranyambaga, amumbwira ko ari umukozi w'ishami ry'Umuryango w'Abibumbye rishinzwe impunzi.

Yamubwiye ko akeneye amafaranga yo gusubira muri Amerika kugira ngo atangire ubuzima bushya mu gihugu cye, uwo muturage ahita ayamuha.
Florence Mwende Musau yarangije muri Kaminuza ya Technical University of Kenya (TUK) iwabo muri Kenya. Yagiye muri Amerika mu mwaka w'2018 afite visa y'ubukerarugendo.

Source : https://umuryango.rw/amakuru/article/yakatiwe-igifungo-cy-imyaka-7-n-amande-y-ibihumbi-957-by-amadorari-kubera

Ku wa gatatu tariki 1 Gashyantare 2023, nibwo uyu muhanzikazi wo muri Leta zunze Ubumwe za Amerika yatangaje urugendo rwe rwo kuzenguruka umugabane w'u Burayi mu mpeshyi z'uyu mwaka.

Mu itangazo yasangije abamukirikira ku mbuga nkoranyamabaga, Beyoncé yagaragaje ko ari ibitaramo bizamara amezi atanu, kuva muri Gicurasi kugeza muri Nzeri 2023.

Ni bitaramo azakorera mu mijyi itandukanye irimo Paris, Bruxelles, Londres n'iyindi, aririmba indirimbo 16 ziri kuri album ye yise 'Renaissance', harimo 'Break My soul', 'Cuff it', 'Virgo's Groove' n'izindi.

Ni album ya karindwi y'uyu muhanzikazi yashyize hanze muri 2022, iri guhatanira ibihembo bigera ku icyenda muri 'Grammy awards' ya 2023, birimo album nziza y'umwaka, indirimbo nziza y'umwaka n'ibindi.

Beyoncé w'imyaka 41 wahawe izina rya 'Queen Bey' nk'umwamikazi w'umuziki, yari amaze imyaka ine atagaragara ku rubyiniro, mbere y'uko agaragara mu gitaramo yakoreye i Dubai cy'iminota 75 mu ntangiriro z'uyu mwaka, cyamuhesheje miliyoni 25$ zirenga.

Beyoncé Giselle Knowles Carter yavukiye muri Leta ya Texas muri Leta zunze Ubumwe za Amerika, akaba umugore w'umuraperi w'icyamamare Jay-z, babyaranye abana batatu mu myaka irenga 10 bamaranye.

Source : https://umuryango.rw/imyidagaduro/article/beyonce-yateguje-ibitaramo-byo-kumurika-album-ye-yise-renaissance

Imyaka ibaye itatu umukinnyi wa filime w'icyamamare Angelina Jolie atandukanye na Brad Pitt, nawe ufite izina rikomeye mu ruhando rwa sinema. Kuri ubu uyu mugore w'imyaka 47 ari kuvugwa mu rukundo n'umukinnyi wa filime witwa Paul Mescal,
ufite imyaka 26 y'amavuko.

Amakuru y'urukundo rwa Angelina Jolie na Paul Mescal akomeje kuvugwa mu bitangazamakuru by'imyidagaduro muri Leta Zunze Ubumwe za Amerika, avuga ko aba bombi batangiye gukundana mu Ugushyingo k'umwaka ushize ubwo Paul Mescal
yari amaze gutandukana n'umuhanzikazi Phoebe Bridgers, bari bamaranye imyaka 2 bakundana.

PageSix yatangaje ko Angelina Jolie yagiye gushyigikira Paul Mescal i London mu Bwongereza, ubwo herekanwaga filime nshya ya Paul Mescal yitwa 'A Streetcar Named Desire'. Iyi filime yerekaniwe ahitwa Almeida Theatre Hall, niho Angelina Jolie yahuriye n'uyu musore bari kuvugwa mu rukundo.

N'ubwo ariko Angelina Jolie akomeje kuvugwa mu rukundo na Paul Mescal wamamaye muri filime y'uruhererekane yitwa 'Normal People' ntabwo aremeza aya makuru ku mugaragaro cyangwa ngo Paul ubwe abyitangarize. Ibi bikomeje kuvugwa cyane ku mbuga nkoranyambaga, nyuma y'aho aba bombi bahuriye i London.

Source : https://umuryango.rw/imyidagaduro/article/angelina-jolie-mu-rukundo-n-umusore-arusha-imyaka-21

Turamenyesha ko uwitwa MUHIMA Giovanni mwene Mpambara Emile na Nyirabukeye Elizabeth, utuye mu Mudugudu wa Mutara, Akagari ka Kimihurura, Umurenge wa Kimihurura, Akarere ka Gasabo, mu Mujyi wa Kigali wanditse asaba uburenganzira bwo guhinduza amazina asanganywe ariyo MUHIMA Giovanni, akitwa MUHIMA Giovanni mu gitabo cy'irangamimerere. Impamvu atanga yo guhinduza izina ni Gusaba kwemererwa amazina by'ubahirije amategeko.

The post INGINGO Z'INGENZI Z'IMPAMVU YO GUSABA GUHINDUZA AMAZINA appeared first on RUSHYASHYA.

Source : https://rushyashya.net/ingingo-zingenzi-zimpamvu-yo-gusaba-guhinduza-amazina-21/?utm_source=rss&utm_medium=rss&utm_campaign=ingingo-zingenzi-zimpamvu-yo-gusaba-guhinduza-amazina-21

Uwitwa Dushimimana Joyeuse, mwene Nizeyimana na Muhawenimana, utuye mu Mudugudu wa Gitega, Akagari Bweramvura, Umurenge wa Jabana, Akarere ka Gasabo, mu Mujyi wa Kigali yanditse asaba uburenganzira bwo guhinduza amazina asanganywe ariyo Dushimimana Joyeuse, akitwa Dushimirimana Joyeuse mu gitabo cy'irangamimerere.

intyoza

Source : https://www.intyoza.com/2023/02/02/itangazo-ryo-guhinduza-amazina-ya-dushimimana-joyeuse/

Kiyovu Sports yakinnye ku mubyimba Rayon Sports iyibwira ko ibimaze iminsi bibera kuri Stade Regional i Nyamirambo iyihatsindira bigiye kwimukira kuri Stade ya Muhanga.

Ni mu mukino w’umunsi wa 18 wa shampiyona 2022-23 uzaba ku Cyumweru tariki ya 5 Gashyantara 2023 aho Rayon Sports ari yo izaba yakiriye uyu mukino.

Ni umukino uteganyijwe ku isaha ya saa 15hoo’. Mu butumwa busa no gushotora Rayon Sports, Kiyovu Sports yavuze ko akarere ka Muhanga ku Cyumweru kazarara kaka ibara ry’icyatsi, ibara iyi kipe yambara.

Yagize iti 'Ibimaze iminsi bibera i Nyamirambo bigiye kwimukira i Muhanga. Kuri iki cyumweru Akarere ka Muhanga kararara ari icyatsi.'

Aya ni amagambo banditse hejuru y’ifoto y’abakinnyi ba Kiyovu Sports, bakoze neza babambika imyenda y’indwanyi bameze nk’abasirikare bari ku rugamba.

Bifashishije amasura y’abakinnyi barimo Bigirimana Abedi, Coutinho, Riyaad Norodien, Mugenzi Bienvenue n’abandi.

Si imyambaro ya gisirakare bambitswe gusa kuko bahawe n’imbunda, hari abafite into ndetse n’abafite iza rutura. Ni ibintu biba byakozwe mu rwego rwo gushyushya uyu mukino kugira ngo abantu bumve ko uri ku rundi rwego ndetse bazawitabire ari benshi.

Ni Kiyovu Sports igiye gukina idafite abakinnyi ba yo babiri basanzwe bamenyerewe mu mutima w’ubwugarizi, Nsabimana Aimable ufite amakarita 3 y’imihondo na Ndayishimiye Thierry ufite imvune yagiriye ku mukino wa Gasogi United bikaba bivugwa ko atazakina uyu mukino, ni mu gihe n’umunyezamu Nzeyurwanda Djihad umaze iminsi akina bivugwa ko adahari kuri uyu mukino.

Mu mikino 6 ya shampiyona iheruka guhuza aya makipe yombi, banganyije umukino umwe indi mikino yose Kiyovu Sports irayitsinda.

Ibimaze iminsi bibera i Nyamirambo bigiye kwimukira i Muhanga.

Kuri iki cyumweru @Muhangadis irarara ari icyatsi.💚🤍🤍🤍💚 pic.twitter.com/hbfJM7i43W

— Kiyovu Sports (@SCKiyovuSports) February 2, 2023

Kiyovu Sports ni uku yahisemo gushyushya umukino

Source : http://isimbi.rw/siporo/article/kiyovu-sports-ibura-inkinga-za-mwamba-yifashishije-imbunda-za-rutura-ishotora-rayon-sports

Shampiyona y'u Rwanda y'ikiciro cya mbere irakomeza mu mpera z'iki cyumweru uhereye kuri uyu wa gatanu, mu mikino itegerejwe cyane AS Kigali irakira Police FC naho Rayon Sports izasure Kiyovu SC.

Ni imikino y'umunsi wa 18 igiye kubera ku bibuga bitandukanye hirya ni hino mu gihugu, guhatana kw'amakipe atandukanye byatangiye kuri uyu wa Kane.

Binyuze kuri Twitter ya Kiyovu SC, iyi kipe yahize gusubira Gikundiro idaheruka gutsinda Kiyovu SC uko bisa.

Mu butumwa bwanditswe, ubuyobozi bwa Kiyovu SC bwagize buti 'Ibimaze iminsi bibera i Nyamirambo bigiye kwimukira i Muhanga.

Kuri iki cyumweru mu Karere ka Muhanga irarara ari icyatsi.'

Uku guhiga kwa Kiyovu SC kuraturuka ku kuba ikipe ya Rayon Sports iheruka gutsinda umukino w'aya makipe ubwo hari tariki ya 1 Ukuboza 2019, ibi bivuze ko hashize imikino 5 Gikundiro itaratsinda umukino n'umwe.

Muri iyo mikino itanu iheruka gukinwa hagati y'aya makipe yombi, Kiyovu SC yatsinze imikino ine banganya umukino umwe gusa.

Uko imikino y'umunsi 18 izakinwa mu mpera z'iki cyumweru:

Ku wa gatanu, tariki ya 3 Gashyantare 2023:

Gorilla FC vs Gasogi United

Ku wa gatandatu, tariki ya 4 Gashyantare 2023:

Rutsiro FC vs Mukura VS

Sunrise FC vs APR FC

AS Kigali vs Police FC

Espoir FC vs Bugesera FC

Ku cyumweru , tariki ya 5 Gashyantare 2023:

Rayon Sports vs Kiyovu SC

Marines FC vs Rwamagana FC

Musanze FC vs Etincelles FC

The post Ibimaze iminsi bibera i Nyamirambo bigiye kwimukira i Muhanga, Kiyovu SC yahize gusubira Rayon Sports appeared first on RUSHYASHYA.

Source : https://rushyashya.net/ibimaze-iminsi-bibera-i-nyamirambo-bigiye-kwimukira-i-muhanga-kiyovu-sc-yahize-gusubira-rayon-sports/?utm_source=rss&utm_medium=rss&utm_campaign=ibimaze-iminsi-bibera-i-nyamirambo-bigiye-kwimukira-i-muhanga-kiyovu-sc-yahize-gusubira-rayon-sports

Aba bagabo batanu bakurikiranyweho icyaha cy'ubwinjiracyaha mu bwicanyi ndetse n'icyo gukubita no gukomeretsa bakoreye Bizimana Isaie n'umugore we.

Ibi byaha bakekwa kubikora mu ijoro ryo ku ya 19 Mutarama 2023, ubwo abo bagabo bakekwaho gusanga uyu mugabo n'umugore we mu rugo rwabo ruherereye mu Mudugudu wa Nyamirambo, Akagari ka Ngoma, Umurenge wa Cyanika, bakababatemagura.

Ubushinjacyaha buvuga ko aba bagabo batanu bagiye muri uru rugo bitwaje imihoro, bagerayo bakajya ku kiraro cy'inka bakayikanga igahita yabira, ubundi Bizimana Isaie nyiri uru rugo agahita asohoka, ahageze bakamutemagura bakamuca akaboko kakavaho ndetse banamutema mu rwasaya.

Umugore w'uyu Bizimana yasohotse agiye kureba ibibaye ku mugabo we, na we baramutemagura ubwo yageragezaga gusubira mu nzu, bakamutema mu bitugu, ari na bwo abaturanyi bahise batabara bagasanga Bizimana amerewe nabi ariko atarashiramo umwuka, ariko akaza kwitaba Imana.

Umugore wa nyakwigendera yavuze ko yamenye abantu babiri muri bariya bateye urugo rwabo bakabatemagura, ari na bwo inzego zahise zibata muri yombi.

ICYO ITEGEKO RITEGANYIRIZA ABA BANTU

Nk'uko biteganywa n'ingingo y'121 y'Itegeko riteganya ibyaha n'ibihano muri rusange, icyaha cyo gukubita no gukomeretsa umuntu bikamuviramo gupfa, kiramutse gihamye aba bantu bahanishwa igifungo kitari munsi y'imyaka cumi n'itanu (15) ariko kitarenze imyaka makumyabiri (20) n'ihazabu y'amafaranga y'u Rwanda atari munsi ya miliyoni eshanu (5.000.000Frw) ariko atarenze miliyoni zirindwi (7.000.000Frw).

Bakurikiranyweho kandi icyaha cy'ubwinjiracyaha bw'ubwicanyi, aho kiramutse kibahamye bahanishwa igifungo cy'imyaka makumyabiri n'itanu (25), nk'uko biteganywa n'ingingo ya 21 y'iri tegeko riteganya ibyaha n'ibihano muri rusange.

Source : https://umuryango.rw/ubuzima-115/article/nyamagabe-batanu-bakurikiranyweho-guhohotera-umugabo-n-umugore-umwe