Author: webrwanda

Kuri uyu wa kane,tariki ya 23 Werurwe 2023, itangazamakuru ryo mu mujyi wa Madrid ryongeye kubyutsa inkuru ivuga ko Erling Haaland ashobora kwerekeza muri Real Madrid muri 2024.

Uyu rutahizamu ukomoka muri Norway ukinira Manchester City ashobora noneho kwinjira muri La Liga bitewe n'ingingo yo kumurekura iri mu masezerano ye,kuyemeza bikaba bishobora gutuma aba umukinnyi uhenze cyane mu mateka ya ruhago asimbuye, Neymar Jr.

Florentino Perez arifuza Erling Haaland muri Real Madrid kandi ngo bimaze imyaka myinshi. Ariko nyuma yo kumubura muri 2020 no muri 2022,ngo ntashaka kumubura muri 2024.

Kuri uyu wa kane, ikinyamakuru AS cyashyize ku rupapuro rwa mbere gahunda yo kuza kwa Haaland muri Real Madrid.

Nk'uko amakuru aturuka mu bitangazamakuru byo muri Esipanye abitangaza, Real yashyize Erling Haaland ku mwanya wa mbere ku musimbura wa Benzema.

Nyubwo agiye kongererwa umwaka umwe,uyu Mufaransa w'imyaka 35 y'amavuko azasigira umwanya we Haaland.

Mu rwego rwo kwerekana impamvu Madrid itagize icyo ikora ku isoko muri 2023, ikinyamakuru AS cyasobanuye ko iteganya ko mu 2024 yiteguye kuzana uyu rutahizamu imukuye muri Manchester ku giciro gito,cyane ko hazakurikizwa ingingo imurekura iri mu masezerano ye.

Ikinyamakuru AS, kivuga ko nubwo iyo ngingo ihari ariko uyu rutahizamu umaze gutsinda ibitego byinshi mu marushanwa yose amaze gukina muri uyu mwaka w'imikino azagurwa akayabo kari hagati ya miliyoni 220 na 240 z'amayero.

Ibi bivuze ko Erling Haaland azahita aba umukinnyi uhenze kurusha abandi bose babayeho ku isi aho azahita aca ku bakinnyi ba PSG, Neymar (222M€) na Kylian Mbappé (180M€).

Source : https://umuryango.rw/imyidagaduro/imikino/article/real-madrid-igiye-kugura-umusimbura-wa-karim-benzema-ukomeye-cyane

Minisiteri y'Ubuzima (Minisante), yagaragaje ko mu bikomeje gukoma mu nkokora gahunda zo kugeza ubuvuzi ku bafite uburwayi bwo mu mutwe by'umwihariko ubukomeye, harimo kuba imiryango yabo ihitamo kubajyana mu bapfumu no mu Bapasiteri ngo babasengere aho kubajyana kwa muganga.

Ni ibyatangajwe kuri uyu wa 22 Werurwe 2023, ubwo abayobozi muri Minisante bari bitabye Komisiyo y'Ubumwe bw'Abanyarwanda, Uburenganzira bwa Muntu no Kurwanya Jenoside mu Nteko Ishinga Amategeko, Umutwe w'Abadepite.

Ni ibiganiro byagarutse ku isesengura rya Raporo y'ibikorwa bya Komisiyo y'Igihugu y'Uburenganzira bwa Muntu by'umwaka wa 2021/2022 n'Iteganyabikorwa ry'umwaka wa 2022/2023.

Ikinyamakuru igihe dukesha iyi nkuru cyanditse ko Minisante yagaragaje ko hakiri impungenge z'Abanyarwanda, bahitamo kujyana aba bantu mu bapfumu n'Abapasiteri ngo babasengere, aho kubajyana kwa muganga.

Umukozi wa RBC ushinzwe ubuvuzi bw'indwara zo mu mutwe, Dr Jean Damascène Iyamuremye, yavuze ko hakenewe ubufatanye bw'inzego ndetse n'Abanyarwanda bose muri rusange bagaha agaciro ubuzima bwo mu mutwe.

Ati 'Abantu bose bagomba kumva ko nta buzima umuntu ashobora kugira adafite ubuzima bwo mu mutwe. Igice kinini cy'Abanyarwanda bamaze kubyumva, yaba ari na serivisi zishinzwe gufasha abafite ibibazo by'ubuzima muri rusange ko umuntu agomba gufashwa ku mubiri no mu mutwe.'

Ishami ry'Umuryango w'Abibumbye ryita ku Buzima, OMS, rigaragaza ko abantu bafite ubu burwayi bwo mu mutwe bukomeye ku Isi yose ari 1,5%.

Dr Iyamuremye agaragaza ko hari ibintu bikwiye guhinduka mu muryango Nyarwanda birimo guheza abafite uburwayi bwo mu mutwe ndetse n'Abanyarwanda bakijyana aba barwayi mu bapfumu.

Ati 'Abanyarwanda tubanenga guheza no guha akato umuntu wese ugaragayeho ikibazo cy'uburwayi bwo mu mutwe.Tubanenga ko abantu aho kugira ngo niba afite uburwayi bwo mu mutwe, agane urwego rw'ubuvuzi ruzwi kandi ruzwi aho rukorera, ahubwo bakajya kubariza abandi mu bapfumu noneho hakaba n'abagerageza gusengera abantu.'

Dr Iyamuremye avuga ko ibi byo gutinza abantu bababeshya ko bazavurwa binyuze muri izo nzira, biteye impungenge kandi bikoma mu nkokora gahunda zo kugeza ubuvuzi ku bafite uburwayi bwo mu mutwe.

Ati 'Indwara zo mu mutwe ni indwara zivurwa zigakira, abantu nibatuzanire abo babufite hakiri kare, ibyo byo gukereza abantu ni byo bituma abantu bavuga ngo uburwayi bwo mu mutwe ntibukira kubera ko abenshi babanza kunyura muri izo nzira, bakaza batabonye ibisubizo.'

Yakomeje agira ati 'Icyo gihe bigorana kubavura noneho ugasanga bavuga ngo uburwayi bwo mu mutwe ntabwo bukira. Indwara yose iyo bayibonye hakiri kare, ikavurwa, ivurwa kuri make kandi igakira.'

Perezida wa Komisiyo y'Ubumwe bw'Abanyarwanda, Uburenganzira bwa Muntu no kurwanya Jenoside, Nyirahirwa Veneranda nawe avuga ko iki ari ikibazo ndetse inzego zikwiye guhaguruka zigakaza ubukangurambaga kugira ngo kirandurwe burundu.

Ati 'Abaturage duhagarariye icyo twakora ni ukubigisha, kubakangurira ko igihe cyose ugize ikibazo cy'ubuzima wakwihutira kujya mu rwego rushinzwe iby'ubuvuzi aho kujya mu byumba by'amasengesho, aho kujya mu bavuzi ba gakondo kuko ntabwo baba bapimye ngo barebe ikibazo ufite.'

Yunzemo agira ati 'Iyo uri kwa muganga baragupima bakareba uko uburwayi buhagaze n'icyo bagukorera kugira ngo bagufashe, ni gahunda rero ikomeza yo gukangurira abaturage kwegera inzego z'ubuvuzi, aho kwitabaza abandi bantu batabafasha uko bikwiye.'

Indwara zo mu mutwe ziri ubwoko bwinshi , aho abahanga basobanura ko umuntu aba afite uburwayi bwo mu mutwe mu gihe hari impinduka zabaye mu mitekerereze, imikorere ndetse n'imyitwarire. Muri muri rusange usanga umuntu yatangiye kwitwara bitandukanye n'uko sosiyete ibigena.

Ubundi burwayi bwo mu mutwe ni ubw'agahinda gakabije nko kwanga kurya ndetse hakabaho n'uburwayi bwo mu mutwe bw'amarangamutima ashobora kujya hejuru cyane cyangwa hasi umuntu akagira ibyishimo bidasanzwe, gusengerera uwo abonye wese.

Hari kandi uburwayi bwo mu mutwe bweruye harimo nko kwiruka, kutikorera isuku , guterana amabuye. Abanyarwanda bafite ubwo burwayi bwo mu mutwe bukomeye ni 1,6%.

The post Abapfumu n'Abapasiteri bakomeje gukoma mu nkokora ubuvuzi bwo mu mutwe-Minisante appeared first on FLASH RADIO&TV.

Source : https://flash.rw/2023/03/23/abapfumu-nabapasiteri-bakomeje-gukoma-mu-nkokora-ubuvuzi-bwo-mu-mutwe-minisante/?utm_source=rss&utm_medium=rss&utm_campaign=abapfumu-nabapasiteri-bakomeje-gukoma-mu-nkokora-ubuvuzi-bwo-mu-mutwe-minisante

Mu gihe CAF yategetse u Rwanda ko rugomba kuzakirira Benin muri Benin mu mukino w’umunsi wa 4 w’itsinda L mu gushaka itike y’igikombe cy’Afurika cya 2023, u Rwanda ntirubikozwa ruri mu nzira rugaruka i Kigali.

Mu ijoro rya ku wa Gatatu tariki yua 21 Werurwe 2023 ni bwo CAF yandikiye FERWAFA iyimenyesha ko i Huye ahari Stade imwe u Rwada rufite yemewe na CAF nta mahoteli ari ku rwego rw’inyenyeri 4 nk’uko CAF ibiteganya, bityo ko n’umukino wo kwishyura uteganyijwe tariki ya 27 Werurwe 2023 na wo uzabera muri Benin kuri Stade e l’Amitié Mathieu Kérékou. Umukino ubanza amakipe yombi yaraye anganyije 1-1.

Ibi ntabwo u Rwanda rwabyakiriye neza kuko CAF yari yabahaye uburenganzira bwo gukinira kuri iki kibuga umukino umwe ubundi rukazasabwa kuba ruffite byibuze amahoteli 3 ari ku rwego rw’inyenyeri 4 nk’uko amabwiriza ya CAF abisaba.

Amakuru avuga Ishyirahamwe ry’umupira w’amaguru mu Rwanda ryahise ryandikira CAF riyimenyesha ko babatunguye kuko bari baremerewe kwakirira kuri iki kibuga umukino umwe none bakaba babahakaniye hasigaye icyumweru, ikindi ni uko batumva uburyo bategekwa kwakirirwa muri Benin.

FERWAFA yavuze ko kuva CAF yabaha uburenganzira bwo kuhakirira itigeze igaruka kureba ibyo basabwe aho bigeze ahubwo bagendeye ku birego bw’uwo bahanganye wabitanze mu nyungu ze.

Ikindi ni uko mu nyandiko zose bohererejwe na CAF nta hantu na hamwe yigeze babwirwa ko hoteli igomba kuba ari inyenyeri 4 uretse mu itangazo rirabamenyesha ko umukino uzabera muri Benin ariko ntaho biri mu mategeko.

Bavuga ko amakosa atari ayabo kuko CAF yari yarabemereye kugikiniraho bityo ko bakabaye barashatse ikindi kibuga, bakaba batumva impamvu yo gutegekwa kwakirira muri Benin bagasaba ko bidashobotse ko bakinira i Huye u Rwanda ari rwo rwashaka ahandi ruzakirira Benin.

Ikindi rwari rwasabye ko niba ikibazo ari hoteli zitari i Huye bityo ko i Kigali zuzuye harebwa nibwa uyu mukino utakinirwa kuri Kigali Pele Stadium iheruka kuvugururwa (bafashe amashusho n’amafoto babyohereza muri CAF).

Nyuma yo kubona ko ikibazo cy’amahoteli kibaye ingorabahizi i Huye, amakuru ISIMBI yamenye ubu i Huye hari hoteli imwe irimo kuvugururwa amasigamana kugira ngo irebe ko yakuzuza ibisabwa ikagera ku rwego rw’inyenyeri 4.

Ni hoteli ya Centre d’Acceuil Mater Boni Consilii yari isanzwe ifite inyenyeri 3 n’igice, yatangiye kuvugururwa ku munsi w’ejo aho barimo gukora amanywa n’ijoro ngo barebe ko byagera ku wa Gatanu ibyaburaga babishyizemo.

Iyi hoteli ni yo ubusanzwe ikipe y’igihugu iyo iri bukinire i Huye ibamo ariko bakaba baremeye kuyiha Benin bo bagashaka indi.

Amakuru kandi ni uko kugeza mu gitondo cyo kuri uyu wa Kane, CAF yari itarasubiza u Rwanda ariko bakaba bafashe umwanzuro wo kuva muri Benin bakagaruka i Kigali.

Biteganyijwe ko ikipe y’igihugu ihaguruka muri Benin kuri uyu wa Kane tariki 23 Werurwe 2023 saa 11h zo muri Benin bikaba saa 12h z’i Kigali mu Rwanda.

Hoteli Centre d’Acceuil Mater Boni Consilii irimo kuvugururwa amasigamana

Amavubi ari mu nzira agaruka i Kigali

Source : http://isimbi.rw/siporo/article/caf-yaryumyeho-amavubi-mu-nzira-agaruka-i-kigali-hoteli-ziravugururwa-amasigamana

Ndikumana Danny w’imyaka 22, ni umukinnyi ufite ubwenegihugu bubiri, harimo ubwenegihugu bw’u Burundi ndetse n’u Rwanda.

Kuri uyu wa Kabiri, nibwo hatangiye imikino ya EAPCCO ihuza polisi zo mu karere u Rwanda ruherereyemo. Mu mupira w’amaguru iyi mikino iri guhuza ikipe ihagarariye Polisi y’u Rwanda, ndetse n’ikipe ihagarariye Polisi y’u Burundi. 

Ndikumana Danny yagoye cyane ba myugariro ba Police FC 

Umukino wa mbere, warangiye polisi y’u Rwanda itsinze polisi y’u Burundi ibitego 3-1. Muri uyu mukino, umukinnyi wa Polisi y’u Burundi ihagarariwe na Rukinzo FC, Ndikumana Danny yagaragaje ubuhanga bukomeye ndetse abari ku kibuga bose bataha bemeye.

Nyuma y’uyu mukino, InyaRwanda yaganiriye n’uyu musore ayibwira ko ari umunyarwanda, ndetse hari ibiganiro arimo n’amakipe y’i Kigali. Yagize ati” nishimiye gukina iri rushanwa, kandi rinyeretse ko mu Rwanda hari shampiyona ikomeye. Amasezerano yanjye ari kugana ku musozo mu ikipe ya Rukinzo FC, ariko ikipe yose yanyegera twavugana yaba hano mu Rwanda kuko ni no mu rugo.”

Ndikumana Danny yavukiye mu gihugu cy’u Burundi, avuka ku babyeyi barimo Papa Kayiranga Daniel ukomoka mu Rwanda.

Tumubajije niba ikipe y’igihugu Amavubi imwifashishije yayikinira, Danny yavuze ko ntako byaba bisa” ntabwo numva ko ikipe y’igihugu yankenera ngo nange kuyitangira. Byaba ari umugisha gukinira ikipe y’igihugu Amavubi, kuko n’u Burundi ntabwo ndabukinira.”

Biravugwa ko nyuma yo kugora ikipe ya Police FC, ubuyobozi bw’iyi kipe bwaba bwaratangiye ibiganiro byo gusinyisha uyu musore usatira izamu aciye mu mpande, ndetse hakaba n’andi makuru ava mu Burundi avuga ko uyu mukinnyi ashobora kuzakinira ikipe ya APR FC umwaka utaha, ndetse bigeze ku kigero cya 80%. 

Ndikumana Danny aragaruka mu kibuga kiri uyu wa Gatanu Polisi y’u Rwanda ikina na Polisi y’u Burundi  

Amasezerano ye muri Rukinzo FC ageze ku musozo

Source : https://inyarwanda.com/inkuru/127347/ndikumana-danny-uri-gukinira-polisi-yu-burundi-afite-indoto-zo-gukinira-amavubi-127347.html

Byatangajwe kuri uyu wa Gatatu tariki 22 Werurwe 2023 mu kiganiro n'itangazamakuru cyabereye kuri Roca Golf Hotel, cyahuje abayobozi ba Sosiyete ya SS Enterprise, Minisiteri y'Ubucuruzi, Inganda, gutwara abantu n'Ubukerarugendo.

Mu kiganiro n'itangazamakuru, Umuyobozi wa 'SS Entreprise' itegura irushanwa rya Miss Burundi, Sultan Suleiman yavuze ko igikorwa cyo kwiyandikisha cyatangiriye kuri uyu wa 22 Werurwe 2023, aho biteganyijwe ko kizarangira tariki 25 Mata 2023.

Umuyobozi muri Minisiteri y'Ubucuruzi, Inganda, gutwara abantu n'Ubukerarugendo, Bwana Jacques Bigirimana yavuze ko iri rushanwa rya Nyampinga w'u Burundi, ari ahantu heza ho kugaragariza ubwiza n'ubuhanga 'bw'abakobwa b'abarundi'.

Uyu muyobozi yavuze kandi ko iri rushanwa ari amahirwe akomeye ku bakobwa bashaka kugaragaza icyo bashoboye, kubashyigikira no kubatera imbaraga zituma bagera ku nzozi zabo.

Ni ku nshuro ya gatatu hagiye gutorwa Nyampinga w'u Burundi. Uwiyandikisha asabwa kuba afite ubwenegihugu bw’iki gihugu, kuba ashobora kwisobanura cyangwa se kuvuga neza ururimi rw’Ikirundi n’Igifaransa, yarasoje amashuri yisumbuye kandi ari hagati y’imyaka 18 na 25.

Agomba kuba afite uburebure butari hasi ya 1.65cm, kandi atarengeje ibiro 65Kg; kuba nta mwana afite, kandi akaba atarigeze akatirwa n’inkiko.

Umukobwa uzambikwa ikamba azasimbura Kelly Ngaruko wabaye Miss Burundi 2022.

Uyu mukobwa wambitswe ikamba rya Miss Burundi 2022, aherutse kwandika kuri konti ye ya Instagram agaragaza uburyo aterwa ishema no kuba yaregukanye iri kamba.

Yashimye buri wese wagize icyo akora kugira ngo agere kuri iyi ntera, cyane cyane ubuyobozi bwa Miss Burundi ndetse n'Umufasha w'Umukuru w'Igihugu cy'u Burundi, Angeline Ndayishimiye n'umuryango w'abafasha b'abakuru b'ibihugu bya Afurika uharanira iterambere 'OPDAD'.

Mu gihe cy'umwaka umwe amaranye ikamba, yakoze ibikorwa by'urukundo bigamije gufasha abatishoboye n'ibindi yagiye ashyigikirwamo na Angeline Ndayishimiye, aho byinshi yabaga ari kumwe n'ibisonga bye.

Ubwo yatorwaga, yavuze ko mu byo azakora harimo guharanira kugera ku ntego yihaye no gushyira mu bikorwa umushinga we.

Ibihembo kuri Miss Burundi 2023:

-Azahabwa imodoka yo mu bwoko bwa 'Ractis'.

-480 Litre za Essance mu gihe cy'umwaka umwe.

-Ubwishingizi bw'ikinyabiziga mu gihe cy'umwaka.

-Kumukorera imodoka igihe igize ikibazo.

-Bazamwishyurira ishuri.

-Buri kwezi azajya ahabwa umushahara w’amafaranga 500.000fbu [Ku mwaka ararenga Miliyoni 2.6 Frw- Ni mu gihe Nyampinga w’u Rwanda ahabwa Miliyoni 9, 600,000Frw ku mwaka].

Ibihembo ku bisonga bye n'umukobwa uzakundwa mu irushanwa 'Miss Popularity':

Igisonga cya mbere azahembwa 2.500.000fbu, ahabwe n'amafaranga yo kwiga.

Igisonga cya kabiri, azahembwa 2.000.000fbu, ahabwe n'amafaranga yo kwiga.

Nyampinga ukunzwe 'Miss Popularity' azahembwa 1.500.000fbu, ahabwe n'amafaranga yo kwiga. 

Kelly Ngaruko wabaye Miss Burundi yashimye uburyo mu gihe cy'umwaka umwe ushize yashyigikiwe n'abarimo Angeline Ndayishimiye 

Umuyobozi muri Minisiteri y'Ubucuruzi, Inganda, gutwara abantu n'Ubukerarugendo, Bwana Jacques Bigirimana yavuze ko Miss Burundi ikwiye gufasha abakobwa kwitinyuka no gushyira mu ngiro imishinga yabo

 

Umuyobozi wa 'SS Entreprise' itegura irushanwa rya Miss Burundi, Sultan Suleiman yavuze ko kwiyandikisha muri iri rushanwa bizarangira tariki 25 Mata 2023

Kuri uyu wa Gatatu, nibwo habaye ikiganiro n'itangazamakuru gitangiza Miss Burundi 2023

Source : https://inyarwanda.com/inkuru/127350/miss-azahembwa-miliyoni-6fbu-ibyo-umukobwa-asabwa-mu-guhatanira-kuba-miss-burundi-2023-127350.html

Inama y'Abeposkopi gatolika ya Kenya, yasabye ko Perezida William Ruto na Raila Odinga bahanganye, kugirana ibiganiro bagahosha imvururu mu gihugu.

Aba banyedini basabye Perezida Ruto kuguma ku ijambo rye, kuko yavuze ko azajya yicarana n'abahanganye nawe muri politki, bakaganira bagashaka igisubizo,

Aba basenyeri basabye Raila Odinga utavuga rumwe n'ubutegetsi, gucisha make akajya mu biganiro na William Ruto, bagakemura amakimbirane bafitanye.

Ikinyamakuru The Citizen Digital, cyanditse ko aba basenyeri gatulika basabye Martha Karua na Kalonzo Musyoka, guhagarika imyigaragambyo ya buri cyumweru.

Ubu busabe bw'abasenyeri ba kiliziya gatulika buje nyuma y'ishyaka NRM ryo muri Uganda, risabye Raila Odinga gushaka inzira y'amahoro n'ibiganiro kuruta guhagarika ubuzima bw'abaturage.

Kuva kuwa mbere tariki 20 Werurwe 2023, Raila Odinga, yatangije imyigaragambyo yamagana ubutegetsi buriho muri Kenya, asaba ko perezida Ruto yegura kuko ubuzima bwahenze mu gihugu.

Uretse ibi kandi abambari ba Odinga bavuze ko kuwa mbere no kuwa Kane, bazajya baramukira mu myigaragambyo ubuzima bugahagarara.

Abashyigikiye Perezida Ruto basabye polisi ya Kenya guta muri yombo Odinga agahagarika uku kwigaragambya.

Perezida Ruto yavuze ko agiye gukora uko ashoboye kose kuwa mbere no kuwa Kane, hakaba umunsi w'ubucuruzi ushyushye aho kuba uwo kumwamagana.

Inama y'abasenyeri isanga kwicara mu biganiro ariyo nzira yonyine, yakemura ikibazo kiri mu gihugu ariko Odinga ntabikozwa.

The post Perezida Ruto na Odinga basabwe kugirana ibiganiro bakazana ituze mu gihugu appeared first on FLASH RADIO&TV.

Source : https://flash.rw/2023/03/23/perezida-ruto-na-odinga-basabwe-kugirana-ibiganiro-bakazana-ituze-mu-gihugu/?utm_source=rss&utm_medium=rss&utm_campaign=perezida-ruto-na-odinga-basabwe-kugirana-ibiganiro-bakazana-ituze-mu-gihugu

I Masisi, ingabo z'u Burundi nizo zirimo guhita zigenzura ibice byari byarafashwe na M23 ubu irimo kugenda irekura mu kubahiriza gahunda y'amahoro yategetswe n'abakuru b'ibihugu by'akarere.

Ingabo z'ibihugu byo mu karere (EACRF) zoherejwe muri DR Congo, zatangaje ko umutwe w'ingabo z'u Burundi watangiye kugenzura uturere twa Karuba, Mushaki, Kirolirwe nyuma y'uko M23 ihavuye.

EACRF ivuga kandi ko izi ngabo ziteze no kugenzura umujyi wa Kitchanga, M23 niwuvamo.

Ibi ni ibice M23 yirukanyemo ingabo za leta n'inyeshyamba zitandukanye mu mirwano yo mu ntangiriro z'uyu mwaka muri Masisi.

Itangazo rya M23 ryo mu ijoro ryo kuwa gatatu rishinja ingabo za leta gufatanya n'inyeshyamba zitandukanye 'bagafata ibice M23 irimo kuvamo bakabikoresha batera ibirindiro bya M23'.

Uruhande rw'ingabo za leta ntacyo ruratangaza kuri ibi birego, ariko mu minsi ishize rwashinje M23 gutera ibirindiro byazo muri teritwari ya Nyiragongo.

Mu ijoro ryo kuwa gatatu kandi imirwano ikomeye hagati ya M23 n'ingabo za leta yumvikanye mu duce twa Rukoko hafi ya Buhumba muri teritwari ya Nyiragongo mu majyaruguru ya Goma.

Umutwe wa M23 urimo gusubira inyuma muri teritwari ya Masisi ariko uracyagenzura hafi teritwari ya Rutshuru yose n'inzira ziyerekezamo.

Amasezerano y'amahoro atandukanye ategeka uyu mutwe gusubira inyuma kugera ku kirunga cya Sabyinyo. Ntibizwi neza niba uyu mutwe uzabikora.

M23 ivuga ko ingabo za leta zikomeje 'gukwiza urwango n'ubwicanyi ku basivile n'abasirikare bamwe na bamwe', mbere yashinje uruhande rwa leta gukora 'jenoside ku batutsi'.

M23 ivuga ko ishaka 'ko aya makimbirane arangira haherewe ku mpamvu muzi zayo mu biganiro by'amahoro bitaziguye na leta'.

Uruhande rwa leta ruhakana ibirego bya M23 ku bwicanyi no kwibasira igice cy'abaturage ba Congo b'Abatutsi, kandi ivuga ko itazaganira n'uyu mutwe yita uw'iterabwoba.

Leta ya Kinshasa kandi ishinja u Rwanda gufasha M23, ibyo leta ya Kigali ihakana.

Aya makimbirane yatumye abaturage barenga 600,000 bava mu byabo barahunga, nk'uko bivugwa na ONU.

BBC

Source : https://umuryango.rw/amakuru/mu-mahanga/umutekano/article/dr-congo-m23-yarekuye-karuba-mushaki-kirolirwe-muri-masisi

Uwahoze ari Perezida w'Ubufaransa,Nicolas Sarkozy yagiriye uruzinduko muri RDC kuri uyu wa 22 Werurwe 2023,anagirana ibiganiro na Perezida Felix Tshisekedi.

Mu biganiro byabo,Perezida Tshisekedi yasabye Sarkozy kugira uruhare mu biganiro hagati ye na Perezida w'u Rwanda, Paul Kagame nk'uko inkuru ya Africaintelligence ibivuga.

Sarkozy agiriye uruzinduko muri Repubulika ya Demokarasi ya Congo nyuma ya Emmanuel Macron uherukayo mu ntangiriro z'uku kwezi.

Uruzinduko rwa Sarkozy muri RDC ntabwo rwigeze rutangazwa icyakora Umuryanama we mu bya dipolomasi, Pierre Regént, yamubanjirijeyo umunsi umwe mbere y'uko ahagera.

U Rwanda rumaze iminsi rushinjwa gushyigikira Umutwe wa M23 uhanganye n'Ingabo za Repubulika Iharanira Demokarasi ya Congo (FARDC) na rwo rugashinja icyo gihugu gukorana no gufasha Umutwe w'Iterabwoba wa FDLR wiganjemo abasize bakoze Jenoside yakorewe Abatutsi mu Rwanda.

Ibi birego byatumye hatutumba umwuka utari mwiza wagejeje ku kurebana ay'ingwe hagati y'ibihugu byombi.

Nicolas Sarkozy ni umunyepolitiki wabaye Perezida w'u Bufaransa kuva mu 2007 kugeza mu 2012. Ni umwe mu bayoboye u Bufaransa wakoze ibishoboka byose kugira ngo azahure umubano w'u Rwanda n'igihugu cye ndetse yakunze kuvuga ashize amanga ko ashima imiyoborere ya Perezida Kagame.

Source : https://umuryango.rw/amakuru/mu-mahanga/umutekano/article/perezida-tshisekedi-yasabye-ubufasha-sarkozy-ku-mubano-we-n-u-rwanda

Abadepite bagize Komisiyo y'Ubumwe bw'Abanyarwanda, Uburenganzira bwa Muntu no Kurwanya Jenoside ubwo bagiranaga ibiganiro na Minisiteri y'Ubuzima ku isesengura rya Raporo y'Ibikorwa bya Komisiyo y'Igihugu y'Uburenganzira bwa muntu by'umwaka wa 2021/2022 n'Iteganyabikorwa ry'umwaka wa 2022/2023.

Ni ku bibazo byagaragaye muri serivise z'ubuvuzi ku bafite ubumuga barimo serivise zigenerwa abafite ibibazo by'indwara zo mu mutwe ndetse n'ikibazo cy'inyunganirangingo n'insimbura ngingo.

Perezida w'iyi komisiyo, Mukamana Elisabeth yagaragaje ko ibi bibazo biri mu bibangamiye uburenganzira bwa muntu cyane cyane abafite ubumuga.

Kuri iki kibazo kandi hari n'ubwiyongere bw'abagerageje kwiyahura bagateshwa, nabo umubare wabo ukomeje kwiyongera umwaka ku mwaka dore ko bamaze kwikuba inshuro 2.

Umunyamabanga wa leta muri Minisiteri y'Ubuzima, Dr Yvan Butera yagaragaje ko hari ikirimo gukorwa ngo serivise zihabwa abafite ibi bibazo by'uburwayi bwo mu mutwe zirusheho kunoga.

Ubushakashatsi bwakozwe na Minisiteri y'Ubuzima mu mwaka wa 2018 bwagaragaje ko mu Rwanda abaturage basagaho gato 20,5% bafite ibibazo by'uburwayi bumwe cyangwa bwinshi bwo mu mutwe.

Bitewe n'amateka yajenoside yakorewe Abatutsi u Rwanda rwanyuzemo, umubare munini w'abarokotse bagera kuri 50,2% bafite ubu burwayi bumwe cyangwa bwinshi bwo mu mutwe.

Ibi bibazo byiganje mu mu Mujyi wa Kigali aho Akarere ka Gasabo abagatuye 36% bafite ibi bibazo ndetse no mu Karere ka Huye mu Ntara y'Amajyepfo bafite 27,5%.

Source : https://umuryango.rw/amakuru/mu-rwanda/ubuzima/article/hagaragajwe-impamvu-hari-ubwiyongere-bw-abantu-bafite-uburwayi-bwo-mu-mutwe

Tuyizere Thaddée wayoboye Akarere ka Kamonyi by'agateganyo we na bagenzi 4 bafashwe n'Ubugenzacyaha taliki ya 22 Gashyantare, 2023 bakurikiranyweho umukozi wa Kampani witwa Ndayizeye Jean de Dieu wagiriye impanuka mu kirombe, bagenzi be bakamuzamukana agashiramo umwuka bageze mu nzira bagasiga umurambo we bakigendera.

Ku mugoroba wo kuri uyu wa Gatatu taliki ya 22 Werurwe, 2023 Urukiko rw'Ibanze rwa Gacurabwenge rwarekuye by'agateganyo Tuyizere Thaddée n'abandi 4, ariko rubategeka kujya bitaba Umushinjacyaha rimwe mu cyumweru.

Urukiko kandi rwabatgetse kutarenga imbibi z'u Rwanda kugeza ubwo urubanza ruzaburanishwa mu mizi bakaba abere cyangwa bagahamwa n'icyaha bagakomeza gufungwa.

Urukiko rw'Ibanze kandi rwasanze impamvu ubushinjacyaha bwashingiyeho rubafunga by'agateganyo zidafatika.

Urukiko rwasanze ingwate batanze ziguma mu maboko y'Urukiko hakaba ntawemerewe kugira icyo ahindura ku mutungo yatanzeho ingwate kugeza ubwo urubanza ruzaburanishwa mu mizi.

Src:Umuseke

Source : https://umuryango.rw/amakuru/article/urukiko-rwarekuye-tuyizere-wahoze-ayobora-akarere-ka-kamonyi-na-bagenzi-be