Author: webrwanda

Kuri uyu wa Mbere muri BK Arena hashorejwe imikino ya EAPCCO, ihuza inzego za Polisi yo muri Afurika y’iburengerazuba. Iyi mikino yari imaze icyumweru kirenga, yashyizweho umutemeri n’umukino wa Handball wahuje u Rwanda na Uganda ndetse ukaba wari umukino uriho ihangana rikomeye.

Umukino watangiye ahagana ku isaha ya saa sita zuzuye aho u Rwanda rwahabwaga amahirwe bigendanye n’uko n’ubusanzwe ikipe ya Polisi y’u Rwanda isanzwe ifite ikipe ya Handball ikomeye, ndetse yegukana ibikombe hano imbere mu gihugu.

Abakinnyi ikipe ya Polisi y’u Rwanda yakoresheje

Kanyandekwe Gaston

Rwamanywa Viateur

Kubwimana Emmanuel

Umuhire Yves

Mutuyimana Gilbert

Kayijamahe Yves

Akayezu Andrew

Urangwanimpuhwe

Ndayisaba Etienne

Mbesutunguwe Samuel

Nshimiyimana Thinaty

Hagenimana Fidele

Uwimana Jackson

Murwanashaka Emmanuel

Nshimiyimana Alex

Uwayezu Arsene

Abakinnyi Polisi ya Uganda yakoresheje

Ssentamu Ivan

Lam Anthony

Said Abdul Salom

Ssendagire Hassan

Ssekamonyo

Benjamin Daniel

Twinomigisha Kenneth

Wakoroch Jacob

Nyanzi Shabik

Kisa Ivan

Kisalita Isam

Pirwoth Emmanuel

Ssebugizi wasswa.

Ikipe ya Polisi y’u Rwanda yatangiye umukino iyoboye, kuko yagejeje amanota atanu ikipe ya polisi ya Uganda ifite amanota 2 gusa. Uganda yakoze amakosa menshi by'umwihariko ku munyezamu wayo Ssentamu Ivan byatumye ikipe ya Polisi y’u Rwanda ishyiramo ikinyuranyo cy’amanota 10, ndetse Polisi y’u Rwanda ikomeza gutwara umukino uko, umukino urangira polisi y’u Rwanda itsinze polisi ya Uganda ibitego 41 kuri 27. Polisi y’u Rwanda yahise yegukana igikombe cya Handball mu mikino ya EAPCCO, aho wari umukino nyamukuru usoreza iyi mikino.

Uyu mukino ndetse n’isozwa rya EAPCCO Games byari byitabiriwe n’inzego z’umutekano hafi yazose z’u Rwanda harimo igisirikare cy’u Rwanda RDF, urwego rw’igihugu rw’ubugenzacyaha RIB, Urwego rushinzwe amagereza mu RCS, DASSO ndetse na Polisi y’igihugu yari yitabiriye iyi mikino.

KANDA HANO UREBE UKO UMUKINO WAGENZE

“>

Imikino ya EAPCCO yari ibaye ku nshuro ya kane, gusa ikaba yari inshuro ya mbere ibereye ku butaka bw’u Rwanda. 

Inzego zitandukanye z’umutekano w’u Rwanda zari zitabiriye  

Abasirikare bari baje gutera ingabo mu bitugu ikipe ya Polisi y’u Rwanda 

RIB bari bamwe mu bafana bakuru ikipe ya Polisi ya handball yari ifite 

RCS nayo iri mu batije umurindi ikipe ya polisi y’u Rwanda ubwo yanyagiraga polisi ya Uganda 

CP John Bosco Kabera umuvugizi wa Polisi y’u Rwanda, iyi mikino ijya gutangira yari yasabye amakipe y’u Rwanda kwitwara neza, none byarangiye ahesheje ishema igihugu ndetse na Polisi y’igihugu 

Andi makipe nayo ya polisi yegukanye ibikombe mu yindi mikino, yari yaje gushyigikira ikipe ya handball 

“>

Source : https://inyarwanda.com/inkuru/127502/rib-dacco-nabasirikare-bafatiye-umwitero-police-yu-rwanda-inyagira-u-bugande-video-127502.html

Imodoka ya Raila Odinga yatewe ibyuka mu maso mu mujyi wa Nairobi, ubwo yitabiraga imyigaragambyo yatangije mu cyumweru gishize.

Bwana Odinga yerekezaga ahitwa Kawangware yari aherekejwe na Marta Karua bafatanije kwiyamamaza ndetse na Kalonzo Musyoka.

Ikinyamakuru The Citizen Digital cyanditse ko abapolisi bakoresheje ibi byuka biryana mu maso ngo batatanye abaturage bari bariye karungu.

Umukuru wa polisi ya Kenya avuga ko iyi myigaragambyo itemewe kuko nta watse uruhushya uru rwego.

Ni nako kandi byagendekeye abandi baturage bigaragambyaga nabo bahanganye na polisi ibamishamo ibyuka biryana mu maso.

Hari amakuru avuga ko uruganda rukora amacupa ya gas rwa Raila Odinga rwasenywe n'abantu bataramenyekana kugera ubu.

Hari andi makuru avuga ko abantu batazwi bateye amasambu ya Uhuru Kenyatta wigeze kuba perezida, batema ibiti ishyamba bararitwika.

Ikinyamakuru The Standards, cyanditse ko abanyamakuru babonye abantu bagerageza no gutwara ibintu byari muri ubu butaka bw'umuryango wa Uhuru birimo amatungo, kandi ngo bakangishaga kuba batema buri wese wagerageza kubitambika cyangwa se abaza amakuru.

Impamvu yaba yatumye aba baturage bigabiza amasambu ya Uhuru Kenyatta ntiramenyekana n'icyo bagambiriye ntikizwi.

Iyi sambu ya Are ibihumbi 11 iri ahitwa Northlands City, mu karere ka Ruiru mu ntara ya Kiambu.

The post Kenya: Imodoka ya Odinga yatewe ibyuka biryana mu maso, imitungo ya Uhuru irasahurwa appeared first on FLASH RADIO&TV.

Source : https://flash.rw/2023/03/27/kenya-imodoka-ya-odinga-yatewe-ibyuka-biryana-mu-maso-imitungo-ya-uhuru-irasahurwa/?utm_source=rss&utm_medium=rss&utm_campaign=kenya-imodoka-ya-odinga-yatewe-ibyuka-biryana-mu-maso-imitungo-ya-uhuru-irasahurwa

U Rwanda nk'Igihugu gikunze kwibasirwa n'ibiza, rwagaragarije amahanga ingamba rwafashe mu kugabanya ingaruka ziterwa nabyo, zirimo kubaka ubudahangarwa bw'abaturage batuzwa ahadashyira ubuzima bwabo mu kaga.

Ibi byagarutsweho kuri uyu wa 27 Werurwe 2023, mu biganiro byahuje u Rwanda n'Abafatanyabikorwa barwo bigira hamwe uko hashyirwaho ingamba zihuriweho, mu guhangana n'ibiza no kugabanya ingaruka ziterwa nabyo.

Imiterere y'u Rwanda nko kuba ari urw'imisozi bituma rukunda kwibasirwa n'ibiza bitandukanye ahanini biterwa n'imvura.

Bibarwa ko byibura ko buri mwaka imiryango ibihumbi 10 mu Rwanda, igerwaho n'ingaruka ziterwa n'ibiza.

Mu nama yiga ku ngamba zo guhangana n'ibiza no kugabanya ingaruka ziterwa nabyo yahuje Leta y'u Rwanda n'abafatanyabikorwa bayo, bagaragaje ko guhangana n'ibibazo bisaba ubufatanye bw'inzego zitandukanye, kandi abaturage bagahabwa umwanya munini mu ngamba zose zifatwa.

 Luca Rossi ni umuyobozi wungirije muri Afurika by'ishami rya Loni ryita ku guhangana n'ingaruka ziterwa n'ibiza, naho Ozonnia Ojielo  ni umuhuzabikorwa w'amashami y'Umuryango w'Abibumbye akorera mu Rwanda.

Luca ati 'Ushobora kugira ubushobozi mubya tekinike, muby'amafaranga, rimwe na rimwe ufite ubushobozi bwo kubishyira mu bikorwa ariko abaturage batarumva neza ibyo ubakorera  ngo babigire ibyabo ubereke n'inshingano zabo, ibyo ukora byose byaba imfabusa.'

Ozonia ati 'Mu bari hano, buri wese arabizi ko guhangana n'ingaruka ziterwa n'ibiza bisaba uburyo buhamye buhuriweho n'abakora mu nzego zinyuranye, zirimo iza Leta ndetse n'abaturage bo hasi.'

Ibiza bikunze kwibasira u Rwanda bikunze kuzahaza bikomeye abaturage b'amikoro macye, bitewe n'uko akenshi baba batuye ahashyira ubuzima bwabo mu kaga.

Minisitiri w'Ibikorwa by'Ibutabazi, Kayisire Marie Solange, avuga ko zimwe mu ngamba zo guhangana n'ingaruka ziterwa n'ibiza ari ukubaka ubudahangwa bw'abaturage, bafashwa gutura heza hadashyira ubuzimwa bwabo mu kaga.

Ati 'Ni ukureba impamvu zakwibandwaho kugira ngo zigabanye ibyo byatera Ibiza, yaba ubukene bw'abaturage no gukomeza kubazamurira ubushobozi. Hanyuma ariko no kubigisha gukora ibintu bihangana n'ibiza harimo kubaka amazu adashobora gutwarwa n'imvura no gutwarwa n'umuyaga uwari wo wose no gutura ahantu habugenewe.' 

Imibare itangwa na Minisiteri y'Ibikorwa by'Ubutabazi, igaragaza ko buri mwaka igihugu gihomba Miliyoni 300 z'amadorari kubera ingaruka z'Ibiza.

Daniel Hakizimana

The post <strong>Rwanda: Hagaragajwe ingamba zo guhangana n'ingaruka ziterwa n'ibiza</strong> appeared first on FLASH RADIO&TV.

Source : https://flash.rw/2023/03/27/rwanda-hagaragajwe-ingamba-zo-guhangana-ningaruka-ziterwa-nibiza/?utm_source=rss&utm_medium=rss&utm_campaign=rwanda-hagaragajwe-ingamba-zo-guhangana-ningaruka-ziterwa-nibiza

Guhera mu mezi atanu ashize, umuryango wa Rusesabagina wari waracecetse nta kintu uvuga, ku buryo n'umukobwa we Carine Kanimba wari umaze kuba ikirangirire mu itangazamakuru atari agikoma. Ni ibintu byacaga amarenga y'uburyo Amerika n'umuryango w'uyu mugabo bahinduye imyitwarire mu kibazo cye.

Ni ko byakomeje no kuva ku wa Gatanu ubwo uyu mugabo yafungurwaga. Usibye abayobozi ba Amerika banditse bashima, umuryango we nta kintu na kimwe wigeze utangaza.

IGIHE yabashije kubona amakuru y'uko hari umuntu wagenwe n'uyu muryango ngo abe ariwe uzajya avuga ku bijyanye n'ifungurwa rya Rusesabagina.

Uwo muntu ni Juleanna Glover usanzwe ari umujyanama w'ibigo bitandukanye. Yakoze ubujyanama mu bigo bikomeye ku Isi nka Uber, Tesla, Microsoft, Oracle, eBay, the Smithsonian, Snapchat, JP Morgan Chase, Netflix, Tata Sons, CVS Health, SpaceX, Chobani, AT&T, LVMH, PepsiCo, Google, Alibaba, n'ibindi.

Mu butumwa yasubije IGIHE kuri email ubwo yabazwaga ku bijyanye n'ifungurwa rya Rusesabagina yagize ati “Umuryango wa Paul Rusesabagina unejejwe no kwakira inkuru ijyanye n'ifungurwa rye. Wizeye ko uzongera kumubona vuba.”

Ntabwo Juleanna yigeze asubiza ibibazo bindi byerekeye n'ifungurwa rya Rusesabagina, birimo igihe azagerera muri Amerika n'ibindi.

Bivugwa ko ubwo Rusesabagina azaba ageze muri Amerika, nta mihango yo kumwakira izabaho, ahubwo azabaho nk'umuturage usanzwe aho gukomeza kugaragazwa nk'intwari.

Amakuru avuga ko ari ibintu abayobozi ba Amerika bemeye ndetse nawe mu ibaruwa yandikiye Umukuru w'Igihugu asaba imbabazi, yavuze ko nagera muri Amerika azakoresha umwanya we mu 'kwitekerezaho' kandi ko nta hantu na hamwe azongera guhurira na politiki y'u Rwanda.

Ubwo Rusesabagina yafungurwaga mu ijoro ryo ku wa Gatanu ahagana Saa Yine z'Ijoro, yavuye i Mageragere aherekejwe n'abayobozi bo muri Ambasade ya Amerika, ajyanwa mu Rugo rwa Ambasaderi wa Qatar i Kigali.

Yagumye mu maboko ya Ambasade ya Qatar nk'uko byari mu myanzuro imufungura. Yagombaga gusaba uburenganzira bwo gusohoka igihugu, akabuhabwa na Minisitiri w'Ubutabera ubundi akabona kwerekeza i Doha aho azamara iminsi mike akabona kujya muri Amerika.

Umwe mu bantu babonanye na Rusesabagina ku wa Gatandatu, yabwiye IGIHE ko yasanze ameze neza nta kibazo na kimwe afite.

Amakuru avuga ko bishoboka ko kuri uyu wa Mbere aribwo ava mu Rwanda yerekeza i Doha. Ntabwo biramenyekana niba akiri mu gihugu cyangwa se yamaze kugisohokamo.

Hari n'andi makuru avuga ko atarabona ibyangombwa bimuvana mu Rwanda, ko bishobora gufata iminsi.

Ifungurwa rya Rusesabagina, ni intambwe ikomeye yatewe mu kuzahura umubano w'u Rwanda na Amerika wari umaze igihe kigera ku myaka itatu urimo agatotsi.

Leta Zunze Ubumwe za Amerika yashyize igitutu gikomeye ku Rwanda isaba ko uyu mugabo afungurwa, u Rwanda rwo ruvuga ko rudashobora guhatirwa kurekura umuntu wakoze ibyaha ndengakamere nk'ibye.

Byatume habaho ukugongana gukomeye kugeza n'aho Umunyamabanga wa Leta ya Amerika ushinzwe Ububanyi n'Amahanga, Antony Blinken, afata indege akajya i Kigali muri gahunda ze harimo gucyura Rusesabagina.

Umuvugizi muri Perezidansi y'u Rwanda, Stephanie Nyombayire, yanditse kuri Twitter ko guhabwa imbabazi kwa Rusesabagina bidakuraho igihano yahamijwe, ndetse ko gishobora gusubizwaho mu gihe yaba asubiriye ibyaha yakoze. Ati “Umubano mwiza hagati y'u Rwanda na Qatar, wabaye ingenzi cyane.”

Yakomeje avuga ko irekurwa rya Rusesabagina ari umusaruro “w'ubushake buhuriweho bwo kuzahura umubano w'u Rwanda na Leta Zunze Ubumwe za Amerika”.

Akirekurwa, Qatar yahamije ko yagize uruhare mu biganiro byaganishije ku kuba Rusesabagina yahawe imbabazi, “ndetse ko gahunda yo kumwohereza muri Qatar irimbanyije”.

Umuryango wa Rusesabagina watangaje ko witeguye guhurira na we muri Leta Zunze Ubumwe za Amerika

---

Source : http://igihe.com/amakuru/u-rwanda/article/umuryango-wa-rusesabagina-wagize-icyo-uvuga-ku-ifungurwa-rye

Mu gikorwa cy'Umuganda usoza ukwezi kwa Werurwe 2023 mu Murenge wa Kiyumba, Akarere ka Muhanga, Intore z'Itorero ry'Impeshakurama mu karere ka Muhanga, bahamirije abaturage n'abayobozi ko biyemeje gufatanyiriza hamwe n'inzego za Leta n'abafatanyabikorwa mu guhangana n'ibibazo bibangamiye imibereho myiza y'abaturage, kurandura imirire mibi n'igwingira mu bana, ari nako bakangurira abaturage kwipimisha indwara zandura n'izitandura.

Muri iki gikorwa cy'Umuganda, izi Ntore zagabiye Inka irero ryo mu kagari ka Remera kugira ngo izajye ikamirwa abana. Hanatanzwe kandi Amagi ku marerero atandukanye hagamijwe gufasha imiryango itabasha kuyabonera abana babo.

Nyiransabimana Marthe, Umuyobozi w'Ikigo cy'Amashuri Abanza cya Kanyanza B ari nacyo kireberera uru rugo mbonezamikurire, yashimiye aba bakora mu buvuzi( Impeshakurama) babageneye inka izakamirwa abana baziga muri uru rugo mbonezamikurire. Yagaragaje ko mu busanzwe amata bayabonaga rimwe na rimwe.

Yagize Ati'' Turashimira aba bibumbiye mu mutwe w'abakoze itorero ry'Impeshakurama baduhaye inka kuko nimara kubyara izajya ihora ikamirwa aba bana baziga hano kuko akenshi bajyaga bayabona gacye, rimwe na rimwe tukayavanga n'igikoma yavura bakakinywera aho. Kuva tubonye inka bizatuma azajya aboneka buri gihe bayanywe kandi bizafasha kubaho neza bagire imirire myiza. Tuzagira uruhare mu kurandura imirire mibi'.

Iradukunda Marie Jeanne, avuga ko umwana we yaguye mu mirire mibi aragwingira, ko kandi byatewe n'ubumenyi bucye yari afite. Ahamya ko ubu yamaze kwigishwa kandi ibyo yigishijwe byatangiye gutuma umwana ava mu mirire mibi. Ati' Ibyo kugaburira abana bacu turabifite ariko ubumenyi bucye nibwo butuma bagwa mu mirire mibi n'Igwingira ariko kuva batwigisha byarahindutse'.

Mukamanzi Dorothea avuga ko benshi mu babyeyi baba badafite ubumenyi bwuzuye bwo gutegura neza ifunguro ryuzuje ibisabwa kandi ritunganyije neza. Yemeza ko imirire mibi ikwiye kurwanywa biturutse mu muryango.

Umuyobozi w'Umutwe w'Itorero Impeshakurama mu karere ka Muhanga, Ezella Dusengimana yabwiye umunyamakuru wa intyoza.com ko mu itorero ryabo bihaye ingamba zo kwegera abaturage bakabigisha uburyo ubuzima buzima bukwiye kuba buteye ndetse no kugira uruhare mu guhangana n'ibibazo ahanini biterwa n'imirire mibi n'ibindi byavuka.

Biyemeje kandi kubashishikariza gutanga ubwisungane mu kwivuza, kugira uruhare mu kurandura burundu imirire mibi n'igwingira no kugana serivisi z'ubujyana zitangirwa ku bigo Nderabuzima n'ibitaro.

Akomeza ashimangira ko bazakomeza gukangurira abaturage kuza kwipimisha indwara zandura harimo umwijima wo mu bwoko bwa B na C ariko kandi no kwibuka ko hari n'izindi ndwara zitandura zikwiye kwirindwa hakiri kare kugirango bakore bisanzuye bateze imbere imiryango.

Umuyobozi w'Ibitaro bya Kabgayi, Dr Muvunyi Jean Baptiste avuga ko kuba umwana yagwa mu mirire mibi n'Igwingira akenshi biterwa n'uburangare bw'ababyeyi, aho usanga bihugiyeho ntibabashe gutegurira neza abana babo indyo yuzuye nyamara usanga ibyo bakwiye kubagaburira babifite aho batuye.

Yongeraho ko mu karere hose hari abana 54 barimo kwitabwaho hagamijwe kubavana mu mirire mibi n'Igwingira, ko kandi ibi bitakorwa n'umubyeyi gusa, ko ahubwo n'abafatanyabikorwa bagomba gufasha mu guhugura ababyeyi, bakibutswa ko ifunguro ryuzuye riba ririmo ibikungahaye kuri Poroteyini, Vitamini, Ibyubaka umubiri.

Impeshakurama ziherutse gutanga amafaranga asaga Miliyoni 5,6, harimo inka yahawe irerero rya Gifumba n'iyi yahawe irerero ryo ku kagali ka Remera muri Kiyumba. Hanatanzwe Miliyoni 3 zatangiwe abaturage basaga ibihumbi 2500 batari barasoje gutanga ubwisungane mu kwivuza, hatanzwe inkoko 54 ku miryango ifite abana 54 bafite imirire mibi n'Igwingira, hatangwa amagi 1,620 aho buri mwana yagenewe amagi 30 mu gihe cy'ukwezi. Bivuze ko buri munsi umwana agomba guhabwa igi rimwe.

Mu bihe bitandukanye bamwe mu babyeyi bagenda bavuga ko ubumenyi bucye no kwirengagiza inshingano kuri bamwe bituma abana bagwa mu mirire mibi. Mu cyerekezo cya Leta cy'Imyaka 7 kizageza 2024 U Rwanda rwihaye intego ko Imirire mibi n'igwingira bizaba biri ku kigero cya 19%, bivuye ku bana bafite imirire mibi n'Igwingira iri ku mpuzandengo ya 33% ku rwego rw'Igihugu.

Akimana Jean de Dieu

Source : https://www.intyoza.com/2023/03/27/muhanga-kiyumba-nyuma-yumuganda-impeshakurama-zagabiye-urugo-mbonezamikurire/

Uwitwa KANOBANA MFIZI yasabye guhindura amazina mu buryo bwemewe n'amategeko akitwa NDAYAMBAJE FRANCOIS mu bitabo by'irangamimerere.

Impamvu atanga zituma asaba guhindura amazina akaba ari uko ari amazina nuko ari amazina yakoreshaga kuva yatangira kwiga.

Source : https://umuryango.rw/amatangazo/article/itangazo-kanobana-mfizi-mayisha-yasabye-guhindura-amazina-akitwa-ndayambaje

We, Saemaul Globalization Foundation, registered with the Rwanda Governance Board under certificate of registration number 001/RGB/17, hereby given notice for changing the NGO's name to: Saemaul Foundation.

Our commitment to serving communities for the development and prosperity of Rwanda remains unchanged.

Any objection to this change of name should be sent in writing to Plot UPI No.1260, Bodifa Mercy Building 8th floor, KN 5Rd, Kimihurura, Gasabo, Kigali within Seven (7) days from the publication of this notice.

Source : https://umuryango.rw/amatangazo/article/notice-international-non-government-organisational-change-name

Isosiyete ya gari ya moshi muri Kenya yahagaritse ibikorwa byayo byose bya gari ya moshi zitwara abagenzi mu murwa mukuru Nairobi

Ni nyuma y'uko Raila Odinga ahamagaje abaturage bamushyigikiye kwitabira ku bwinshi imyigaragambyo yo kwamagana ubutegetsi kuri uyu wambere.

Mu itangazo ryo kuri iki cyumweru, ubuyobozi bwa gari ya moshi ya Kenya bwatangaje ko iki cyemezo kigamije kwirinda ibyago byakururwa n'imyigaragambyo

Ryagira riti: “Turasaba imbabazi tubikuye ku mutima abakiriya bacu bose babangamiwe n'icyo cyemezo'

Icyakora, umuyobozi wa gari ya moshi yavuze ko gari ya moshi zayo zose zitwara abagenzi mu mihanda ishaje mu mujyi rwagati (Sitasiyo Nkuru ya Nairobi) kugera kuri gari ya moshi ya Nairobi-Mombasa (Nairobi Terminus) zizagenda nk'uko byari byateganijwe

Ihuriro ry'abatavuga rumwe n'ubutegetsi rirakora imyigaragambyo i Nairobi no mu tundi turere tw'igihugu hagamijwe ko habaho ivugurura ry'amatora no kugabanya ibiciro by'ibiribwa by'ibanze.

Ku cyumweru, umuyobozi wa polisi yiyamye imyigaragambyo, ariko abatavuga rumwe n'ubutegetsi bakomeje kwemeza ko imyigaragambyo bateguye yemewe n'amategeko.

BBC

Source : https://umuryango.rw/amakuru/mu-mahanga/umutekano/article/kenya-serivisi-za-gari-ya-moshi-zahagaritswe-kubera-imyigaragambyo

Benshi ni abakirisito mu madini anyuranye ni na bo benshi, abandi ni Abayisiramu, gusa ntitwakirengagiza ko hariho n'abandi nk'abizera idini gakondo, abadafite idini na rimwe babarizwamo, ababahayi, ababudisite, abahindu, Orthodox, abarangi n'abandi.

Icyo twese duhuriyeho ni uko dusenga kuko n'uzakubwira ko adasenga ariko aba afite icyizere ko hari izindi mbaraga zirenze ize zituma gahunda zigenda uku cyangwa kuriya, kandi tukizera ko isengesho ari ingenzi mu buzima bwa buri wese. Nyamara nk'uko ubushakashatsi butandukanye bwagiye bukorwa, gusenga mu buryo bwose wabikoramo ntabwo bigirira akamaro roho gusa, ahubwo binafite akamaro bigirira ubuzima rusange nk'uko hano tugiye kubirebera hamwe

Bifasha kwiyobora

Iyo havuzwe kwiyobora tuba tuvuga kuba ufite ubushobozi bwo kubasha kumenya kubana neza n'abandi, kwitwararika mu burakari, kutaba umunyarugomo n'indi mico mibi inyuranye.
Ubushakashatsi bwagaragaje kandi ko mbere yo kugira ikintu ukora gisaba ubushishozi no kwihangana iyo ubanje gusenga bigufasha kuhikura kurenza udasenga.

Byongera ubusabane

Gusenga bigufasha guhuza n'abaturanyi, abo mubana. Gusenga Nibyo kandi bikongerera imbaraga zo kubasha kubabarira uwagukoshereje ndetse binagufasha kugira imbaraga zo gusaba imbabazi iyo hari aho wakosheje.
Ubushakashatsi kandi bwakomeje bugaragaza yuko gusenga bituma ubasha kuba wakitangira abandi, ndetse byongerera umuntu umutima w'impuhwe.
Ndetse ubu bushakashatsi bwagaragaje yuko abasenga bya nyabyo atari ukugendera mu kigare cy'amadini aribo batagaragarwaho n'ibyaha ndengakamere nk'ubwicanyi, gufata ku ngufu, …

Byongera ingufu zo guhangana na stress

Ubushakashatsi bwakorewe muri Kaminuza ya Florida bwerekanye yuko 96% by'abakuze iyo bagize stress basenga kugirango ishire. Ndetse uretse kuba wafata imiti, nta bundi buryo bufasha guhangana na stress nk'isengesho. Ndetse meditation, yoga, kumva indirimbo zituje nabyo bigendana no gusenga mu gufasha umuntu kumva atuje akanagarura icyizere n'umunezero. Biruta kwiyahuza ibiyobyabwenge kuko byo iyo bigushizemo stress niho yiyongera

Bikangura imbaraga z'ubwirinzi

Mu mubiri tugiramo uturemangingo dushinzwe kuturinda Indwara. Utu turemangingo rero hari imbaraga zo kudukangura zikaba ziboneka mu buryo bunyuranye bwo gusenga harimo meditation na yoga, gusenga amasengesho yo gusubiramo azwi nka mantra (nka kuriya abagaturika bavuga rozari cyangwa abayisiramu babikora kuri Tasbih). Ibi bizamura ubwirinzi ku ndwara zinyuranye nka kanseri, umuvuduko ukabije w'amaraso, rubagimpande, kutabyara, …

Aya masengesho iyo uyavanga no gukora siporo zo kuruhuka nka meditation na yoga twavuze, ukabikora kenshi bigufasha kubona inyungu zabyo rwose

Bivura kwiheba no kwigunga

Kwiheba no kwigunga bakunze kwita agahinda gasaze (depression) kenshi bizanwa no guhemukirwa, kubura uwo wakundaga cyangwa igihombo gikabije, bigatuma wumva wiyanze ndetse bamwe bibaviramo kuba bakwiyahura cyangwa bakabaho bameze nk'ibyihebe.

Isengesho rikozwe neza ni umuti w'iki kibazo kuko rizamura umusemburo wa dopamine muri wowe kandi uyu musemburo ugendana n'ibyishimo n'umunezero. Bifasha kwibuka, kwihangana no guhangana n'ibikugerageza

Bituma wihanganira uburibwe

Uburibwe buterwa n'impamvu zinyuranye. Hari uburribwe bw'ingingo, umutwe se, n'ubundi bunyuranye. Ubushakashatsi bugaragaza yuko gusenga bifasha gukira umutwe w'uruhande rumwe ndetse gukoresha amagambo runaka uyasubiramo (wenda uti Imana ni nziza, Imana ni urukundo, cg Allah Akbar, …) bigakorwa mu gihe cy'iminota 20 biri mu buryo bwiza bwo kutumva uburibwe ndetse no gukira umutwe.

Bitera kuramba

Nkuko hejuru twabibonye gusenga biturinda zimwe mu ndwara kandi Indwara ziri ku isonga mu Bizana urupfu. Rero gusenga bituma ubasha guhangana n'uburwayi bityo ukaramba kandi binatuma udasaza imburagihe

DUSOZA

Uburyo bwose wasengamo, aho waba usengera hose, gusenga bifite akamaro kandi ni ingenzi. Gusa gusenga ni igikorwa bwite, si ngombwa si n'ihame kubikora uri kumwe n'abandi nubwo na byo hari abo bifasha cyane cyane iyo ari mu bihe bikomeye.

Src:ubujyanama

Source : https://umuryango.rw/ubuzima-115/imibereho/article/menya-ibyiza-n-akamaro-ko-gusenga-utari-uzi

Umugore w'Umunya Koreya y'Epfo yaciye ibintu ku isi kubera gutsindira uruhushya rwo gutwara ibinyabiziga yari amaze inshuro 959 akorera yararubuze.

Uyu mugore wari umaze gushora akayabo ka miliyoni zirenga 11 mu gushaka uru ruhushya,yatsinze ku kizamini cye cya 960,bituma avugwa cyane ku isi.

Uyu mugore witwa Cha Sa-soon yari amaze imyaka 15 yiruka kuri uru ruhushya atarambirwa ndetse inkuru ye yaciye ibintu ubwo yandikwaga na reddit,benshi bavuga ko ari urugero rwiza rwo kudacika intege.

Bwa mbere akora ikizamini cyo kwandika hari muri 2005 ariko ntiyabasha kugitsinda ariko ntiyacitse intege yakomeje kugerageza inshuro eshanu mu cyumweru,mpaka agitsinze nyuma y'imyaka itatu.

Icyakora akora ikizamini cyo kwandika,yaje kugabanya inshuro yigaga ziba ebyiri mu cyumweru zivuye kuri eshanu,kugeza atsinze agerageje inshuro 860.

Yahise yimukira ku kizamini cyo gutwara nacyo cyamuzengereje bikomeye.

Cha Sa-soon yakoze iki kizamini inshuro 100 aragitsinda bituma byose hamwe akora ibizamini inshuro 960,yaba mu kwandika no gukora.

Uyu mugore yifuzaga kubona uru ruhushya kugira ngo ajye agemura imbuto acuruza mu modoka.

Uwigishaga Cha Sa-soon muri Jeonbuk Driving School, yagize ati 'Ubwo yabonaga uruhushya twaragiye turamuhobera,tumuha n'indabyo.

Twumvise ari umutwaro ukomeye dutuye.Twabuze imbaraga zo kumubwira kubireka kuko buri gihe yaritabiraga.”

Ibi byatumye Cha Sa Soon aba icyamamare mu gihugu hose ndetse kompanyi ya Hyundai imuha imodoka y'ishimwe ya miliyoni 11 n'ibihumbi bisaga 700 FRW.

Source : https://umuryango.rw/ubuzima-115/udushya/article/yabonye-uruhushya-rwo-gutwara-ibinyabiziga-nyuma-yo-kurukorera-inshuro-959