Author: webrwanda

Byagaragajwe kuri uyu wa 3 Mata 2022 mu kiganiro n'itangazamakuru cyagarukaga ku bikorwa biteganyijwe mu muhango wo kwizihiza imyaka 21 ishize hasinywe amasezerano y'Amahoro n'Ubwiyunge muri icyo gihugu.

Ni ikiganiro cyitabiriwe n'abayobozi batandukanye barimo Ambasaderi wa Angola mu Rwanda, Dr Eduardo Octávio; Abayobozi w'Urugaga rw'Abanditsi mu Rwanda no muri Angola, Dr Richard Hategekimana na Dr David Kepelenguela, ndetse n'Umwanditsi Dr Francisco Queiroz.

Dr Queiroz ni na we wanditse igitabo cyiswe 'The Great Kassitur Empire in the Sekele Dynasty' cyamuritswe muri Angola, nyuma y'u Rwanda kikazanamurikwa muri Brésil , Portugal, Nigeria n'ahandi.

Ni igitabo cyanditswe mu buryo bugaragaza uko mu myaka iri imbere ubuzima bwose buzashingira ku ikoranabuhanga, umwanditsi agasaba Abanyafurika kwimakaza ubumwe n'amahoro arambye nk'intwaro nyamukuru yo kuzatuma izo mpinduka zihira Afurika.

Dr Dr Queiroz yahisemo kukimurika mu Rwanda kubera ko ari igihugu cyagaragaje byeruye ko Afurika ishobora gutera imbere birambye binyuze mu bikorwa rumaze kugeraho nyuma y'imyaka itari myinshi ruvuye mu icuraburindi rya Jenoside yakorewe Abatutsi mu 1994.

Umuyobozi w'Urugaga rw'Abanditsi mu Rwanda, Dr Richard Hategekimana nyuma yo kugaragarizwa ibiri muri icyo gitabo, yavuze ko bishimiye ko cyamurikiwe mu Rwanda ndetse anizeza ubufatanye bwisumbuye hagati y'abanditsi b'ibihugu byombi nk'uko n'abo muri Angola babisabye.

Ati 'Icyo twifuza ni ukwagura amarembo tugakorana n'abandi banditsi hirya no hino ku Isi kuburyo kuri iyi nshuro twiteze ko tuzagirana ubufatanye bukomeye n'abo muri Angola dore ko gufatanya ari nayo ntego ya Afurika Yunze Ubumwe.'

Yagaragaje ko ubwo bufatanye ari izindi mbaraga abanditsi b'u Rwanda bungutse mu bijyanye no guha imbaraga umuco wo gusoma no kwandika ibitabo aho 'tuzabaha ibitabo twanditse ku Rwanda na Afurika ndetse nabo babikore gutyo.'

Guhitamo itariki ya 3 Mata 2023 nk'umunsi wo kumurika icyo gitabo mu Rwanda ngo bifitanye amateka n'umunsi w'agaciro muri Angola kuko ari bwo hasinywe amasezerano ahagarika intambara hagati y'amashyaka ya UNITA na MPLA.

Dr Queiroz ati 'Ni umunsi twageze ku mahoro. Igihugu cyacu kuva ubwo nticyasubiye mu ntambara z'urudaca zari zimaze hafi imyaka 41. Afurika tugomba gufatanya kugira ngo turwanye ba gashakabuhake batuma umugabane wacu uhora mu mvururu zituma tudatera imbere.'

Iki gitabo cyanditswe mu gi-Portugal mu myaka ya 2019-2020 kimurikwa bwa mbere mu Ukuboza 2020 i Luanda muri Angola.

Mu 2022 cyashyizwe mu Cyongereza ndetse gisohorwa mu icapiro rya Lavender Moom ryo muri Afurika y'Epfo.

Kugira ngo kimurikwe mu Rwanda byagizwemo uruhare na Ambasade ya Angola mu Rwanda, urugaga rw'abanditsi muri icyo gihugu n'abandi.

Bimwe mu bikubiye muri icyo gitabo

Dr Queiroz ajya kwandika iki gitabo yibanze ku buzima bw'Abanyafurika bushobora kuzahindurwa n'ikoranabuhanga mu bihe biri imbere, haba mu bukungu, imibanire, politiki, gutwara abantu n'ibintu n'indi mirimo.

Uyu mwanditsi agaragaza ko ibigo by'ubuvuzi bizaba bigenzura ubuzima bw'abantu nabwo buzaba bwarahurijwe ku bindi byuma by'ikoranabuhanga ku buryo umuntu ashobora kuzajya avurwa atanavuye iwe.

Uyu mwanditsi agaragaza ko nihimakazwa ubumwe ibihugu bigaharanira ikibihuza aho kwisenyera bitijwe umurindi n'abo hanze ya Afurika, bungukira muri uwo mwiryane ntakazabuza, Afurika nayo izagera aho ikaba umugabane utinywa na bose.

Ambasaderi wa Angola mu Rwanda, Dr Eduardo Octávio agaragaza ko uyu munsi ugamije kwimakaza amahoro atari muri Angola gusa ahubwo bigomba kuba ihame kuri Afurika yose kugira ngo ibashe kugera ku ntego yihaye yo kunga ubumwe.

Amb. Octávio yashimangiye ko ku bijyanye bo kwimakaza amahoro, bafatira urugero ku Rwanda kuko 'rwo rwageze ku mahoro kare mbere yacu. Rutubera urugero binyuze no mu mubano w'ibihugu byombi umaze gushinga imizi.'

Ambasaderi wa Angola mu Rwanda, Dr Eduardo Octávio (iburyo) ari kumwe na Dr Queiroz, wasobanuraga ibikubiye mu gitabo yanditse

Uhereye iburyo Ambasaderi wa Angola mu Rwanda, Dr Eduardo Octávio ari kumwe na Dr Queiroz, wasobanuraga ibikubiye mu gitabo yanditse

Dr Richard Hategekimana yagaragaje ko bagiye kugirana imikoranire n’abanditsi bo muri Angola mu buryo bwo guhanahana ubunararibonye mu kwandika ibitabo

Dr Queiroz wanditse igitabo ‘The Great Kassitur Empire in the Sekele Dynasty' yayoboye za Minisiteri zitandukanye muri Angola zirimo iy’umutungo kamere n’izindi

Dr Dr Queiroz ubwo yasubizaga abanyamakuru ku bijyanye n’icyo igitabo yanditse kizamarira Abanyafurika

Dr David Kepelenguela uhagaragriye urugaga rw’abanditsi muri Angola yavuze ko Afurika niramuka ifatanyije mu kurwanya ibibazo ihura nabyo izagera ku ntego yihaye vuba

Ambasaderi wa Angola mu Rwanda, Dr Eduardo Octávio yagaragaje ko itariki ya 4 Mata ari itariki ikomeye mu mateka ya Angola kuko ishimangira ubwiyunge n’amahoro arambye

Dr Ismael Buchanan, inzobere muri politiki mpuzamahanga ni we wari uyoboye ibiganiro

Amafoto: Dukundane Ildebrand

Mu gitondo cyo kuri uyu wa Kabiri nibwo Perezida Ruto ategerejwe i Kigali. Ni uruzinduko rwe rwa mbere kuva yatorerwa kuyobora Kenya mu mpera z'umwaka ushize wa 2022.

Byitezwe ko aza kwakirwa n'Umukuru w'Igihugu muri Village Urugwiro, nyuma bombi baze kugirana ikiganiro n'abanyamakuru. Araza kandi gusura Urwibutso rwa Jenoside rwa Kigali ku Gisozi, anasure Carnegie Mellon University i Masoro.

Bivugwa kandi ko Perezida Kagame aza kwakira Ruto mu musangiro ku mugoroba wo kuri uyu wa Kabiri.

Kenya ifite ishoramari ryinshi mu Rwanda mu ngeri zitandukanye. Nko mu burezi, ifite Kaminuza ya Mount Kenya, mu itangazamakuru hari ibigo bikomeye nk'ibinyamakuru nka Rwanda Today, The East African, Royal FM na Kiss FM.

Mu rwego rw'amabanki, Banki y'Abaturage isigaye iri mu maboko y'Abanyakenya nyuma yo kugurwa na KCB, hari kandi na Equity bank, GT Bank, I&M Bank n'izindi.

Hari ibindi bigo nka Britam bitanga serivisi z'ubwishingizi ndetse mbere y'uko UAP igurwa na Old Mutual nayo yari ishoramari ry'Abanyakenya mu Rwanda.

Mu bigo by'ubukerarugendo hari Serena Hotel n'ibindi.

Perezida William Ruto agiye kugirira mu Rwanda uruzinduko rwa mbere kuva yatorerwa kuyobora Kenya

Ikibazo cy'ubwikorezi mu Rwanda giherutse kugarukwaho na Perezida Paul Kagame muri Mutarama mu 2023 ubwo yakiraga indahiro ya Perezida mushya wa Sena, Dr Kalinda François Xavier.

Muri gare no ku byapa bitandukanye, abagenzi bavuga ko bamara amasaha bategereje imodoka abandi bakararara muri gare ugasanga bibiciye akazi n'izindi gahunda bari bafite.

Uyu munsi iyo witegereje neza ibibazo u Rwanda ruri gucamo mu bijyanye n'ubwikorezi bw'abantu n'ibintu, bijya gusa n'ibyo u Bushinwa bwari bufite mu myaka mike ishize kandi bwo bukagira n'imbogamizi z'uko ari igihugu kinini kandi gifite abaturage benshi.

Bufite ubuso bwa kilometero kare miliyoni 9,6 n'abaturage barenga gato miliyari 1,4. Ibi bishobora gutuma wibaza ibanga iki gihugu cyakoresheje kugira ngo uyu mubare munini w'abagituye bose babashe kubona uburyo bwo gukora ingendo bitabangirije gahunda.

Bumwe mu buryo bwafashije u Bushinwa mu bijyanye n'ingendo ni gari ya moshi iki gihugu cyatangiye gukoresha mu 2008 zizwi nka 'Bullet trains', izina zikomora ku muvuduko wazo ugereranywa n'uw'isasu.

Kugeza ubu u Bushinwa bufite gari ya moshi zo muri ubu bwoko 2.800 zijya mu byerekezo bitandukanye. Bibarwa ko nibura buri umwaka izi gari ya moshi zitwara abagenzi babarirwa muri miliyari ebyiri.

Abakunze kuzifashisha ni abagana mu byerekezo bya Shanghai-Nanning, Shanghai—Chengdu, Beijing—Shanghai, Beijing—Guangzhou—Shenzhen—Hong Kong. Hari benshi bibaza ibanga riri muri izi gari ya moshi ku buryo uyu munsi umubare w'abaziyoboka mu Bushinwa uruta uw'abakoresha indege.

Nk'uko izina ryazo ribisobanura, kimwe mu byatumye izi gari ya moshi zigarurira imitima ya benshi ni umuvuduko wazo, ushobora kugera kuri kilometero 350 mu isaha, bivuze ko mu munota umwe ishobora kugenda kilometero eshanu ndetse ahantu indege igenda amasaha abiri yo ihagenda amasaha atanu, ibintu bitari byarigeze bibaho mu mateka y'ubwikorezi bwo ku butaka.

Mbere y'uko iyi gari ya moshi itangira gukoreshwa nibura byasabaga abava ko Beijing bajya muri Shanghai (intera ya kilometero 1200) gukora urugendo rw'amasaha arenga 12, ariko ubu bakoresha atanu.

Kugeza ubu iyi gari ya moshi yo mu Bushinwa ni yo ya mbere yihuta ku Isi, aho iza imbere y'izindi zikomeye ku Isi nka TGV y'Abafaransa, ICE3 y'Abadage na JR East E5 y'Abayapani.

Zimwe mu mpamvu zatumye ubu bwoko bushya bwa gari ya moshi bubasha guca aka gahigo ni uburyo imihanda yazo yubatse.

Mu kuyubaka hirindwa amakorosi ku buryo aho bibaye ngombwa basatura umusozi aho kuwubererekera. Ibi bituma ikomeza kugendera ku muvuduko wo hejuru cyane ko nta makorosi ihura nayo.

Mu kubasha kubaka umuhanda ugororotse neza, inzira z'iyi gari ya moshi zishyirwa mu kirere hifashishijwe inkingi nini kandi nyinshi. Kimwe n'ibindi binyabiziga byinshi nayo itwarwa n'umushoferi ariko ibikorwa byinshi birimo nko kugabanya umuvuduko, guhagarara n'ibindi irabyikoresha.

Kugeza ubu u Bushinwa bufite izi gari ya moshi zibarirwa mu 2800 zihuza imijyi igera kuri 500 ndetse zikagera mu ntara 33 muri 34 zigize u Bushinwa.

Ahenshi mu Bushinwa imihanda y’izi gari ya moshi yagiye ishyirwa mu kirere mu kwirinda amakorosi n’ibindi bishobora kuyizitira mu bijyanye n’umuvuduko

Ziri mu Rwanda byaba bimeze gute?

Mu minsi mike ishize nayigenzemo, mu by'ukuri iyo wicaye imbere ntushobora no kumenya ko iri kwihuta cyane uretse nk'igihe urebye mu idirishya ukabona uburyo muri guca ku bindi binyabiziga mu gihe kitageze no ku isegonda.

Iyo uri hanze ukayireba igenda, umenya ari nka bya bindi bavuga ngo ikintu giciyeho nk'umuyaga, bamwe bashobora kugira ngo ni amakabyankuru ariko twifashishije ingero byakumvikana neza.

Urugendo Kigali-Muhanga rureshya na kilometero 48,7. Ku modoka yihuse nibura bishobora gufata iminota 40 kugira ngo ube uvuye hamwe ugeze ahandi. Mu gihe hakoreshwa ubu bwoko bwa gari ya moshi, iminota umunani yaba ihagije ngo ube uvuye i Kigali ugeze i Muhanga.

Nk'igihe ukeneye kujya i Rubavu uvuye i Kigali wakoresha iminota 15, igihe uva Kigali ujya Huye ugakoresha 24 mu gihe mu busanzwe bitwara amasaha ari hejuru y'abiri.

Uramutse ukoresheje iyi gari ya moshi uva nka Nyagatare ujya i Rusizi ho nibura byagufata iminota 56. Ibi bivuze ko aho waba utaha hose mu Rwanda ushobora gukorera muri Kigali ariko ukarara iwawe.

Mu mikorere y'izi gari ya moshi, zigira aho zihagurukira n'aho zigarukira ariko zikagira n'aho zigenda zihagarara mu nzira, bivuze ko nko mu gihe Gari ya Moshi yaba ikora mu cyerekezo cya Kigali-Rusizi, ishobora guhagarara i Muhanga gato abantu bakavamo, ikongera guhagarara Ruhango, Nyanza cyangwa se i Huye.

U Rwanda nk'igihugu kiri gutera imbere byihuse ari nako umubare w'abaturage biyongera bizagorana ko mu myaka iri imbere abantu bose bashobora gukorera muri Kigali ari naho baba. Bivuze ko nibura ubu buryo bw'ingendo bwihuta bwafasha ku buryo umuntu ashobora gukorera i Kigali ataha i Butare kandi ntakerewe akazi cyangwa ngo agereyo afite umunaniro.

Akandi karusho k'izi gari ya moshi ugereranyije n'imodoka zisanzwe ni uko zitwara abantu benshi, aho nibura imwe ishobora gutwara abagera ku 1300.

Uretse kwihutisha ingendo, ikindi kibazo izi gari ya moshi zishobora gukemura mu gihe zaba zikoreshwa mu Rwanda ni ikijyanye n'impanuka.

Imibare igaragaza ko ko kugeza mu Ukuboza 2022 mu Rwanda, abantu bishwe n'impanuka bari 729, ugereranyije na 655 bapfuye kugeza mu Ukuboza 2021 na 687 kugeza mu Ukuboza 2020.

Muri rusange, abakoresha umuhanda bakoze impanuka bari 6351 kugeza mu Ukuboza 2020; 14.591 kugeza mu Ukuboza 2021 na 17.179 kugeza mu Ukuboza 2022.

Imibare igaragaza ko mu mpanuka zose zabaye mu myaka itatu ishize, zakomerekeyemo abantu 2704 kugeza mu Ukuboza 2020, abantu 5928 kugeza mu Ukuboza 2021 na 7918 kugeza mu Ukuboza 2022.

Uretse agahinda k'imiryango ibura abayo buri mwaka, izi mpanuka ziteza igihombo igihugu n'ibigo by'ubwishingizi muri rusange ku buryo amafaranga yasabwe kubera ubwishingizi bw'ibinyabiziga yazamutse akava kuri miliyari 21,1 Frw (63%) mu Ukuboza 2021, agera kuri miliyari 24,9 Frw (67%) mu Ukuboza 2022.

Kuva izi gari ya moshi zatangira gukoreshwa mu Bushinwa zimaze gukora impanuka zibarirwa ku ntoki zirimo n'iyabaye mu 2011 biturutse ku makosa yakozwe mu ikoranabuhanga. Ibi bishimangira ko zishobora kuba uburyo bwiza bwo gutwara abantu mu bihugu byugarijwe n'impanuka.

Nta wakwirengagiza kandi amafaranga igihugu gisohora buri mwaka kigura ibikomoka kuri peteroli byo gukoresha mu ngendo zitandukanye. Mu gihe cyatangira gukoresha izi gari ya moshi yakoreshwa ibindi kuko zo zikoresha umuriro w'amashanyarazi.

Inzobere mu by'ingendo zigaragaza ko gari ya moshi zifite umuduvuko wo hejuru aribwo buryo bugezweho bwo gukoresha cyane ko zo zidakangwa n'uko ikirere cyaramutse ngo bitume ingendo zazo zisubikwa nk'uko bigenda ku ndege.

Aho iyi gari ya moshi ihagurukira haba hubatswe mu buryo bugezweho ku buryo ushobora gutekereza ko ari ikibuga cy’indege

Iyi gari ya moshi igira abashoferi bayitwara nubwo ifite ikoranabuhanga rigizweho riyifasha mu rugendo

Abakora muri izi gari ya moshi bagira imyambarire ijya gusa n’iy’abakora mu ndege

U Bushinwa bwatangiye gukoresha izi gari ya moshi mu 2008 none zimaze guhindura ibijyanye n’ubwikorezi mu gihugu

Kuri uyu wa Mbere tariki 3 Werurwe 2023 ubwo yari ku kibuga cy'indege we n'umufasha we bagiye kwerekeza mu Bubiligi, Hubert Sugira Hategekimana, inzobere mu mibanire y'abantu, yaganiriye na InyaRwanda.com adutangariza bimwe ku by'urugendo rwe.

Uyu mugabo umaze iminsi atanga ibiganiro n'inama bifasha abakundana bateganya kubana ndetse n'abashakanye kubaka ingo nziza, yadutangarije ko we n'umufasha we berekeje mu gihugu cy'Ububiligi aho azakora ibiganiro by'iyubaka-mitima no gufasha gusana imiryango, muri iyi minsi tugiye gutangira yo kwibuka Genocide yakorewe Abatutsi mu Rwanda muri Mata 1994.

Ubwo twamubazaga impamvu y'ibyo biganiro, Hubert yagize ati: 'Abantu benshi bamaze kunyumva bazi ko ibintu byose mvuga mba nshingiye ku ijambo ry'Imana ndetse na na siyansi, rero nk'uko ijambo ry'Imana rivuga mu gitabo cya Yesaya 58:12 ngo: 'N’abazagukomokaho bazubaka mu matongo ya kera yasenyutse, uzongera gushinga imfatiro zariho ku ngoma nyinshi, kandi uzitwa Uwica ibyuho kandi Usibura inzira zijya mu ngo.'' 

Yakomeje agira ati: 'Mu myaka 29 ishize, u Rwanda rwabayemo genocide yakorewe abatutsi. Ikintu cya mbere genocide yakoze ni ugusenya umuryango aho benshi babuze ababyeyi, abandi babura abo bashakanye ndetse benshi babura abana babo, 

ibyo rero uretse no gusenya imiryango yari iriho icyo gihe benshi bakaba imfubyi n'abapfakazi, genocide yasize ibikomere na n'ubu bitarakira bishobora no gutuma abarokotse bibagora kubaka ingo nshya ngo zibe nziza kuko burya ibintu by'urukundo bikora ku mbamutima z'umuntu.'

Ati: 'Iyo rero ufite ibikomere mu mutima bitakize neza bishobora kukubuza kubaka urugo rwiza, niyo mpamvu muri uyu murongo Imana yabwiraga abayishaka ko izabaha ubushobozi bwo kubaka bubakiye mu matongo, bubakiye ku byari byarasenyutse, kandi bakica ibyuho bijya mu ngo. Bivuze ko Imana ishobora gukiza umuryango wari warasenyutse maze ukongera ukaba mushya.'

Hubert yakomeje atangariza InyaRwanda ko ari 'muri urwo rwego mu Bubiligi, mu mujyi wa Anvers (Antwerpen) hari itorero ryitwa Rafaël Horeb Mountain Church ryateguye igiterane cy'iminsi iburu, gifite insanganyamatsiko yo kongera kubaka umuryango ku matongo ya cyera, ngo abantu babashe gukira mu gihe twibuka abacu tubikore koko tuniyubaka mu miryango yacu'.

Hubert anongeraho ko kuba icyo giterane kizatangira ku itariki ya 8 Mata 2023 bifite icyo bivuze cyane mu buzima bwe ndetse n'ubw'umufasha we, kuko kuri iyo tariki mu mwaka wa 1994 aribwo imiryango yabo yatewe n'interahamwe.

Ati: 'Itariki abakoze genocide bari bateganije ko mbura ubuzima bwanjye, Imana irashaka kunkoresha ngo abe aribwo ahubwo mfasha mu gutanga ubuzima no gufasha mu gusana imiryango. Nari nkiri muto, ariko ubu maze gukura nanjye nubatse umuryango wanjye. Rero numvise ari ikintu cy'agaciro kandi kigaragaza ko koko muri iyi minsi twibuka abacu bazize genocide yakorewe Abatutsi muri 1994, twibuka twiyubaka.'

Twifuje kumenya niba ibiganiro azabikorera mu Bubiligi gusa, Hubert atubwira ko azava mu gihugu cy'Ububiligi agakomereza muri Canada mu mugi wa Ottawa na Gatineau, aho naho azaba atanga ibiganiro bifasha mu mibanire no gusana umuryango.

Hubert ku kibuga cy'indege cya Kanombe ari hamwe n'umufasha we biteguye urugendo

Hubert akunze gutanga ibiganiro byo gufasha urubyiruko kumenya guhitamo uwo bazabana

Hubert kandi anatanga ibiganiro byo gufasha imiryango (urugo) kubana neza

https://www.youtube.com/watch?v=OtLjEcX4GZ4

https://www.youtube.com/watch?v=QTCx3cCOTnU

Tiffah, umukobwa wa Zari Hassan na Diamond yasabye nyina kwirukana umukozi wo mu rugo bitewe n’uburyo ahamagaramo izina rye.

Mu kiganiro cyagiye hanze uyu mukobwa aganira na nyina, yarimo amubaza ku mubano we n’umukozi wo mu rugo.

Tiffah yavuze ko adakunda uburyo uyu mukobwa amuhamagaramo kuko izina rye arihamagarana imbaraga asa n’umukanga ni mu gihe we aba yumva ko yamuhamagara gahoro.

Nyina yamubajije icyo yakora undi avuga ko akwiye guhita amwirukana akazana undi. Zari amubajije niba yarigeze amubuza kumuhamagara gutyo, undi yavuze ko ntabyo yakoze ndetse nta n’ibyo yakora ahubwo nyina akwiye kumwirukana.

Tiffah ni umwe mu bana babiri Zari Hassan yabyaranye na Diamond Platnumz, undi ni Nillan bose bakaba babana na nyina muri Afurika y’Epfo.

View this post on Instagram

A post shared by Latiffah 🇿🇦🇹🇿 (@princess_tiffah)

Tiffah yasebye nyina kwirukana umukozi wo mu rugo kubera uburyo ahamagaramo izina rye

Iki gitaramo cya Shekinah Choir cyasojwe ku Cyumweru tariki 02 Mata 2023 kuva saa Munani z’amanywa. Cyaranzwe n’ubwitabire bwo ku rwego rwo hejuru dore ko urusengero rwari twakubise rwuzuye. Cyaranzwe n’ibihe byo guhimbaza Imana, ubuhamya ndetse n’Ijambo ry’Imana.

Ni igiterane Shekinah Choir yatumiyemo korali y’inshuto yayo ikunzwe cyane muri iyi minsi, iyo akaba ari Umuseke choir ikorera umurimo w’Imana muri ADEPR Nyamata. Yari kumwe kandi n’andi yo muri ADEPR Rwimbogo ariyo Herubana choir na Elayono choir.

Kitabiriwe kandi n’abakozi b’Imana banyuranye barimo Umushumba wa ADEPR Rwimbogo, Umushumba Athanase SENGUMUREMYI wa ADEPR Nyamata waje aherekeje Umuseke Choir. Pastor Charles Cyubahiro wa ADEPR Matyazo – Huye ni we wigishije ijambo ry’Imana.

Shekinah Choir yateguye iki giterane, ubwo yari ku ruhimbi yashimishije abakunzi bayo n’abandi bose bitabiriye, mu ndirimbo zabo nziza ndetse abantu barahaguruka bose bati “Vuga” imwe mu ndirimbo zabo irimo ikibazo kigira kiti ese mvuge iteraniro ryose ati “Vuga”.

Umuseke Choir ijya ku ruhimbi yahawe kuririmba indirimbo 6 icyarimwe maze, benshi barizihirwa mu buryo bukomeye. Mu ndirimbo zuzuye ubuhanga zinafite amajwi menshi (Mass vocals), Umuseke yashimishije abitabiriye igitaramo cya Shekinah.

Korali Umuseke yatunguye benshi ubwo yari ihawe umwanya wo kuriimba. Samuel, umuyobozi w’indirimbo yagize ati: “Tugiye kuririmba iyi ndirimbo umuntu uri bufashwe aze adufashe”. 

Mu buryo butunguranye yahise atera indirimbo “Ntawe muhwanye” ya Korari Shekinah, maze Shekinah inanirwa kwiyumanganya ihita ihaguruka ifatanya nabo kuyiririmba.

Perezida wa Shekinah Choir, Bwana Erneste NYETERA, yatangaje ko iki cyumweru bari bafite intego bise “Ukwihana kuzana guhembuka”, cyatanze umusaruro ugaragarira buri were. Yagize ati: “Umusaruro uvuye muri iki cyumweru twakozemo ivugabutumwa ni ukuri wagaragariye buri wese”

Perezidante wa Umuseke Choir, Uwase Grace, yabwiye itangazamakuru ko mu 2022 bagize gahunda nyinshi basura amatorero menshi mu Rwanda ariko uyu mwaka bagabanyije ingendo kuko bahugiye mu yindi mirimo yo kwitoza no gukora ibihangano byinshi kandi kandi bigezweho.

Shekinah Choir niyo yateguye iki giterane igitumiramo Umuseke choir

Iki gitaramo cyitabiriwe bikomeye gihembura benshi

Korali Umuseke yeretswe urukundo rwinshi

Ubwitabire bwari ku rwego rwo hejuru

Shekinah Choir iri mu makorali akunzwe cyane muri Kigali

Umuseke Choir yakoreye agashya Shekinah Choir

Perezida wa Shekinah Choir avuga ku migendekere y’igitaramo cyabo, hano yari kumwe na Nelson Mucyo wa Paradise Tv

Iki gitaramo cyaranzwe no guhimbaza Imana mu buryo bukomeye

AMAFOTO: Benju Photography

Uyu mukino 'Hate Radio' 'Radio y'Urwango' umaze kwerekanwa mu bihugu biri hagati ya 30 na 40, ariko umaze gukinwa inshuro zirenga 300 ku Isi.

Ni umukino wakiriwe neza cyane ku Isi. Wagize ibigwi n’ibihembo aho wagiye ugaragazwa, nko mu maserukiramuco akomeye wanyuzemo.

‘Hate Radio’ uri mu mikino iba itegerejwe cyane aho ugiye gukinirwa hose. Nko mu Bwongereza aho uzerekanirwa nyuma y’iminsi itanu werekaniwe mu Rwanda amatike yamaze gushira, ni mu gihe mu Rwanda, kwinjira ari ubuntu.

Mu buto bwe, 'Atome' yabaye umusirikare wa RPF Inkotanyi ubwo yari afite imyaka 17. Nyuma aza kwiga ibijyanye no gukina amakinamico.

Muri uyu mukino ‘Hate Radio’ akina mu mwanya w’umunyamakuru ‘Kantano Habimana’, wamenyekanye cyane kuri RTLM.

Asubiza ikibazo cy’umunyamakuru wa InyaRwanda, Atome yavuze ko nk’undi wese byamugora kumva uburyo yatoranyijwe gukina mu mwanya wa ‘Kantano’, kuko yakuze ari umusirikare yumva uburyo uyu mugabo yenyegeje umugambi wa Jenoside mu buryo bwari bwuzuye gushyenga ariko azi icyo agamije.

Yavuze ati 'Hanyuma kuko naje kwiga iby’ikinamico, nk’umukinnyi w’amakinamico na filime mu bo nzakina cyera nkumva nzakina ‘Kantano’ niyumviraga ubwanjye ndi umusirikare atubwira ko baduhumbahumbye, avuga ko dufite imirizo n’ibiki byose. Ntabwo nifuza(ga) ngo yewe uwazampa gukina Kantano ariko nanone nishimira kumukina.”

Atome yavuze ko nk’umukinnyi wabigize umwuga, udahitamo uwo uzakina n’ibyo uzakina. Akavuga ko iyo asabwa gukina yogeza Kantano atari kubikina, ariko ‘gusabwa gukina Kantano muri uwo murongo w’amateka utagamije kumwogeza no kogeza RTLM ahubwo ugaragaza amahano n’ishyano RTLM yariryo…. nakoresha ijambo biranshimisha. Numva ndi aho nkwiye…”

Yavuze ko umukinnyi w’umwuga aba yiteguye gukina umwanya(role) uwo ari wo wose yahabwa, n’ubutumwa ubwo ari bwo bwose yasabwa gutambutsa. Ariko nanone kuba akina mu mwanya wa Kantano ‘Biraremereye sinakubeshya.'

'Atome' avuga ko atigeze atekereza guhura na ‘Kantano’ kugira ngo agire byinshi amubaza, ariko avuga ko hari amakuru avugwa ko uyu mugabo yaba yarapfiriye mu nkambi z’impunzi mu cyahoze ari Zaïre. Ashimangira ko bakimara kumusaba gukina muri uyu mukino, atashidikanyije.

Uyu mukino ugaragaza uruhare rwa Radio RTLM muri Jenoside yakorewe Abatutsi, ariko unagaragaza uburyo bwo kwirinda ivangura.

Muri rusange, ugaragaza amateka y'itangazamakuru muri Jenoside yakorewe Abatutsi, na 'Radio Rutwitsi 'RTLM'.

Atome avuga ko muri iki gihe hari ibitangazamakuru byinshi, bityo urubyiruko rukwiye gutozwa uburyo bashungura ibyo bareba n'ibyo basoma, 'kuko n'ibindi byatangiye bisa n'imikino'.

Ni umukino witezweho gufasha benshi mu rubyiruko gusobanukirwa neza amateka y’u Rwanda, no kumenya uburyo RTLM yakanguriye ubwicanyi.

Mu Mujyi wa Kigali, uyu mukino uzakinwa ku wa 8, 9 na 10 Mata 2023, ariko imyanya yo ku itariki ya 8 yamaze gushira.

Mu busanzwe uyu mukino ntujya urenza imyanya 400, ariko kubera ko ari ubwa mbere ugeze mu Rwanda, hatekerejwe uburyo uyu mukino wazagera ku bantu 600.

Si ubwa mbere Atome yari akinnye ku mukino nk’uyu ushingiye kuri Jenoside yakorewe Abatutsi, kuko mbere y’aho yari yakinnye mu mukino witwa ‘Rwanda 1994’ umara amasaha 5. Yanakinnye mu mukino 'Carte d’identité.

Uyu mukino watangiye gutegurwa ku gitekerezo cy’umuryango IIPM w’Abadage. Ni igitekerezo cyatangijwe kandi gishyirwa mu bikorwa na Milo Rau afatanyije na Jens Diethrich.

Aba bagabo bombi ni inshuti z’igihe kirekire. Igihe kimwe bakurikiranye amateka asharira y'u Rwanda yagejeje kuri Jenoside yakorewe Abatutsi, baza kumva uburyo Radio RTLM yabibye urwango mu Banyarwanda, ikangurira Jenoside yifashishije indirimbo n’ibindi bikorwa byafashije kwenyegeza umugambi wa Jenoside.

Ibi byabahaye gutekereza gukora umukino wihariye bise ‘Hate Radio’, ushushanya uburyo iyi Radio yakoze icengezamatwara rya Jenoside.

Bombi baje mu Rwanda batangira gukora ubushakashatsi, bajya ku Urwibutso rwa Jenoside rwa Kigali, bahura n’abarokotse Jenoside ndetse banakoze uko bashoboye bahura na bamwe mu bagize uruhare muri Jenoside. Bivamo uyu mukino batangiye kwerekana mu bihugu bitandukanye byo ku Isi.

Uyu mukino uzakinirwa i Huye, ku wa 4-5 Mata 2023 muri Kaminuza y'u Rwanda Ishami rya Huye, aho bizajya bitangira saa kumi (4Pm) ariko amarembo y’aho bizajya bibera bizajya bitangira saa munani z’amanywa (2PM).

Uyu mukino kandi uzakinirwa i Kigali, ku wa 8-9 Mata 2023, muri Kigali Convention Center. Imiryango izafungurwa saa kumi n’imwe (5PM), naho gutangira ni saa moya z’ijoro (7Pm). Uzakinwa mu rurimi rw’Igifaransa, Icyongereza ndetse n’Ikinyarwanda.

'Atome' yavuze ko gukina mu mwanya wa 'Kantano Habimana' 'bishimishije' ariko kandi 'biremereye' 

'Atome' yavuze ko bari batekereje kwerekanira uyu mukino i Rubavu kugira ngo ugere ku baturage bo muri Congo bari mu ntambara, aho abavuga Ikinyarwanda bibasiwe muri iki gihe 

Sebastien Foucault uri mu bateguye uyu mukino, avuga ko yigeze guhura n’umwe mu banyamategeko bunganiye umwe mu bakoze Jenoside mu rwego rwo gutegura neza uyu mukino 

Eric Ngangare wakinnye muri uyu mukino ugaragaza mu buryo burambuye ukuntu Radio RTLM yagize uruhare rukomeye mu icengezamatwara mu gihe cya Jenoside yakorewe Abatutsi 

Jens Diethrich wagize uruhare mu gutegura no gutunganya uyu mukino ugiye kwerekanirwa mu Rwanda

Bwanga Pili Pili, umunya-Repubulika Iharanira Demokarasi ya Congo (RDC), ukina mu mwanya w'umunyamakuru Valérie Bemeriki wamenyekanye kuri RTLM

Umuyobozi wa Africa in Colors, Raoul Rugamba wayoboye ikiganiro n'itangazamakuru cyagarutse ku mukino 'Hate Radio' ugiye gukinwa ku nkunga y'abarimo Minisiteri y’Ubumwe bw’Abanyarwanda n’Inshingano Mboneragihugu (Minubumwe)

Kuri uyu wa Mbere tariki 3 Mata 2023, kuri Kigali Convention Center habereye ikiganiro n'itangazamakuru cyagarutse birambuye ku mvano y'umukino 'Hate Radio' 

Uyu mukino uzakinirwa i Huye n’i Kigali, bakomereze i London mu Bwongereza

Kanda hano urebe andi mafoto

AMAFOTO: Ndayishimiye Nathanael-INYARWANDA.COM