Author: webrwanda

Amakuru aturuka mu Bufaransa aravuga ko Lionel Messi yiteguye guhindura ibitekerezo maze akava muri Paris Saint-Germain muri iyi mpeshyi.

Amasezerano y'uyu munyabigwi ararangirana n'uyu mwaka w'imikino,ndetse ngo PSG yifuzaga kumuha undi mwaka umwe nubwo ngo yamusabye kugabanya umushahara.

Mu gikombe cy'isi cyabereye muri Qatar mu mwaka ushize,Messi w'imyaka 35 yafashije Argentine kwegukana igikombe bituma benshi babona ko agikomeye.

Ise wa Messi witwa Jorge yabwiye Perezida wa PSG, Nasser Al-Khelaifi ko Lionel yemeye kuguma muri iyi kipe gusa ngo uyu mukinnyi yaba yamaze kwisubiraho ashaka kwigendera.

Nk'uko ikinyamakuru cyo mu Bufaransa L'Equipe kibitangaza, Messi n'iyi kipe 'bari hafi yo gutandukana', uyu mukinnyi akerekeza ahandi uyu mwaka w'imikino urangiye.

Ibiganiro byabaye mu byumweru bishize, byarangiye izi mpande zombi zitabashije kumvikana.

Umuryango w'uyu mukinnyi urashaka gusubira muri FC Barcelona, ​​aho yamaze ubuzima bwe bwose mbere yo kwimukira i Paris muri 2021.

PSG yasabye Messi kugabanya umushahara we 25 % kuri miliyoni 25.6 z'amapawundi ahembwa buri mwaka kugira ngo itazahabwa ibihano bya Financial Fair play.

Messi nawe ngo arasaba guhabwa icyizere cy'umutoza n'abakinnyi bashya bazagura mu mpeshyi gusa PSG ntiyemeye kumumara impungenge.

Messi ngo arambwiwe kwikorezwa ibyo kwitwara nabi kwa PSG isigaye itsindwa umusubirizo.

Abafana bamuvugirije induru mu mukino baheruka gutsindwa na Lyon mu rugo gusa umutoza wa PSG,Galtier yavuze ko aba bafana ari indashima kuko Messi amaze kubatsindira ibitego 17 anatanga imipira 17 yavuyemo ibitego.

Ikipe ya FC Barcelona yarahiye ko yifuza kugarura Lionel Messi kuri Camp Nou mu mpeshyi ndetse ibiganiro byaratangiye.

Source : https://umuryango.rw/imyidagaduro/imikino/article/lionel-messi-agiye-gutandukana-n-ikipe-ya-psg

Perezida Paul Kagame yakiriye mu biro bye Village Urugwiro mugenzi we wa Kenya Dr Willam Ruto, uri mu ruzinduko rw'akazi mu Rwanda kuri uyu wa Kabiri tariki 04 Mata 2023.

Umukuru w'Igihugu yakiriye Ruto nyuma y'igihe gito atangiye uruzinduko rw'akazi rw'iminsi ibiri mu Rwanda rugamije gutsura umubano w'ibihugu byombi.

 Yakiriwe ku Kibuga cy'Indege na Minisitiri w'Ububanyi n'Amahanga, Vincent Biruta, akomereza muri Village Urugwiro.

Muri uru ruzinduko byitezwe ko hasinywa amasezerano atandatu ari mu ngeri zirimo ubufatanye mu ikoranabuhanga, ubuzima, guteza imbere urubyiruko, guteza imbere amakoperative, imikoranire hagati y'inzego zishinzwe igorora n'ubufatanye mu bya dipolomasi.

Usibye gusinya amasezerano, byitezwe ko Perezida Kagame na William Ruto bagirana ikiganiro n'abanyamakuru.

The post <strong>Perezida Kagame yakiriye mugenzi wa Kenya</strong> appeared first on FLASH RADIO&TV.

Source : https://flash.rw/2023/04/04/perezida-kagame-yakiriye-mugenzi-wa-kenya/?utm_source=rss&utm_medium=rss&utm_campaign=perezida-kagame-yakiriye-mugenzi-wa-kenya

Perezida wa Kenya William Ruto, yageze mu Rwanda mu ruzinduko rw'akazi rw'iminsi ibiri rugamije gutsura umubano w'ibihugu byombi.

Akigera ku kibuga mpuzamahanga cya Kigali I Kanombe, Perezida Ruto yakiriwe na Minisitiri w'Ububanyi n'Amahanga w'u Rwanda Dr.Vincent Biruta.

Ni uruzinduko rwe rwa mbere kuva yatorerwa kuyobora Kenya muri Kamena 2022.

The post Perezida Ruto yageze mu Rwanda appeared first on FLASH RADIO&TV.

Source : https://flash.rw/2023/04/04/perezida-ruto-yageze-mu-rwanda/?utm_source=rss&utm_medium=rss&utm_campaign=perezida-ruto-yageze-mu-rwanda

Source : http://isimbi.rw/siporo/article/lionel-messi-yakomerewe-n-abakunzi-ba-psg

Perezida w’ishyirahamwe ry’umupira w’amaguru mu Rwanda, Nizeyimana Mugobo Olivier yabujije komisiyo y’ubujurire gutangaza umwanzuro ku kibazo cya Intare FC na Rayon Sports batarakorana inama.

Iyi komisiyo iba yarakiriye iki kirego ku wa Gatandatu w’icyumweru gishize ariko basanga hari amakuru badafite basaba Intare FC na Rayon Sports kugaruka ku wa Mbere tariki ya 3 Mata 2023.

Ejo hashize ku wa Mbere tariki ya 3 Mata 2023 aya makipe yitabye aherekejwe n’abanyamategeko ba yo ariko birangira kumvikana byanze Komisiyo ibasaba gutaha ibabwira ko iri bubamenyeshe umwanzuro.

Amakuru ISIMBI yamenye ikesha bamwe mu bari mu cyumba aho baburaniye ni uko hagaragaye kujya impaka nyinshi cyane nyuma yo kutumvikana ku ngingo zimwe na zimwe.

Intare FC ivuga ko batakabaye bajya muri izi mpaka kuko ukurikije amategeko Rayon Sports yamaze gusezererwa mu irushanwa.

Intare FC ishingira ku kuba tariki ya 8 Werurwe 2023 umunsi wagombaga gukinwaho umukino ugasubikwa na FERWAFA, yamenyesheje Rayon Sports ko bitarenze saa 12h igomba kuba yamenyesheje aho izakirira uyu mukino wari washyizwe tariki ya 10 Werurwe, aho kubikora yahise isezera mu irushanwa.

Ku ruhande rwa Rayon Sports yongeye kugaragaza ko yasezeye kubera ibitari bimeze neza byari bibabangamiye, nyuma y’ibiganiro bimaze gukemuka bagaruka mu irushanwa kandi ko nubwo basezeye amategeko atagaragaza uko uwasezeye yagaruka mu irushanwa.

Iyi Komisiyo yasabye umwanya wo kwiherera ikaza kubamenyesha umwanzuro ku mugoroba w’ejo hashize.

Amakuru avuga ko iyi Komisiyo imaze kwiherera yafashe umwanzuro ko Rayon Sports iterwa mpaga kuko itubahirije amategeko, ibibazo byose byavutse ariko yo yamaze kwica amategeko. Aho uretse kudatanga ikibuga na none yakwandikirwa imenyeshwa ko gusezera mu gikombe cy’Amahoro kwa yo byemejwe.

Mu gihe intare FC na Rayon zari zitegereje umwanzuro, perezida wa FERWAFA yasabye iyi Komisiyo kudatangaza uyu mwanzuro bakabanza bagakorana inama.

Iyi nama ikaba yari iteganyijwe mu gitondo cyo kuri uyu wa Kabiri tarikiya 4 Mata 2023 kuri FERWAFA, hategerejwe kureba niba ishobora.

Imvo n’imvano y’ikibazo cya Rayon Sports n’Intare FC

Nyuma y’uko umukino ubanza wa 1/8 mu gikombe cy’Amahoro Rayon Sports yatsinze Intare FC 2-1, umukino wo kwishyurwa washyizwe tariki ya 8 Werurwe kuri Stade Muhang, waje kwimurwa habura amasaha 24 (kuko iyo tariki hagombaga kubera ibirori byo kwizihiza umunsi w’abagore) ugashyirwa i Bugesera maze Intare na zo zirabyanga zivuga ko amasaha arimo atari ahagije kugira ngo umukino wimurwe.

Ku wa Gatatu (tariki ya 8 Werurwe) Rayon Sports yitegura kujya ku kibuga ni bwo yandikiwe na FERWAFA iyimenyesha ko umukino washyizwe ku wa Gatanu tariki ya 10 Werurwe kubera ko hari kubera imikino 2 kandi bishoboka ko bari kugera mu minota y’inyongera hakanaterwa penaliti kandi iki kibuga nta matara gifite. Rayon Sports na yo ihita yandika isezera mu irushanwa.

Nyuma yo kuganira na FERWAFA, Rayon Sports yatangaje ko ibyari bibabangamiye byakemutse yemeye kugaruka mu irushanwa.

Ku wa Gatandatu w’icyumweru gishize tariki ya 25 Werurwe 2023, FERWAFA yatangaje ko uyu mukino uzaba ku wa Mbere tariki ya 27 Werurwe 2023 mu Bugesera saa 15h00′.

Intare zikaba zarateye utwatsi iki cyemezo zafashe nk’agasuzuguro, zandikira FERWAFA ziyimenyesha ko mu gihe cyose zitamenyeshejwe impamvu uyu mukino utabaye itariki yari iteganyijwe, zititeguye kuwukina ahubwo FERWAFA yazaba ari yo ikina na Rayon Sports.

Iti “Twasanze iby’umukino uteganyijwe mu ibaruwa no137/FERWAFA/2023 twe bitatureba, kuko inama zose zijyanye na wo nta n’imwe twatumiwemo, impande zitabiriye zikaba ari zo zizawukina.”

FERWAFA yahise ikuraho uyu mukino maze ikibazo igishyira muri Komisiyo y’Ubujurire ari na yo irimo kugikurikirana.

Niyonzima Olivier ari mu nama na Komisiyo y’Ujurire

Source : http://isimbi.rw/siporo/article/perezida-wa-ferwafa-yaba-ari-we-ugiye-gufata-umwanzuro-ku-kibazo-cy-intare-fc-na-rayon-sports

Ubwo hatangazwaga iki cyemezo, Intumwa Nkuru ya Leta Australie, yavuze ko byatewe n'uko iki gihugu kimaze iminsi gifite impungenge ko u Bushinwa bwaba bukoresha TikTok mu kuneka ibindi bihugu.

Yavuze ko gukura TikTok mu bikoresho by'ikoranabuhanga bya leta ari inama bagiriwe n'urwego rishinzwe ubutasi muri Australie.

Australie ifashe iki cyemezo ikurikira ibindi bihugu birimo Leta Zunze Ubumwe za Amerika, u Bwongereza, Canada, u Bufaransa n'u Buholandi nabyo byahagaritse gukoresha TikTok.

Urubuga rwa TikTok rusanzwe rukorera mu Bushinwa rushinjwa kuba rukorana na Leta y'iki gihugu mu gutanga amakuru y'abarukoresha kugira ngo abe yakwifashishwa mu butasi.

Ibi birego byatumye mu cyumweru gishize, Umuyobozi wa TikTok, Shou Zi Chew, yitaba Sena ya Leta Zunze Ubumwe za Amerika.

Shou Zi Chew yavuze ko ibyo TikTok ishinjwa ari ibinyoma kuko ari ikigo cyigenga kidafite aho gihuriye na Leta y'u Bushinwa. Yashimangiye ko umutekano w'amakuru y'abakoresha uru rubuga nkoranyambaga ucunzwe neza kandi hari kugenda hakorwa ibishoboka byose kugira ngo urusheho kwizerwa.

Source : https://umuryango.rw/imyidagaduro/article/igihugu-cya-australie-cyahagaritse-ikoreshwa-rya-tiktok-ku-mpamvu-zitangaje

Intumwa z'ishyaka riri ku butegetsi mu Burundi, CNDD FDD, zikubutse mu nama rusange y'ishyaka riri ku butegetsi mu Rwanda, FPR, inama yizihizaga imyaka 35 FPR imanza ishinzwe.

Muri iyo nama kandi habayemo n'amatora y'ubuyobozi bw'iryo shyaka rya FPR, aho Paul Kagame yongeye gutorerwa kuyobora iryo shyaka n'amajwi asaga 99 kw'ijana.

Kuva mu 2015 umubano utameze neza hagati y'u Burundi n'u Rwanda, ni ubwa mbere ishyaka riri ku butegetsi mu Burundi ryohereje intumwa kurihagararira mu nama ya FPR Inkotanyi. Perezida w'u Burundi yageze naho yita u Rwanda igihugu cy'umwanzi.

Izo ntumwa z'ishyaka rya CNDD FDD zari ziyobowe na Cyriaque Nshimirimana, icyegera cy'umunyamabanga mukuru wa CNDD FDD.

Uyu yabwiye BBC ko umubano w'ibihugu byombi ari ntamakemwa kuko abaturage basurana Ati “Imipaka irafunguye,abayobozi barasurana,umubano wacu umeze neza.”

Uyu yahakanye ko abo muri CNDD FDD mu minsi ishize bavugaga amagambo akarishye ku Rwanda ati “ibyo ni wowe ubivuze twebwe ntabyo tuzi.Icyo twahoze tuvuga nuko Abanyarwanda ari abaturanyi tugomba kubana neza.

Iyo abavandimwe bagiranye ikibazo ntawe ubajya hagati,baracyikemurira.Niba twaragiranye ikibazo n'abavandimwe tukacyikemurira,nta kibazo.”

Abajijwe ku magambo Perezida w'u Burundi yavuze ko u Rwanda ari umwanzi w'u Burundi uyu yagize ati 'ikibazo ni icyanyu mwe abanyamakuru kuko murarema.Ibibazo ni mwe mubifite.

Ibyo ni ibibazo by'abanyamakuru icyo si ikibazo cya leta y'u Burundi n'iy'u Rwanda.”

Uyu yavuze ko umubano w'ibihugu nta gatotsi karimo ndetse nibyo u Burundi bwari bwasabye byo kohereza abashatse guhirika ubutegetsi muri 2015 bari mu Rwanda bitakiwukoma mu nkokora.

Perezida Kagame asoza ijambo rye ku cyumweru,tariki ya 02 Mata 2023,yashimiye CNDD FDD kuba yitabiriye ubutumire bayihaye,avuga ko nbo nibabakenera bazaboneka.

Source : https://umuryango.rw/amakuru/mu-mahanga/politiki/article/intumwa-nkuru-ya-cndd-fdd-mu-nama-ya-fpr-inkotanyi-yavuze-ku-mabano-w-u-rwanda

Urubuga rwa Instagram kuri ubu rumaze kwanikira izindi mbuga nkoranyambaga gukoreshwa ku rwego rwo hejuru aho magingo aya uru rubuga rumaze kugira abayoboke barenga 2 biliyoni z'abakoresha uru rubuga , uyu munsi twabateguriye urutonde rw' bamwe mu banyarwandakazi n'abanyarwanda bakurkirwa n'abantu benshi ku rukuta rwabo rwa Instagram..

Imbuga nka Facebook,TikTok, Twitter, Pinterest na Snapchat ziri mu zikoreshwa n'abantu benshi gusa Instagram niyo ikunzwe cyane gukoreshwa n'ibyamamare, bikurikirwa n'abakunzi batandukanye baba bakeneye kumenya ubuzima babayemo.

Ibyo ukoresha izi mbuga ashyiraho, ibikorwa bye bya buri munsi, nibyo bituma hari abantu benshi bamukurikira. UMURYANGO wabakoreye urutonde rw'abantu 10 bakurikirwa cyane kuri Instagram mu Rwanda.

1. Shaddy Boo
ShaddyBoo niwe munyarwandakazi uyoboye abandi kuri uru rubuga rwa Instagram aho akurikirwa n'abarenga Miliyoni. Azwiho kuba agirana ibihe byiza na bamwe mu bahanzi b'ibyamamare bagenderera u Rwanda barimo Diamond Platnumz, Davido n'abandi.

Muri 2016 yaravuzwe cyane ku mbuga nkorambaga bitewe n'imvugo 'odeur ya Ocean' yakoresheje mu kiganiro ku yahoze ari Royal TV. Ari mu bakoresha imbuga nkoranyambaga cyane cyane Instagram aakab ari nawe uyoboye abandi bose mu Rwanda aho akurikirwa n'abantu ibihumbi 305. Ibyo akunze gusangiza abamukurikira ni amafoto n'amashusho atandukanye yiganjemo amugaragaza ari kubyina acugusa amabuno, ari mu byumba bya hoteli zitandukanye, mu tubari n'inshuti n'andi amugaragaza nk'umugore ubayeho mu buzima buhenze.

2.Meddy
Ngabo Medard uzwi nka Meddy ni umuhanzi w'umunyarwanda uba muri Leta Zunze Ubumwe Z'Amerika. Kuva yatangira kumenyekana muri 2009 yakunzwe n'abantu batari bake biganjemo igitsina gore bitewe n'ijwi rye. Kuri akurikirwa n'abantu bagera ku bihumbi 905. Ku rukuta rwe rwa Instagram.

3.The Ben
Mugisha Benjamin uzwi nka The Ben nawe ari mu gatebo kamwe na Meddy (bose bakorera umuziki muri Amerika) ndetse nawe ijwi n'igihagararo bye byahogoje umubare munini w'abakobwa. Benshi bamukundira uburyo yicisha bugufi ku buryo bukomeye. Akurikirwa n'abantu 753 akaba akunze kubereka ibijyanye n'ibikorwa bye bya muzika. Kuri ubu ari mumunyenga w'urukundo na Miss Uwicyeza Pamella bitegura kurushinga mu minsi ya vuba.

4.Kate Bashabe
Kate Bashabe kuri instagram akoresha izina rya Katepyt. Ni umukobwa w'ikimero dore ko yabaye Miss MTN mu mwaka wa 2010 ndetse no muri 2012 aba Nyampinga wa Nyarugenge. Ni rwiyemezamirimo, afite iduka ricuruza imyenda n'imitako rya Kabash fashion House.

Kuri Instagram akurikiwe n'abantu ibihumbi 646. Abamukurikira bakunze kubona amafoto ye amaneshi aba yamamaza imyenda icuruzwa mu iduka rye, amashusho ye ari mu myitozo ngoraramubiri, ari mu ndege, cyangwa mu bihugu bitandukanye bya kure cyane cyane muri Leta Zunze Ubumwe Z'Amerika n'Ubufaransa.

5.Miss Mutesi Jolly

Miss Mutesi jolly uza kwisonga mu bakobwa Bambara neza bakaberwa yabaye nyampinga w'u Rwanda muri 2016, ni umwe mu bakobwa bakurikirwa cyane kumbuga nkoranyambaga ndetse aza no mubakobwa bavuga rikijyana mu Rwanda.

Kuri ubu akurikirwa n'abantu ibihumbi 627 ku rukuta rwe rwa Instagram.

6..Butera Knowless
Butera Ingabire Jeanne (Knowless) ni umugore w'umuririmbyi umaze kubaka ibigwi mu muziki wo Rwanda. Ashyirwa mu bahanzikazi ba mbere mu Rwanda bafite uburanga buhebuje. Akurikirwa n'abantu ibihumbi 670. Akunze gushyiraho amafoto ye, ay'umugabo n'umwana (ntiyerekana isura), inshuti zabo n'andi agaragaza ibikorwa bye bya muzika.

7.BRUCE MELODIE
Uyu muhanzi w'imyaka 32 y'amavuko, avuga ko iyi myaka ya Bruce Melodie ari iy'ibikorwa by'indashyikirwa akamwifuriza gukomeza gutsitara amano mu rugendo rwe rw'umuziki.

Kuri ubu akurikirwa n'abantu ibihumbi 845 ku rukuta rwe rwa Instagram , sibyo gusa kandi n'umuhanzi ukunzwe na rubanda nyamwishi.

8.Sandrine Isheja
Sandrine Isheja asanzwe ari umunyamakuru w'imyidagaduro kuri Kiss FM , akaba kandi ari umushyushyarugamba , n'umubyeyi w'abana 2 babahungu akurikirwa n'abantu ubihumbi 473 .

9.Anita Pendo
Anita Pendo ni umunyamakurukazi wa RBA, akaba Umu-DJ n'umushyushyarugamba ukundwa n'abatari bake, bitewe n'amashagaga aba afite imbere y'imbaga. Uyu mugore wabana 2 akurikirwa n'abantu ubihumbi 568. Akunze gusangiza abakunzi amafoto atandukanye , imirongo yo muri Bibiliya, amagambo yavuzwe n'abandi, amafoto n'amashusho asekeje.

10.Sibomana Emmanuel (Uzwi nka Patrick mu kinamico Urunana).

Ku myaka 38 y'amavuko Sibomana Emmanuel uzwi nka Patrick mu runana ari mubanyarwanda 3 bakurikirwa n'abagera kuri Miliyoni kurukuta rwe rwa Instagram.

Nubwo atavugwaga cyane mu itangazamakuru, we ubwe ni itangazamakuru kuko uretse kuba ari n'umunyamakuru ni umukinnyi w'ikinamico urunana inyura kuri Radio Rwanda na BB Gahuzamiryango.

Mu kiganiro aheruka kugira The Choice live yahishuye ko yahishuye ibanga yakoresheje kugirango akurikirwe n'abantu benshi batandukanye ndetse n'inyungu akura ku kuba afite abamukurikirana benshi ku rubuga rwa Instagram. Sibomana Emmanuel yatubwiye ko ubuzima bwo kwamamara yabutangiriye kuri Radio nyinshi yagiye akoraho.

Yagize ati:”Natangiye kuvugira kuri Radio mu mwaka wa 2007 icyo gihe hari kuri radio Salus ariko ntabwo nakoragaho nk'umunyamakuru w'ibihe byose ahubwo kwari kwishimisha no kwimenyereza nk'umuntu urikunda” .

Akomeza avuga ahandi hose yakoze nk'umunyamakuru harimo Radio TV 10 mu mwaka wa 2014, Hot Fm mu mwaka wa 2016, Radio na Television Isango Star, ndetse akora no ku Isibo TV akora ibyegeranyo Isoko y'ubwamamare.

Uretse kandi kuba yarabaye umunyamakuru, Sibomana Emmanuel yigaruriye imitima y'abantu ubwo yinjiraga mu bakinnyi b'ikinamico Urunana aho akina yitwa Patrick akaba yarahereye mu mwaka wa 2012.

Ati ” Natangiye kera ndi umwana nkunda urunana njya kuvumba mu baturanyi radio, mu mwaka wa 2010 nibwo nanditse nsaba gukina mu runana bansubiza nyuma y'imyaka ibiri, hanyuma nkora ikizamini ndagitsinda ntangira gukina mu runana gutyo”.

Mu mwaka wa 2017, nibwo Sibomana yahawe amahugurwa y'ukuntu ikoranabuhanga cyane cyane imbuga nkoranyambaga zakoreshwa neza zikabyarira inyungu uzikoresha.

Sibomana Emmanuel yavuze ko ibanga yakoresheje nta rindi ari kuba yarabyize ndetse no gufashanya buri wese akerekera mugenzi we icyo ashoboye.

Ati “ibanga rya mbere nakoresheje ni ukubyiga nkamenya uko imbuga nkoranyambaga zikora, igihe cyo kugira icyo ushyira kuri izo mbuga nkoranyambaga”

Akomeza avuga ko hari ubundi buryo yakoresheje bwatumye abantu bamenya ko afite konti ya Instagram ndetse no gutuma abantu benshi bayimenya.

Ati ” ubundi buryo nakoresheje ni Hashtag, gushyira ku mbuga nkoranyambaga ibintu biryoheye ababibona, nakoresheje imipira yariho ibirango bya Instagram yange nkayiha abantu bakajya bayambara uwo bahuye akifuza kumenya uwo ndiwe”.

Imbogamizi Sibomana Emmanuel yahuriye nazo mu kwiteza imbere abikesha imbuga nkoranyambaga.

Sibomana yavuze ko hari byinshi bimubera imbogamizi ku mbuga nkoranyambaga aho hari abashaka kumushora mu butinganyi, abashaka ko konti ye bayifunga ndetse n'izindi nyinshi.

Ati “iyo umaze kugira abagukurikirana benshi, hari abahita bashaka kugushora mu ngeso zitari nziza, hari ubutumwa bwinshi nakiriye bwansabaga ko najya mu butinganyi”

Akomeza agira ati “uretse n'ibyo, hari abansebya kuko maze gutera imbere ndakeka wabibonye ko barimo bavuga ko ari abahinde bakurikirana gusa, hari n'abashaka kwinjira kuri konti yange ngo bayifunge”

Avuga ku kibazo cy'abavuga ko abamukurikirana afite yabaguze, yemeje ko atabagura akurikije n'ubumenyi afite.

Ati “sindusha amafaranga ba Meddy na The Ben, sinyarusha bano batwika, kandi ntabwo nabona amafaranga yo kugura abamukurikirana kuri Instagram. Ababivuga ni ukubima amatwi nkakora ibinteza imbere”

Yakomeje avuga ko kandi uretse izo mbogamizi ziri rusange, izindi ahura nazo we ku giti cye harimo nk'ibikoresho bicye, abamamaza batari bamenya agaciro k'imbuga nkoranyambaga.

Ni izihe nyungu Sibomana Emmanuel akura ku mbuga nkoranyambaga.

Sibomana Emmanuel avuga ko imbuga nkoranyambaga zimutunze ndetse zikamufasha gukemura ibibazo bye bya buri munsi.

Ati “Imbuga nkoranyambaga niho nkura ubuzima bwange bwa buri munsi, amafaranga yo kuntunga, ayo kwishyura inzu, ndetse n'andi yose nkenera. Ku mbuga nkoranyambaga niho nkura ubuzima bwange bwa buri munsi.”

Sibomana Emmanuel agira abantu inama cyane cyane urubyiruko gukoresha imbuga nkoranyambaga mu bibinjiriza gusa aho kuhatwikira kandi bitinjiza.

Indi nama ya Sibomana Emmanuel ni ukwirinda no kunonosora ibyo abantu bandika ku mbuga nkoranyambaga zabo.

Source : https://umuryango.rw/imyidagaduro/article/patric-wo-mu-runana-ayoboye-urutonde-rw-ibyamamare-nyarwanda-10-bikunzwe-cyane

Uwitwa UWINEZA Claudine yasabye guhindura amazina mu buryo bwemewe n'amategeko akitwa MWIHOREZE CLAUDINE mu bitabo by'irangamimerere.

Impamvu atanga zituma asaba guhindura amazina akaba ari uko ari amazina ari kuri passport.

Source : https://umuryango.rw/amatangazo/article/itangazo-uwineza-claudine-yasabye-guhindura-amazina-akitwa-mwihoreze-claudine-70419

Perezida wa Kenya William Ruto, aragera mu Rwanda mu ruzinduko rw'akazi rw'iminsi ibiri kuri uyu wa Kabiri tariki 4 Mata 2023.

Ni uruzinduko rugamije gutsura umubano w'ibihugu byombi.

Ni uruzinduko rwe rwa mbere kuva yatorerwa kuyobora Kenya mu mpera z'umwaka ushize wa 2022.

Ni uruzinduko rwe rwa mbere kuva yatorerwa kuyobora Kenya muri Kamena 2022.

Byitezwe ko aza kwakirwa n'Umukuru w'Igihugu muri Village Urugwiro, nyuma bombi baze kugirana ikiganiro n'abanyamakuru. Araza kandi gusura Urwibutso rwa Jenoside rwa Kigali ku Gisozi, anasure Carnegie Mellon University i Masoro.

Bivugwa kandi ko Perezida Kagame aza kwakira Ruto mu musangiro ku mugoroba wo kuri uyu wa Kabiri.

The post <strong>Perezida Ruto aragirira uruzinduko mu Rwanda</strong> appeared first on FLASH RADIO&TV.

Source : https://flash.rw/2023/04/04/perezida-ruto-aragirira-uruzinduko-mu-rwanda/?utm_source=rss&utm_medium=rss&utm_campaign=perezida-ruto-aragirira-uruzinduko-mu-rwanda