Author: webrwanda

Umugore ukomoka mu gihugu cya Liberia yatangaje ko ari we mama w'umukinnyi ukomeye cyane mu ikipe y'igihugu ya Cote D'Ivoire ndetse no mu ikipe ya FC Barcelona ubusanzwe wakuze atazi nyina umubyara.

Nancy Payne ukomeje kwiyitirira kuba umubyeyi wa Frank Kessie avuga ko yabyaranye n'umugabo wakomokaga mu gihugu cya Cote D'Ivoire wari utuye mu gace kitwa Sinoe muri Liberia gusa ngo nyuma uwo mugabo yaje gufata Frank Kessie hamwe n'undi mwana bari barabyaranye abajyana mu ishuri akaba ari nabwo aheruka kubaca iryera.

Uyu mugore witwa Nancy akomeza avuga ko yaje kumenya amakuru y'uko Frank Kessie na murumuna we berekeje ku mugabane w'i Burayi ngo akaba ariyo mpamvu akomeje gushakisha uruhindu uyu mukinnyi wa FC Barcelona ngo bahure.

Umukinnyi Frank Kessie w'umuhanga cyane mu kibuga hagati nta na rimwe arumvikana avuga kuri nyina umubyara ahubwo yavuze kuri Papa we anatangaza ko yakinnye umupira mu makipe atandukanye ndetse no mu ikipe y'igihugu ya Cote D'Ivoire nyuma akajya mu gisirikare ndetse akavuga ko Papa yapfuye yishwe n'uburwayi afite imyaka 11  y'amavuko.

Frank Kessie ku bantu bareba ruhago bakunze ku mubona yishimira igitego atera isari ntibamenye impamvu ngo burya abari guha icyubahiro Papa we umubyara witabye Imana akiri muto cyane gusa n'ubwo uyu mugore wo muri Liberia akomeje gukwirakwiza inkuru y'uko ari we Mama wa w'uyu musore we nta kintu arabivugaho.

Source : https://yegob.rw/iyo-ukize-baraza-hagaragaye-umubyeyi-uvuga-ko-ari-we-mama-wumukinnyi-frank-kessie/

Ikigo cyitwa Meta akaba ari nacyo kibarizwamo urubuga rukomeye cyane rwa What's App cyatangaje amakuru aryoheye amatwi ku bantu barukoresha uru rubuga mu buryo bwo koherezanya ubutumwa.

Meta kuri uyu wa mbere tariki 15 Gicurasi 2023 yatangaje uburyo bushya buzwi nka 'Chat Lock' buzajya bufasha cyane umuntu guhisha ubutumwa bumwe na bumwe yandikirana na bagenzi be ku rubuga rwa What's App ku buryo umuntu uzajya ashaka kubugeraho bizajya bimusaba umubare w'ibanga(password).

Ibi akaba ari bintu byiza cyane bigamije kurinda umutekano w'ubutumwa bw'abantu bakunze gusangira telefone n'abantu bagize imiryango yabo ndetse n'abakunzi babo nko ku bantu bashakanye umwe yashoboraga kwinjira mu biganiro wagiranye n'undi muntu bikaba byateza uruntu runtu gusa ubu bizajya bimusaba umubare w'ibanga (password).

Source : https://yegob.rw/amakuru-agezweho-ikigo-meta-cyatangaje-inkuru-nziza-ku-bantu-bose-bakoresha-urubuga-rwa-whats-app-bandikirana-ubutumwa-butandukanye/

Kuri uyu wa Kabiri tariki 16 Gicurasi 2023, nibwo Ishyirahamwe ry'umupira w'amaguru ku Isi FIFA, ryateye utwatsi ikirego cy'umunya Moroc Adil Erradi Mohammed wareze ikipe ya APR FC yamwirukanye mu kazi ko kuyitoza we avuga ko yirukanwe bitanyuze mu mucyo.

Mu kiganiro yagiranye na radiyo BB Umwezi, Adil Mohammed yavuze ko ikirego cyarangiye adateze kujurira ahubwo agiye gushaka indi kipe yabera umutoza.

Yagize ati 'Nibyo ikirego cyarangiye, APR FC ntacyo igomba, nanjye ntacyo nyigomba, ikirego cyarangiye.'

Ikipe ya APR FC yahagaritse Adil, tariki 15 Ukwakira 2022, imushinja guteza umwuka mubi no guhindanya isura y'iyi kipe y'Ingabo z'Igihugu.

Source : https://yegob.rw/nibyo-ikirego-cyarangiye-umutoza-adil-mohammed-yanyuzwe-nicyemezo-fifa-yafashe-ku-kirego-uyu-mutoza-yari-yarezemo-ikipe-ya-apr-fc/

Harmonize uherutse gukorana inditimbo na Bruce Melodie ari kuvumirwa ku gahera n'abantu bose ny'uma y'inkuru iteye agahinda yabaye kimomo

Harmonize n'umuhanzi wahoze ari inshuti ye magara H Baba ari kumushinja kwirirwa yigaragaza ku mbuga nkoranyambaga nyamara ubukene bunuma iwabo aho abavandimwe be bicira isazi mu jisho.

H Baba yabigarutseho nyuma yo kubona inkuru zimaze iminsi zivuga ko Harmonize yinjiye mu rukundo na Yolo The Queen, Umunyarwandakazi ukundirwa ikimero cye bivugwa ko agiye gutuma uyu muhanzi agura inzu i Kigali.

H Baba ushinja Harmonize kubaho mu buzima buhenze , ahamya ko atumva ukuntu Harmonize yaba afite amafaranga nk'ayo yirirwa avuga, abavandimwe be bakaba bicira isazi mu jisho kubona ibyo kurya ari ingorabahizi.

Source : https://yegob.rw/harmonize-uherutse-gukorana-indirimbo-na-bruce-melodie-ari-kuvumirwa-ku-gahera-nabantu-bose-nyuma-yinkuru-iteye-agahinda-yabaye-kimomo/

Burya abantu bagira uburyo butandukanye berekanamo urukundo bakundana, uyu musore we yahisemo kwambika impeta umukunzi we asinziriye kugirango amutungure.Umukobwa na we akangukira mu byishimo byinshi.

Uyu Mayorga yakoze agashya we atungura umukunzi we bari bararanye amwambika impeta yo kumusaba ko bazabana undi akangutse asanga yambaye impeta.

Bwana Michael Mayorga ukomoka Miami,Florida muri US,yahisemo uburyo bwihariye bwo gusaba umukunzi we Jamilah Williams ko yazamubera umugore gusa we yamwambitse impeta asinziriye,undi akanguka asanga ibyo yifuzaga biba impamo.

Mu butumwa Mayorga yasangije iyi nkuru nziza inshuti ze kuri Facebook ati 'Byari saa kumi n'imwe za mu gitondo.Hari hashize ibyumweru nibaza uko nzamubaza ikibazo…Uzi intambwe zanjye kandi uri umugore ugoye cyane gutungura.

Ariko urakanguka uhura n'urwenya,uhure no gutungurwa gutangaje…telefoni yawe iraba yuzuye ubutumwa bugushimira,impeta ku rutoki rwawe n'amafoto yawe usinziriye.SURPRISE!!! Ndaza kumubwira byose nakanguka.'

Uyu mukobwa yakangutse abona iyi mpeta arangije yandika ubutumwa bugira buti 'Yegoooo,Mana buri gihe urantangaza.Mana warakoze kunyoherereza uyu mugabo unkunda by'ukuri. Michael Mayorga ndagukunda cyane.'

Uyu Mayorga yakoze agashya we atungura umukunzi we bari bararanye amwambika impeta yo kumusaba ko bazabana undi akangutse asanga yambaye impeta.

Bwana Michael Mayorga ukomoka Miami,Florida muri US,yahisemo uburyo bwihariye bwo gusaba umukunzi we Jamilah Williams ko yazamubera umugore gusa we yamwambitse impeta asinziriye,undi akanguka asanga ibyo yifuzaga biba impamo.

Mu butumwa Mayorga yasangije iyi nkuru nziza inshuti ze kuri Facebook ati 'Byari saa kumi n'imwe za mu gitondo.Hari hashize ibyumweru nibaza uko nzamubaza ikibazo…Uzi intambwe zanjye kandi uri umugore ugoye cyane gutungura.

Ariko urakanguka uhura n'urwenya,uhure no gutungurwa gutangaje…telefoni yawe iraba yuzuye ubutumwa bugushimira,impeta ku rutoki rwawe n'amafoto yawe usinziriye.SURPRISE!!! Ndaza kumubwira byose nakanguka.'

Uyu mukobwa yakangutse abona iyi mpeta arangije yandika ubutumwa bugira buti 'Yegoooo,Mana buri gihe urantangaza.Mana warakoze kunyoherereza uyu mugabo unkunda by'ukuri. Michael Mayorga ndagukunda cyane.'

Source : https://umuryango.rw/ubuzima-115/udushya/article/ibyishimo-byamurenze-nyuma-yo-gukanguka-agasanga-umukunzi-we-yamwambitse-impeta

Icyemezo cyafashwe n'Akanama gashinzwe Uburenganzira bw'Abakinnyi n'Abatoza ku wa 9 Gicurasi 2023 kigaragaza ko iki kirego cy'impande zombi cyatewe utwatsi, ariko uruhande rwifuza kubona ibijyanye n'ibyagendeweho rusabwa kubisaba ndetse rukishyura bitarenze mu minsi 10.

Umunya-Maroc Adil Erradi ufite ubwenegihugu bwa Maroc yari yunganiwe n'Ikigo cy'Amategeko cya Global Sports Consulting mu gihe Umwunganizi wa APR FC yari Serge Vittoz.

Tariki 15 Ukwakira 2022, ni bwo ikipe ya APR F yahagaritse mu kazi Adil Erradi Mohammed wavuzweho guteza umwuka mubi no guhindanya isura y'iyi kipe y'Ingabo.

Gusa we ntiyishimiye uburyo yahagaritswe mu kazi, ndetse avuga ko butigeze bwubahiriza amategeko binatuma arega iyi kipe muri FIFA ayishinja kutubaha amasezerano bagiranye.

Adil yageze mu Rwanda mu 2019, ahava yegukanye ibikombe bitatu bya Shampiyona harimo bibiri bya mbere yatwaye yikurikiranya adatsinzwe.

Source : https://umuryango.rw/imyidagaduro/imikino/article/kera-kabaye-umwanzuro-ku-kirego-cya-adil-yarezemo-apr-fc-fifa-yawutanze

Itsinda ry'abagizi ba nabi ashinjwa kubamo ryibasiye abagabo n'abagore b'Abanyamerika bibana ndetse hari umwe yashutse ko mu mihango gakondo y'iwabo muri Ghana bemeje gushyingirwa kwabo, nk'uko umushinjacyaha w'i New York abivuga.

Ibiro bya Amerika bikora iperereza ku byaha, Federal Bureau of Investigation (FBI), byatangaje ko Mona Faiz aregwa ibyaha bijyanye n'ubushukanyi bugamije kwambura ndetse n'iyezandonke.

Ashobora guhanishwa imyaka 20 y'igifungo kuri buri cyaha mu gihe byaba bimuhamye.

Mona Faiz, w'imyaka 30, yafashwe mu Ugushyingo(11) umwaka ushize ari mu Bwongereza, kuwa gatanu nibwo yohererejwe ubucamanza muri Amerika.

Ubwo yagezwaga imbere y'urukiko kuwa mbere yahakanye ibyaha byose aregwa.

Mona Faiz Montrage ni umuntu uzwi cyane muri Ghana nk'umwe mu bitwa 'influencer' bakomeye nyuma yo kwamamara kuri Instagram ku mazina ya 'Hajia4Reall,' aho afite abamukurikira barenga miliyoni enye (4) ndetse yari mu bantu 10 bakurikirwa cyane muri Ghana.

Umushinjacyaha wa New York avuga ko ku muntu umwe mu bo yambuye ashutse, yakoresheje amazina ye bwite bakavugana kenshi kuri telefone. Ko yamwoherereje icyangombwa cy'ubwoko bwabo cyemeza ko bafatwa nk'abashyingiwe muri Ghana. Uyu ngo yoherereje Mona Faiz hafi $89,000 (hafi miliyoni 100 Frw).

Mu itangazo, umushinjacyaha wa New York avuga ko 'yose hamwe, Montrage yagenzuraga konti za banki zoherejweho arenga miliyoni $2' y'ubushukanyi.

Abategetsi muri Amerika batangaje impungenge ku bushukanyi bw'urukundo bwibasira abaturage baho bakuze, banavuga ko bikenewe ko ababukora bakurikiranwa.

Source : https://umuryango.rw/imyidagaduro/umuziki/article/ghana-influencer-ukomeye-araregwa-kubeshya-urukundo-abanyamerika-bakamuha

Perezida Macron mu kiganiro aheruka kugirana n'ikinyamakuru l'Opinion cyo mu Bufaransa, yavuze u Burusiya bwatangiye guhakwa Bushinwa, avuga ko iki gihugu cya Perezida Vladimir Putin kuba cyarateye Ukraine byatumye gitakaza ubushongore n'ubukaka cyamye gifite.

Yagize ati 'U Burusiya bwatangiye gusa n'ubuhakwa ku Bushinwa kandi butakaza ububasha bwari bufite ku gace ka Baltique bwahoze bufiteho ijambo rikomeye kuko ni bwo bwitambitse icyemezo cya Suède na Finlande cyo kwinjira muri NATO. Mu myaka ibiri ishize nta wabitekerezaga.'

Macron yatangaje aya magambo asa n'ukomoza ku biganiro ba Perezida Putin na mugenzi we Xi Jinping w'u Bushinwa bagiraniye i Moscou muri Werurwe uyu mwaka. Ibyo biganiro byasize Moscou na Pékin bemeranyije gukomeza umubano basanzwe bafitanye binyuze mu kwinjira mu 'rugendo rushya' rw'umubano.

Dmitry Medvidev kuri ubu usanzwe ari Umuyobozi wungirije w'inama ishinzwe umutekano mu Burusiya, mu butumwa yanditse kuri Twitter ye yibasiye ku bw'ariya magambo.

Ati 'Umuntu wiyita Perezida w'u Bufaransa yavuze ko u Burusiya bwatsinzwe ku ruhando rwa Politiki mpuzamahanga, ndetse ko burimo buhinduka umugaragu w'ikindi gihugu. Perezida wa Repubulika yangijwe no gusabana n'ab'i Kiev babaswe n'ibiyobyabwenge.'

Yakomeje avuga ko Macron 'yahumetse umwuka mwinshi mwiza w'I Paris uvanze n'imyanda ya Conaine yo muri Ukraine', akaba ari wo umunyamakuru yari yakiriye yatambukije.

Medvidev yakomeje avuga ko aho ibintu bigeze ibihugu binyamuryango bigize NATO bisigaye bijya kuryama, hanyuma bikabyuka bitekereza u Burusiya, ibyo ahamya ko ari inzika bibufitiye.

Uyu wahoze ari Perezida w'u Burusiya mbere yo gusimburwa na Vladimir Putin yavuze ko Macron atakabaye avuga ko igihugu cye cyahindutse umugaragu w'u Bushinwa, mu gihe u Burayi ndetse n'u Bufaransa yagereranyije n'umukobwa w'uburanga wakecuye byirirwa bishyashyanira gushimisha Amerika.

Ati 'Ku byo guhakwa nimurebe urimo aravuga. U Burayi umukobwa w'uburanga, burimo n'u Bufaransa, bwahindutse umukecuru wirirwa ahaza byimazeyo ibyifuzo byose bigoranye by'Abanyamerika.'

Yavuze ko imigambi yose u Burayi na Amerika birirwa bacurira u Burusiya ari bo igaruka, bikarangira isenye ubukungu bwabo ndetse n'ubw'abaturage babo ba rubanda rugufi.

Source : https://umuryango.rw/amakuru/mu-mahanga/politiki/article/emmanuel-macron-yandagajwe-n-uwahoze-ari-perezida-w-u-burusiya

Mu gitondo cyo kuri uyu 16 Gicurasi ahagana saa kumi nebyiri za mugitondo nibwo inzu 5 zifatanye ziherereye mu mudugudu wa Burunga, mu kagari ka Gihundwe mu Murenge wa Kampembe ho mu karere ka Rusizi zafashwe n'inkonki nk'uko ubuyobizi bwabitangarije umuseke ducyesha iyi nkuru.

Izi nzu za Muzeye Anicet yabagamo n'umuryango we, n'abandi bazikodesha biravugwa ko zari zifite agaciro ka miliyoni 20Frw ariko zikaba nta bwishingizi zagiraga.

Muzeye Anicet yagize ati 'Narimpari, byabaye mu musaha ya saa kumi n'ebyiri n'igice, abantu bari mu kazi ko hanze bavuga ngo babatabare nsohotse, nsanga umuriro wabaye mwinshi. Narwanye ku bana ndabasohora, nta muntu wahiriyemo, ibindi byose byangiritse bifite agaciro ka miliyoni 20Frw.'

Ishami rya Polisi rishinzwe kurwanya inkongi, ryatabaye rizimya umuriro.
Bayavuge Antoine, umwe mu baturage bahageze bwa mbere batabaye yavuze ko yasanze bamaze gusohora ibikoresho bikeya, kuko ngo ibyinshi byahiriyemo.
Ati 'Nta muntu wahiriyemo, keretse abakomeretse gakeya'.

Umunyamabanga Nshingwabikorwa w'Umurenge wa Kamembe Iyakaremye Jean Pierre, yatangaje ko iyi nkongi yatewe na gaze ndetse ko ibikoresho byo mu nzu byangiritse bitaramenyekana agaciro kabyo, kandi ko nta muntu wahiriyemo.

Ati 'Baduhamagaye saa kumi n'ebyiri batubwira ko habaye inkongi, duhita dutabara. Dufite amahirwe ko dufite kizimyamwoto, Police yahise itabara.'

Yavuze ko nta bwishingizi nyiri inzu afite, nyuma yo kubarura ibyangiritse, ngo ubuyobozi burareba niba hari icyo bwafasha abagizweho ingaruka n'inkongi.

Uyu muyobozi mu butumwe yatanze yasabye abaturage kugira ubwishingizi bw'inzu zabo, no kumenya imikoreshereze ya Gaz.

Ati 'Turashishikariza abaturage kugira ubwishingizi no gukontorora uburyo bakoresha Gaz, bagashakisha uburyo ijya hanze mu rwego rwo kwirinda inkongi'.

Ivomo: Umuseke

Source : https://umuryango.rw/amakuru/mu-rwanda/article/rusizi-inzu-5-zafatiwe-rimwe-n-inkongi-y-umuriro

Source : http://isimbi.rw/siporo/article/urakaza-neza-i-golgotha-nta-byendagusetsa-babuwa-yahaye-ikaze-serumogo