Author: webrwanda

Nyuma hafi y’umwaka adahamagarwa kubera imvune, Imanishimwe Emmanuel Mangwende wa AEL Limassol muri Cyprus yongewe mu ikipe y’Igihugu izakina na Benin na Afurika y’Epfo.

Uyu mukinnyi ukina ku ruhande rw’ibumoso yugarira ntabwo yari mu bakinnyi 23 umutoza Adel Amrouche yahamagaye kwifashisha kuri iyi mikino isoza itsinda C mu gushaka itike y’igikombe cy’Isi cya 2026.

U Rwanda ruzakiramo Benin tariki ya 10 Ukwakira ni mu gihe tariki ya 14 Ukwakira ruzasura Afurika y’Epfo.

Mangwende usanzwe ari nimero ya mbere iyo ari muzima ntabwo yahamagawe kubera ko ari bwo agitangira gukina nyuma y’imvune yo mu ivi yagize maze muri Mutarama 2025 akabagwa.

Mu bakinnyi bahamagawe harimo Niyomugabo Claude wenyina ukina ku ruhande rw’ibumoso yugarira, uyu mukinnyi akaba afite ikarita y’umuhondo umutoza akaba afite impungenge ko yabona indi ku mukino wa Benin maze ntakine umukino wa Afurika y’Epfo, akaba yari akeneye undi mukinnyi.

Bwa mbere hifujwe ko myugariro wa Police FC, Ishimwe Christian ari we wajya gufatanya na Claude, gusa mu buryo butunguranye hakaba hahamagawe Mangwende.

Imanishimwe Emmanuel aheruka mu ikipe y’Igihugu tariki ya 18 Ugushyingo 2024 mu mukino usoza imikino yo gushaka itike y’igikombe cy’Afurika u Rwanda rwatsinzemo Nigeria 2-1 muri Nigeria.

Mu Itsinda C riyobowe na Bénin ifite amanota 14 inganya na Afurika y’Epfo. Nigeria n’u Rwanda zifite 11, Lesotho ya gatanu ifite amanota icyenda na Zimbabwe ya nyuma ifite ane.

Perezida Kagame yashimiye abinjiye mu Ngabo z'u Rwanda ku murava n'ubushake bagaragaje mu myitozo banyuzemo.

Ati 'Ndagira ngo nshimire buri wese muri mwe ku bw'umurava n'ubushake mwagaragaje mu myitozo mwanyuzemo, kugera kuri uyu munsi. Ndashimira ababatoje kuba baragize uruhare rukomeye mu kubategura kugira ngo namwe muzitware neza mu nshingano mwahawe.'

Yongeyeho ati 'Ku babyeyi n'imiryango yanyu ndabashimira kuba barabashyigikiye, bagashyigikira icyemezo cyanyu cyo kwinjira muri uyu mwuga w'icyubahiro nubwo waba utoroshye. Kuba mwarawuhisemo turabishima cyane kandi bifitiye akamaro gakomeye igihugu cyacu.'

Yakomeje agaragaza ko inshingano z'umusirikare ari ukurinda igihugu n'abagituye bityo abinjiye mu Ngabo z'u Rwanda bakwiye kuzuza neza izo nshingano.

Ati 'Kuri ba Ofisiye bashya, inshingano yo kurinda u Rwanda n'Abanyarwanda, mugomba kuyuzuza uko bikwiye. Iyo nshingano muyumva neza. Ndabashimira ubushake ndetse mwagize n'ubushobozi buhamye bwo kuzuza, izo nshingano.'

Muri ibi birori abasirikare b'u Rwanda bakoze akarasisi kanogeye ababyitabiriye ndetse banandika imibare ifite igisobanuro gikomeye ku Ishuri Rikuru rya Gisirikare rya Gako.

Mu mibare banditse harimo 25 isobanura imyaka 25 rimaze ritanga amasomo, 12 bisobanura ibyiciro bimaze kunyura muri iryo shuri, 2025 nk'umwaka iki cyiciro gisojemo, 2000 bivuga umwaka icyiciro cya mbere cyasojemo amasomo mu ishuri rya gisirikare rya Gako.

Muri iyi nkuru tugiye kugaruka ku mafoto y'ingenzi yaranze iki gikorwa.

Amabendera y’ibihugu bifite abasirikare basoje mu Ishuri Rikuru rya Gisirikare rya Gako

Minisitiri w’Ubutegetsi bw’Igihugu, Habimana Dominique, ageze ahabereye iki gikorwa

Imiryango y’abarangije amasomo yari yagiye kwifatanya nabo

Ababyeyi bari benshi muri ibi birori

Ishuri Rikuru rya Gisirikare rya Gako rimaze imyaka 25 ritanga amasomo yo ku rwego rw’abofisiye bato

Abasirikare bakuru bishimiye kubona abato binjira mu Ngabo z’u Rwanda

Guverineri w’Intara y’Ibirasirazuba, Rubingisa Pudence, yitabiriye iki gikorwa

Abasirikare bakuru mu Ngabo z’u Rwanda bagera ahabereye igikorwa cyo kwinjiza abasirikare bashya

Abayobozi batandukanye muri Kaminuza y’u Rwanda igirana ubufatanye n’Ishuri Rikuru rya Gisirikare rya Gako nabo bitabiriye uyu munsi

Chairman wa APR FC, Brig Gen Deo Rusanganwa (ibumoso) agera ahabereye iki gikorwa

Umugaba w’Inkeragutabara, Gen Maj Alex Kagame

Umunyamabanga Uhoraho muri Minisiteri y’Ububanyi n’Amahanga, Mukeka Clementine na Prof Nshuti Manasseh

Gen Maj Ruki Karusisi wayoboye Special Operations Force mu Ngabo z’u Rwanda

Ibihugu by’inshuti byari bifite abanyeshuri muri iri shuri

Abagize bande ya gisirikare basusurukije abantu

Abagize bande icuranga nabo bagaragaje ubuhanga

Ubwo abakora akarasisi binjiraga mu kibuga

Abasirikare mu karasisi bagendaga intambwe ku yindi

Mu bakoze akarasisi harimo abasirikare bafite intwaro bagaragaza ubukaka bwa RDF

Uburyo Ingabo z’u Rwanda zikoramo akarasisi bwarahindutse

Abakobwa binjiye mu ngabo z’u Rwanda ni 117

Akarasisi gakorwa mu masibo, iyi ni imwe mu masibo 10 yakoze akarasisi

Abayobozi b’akarasisi babikoraga mu Kinyarwanda

Abasirikare bashya basabwe kurangwa n’imyitwarire myiza

Abarenga 1000 binjijwe mu ngabo z’u Rwanda

Aba basirikare bagaragaje ubuhanga

Abasirikare binjira mu kibuga bazanye n’ibendera ry’Igihugu mbere yo gutangira akarasisi

Perezida Kagame ubwo yageraga ahabereye iki gikorwa

Perezida Kagame yatanze ipeti rya Sous-Lieutenant ku basirikare 1029

Perezida Kagame yitegereza abasirikare uko bari mu masibo bitegura gukora akarasisi

Mbere yo gutangira akarasisi, Perezida yabanje kugenzura abasirikare

RDF yagaragaje ko ikomeje kubahiriza ihame ry’uburinganire

Perezida Kagame akaba n’Umugaba Mukuru w’Ikirenga w’Ingabo z’u Rwanda, agenzura abasirikare bitegura akarasisi

Perezida Kagame n’Umugaba Mukuru w’Ingabo z’u Rwanda, Gen Mubarakh Muganga, bageze kuri bagize bande y’abacuranzi

Abakobwa bakoze akarasisi karyoheye ijisho

Hagaragajwe ko hari amahirwe menshi ku mwana w’umukobwa winjira mu Ngabo z’Igihugu

Abasoje amasomo yabo bishimiye kuzatanga umusanzu ku gihugu

Akarasisi karyoheje ibirori

Abakora akarasisi bagendaga batabusanya ku buryo byishimiwe cyane

Ubwo akarasisi kasohokaga mu kibuga

Abakoze akarasisi bafite imbunda nabo bigaragaje neza

Ibikoresho bigezweho ni byo abasirikare ba RDF baba bafite mu karasisi

Abasirikare 1029 ni bo barangije amasomo yabo

Ni icyiciro cya 12 gisoje amasomo

Banditse n’umubare gatandatu

Ubwo bandikaga umubare gatanu

Abasirikare banditse imibare ifite igisobanuro

Uwahize abandi muri byose ni Emmanuel Kayitare

Uwarushije abandi mu banyeshuri baturuka mu bihugu by’inshuti ni Dan Bakangambira wo muri Uganda

Uwarushije abandi mu bize imyaka ine ni Yves Ndamukunda

Uwahize abandi mu bize igihe kigufi, Jean de Dieu Iyakaremye, yashimiwe

Perezida Kagame yasabye abarangije kurangwa n’indangagaciro nzima no kwirinda ubusinzi

Umwana muto wa Perezida Paul Kagame, Brian Kagame (uri hagati) na we yinjiye mu Ngabo z’u Rwanda

Brian Kagame yishimiye kwinjira mu ngabo z’u Rwanda

Perezida Kagame yashimiye abahisemo kwinjira mu gisirikare, yemeza ko ari umwuga w’icyubahiro

kwambikana ipeti nacyo ni igikorwa kiba kinogeye ijisho

Perezida Kagame yahaye aba basirikare ipeti rya Sous Lieutenant

Aba basirikare bagaragaje ubuhanga mu kwambikana ipeti

Ubwo abakobwa bambikanaga ipeti

Umunyabanga wa Leta muri Minisiteri y’Uburezi, Irere Claudette akurikiye akarasisi k’abasirikare

Minisitiri w’Ikoranabuhanga no guhanga udushya, Ingabire Paula n’Umunyamabanga Uhoraho muri MINAFFET, Mukeka Clemantine

Ubwo bari bakurikiye impanuro za Perezida Kagame

Minisitiri w’Umutekano Imbere mu Gihugu, Dr. Vincent Biruta na we yitabiriye

Abanyeshuri basabwe kuzuza neza inshingano yo kurinda igihugu n’Abanyarwanda

Perezida Kagame afata ifoto y’urwibutso n’abarangije amasomo yabo

Abasirikare basabwe kurangwa n’imyitwarire myiza

Maj Gen Alex Kagame

Buri wese bitewe n’uko abishoboye yacinyaga akadiho

Abo basirikare bari bafite umunezero, biyemeje kuzuza inshingano

Morale y’aba basirikare ntiyari isanzwe

Ababyeyi n’imiryango nabo bari bafite akanyamuneza

Urukundo, ubumwe byagaragajwe mu kwishimira kurangiza amasomo yabo

Indirimbo zibyinitse zabyinwe nk’ikimenyetso cyo kwishimira ipeti rishya

Ababyeyi bari bakumbuye abana babo

Urukumbuzi rwari rwinshi ku babyeyi n’abana

Ibyishimo by’ikirenga ku basirikare bashya

Kubera kwizihirwa banyuzagamo bagacinya akadiho

Abo mu miryango babafashije kwizihirwa

Minisitiri w’Ingabo, Juvenal Marizamunda, akurikiye indahiro z’abasirikare bashya

Amafoto: Kwizera Herve

Mu myaka mike ishize mu Karere ka Nyagatare humvikanye inkuru y'abana biga mu mashuri abanza n'ayisumbuye bariye ku cyatsi cya Rwiziringa birangira barwaye, nyuma gato ubuyobozi bw'ibitaro bya Nyagatare bwatangaje ko iki cyatsi gifatwa nk'ikiyobyabwenge kuko ukiriyeho ahita ata ubwenge.

Umuyobozi Mukuru wa RFI, DR. Karangwa Charles, mu kiganiro cyihariye yagiranye na IGIHE, yavuze ko mu Karere ka Rusizi mu gace ka Bweyeye hakunze gupfa abantu benshi buri mwaka bishwe n'ibimera cyane cyane ibihumyo bifite ubumara.

Ibi byatumye bahita batangira gushyira imbaraga mu kubarura ibimera byifitemo uburozi kugira ngo bimenyekane ndetse bijye binafasha Minisiteri y'Ubuzima mu kumenya imiti baha uwariye kuri bya bimera.

Ati 'Turashaka ngo tubike amakuru y'ibanga tujye tumenya igihumyo cyangwa se ikindi kimera cyose gishobora kuba cyahumanya ubuzima bw'abantu kugira ngo igihe bibaye duhite tureba mu makuru yacu tumenye ibikigize tumenye ADN yacyo n'uburyo twatabara abo icyo gihingwa cyahumanyije.''

Dr. Karangwa yavuze ko batangiye kubaka ububiko bw'amakuru ndetse ngo banatangiye gukorana n'abavuzi gakondo mu gihugu hose, mu gukusanya amakuru kuri ibi bimera, ashobora gufasha abaganga mu kuvura abo byagizeho ingaruka.

Ati 'Ubu hagezweho kujya gufata impagararizi kugira ngo dutangire tumenye ibigize ibyo bimera, nyuma y'aho tuzabika ibiranga buri kimera cyane cyane bya bimera bifite uburozi muri byo kugira ngo dufashe Minisiteri y'Ubuzima kumenya imiti baha uwo icyo kimera cyahumanyije.''

RFI ivuga ko guhera mu mwaka utaha serivisi yatangaga ziziyongera nyuma yo kugura ibikoresho byinshi bishya birimo imashini zifite ubushobozi bwisumbuyeho.

Umuyobozi Mukuru wa RFI, Dr. Karangwa yavuze ko bagiye gutangira gupima ibimera byifitemo uburozi kugira ngo bafashe Minisiteri y’Ubuzima

Umurambo w'uyu musore wagaragaye ku wa Gatanu tariki ya 3 Ukwakira 2025 mu cyuzi cya Cyabatambyi kiri hagati y'utugari twa Rukara na Rwimishinya duherereye mu Murenge wa Rukara mu Karere ka Kayonza.

Umunyamabanga Nshingwabikorwa w'Umurenge wa Rukara, Nyirabizeyimana Immaculé, yabwiye IGIHE ko urupfu rw'uyu musore barumenye ndetse ko inzego z'umutekano zahise zitangira iperereza.

Ati 'Ejo ahagana Saa Yine batubwiye ko umusore w'imyaka 19 yasanzwe mu cyuzi yapfuye, twagiyeyo rero turi kumwe n'inzego z'umutekano dusanga koko umurambo we urimo, twawukuyemo umurambo ujyanwa mu bitaro bya Gahini kugira ngo ukorerwe isuzuma.''

Gitifu Nyirabizeyimana yakomeje avuga ko Urwego rw'Ubugenzacyaha (RIB), rwahise rutangira iperereza kugira ngo hamenyekane icyamwishe. Yizeza abo mu muryango we ko kizamenyekana.

Ati 'Iperereza niryo rizagaragaza icyamwishe nyuma y'uko RIB iritangiye. Abavuga ko yishwe n'abacukuraga amabuye y'agaciro mu buryo butemewe ntitwabihamya kuko aho yacukurwaga twahashyize uburinzi, ni ugutegereza ibizava mu iperereza.''

Muri Kamena uyu mwaka Polisi y'u Rwanda yataye muri yombi abarenga 40 bakoraga ubucukuzi bw'amabuye y'agaciro mu buryo butemewe mu Murenge wa Rukara mu Kagari ka Rwimishinya.

Abaturage bavuga ko izo nsoresore zicukura amabuye y'agaciro zinabateza umutekano muke muri aka Kagari, aho zinagira uruhare mu bujura, kwangiza imyaka n'ibindi byinshi. Ubuyobozi buvuga ko bwahagurukiye iki kibazo ku buryo n'ahacukurwaga aya mabuye hashyizwe uburinzi buhoraho.

Icyo gikorwa cyabereye mu turere twa Kayonza, Gatsibo, Rutsiro, Burera na Ruhango.

Iki gikorwa ni kimwe mu bigize gahunda ya Digital Ambassador Program (2022—2025), umushinga ufite agaciro ka miliyoni 4.5$ uhuza KOICA, MINICT, RISA na Minisiteri y'Imari n'Igenamigambi (MINECOFIN), ugamije gufasha abaturage kubona ubumenyi mu ikoranabuhanga no kugera kuri serivisi za Leta zikorwa hifashishijwe ikoranabuhanga.

Ibyo bigo bito byashyizweho byahawe ibikoresho bigezweho birimo mudasobwa nshya, internet yihuta n'ibindi bizafasha abaturage kwifashisha urubuga rwa Irembo, guhugurwa ku bumenyi bw'ibanze mu ikoranabuhanga ndetse no kubona serivisi zitandukanye nk'icapiro.

Bigamije ibigo by'icyitegererezo mu guhuza abaturage n'ikoranabuhanga, cyane cyane mu bice by'icyaro.

Guhera mu 2022, Digital Ambassador Program imaze, guhugura no gutoranya 2833 bahagarariye Ikoranabuhanga (Digital Ambassadors) mu tugari n'abagenzuzi 78.

Hatanzwe ubumenyi bw'ibanze mu ikoranabuhanga ku baturage barenga miliyoni 4.5 ndetse no gushyiraho ibi bigo by'icyitegererezo bitanu mu gihugu hose k'ahantu hagenewe kuba intangarugero mu kugera kuri serivisi z'ikoranabuhanga.

Iyi gahunda igamije gushyigikira SAP Strategy 2025—2029, ishishikariza imiryango n'abaturage kugira uruhare mu kubungabunga izi serivisi no kuzibyaza umusaruro.

U Rwanda rufite intego yo kongera gutunganya no kuvugurura nibura ibigo 100 ku rwego rw'igihugu ndetse no gutangiza izindi nshya, hagamijwe ko buri Munyarwanda agira amahirwe angana yo kugera kuri serivisi z'ikoranabuhanga zizewe kandi zikwiranye n'igihe.

Umuyobozi Mukuru wa RISA, Antoine Sebera, yavuze ko gushyiraho ahantu habugenewe mu itangwa rya serivisi bizatuma abaturage boroherwa no kugera ku ikoranabuhanga.

Ati 'Izi Service Access Points zizatuma byorohera abaturage cyane cyane abo mu cyaro kubona serivisi n'amahirwe ari kugenda yimukira ku ikoranabuhanga.'

Umuyobozi wa KOICA mu Rwanda, KIM Jinhwa, yavuze ko gushyiraho ibyo ibyo bikorwa remezo bigamije gutanga amahirwe mashya.

Ati 'Iyi Service Access Point si inyubako gusa, ahubwo ni umuyoboro w'amahirwe mashya. Iyo twubaka ibikorwa remezo by'ikoranabuhanga no kwigisha ubumenyi, tuba dushyigikira iterambere n'ahazaza h'abantu.'

Iyi gahunda ihura n'intego zo kwihutisha iterambere NST2 z'uko u Rwanda ruzagera kuri 100% y'ubumenyi mu ikoranabuhanga bitarenze 2029, ndetse ikaba igira uruhare mu ntego z'igihe kirekire z'icyerekezo 2050 zo kuba igihugu gifite ubukungu bushingiye ku bumenyi n'ikoranabuhanga.

Ikigo cy'Abanyakoreya gishinzwe Iterambere Mpuzamahanga (KOICA) cyashinzwe mu 1991, gifasha mu ishyirwa mu bikorwa ry'imishinga y'iterambere n'ubufatanye mu by'ikoranabuhanga mu bihugu bikiri mu nzira y'iterambere, kigamije guteza imbere imibereho n'ubukungu burambye.

Ku rundi ruhande, Ikigo cy'Igihugu gishinzwe Ikoranabuhanga mu Itumanaho n'Isakazabumenyi (RISA), ni cyo gifite inshingano zo gushyira mu bikorwa politiki, gahunda n'imishinga ya Leta y'u Rwanda mu ikoranabuhanga, hagamijwe kwihutisha impinduramatwara ishingiye ku ikoranabuhanga mu gihugu.

Hashyizweho ibigo bitanu bizajya bifasha abaturage kubona serivisi z'ikoranabuhanga mu bice by'ibyaro

Buri kigo cyashyizweho kirimo n’ibikoresho by’ikoranabuhanga

Ibi bigo byitezweho gufasha abaturage kwiga ibijyanye n’ikoranabuhanga

Umuyobozi wa KOICA mu Rwanda, KIM Jinhwa, yavuze ko gushyiraho ibyo ibyo bikorwa remezo bigamije gutanga amahirwe mashya

Umunyamabanga Uhoraho muri Minisiteri y’Ubutegetsi bw’Igihugu, Bob Gakire

Umukozi muri RISA, Innocent Asiimwe Mudenge

Ibi byatangajwe ubwo hasozwaga inama nk'iyi yari imaze iminsi ibiri ibera i Doha muri Qatar, aho abayobozi b'ubuzima ku rwego rw'Isi bagaragaje ko impamvu u Rwanda rwatoranyijwe kuzakira iyi nama ari ukubera rwakomeje kugaragaza imbaraga zo guhangana n'ibibazo byo mu mutwe.

Iyi nama yahuje abayobozi batandukanye barimo abaminisitiri b'ubuzima, abahagarariye ibihugu byabo, ibigo mpuzamahanga by'ubuzima ku Isi ndetse n'inzobere ku ndwara z'ubuzima bwo mu mutwe.

Minisitiri w'Ubuzima muri Qatar, Mansoor bin Ebrahim Al Mahmoud, yagaragaje ko iyi nama yari imaze iminsi ibiri ibera i Doha yabaye ingirakamaro kubera ingingo zitandukanye zaganiriweho ku buryo bwo guhangana n'ibibazo byo mu mutwe.

Ati 'Muri iyi nama hasuzumwe ingingo zitandukanye zishobora gufasha guhangana n'ibibazo byo mu mutwe birimo kongera serivisi, ndetse n'ubundi buryo butandukanye bukwiriye gukurikizwa ku rwego rw'Isi.'

Muri iyi nama abayobozi batandukanye bihaye intego zitandukanye zizafasha ibihugu byabo gushyira mu bikorwa ibyo baganiriyeho byo guhangana n'izamuka ry'abafite ibibazo byo mu mutwe.

Abayobozi bitabiriye iyi nama bagaragaje ko inama izabera mu Rwanda izibanda ku buryo hakwifashishwa ikoranabuhanga mu kugeza serivisi z'ubuzima ku bafite ibibazo byo mu mutwe.

Zimwe mu ngingo zizaganirwaho mu nama izabera mu Rwanda harimo gufasha abantu benshi kubona serivisi z'ubuzima bwo mu mutwe bifashishije ikoranabuhanga, kurema uburyo burambye buzajya bufasha abantu kwishyura izo serivisi bakoresheje ikoranabuhanga ndetse no gukoresha ikoranabuhanga ry'ubwenge buhangano.

Iyi nama Mpuzamahanga y'Abaminisitiri b'Ubuzima yiga ku buzima bwo mu mutwe yatangiye kuba mu 2022, ikaba yarashyizweho n'Ishami ry'Umuryango w'Abibumbye ryita ku Buzima, OMS, aho ihuza abaminisitiri, inzobere mu buzima ndetse n'abahagariye ibigo by'ubuzima mu kuganira ingamba zafatwa mu guhangana n'imbogamizi zikunze kugaragara ndetse n'uburyo byakemuka.

Imibare y'abafite ibibazo bijyanye n'ubuzima bwo mu mutwe hashingiwe ku myaka igaragaza ko abafite hagati y'imyaka 26-35 ari 21%, abafite imyaka 45-55 bangana na 26,9%. Aba nibura baba baragize iki kibazo rimwe mu buzima bwabo.

Ibyo byatangarijwe i Kigali ku itariki 1 Ukwakira 2025 mu nama yahuje Chancen International n'abafite ibigo byigisha imyuga n'ubumenyingiro hamwe n'Ubuyobozi bw'Ikigo cy'Igihugu gishinzwe Tekinike Imyuga n'Ubumenyingiro, RTB.

Yari igamije gushishikariza abakora muri urwo rwego gukorana na Chancen International kugira ngo yishyurire abanyeshuri benshi baba bashaka kwiga ariko bakagira ikibazo cy'amikoro.

Umuyobozi wa Chancen International mu Rwanda, Niyonsaba Ariane, yavuze ko ubu ibigo bya TVET bafite bitaragera ku kigero bifuza, ari yo mpamvu batangiye kuganira n'ibigo kugira ngo umuhigo bafite uzagerweho.

Ati 'Tumaze imyaka ibiri dukorana na TVET ariko twakoranaga n'ibigo bibiri gusa. Mu 2024 ni bwo twashyizemo imbaraga dusaba RTB kuduhuza n'ibindi kuko ingengo y'imari yacu ingana na 70% twayerekeje ku biga ayo masomo tuzi ko tuzabona nk'ibigo 10 ariko ubu tugize bitatandatu harimo bine byiyongeyeho uyu mwaka.'

Niyonsaba yaboneyeho gushishikariza abayobozi b'ibigo bya TVET kubagana bagakorana kuko ubu biteze kugira abanyeshuri biga ayo masomo babarirwa muri 600 gusa mu 2025 nyamara bafite ubushobozi bwo gufasha abagera ku 2000.

Umuyobozi Mukuru wa RTB, Eng. Paul Umukunzi yavuze ko ikigo nka Chancen ari umufatanyabikorwa ukomeye mu kongera umubare w'abiga muri TVET kuko imbogamizi y'ubushobozi hari benshi izitira.

Ati 'Gahunda ya Chancen International irihariye cyane kuko urubyiruko rwacu rukeneye ubumenyingiro buruhesha akazi ariko imbogamizi bahura na yo ikomeye ni ukubura ubushobozi. Leta ikora byinshi ngo ikiguzi kigabanuke ariko umubare w'urubyiruko rukenera ubumenyi ugenda uzamuka bigatuma hari abashaka kwiga bakabura amikoro.'

Eng. Umukunzi kandi yashishikarije ibindi bigo kwinjira mu kurihira abanyeshuri amafaranga bakazishyura nyuma kuko hari benshi biha amahirwe kandi ari ibintu bikorwa mo mu bihugu byateye imbere nka Amerika n'u Buyapani aho buri wese ushaka kwiga umwuga agurizwa akishyura yarabonye akazi.

Umuyobozi Mukuru akanaba uwashinze Chancen International, Batya Blankers yavuze ko intego ya Chancen ari ugufasha urubyiruko kubona uburezi bufite ireme kandi bubasha kurubyarira imirimo iruteza imbere.

Chancen International yatangiye gukorera mu Rwanda mu 2018 ariko nyuma iza no kwagurira ibikorwa muri Kenya, Afurika y'Epfo na Ghana.

Yishyurira abanyeshuri amafaranga y'ishuri bakazishyura babonye akazi gahemba kuva ku 80,000 Frw kandi bakishyura ku ijanisha riri hagati ya 10% na 20% by'umushahara buri kwezi.

Umuyobozi wa Chancen International mu Rwanda, Niyonsaba Ariane, yavuze ko ibigo bya TVET bafite bitaragera ku kigero bifuza

Umuyobozi Mukuru wa RTB, Eng. Paul Umukunzi, yavuze ko ikigo nka Chancen ari umufatanyabikorwa ukomeye mu kongera umubare w'abiga muri TVET

Umuyobozi Mukuru akanaba uwashinze Chancen International, Batya Blankers, yavuze ko intego ya Chancen ari ugufasha urubyiruko kubona uburezi bufite ireme

Chancen International yashimiye Ubuyobozi bwa RTB ku mikoranire myiza

Haganiriwe ku buryo bwo gufasha abanyeshuri benshi kwiga imyuga bishyuriwe na Chancen International

Chancen International ishaka gukorana n’ibigo byinshi byigisha imyuga n’ubumenyingiro