Author: webrwanda

Mu ma saa kumi n’imwe z’umugoroba w’uyu wa Gatanu tariki 19 Gicurasi 2023 ni bwo Intumwa y’Imana Apollinaire Habonimana na David Nduwimana, bageze mu Rwanda. Bakiriye n’itsinda rigari ryari riyobowe na Alex Dusabe, abanyamakuru benshi biganjemo abakora mu Iyobokamana ndetse n’abakobwa bo muri Kigali Protocal.

Aba bakozi b’Imana baje mu Rwanda mu gushyigikira mugenzi wabo Alex Dusabe wabatumiye muri ‘Integrity Gospel Concert’ yateguye abinyujuje muri East African Gospel Festival ibaye ku nshuro ya mbere. Ni igitaramo kizabera muri Camp Kigali kuwa 21 Gicurasi 2023 kuva saa kumi n’imwe z’umugoroba.

Ubwo bari bageze i Kanombe ku kibuga cy’indege, basangije itangazamakuru uruhisho bafitiye abazitabira iki gitaramo. Apotre Apollinaire yavuze ko ari umugisha ukomeye kuba agiye guhurira ku ruhimbi n’abahanzi nka Aime Uwimana, Alexis Dusabe, David Nduwimana na Prosper Nkomezi.

Uyu mushumba akaba n’umuramyi, uri mu baramyi b’ibihe byose mu Karere, yavuze ko atigeze ananiza Alex Dusabe ubwo yamutumiraga, ati “Izo ngeso zo kunanizanya ntazo nsanzwe mfite. Izo ngezo zo kunaniza bene data barimo gukorera Imana,..ntabwo nabananiza, numvise nishimye,..”

Yateguje abazitabira iki gitaramo cyitezweho guhembura imitima ya benshi, kuzamubona aririmbana n’umugore we. Yongeyeho ko “Ikintu nabwira abanyarwanda ni uko batahusha akaryo, batahusha amahirwe, karibu tuzagira ibihe byiza hamwe, tuzishima mu Mana, kandi twari dukumburanye”.

Yavuze ko umuziki wo kuramya no guhimbaza Imana uzaba uri ku rwego ruhanitse cyane mu myaka itanu iri imbere akurikije uko awubona ubu. Yavuze kandi ko atewe ishema n’urwego David Nduwimana agezeho mu muziki dore ko ari we wamuhaye stage bwa mbere.

Apotre Apollinaire yishimiye kugaruka mu Rwanda atumiwe n’umuramyi mugenzi we Alex Dusabe

David Nduwimana utuye muri Australia, nawe watumiwe na Alex Dusabe, ni umunyamuziki w’umwuga cyane dore ko yanawize akibanda mu birimo uburenganzira ku mutungo kamere mu by’ubwenge. Yari amaze imyaka hafi 10 atagera mu Rwanda ndetse n’iwabo mu Burundi.

Yavuze ko umuziki we wakiriwe neza cyane muri Australia, ubu akaba ari we utera indirimbo yubahiriza iki gihugu mu mikino mpuzamahanga ya Rugby. Avuga ko umuziko awukora nk’umwuga. Ayoboye itsinda ry’abantu 35 b’abanyamuziki b’abaririmbyi n’abacuranzi.

Kwinjira muri iki gitaramo East Africa Gospel Festival, Alexis Dusabe yatumiyemo abahanzi b’ibihangange nka Aime Uwimana, Apotre Apollinaire, David Nduwimana na Prosper Nkomezi, ni ukugura itike ya 5,000 Frw mu myanya isanzwe; 10,000 Frw muri VIP, na 20,000 Frw muri VVIP.

Amatike ari kuboneka mu bice bitandukanye muri Kigali nko kuri Simba Supermarkets zose, Camelia zose, Lamane zose ndetse no muri Car Free Zone. Hanashyizweho nimero ya telefone ku wagira ikibazo mu kugura itike, iyo akaba ari: 0788880901.

Aya matike yo kwinjira muri “Integrity Gospel Concert” ushobora kuyagura kandi mu buryo bw’ikoranabuhanga unyuze ku rubuga rwa NONEHO [www.events.noneho.com] dusanga ku inyaRwanda.com. Kanda HANO ugure itike yawe hakiri kare.

Alexis Dusabe wateguye iki gitaramo, yamenyekanye mu ndirimbo nka ‘Umuyoboro, Kuki Turira, Ngwino’, ‘Njyana I Gorogota’, ‘Igihango’, ‘Ndagushima’, ‘Ninde wamvuguruza’, ‘Gakondo yanjye’, ‘Amazi y'ubugingo’, ‘Yesu araje’, n’izindi zikomeje kwegereza benshi Intebe y’Imana.

Igitaramo cye gisobunuye ikntu gikomeye ku muziki wa Gospel mu Karere bitewe n’intego yacyo ndetse n’abaramyi b’igikundiro cyinshi yatumiye. Umwihariko w’iki gitaramo ni na wo watumye ibigo binyuranye bihagurukira kumutera ingabo mu bitugu kugira ngo Ubutumwa bwiza bwamamazwe.

Mu bigo n’Imiryango bihagararanye na Alexis Dusabe muri Integrity Gospel Concert, harimo African Evangelistic Enterprise (AEE), Tear Fund, SOS Children’s Village, Hereos Coffee, Uruganda rukora amabati rwa HIPPO, Samsung250 izwiho kugira ibikoresho by’ikoranabuhanga byizewe, Horizon Express, Cozy Safari, ND Consult Ltd, Lamane, n’ibindi byinshi.

Mu kiganiro aherutse kugirana na InyaRwanda, Alex Dusabe yasobanuye byinshi kuri iki gitaramo cye n’uruhisho afitiye abazacyitabira. Avuga ko yacyise Integrity Gospel Concert, kubera ko “Imana ikwiriye amashimwe, Ikwiriye icyubahiro no gushyirwa hejuru, ni iyo Kwizerwa.

Ni Imana iri ‘Integre’ kandi iduhamagarira kuba abizerwa muri Yesu Kristo. Niyo ikwiriye icyubahiro cyose, Gushimwa no gushyirwa hejuru, Ikwiriye no gutaramirwa.”

Akomoza ku ntego y’ibitaramo bye, ati: “Intego y’ibitaramo byacu ni ugukirisha abantu ubutumwa bwiza ariko no gushyira Izina ry’Imana hejuru kuko ari iryo kubahwa no kuvugwa mu ndimi zose nk’uko ijambo ryayo ribivuga ngo ‘Amavi yose azapfukama, Indimi zose zature ko Kristu Yesu ari Umwami.”

Yavuze ku musaruro witezwe muri iki gitaramo, avuga ko inyungu y’ibanze ari ukwamamaza ubutumwa bwiza, hagamijwe ko abantu bose bahindukirira Umwami Yesu, anavuga ko mu bindi bitaramo bizakurikiraho, bazataramira ahantu hagutse kandi hafunguye kuri buri muntu

Uyu muramyi uri mu bakunzwe cyane mu Karere k’Africa y’Iburasirazuba, aragira ati “Inyungu ya mbere ni ukwamamaza ubutumwa bwiza, nitubonamo abahindukirira Umwami Yesu, bizaba ari inyungu ikomeye mu bazaza bose”.

“Ibi bitaramo bizajya biba ngarukamwaka kandi mu buryo bubiri, ntabwo tuzajya dutaramira muri Camp Kigali gusa, ahubwo hazaba no gutaramira ahantu hakinguye, aho buri wese azajya agira Access (Uburyo).”

Dusabe afite amatsiko y’abantu benshi ‘bazaza ngo hamwe no gufatanya na Appolinaire, David, Aime na Prosper’. Ati “Tuzatarama ariko by’umwihariko wanjye nzakingura umutima wanjye ngo abantu base nk’abarebamo maze indirimbo nzaririmba zizabaha ishusho y’bimbamo”.

“Ndumva abantu bazaza bazatahana umunezero nyakuri, mbega ukuntu Imana yaduhaye umurimo mwiza!!! Uzaza ababaye ari stressed ari deprimé cyangwa yihebeshejwe n’ibibazo by’ubu buzima. Imana izamugenderere atahe yumva yuzuye ibyishimo birimo imbaraga z’ibyiringiro bizima biva ku Mwami Yesu Kristo”.

Yakomeje avuga ko nawe afite amatsiko. Ati “Mfite amatsiko n’ibinezaneza by’abantu benshi bazahinduka bagatera umugongo umwijima bagahindukirira umucyo wa Kristo twamamaza.

Ni we nyiri icyubahiro cyose, bikazazana impinduka nziza no mu buzima bwabo kandi bakava mu ngeso mbi bagahinduka beza ku bwo kwizera ubutumwa bwiza.

Mu buzima busanzwe Alexis Dusabe anezezwa cyane gukora ikintu cyari cyaramunaniye. Ati “Nezezwa no gushobora ikintu cyari cyarananiye mbere yo kugeregeza kenshi byanga. Ibyo bindemera umunezero mwinshi”.

Akunda cyane umuryango we, abana be, umufasha we Carine Ingabire ndetse n’abarokore bose. Ati “Nkunda abarokore ariko nkanakunda abantu bose muri rusange, uko nshoboye numva nabakunda urukundo rubakururira kuri Kristo Yesu”.

REBA AMASHUSHO UBWO APOTRE APOLLINAIRE NA DAVID NDUWIMANA BAGERI BAGEZE I KIGALI

Apotre Apollinaire na David Nduwimana bakiranywe urugwiro n’itsinda ryari riyobowe na Alex Dusabe 

Alex Dusabe hamwe na Apotre Apollinaire witabiriye igitaramo cye East Africa Gospel Festival

Apotre Apollinaire yazanye mu Rwanda n’umugore we ndetse bazanaririmbana mu gitaramo cya Alex Dusabe

Kuri iki cyumweru biraba bishyushye muri Camp Kigali mu gitaramo East Africa Gospel Festival cyateguwe na Alex Dusabe

Gura itike yawe hakiri kare, ushobora kuyigura kuri NONEHO.com cyangwa ukajya kuri Simba, Camellia, Lamane na Car Free Zone

AMAFOTO: Rwigema Freddy

VIDEO: Bachir Nyetera

Yabitangarije itangazamakuru nyuma yo gukora igitaramo gikomeye cyabereye mu Intare Conference Arena, kuri uyu wa Gatanu tariki 19 Gicurasi 2023, yafatiyemo amashusho y'indirimbo zigize iyi album.

Ni igitaramo yatumiyemo abantu be ba hafi yari yahaye ubutumire 'Invitation' bagera ku 1000, bafatanyije nawe kuririmba izi ndirimbo Imana yamushyize ku mutima.

Mbonyi yavuze ko iyi album yahisemo kuyitirira indirimbo ye 'Nkumusirikare' ariko yari afite amazina agera kuri atatu yari yatekerejeho. 

Ati 'Ryaturutse mu bantu (Izina). Nari mfite amazina nka biri ariko nk’umusirikare ntabwo yarimo cyane. Rero, uyu munsi bahisemo kuyita nk’umusirikare, ni igitekerezo baduhaye.'

Akomeza ati 'Nari mfite 'Niyibikora' (izina ry'imwe mu ndirimbo), nari mfite indi ivuga ngo 'Tugumane' (izina ry'indirimbo ye), ariko zose ni nziza. Izina ryose nayita ntakibazo. Ririya narishimye.'

Mbonyi avuga ko akunda indirimbo ye hafi ya zose, kandi ko ubwo yaririmbaga indirimbo 'Nk'umusirikare' yabonye uburyo abantu bayikunze, yemeranya n'abo kuyitirira iyi album.

Israel yavuze ko iki gitaramo cyari cyiza, kandi abo yatumiye bose bitabiriye. Avuga ko bitari ugufata amashusho y'indirimbo ze gusa, ahubwo byari no mu murongo wo gutaramira abakunzi be.

Uyu muramyi yavuze ko ubwo yaririmbaga indirimbo ye iri mu rurimi rw'Igiswahili, atari yiteze ko abantu baza gufatanya nawe kuyiririmba, ariko yatunguwe n'uburyo abantu bamufashije kuyiririmba. Ati 'Ariko ngirango yabaye indirimbo y'iri joro.'

Ibanga ni ugusenga:

Israel Mbonyi yavuze ko ahora abwira abahanzi bagenzi be ko badahanganye mu guhimba indirimbo z'ibitangaza, ahubwo kwegera Imana nibyo bakwiye gushyira imbere.

Yavuze ko muri Kamena 2023, azashyira hanze iyi album ye, kandi ari guteganya ko mu Ukuboza 2023 azakora igitaramo cyo kuyimurikira Abanyarwanda muri rusange. Ati 'Mu Ukuboza 2023 tukazakora igitaramo n'ubundi muri Arena.'

Mbonyi avuga ko iyo umuhanzi ahimba ibintu agaterwa ishema nabyo, ari nako Imana imushyira ku mutima ibindi bihangano. 

Yavuze ko akimara gusohora album 'Icyambu' ndetse na 'Baho' yatangiye kwibaza aho azakura izindi ndirimbo, ariko Imana yongera kumwuzuza indirimbo zikomeye.

Uyu muhanzi afashe amashusho y'indirimbo ze, mu gihe ari kwitegura kujya gutaramira mu bihugu birimo u Bufaransa, u Bubiligi, Denmark n'ahandi.

Yavuze ko ku Mugabane w'i Burayi amaze kuhakorera ibitaramo binyuranye ku buryo ahafata nko mu rugo. Avuga ko yiteguye kuhakorera ibitaramo bikomeye, kandi ashingiye ku bumenyi amaze kugira ashobora gutaramira abantu mu gihe cy'amasaha atatu.

Israel avuga ko muri iki gihe afite icyifuzo cy'uko ibihangano bakora we na bagenzi be, bikwiye komora imitima ya benshi, kandi bigafasha abantu mu ngeri zinyuranye.

Ati 'Mfite icyifuzo muri ibi bihe kivuga ngo kuririmba gusa, tugasohora indirimbo ntibihagije, reka tubone Imana ikora mu byo turi kuririmba. Ni abantu baza kumva ubutumwa, umuntu arwaye, waririmba igakora ku buzima bwe, niba ababaye agatahana umunezero, niba atishimye agataha y'ishimwe, niba hari ikintu afite kitagenda, kubera ko yumvise indirimbo zigakora ku bugingo bwe agahinduka.'

 

Israel Mbonyi yatangaje ko anezerewe nyuma y'uko akoze igitaramo cyo kumurika album ye ya Gatanu yise 'Nk'Umusirikare'

 

Israel Mbonyi yavuze ko iyi album iriho indirimbo 10 zubakiye ku kuvuga Imana

 

Israel Mbonyi avuga ko yari afite amazina atatu yashakaga kwita iyi album ye 

Israel Mbonyi yavuze ko mu Ukuboza 2023 azakorera igitaramo muri BK Arena cyo kumurika iyi album 

Israel yavuze ko Imana yamushyize ku mutima ijambo ry'Imana ashingiraho yandika indirimbo

     

KANDA HANO UREBE IKIGANIRO TWAGIRANYE NA ISRAEL MBONYI NYUMA Y’IGITARAMO

“>

Kanda hano urebe amafoto menshi yaranze iki gitaramo cya Israel Mbonyi

AMAFOTO: Sangwa Julien&Nathanael Ndayishimiye-InyaRwanda.com

Ni umuhango wabaye kuri uyu wa 19 Gicurasi 2023, ubimburirwa no gusura Urwibutso rwa Jenoside rwa Kigali ruri ku Gisozi.

Witabiriwe n'abayobozi ba ULK Ltd, abayobozi, abarimu n'abanyeshuri ba ULK, ULK Polytechnic n'Ishuri rya Glory Academy.

Umuyobozi Mukuru wa ULK, Prof Dr Nkundabatware Innocent, yavuze ko kwibuka Jenoside yakorewe Abatutsi ari umwanya wo kwigira ku mateka mabi yaranze u Rwanda.

Ati “Uyu munsi ntabwo ari ukuza ngo twicare gusa ahubwo hari amasomo dukwiye gukuramo. Tutagiye twibuka, amateka mabi ntiyamenyekana kandi dushobora kwigira ku kibi kugira ngo tugere ku cyiza.”

Dr Nkundabatware yashimye FPR Inkotanyi yahagaritse Jenoside ndetse kuri ubu ikaba ikomeje kubaka igihugu.

Aha ni ho yahereye asaba urubyiruko guhagurukira gukunda igihugu cyabo kuko rufite Leta ishishikajwe no guteza imbere Abanyarwanda bose nta vangura.

Ati “Igihugu cyanyu mugomba kugikunda kuko no muri icyo gihe cyari mu icuraburindi twaranagikundaga nkanswe ubu dufite ubuyobozi bwiza. Mugire umurava, murwanye ingengabitekerezo ya Jenoside.”

Umuyobozi w'Umuryango w'Abanyeshuri barokotse Jenoside [AERG] muri ULK , Mfitimfura Fiacre, yavuze ko #Kwibuka29 ari uguha agaciro no kuzirikana abazize Jenoside yakorewe Abatutsi mu 1994.

Ati “Uyu ni umwanya mwiza wo kunamira abacu, kubaha icyubahiro bakwiye, tubatekereza uko bagiye tukibakeneye, ibyo bagombaga gukorera igihugu cyacu n'indangagaciro zabaranze ubwo bari bagihari.”

Hatungimana Claude yatanze ubuhamya bw'uko yarokokeye Jenoside mu yahoze ari Komini Maraba, Perefegitura ya Butare, avuga ko Jenoside yabayeho nyuma y'imyaka myinshi yo gutotezwa no kwicwa.

Yavuze ko mbere akiri umwana kuva mu mashuri abanza bagiye bahagurutswa mu mashuri bazira ko ari Abatutsi.

Ati “Igihe kiragera rero Abanyarwanda amacakubiri arabaganza, batangira kumva ko badafitanye isano ko bamwe ari Abahutu, Abatutsi abandi ari Abatwa.”

Umushakashatsi muri Minisiteri y'Ubumwe bw'Abanyarwanda n'Inshingano Mboneragihugu, Dr Hakizimana Emmanuel, yagaragaje ko ubuyobozi bubi ari bwo bworetse igihugu bukakigeza kuri Jenoside.

Umujyanama Mukuru muri Minisiteri y'Uburezi mu byerekeranye na Tekiniki, Gatabazi Pascal, yavuze ko abarezi n'abakuze muri rusange bafite inshingano zo kwigisha abakiri bato amateka.

Ati “Ubundi, umuntu atoza icyo ari cyo. Aya mateka nk'uko tuyavuga n'ubukana bwayo, ubuzima tubamo dutoza abatoya, twange ikibi, tubishyire mu ngiro. Nibwo butoza.'

Eng Gatabazi yashimye ULK ku bwo gutegura igikorwa cyo kwibuka abazize Jenoside yakorewe Abatutsi, ashimangira ko ari inshingano za buri wese.

Abayobozi n’abakozi ba ULK basuye Urwibutso rwa Jenoside rwa Kigali

Basobanuriwe amateka ya Jenoside yakorewe Abatutsi, uko yateguwe n’uko yashyizwe mu bikorwa

Umuyobozi Mukuru wa ULK, Prof Dr Nkundabatware Innocent, yanditse mu gitabo cy’abasuye Urwibutso rwa Jenoside rwa Kigali

Inzego zitandukanye zunamiye abazize Jenoside yakorewe Abatutsi

Inzego zitandukanye zunamiye abazize Jenoside yakorewe Abatutsi

Hacanwe urumuri rw’icyizere

Eng Gatabazi yasabye ko kwigisha abakiri bato amateka ya Jenoside biba inshingano z’abakuze bose

Umushakashatsi muri Minisiteri y'Ubumwe bw'Abanyarwanda n'Inshingano Mboneragihugu, Dr Hakizimana Emmanuel, yasabye abakiri bato gufatira urugero kuri FPR Inkotanyi yahagaritse Jenoside yakorerwaga Abatutsi

Umuyobozi wa AERG ku rwego rw’Igihugu, Audace Mudahemuka, atanga ubutumwa muri uyu muhango

Uwari uhagarariye IBUKA Rwanda, Ndayambaje Pascal, yasabye ULK guherekeza abana barokotse Jenoside bayigamo kugira ngo babashe kugira ubuzima bwiza

Ni igikorwa cyabaye ku wa Gatanu, tariki 19 Gicurasi 2023, nyuma yo gusura Urwibutso rwa Jenoside rwa Nyamata ruherereye mu Karere ka Bugesera, ubwo ibi bigo byibukaga ku nshuro ya 29 Jenoside yakorewe Abatutsi mu 1994.

Abahawe iyi nkunga babwiye IGIHE ko babyishimiye cyane kuko bibongerera imbaraga mu buzima ndetse no kugira icyizere cy'ahazaza.

Mukamana Donatha yavuze ko yishimiye kwishyurirwa mituweli kuko adashobora kurembera mu rugo.

Yagize ati 'Ndishimye cyane. Ntako bisa kubona Leta yacu ituzirikana bigeze aha kuko ibi ntabwo byahozeho mbere.'

Nsengiyumva Eric we yavuze ubu umwana we agiye kujya kwiga nta kibazo afite kuko yaharuriwe inzira.

Yakomeje ati 'Twishimye cyane. Ubu nizeye ko umwana wanjye nta kibazo azongera kugira nyuma yo kwishyurirwa amafaranga yo gufata ifunguro ku ishuri.'

Nyuma y'uyu muhango, abayobozi n'abakozi ba RDB na RCB bakomereje mu Ihema rya Camp Kigali ahatangiwe ibiganiro bitandukanye bigaruka ku mateka ya Jenoside ndetse n'urugendo rwo kwiyubaka kw'igihugu.

Rev Dr Antoine Rutayisire yasangije abitabiriye iki gikorwa ubutumwa yakubiye mu kiganiro yise Agaciro k'Ubuzima.

Yasabye aba bayobozi n'abakozi kwibuka ariko kandi bakanahinduka nk'uko insanganyamatsiko ibivuga.

Yagize ati 'Twibuka kugira ngo dushime abitanze ngo tubeho. Ikindi kandi twibuka kugira ngo dusubize amaso inyuma mu rwego rwo kwishimira ibyagezweho. Nubwo bimeze uko, igihugu gifite akazi gakomeye kuko abantu benshi bibuka ariko ntibahinduke.'

Umuyobozi Mukuru w'Urwego rw'Igihugu Rushinzwe Iterambere, Clare Akamanzi, yasabye abakozi b'ibigo byombi gusigasira ibyagezweho bitari ibifatika gusa.

Yagize ati 'Ni inshingano zacu nk'abayobozi kumenya amateka y'igihugu ndetse no guhangana n'ingaruka tugihura na zo. Igikomeye cyane ni ugusigasira ibyagezweho bitari ibifatika gusa ahubwo ibidafatika twagezeho nk'igihugu. Ibi tuzabigeraho turwanya abapfobya Jenoside yakorewe Abatutsi ndetse n'abayihakana.'

Urwibutso rwa Jenoside rwa Nyamata rushyinguwemo imibiri y'Abatutsi bishwe muri Jenoside barenga ibihumbi 45 aho abagera ku bihumbi 10 biciwe muri Kiliziya ya Nyamata.

Umuyobozi Mukuru w’Ikigo cy’Igihugu gishinzwe guteza imbere Ubukerarugendo bushingiye ku Nama, Karemera Janet (ibumoso) yunamiye abazize Jenoside yakorewe Abatutsi mu 1994 baruhukiye mu Rwibutso rwa Nyamata

RDB na RCB byishyuriye mituweli abarokotse Jenoside mu Karere ka Bugesera

Abayobozi n’abakozi b’Urwego rw'Igihugu Rushinzwe Iterambere (RDB) n'Ikigo cy'Igihugu gishinzwe guteza imbere Ubukerarugendo bushingiye ku Nama (RCB) basuye Urwibutso rwa Jenoside rwa Nyamata mu Karere ka Bugesera

Abarokotse Jenoside bagaragaza akanyamuneza nyuma yo kwishyurirwa mituweli

Umuyobozi Wungirije w’Urwego rw’Igihugu Rushinzwe Iterambere (RDB), Mukazayire Nelly, yasabye abarokotse Jenoside gukomera no kuzirikana ko bitaweho

Umuyobozi ushinzwe Ubukerarugendo muri RDB, Michaëlla Rugwizangoga, acana urumuri rw’icyizere

Muri iki gikorwa hacanwe urumuri rw’icyizere cy’ahazaza h’Abanyarwanda

Umuyobozi Mukuru w'Urwego rw’Igihugu Rushinzwe Iterambere, RDB, Clare Akamanzi, yasabye abitabiriye uyu muhango gusigasira ibyagezweho

Rev Dr Antoine Rutayisire yasabye abitabiriye uyu muhango kwibuka ariko banahinduka

Ibiganiro bitandukanye babiherewe mu Ihema rya Camp Kigali

Rutayisire Jackson wari ushinzwe ubuzima bwa buri munsi bw’ikipe y’igihugu Amavubi yasezeye ku mwanya we.

Mu magambo make Jackson wari umaze imyaka irenga 5 kuri uyu mwanya, yabwiye ISIMBI ko atasezeye mu ikipe y’igihugu gusa ahubwo yasezeye no muri FERWAFA.

Ati “ni byo nasezeye. Nasezeye muri FERWAFA.”

Rutayisire Jackson yari umukozi wa FERWAFA ariko ushinzwe amakipe y’igihugu y’umupira w’amaguru.

Asezeye nyuma y’uko Minisiteri ya Siporo yarimo ikora ubucukumbuzi ku ntandaro yo guterwa mpaga ku ikipe y’igihugu Amavubi kubera gukinisha Muhire Kevin wari ufite amakarita 2 y’umuhondo ku mukino wa Benin.

Bivugwa ko ku wa Kane w’iki cyumweru umutoza mukuru, Carlos Alós Ferrer ndetse na Rutayisire Jackson bitabye Minisitiri wa Siporo, Munyangaju Aurore Mimosa kugira ngo bagire ibyo basobanura.

Amavubi yatewe mpaga kubera ko mu mukino w’umunsi wa 4 w’itsinda L yakiriyemo Benin i Kigali tariki ya 29 Werurwe 2023 yakinishije Muhire Kevin wari ufite amakarita 2 y’umuhondo (iyo yabonye ku mukino wa Senegal n’iyo yabonye ku mukino wa Benin ubanza), aho rwireguye ko bagendeye kuri raporo ya CAF yagaragazaga ko nta muziro afite.

Rutayisire Jackson nka Team Manager, bivugwa ko ari we wari ubifite mu nshingano zo kwandika ayo makarita nubwo byaje kugaragara ko no mu masezerano y’abatoza birimo ko bagomba kubikurikirana.

Rutayisire Jackson yasezeye muri FERWAFA