Rutahizamu Leander Willy Essombe Onana wakiniraga Rayon Sports akaza kugurwa na Simba Sc yo muri Tanzania yagaragaye ari gufasha abaturage batuye mu gace avukamo.
Uyu musore ukomoka muri Cameroon, nyuma yo kugurwa miliyoni 80 Frw na Simba Sc, yagaragaye arimo asambana n'abaturage baturanye.
Nyuma y’uko ku mugoroba wo kuwa Kabiri tariki ya 11 Nyakanga 2023, abafundi n’abayede bagwiriwe n’urukuta rw’urusengero barimo kurusenya, abaturage bo mu kagari ka Juru mu murenge wa Gahini barasaba ubuyobozi guhagurikira insengero zishaje ziri mu murenge wabo.
Abaturage batuye mu murenge wa Gahini mu karere ka Kayonza baganiriye na InyaRwanda.com bavuga ko urwo rusengero rw’Itorero rya ADEPR , basenyaga rwubatswe hakoreshejwe ibiti ndetse rwari rusahaje cyane.Â
Umwe mu baturage yavuze ko urusengero rwishe umufundi wari mu barimo kurusenya rwari ruriho ibiti byaboze.
Yagize ati “Urusengero rwari rumaze imyaka myinshi ku buryo ibiti byarwo byari byaraboze, icyo dusaba ubuyobozi nuko insengero zishaje zahabwa amabwiriza zigasanwa kugira ngo zitazagwira abakiristu basengeramo.
Undi muturage utuye mu murenge wa Gahini yabwiye InyaRwanda.com muri ako gace hari insengero zishaje zikwiriye kugenzurwa zitaragwira abazisengeramo kuko harimo izubakishije ibiti.
Yagize ati “Hari insengero zihari zishaje ku buryo hatabayeho kuzisana zanagwira abakirisito bazisengeramo. Abayobozi b’amatorero bakwiye kuzisana ndetse na Leta igafatira ibyemezo amatorero atazasana urusengero basengeramo.”
Ubuyobozi bw’Umurenge wa Gahini, bwemeza ko harimo gukorwa ubugenzuzi bareba niba insengero zujuje ibisabwa kugira ngo zisengerwemo.
Umunyamabanga Nshingwabikowa w’uwo Murenge, Rukeribuga Joseph, mu kiganiro yagiranye na InyaRwanda.com yavuze ko abantu batatu bakomeretse bajyanwe kuvurirwa mu bitaro bya Gahini.
Yagize “Abafundi babiri n’abayede babiri bagwiriwe n’urukuta barimo gusambura urusengero rwari rusahaje kugira ngo hubakwe urushya. Umuntu umwe yahise apfa abandi batatu bari ku bitaro barimo kuvurwa kandi nubwo batarataha bameze neza.”
Rukeribuga yakomeje avuga icyo Ubuyobozi burimo gukora kugira ngo hakemurwe ikibazo cy’abasengera mu nsengero zishaje. Yagize ati: “Twatangiye kugenzura insengero, ruriya narwo rwaragenzuwe tubasaba ko bubaka urusengero rutateza impanuka abarusengeramo.
Dukomeje kugenzura insengero zose tureba ko zubahirije ibisabwa. Urusengero ruzajya rwubakwa, harebwe ko rurimo kubakisha ibikoresho bitateza impanuka abaturage. Ubugenzuzi kandi turimo kubukora ku nyubako zose zihuriramo abantu bose.”
Abaturage babwiye InyaRwanda ko urusengero bariya bafundi n’abayede barimo gusenya ko bafite amakuru ko mu kibanza rwari rwubatsemo bashaka kuhubaka urundi ruzubakishwa rukarakara bakavuga ko nabyo bidakwiye kuko rukarakara nazo iyo zubatswe nabi nazo zishobora gusenyuka.
Mu 2021 nibwo Joseline yinjiye mu bakinnyi ba filime abifatanya n'urugendo rwo kuririmba muri Orchestre Impala yubatse amateka akomeye mu muziki w'u Rwanda.
Kuva icyo gihe yiyabambajwe muri filime zirimo 'Umuturanyi' ya Clapton, 'The Message' ya Nyambo, 'My Heart' ya Killerman na 'Ndirirende' ya Nyirankotsa.
Yabwiye InyaRwanda ko yakuze yifuza kugira filime ye bwite n'ubwo urugendo rwe rwatangiriye mu kugaragara muri filime z'abandi.
Yavuze ati 'Impamvu natangiye gusohora filime yanjye nuko ari nzozi nari mfite. Kuva ngera muri cinema numvaga intego ari ukugera kure kandi nkagira filime yanjye atarugukina mu z'abandi gusa.'
Akomeza avuga ko iyi filime 'La Vie' yasohoye yubakiye ku nama z'ubuzima bwa buri munsi mu miryango 'yacu'.
Ati 'Kuko ibyo dukina byose n'ubuzima duhura nabwo rero tukahigira kwihangana, ubumuntu no kubana n'abandi.'
Joseline avuga ko ajya gutangira gushyira hanze iyi filime yahisemo kwifashisha amazina y'abakinnyi basanzwe bazwi kandi banakoranye mu zindi filime.
Ati 'Nakoranye n'abakinnyi dusanzwe dukorana kuko bujuje ibyo nifuzaga ku bakinyi nashakaga.'
Iyi filime ye irimo amazina akomeye y’abakinnyi bane basanzwe bahurira muri filime ‘Umuturanyi’ ya Clapton Kibonke. Nka Lynda, Nadia ndetse na Nyambo Jessica.
Yavuze ko mu gihe cy’iminsi micye ishize ashyize hanze iyi filime ‘yahise ikundwa cyane’ kandi biramutungura, kuko atari abyitezeho.
Avuga ko agace ka mbere k’iyi filime ariko ariko kamuteye umuhate wo gukomeza gushyira imbaraga muri iyi filime. Ati 'Ni Episode ebyiri maze gushyiraho ariko zarakunzwe cyane cyane ku buryo ntari mbyiteze.”
Joseline avuga ko ashaka gushyira itafari rye ku rugendo rwa cinema yo mu Rwanda, kandi ari no gutekereza gukora filime y’uruhererekane igaruka ku buzima bwo mu rugo.
Iyi filime yatangiye gushyira hanze ifite ibice birangira. Ati 'Nzagaragaza imibereho ya buri munsi. Abantu bambwiye ko mfite igitekerezo cyiza, ariko kuba nkora filime ikarangira si byiza, ahubwo nakora filime y’uruhererekane ku buryo abantu bazajya bayikurikirana buri munsi’.
Uyu mugore avuga ko icyerekezo cye ari ugukora filime zifite icyo zihindura ku buzima bw’abantu. Ati “Tuzakomeza gukina ubuzima bubaho, bwawe, bwanjye, ubwa bene wacu n’abandi bose. Ni bwa buzima duhura nabwo mu rugo.” 
Joseline yatangiye gushyira ahagaragara filime ye ya mbere yise 'La Vie' ishingiye ku buzima abantu banyuramo
Nyambo Jessica, umukinnyi w'imena muri filime 'La Vie' wanitiriwe iyi filimeÂ
Audace Willy uzwi cyane muri filime zinyuranye- Muri filime 'La vie' akina yitwa Papi
Umukinnyi wa filime Ndayizeye Emmanuel uzwi nka Nick ari mu bakina muri iyi filime 'La Vie', aho akina yitwa 'Nickyson'Â 
'Alice' ukina muri filime 'La Vie' ya Joselyne yatangiye gushyira kuri Youtube
Umutoniwase Nadia witabiriye Miss Rwanda 2022 ari mu bakinnyi bagize iyi filime 
Joseline [Uri ibumoso] asanzwe ari mu baririmbyi babarizwa muri Orchestre Impala, aha baririmbaga muri gitaramo cya Makanyaga cyo kwizihiza imyaka 50 ishize ari mu muziki
REBA HANO AGACE KA MBERE KA FILIME 'LA VIE' YA JOSELYNE
Ikipe y’igihugu y’u Rwanda y’abagore mu mupira w’amaguru yaserutse mu myambaro mishya yanganyije n’iya Uganda 3-3 mu mukino ubanza w’ijonjora ryo gushaka itike y’imikino Olempike ya 2024.
Uganda yari yahisemo kwakirira u Rwanda mu Rwanda kuri Kigali Pelé Stadium kubera ko iki gihugu nta Stade gifite yemewe na CAF.
Ku munota wa 7 w’umukino, Uganda yabonye amahirwe akomeye aho Nyinagahirwa Shakira yacomekewe umupira agasiga ubwugarizi ariko yashaka kuroba, umunyezamu Mukantaganira Joselyne akawohereza muri koruneri itagize icyo itanga.
Joselyne yongeye kurokora She-Amavubi ku munota wa 23 akuramo umupira ukomeye wa Nankya Shadia.
Amahirwe ya mbere y’u Rwanda yabonetse ku munota wa 32, ni kufura yatawe na Uzayisenga Lydia ku ikosa ryari rikorewe Alodie, yateye umupira maze umunyezamu Ruth awushyira muri koruneri.
Iyi koruneri yatewe na Umwaliwase maze Mukahirwa Providence ahita afungura amazamu.
Ku munota wa mbere w’inyongera w’igice cya mbere Shakira Nyinagahirwa yishyuriye Uganda ku ishoti rikomeye yatereye inyuma y’urubuga rw’amahina. Amakipe yagiye kuruhuka ari 1-1.
Ku munota wa 50 Uganda yabonye penaliti ku ikosa umunyezamu yakoreye kuri Najjemba Fauzia maze yinjizwa neza na Nassuna Hasifah. Biba 2-1.
Ku munota wa 66, Nibagwire Libelle yatsindiye u Rwanda igitego cya kabiri kuri kufura maze biba 2-2.
Umunyezamu w’u Rwanda, Joselyne yagize ikibazo cy’imvune ku munota wa 80 maze asimburwa na Uwamahoro Diane waje no gutsindwa igiyego cya 3 cyatsinzwe na Ikwaput Fazila ku munota wa 84.
Usanase Zawadi yaje kwishyurira u Rwanda ku munota wa 85 maze umukino urangira ari 3-3.
Nyuma y’uyu mukino biteganyijwe ko tariki ya 18 Nyakanga ari bwo hazaba umukino wo kwishyura na wo ukazabera kuri Kigali Pelé Stadium aho u Rwanda rusabwa kunganya biri munsi y’ibitego 2 rugakomeza.
Source : http://isimbi.rw/siporo/she-amavubi-yaserutse-mu-myambaro-mishya-yaguye-miswi-na-uganda-amafoto
Abatwara taxi zitwara abantu, abatwara amakamyo, n'abandi bantu bakora imirimo itandukanye batangaje ko nta mirimo bajyamo ahubwo bigaragambya kubera imisoro yazamuwe na leta ya Perezida William Ruto.
Uyu mutegetsi mukuru mu gihugu yari yavuze ko kuri uyu wa Gatatu tariki 12 Nyakanga 2023, uba uw'akazi bisanzwe ariko siko byagenze wabaye uwo kumwamagana.
Abashishikariza imyigaragambyo ku mbuga nkoranyambaga barakoresha ijambo ry'Igiswahili 'Tumechoka' mu guhamagarira abantu kuyitabira ari benshi.
Abajya ku mirimo benshi nabo bahisemo kuguma mu ngo zabo kuko batizeye umutekano mu mihanda n'aho bakorera.
Perezida William Ruto, kuri uyu wa Kabiri tariki 11 Nyakanga2023, yaburiye Raila Odinga uhamagarira imyigaragambyo, avuga ko iy'uyu munsi batemera ko iba.
Polisi yaraye isohoye itangazo iburira ko 'nta myigaragambyo iri bwemererwe kuba' muri Kenya kuko nta muntu wandikiye polisi ayimenyesha nk'uko biteganywa n'amategeko.
Ibi ariko siko byagenze kuko kuri uyu wa Gatatu ibintu byabaye bibi muri Kenya, hamwe abashoferi ba tagisi basigumishije mu ngo banga ko abigaragambya bazitwika.
Ikinyamakuru The Standards cyanditse ko imihanda yose ya Nairobi yarimo ubusa, nta rujya n'uruza rw'abantu uretse abigaragambya.
Nko mu mijyi nka Kakamega, Nyamira, Nyeri, ubucuruzi bwahagaze kimwe na Kisumu abacuruzi hose bafunze.
Intero ni imwe ngo ubuzima bwahagaze, Perezida William Ruto nadohore.
Perezida Ruto mu burakari yateguje mukeba we Raila Odinga, ko igihugu kitari bwemere ko ateza akajagari nk'aho nta butegetsi buhari.
Uyu mutegetsi avuga ko nta munya-Kenya waremewe kwirirwa atera amabuye mu myigaragambyo.
Bwana Ruto, yasabaga ko ahabwa umwanya agashyira mu bikorwa politiki zatumye atorwa, aho gufata abantu ngo birirwe mu mihanda bigaragambya.
Kuva Perezida Ruto yatsinda amatora mu mwaka ushize wa 2022, mukeba we Raila Odinga yamaganye iyo ntsinzi avuga ko yibwe amajwi, gusa inkiko zateye utwatsi ikirego cye.
Odinga yagiye ahamagarira imyigaragambyo yo kwamagana ubutegetsi bwa Ruto, avuga ko butemewe n'amategeko.
Nyuma y'amezi macye iyo myigaragambyo yaracogoye.
Ikibazo cy'izamuka ry'ibiciro ku bicuruzwa by'ibanze, nk'ifu y'ibigori cyakomeje kuzahaza imibereho y'abaturage ba Kenya, Raila Odinga abona indi ngingo yo kwamagana ubutegetsi.
Kurwanira ubutegetsi, imisoro, igiciro cy'imibereho, imyigaragambyo, ibyo ni ibibonekera amaso, ariko abasesenguzi bavuga ko Kenya yugarijwe n'ikibazo gikomeye cyo kwiyumva mu moko.
Ubutegetsi bwa William Ruto, bufatwa na benshi nk'ubw'aba-Kalenjin, ubwoko bwa gatatu mu bwinshi mu moko atuye Kenya.
Nubwo mu butegetsi bwe harimo n'abo mu yandi moko ndetse visi perezida Rigathi Gacagua ni umu-Kikuyu, ubwoko bwa mbere mu bwinshi.
Raila Odinga afatwa nk'uvuga rikumvwa na benshi mu bwoko bw'aba-Luo, bwa kane mu bwinshi, mu byerekanwa n'imibare ya leta, kandi mu bice birimo aba-Luo benshi nko mu burengerazuba mu mujyi wa Kisumu no hafi yaho hari abamufata nka perezida watsinze amatora.
Inzobere ziburira ko ubushyamirane bushingiye ku kurwanira ubutegetsi buhabwa ishusho y'amoko bugahembera gucamo ibice abaturage, buteye impungenge zikomeye ko bishobora kugeza ku kintu kibi kurushaho.
The post Kenya: Itumbagira ry'imisoro ryatumye abakora ubucuruzi butandukanye bigaragambya appeared first on FLASH RADIO&TV.
Ikipe ya Rayon Sports nyuma yo kubona APR FC ibatwaye Nshimiyimana Ismael Pitchou, nayo imaze gusinyisha umukinnyi ukomeye cyane wicaza Pitchou mu ikipe y'igihugu.
Kuri uyu wa gatatu mu masaha y'igicamunsi nibwo ikipe ya Rayon Sports yasinyishije kumugaragaro umurundi Haruna Moussa Madjaliwa usanzwe abanzamo mu ikipe y'igihugu y'u Burundi mu kibuga hagati.
Uyu musore umwaka ushize yakiniraga ikipe ya Bumamuru FC ikina Burundi Primus National Langue ndetse benshi bemeza ko yigaragaje cyane muri iyi Shampiyona ku mwanya akina.
Madjaliwa asinye mu ikipe ya Rayon Sports igihe kingana n'imyaka 2, mu minsi iri imbere aratangazwa kumugaragaro ko yamaze gusinya kuko kugeza ubu biravugwa ko yahagurutse i Burundi aza hano mu Rwanda.
Â
Â
Umuhanzi Itahiwacu Bruce wamamaye nka Bruce Melodie yatatse Boss we ku munsi w'isabukuru ye y'amavuko.
Bruce Melodie abinyujije ku mbuga nkoranyambaga ze yatangaje ko Coach Gael ari umufatanya bikorwa mwiza cyane kandi ko ari n'inshuti nziza amwifuriza kugira umunsi mwiza w'isabukuru ye y'amavuko.
Coach Gael na Bruce Melodie:
Source : https://yegob.rw/bruce-melodie-yatatse-boss-we-ku-munsi-wisabukuru-ye-yamavuko/
Rwabuze gica: Ubwato n'umugore wa rutahizamu Lionel Messi na mugenzi we Cristiano Ronaldo byateje impaka hagati y'abafana babo.
Mu ifoto yashyizwe ku mbuga nkoranyambaga n'umunyamakuru Reagan Rugaju yagaragaje ubwato bwa Lionel Messi na Cristiano Ronaldo bose bari kumwe n'abagore babo maze abaza abamukurikira ababeranye ndetse nufite ubwato bwiza kurusha undi n'uko abafana nabo barayavuga karava.
Ifoto:
Bimwe mu byo abafana babo bagiye batangaza:
Ikigo mpuzamahanga GCR Ratings, kizobereye mu gupima imari n'ubukungu by'ibigo bitandukanye ku Isi, cyemeje ubuhangange bwa kompanyi ya MUA Insurance Rwanda Limited mu mitangire ya serivisi z'Ubwishingizi.
GCR Ratings yashyize MUA Insurance Rwanda Limited mu cyiciro cya AA-, ari nacyo gisumba ibindi, mu rwego rwo kwerekana ko iyi Kompanyi imaze imyaka irenga 17 ku isoko ry'u Rwanda, imaze kugaragaza itandukaniro muri serivisi nziza z'ubwishingizi zihabwa abaturage.
Gushyirwa mu cyiciro cya AA-, bigaragaza icyizere MUA Insurance Rwanda Limited imaze kugirirwa mu bijyanye no gutanga serivisi z'Ubwishingizi zizewe, zihuse kandi zinogeye abagenerwabikorwa babarizwa mu bihugu bitandukanye.
Iyi Kompanyi yahoze yitwa Phoenix of Rwanda Assurance Company Ltd, MUA Insurance Rwanda Ltd kuva mu 2006 igeze ku isoko ry'u Rwanda, imaze kwerekana umuhate mu guteza imbere serivisi z'Ubwishingizi zinyuze mu ikoranabuhanga kandi zigera kuri benshi mu Akarere k'Afurika y'Iburasirazuba.
Mu kiganiro na InyaRwanda, Umuyobozi Mukuru wa MUA Insurance Rwanda Ltd, Konde Bugingo, yavuze ko bishimiye cyane kuba ari bo Kompanyi y’ubwishingizi ya mbere ishyize ahagaragara iyi impamyabushobozi (Certificate) igaragaza ko bahagaze neza mu buryo bw’imari no guha serivisi nziza abakiriya babo.
Yagize ati: ”Ni ibintu twishimiye cyane kuko mu ruhando rw’ubwishingizi harimo kompanyi nyinshi zikora ibyo dukora ariko byaradushimishije ko twashyizwe mu cyiciro cya mbere. Ni twe kampanyi y’Ubwishingizi ihawe iyi mpamyabushobozi kandi ikayisangiza abafatanyabikorwa mu Rwanda. Ibi birahindura byinshi ku mikorere yacu n’uburyo dufashamo abakiriya bacu”.
Konde Bugingo, avuga ko gushyirwa mu cyiciro cya mbere cya AA- kw'iyi Kompanyi, bigaragaza ko abishingizi ndetse n'abagana iki kigo bifuza serivisi z'Ubwishingizi, bakwiye kongera icyizere bari bayifitiye mu bijyanye no kwishyura indishyi z'Ubwishingizi kurushaho.
Konde avuga ko kandi ibi bikwiye gufasha abafata ubwishyingizi cyangwa abanyamigabane bose muri MUA Insurance Rwanda Limited, ko bashyinganye neza kandi ko Sosiyete ikomeye
Konde Bugingo uvuga ko bishimiye iki gikorwa, yakomeje asobanura akamaro bibafitiye ati: ”Ku bafatanyabikorwa bacu biratuma babona ko turi abizerwa ndetse barusheho kutwizera kandi n’abakiriya bacu bizabagiraho ingaruka nziza kuko noneho tuzabasha kujya tubitaho no kubafasha mu buryo buri hejuru”.
Umuyobozi mukuru Konde Bugingo yatangaje ko ibikorwa by’iyi kompanyi bigikomeje ndetse ko igiye kuzana impinduka mu ruhando rw’ubwishingizi.
Yagize ati: ”Mu mpera z’uyu mwaka tuzatangiza ubwishingizi bw’ubuvuzi butandukanye n’ubutangwa n’ibindi bigo. Tuzakuraho icyuho kirimo. Turashaka kuzana itandukaniro ,no mu bijyanye n’Ubuhinzi naho turashaka kuzahagera kuko hari umushinga wabyo turi kwigaho”’.
Umuyobozi ushinzwe imari muri MUA Insurance Rwanda, Francis Nkubana yasobanura uburyo iyi kompanyi ikomeye mu buryo bw’imari yatanze urugero agira ati: ”Mu 2022 hari umukiriya wacu twarishye Miliyari 6 z’amafaranga kandi turakomeza turakora. Aya mafaranga ni menshi kompanyi itapfa gutanga idahagaze neza. Ibi byerekana ko twebwe ibijyanye n’imari no kwita ku bakiriya bacu tubihagazemo neza”.
Francis Nkubana yavuze ko iki kigo kuri ubu kigaragaza ko umwaka warangiye gifite ubushobozi bwo kwishyura abakiriiya bose bungana na 230% (Solvency) ugereranyije n'ubw'ibindi bigo byose bungana na 221%. Ubusanzwe ikigo cy'ubwishingizi gisabwa ko kiba gifite ubushobozi bwo kwishyura abakigana ku rugero rwa 100%.
Yasobanuye ko kompanyi yabo ikorana n’ibigo bikomeye hamwe n'ibito byumwihariko abashaka ubwishingizi ku binyabiziga yaba ku modoka cyangwa kuri moto. Kugeza ubu iyi kompanyi iri mu za mbere mu gutanga ubwishingizi ku batunze ibinyabiziga mu Rwanda.
Ibikorwa bya MUA Insurance Rwanda Ltd ntibigarukira mu bwishingizi gusa kuko banakora ibindi bikorwa bifasha umuryango nyarwanda birimo nko gufasha abarokotse Jenoside yakorewe Abatutsi mu 1994, gufasha abana badafite kirengera ndetse banatera inkunga amasiganwa ya Bugesera Marathon.
Mu bigo bikomeye mu Rwanda bakorana nabyo harimo nka Access Bank, I&M, Cimerwa hamwe n’Ikibuga cy’Indege cya Bugesera.
MUA Insurance Rwanda Ltd yabaye iya mbere mu kubona certifcate yo murwego rwa mbere mu bwishingizi mu Rwanda, imaze imyaka 75 ikora ndetse inakorera mu bihugu bitandukanye byo mu Akarere k'Afurika y'Iburasirazuba.
Umuyobozi mukuru wa MUA Insurance, Konde Bugingo yatangaje ko ibikorwa by’iyi kompanyi bigikomeje ndetse ko igiye kuzana impinduka mu ruhando rw’ubwishingizi
MUA Insurance Rwanda Limited's [MUA Rwanda] yahize ibindi bigo, mu gutangaza ibipimo by'ikigo mpuzamahanga cya GCR Ratings
Francis Nkubana ushinzwe imari muri MUA Insurance, avuga ko iki kigo gihagaze neza mu gutanga serivisi z’Ubwishingizi ku buryo mu 2022 hari umukiriya bishyuye asaga Miliyari 6frwÂ
AMAFOTO: Serge-Ngabo/INYARWANDA
Hari abaturage bakorera n'abakenera serivisi zo mu gakiriro ka Nyagatare mu mujyi wa Nyagatare, basaba ko hanozwa isuku y'ubwiherero kuko bakeka ko bwuzuye ndetse abaturage bagakomeza kubwiherera hejuru abandi bakajya mu bihuru.
Hashize amezi asaga abiri ubwiherero bw'agakiriro ka Nyagatare budakora, abaturage bagakeka ko bwuzuye.
Iyo ugeze kuri ubu bwiherero usanga imiryango imwe ifunze n'indi ifunguye.
Ahafunguye huzuye umwanda ku buryo haturuka umunuko ukibasira abakorera n'abakenera serivisi muri aka gakiriro.
Hari abaherera hujuru y'umwanda kubera kubura uko bagira.
Abakorera n'agana serivisi z'aka gakiriro bavuga ko ari ikibazo kuba badafite aho biherera.
Ati 'Ikibazo gikunze kuba kiri mu gakiriro hari igihe umuntu ajyayo agashaka aho yiherera bikaba ikibazo, kuko hadakorerwa isuku.'
Undi yungamo ati 'Nta muntu bagira uhakora isuku, ariko hanahora hafunze. ingaruka ni uko ushaka kujya kwiherera ukahabura.'
Aba baturage baravuga ko iyo abakubwe bashaka aho biherera bakabuze bihangana, abatabishoboye bakajya mu gushaka ubwiherero mu mujyi .
Barasaba ko hakubakwa ubwiherero mu maguru mashya, kugirango bitazakururira indwara mu gihe hari abihagarika ku muhanda.
Ati 'Iyo ugiye kwihagarika ugasanga hariho umwanda urabikora kuko uba ukubwe, ariko numva byagutera indwara.'
Undi ati 'Iyo dusanze bwanduye tujya mu bihuru cyangwa tukajya mu giporoso.'
Ubuyobozi bw'aka gakiriro buravuga ko ubwiherero butuzuye ahubwo ko bwazibye bitewe n'abaturage baturuka mu byaro batazi ku bukoresha aho usanga bihehesha ibyatsi basukamo amazi bikanga kumanuka.
Umuyobozi w'aka gakiriro, Bwana Ruberankiko Gervais,avuga ko barimo gushaka uko bacukura ubundi bwiherero bw'abanyacyaro budasaba gukoresha amazi.
Ati 'Ahubwo ingorane tugira, tugira abantu batazi kuzikoresha kuko urabona buriya bwiherero ni ubwa kizungu, tukagira abantu bazana ibintu by'ibyatsi bagashyiramo. Urumva ubwiherero bw'amazi iyo ushyizemo ibyatsi zihita ziziba, iyo zizibye rero kuzana abazizibura baduca amafaranga atari macye, gusa mu gukemura ikibazo ni ugushaka ubwiherero busanzwe bw'icyobo.'
Nubwo hari imiryango y'ubwiherero usanga ifunze ubuyobozi bw'agakiriro buvuga ko ikora hakagira ubika urufunguzo.
Ni mu gihe ubwo twataraga iyi nkuru twagerageje gushaka ufite urufunguzo kugirango tugenzure ntiyaboneka.
Aka gakiriro kari mu mujyi wa Nyagatare rwagati, ubuyobozi bw'aka karere bukaba bufite umukoro isuku muri aka gakiriro kugirango umujyi urusheho kugira isuku nk'umwe mu mijyi yunganira uwa Kigali.
Ntambara Garleon
The post Nyagatare: Abakorera mu gakiriro basigaye biherera mu bihuru appeared first on FLASH RADIO&TV.