Author: webrwanda

Rayon Sports igiye kugura imodoka idafitwe n'indi kipe iyo ari yo yose hano mu Rwanda kubera ingano ya Milliyoni ihagaze

Ikipe ya Rayon Sports igiye gutunga imodoka ikomeye idafitwe n'indi kipe iyo ari yo yose hano mu Rwanda kuko ihagaze Milliyoni nyinshi cyane.

Ubuyobozi bwa Rayon Sports nyuma yo kuba burimo gushaka abaterankunga benshi ndetse inasinyisha abakinnyi bakomeye izifashisha umwaka utaha w'imikino kugeza ubu yamaze kumvikana na kompanyi ikomeye igurisha imodoka.

Amakuru ahari avuga ko iyi kompanyi ikorera mu gihugu cya Kenya, yamaze kumvikana na Rayon Sports ko igomba kubaha imodoka yo gutwaramo abakinnyi ndetse n'abatoza. Ubuyobozi bwa Rayon Sports bwumvikanye n'iyi kompanyi ko izishyura iyi Modoka mu gihe kingana n'imyaka 5.

Gikundiro bivugwa ko izajya imenyekanisha ibikorwa by'iyi kompanyi nubwo hataratangazwa izina ryayo. Amakuru avuga ko iyi Bisi izaba ihagaze Milliyoni ziri hagati ya 150 na 200, bivuze ko iyi Bisi izaba ari nziza ku buryo bwose.

Source : https://yegob.rw/rayon-sports-igiye-kugura-imodoka-idafitwe-nindi-kipe-iyo-ari-yo-yose-hano-mu-rwanda-kubera-ingano-ya-milliyoni-ihagaze/

Burya yigaga: Umuhanzi w'umunyeshuri yatangiye gukora ibizamini bya Leta bisoza umwaka w'amashuri yisumbuye.

Umuraperi Akili Kirikou wo mu gihugu cy'u Burundi uherutse gukorana indirimbo n'umuhanzi Chris Eazy ni umwe mu bana b'abanyeshuri batangiye gukora ibizamini bya Leta bisoza amashuri yisumbuye.

Amafoto:

Source : https://yegob.rw/burya-yigaga-umuhanzi-wumunyeshuri-yatangiye-gukora-ikizamini-cya-leta-amafoto/

U Rwanda rwasinyanye amasezerano n'ikigo cy'iterambere cya Arabia Saudite kizwi nka Saudi Fund, y'inguzanyo ya miliyoni 20$ azishyurwa mu myaka 25 ariko harimo  itanu isonewe ku nyungo nto cyane ya 1%.

Kuri  uyu wa kabiri tariki 11 Nyakanga 2023, nibwo aya masezerano yashyizweho umukono.

Aya mafaranga akaba azishyurwa mu gihe cy'imyaka 25 ariko harimo 5 isonewe ku nyungu ya 1%, bivuze ko u Rwanda ruzatangira kwishyura ku mwaka wa Gatandatu.

Minisitiri w'imari n'igenamigambi Dr Uzziel Ndagijimana, yavuze ko aya mafaranga azashorwa mu mushinga wo kongera umuriro w'amashanyarazi mu karere ka Kamonyi ku kigero cya 6.8%, bigatuma iterambere rirushaho kugera ku batuye muri aka karere.

Ati 'iyo ugeze ahantu hageze amashanyarazi mu kanya gato ubona impinduka uhabona imirimo mishyashya ihavuka bakoresha amshanyarazi, usanga n'imiturire ihinduka, amasantire y'ubucuruzi akaza, abasya ibigori, ubuzima mbese buhita buhinduka.'

Umuyobozi w'ikigo cy'iterambere cya Arabia Saudite, Bwana Sultan bin Abdulrahman Al-Marshad, yavuze ko aya masezerano aza asanga ayandi menshi bafitanye n'u Rwanda yo guteza imbere igihugu, kandi ko bagikomeje no kureba ibindi bakomeza gufashamo u Rwanda.

Ati 'Kuva mu 1967, U Rwanda ni kimwe mu bihugu byari bikenewe ubufasha  mu kwiteza imbere. Niyo mpamvu rero leta ya Arabia Saudite ifasha u Rwanda kuva icyo gihe kandi ikazanakomeza gufasha u Rwanda kugera ku ntego rwihaye.'

Minisitiri w'Imari n'Igenamigambi, Dr Uziel Ndagijimana, abajijwe niba inguzanyo zitazagera igihe zikaremerera u Rwanda ntirubashe kwishyura, yavuze ko io u Rwanda rwemera, ari izihura na gahunda z'iterambere kandi zoroshye kwishyura zikanajyanwa mu bikorwa bibyara inyungu, ku buryo kuzishyura bitagorana.

Kugeza ubu muri gahunda yo kugeza amashanyarazi kuri bose, Akarere ka Kamonyi kageze ku kigero cya 58.9% ariko uyu mushinga ukazongera 6.8%

Muri gahunda ya leta y'imyaka irindwi NST1 harimo ingingo ivuga ko umwaka wa 2024, uzarangira abantu bose bacanirwa ku kigero cya 100%, gusa imibare igaragaza ko ubu u Rwanda rugeze kuri 70% rugera kuri iyo ntego.

CYUBAHIRO GASABIRA GAD

The post U Rwanda rwasinyanye amasezerano na Arabia Saudite mu kongera amashanyarazi appeared first on FLASH RADIO&TV.

Source : https://flash.rw/2023/07/12/u-rwanda-rwasinyanye-amasezerano-na-arabia-saudite-mu-kongera-amashanyarazi/?utm_source=rss&utm_medium=rss&utm_campaign=u-rwanda-rwasinyanye-amasezerano-na-arabia-saudite-mu-kongera-amashanyarazi

Wagira ngo ni muri paradizo: Irebere ahantu hateye ubwuzu umuhanzi Bruna Boy yakoreye ibirori byo kwizihiza isabukuru ye y'amavuko.

Mu mashusho yacaracaye ku mbuga nkoranyambaga yagaragaje ahantu umuhanzi ukomeye cyane hano muri Afurika Damini Ebunoluwa Ogulu wamamaye cyane nka Burna Boy yizihirije ibirori by'isabukuru ye y'amavuko dore ko yujuje imyaka 32.

Amashusho:

Source : https://yegob.rw/wagira-ngo-ni-muri-paradizo-irebere-ahantu-hateye-ubwuzu-bruna-boy-yakoreye-ibirori-byo-kwizihiza-isabukuru-ye-yamavuko-amashusho/

Rwatubyaye Abdul agiye guhura n'ikibazo gikomeye! Ikipe ya Rayon Sports yamaze gusinyisha IJIGO rigomba kwicaza Rwatubyaye Abdul

Ikipe ya Rayon Sports nyuma y'abakinnyi imaze iminsi itangaza yamaze gusinyisha myugariro ukomeye cyane ushobora kwicaza Rwatubyaye Abdul cyangwa Mitima Issac.

Kuri uyu wa gatatu mu masaha ashyira saa tanu z'amanwa nibwo ikipe ya Rayon Sports yasinyishije kumugaragaro myugariro ukomeye cyane wakinira ikipe ya Kiyovu Sports witwa Nsabimana Aimable nyuma y'umwaka umwe gusa ayikinira.

Nsabimana Aimable usanzwe anahamagarwa mu ikipe y'igihugu y'u Rwanda kugeza ubu ni umukinnyi w'ikipe ya Rayon Sports kuko yamaze gusinya amasezerano y'imyaka 2. Yaje mu ikipe ya Kiyovu Sports yakiniraga ikipe ya APR FC naho yavuyemo benshi bibaza impamvu itumye yirukanwa kubera ubushobozi afite.

Aimable abaye umukinnyi wa 2 uvuye mu ikipe ya Kiyovu Sports nyuma ya Serumogo Ally Omar. Rayon Sports imaze gusinyisha abarimo Tamale, Serumogo Ally, Nsabimana Aimable, Bugingo Hakim ndetse na Youseff Rharb.

 

Source : https://yegob.rw/rwatubyaye-abdul-agiye-guhura-nikibazo-gikomeye-ikipe-ya-rayon-sports-yamaze-gusinyisha-ijigo-rigomba-kwicaza-rwatubyaye-abdul/

Umunyamakuru w'imikino wo kuri RadiyoTV10, Mucyo Antha Biganiro yatunguye mugenzi we Reagan Rugaju wa RBA, amuha ishimwe ryo gukuza umushinga we yatangiye.

Ubwo bari mu kiganiro, Antha yahaye Reagan Rugaju umurundo w'inote za 5000Frw mu rwego rwo gushyigikira umushinga wa YouTube Channel uyu Rugaju yatangaje.

Iyi YouTube Channel y'umunyamakuru Reagan itaramara igihe kinini, imaze kugira abayiyandikishijeho (Subscribers) ibihumbi birenga 47.

Source : https://yegob.rw/iza-5000-gusa-umunyamakuru-wimikino-mucyo-antha-yashimiye-reagan-rugaju-mu-rwego-rwo-gushyigikira-umushinga-yatangaje/

Iki gitaramo kizaba ku wa 30 Nyakanga 2023 guhera Saa kumi n'ebyiri kuri Saint Famille mu Mujyi wa Kigali. Ni igitaramo cy'indirimbo zihimbaza Imana, bazahuza no kumurika iyi album yabo ya Kabiri, iriho indiirmbo bavuga ko zuje ubuhanga zo mu njyana zitandukanye kandi zinogeye amatwi n’umutima.

Iyi album iriho indirimbo 10 zibibutsa ineza y'Imana kandi ko ariwe mubyeyi wa buri wese akwiye kugarukira.

Umuyobozi Wungirije muri The Bright Five Singers, Mugwaneza Jean Marie Vianney yabwiye InyaRwanda ko bateguye iki gitaramo mu rwego rwo kongera gutaramira abakunzi babo nyuma y'imyaka itanu yari ishize no kubamurikira iyi album yabo nshya.

Ati 'Twateguye iki gitaramo mu rwego rwo kumurika ku nshuro ya kabiri (2) umuzingo w’indirimbo zacu zisingiza kandi zirata ineza y’Imana (Ineza Yayo Album).'

'Ni igitaramo twateganyaga gukora mu mwaka wa 2020 ariko kubera impamvu z’icyorezo cya Covid 19 biba ngombwa ko tugisubika. Bijyanye n’intego yacu yo gusingiza Imana no gufatanya n’abandi kuyitaramira ni kuri iyo mpamvu twahisemo uyu mwanya mwiza wo kongera gutaramana.'

Akomeza ati 'Igitaramo kizaba kigizwe n’indirimbo 10 ziri kuri iyi album ndetse n’izindi ziri mu njyana zitandukanye kandi zinogeye amatwi.'

Iyi album bari bamaze imyaka ine bayikora. Kandi bifashije aba Producer barimo Didier, Emmy Pro, Oreste na Dieudonné Murengezi mu gutunganya indirimbo ziyigize.

Kuri iyi album bakoranyeho indirimbo n'abahanzi barimo Irakoze Nicole, Marie Ange Ndinda na Nizeyimana Nyituriki Denys.

Mugwaneza avuga ko nyuma yo kumurika iyi album bazahita batangira urugendo rwo gukora album ya Gatatu, bazifashishaho abahanzi b'indirimbo zo kuramya no guhimbaza Imana bakomeye.

Kandi barateganya kuzakora ibitaramo byinshi cyane cyane mu Mujyi wa Kigali no mu Ntara.

Iri tsinda risanzwe rifite album ya mbere bise 'Musabe muzahabwa' bamuritse mu gitaramo gikomeye bakoze ku wa 15 Ukwakira 2017. Icyo gihe iki gitaramo cyahuriranye no kwizihiza imyaka ibiri yari ishize bari mu muziki.

The Bright Five Singers ikorera ivugabutumwa muri Paroisse Cathédrale Saint Michel igizwe n'abasore bafite intego yo gufasha Abakristu gusenga basingiza Imana ndetse no kwitagatifuza binyuze mu ndirimbo.

Batangiye ivugabutumwa ku wa 15 Ukwakira 2015 ari abasore batanu ari bo Mugabe Jean Jacques Bertrand, Iraguha Alain Marius, Niyigena Patrick, Kamanzi Prosper na Mutesa Rukundo Christian.

Uko iminsi yagiye yicuma hari abagiye bajya mu bundi butumwa mu mahanga bagasimbuzwa abandi hagiye hiyongeramo nka Niyonkuru Fabrice, Karangwa Kwizera Fabrice na Mugwaneza Jean Marie Vianney.

The Bright Five Singers batanze ibyishimo mu bitaramo bitandukanye batumiwemo n'ibyo biteguriye. Bafasha andi makorali mu miririmbire, cyane cyane bigisha indirimbo ndetse no kugorora ijwi.

Aba baririmbyi kandi, bakora ibikorwa bitandukanye by'urukundo ku bantu batandukanye bikabafasha kwiyubaka no gukomera ku mpano y'ubuzima itangwa n'Imana.

Bafite kandi abavandimwe bafatanya kugira ngo ibyo bikorwa bigende neza barimo Umuryango witwa Bright Five Singers Family.

Bifatanya kandi n'abantu batandukanye mu kwizihiza iminsi Mikuru mu gitambo cya Misa harimo ubukwe, Batisimu, amasabukuru, Missa zo gushima Imana, Missa zo gutabara abagize ibyago no kubafata mu mugongo.

Iri tsinda rizwi mu ndirimbo nka ‘Dusingize Imana’ yakunzwe cyane n’abatari bake, ‘Roho ngwino utumurikire’ yagiye hanze muri Kamena 2020, 'Ndi Umukristu', 'Ngirira imbabazi', 'Abana warazwe' n'izindi nyinshi ushobora gusanga ku rubuga rwa Youtube.

Iri tsinda riheruka gukorera igitaramo gikomeye muri Kigali Serena Hotel mu Ugushyingo 2019 icyorezo cya Covid-19 kitaraza.

Bright Five Singers batangaje ko bagiye gukora igitaramo cyo kumurika album yabo ya kabiri bise “Ineza yayo'

Bright Five Singers bavuze ko bari bamaze imyaka ine bategura iyi album bazamukirikira kuri Saint Famille

Aba basore bagaragaza ko bifashishije abahanzi banyuranye kuri iyi album, kandi baritegura gutangira urugendo rwo gukora album ya gatatu 

Kuva mu 2015, Bright Five Singers iri mu rugendo rw'umuziki w'indirimbo zihimbaza Imana

Bright igiye kumurika album iriho indirimbo zongera ubusabane n’Imana

KANDA HANO UREBE AMASHUSHO Y'INDIRIMBO 'NIHO NZIBERA’ YA BRIGHT FIVE SINGERS

“>

Source : https://inyarwanda.com/inkuru/131781/the-bright-five-singer-bateguje-igitaramo-cyo-kumurika-album-ya-kabiri-131781.html

Kenny Sol yiyongeye ku mubare w'abahanzi bo mu Rwanda bamaze gukora indirimbo na Harmonize uri mu bahanzi bakomeye mu Karere k'Ibiyagabigari.

Uwavuga ko ari agahigo gakomeye ugerereranije n'imyaka Kenny Sol amaze mu muziki ntabwo yaba abeshye.

 Mu kiganiro InyaRwanda yagiranye Kenny Sol,yasobanuye uko byaje kugira ngo babashe gukorana indirimbo ati'Harmonize twahuriye muri studio, nyuma  Element amwumvisha iyi ndirimbo kuko yari irangiye arayikunda ahita yemera kuyijyamo.'

Agaruka ku masomo yigiye kuri Harmonize uri mu bahanzi b'ikirango cy'umuziki w'Akarere k'Iburasirazuba muri iyi minsi ati'Umurava, gukunda ibyo arimo, kwicisha bugufi no kwemera kugirwa inama.'

Akomoza ku gihe amashusho y'indirimbo 'One More Time' yafatiwe ati'Twafashe amashusho yayo muri Mata mu duce turimo Zanzibar na Dar Es Salaam.'

Kuri ubu Kenny Sol akaba akomeje ibikorwa byo gushyira hanze 'Extended Play' [EP] hanze yise 'Stronger Than Before' mu buryo bw'amashusho dore ko mu buryo bw'amajwi yamaze kugera hanze yose.

Mu bandi bahanzi nyarwanda bamaze kugira amahirwe yo gukorana na Harmonize barimo Marina, Safi Madiba na Bruce Melodie hakaba hitezwe ko hari n'abandi  indirimbo bakoranye na we zizajya hanze barimo Ariel Wayz na Element.

KANDA HANO WUMVE UNAREBE INDIRIMBO YA KENNY SOL NA HARMONIZE ‘ONE MORE TIME’

“>Kenny Sol yagarutse ku masomo yigiye kuri Harmonize Amashusho y’indirimbo ya Harmonize na Kenny Sol yafatiwe yose muri TanzaniaGuhurira muri studio kwa Element nibyo byabaye intandaro yo guhurira  mu ndirimboIndirimbo ‘One More Time’ ni imwe muzigize EP ya Kenny Sol

Source : https://inyarwanda.com/inkuru/131783/kenny-sol-yagarutse-ku-ndirimbo-yakoranye-na-harmonize-yitwa-one-more-time-yagiye-hanze-am-131783.html

Rayon Sports yamaze gusinyisha myugariro wakiniraga Kiyovu Sports, Nsabimana Aimable amasezerano y’umwaka umwe.

Mu gitondo cyo kuri uyu wa Gatatu tariki ya 12 Nyakanga 2023 nibwo uyu mukinnyi ukina mu mutima w’ubwugarizi yasinyiye Rayon Sports.

Nsabimana Aimable yari asigaranye amasezerano y’umwaka umwe muri Kiyovu Sports akaba yarumvikanye n’iyi kipe iramurekura.

Gusa andi makuru avuga ko Kiyovu Sports yahaye uyu mukinnyi ibaruwa imurekura ababwira ko agiye gukina hanze y’u Rwanda none kuba asinye mu Rwanda bashobora kumugora.

Nsabimana Aimable yageze mu Ikipe y’Urucaca mu Ukwakira 2022. Ni nyuma y’aho yari yerekeje muri Jeddah SC yo muri Arabie Saoudite ariko ntibyakunda kubera ko iyi kipe itamuboneye ibyangombwa ku gihe bityo imusaba ko yakora imyitozo kugeza muri Mutarama 2023, we ahitamo kuvayo.

Muri Mutarama 2023 Nsabimana Aimable wari wabonye ikipe muri Libya mu ikipe ya Al Nasser yaje guhitamo kongera amasezerano muri Kiyovu Sports aho yongereye umwaka umwe n’igice akaba yari amazemo amezi 6.

Nsabimana Aimable yasinyiye Rayon Sports

Source : http://isimbi.rw/siporo/article/rayon-sports-yakoze-mu-ijisho-kiyovu-sports

Gira umutima utabara ejo yaba ari wowe! Tugirimana Jean Damascène ufite ubumuga bw'ingingo arasaba ubufasha bwo kubona ibihumbi 200 ahindure ubuzima bubi arimo.

Tugirimana Jean Damascène ufite ubumuga bw'ingingo avuga ko akeneye igishoro cy'ibihumbi 200 frw kugira ngo atangire Umwuga w'ubucuruzi kuko kwicara hamwe bimurambiye.

Tugirimana avuga ko yifuza igishoro kugira ngo ateze imbere umuryango we

Tugirimana Jean Damascène w'Imyaka 52 y'amavuko, atuye mu Mudugudu wa Nyagasozi, Akagari ka Gasave Umurenge wa Rugendabari mu Karere ka Muhanga.

Tugirimana avuga ko yavukanye ubumuga bukabije bw'ingingo agira amahirwe make yo kuvukira mu muryango ukennye.

Avuga ko ubumuga yavukanye butigeze bumuca intege kuko yakundaga korora amatungo magufi.

Mu bushobozi buke bw'Ababyeyi be yishatsemo igishoro agura ingurube, inkwavu n'ihene akuramo Inkwano yahaye Umuryango wo kwa Sebukwe.

Ati 'Nifuza ko Leta impa igushoro cy'ibihumbi 200 by'uRwanda kugira ngo nongere gukora.'

Uyu mugabo ufite umugore n'abana 2 avuga ko akeneye kunganira Umugore we kubera ko akora umwuga w'ubuhinzi ari nawo utunze umuryango wose.

Ati 'Mbonye igishoro cy'ayo mafaranga nacuruza ubuconsho bukamfasha kunganira uwo twashakanye.'

Tugirimana avuga ko hari inkunga y'ingoboka agenerwa na Leta buri kwezi, gusa akavuga ko idahagije kugira ngo ibashe kwishyurira abana amashuri.

Umunyamabanga Nsingwabikorwa w'Umurenge wa Rugendabari, Gihana Tharcisse avuga ko inguzanyo Tugirimana yifuza guhabwa n'Umurenge biteguye kuyitanga ariko bakayiha umugore kuko ariwe mwishingizi w'Umuryango kandi akaba ariwe ufite imbaraga zo kujya arangura mu Mujyi.

Ati 'Ikibazo cy'ubumuga uyu mugabo afite, ntabwo cyamwemerera guhora ajya kurangura ibicuruzwa.'

Gihana avuga ko umugore ari we ushoboye gukora agasaba ko bategura umushinga Umurenge nawo ukabaha inguzanyo yo muri VUP.

Tugirimana impamvu yumva afite inyota yo kwikorera ngo ni ukwanga gusabiriza nkuko bamwe mu bafite ubumuga bukabije nk'ubwe bajya babikora.

Ubuyobozi bw'Umurenge wa Rugendabari buvuga ko busanzwe buha Tugirimana inkunga y'ingoboka ingana n'ibihumbi 21, cyakora uyihabwa akavuga ko hari ayo bakata agasirana ibihumbi 10 gusa.

*Ufite ubufasha wabunyuza kuri Nimero 0780952676 ibaruye kuri Tugirimana

Source : https://yegob.rw/gira-umutima-utabara-ejo-yaba-ari-wowe-tugirimana-jean-damascene-ufite-ubumuga-bwingingo-arasaba-ubufasha-bwo-kubona-ibihumbi-200-ahindure-ubuzima-bubi-arimo/