Webrwanda Backend

Author: webrwanda

  • Abakinnyi 2 ba APR FC nyuma yo gushimisha abafana ni nabo benshi bemeza ko bazaheka iyi kipe mu baguzwe bose – YEGOB #rwanda #RwOT

    Abakinnyi 2 ba APR FC nyuma yo gushimisha abafana ni nabo benshi bemeza ko bazaheka iyi kipe mu baguzwe bose

    Abakinnyi babiri APR FC yaguze uyu mwaka, baraye bashimishije abafana mu buryo bukomeye ariko bamwe banemeza ko ari bo iyi kipe izagenderaho uyu mwaka w'imikino.

    Ku munsi wejo hashize ikipe ya APR FC yakoze imyitozo ya mbere kuri Kigali Pele Stadium, ahantu itari isanzwe ikorera kuko ikorere Ishyorongi. Iyi myitozo yari yatumiwemo abafana bose b'iyi kipe kugirango baze barebe umutoza mushya ndetse banarebe abakinnyi bashya baguzwe.

    Abafana bari bitabiriye ku bwinshi ubona ko kureba ikipe ni ibintu bari bakumbuye cyane nyuma y'imyaka irenga 5 abafana batemerewe kureba imyitozo. Icyatumye benshi baza kureba iyi myitozo cyane si uko iyi kipe yatanze ubwasisi ahubwo ni uko yari imaze imyaka 12 idakoresha abakinnyi b'abanyamahanga.

    Ku bitabiriye iyi myitozo bishimiye cyane iki kintu ubuyobozi bushya bwakoze buyobowe na Afande Richard Karasira. Gusa bishimiye cyane abakinnyi barimo Pavel Ndzila ndetse na Apam Assongwe kubera ubuhanga ndetse n'utuntu turyoheye amaso berekanye muri iyi myitozo.

    Bamwe mu bakunzi ndetse n'abakurikirana umupira w'amaguru hano mu Rwanda twaganiriye benshi bahurije ku kuba APR FC aba bakinnyi 2 ari bo ishobora kuzagenderaho uyu mwaka ndetse bongeraho rutahizamu Victor Mbaoma utaragera hano mu Rwanda, utegerejwe mu myitozo ku munsi wo kuwa mbere.

     

     

    Source : https://yegob.rw/abakinnyi-2-ba-apr-fc-nyuma-yo-gushimisha-abafana-ni-nabo-benshi-bemeza-ko-bazaheka-iyi-kipe-mu-baguzwe-bose/

  • Umutoza wa Rayon Sports ntiyumva ukuntu umukinnyi utarahawe umwanya umwaka ushize ubuyobozi bwamusezerera kandi afite ubuhanga budasanzwe – YEGOB #rwanda #RwOT

    Umutoza wa Rayon Sports ntiyumva ukuntu umukinnyi utarahawe umwanya umwaka ushize ubuyobozi bwamusezerera kandi afite ubuhanga budasanzwe

    Umutoza mushya w'ikipe ya Rayon Sports Yamen Zelfani ukomoka mu gihugu cya Tunisia yanze ko ubuyobozi busezerera umukinnyi atabanje kureba imikinire ye mu mashusho yabonye ari mwiza.

    Mu gitondo cyo kuri uyu wa kabiri nibwo ubuyobozi bwakiriye umutoza mukuru kibuga cy'indege Yamen Zelfani ndetse na Lebitsa Ayobanga umutoza w'abazamu baje gukomeza gutoza Rayon Sports mu gihe cy'umwaka umwe gusa. Bahise bakoresha imyitozo abakinnyi ubona ko ibyo bakora babizi.

    Nyuma y'iyi myitozo ubuyobozi bwamenyesheje umutoza mukuru ko bufite gahunda yo gusezerera abakinnyi batandukanye ariko muri abo bakinnyi bamwereka uwitwa Mbirizi Eric utarigaragaje umwaka ushize, uyu mutoza abona ni umukinnyi mwiza ahubwo yibaza uko byanze Kandi ashoboye.

    Yamen Zelfani yaje kubwira ubuyobozi bwa Rayon Sports ko buba buretse kurekura Mbirizi Eric kugirango abanze amukoreshe imyitozo dore ko ataraza, arebe niba yazamugirira umumaro dore ko we abona yaba mwiza yitaweho.

    Ubuyobozi bwahise buba bufashe umwanzuro wo kureka uyu musore, bivuze ko amahirwe menshi ni uko Mbirizi Eric ashobora kuguma muri Rayon Sports kubera ko mu gihe azahabwa amahirwe yo kwigaragariza umutoza sinibaza niba nawe yayaterera iyo ahubwo azazana imbaraga nyinshi kugirango yemeze.

    Ikipe ya Rayon Sports ikomeje imyitozo ikora inshuro 2 ku munsi bitewe ni uko igihe cya giye kandi mu minsi iri imbere iyi kipe irateganya gukina imikino ya gishuti ndetse murabizi ko mbere ya sezo haba Rayon Day Kandi bashobora gukina n'ikipe ikomeye muri Afurika y'iburazirazuba.

     

    Source : https://yegob.rw/umutoza-wa-rayon-sports-ntiyumva-ukuntu-umukinnyi-utarahawe-umwanya-umwaka-ushize-ubuyobozi-bwamusezerera-kandi-afite-ubuhanga-budasanzwe/

  • Nyamasheke: Umugeni wakomerekeye mu mpanuka y… – #rwanda #RwOT

    Uwitwa Nyirandagijimana Bonifrida yashyingiriwe mu bitaro bya Kibogora kuwa Gatanu tariki ya 21 Nyakanga 2023, nyuma y’uko imodoka yari imujyanye ahari kubera imihango y’ubukwe bwe yakoze impanuka ndetse se wari wayikomerekeyemo agapfa.

    Impanuka yakomerekeyemo umugeni na se wari wakomeretse agapfa, yabaye kuwa Gatanu mu murenge wa Macuba, akagari ka Rugali, mu mudugudu wa Gatyazo mu karere ka Nyamasheke .

    Ikamyo ya Scania ifite ibirango bya RAD 134U yavaga i Nyamasheke igana i Karongi, yagonganye na Toyota  Hiace ifite ibirango RAG 407N yavaga i Macuba igana i Nyamasheke.

    Umushoferi wa Hiace witwa Mahirane Albert w'imyaka 38 y'amavuko, yahise ahasiga ubuzima, hakomereka abagenzi 16 bari mu modoka, mu bakomeretse harimo se w'umukobwa.

    Abakomeretse bahise bajyanwa mu Bitaro bya Hanika. Muri abo bakomeretse  6 bahise bajyanwa mu Bitaro bya Kibogora. Uwo mukobwa yasezeraniye mu bitaro aho yavurirwaga ndetse Se wari wakomeretse yageze mu bitaro arapfa.

    Nubwo abari bagiye mu bukwe bakoze impanuka, ndetse hakaba ibyago se w'umugeni agapfa, ubukwe bwabereye mu Bitaro bya Kibogora.

    Rev. Pasitori Akumuntu Felicien umushumba wa Paruwasi ya Gihinga mu Itorero Methodiste Libre mu Rwanda, Comference ya Kinyaga, washyingiye uwo mugeni n’umugabo we.Yabwiye umuseke.rw  ko nubwo umugeni yashyingiriwe mu Bitaro, bizeye ko ejo ashobora gutaha mu rugo rwe rushya n'umugabo we Niyitanga Pacifique.

    Yagize ati 'Ndangije kubashyingira, umugeni yari yagize ikibazo mu itako ntabwo yahise ajya mu rugo, aracyari mu Bitaro, dufite icyizere ko n'ejo yataha, we ntabwo byari bikomeye cyane'.

    Uwo mugeni akomoka mu Murenge wa Macuba yari agiye gushyingirwa i Ntendezi, ahitwa Ruharambuga.

    Ubukwe bwabo bwabereye mu bitaro

    Amafoto: Umuseke.rw

    Source : https://inyarwanda.com/inkuru/132243/nyamasheke-umugeni-wakomerekeye-mu-mpanuka-yahitanye-na-se-yasezeraniye-mu-bitaro-132243.html

  • Uburanga bwa Miss Tracy wambitswe ikamba rya… – #rwanda #RwOT

    Unyujije amaso ku mbuga nkoranyambaga za Tracy Nabokeera [Tracy Keera], ubona ko atari umukobwa mushya mu myidagaduro.

    Impamvu ni uko asanzwe yariyeguriye ibirebana no kumurika imideli aho yagiye atambuka mu birori bitandukanye bikomeye. Hariho kandi n’ikiganiro yigeze kugirana n'ikinyamakuru mpuzamahanga cya BBC.

    Uyu mukobwa kandi ari mu bifashishwa na kompanyi zinyuranye mu bikorwa byo kwamamaza yaba iz’itumanaho n’izindi zitandukanye.

    Hirya y’ibyo kandi kuwa 19 Werurwe Tracy yaherukaga kwegukana ikamba rya Miss Higher Learning.

    Tracy yegukanye ikamba n'ibihembo binyuranye bibarirwa muri Miliyoni zikabakaba 200Frw harimo imodoka n'amafaranga afatika.

    InyaRwanda igiye kukwereka mu buryo bw'amafoto uburanga bw'uyu mukobwa kuri ubu byamaze kwemezwa ko ari we uhiga abandi mu bwiza, umuco n'ubwenge muri Tanzania.Tracy Nabokeera wari usanganwe izina ritari rito mu myidagaduro ya Tanzania ni we wegukanye ikamba rya Miss Tanzania 2023Yaherukaga kweguka ikamba rya Miss Higher Learning mu birori byabaye rwagati muri WerurweYiyeguriye isi y’imyidagaduro ishingiye ku mideli aho amaze guseruka mu birori bikomeye by’imideliAsanzwe ari mu bakobwa bifashishwa mu bikorwa bitandukanye birimo ibyo kwamamaza mu gihugu cya Tanzania

    Source : https://inyarwanda.com/inkuru/132242/uburanga-bwa-miss-tracy-wambitswe-ikamba-rya-miss-tanzania-2023-riherekejwe-na-miliyoni-ha-132242.html

  • Nubyirinda ubuzima bawe buzagenda neza; Oda Paccy akomeje gutanda isomo ry’ubuzima – YEGOB #rwanda #RwOT

    Umuhanzikazi Oda Paccy umaze igihe kinini adasohora indirimbo kubera ko yararimo gukomeza amasomo mu minsi yashyize nibwo yatanze ubutumwa ku bahanzikazi bagenzi be ababwira ko aje gutanga ibyo batatanze.

    Kuri uyu munsi yashyize hanze ifoto arenzaho amagambo akomeye cyane yagize ati:

    IBINTU 7 BYO KUREKA MURI 2023 :

    1. Kugerageza gushimisha abantu bose.

    2. Gutinya impinduka mu buzima bwawe

    3. Kubaho mu hahise hawe

    4. Kwisuzugura

    5. Gutekereza cyane n'ibitari ngombwa

    6. Gutinya kuba utandukanye , utameze nk'abandi cyangwa udatekereza nkabo

    7. Gutekereza ko utari mwiza , nta cyiza ukora cyangwa udahagije mu bandi

    Source : https://yegob.rw/nubyirinda-ubuzima-bawe-buzagenda-neza-oda-paccy-akomeje-gutanda-isomo-ryubuzima/

  • Myugariro wa APR FC Niyigena Clement agiye kwerekeza hanze y’u Rwanda – YEGOB #rwanda #RwOT

    Shampiyona ijya gusozwa myugariro w'ikipe ya APR FC Niyigena Clement yari afite uburwayi bukomeye ariko kugeza ubu agiye kujyanwa hanze y'u Rwanda.

    Uyu mukinnyi ubwo Shampiyona yaburaga imikino micye bivugwa ko yarwaye Maralia ariko abatoza kuko bashakaga ko uyu mukinnyi akoreshwa cyane, baje kumugarura mu kibuga atarakira neza ariko babwiwe n'abaganga ko ameze neza ahita yongera kurwara mu buryo bukomeye Shampiyona isozwa akomeze nabi.

    Uyu musore bivugwa ko nyuma yo kuremba cyane nayo mpamvu ubuyobozi butigeze butangaza indwara uyu musore yarwaye ariko amakuru YEGOB twamenye ni uko Niyigena Clement agiye kujyanwa hanze y'u Rwanda kuvurizwayo.

    Bikomeje kugorana cyane ku ndwara y'uyu musore bitewe ni uko ikipe ya APR FC yamutindanye ndetse bigasa nkaho yirengagizwa gusa kuba agiye kuvurizwa hanze y'u Rwanda ashobora gukira byihuse ariko kugaruka mu kibuga dushobora kongera kumubona mu mikino yo kwishyura ya shampiyona.

     

     

     

    Source : https://yegob.rw/myugariro-wa-apr-fc-niyigena-clement-agiye-kwerekeza-hanze-yu-rwanda/

  • Tennis: TRCF yatangije umushinga wo kwagura i… – #rwanda #RwOT

    Kuri uyu wa Gatanu tariki ya 21 Nyakanga 2023, ni bwo habaye ikiganiro n’Itangazamakuru cyari kiyobowe na Umulisa Joselyne watangije umushinga wa Tennis Rwanda Children’s Foundation, kikaba cyabereye mu cyumba cy’Inama cya Marriott Hotel mu Mujyi wa Kigali.

    Umulisa yatangiye asobanura imigabo n'imigambi y'uyu muryango n'icyo ugamije ku banyarwanda. Ati: “Intego nyamukuru y’iki kiganiro kwari ukumurikira Abanyarwanda ibijyanye n’uyu Muryango by’umwihariko Itangazamakuru kuko ari ryo ridufasha kugeza ijwi ryacu kure. 

    Tennis Rwanda Children’s Foundation ni umuryango udaharanira inyungu, ukaba warashinzwe mu rwego rwo kumenyekanisha umukino wa Tennis mu Rwanda by’umwihariko mu bakiri bato”.

    “Imwe mu ntego yacu nyamukuru, harimo gufasha abakinnyi bakiri bato bagera kuri 50 byibuze mu gihe cy’Imyaka iri hagati y’ibiri n’itatu bakaba batangiye guhatana ku rwego mpuzamahanga, babikesha uyu muryango wacu (Tennis Rwanda Children’s Foundation)”.

    Agaruka ku mbogamizi bafite yagize ati: “Imbogamizi ya mbere harimo ubuke bw’ibibuga abana bitorezaho, kuko usanga ibyinshi ari iby’amakipe bityo abana kubyisanzuraho bikagorana”.

    “Nk’Umuryango ntabwo turabasha kugira ibibuga twigengaho byadufasha gushyira mu ngiro mu buryo bwihuse ibyo twiyemeje, ariko tuzakomeza gukora ubuvugizi aho bishoboka, no gukora ibishoboka byose byafasha abana gukina Tennis kandi bakaryoherwa n’ibyiza biyibamo”.

    Abana bagana uyu Muryango {Foundation) Tennis Rwanda Children’s Foundation, baba bari hagati y’imyaka 10 na 13, ku rugero rya 70% baba ari abakobwa mu gihe 30% ari abahungu.

    Impamvu uyu mubare utangana, Umulisa avuga ko yagenzuye ibijyanye n’uyu mukino imbere mu gihugu, agasanga harimo intera itari ntoya hagati y’ibi byiciro byombi, bityo yiyemeza guteza imbere iki cyiciro, by’umwihariko nk’imwe mu ntego nyamukuru ya Guverinoma y’u Rwanda, yo gufasha umwana w’Umukobwa kwisanga muri buri cyiciro cy’ubuzima bw’Igihugu.

    Nyuma yo gutangiza uyu muryango mu Mujyi wa Kigali mu mwaka ushize w’i 2022, muri uyu mwaka, ibikorwa bya Tennis Rwanda Children’s Foundation bizibanda mu Ntara y’Uburasirazuba b’umwihariko mu Turere twa Bugesera, Ngoma na Kirehe mu Nkambi y’Impunzi ya Mahama ku ikubitiro, nyuma byerekeze mu Ntara y’Amajyaruguru, Uburengerezuba n’Amajyepho.

    Kuri ubu, umuryango Tennis Rwanda Children’s Foundation umaze hafi umwaka n’igice utangiye ibikorwa byawo mu Rwanda, ukaba ufite abana bakabakaba 100 ukorana nawo mu kubafasha kuzamura impano zabo muri Tennis.

    Umulisa Joselyne ni muntu ki muri Tennis?

    Umulisa ni Umunyarwadakazi umaze hafi imyaka 20 akina uyu mukino imbere mu gihugu no ku rwego mpuzamahanga. Yatangiye gukina uyu mukino ubwo yigaga mu mwaka wa kabiri w’amashuri yisumbuye mu mwaka w’i 2003. 

    Mbere yo gutangira umwuga wo gutoza, Umulisa yabaye umukinnyi wa Tennis wabigize umwuga by’umwihariko ukina ku giti cye gusa akanyuzamo akanakina na bagenzi be.

    Yakiniye ikipe y’Igihugu mu marushanwa atandukanye y’imbere mu gihugu no ku rwego mpuzamahanga. Ni umwe mu bakinnyi babaye nimero ya mbere mu Rwanda mu gihe kitari gito.

    Atangira uyu Muryango, Umulisa avuga ko yahereye ku bana 8 gusa b’abakobwa, ariko kuri ubu nyuma y’amezi 18 amaze kugira abana bakina Tennis babarirwa mu 100, akaba abifata nk’ikintu cyo kwishimira.

    Umuryango Tennis Rwanda Children’s Foundation watangiriye ku bibuga bya Tennis kuri Sitade Amahoro i Remera mu Mujyi wa Kigali, ibikorwa bikomereza ku bibuga bya Cercle Sportif de Kigali, Nyarutarama Tennis Club, kuri ubu ukaba unakorera muri Vision City Club i Gacuriro.


    Source : https://inyarwanda.com/inkuru/132238/tennis-trcf-yatangije-umushinga-wo-kwagura-impano-za-tennis-mu-rwanda-binyuze-mu-bakiri-ba-132238.html

  • Icyo umutoza wa APR FC yavuze kuri Rayon Sports azaheraho #rwanda #RwOT

    Umutoza mushya wa APR FC, Thierry Froger yavuze ko abizi neza ko umukino wa Rayon Sports ari umukino ukomeye bityo ko bagomba kuwitwaramo neza.

    Uyu mutoza w’umufaransa yerekanywe ejo tariki ya 21 Nyakanga 2023 aho umukino wa mbere azatoza w’irushanwa ni uwa Super Cup izahuramo na Rayon Sports tariki ya 12 Kanama 2023.

    Uzaba ari umukino ubanziriza umwaka w’imikino wa 2023-24 aho biteganyijwe ko shampiyona izatangira tariki ya 18 Kanama 2023.

    Mu kiganiro cye cya mbere n’itangazamakuru cyabaye ejo hashize, Thierry Froger yavuze ko abizi ko uyu mukino ari ingenzi kuri iyi kipe y’ingabo z’igihugu.

    Ati “Umukino wa Rayon Sports ni ingenzi cyane, ni umukino wa mbere w’umwaka kuri APR FC.'

    Yavuze ko kuri uyu mukino bazagerageza guhindura ibintu kugira ngo barebe ko batsinda uyu mukino.

    Ati “Nziko ari umukino w’ingenzi ku bafana, tuzagerageza guhindura ibintu.”

    APR FC yagarutse kuri gahunda yo gukinisha abanyamahanga yamaze kugura abanyamahanga 7 na Danny Ndukumana uzakina nk’umunyarwanda.

    Abanyamahanga baguzwe ni umunyezamu Pavelh Ndzila ukomoka muri Congo Brazaville, Umugande Taddeo Lwanga, Abanya-Cameroun, Joseph Apam Assongue na Salomon Bienvenue Banga, umunya-Sudani Sharaf Eldin Shaiboub Ali ndetse na rutahizamu ukomoka muri Nigeria, Victor Mbaoma

    Thierry Froger yavuze ko umukino wa Rayon Sports ari ingenzi cyane

    Source : http://isimbi.rw/siporo/article/icyo-umutoza-wa-apr-fc-yavuze-kuri-rayon-sports-azaheraho

  • Arteta aratangaza ko burya atari buno ngo nta kujenjeka kugihari – YEGOB #rwanda #RwOT

    Source : https://yegob.rw/arteta-aratangaza-ko-burya-atari-buno-ngo-nta-kujenjeka-kugihari/

  • Ngororero: Umugabo yatawe muri yombi nyuma yo gufatanwa udupfunyika twinshi tw’urumogi – YEGOB #rwanda #RwOT

    Mu Karere ka Ngororero umugabo yafatiye mu cyuho uvuye kurangura udupfunyika 995 tw'urumogi.

    Uyu mugabo w'imyaka 42 y'amavuko, yafatiwe mu Mudugudu wa Ngororero, Akagari ka Kabeza mu Murenge wa Ngororero, ku gicamunsi cyo ku wa Kane tariki 20 Nyakanga, arutwaye mu gikapu.

    Umuvugizi wa Polisi mu Ntara y'Iburengerazuba, CIP Mucyo Rukundo, yavuze ko yafashwe biturutse ku makuru yatanzwe n'umuturage.

    Uyu mugabo akimara gufatwa yavuze ko urwo rumogi yari yaruranguye ku mucuruzi utukura mu gihugu cya Repubulika Iharanira Demokarasi ya Congo, akaba yari arushyireye abakiliya afite mu Mujyi wa Kigali.

    Source : https://yegob.rw/ngororero-yatawe-muri-yombi-nyuma-yo-gufatanwa-udupfunyika-twinshi-twurumogi/