Author: webrwanda

Junior Multisystem yatabarutse ku itariki 27 Nyakanga 2023. Ni urupfu rwariye uyu mugabo w'imyaka 30 wamaze ubuzima bwe yarihebeye umuziki kugeza no kuba agicibwa ukuboka yarakomeje gutunganya iyiindirimbo. Ni impanuka yagize muri Werurwe ya 2018. Yaje gucibwa akaboko asigara mu buribwe ndetse arananuka biteye ubwoba.

Mu biganiro yagiye atanga mu bihe bitandukanye yakunze kumvikanisha ko ubuvuzi bwo mu Rwanda butari kugira icyo bumumarira ariyo mpamvu yahoraga asaba abagiraneza kumufasha akajya kwivuriza hanze y'u Rwanda. Yarinze ashiramo umwuka nta bufasha abonye bwo kujya kwivuza bivuze ko yapfanye agahinda ko kuterekwa urukundo n'abo babanye mu muziki mu myaka 14 yose.

 

Inyarwanda yashatse kumenya ubuzima bwa Junior Multisystem akibarizwa muri Bridge Records kuva mu 2011 kugeza mu 2014.

Mu butumwa bugufi bw'uwahoze ari umukoresha wa Karamuka Jean Luc wiyitaga Junior ariko Kamichi akaza kumwongereraho akabyiniriro ka Multisystem,twabwiwe ko iriya studio yahoze iri i Kanombe mu marembo y'ikibuga mpuzamahanga cy'indege.

Uyu mugabo usigaye yibera muri Canada yabwiye Inyarwanda ati:'Junior rero kubera ukuntu yakundaga abahanzi yansabye ko studio iva I Kanombe ikaza mu Biryogo kuko abahanzi nta mikoro bari bafite yo gutega imodoka na moto bitewe n'ubukene bari bafite icyo gihe'.

Jacques Uwizeye uzwi ku kabyiniriro ka Jackross ( Bridge records owner) yakomeje avuga urwibutso azahora afite ku mutima kuri producer Junior Multisystem.

Yagize ati:' Bridge Records yatangiye mfatanyije na Producer Nicolas ariko 2011 narayiguze mba owner  wayo ndayivugurura itangira gukora audio na video. Kwamamaza n'ibindi byose bijyanye na muzika.

Studio yakoreraga mu marembo ya airport mu nsi y'icyapa cya Primus .Producer Junior Multisytem twagiranye ibihe byiza ntazibagirwa kuko yari umuntu uhora yishimye akunda abahanzi cyane ndetse abarwanira ishyaka dore ko no kwimura Studio tukayijyana  Nyamirambo mu Biryogo byabaye igitekerezo cye kuko yambwiye ko abahanzi kugera i  Kanombe bibagora cyane bitewe n’uko nta mikoro afatika abenshi bari bafite twahise dushaka inzu twembi kuko nari mfite ukwezi kumwe ngo ngaruke muri Canada byabaye ngobwa ko mara amezi atatu twubaka Studio bushya mu byumweru 2 gusa yari yuzuye bitewe nuko nakundaga uko yakundaga umurimo akora .

Nk’icyo gikorwa cyanyeretse uburyo yakundaga abahanzi kandi byari mu ntego ya Bridge Records kuzamura impano.

 

Ntakindi navuga kuko ni byinshi namuvugaho usibye kumusabira Ijuru no gukomeza umuryango we, maman we yakundaga cyane kuko bari inshuti cyane ndetse n'abavandimwe be Imana ibahe gukomera muri ibi bihe bitoroshye.Rest in Peace Junior'. 

Mu 2013 Junior Multisystem yagurutse muri Bridge Records nyuma y'umwaka umwe ari muri Super Level. Muri uyu mwaka Bridge Records yamugaruye imuhaye 700,000 Frws ya recruitement anasinya amasezerano y'umwaka umwe.

 

Zimwe mu ndirimbo zifatwa nk'izibihe byose zakorewe muri Bridge Records

Akigera muri Bridge Records mu 2011 yahise akora Ibidashoboka ya Butera Knowless,akurikizaho Umfatiye runini ya Urban Boyz bafatanyije na Riderman ndetse na Ikigusha ya Young Grace afatanyije na Butera Knowless.

 Junior Multisystem yitangiye umuziki nyarwanda apfa nk’intabwa

INDIRIMBO 15 Z’IBIHE BYOSE ZAKOREWE MURI BRIDGE RECORDS ZIRAMBITSWEHO IBIGANZA NA JUNIOR MULTISYSTEM

“>

“>

 

“>

“>

“>
“>

“>

“>
“>

“>

“>

“>

“>

“>

“>
Producer Junior Multisystem yamaze imyaka 14 atunganya indirimbo. Nibura buri muhanzi  wari ugezweho icyo gihe  yamunyuze imbere  kuko niwe muhanga wari ugezweho ndetse byari bigoye gucuranga indirimb0 10 hatarimo izo yarambitseho ibiganza. Azashyingurwa ku itariki 02 Kanama 2023 ku irimbi rya Rusororo.

AS Kigali yatangiye imyitozo yitegura umwaka w’imikino wa 2023-24 aho ku ikubitiro yatangiranye n’abakinnyi 14 barimo 8 bashya.

Ni imyitozo yabaye mu gitondo cyo kuri uyu wa Mbere tariki ya 31 Nyakanga 2023 aho yayobowe n’umutoza mukuru Casa Mbungo Andre.

AS Kigali yatangiye imyitozo nyuma y’andi makipe kubera kugira ibibazo mu buyobozi aho uwari umuyobozi wayo, Shema Fabrice yasezeye kubera ko Umujyi wa Kigali wayigeneraga amafaranga make.

Nyuma y’ibiganiro byagoranye Umujyi wa Kigali ufite iyi kipe mu maboko n’abayobozi iyi kipe yari isigaranye, wemeye gutanga amafaranga maze ikipe ikaba yasubukuye imyitozo yitegura umwaka w’imikino wa 2023-24.

Yagaragayemo abakinnyi 6 bari basanzwe muri iyi kipe ni mu gihe abasigaye ari 9. Abakoze imyitozo bayobowe na Bishira Latif uzakomeza kuba kapiteni w’iyi kipe, Dusingizimana Gilbert, Ahoyikuye Jean Paul Mukonya, Nyarugabo Moise, Rucogoza Eliassa na Akayezu Jean Bosco.

AS Kigali yamaze kugura abakinnyi 9 bashya muri bo 8 bakaba bakoze imyitozo uretse Ishimwe Fiston ukiri mu bizami bya Leta.

Abakoze ni Benedata Janvier, Kimenyi Yves, Ishimwe Saleh na Ndayishimiye Thierry bakiniraga Kiyovu Sports, Nishimwe Blaise wavuye muri Rayon Sports, Itangishaka Blaise wavuye muri APR FC, Cuzuzo Aime Gael na Hakizimana Abdoulkarim bavuye muri Gasogi United.

Muri iyi myitozo kandi hagaragaye abandi bakinnyi bashya nabo bakoze ariko batararangizanya n’iyi kipe basa n’abari mu igeragezwa barimo Sekamana Maxime wakiniye Rayon Sports na APR FC, Mico Justin wakiniye Police FC na Rayon hari kandi na Tuyishime Eric Congolais wakiniye amakipe arimo Rayon na APR FC n’andi, n’abandi.

Dore impamvu 7 zitera gutengurwa udafite umuriro nk’uko urubuga Heathline rutanga inama ku buzima rwabitangaje:

1.Kuba ukonje

Kuba uri ahantu hakonje cyane nko mu rubura, mu mbeho ikabije, wanyagiwe se, cyangwa wambaye imyenda ikonje bishobora gutera umubiri wawe gutengurwa. Gusa uko umubiri wawe ugenda ushyuha kwa gutengurwa bigenda bigabanyuka. 

Nyamara ku bantu bashaje, abarwaye diyabete bishobora gusaba ubundi bufasha cyane cyane iyo n'ubushyuhe bw'umubiri bugenda bugabanyuka kuko ubusanzwe uko gutengurwa biba ari ugushaka kugumana ubushyuhe umubiri wari ufite.

2. Ingaruka z'imiti uri gufata

Gutengurwa udafite umuriro kandi bishobora kuba biterwa n'ingaruka z'imiti waba uri gufata, cyangwa kuba wafashe imiti iri ku gipimo cyo hejuru. Niyo mpamvu mbere yo gukoresha umuti uwo ari wo wose usabwa kubanza gusobanuza umuhanga mu by'imiti ingaruka zose zishobora kuzanwa na yo. Kandi niba bibayeho ugacyeka ko biri guterwa n'imiti ni byiza guhita ugana kwa muganga.

3. Gukoresha ingufu z'umubiri cyane

Kwirukanka marathon, ni rumwe mu ngero zo gukoresha ingufu z'umubiri cyane. Ibi bikaba bikunze kubaho cyane iyo hakonje bikabije cyangwa hashyushye cyane. 

Iyo hashyushye cyane biterwa ahanini nuko umubiri uri gutakaza amazi naho iyo hakonje cyane byo bigaterwa n'igabanyuka ry'ubushyuhe bw'umubiri. Ibindi byigaragaza iyo bitewe n'inanirwa ry'umubiri harimo: Ibinya ndetse n’Isesemi no kuruka

4.Umunaniro

Ibi kubyirinda ni ukunywa amazi macye macye mu gihe uri muri siporo cyangwa ukoresha ingufu z'umubiri cyane ndetse ukanambara imyenda igenewe siporo uri gukora. Akenshi kunywa amazi bikemura ikibazo ariko iyo bikomeye usabwa gukurikiranwa na muganga.

5.Imvubura ya Thyroid ikora buhoro

Ubusanzwe iyi mvubura ikora imisemburo ishinzwe kuringaniza imikorere y'umubiri. Iyo iri gukora buhoro bishobora gutera kumva imbeho cyane nuko bigatera gutengurwa. 

Ibindi bijyana na byo harimo: Kubyimba mu maso, Kubyibuha bidafite impamvu igaragara, Uruhu rwumye, inzara n'imisatsi ipfukagurika, Imikaya idafite ingufu, inaribwa, Kwiheba no kwigunga, Impatwe no Kunanirwa kwibuka. Ibi bisuzumirwa mu maraso kandi imiti irahari ibivura bigakira iyi mvubura ikongera gukora neza.

6.Isukari nkeya mu maraso

Isukari nkeya mu maraso ishobora guterwa nuko umubiri wawe utari kuyinjiza ihagije cyangwa se umusemburo wa insulin mu mubiri ari mucye. Bishobora kandi guterwa nuko imiti ukoresha niba urwaye diyabete iri gukora bikabije ikaba ikeneye kongera kuringanizwa.

Niba gutengurwa bitewe nuko isukari yagabanyutse usabwa kwitabwaho n'abaganga aho igipimo cy'isukari kigomba kuzamurwa.

Ibindi bimenyetso harimo: Kubira ibyuya, Umutima usimbuka, Gutitira iminwa, Kuyoba ubwenge, Ikizungera, Kureba ibicyezicyezi n’Imirire mibi

Niba umubiri utari kwinjiza intungamubiri zose ukeneye cyangwa ukaba utarya ngo uhage bituma umubiri udakora neza. Bishobora kugaragazwa no gutengurwa bihoraho, ndetse n'ibindi bimenyetso birimo: Umunaniro no guhondobera, Ubute, Kudashyira ubwonko hamwe, Ibiheri ku mubiri, Ibinya mu ngingo, Kuraba no kuremererwa umutwe, Ku bagore harimo kubura imihango, imihango idakama cyangwa kubura urubyaro. Ibi bisaba kwita ku mirire no guhabwa imirire iboneye cyane aho witabwaho n'inzobere mu mirire.

7. Amarangamutima

Amarangamutima amwe n'amwe ashobora gutera gutengurwa hamwe ushobora no gucyeka ko malariya yakwinjiye. Ubwoba bwinshi cyangwa guhangayika cyane ni amwe mu marangamutima atera gutengurwa. 

Bishobora kandi no guterwa n'amagambo wumvise utari witeze (nko kubwirwa ko ukundwa n'uwo utacyekaga, cyangwa kumva indirimbo ukumva ni nk'aho ari wowe baririmbye, …) ndetse bishobora no guterwa no kureba filimi cyangwa kumva ikinamico bikora ku mutima cyane.

Iki gitaramo cyaherekeje ukwezi kwa Nyakanga cyabaye mu ijoro ryo kuri iki Cyumweru tariki 30 Nyakanga 2023 mu ihema rya Kigali Conference and Exhibition Village ahazwi nka Camp Kigali, ari naho ibi bitaramo bisanzwe bibera.

Ni kimwe mu bitaramo byari bitegerejwe n'umubare munini cyane ko impera z'icyumweru zisize abanya-Kigali mu birori n'ibitaramo.

Ni ‘weekend’ yarimo igitaramo cy'umunyarwenya Japhet yakoreye i Musanze, igitaramo cy'umufaransa La Fouine muri BK Arena, kumurika album ya mbere y'itsinda Bright Five Singers, umukino wa Rayon Sports na Vital'o FC n'ibindi binyuranye.

1.Patrick Salvado niwe washyize akadomo ku gitaramo cya Seka Live.

Uyu mugabo ageze ku rubyiniro yavuze ko yiyumva nka Obama wayoboye Leta Zunze Ubumwe za Amerika ashingiye ku kuba yataramiye abanyarwanda n'abanyamahanga biganjemo abazungu.

Yavuze ko yashimishijwe no kubona abakundana muri Kigali bagenda bafatanye agatoki ku kandi, ngo ni ibintu adakunze kubona, kuko muri Uganda umugabo afata mu ntoki umugore we cyane cyane iyo bageze muri 'Supermarket' adashaka ko afata icyo abonye cyose.

Patrick yavuze ko mu muryango we ariwe mwiza cyane. Ati 'Tekereza rero no ku bandi basigaye bameze nka Uncle Austin.'

Yavuze ko umugabo udafite isura ishamaje bisamusaba gukora cyane. Ati 'Reba nawe Uncle Austin ni umunyamakuru, afite restaurant, akora n'ibindi bikorwa [Abantu basetse barihirika].

Salvado yavuze ko imyaka 12 ishize ari mu banyarwenya hari uruhande rumwe atabashije gukoreraho amafaranga cyane cyane mu bijyanye no kwamamaza.

Uyu mugabo yavuze ko inganda na kompanyi zikenera kwamamaza zagiye zimwima akazi, ahanini bitewe n'ukuntu agaragara.

Ngo ikiraka yakoze ni icyo kwamamaza siraje zifashishwa ku nkweto (Kiwi), kandi ngo ntabwo ntibakoresheje isura ye, bakoresheje inkweto yari yambaye.

Yanagarutse kuri sosiyete itwara abantu n'ibintu mu kirere ya Uganda Cranes bitewe na serivisi itanga zitari nziza.

Patrick avuga ko gutaramira mu Rwanda bimuha ubuzima, kuko umugore we afitanye isano n'abanyarwanda kandi 'ni mwiza'. Ati 'Niyo aseka aba ari mwiza, niyo arira aba ari mwiza cyane.'

Yagarutse ku banya-Uganda bamaze iminsi bagarukwaho mu itangazamakuru nyuma y'uko bamwe mu bagabo bari gufata icyemezo gupimisha ibizamini bya ADN.

Avuga ko adashobora kuzakoresha ibi bizamini kuko afite icyizere ashingiye ku kuba mu minsi yaritegereje umwana we ubwo nyina yarimo amwoza. Ati 'Nagize icyizere mbona ko hari ibyo duhuje.' 

2.Rusine Patrick niwe wakiriye ku rubyiniro Patrick Salvador

Umunyarwenya akaba n'umunyamakuru wa Kiss Fm, Rusine Patrick yavuze ko mu minsi ishize yagiye gutera urwenya abantu mu rusengero banga guseka. Avuga ko bishoboka ko ahandi ataramira n'abo 'baba basinze bameze nkanjye'.

Uyu musore yagarutse kuri Uncle Austin, avuga ko azi ibijyanye n'ubucuruzi cyane, kuko iyo uri umuntu uzwi ukarira muri restaurant ye ukabura amafaranga wishyura agusaba kwifata amashusho wamamaza restaurant ye cyangwa se ugakora ibindi bikorwa 'ubundi bigahwaniramo'.

Yavuze ko imyaka 5 ishize atera urwenya muri Seka Live. Ni intambwe avuga ko ishimishije kuri we, kuko yatangiye kugaragara muri ibi bitaramo kuva tariki 1 Nyakanga 2018.

Rusine yavuze ko yishimira uko abantu bamwakira muri ibi bitaramo n'ubwo avuga ko hari aho yagiye adahabwa amafaranga.

 Ati 'Ni ibintu byo kwishimira kuba maze gukora muri Seka Live. Inshuro maze gukora ni nyinshi ugereranyije n'izo bagiye banyishyura.'

Yanagarutse ku kuntu mu minsi ishize yagize ikibazo imodoka ye ipfumuka ipine. Agaruka abapolisi bo mu muhanda bakurega iyo ufite ideni ry'imodoka.

Uyu musore yavuze ko byamuteye ishema kuba ariwe wakiriye ku rubyiniro Patrick Salvador. 

Avuga ko yamaze igihe kinini yandikira Patrick ari nako ntamusubize none bahuriye mu gitaramo. 

Ati 'Mumfashe tumwakire, amenye ko aba ari abafana banjye. Namwandikiye igihe kinini atansubiza.'

3.Nel Ngabo yabimburiye abandi bahanzi kuririmba muri ibi bitaramo

Umuhanzi Nel Ngabo yabaye uwa mbere uririmbye muri ibi bitaramo by'urwenya bya Seka Live nyuma y'igihe kinini bihuriza hamwe abakunzi b'urwenya.

Uyu musore yageze ku rubyiniro ari kumwe n'umusore wamucurangiye gitari bimufasha kuririmba mu buryo bwa Live indirimbo eshatu yari yateguye.

Yaririmbye indirimbo nka 'Arampagije' yatuye abakundana bari muri iki gitaramo. Ati 'Niba wazanye n'uwo mukundana iyi ndirimbo ni iyanyu.'

Nel Ngabo yanaririmbye indirimbo ye yise 'My Heart' yasohotse ku wa 12 Gicurasi 2023 iri mu ndirimbo zigize album ye ya gatatu yise 'Life Love Night'.

Iyi ndirimbo ku rubuga rwa Youtube imaze kurebwa n'abantu barenga 372,282. 

Ubwo yaririmbaga iyi ndirimbo, bamwe mu bitabiriye iki gitaramo bafataga amashusho ajyanye n'uburyo yaririmbagamo iyi ndirimbo yitsa cyane ku rukundo. Yanaririmbye indirimbo ‘Woman’.

4.Michael Sengazi yikije ku mugabo wigeze kumutereta

Nkusi Arthur wari uyoboye iki gitaramo yakiriye ku rubyiniro Michael Sengazi avuga ko ari umunyarwenya batangiranye muri Comedy Knights, kandi amuzi nk'umuhanga umaze gutaramira mu bihugu byinshi 'benshi muri mwe mutarageramo'.

Nkusi yabajije abarundi uko bigenda iyo hagati y'abo bashwanye. Ati 'Uziko twashwana ndi kurya simpagarare [Yumvikanisha ko bashwana mu kinyabupfura bitandukanye n'uko bigenda ku banyarwanda].

Yanagarutse ku mugore we Fiona Ntarindwa uherutse kwakira mu kiganiro Perezida Kagame cyagarutse ku rugendo rw'imyaka 29 ishize u Rwanda rwibohoye. Ni ikiganiro cyatambutse kuri Televiziyo Rwanda, yakoranye na Jean Pierre Kagabo.

Michael Sengazi ageze ku rubyiniro yateye urwenya kuri bimwe mu bihugu aho usanga abaturage bafite uburenganzira bwo kuvuga mu izina Umukuru w'Igihugu, ariko ko hari aho ubwo burenganzira budakora.

Yagarutse ku munsi wa mbere ahura n'umukobwa bikageza ntangiriro yo gukora imibonano mpuzabitsina n'ubwo atasoje neza iyi nkuru, asiga abantu bakinyotewe.

Michael yanagarutse ku baryamana bahuje ibitsina, avuga ko igihe kimwe yigeze guhura n'umugabo wiyumva nk'umugore wagerageje kumutereta ariko akanga.

5.Dr Hilary Okelo, umunyarwenya w'umunsi

Ni umwe mu banyarwenya b'abahanga bamaze igihe kinini bigaragaza mu ruganda rwo gutera urwenya mu gihugu cya Uganda.

Uyu musore yamaze isaha ku rubyiniro yitsa ku ngingo zinyuranye zatembagaje abitabiriye iki gitaramo cy'urwenya.

Akigera ku rubyiniro, yavuze ko yabonye ikiraka mu Bwongereza kandi ko umugore wamutumiye yamusabye amushusho amugaragaza ari imbere y'umubare munini ari kubatera urwenya.

Hilary yavuze ko yabwiye uyu mugore ko afite abafana benshi, kandi ko akunzwe, bityo asaba abanya-Kigali kumufasha agafata ayo mashusho amugaragaza neza.

Uyu musore yavuze ko mu busanzwe iyo ari ku rubyiniro avugisha ukuri. Kuri we avuga ko atari buri wese ukwiye gutunga imbwa, kuko isaba ibintu byinshi.

Yavuze ko mu mashuri yigaga ashyizeho umwete, kuko umuryango we wamubwiraga ko udahagaze neza mu bukungu bityo adakwiriye gusubira.

Yatembagaje abantu ubwo yari ageze ku ikipe y'igihugu ya Uganda. Avuga ko iyo yatsinzwe byumvikanira cyane mu mvugo abanyamakuru bakoresha  bogeza umupira.

Okello yanavuze ko we na Se bakoze akazi ko kuririra abitabye Imana, rimwe Se aribeshya asanga bari kuririra umwana wapfuye kandi yavuze ko ari umuntu mukuru.

Yanavuze uko muri 2022 Polisi yo muri Uganda yabatatinyije nyuma yo kwigaragambya mu muhanda basaba ko Bobi Wine, umunyamuziki wavuyemo umunyapolitiki arekurwa.

Iki gitaramo kandi cyahaye umwanya abanyarwenya bakizamuka bo muri Gen- Z Comedy nka Kadudu na Dudu.  

Salvado yavuze ko gutaramira i Kigali ari kimwe mu bintu bimushimisha

Patrick yataramiye i Kigali ku nshuro ye ya kane

Patrick Salvado yongeye kwemeza abanya-Kigali yifashishije ingingo zinyuranye
Ishimwe Clement ari kumwe na Nel Ngabo afasha mu muziki binyuze muri Kina Music

Mbere yo gutaramira abitabiriye Seka Live, Nel Ngabo yabanje kwihera ijisho uburyo abanyarwenya batembagaza abantu muri iki gitaramo 

Umuhanzi akaba n’umunyamakuru Uncle Austin yagarutsweho cyane muri iki gitaramo 

Salvador yanyuraga mu bafana akabasuhuza yitsa cyane kuri Uganda

Rusine yavuze ko iyi nkweto yari yambaye ari impano yahawe na Sandrine Isheja 

Okello yihariye Seka Live ya Nyakanga nyuma yo kumara isaha irenga ku rubyiniro 

Hilary yanagarutse ku mibereho yo mu muryango we

 

Umuhanzi akaba n’umushyushyarugamba, Dj Pius 

Muri iki gitaramo, Patrick Rusine yagiye ahabwa amafaranga n’abantu banyuranye 

Umunyarwenya Ramjaane yasetse arihika, yitegereza uburyo uruganda rwa ‘Comedy’ ruri kwaguka

Umunyarwenya usigaye abarizwa muri Leta Zunze Ubumwe za Amerika, Ramjaane ari mu banogewe n’iki gitaramo 

Sandrine Isheja Butera ari kumwe n’umugabo we Kagame Peter

Umunyamakuru w’umuhanzi Andy Bumuntu yitabiriye iki gitaramo asabwa kuzataramira abitabira Seka Live

Nkusi Arthur yagarutse ku byabaye nyuma y’uko umugore we Fiona Ntarindwa yakiriye mu kiganiro Perezida Kagame

Yasetse haburaga gato ngo ave ku ntebe yari yicayeho 

Iki gitaramo cyifashishwamo abanyarwenya biganjemo abakoresha cyane icyongereza ku buryo ubutumwa bugera kuri buri wese

Umukinnyi wa filime uri mu bagezweho muri iki gihe, Nyambo Jessica yitabiriye iki gitaramo 

Umunyamakuru w’Ikigo cy’Igihugu cy’Itangazamakuru (RBA), Martine Abera

Nel Ngabo yaririmbye indirimbo nka ‘Arampagije’, ‘Woman’ n’izindi zatumye benshi bamukomera amashyi 

Michael Sengazi yagarutse ku mibereho y’abarundi n’abanya-Uganda

Umukinnyi wa filime akaba n’umunyarwenya, Mugisha Emmanuel [Clapton] yitabiriye iki gitaramo

Umushyushyarugamba akaba n’umukinnyi wa filime, MC Nario

Kanda hano urebe amafoto menshi yaranze iki gitaramo cya Seka Live

AMAFOTO: Ndayishimiye Nathanael-InyaRwanda.com

Mu gitondo cyo kuri uyu wa Mbere taliki 31 Nyakanga 2023 ni bwo FERWAFA ibinyujije ku mbuga nkoranyambaga zayo yashyize hanze uko amakipe azagenda ahura muri shampiyona y’umwaka utaha w’imikino izatangira taliki 18 z’ukwezi gutaha.

Umukino uba utegerejwe na benshi mu Rwanda uhuza abakeba 2, APR FC na Rayon Sports uzaba ku munsi wa 9 wa shampiyona taliki 29 Ukwakira 2023, ikipe ya APR FC ikazatangira ariyo yakira.

Umukino uzafungura shampiyona uzakinwa saa moya z’umugoroba taliki 18 Kanama 2023 ukazabera kuri Kigali Pelé Stadium aho Gasogi United izaba yakiriye Rayon Sports. 

Muri iyi ngengabihe kandi hagaragayemo impinduka ugereranyije n’iy’umwaka ushize aho buri munsi wa shampiyona hazajya haba hari umukino uri bukinwe saa kumi n’ebyiri mu gihe mu mwaka ushize ho bitabagaho.

Uko ingengabahiye yose imeze

Kutitabira irushanwa kwa Miss Muheto byatwe n’uko  yabuze sosiyete zisanzwe zitegura amarushanwa y'ubwiza mu Rwanda yamufasha mu gihe  Rwanda Inspiration Back Up yagombaga kumufasha, yahagaritswe kubera ibibazo bya Ishimwe Dieudonné [Prince Kid],uri kuburana mu nkiko.

Ibi bibaye mu gihe   hari amakuru yavugaga  ko Inteko y'Umuco, isigaye ibarizwa muri Minisiteri y'Ubumwe bw'Abanyarwanda n'Ishingano Mboneragihugu (Minubumwe), iri gutegura uburyo Miss Nshuti Divine azajya mu Buhinde.

Muri Kamena 2023 ni bwo Ubuyobozi bw'Irushanwa rya Miss World bwari bwatangaje ko ku nshuro yaryo ya 71 rigiye kongera kuba, ndetse Muheto yari mu bakobwa bagombaga kwitabira, kuri iyi nshuro uyu mukobwa yamaze gukurwa ku rutonde rw'abazitabira.

Miss World  ni rimwe mu marushanwa y'ubwiza atanu akomeye ku Isi arimo na Miss Earth, Miss Universe, Miss Supranational na Miss International, bivuze ko uretse kuba yari kwitabira  byari Ishema ry'u Rwanda  nk'igihugu  gikomeje guteza imbere ubukerarugendo cyane ko rizitabirwa  n'ibihugu 130.

Miss Rwanda ifatwa nka nimero ya mbere mu bikorwa by'imyidagaduro byavugwaga cyane mu Rwanda, kurusha ibindi byose buri mwaka. Ryatanze akazi kandi rifungura amarembo ya bamwe mu bakobwa barinyuzemo.

Miss Muheto  ntazitabira Miss World  kubera kubura ubimufashamo

Ishimwe Dieudonné [Prince Kid]  washinze Rwanda Inspiration Back Up  yagombaga  gufasha Miss Muheto Divine , ari mu manza kubera ibyaha by'ihohoterwa rishingiye ku gitsina ashinjwa gukorera bamwe mu bakobwa bitabiriye Miss Rwanda aho byaje kuviramo iri rushanwa guhagarikwa  kugeza igihe kitazwi.

Hari amakuru  avuga ko hari indi sosiyete itegura amarushanwa y'ubwiza yari igiye guhabwa uburenganzira bwo kohereza umukobwa muri Miss World uyu mwaka ari nayo yari kohereza Muheto ariko ntibyakunze kubera ko itabashije kumvikana n'uyu mukobwa ndetse ihita ireka gukomeza kuvugana n'abategura Miss World.

U Rwanda rumaze kwitabira Miss World inshuro eshanu. Ku ya mbere mu 2016 rwahagarariwe na Miss Mutesi Jolly, mu 2017 hagenda Miss Iradukunda Elsa, 2018 rwahagarariwe na Miss Iradukunda Liliane, mu 2019 ruhagararirwa na Miss Nimwiza Meghan.

Abarenga Miliyoni 19  bahanze amaso  icyemezo kizafatirwa  irushanwa rya   Miss Rwanda

Hatajemo kwigiza nkana, umuntu yakwemeza ko  ryataganga akazi  kuri benshi  cyane cyane  ko n'imishinga y'abanyampinga  n'ibisonga byabo  yagiye igira ingaruka nziza mu iterambere  ry'abaturarwanda  nk'uko ingero nyinshi zibigaragaza.

Aha umuntu yatanga nk'urugero kuri Akiwacu Colombe wabaye Nyampinga w'u Rwanda 2014, aho yakoze igikorwa cyakoze ku mitima yabenshi , akubakira inzu ebyiri   imiryango  ine y' ababyeyi barokotse Jenoside  bakorewe Abatutsi mu 1994,  bazwi  nk'Intwaza  ' bo  mu Karere ka Rwamagana.

Miss Akiwacu Colombe  yagiriye akamaro Umuryango nyarwanda

Urutonde n'ingero z'uruhari irushanwa rya Miss Rwanda  ryagize  ku muryango nyarwanda muri rusange  ni  rurerure  kandi  ntibikwiye kurenzwa ingohe  kuva ku wa Mbere, tariki 9 Gicurasi 2022, rihagaritswe , kugeze ubu  ntakirakorwa. (Igihe kirenga umwaka n'amezi abiri  kirashize).

Ugendeye kuri iyi mibare, ni ukuvuga ko  aba bantu barenga Miliyoni 19 ntakabuza iri rushanwa hari umusanzu cyangwa impinduka ryagiraga mu buzima bwabo mu buryo bumwe cyangwa ubundi.

Umuyobozi w'Inteko y'Umuco, Amb. Robert Masozera  aherutse kubwira  TNT ko hataramenyekana igihe iri rushanwa rizasubukurikirwa.

Yavuze ko bamaze iminsi bari gufasha Miss Rwanda 2022 [Nshuti Divine Muheto], uwegukanye ikamba rya Miss Talent [Amanda Saro] n'uwegukanye ikamba rya Miss Innovation [Uwimana Jeannette] gukora ku mishinga yabo, ndetse no gukurikirana ibihembo abakobwa 10 bageze mu cyiciro cya nyuma bemerewe n'abaterankunga batandukanye.

Ku bijyanye no kuba haramaze gushakwa indi kompanyi izajya itegura iri rushanwa rya Miss Rwanda, Amb. Masozera yavuze ko bataratera iyo ntambwe.

Uyu muyobozi avuga ko gusubukura Miss Rwanda yaciriye inzira benshi mu bakobwa bo mu Rwanda, hazashingirwa ku byayiranze n'amasomo yasize.

Avuga ati 'Ibibazo byabaye mu marushanwa y'ubwiza muri 2022, byari birimo abari bashinzwe gutegura irushanwa n'abayobozi baryo, byangije isura ya Miss Rwanda, umwanzuro rero kuba amarushanwa yakongera kubaho, ibyo byose bizatekerezwaho, harebwe n'isomo byasize.'

Avuga ko umwanzuro ujyanye no gusubukura Miss Rwanda uzatangarizwa Abanyarwanda aha wakwibaza ngo ese ni ryari? Habuze iki?.

Mu 2009 nibwo ryateguwe bwa mbere na Minisiteri y'Umuco na Siporo [Niko yitwaga icyo gihe], ryongera kuba mu 2012, Leta iritegura ifatanyije n'abigenga.

Kuva mu 2014, Rwanda Inspiration Back Up ya Dieudonné Ishimwe [Prince Kid] n'iyo yariteguraga, kugeza ubwo rihagaritswe tariki 9 Gicurasi 2023 kubera ibirego bya bamwe mu bakobwa bavuze ko bahohotewe.

Nshuti Divine Muheto wabaye Miss Rwanda 2022 amaze  umwaka urenga abitse ikamba kuko  yaryambaye  mu ijoro ryo ku wa 19 Werurwe 2022.

Prince Kid  washinze  Rwanda Inspiration Back Up yateguraga Miss Rwanda

Prince Kid akurikiranyweho ibyaha byo gukoresha imibonano mpuzabitsina ku gahato no guhoza undi ku nkeke bifitanye isano n'imibonano mpuzabitsina, yari yagizwe umwere gusa Ubushinjacyaha bwajuririye icyemezo cy'Urukiko Rwisumbuye bugaragaraza ko umucamanza atitaye ku bimenyetso byatanzwe na zimwe mu mvugo z'abatangabuhamya.

Uru banza rwe ruzaburanwa ku wa 15 Nzeri 2023 aho impande zombi  zizisobanura ku binyemetso bishya by'amajwi.

Akuriranira hafi ikibazo cy'irushanwa rya Miss Rwanda , bemeze ko  kuba Ishimwe Dieudonne (Prince Kid ), akurikiranweho ibyaha ' icyaha ari Gatozi ' bitari gutuma  iri rushanwa  rihagarikwa, kugeza ubu  bikaba byatangiye no kugira ingaruka kuri bamwe  bityo ko hari  byinshi byari gukorwa  mu buryo bukosora amakosa yabayeho  mbere ariko rigakomeza  cyane ko ryashyizwe  mu maboko y'inzego za Leta .

Hakomeje kwibazwa ikibura ngo bikorwe, bityo  abaryungukiragamo  cyangwa se abo ryasusurutsaga  bongere bamwenyure cyane cyane ko  hari abo ryahinduriye ubuzima.

Miss Rwanda yahinduye ubuzima bwa benshi
 

Ishyirahamwe ry’umupira w’amaguru mu Rwanda ryamaze gushyira hanze ingengabihe ya shampiyona ya 2023-24 aho umukino uba utegerejwe na benshi wa Rayon Sports na APR FC uzaba ari ku munsi wa 9 uzakinwa mu Kwakira 2023.

Nk’uko byari byatangajwe mbere, shampiyona ya 2023-24 izatangira tariki ya 18 Kanama 2023 aho umukino uzafungura shampiyona ari uwo Gasogi United izakiramo Rayon Sports.

Kubera imikino ya Nyafurika ya CAF Champions League APR FC izakina guhera tariki ya 18 Kanama 2023, kugeza ku munsi wa gatanu ntabwo bizwi igihe izazikinira (uretse umunsi wa 3) ariko amakipe bazakina arazwi yanashyizwe ku ngengabihe ariko bavuga ko igihe izakinirwaho bazagitangaza.

Iyo mikino ni uwa Marines FC ku munsi wa mbere, Police FC ku munsi wa kabiri, Musanze FC ku munsi wa 4 na Sunrise FC ku munsi gatanu ni mu gihe uwa Etoile del’Est w’umunsi wa 3 uzaba tariki ya 31 Kanama 2023.

Umukino uba witezwe na benshi uhuza Rayon Sports na APR FC uzaba ku munsi wa 9 wa shampiyona uzakinwa tariki ya 29 Ukwakira 2023. APR FC niyo izabanza kuwakira.