Webrwanda Backend

Author: webrwanda

  • Abatangiye hakiri kare! KNC yatangaje amagambo yakanze aba-Rayon nyuma yo kubona ko ikipe ye ya Gasogi United izakira Rayon Sports ku mukino wa mbere wa shampiyona – YEGOB #rwanda #RwOT

    Mu gitondo cyo kuri uyu wa mbere tariki 31 Nyakanga 2023 nibwo FERWAFA yashyize hanze ingengabihe ya shampiyona ya 2023-24.

    Umukino uzafungura shampiyona uzahuza Gasogi United na Rayon Sports tariki 18 Kanama 2023 ubere kuri Pele Stadium Saa moya z'ijoro.

    Nyuma yo kubona iyi ngengabihe, Perezida wa Gasogi United, Kakooza Nkuriza Charles 'KNC', yatangaje ko uyu mukino ikipe ye izakina na Rayon Sports ari umunsi ngo wo gucira urubanza iyi kipe kuko ngo umukino uheruka kubahuza bamutsinze kubera gusifurirwa nabi.

    KNC aganira na Rwanda Magazine yagize ati 'Umukino nari maze igihe ntegereje. Ni umunsi wo guca urubanza ku byabereye mu Bugesera. Igihe kiragera, ibizabera kuri uriya munsi bizaba biteye ubwoba. Amafaranga azinjira kuri uriya mukino niyo nayafata nkayabaha kuko igikenewe hariya ni ukwerekana ukuri k'umupira.'

    Yakomeje avuga ati ' Mfite ubwoba ko bagiye guhagarika imikino ya gishuti. Mbikubwiye hakiri kare, Rayon Sports nzayitsinda ibitego 4-2.'

    Source : https://yegob.rw/abatangiye-hakiri-kare-knc-yatangaje-amagambo-yakanze-aba-rayon-nyuma-yo-kubona-ko-ikipe-ye-ya-gasogi-united-izakira-rayon-sports-ku-mukino-wa-mbere-wa-shampiyona/

  • Gigi Kety uri mu banyamakuru b’igitsinagore bafite ubwiza buhebuje hano mu Rwanda, yakoze ubukwe n’umukunzi we (Amafoto) – YEGOB #rwanda #RwOT

    Umunyamakuru wa Isibo TV, Mahoro Ketia uzwi nka Gigi Kety, yaraye akoze ubukwe n'umukunzi we Fred Karuganda.

    Ejo ku cyumweru tariki 29 Nyakanga 2023, nibwo habaye umuhango wo gusaba no gukwa n'aho ku wa 4 Kanama hazaba indi mihango y'ubukwe, irimo no gusezerana imbere y'Imana.

    Kety azwi cyane mu kiganiro 'Chapa Chapa Show' cya Isibo Tv. Ndetse kandi asanzwe ari rwiyemezamirimo washinze inzu y'imideli yise 'Blance Boutique'.

    Source : https://yegob.rw/gigi-kety-uri-mu-banyamakuru-bigitsinagore-bafite-ubwiza-buhebuje-hano-mu-rwanda-yakoze-ubukwe-numukunzi-we-amafoto/

  • Bazi icyabazanye! Kapiteni wa Rayon Sport yagize icyo atangaza ku bakinnyi baraye bakoreye amakosa mu kibuga bigatuma batsindwa – YEGOB #rwanda #RwOT

    Kapiteni wa Rayon Sports, Rwatubyaye Abdul avuga ko aba bakinnyi bashya barimo umunyezamu Simon Tamale na Aruna Moussa Madjaliwa bose bazi icyabazanye ari ugutanga umusaruro.

    Ni nyuma y'umukino wa gicuti wo Rayon Sports yaraye inganyijemo na Vital'o yo mu Burundi 2-2.

    Wari umukino wa mbere wa gicuti kuri Rayon Sports yitegura umwaka w'imikino wa 2023-24 aho wabereye kuri Kigali Pelé Stadium.

    Nyuma y'uyu mukino, ubwo umunyamakuru yari abajije Rwatubyaye icyo abona abakinnyi nka Aruna Moussa Madjaliwa n'umunyezamu Simon Tamale wakoze ikosa ryavuyemo igitego cya kabiri bazabafasha, yavuze ko imikino ya gicuti ibafasha kumenya amakosa ubundi bakabayakosora, gusa ngo bazi icyabazanye.

    Ati 'Iyi ni imikino ya gicuti idufasha kureba amakosa akaba yakosorwa navuga ko amakosa yabayeho, kwitanga kwabayeyo kose, ni ugukosora amakosa yabayeho, icy'ingenzi ni ugukosora amakosa ariko nabo bazi icyabazanye ni ugutanga umusaruro.'

    Bivugwa ko mu bakinnyi bashya n'abahasanzwe hari abo umutoza atishimiye urwego rwabo, barimo umunyezamu Simon Tamale, ba myugariro bayobowe na Rwatubyaye Abdul aho yanasabye ko bamushakira undi myugariro.

    Biteganyijwe ko ejo ku wa Kabiri tariki 1 Kanama, Rayon Sports izakina undi mukino wa gicuti na Gorilla FC.

    Source : https://yegob.rw/bazi-icyabazanye-kapiteni-wa-rayon-sport-yagize-icyo-atangaza-ku-bakinnyi-baraye-bakoreye-amakosa-mu-kibuga-bigatuma-batsindwa/

  • Yamananutsi nk’indege z’intambara! Umuhanzi Rema yatunguwe n’ukuntu mukuruwe yamanutse kurubyiniro aje kumutera ingabo mu bitugu – YEGOB #rwanda #RwOT

    Umuhanzi Davido yatunguranye aza ku rubyiniro aho Rema yarimo kuririmba mu bitaramo ari gukorera muri USA.

    Divine Ikubor amazina nyakuri ya Rema umuhanzi uhagaze neza mu njyana ya Afrobeats mu gihugu cya Nigeria muri ibi bihe, arimo gukorera ibitamo muri Leta Zunze Ubumwe z'Amerika aho mu mpera z'icyumweru ubwo yari ku rubyiniro yabonye mukuru we mu njyana ya Afrobeats banaturuka mu gihugu kimwe Davido amusanga ku rubyiniro amufasha kuririmba.

    Rema wari wakoreye igitaramo muri Houston, muri Leta Texas, akaba yarashimishije imbaga, aho abafana bamuteye utwenda tw'imbere two hejuru kugera nawe yiyemeje gutora kamwe muri utwo asanga handitseho nimero ya terefone ya nyira yo, maze avuga ko agira isuku ndetse yiyemeza no kuzamuhamagara.

    Source : https://yegob.rw/yamananutsi-nkindege-zintambara-umuhanzi-rema-yatunguwe-nukuntu-mukuruwe-yamanutse-kurubyiniro-aje-kumutera-ingabo-mu-bitugu/

  • Nishimwe Blaise yerekeje muri AS Kigali ku giciro nk’icy’amazi yo mu icyiyaga – YEGOB #rwanda #RwOT

    Nishimwe Blaise yerekeje muri AS Kigali ku giciro nk'icy'amazi yo mu icyiyaga

    Umukinnyi wakiniraga ikipe ya Rayon Sports umwaka ushize, Nishimwe Blaise yerekeje mu ikipe ya AS Kigali.

    Ku munsi w'ejo hashize nibwo hagiye ahagaragara ko umukinnyi ukina mu kibuga hagati Nishimwe Blaise yerekeje mu ikipe ya AS Kigali nyuma yo kurangiza amasezerano y'imyaka 2 mu ikipe ya Rayon Sports.

    Amakuru YEGOB twamenye ni uko Nishimwe Blaise yasinyiye ikipe ya AS Kigali ku buntu nyuma yo guterwa umugongo n'ikipe ya Kiyovu Sports yari amaze iminsi igera ku cyumweru akoreramo imyitozo ntashimwe n'umutoza ndetse n'ubuyobozi bw'iyi kipe.

    AS Kigali yatangiye imyitozo kuri uyu wa mbere itangiranye abakinnyi bashya batijwe n'amakipe arimo APR FC ndetse na Police FC ariko biravugwa ko hari abakinnyi ikomeza kongeramo kugeza Shampiyona itangiye.

     

     

    Source : https://yegob.rw/nishimwe-blaise-yerekeje-muri-as-kigali-ku-giciro-nkicyamazi-yo-mu-icyiyaga/

  • Breaking news : Miss Muheto abuze amahirwe akomeye – YEGOB #rwanda #RwOT

    Nshuti Divine Muheto wabaye Nyampinga w'u Rwanda 2022  ntazitabira  Miss World 2023 izabera mu Buhinde kubera kubura ubimufashamo.

    Kutitabira irushanwa kwa Miss Muheto byatwe n'uko yabuze sosiyete zisanzwe zitegura amarushanwa y'ubwiza mu Rwanda yamufasha mu gihe Rwanda Inspiration Back Up yagombaga kumufasha, yahagaritswe kubera ibibazo bya Ishimwe Dieudonné [Prince Kid], uri kuburana mu nkiko.

    Ibi bibaye mu gihe hari amakuru yavugaga ko Inteko y'Umuco, isigaye ibarizwa muri Minisiteri y'Ubumwe bw'Abanyarwanda n'Ishingano Mboneragihugu (Minubumwe), iri gutegura uburyo Miss Nshuti Divine azajya mu Buhinde.

    Source : https://yegob.rw/umwali-wabuze-umuranga-yaheze-mwanyina-nshuti-muheto-divine-ubwiza-bwe-bugiye-guhera-mu-gikari-iwabo-kubera-impamvu-zitamuturutseho/

  • Young Grace, Khalfan na Alyn Sano mu bazatarama mu bihembo bya 'Diva Beauty Awards’ byahuye n’urusobe rw’ibibazo #rwanda #RwOT

    Ku nshuro ya mbere mu Rwanda hagiye gutangwa ibihembo ku bantu bakora ibajyanye n’ubwiza harimo abagosha, abakora inzara n’ibindi aho ababiteguye bavuga ko bahuye n’ihurizo, bamwe bagiye bikuramo ryatangiye, aho ryagomba kubera bakahimwa ku munota wa nyuma.

    Ni irushanwa ryiswe “Diva Beauty Awards” ryateguwe n’inzu ikora iby’ubwiza ya 'Diva House of Beauty’ aho abahatana bashyizwe mu byiciro 9.

    Ni ibihembi byagombaga gutangwa tariki ya 16 Nyakanga 2023 ariko biza kwimurirwa tariki ya 29 Nyakanga nabyo bikaba byarahavuye bishyirwa tariki ya 6 Kanama 2023, Madiva wateguye ibi bihembo avuga ko izo mpinduka zose zatewe n’imbogamizi zitoroshye bahuye nazo.

    Ati 'Twashyizeho itariki ya 16 twamaze kumenyesha abahatana, ikintu cyaje kuba bamwe byagiye hanze batangira kugenda bivanamo, bamwe ngo ubu se koko ndajya guhangana n’uriya mwana, ubwo se antsinze? Batangira kuvuga ngo tugiye kuvamo, ngo kereka niba uzi ko igihembo uzakimpa. Nkababwira ko ari irushanwa uzahatana ari we uzatsinda, bamwe batangira kugenda bavamo biba ngombwa ko twongeramo abandi bigeze hagati, byabaye ngombwa ko twongeraho iminsi.'

    Hongeyeho iminsi kugeza tariki ya 23 Nyakanga 2023 ni mu gihe igitaramo cyo gutanga Awards cyari giteganyijwe tariki ya 29 Nyakanga 2023 muri Mundi Center.

    Cyaje gusbikwa ku munota wa nyuma kuko ahari kubera iki gitaramo haje kwamburwa uburenganzira n’Umujyi wa Kigali kubera urusaku babasubiza amafaranga yabo. Ibirori byo gutanga ibi bihembo bizaba tariki ya 6 Kanama 2023 muri Kigali City Tower.

    Biteganyijwe ko abahanzi Alyn Sano, Khalfan Govinda, Sintex, Young Grace na Buchaman ari bo bazasusurutsa abantu bazitabira ibirori byo guhemba abahize abandi mu by’ubwiza bya 'Diva Beauty Awards’ ni mu gihe Dj Brianne afatanyije na Dj Clara bazaba bavangavanga imiziki.

    Abahanzi bazaririmba mu ihembwa ry’ibi bihembo

    Source : http://isimbi.rw/siporo/article/young-grace-khalfan-na-alyn-sano-mu-bazatarama-mu-bihembo-bya-diva-beauty-awards-byahuye-n-urusobe-rw-ibibazo

  • Afrobasketball: Mu mukino wakurikiwe na Perezida Paul Kagame, u Rwanda rwabonye itike ya 1/4 #rwanda #RwOT

    Ku mugoroba wo kuri iki cyumweru tariki ya 30 Nyakanga 2023 nibwo hakinwaga imikino wa gatatu wo gusoza amatsinda, umwe mu mikino wakinwe ni uwahuje u Rwanda rwatsinzwe na Angola bari kumwe mu itsinda.

    Uyu mukino wabereye muri BK Arena ukaba wakurikiwe n'umukuru w'igihugu Perezida wa Repubulika y'u Rwanda, Paul Kagame akaba yari kumwe n'umukobwa we, Ange Kagame.

    Uyu mukino ukaba warangiye Angola itsinze u Rwanda amanota 74 kuri 68, gusa uyu mukino nubwo utagenze neza ku ruhande rw'u Rwanda ntibyabujike ko iyi kipe ikomeza muri 1/4.

    Ibi bivuze ko u Rwanda rwageze muri 1/4 rusanzeyo andi makipe azakina ku munsi wo kuwa Gatatu ndetse no kuwa Kane.

    Gusa mbere y'uko iyi mikino ikinwa hazabanza gukinwa indi mikino izatanga andi makipe azagera muri 1/4.

    Uko imikino izakinwa kuri uyu wa kabiri tariki ya 1 Kanama 2023, hashakishwa amakipe azakina kimwe cya kane:

    12PM: Angola v Guinea

    3PM: Egypt v Senegal

    6PM: Mozambique v Ivory Coast

    9PM: Uganda v DR Congo

    The post Afrobasketball: Mu mukino wakurikiwe na Perezida Paul Kagame, u Rwanda rwabonye itike ya 1/4 appeared first on RUSHYASHYA.

    Source : https://rushyashya.net/afrobasketball-mu-mukino-wakurikiwe-na-perezida-paul-kagame-u-rwanda-rwabonye-itike-ya-1-4/?utm_source=rss&utm_medium=rss&utm_campaign=afrobasketball-mu-mukino-wakurikiwe-na-perezida-paul-kagame-u-rwanda-rwabonye-itike-ya-1-4

  • MU MAFOTO: La Fouine yataramiye i Kigali ku n… – #rwanda #RwOT

    Uyu mukino wabaye mu ijoro ryo kuri iki Cyumweru tariki 30 Nyakanga 2023 mu Nyubako y'Imyidagaduro ya BK Arena iherereye i Remera. Warangiye ikipe y'u Rwanda itsinzwe na Angola, ariko ibona itike yo gukina imikino ya 1/4.

    Wari umukino wa kabiri u Rwanda rukinnye. Rwatangiye umukino ruri hejuru, ndetse rwegukana agace ka mbere n'amanota 16 ku 8 ya Angola. Muri aka gace umukinnyi Destiney Promise ni we watsinze amanota menshi.

    Mu gace ka kabiri u Rwanda rwari hejuru cyane, abakobwa b'umutoza Sarr batsinzemo amanota menshi kuko batsinze 22 mu gihe Angola yo yari imaze gutsinda amanota 14 gusa.

    Agace ka gatatu katangiranye imbaraga ndetse kaba agace u Rwanda ruguyemo, umuntu akaba atatinya kuvuga ko ariho u Rwanda rwatakarije umukino.

    Ni agace kagiye gukinwa u Rwanda rufite ikinyuranyo cy’amanota 16, ariko aka gace karangiye u Rwanda rutsinze amanota 4 Angola itsinze amanota 22, umukino uhita uhinduka mubisi.

    Agace ka kane ari nako ka nyuma, kasabaga imbaraga nyinshi umutoza w'u Rwanda n'abakobwa be kugira ngo bigobotore Angola wabonaga ko yamaze kuvumbura amayeri yabo.

    Iminota yagenwe y'umukino yarangiye amakipe yombi anganya amanota 64 kuri 64 maze hongerwaho iminota 5.

    Muri iyi minota itahiriye u Rwanda, Angola yatsinzemo amanota 10 mu gihe u Rwanda rwo rwatsinzemo 4 gusa. Umukino waje kurangira wegukanywe n'ikipe ya Angola ku manota 74 kuri 68.

    Nubwo ariko u Rwanda rwatsinzwe, rwahise rubona itike yo gukina imikino ya 1/4, kuko rwari rwatsinze umukino ubanza bahuyemo na Cote d’ivoire

    Mu mukino hagati La Fouine yahawe umwanya ataramira abakunzi be. Uyu mugabo yasohoye amashusho amugaragaza anyura hagati y'abantu kugeza ageze ku rubyiniro ubundi aririmba indirimbo ze nyinshi zakunzwe nka 'Ma Meilleure'.

    Yanagaragaje amafoto ari kumwe n'itsinda ry'abajyanama be bazanye mu Rwanda. Yataramiye i Kigali nyuma y'ibitaramo bibiri yakoreye mu Mujyi wa Bukavu muri Repubulika Iharanira Demokarasi ya Congo (RDC).

    Uyu mugabo yari amaze imyaka umunani adataramira muri Congo. Ni mu gihe mu Rwanda yaherukaga kuhataramira muri 2022 binyuze mu iserukiramuco 'Africa in Colors'.

    Mu kiganiro yahaye TNT, La Fouine yavuze ko yifuza gukorera igitaramo cye mu Rwanda. Kandi yatunguwe n”uburyo abantu bazi indirimbo zanjye’.

    Yavuze ko afite icyizere cy’uko umunsi umwe azahakorera igitaramo cye cyagutse, agataramana n’abakunzi be bigatinda. 

    Avuga ko ari iby’igiciro kinini kuri we, kuba yarangoye gutumirwa mu Rwanda. La Fouine ni umwe mu bahanzi b'abahanga u Bufaransa bufite, umuraperi udashidikanwaho na benshi mu gisekuru gishya cy'umuziki w'iki gihugu.

    Yabonye izuba ku wa 25 Ukuboza 1981, yujuje imyaka 40 y'amavuko. Yavukiye ahitwa Trappes mu Bufaransa, areshya na 1.98 m. Avuka kuri Ahmed Mouhid na Fatima Mouhid, afite umwana umwe witwa Fatima Mouhid.

    Uyu mugabo yagize izina rikomeye binyuze mu ndirimbo zirimo ‘Ma Meilleure’ yo mu 2013, ‘Quand je Patriai’, ‘Va Bene’ yo mu 2014 n'izindi. Indirimbo ze zirebwa n'umubare munini ku Isi, ndetse yakoranye n'abahanzi bakomeye ku Isi.

    Mu 2011 yegukanye igihembo cya MTV Europe Music Awards. Afite abavandimwe batandatu bavukana ku babyeyi bafite inkomoko mu Bufaransa no muri Marocco. Inyandiko ziri kuri internet zivuga ko La Fouine ubwo yari afite imyaka 15 y’amavuko, yavuye mu ishuri atangira umuziki.

    Ubwo yari afite imyaka 37 y’amauko, ikinyamakuru Forbes cyatangaje ko atunze miliyoni 8 z’amadorali. Bivugwa ko aya mafaranga yayakuye mu muziki no mu bundi bushabitsi.


    La Fouine yataramiye i Kigali ku nshuro ye ya kabiri nyuma yo gutanga ibyishimo mu 2022

    La Fouine yaririmbye mu mukino hagati wahuje u Rwanda na Angola

    La Fouine yagaragaje ko yanogewe no kuririmbira muri BK Arena

    Uyu muraperi yaherukaga gukorera ibitaramo bibiri mu Mujyi wa Bukavu


      

    Uyu mukino wahuje u Rwanda na Angola witabiriwe na Perezida Kagame n'umukobwa we Ange Kagame

     



    Ibyishimo byari byose ku bafana b’ikipe y’Igihugu y’u Rwanda


    Uyu mukino waranzwe no guhangana bikomeye mu kibuga






    Perezida Kagame yakurikiranye umukino wahuje u Rwanda na Angola 


    La Fouine agaragaza ko yishimira intera u Rwanda rugezeho mu iterambere






    AMAFOTO: Urugwiro Village&TNT 

    Source : https://inyarwanda.com/inkuru/132596/mu-mafoto-la-fouine-yataramiye-i-kigali-ku-nshuro-ya-kabiri-132596.html

  • Abanyarwanda bahatanye mu bihembo bya Shining… – #rwanda #RwOT

    Ibihembo ngarukamwaka bigiye gutangwa ku nshuro ya mbere bigeze iwa ndabaga mu buryo bw'amatora ari kuba binyuze ku rubuga rwa noneho.com.

    Bihataniwe mu byiciro bitandukanye by'ubuzima birimo umuziki, imikino, ubucuruzi, filimi, ubuhanzi, siyansi n'ibindi, bikaba bizatangirwa muri Johannesburg mu gihugu cya South Africa mu kwezi kwa Kanama.

    Amatora azashyirwaho akadomo kuwa 15 Kanama 2023. Gutora nta kindi bisaba ni ukujya ku wo ubona wakoze cyane ugakanda “Vote”, ubundi ijwi rikijyanamo nyuma yuko wujujemo amazina, email na telefone yawe bitewe n’igihugu uherereyemo.

    Tugiye kubagezaho urutonde rw'abanyarwanda batari bacye bahataniye ibi bihembo bityo abakunzi b'imyidagaduro nyarwanda babashe gukomeza kubashyigikira.

    Best Star Sports Person: Iki cyiciro kirimo umunyarwanda Nshobozwabyosenumukiza Jean Jacques Wilson wamaze kubaka izina mu mikino ya Basketball aho kuri ubu akinira ikipe ya APR BBC.

    Bitewe n'ubuhanga n'umuhate agenda agaragaza mu kibuga, bituma yibikaho ibihembo bitandukanye birimo n'ibiri ku rwego mpuzamahanga.

    Yatangiye gukina Basketball mu mashuri abanza, ubwo aho yigaga bari bamaze kuhashyira ikibuga cyayo kuko mbere yakinaga umupira w'amaguru.

    Ni ho yahuriye n'Umutoza Moïse Mutokambali, aza kumufasha, kugeza yisanze mu Ikipe y'Igihugu y'Abatarengeje Imyaka 18 ari nayo yamenyekaniyemo.

    Yakinnye muri APE Rugunga mbere yo kujya muri Espoir BBC yamazemo umwaka umwe, mbere yo kubengukwa na REG BBC yakiniye imyaka ine nayo yavuyemo yerekeza muri APR BBC mu ntangiriro z'uyu mwaka.

    Nshobozwabyosenumukiza Jean Jacques Wilson ukomeje guca ibintu mu mukino wa Basketball mu bahatanye mu bihembo bya Shining Stars Africa

    Best Star Entrepreneur: Vanessa Raissa Uwase ari mu banyafurika bahataniye iki gihembo, ibi bikaba bishingira kuri kompanyi y'ibijyanye n'ubwiza yatangije.

    Uyu mukobwa yamamaye mu marushanwa y'ubwiza muri 2015 ubwo yegukanaga ikamba ry'Igisonga cya Miss Rwanda 2015. Nyuma yaje kuvugwa cyane mu bitangazamakuru kubera inkuru z'urukundo.

    Yanakoze kandi mu itangazamakuru atatinzemo ndetse yanigeze kuba umwe mu bashabitsi b'inzoga na resitora.Vanessa uri mu bashabitsikazi by’umwihariko mu bucuruzi bushingiye ku bwiza ahatanye n’abandi banyafurikakazi 

    Best Star Costume Designer: Empire Men Wear y'umuhangamideli wanamamaye mu birebana no gukoresha siporo The Trainer, iri mu nzu zihataniye izitunganya amakositimu meza muri Africa.

    Iki cyiciro kandi gihataniye na Bespoke Suit imaze kuba ubukombe muri Kampala na Kigali, ikaba ari iy'umuhanga mu by'imideli Juan Nsabiye ukomoka mu gihugu cy'u Burundi.

    Best Star Sound Engineer: Umugabo umaze kuba inganzamarumbo mu gutunganya indirimbo Bob Pro by'umwihariko kuziyungurura, ni umwe mu batewe imboni n'abategura ibi bihembo.

    Iki cyiciro ahatanyemo agihanganiyemo na Yves Sound umaze kubaka izina mu bijyanye no gutanga ibikoresho by'indanguramajwi no kumenya kuyayungurura mu birori n'ibitaramo n'ibindi bikorwa bihuza abantu benshi.

    Best Star Actress: Umukinnyi wa filime waninjiye mu bijyanye no kuzitunganya Bahavu Usanase Janet na we ari mu bahatanye muri ibi bihembo.

    Icyiciro ahataniyemo n'abarimo Nyambo Jesca umukobwa na we umaze igihe yibikaho ibihembo bitandukanye mu Rwanda uri no mu bakunzwe muri sinema nyarwanda aho benshi bamuhanze amaso.

    Bahavu Janet ukomeje gukataza muri filime ari mu bahataniye ibihembo bya Shining Star Africa

    Best Star Actor: Clapton Kibonge na Niyitegeka Gratien uzwi nka Papa Sava, abagabo bahuza urwenya, gukina filime no kuba abacuruzi muri ibi byombi, bari mu bahatanye muri iki cyiciro n'ibindi byamamare bitandukanye muri Afurika.

    Niyitegeka Gratien wamamaye ku mazina menshi bitewe n’ibikorwa by’ubuhanzi ahatanye mu bihembo bya Shining Stars Africa

    Best Star Song Collabo: Indirimbo ziri mu zikunzwe cyane “Muzadukumbura” y'umuhanzi Nel Ngabo yifashishijemo umuraperi Fireman na “Totally Crazy” ya Bruce Melodie na Harmonzi, ziri mu zihatanye mu cyiciro cy’izaciye ibintu mu bihugu bitandukanye zahuriyemo abahanzi babiri.

    Indirimbo “Muzadukumbura” ya Nel Ngabo na Fireman iri mu zihatanye mu cyiciro cy’indirimbo ihuriwemo n’abahanzi babiri yaciye ibintu

    Ibi bihembo bizatangirwa muri Afrika y’Epfo mu kwezi kwa Kanama 2023

    Amatora arakomeje binyuze kuri noneho.com kanda hano ubashe gutora

    Source : https://inyarwanda.com/inkuru/132581/abanyarwanda-bahatanye-mu-bihembo-bya-shining-stars-africa-bizatangirwa-muri-afurika-yepfo-132581.html