Author: webrwanda

Ni irushanwa ryahaye imirimo abantu banyuranye, kandi ryashyize itafari mu kwamamaza ibigo binyuranye by'ubucuruzi bagiye bakorana naryo. Ryanabaye ikiraro cy'igihe kinini, bamwe mu bakobwa bakoresheje mu gukabya  inzozi zabo.

Mu bihe byaryo, buri mubyeyi yakoraga uko ashoboye ngo umwana we agere mu cyiciro cya nyuma. Hari abarivuyemo barivumira ku gahera nyuma yo kutanyurwa n'uburyo batsinzwemo, abandi bavamo bemera ko ntako batari bagize.

Kuva ku mwana muto kugeza ku bakuze, iri rushanwa ryarazaga ijoro ibihumbi by'abantu, ku buryo imibare igaragaza ko abarenga Miliyoni 19 babaga baritegereje.

Ni cyo gikorwa cya mbere cyashyushyaga imyidagaduro mu Rwanda; urubyiruko rwinshi rwagiye rubona ibiraka mu kwamamaza abakobwa bakinjiza agatubutse.

Bamwe mu bakoresha imbuga nkoranyambaga bazwi, babaga bafite akazi gakomeye ko kwamamaza umukobwa bashyigikira- Kuva ku banyapolitiki kugera ku byamamare, buri umwe yerekanaga uruhande ahagazeho.

Hari abifataga ariko mu minota ya nyuma bakandika bagaragaza uwo ashyigikiye. Bumvikanisha ko ubwenge, ubwiza n'umuco bimuhesha ikamba rya Miss Rwanda.

Ni irushanwa ryahanganishaga abantu ku mbuga nkoranyambaga mu buryo bugaragarira buri wese. Kandi ryari rifite ijambo rinini mu kwamamaza ibikorwa bya buri umwe.

Amafoto y'inkumi zabaga zihatanye, yacicikanaga muri phone z'aboroheje n'abakomeye. Kugeza ubwo bamwe mu bakobwa bashoyemo amafaranga menshi kugirango babashe gutambuka mu cyiciro cy'amatora, hari abo byahiriye n'abandi byanze.

Kuva iri rushanwa ryahagarikwa na Minisiteri y'Urubyiruko n'Umuco [Yahindutse Minisiteri y'Urubyiruko], ryakurikiwe n'inkuru za bimwe mu bitangazamakuru byibaza ku iherezo ryaryo n'ibindi bitandukanye.

Abategura andi marushanwa ajyanye n'ubwiza arimo na Mr Rwanda n'ibindi nayo yahise ahagarikwa, kuva icyo gihe ntawongeye gukora-Bategereje gukomorerwa.

Irushanwa ryo gushakisha Nyampinga w'u Rwanda ryageraga mu Ntara zose z'u Rwanda ndetse n'Umujyi wa Kigali.

Buri Ntara yagiraga umukobwa uyiserukira kugeza muri Kigali. Abahagarariye Intara ndetse n'abahagarariye Umujyi wa Kigali, bahuriraga hamwe bagahatana hakavamo umukobwa umwe wegukana ikamba.

Uyu mukobwa yabaga afite ibisonga bimugaragiye, ariko hatangwaga n'andi makamba arimo nk'ikamba ry'umukobwa uberwa n'amafoto, Nyampinga wabaniye neza abandi, Nyampinga ufite umushinga mwiza n'ibindi.

Uko ryagendaga rikura hari amavugurura yakorwagamo hajyanishijwe n'ibyifuzo by'abaturage, hari amakamba yiyongeragamo andi akavamo.

Rwanda Inspiration Back Up yahagaritswe gutegura iri rushanwa niyo yari ifite uburenganzira bwo kohereza umukobwa userukira u Rwanda muri Miss World- bishoboka ko ibi ari byo byatumye Miss Muheto Divine wabaye Miss Rwanda 2022 atabashije guserukira u Rwanda muri Miss World.

Hari amakuru agera ku InyaRwanda avuga ko irushanwa rya Miss Rwanda rizagaruka mu isura nshya, kuko hazajya hatorwa Nyampinga wa buri Ntara hanyuma banatore Nyampinga w'u Rwanda.

Nyampinga w'u Rwanda azajya aba afite inshingano zo gukurikirana ibikorwa bya buri Nyampinga w'Intara uzajya uba ufite inshingano zo kwita no gushaka ibisubizo by'ibibazo abakobwa bo muri iyo Ntara bafite.

Mu busanzwe, umushinga wa Miss Rwanda niwo washyirwagamo imbaraga cyane ugasanga imishinga y'abandi bakobwa idakurikiranwa neza.

Harifuzwa ko ibibazo abakobwa bo muri buri Ntara bafite bikorerwa ubuvugizi binyuze mu ijwi rya buri Nyampinga uzatorwa.

Kugeza ubu iri rushanwa rya Miss Rwanda riri mu maboko ya Minisiteri y’Ubumwe bw’Abanyarwanda n’Inshingano Mboneragihugu, ari nayo ishobora kuzatanga isoko ryo kuritegura cyangwa se ikabiharira Inteko y'Umuco akaba ariyo izajya iritegura. Ibi bizakorwa nyuma yo gushyira akadomo ku rubanza rwa 'Prince Kid'.

Ku wa  12 Kamena 2023, Inteko y'Umuco yatangaje ko gusubukura Miss Rwanda hazashingirwa ku byarivuzwemo mu bihe binyuranye n'amasomo byasize.

Umuyobozi w'Inteko y'Umuco, Amb. Robert Masozera aherutse kubwira TNT ko hataramenyekana igihe iri rushanwa rizasubukurikirwa.

Yavuze ko bamaze iminsi bari gufasha Miss Rwanda 2022 [Nshuti Divine Muheto], uwegukanye ikamba rya Miss Talent [Amanda Saro] n'uwegukanye ikamba rya Miss Innovation [Uwimana Jeannette] gukora ku mishinga yabo, ndetse no gukurikirana ibihembo abakobwa 10 bageze mu cyiciro cya nyuma bemerewe n'abaterankunga batandukanye.

Ku bijyanye no kuba haramaze gushakwa indi kompanyi izajya itegura iri rushanwa rya Miss Rwanda, Amb. Masozera yavuze ko bataratera iyo ntambwe.

Uyu muyobozi avuga ko gusubukura Miss Rwanda yaciriye inzira benshi mu bakobwa bo mu Rwanda, hazashingirwa ku byariranze n'amasomo yasize.

Avuga ati 'Ibibazo byabaye mu marushanwa y’ubwiza muri 2022, byari birimo abari bashinzwe gutegura irushanwa n’abayobozi baryo, byangije isura ya Miss Rwanda, umwanzuro rero kuba amarushanwa yakongera kubaho, ibyo byose bizatekerezwaho, harebwe n’isomo byasize.'

Avuga ko umwanzuro ujyanye no gusubukura Miss Rwanda uzatangarizwa Abanyarwanda.

Miss Rwanda ifatwa nka nimero ya mbere mu bikorwa by'imyidagaduro byavugwaga cyane mu Rwanda, kurusha ibindi byose buri mwaka. Ryatanze akazi kandi rifungura amarembo ya bamwe mu bakobwa barinyuzemo.

Mu 2009 nibwo ryateguwe bwa mbere na Minisiteri y'Umuco na Siporo [Niko yitwaga icyo gihe], ryongera kuba mu 2012, Leta iritegura ifatanyije n'abigenga.

Kuva mu 2014, Rwanda Inspiration Back Up ya Dieudonné Ishimwe [Prince Kid] n'iyo yariteguraga, kugeza ubwo rihagaritswe tariki 9 Gicurasi 2023.

Biteganyijwe ko Miss Rwanda izagaruka mu isura nshya bitandukanye n'uko ryategurwaga

Mugisha Bonheur wakiniraga ikipe ya Al Ahli Tripoli muri Libya yamaze kumvikana na Avenir Sportif de La Marsa yo muri Tunisia ubu itozwa na Ben Moussa wamutoje muri APR FC.

Ni nyuma y’iminsi mike Ben Moussa wahoze utoza APR FC agizwe umutoza w’agateganyo wa Avenir Sportif de La Marsa yatandukanye n’uwari umutoza mukuru wayo.

Iyi kipe ikina mu cyiciro cya mbere muri Tunisia ikaba yamaze kumvikana n’umunyarwanda wakiniraga Al Ahli Tripoli muri Libya 2023 yagezemo muri Nyakanga 2023.

Avenir Sportif de La Marsa ikaba inakoramo umukongomani, Guy Bukasa wanyuze mu Rwanda atoza Gasogi United na Rayon Sports.

Umunyamakuru w’imikino Uwimana Clarisse ndetse n’umugabo we, Turan Festus Bertrand bari mu byishimo bikomeye nyuma yo kwibaruka imfura yabo.

Uyu munyamakuru uri mu bakunzwe cyane mu gisata cy’imikino, akorera B&B FM mu gitondo cyo kuri uyu wa Kane tariki ya 28 Nzeri 2023 nibwo yibarutse imfura ye y’umuhungu yahawe izina rya Iganze.

Uwimana Clarisse akaba yabyariye mu bitaro bya Dream Medical Center (DMC) biherereye Kicukiro.

Bibarutse imfura yabo nyuma y’uko bakoze ubukwe ku wa Gatandatu tariki ya 3 Nzeri 2022. Bwabanjirijwe n’umuhango wo gusaba no gukwa wabereye Rebero mu busitani bwo mu Ijuru (Garden Heaven).

Ni nyuma y’uko ku wa Kane tariki ya 17 Kanama 2022 Clarisse Uwimana na Festus Bertrand basezeranye imbere y’amategeko mu murenge wa Kimironko.

Byose byabaye nyuma y’uko ku mugoroba wo ku Cyumweru tariki ya 19 Kamena 2022 ni bwo Turan Festus Bertrand yasabye Uwimana Clarisse ko yazamubera umugore maze igihe basigaje ku Isi bakazakimarana bari kumwe.

Clarisse usanzwe ukorera B&B FM by’umwihariko mu kiganiro B-Wire kiba kigaruka ku makuru y’ibyamamare aho akunda guhuza abakinnyi n’abahanzi bafana, na we yahise amwemerera nk’uko yanabivuze abinyujije ku rukuta rwe rwa Instagram aho yagize ati “navuze nti yego”.

Kuri uyu wa Gatatu, umujyi wa Kigali wamenyesheje Ishyirahamwe ry'Umupira w'Amaguru mu Rwanda (FERWAFA) ko nta yindi sosiyete ikwiye kwifashishwa mu kugurisha amatike y'umukino wa Rayon Sports na Al-Hilal atari isanzwe iyacuruza ya Urid Technologies.

Ibi bibaye nyuma y’uko Rayon Sports yari yasohoye uburyo abafana ndetse n’anakunzi b’umupira w’amaguru, bazaguramo itike yo kwinjira ku mukino wo kwishyura mu ijonjora rya kabiri muri CAF Confederation Cup, aho Rayon Sports izakira Al-Hilal Benghazi kuri uyu wa Gatandatu saa 18:00 PM.

Rayon Sports, yari yatangaje ko, uburyo bwo kugura itike yo kwinjira kuri uyu mukino, umuntu azajya akanda akanyenyeri 702 urwego, ubundi agakurikiza amabwiriza.

Rayon Sports irashaka kwishyuza amafaranga yose ku mukino bazakira kuri uyu wa Gatandatu, mu gihe umujyi wa kigali uKeka ko Rayon Sports ishobora kuzabapyeta 

Nyuma y’uko umujyi wa Kigali wandikiye FERWAFA, wayimenyesheje ko nta wundi muntu wemerewe gucuruza aya matike, usibye sosiyete ya Urid isanzwe igurisha amatike ukanze akanyenyeri 939 urwego. Ubusanzwe sosiyete ya Urid ifite amasezerano yo kugurisha imikino yateguwe na FERWAFA.

Kuki kuri iyi nshuro Rayon Sports yihitiyemo kugurisha amatike?

Ubusanzwe imikino ikipe yateguye ninayo ishyiraho uburyo bwo kwishyiza abaza kureba iyo mikino. Nk’uko Rayon Sports yabikoze ku mikino irimo n’uwa Vital’O FC, niyo yishyuze iyi mikino ndetse ibera kuri Kigali Pele Stadium igenzurwa n’umujyi wa Kigali.

Ku mikino itegurwa na FERWAFA ikabera kuri Kigali Pele Stadium Umujyi wa Kigali ufata 6.5% by’amafaranga aba yinjiye ku mukino.

Umujyi wa Kigali bivugwa ko utajya unyurwa n’amafaranga uhabwa, iyo Rayon Sports ariyo yishyuje, bikaba ariyo mpamvu bashaka ko sosiyete ifitanye amasezerano na FERWAFA, ariyo yakishyuza ku mukino wo kuri uyu wa Gatandatu.

Rayon Sports nayo, ivuga ko amafaranga ihabwa ku mukino wishyujwe na Urid aba atanga n’amafaranga babona iyo aribo bishyuje ubwabo, ariyo mpamvu nabo bashaka kwishyuza umukino wabo kuko n’ubundi utateguwe na FERWAFA.

Urwandiko umujyi wa Kigali wandikiye FERWAFA

Niyonizera Judith uheruka gutandukana byemewe n’amategeko n’umuhanzi Safi, yibarutse imfura ye n’umukunzi we Dustin uheruka kumwambika impeta.

Amashimwe ni menshi kuri Judith Niyonizera wibarutse imfura ye nk’uko bigaragara mu mafoto yakoze nk’amashusho yumvikanamo indirimbo y’Imana yo muri Kiliziya Gatolika “Sinogenda Ntashimye”, yasangije abamukurikira ku mbuga nkoranyambaga.

Amakuru ISIMBI yamenye ni uko Judith amaze ibyumweru 3 yibarutse ariko akaba atarashatse guhita abishyira hanze.

Yibarutse nyuma y’uko muri uku kwezi ari bwo yasangije abamukurikira amafoto Dustin amusaba kumubera umugore na we akabyemera maze akamwambika impeta ya fiançailles.

Byose bibaye nyuma y’uko muri Mata uyu mwaka ari bwo Judith n’umuhanzi Safi Madiba bari barakoze ubukwe muri 2017 ariko ntibigende neza babonye gatanya.

APR FC yaraye ikoreye imyitozo ya mbere mu Misiri yitegura Pyramids FC mu mukino wo kwishyura w’ijonjora rya kabiri rya CAF Champions League.

Ni imyitozo yabaye ku mugoroba wo ku wa Gatatu tariki ya 27 Nzeri 2023, akaba wari umwitozo wa mbere muri iki gihugu kuko bagezeyo mu rukerera rwo ku wa Gatatu.

Abakinnyi bose APR FC yahagurukanye mu Rwanda bakaba bameze neza bakoze imyitozo bose uretse Nshimirimana Ismaïl Pitchou wavuye mu Rwanda afite akabazo k’imvune utakoranye na bagenzi be aho yari arimo yitabwaho n’umutoza ushinzwe kongerera ingufu abakinnyi.

Uyu munsi saa 17h00′ iyi kipe y’Ingabo z’Igihugu ikaba iri bukorere imyitozo kuri ’30 Juin Stadium’ ikibuga kizakira umukino ejo ku wa Gatanu.

Ni umukino APR FC isabwa kuzatsinda kugira ngo igere mu matsinda ni nyuma y’uko umukino wabereye mu Rwanda amakipe yombi yanganyije ubusa ku busa.

Abandi bahawe inshingano zindi Nzego za Leta  ni  Francis Gatare wagizwe  Umuyobozi Mukuru w'Urwego rw’Igihugu rushinzwe Iterambere (RDB) asimbuye Claire Akamanzi , Prof. Nshuti Manasseh yagizwe Umujyanama Mukuru mu Biro bya Perezida wa Repubulika ushinzwe Imirimo yihariye.

Dr. Yvonne Umulisa agirwa Umunyamabanga Uhoraho mu Biro bya Minisitiri w'Intebe. Alphonse Rukaburandekwe yagizwe  Umuyobozi Mukuru w’Ikigo Gishinzwe Guteza imbere Imiturire mu Rwanda.Bonny Musefano agirwa Umujyanama wa Mbere muri Ambasade y’u Rwanda i Tokyo.

Gen Rtd James Kabarebe yahawe inshingano nshya nyuma y’uko  aherutse guhabwa ikiruhuko cy’izabukuru mu Ngabo z’u Rwanda RDF.