Author: webrwanda

Rayon Sports ikomeje kwitegura umukino wo kwishyura wa CAF Confederation Cup uzayihuza na Al-Hilal Benghazi kuri uyu wa Gatandatu tariki 30 Nzeri. Mu gihe imyiteguro y'umukino irimbanyije, hari ubwumvikane buke hagati ya sosiyete igomba kugurisha amatike. Rayon Sports yifuza ko hakoreshwa uburyo bwayo bwa *702# ndetse yatangiye kubwamamaza ubwo yashyiraga hanze ibiciro ku wa Kabiri, ariko umujyi wa Kigali ufite mu biganza sitade ya Kigali Pele Stadium, yifuza ko sosiyete ya Urid ariyo yagurisha amatike y’uyu mukino.

Kuki umujyi wa Kigali wagiye mu myanzuro y’uko amatike azagurishwa?

Kuri uyu wa 27 Nzeri, Umuyobozi Mukuru ushinzwe Imirimo Rusange mu Mujyi wa Kigali, Niyongabo Joseph, yandikiye FERWAFA ayimenyesha ko yemerewe ikibuga cya Kigali Pelé Stadium [yasabye] ku mikino ya Rayon Sports na Al-Hilal Benghazi tariki ya 24 n'iya 30 Nzeri 2023, saa Kumi n'ebyiri.

Mu gitondo cyo kuri uyu wa Kane, Rayon Sports yerekanye aho abafana bageze bagura amatike, ndetse yibutsa ko akanyenyeri katahindutse 

FERWAFA nk’urwego rureberera umupira w’amaguru mu Rwanda rwagombaga gusabira ikibuga Rayon Sports kuko yari yaragitanze muri CAF.

Bitewe n’uko umujyi wa Kigali, ariwo ufite ikibuga Rayon Sports izakoresha, uruhare rwabo ni ugutanga ikibuga cyangwa se ku cyimana, ariko ntabwo byari ngomba ko bajya no gutegeka Rayon Sports uko izishyuza amafaranga ku mukino wa CAF kuko bashatse baninjiriza ubuntu.

Kuki umujyi wa Kigali watanze ikibuga utinze kuko hari umukino wari wararangiye?

Ni ikintu cyo kwibazaho ndetse umuntu yavuga ko giteye inkeke. Umujyi wa Kigali watanze sitade ya Pele, ku mikino ibiri, harimo uwabaye tariki 24 uku kwezi ndetse n’umukino uzaba tariki 30. Umuntu yakwibaza impamvu umukino ubanza ikipe ya Al-Hilal Benghazi yakiriye umujyi wa Kigali utashyizeho aya mabwiriza ngo amenyekane kare, kuko wari no muyasabiwe ikibuga, none bakaba bibutse gushyiraho amabwiriza Rayon Sports igiye kwakira.

Uko mbibona hano

Mu mujyi wa Kigali hashobora kuba harimo abantu bakorana byahafi na Sosiyete ya Urid isanzwe igurisha amatike aho babona ko umukino wa Rayon Sports na Al-Hilal Benghazi uramutse wishyujwe na Rayon Sports nta kintu bazaramuramo.

Kuki Rayon Sports yo itareka ngo Urid ibe ariyo iyigurishiriza amatike?

Urid isanzwe igurisha amatike, ifitanye amasezerano na FERWAFA yo kugurisha amatike ku bibuga, ariko ikabikora ku mikino itegurwa na FERWAFA.

Umukino ubanza amakipe yombi yari yanganyije igitego kimwe kuri kimwe, ariko Al-Hiral niyo yari yakiriye 

Usibye na Rayon Sports amakipe yose ntabwo acyishimira iyi sosiyete kuko bavuga ko ibarya amafaranga menshi ku bintu bafite ubushobozi bwo kwikorera, aho umukino umwe iyi sosiyete ifata 10% by’amafaranga yinjiye ku kibuga, umukino waba wabereye Inyamirambo, umujyi wa Kigali nawo ugafata 6%.

Ntabwo ari ibyo gusa kuko ngo amakipe yamaze kuvumbura ko hari uburyo iyi sosiyete ya Urid iyabeshya ku mubare w'amatike yaguzwe, bityo agahabwa amafaranga make ugereranyije n'ayinjiye ku kibuga.

Ibikubiye mu rwandiko umujyi wa kigali wandikiye Ishyirahamwe ry’umupira w’amaguru mu Rwanda

-Bateguye igitaramo nyuma y’iminsi 22 binjiye mu muziki

-Indirimbo yabo ya mbere yasamiwe hejuru mu minsi micye

-Bashyigikiwe n’abaramyi b’ibikomerezwa

-René na Tracy, Israel Mbonyi na Meddy mubitege!

Uwavuga ko igicumbi cy’umuziki wa Gospel ya Afrika kigiye kwimukira mu Rwanda ntiyaba agiye kure y’ukuri. Ibihamya birahari ndetse bikomeje kwiyongera umunsi ku wundi. Mu byo wari uzi wongereho n’inganzo ya Rene na Tracy yitezweho kunyeganyeza bikomeye Afrika.

Biruzuzanya n’ubuhanuzi bwa Aime Uwimana mu ndirimbo “Muririmbire Uwiteka” aho yaririmbye ko “abo ku mpera z’isi bose babonye agakiza kacu bati koko u Rwanda rufite Imana. Banyarwanda mwese muhaguruke turirimbe dore Uwiteka aje atugana”.

U Rwanda rukomeje kuza ku isonga mu bintu byinshi muri Afrika no ku Isi. Umuziki ni wo usa nk’aho wari ukiri inyuma ariko kuri ubu biri guhindura isura. By’umwihariko umuziki wa Gospel, mu myaka yashize wari inyuma mu Karere ka Afrika y’Iburasirazuba ariko magingo aya urayoboye.

Umuziki wa Gospel mu Rwanda wamaze guca ku wo muri Kenya wamaze igihe kinini uyoboye, nawo ukaba wari wasimbuye uwa Uganda mu gihe cya ba Judith Babirye. Ubu ntiwatinya kuvuga ko u Rwanda ari rwo ruza ku isonga mu Karere mu muziki wo kuramya Imana. 

Abaramyi bo mu Rwanda, iyo bageze muri Uganda, Tanzania, Burundi na Kenya, bahakorera ibitangaza kubera igikundiro bahafite. Bacye bamaze gutaramira muri ibi bihugu, bakiriwe nk’Abami. Muri abo twavugamo Prosper Nkomezi i Burundi, Israel Mbonyi i Burundi na Theo Bosebabirea i Burundi. Ariko bakwiye no gutekereza mu bindi bihugu.

Ibijyanye n’uko umuziki nyarwada wa Gospel uyoboye mu Karere, ubibonera kandi mu bitaramo n’indirimbo z’abaramyi bakunzwe cyane barangajwe imbere na Israel Mbonyi, Ambassadors of Christ, James na Daniella, Tonzi, Vestine na Dorcas, Bosco Nshuti, Papi Clever na Shalom Choir.

Muri abo bahanzi bahagaze neza mu Karere, hagiye kwiyongeramo amaraso mashya ndetse birashoboka ko baca agahigo ko gukundwa bitangaje muri Afrika nzima mu gihe gito ukurikije umuvuduko bafite ukongeraho n’ubuhaga buhanitse mu miririmbire yabo.

Bamwe byagiye bibatwara imyaka myinshi kugira ngo indirimbo yabo ya mbere ifate imitima ya benshi, ariko aba tugiye kugarukaho bibatwaye iminsi itagera no kuri 30. Hari umuhanzi w’icyamamare cyane umaze imyaka irenga 20 mu muziki utarakora igitaramo cye bwite.

Abangaba bo bibatwaye iminsi 22 gusa kuva batangiye umuziki mu buryo bweruye, kandi amaso yose y’i Kigali y’abakunzi ba Gospel nibo yerekejweho. Barashyigikiwe cyane! Wibuke ko mu bigira umuhanzi igitangaza harimo no gukora igitaramo cye bwite.

Nguhaye ikaze mu muziki wa René and Tracy!

René na Tracy ni umugabo n’umugore biyemeje kuramya Imana nk’umuryango. Kuwa 04 Ukuboza 2021 ni bwo Rene Patrick na Tracy Agasaro basezeranye kubana akaramata. Tariki 02 Nzeri 2023 ni bwo bashyize hanze indirimbo yabo ya mbere bise “Jehovah”. 

Ni indirimbo yabagaragaje nk’abo guhangwa amaso mu ruhando rw’umuziki wa Gospel muri Afrika nzima. Bayiririmbye bagaragiwe n’abaririmbyi bakomeye ndetse n’abaramyi bafite ibigwi bikomeye barangajwe imbere na Aime Uwimana usanzwe ari inshuti yabo ya hafi.

Burya kugira ngo indirimbo isohoke haba hari byinshi bibanza kwegeranywa kugira ngo indirimbo isohoke. Bo bavuga ko bari babiteganyije mbere, ariko ubu ni bwo byose bihuriranye kandi “turabona ibimenyetso ko iki cyari cyo gihe cyayo gusohoka”.

“Jehovah” ni indirimbo yahimbwe mu mwaka wa 2015 ishyira 2016, ikaba ifite umwihariko uvuga ku neza y’Imana aba baramyi babonye mu buzima bwabo ndetse n’isoko y’iyo neza ariyo Jehovah Imana imwe rukumbi nk’uko aba bahanzi babitangaza.  

Umwihariko wayo ni uburyo iririmbwe mu ndimi zitandukanye zirimo Ikinyarwanda n’Icyongereza. Umudiho wayo uryoheye amatwi, imyicango ya Tracy na René ni akarusho. Ku munota wa 3 n’amasegonda 35 kugeza ku munota wa 4 n’amasegonda 12, batungurana barimo kurapa, ibintu byaryoheye cyane Chryso Ndasingwa na Aime Uwimana.

Umuziki wa René na Tracy uhita ukujyana muri Afrika y’Epfo ari naho hafatwa nk’ahari igicumbi cy’umuziki wa Gospel muri Afrika. Gusa muri iyi minsi iki gihugu kiri kotswa igitutu na Nigera binyuze muri Sinach, Mercy Chinwo waririmbye Excess Love, Victor Thompson waririmbye This Year (Blessing) ikunzwe kurusha izindi zose muri Afrika, ndetse n’abandi. 

Inganzo ya Renè na Tracy iramutse ibonye amaboko, nta myaka myinshi byafata ngo ibe ije ku isonga muri Afrika, maze u Rwanda rugahita rwigaranzura Afrika y’Epfo na Nigeria. Uko bimeze kose igihe kirageze u Rwanda rukayobora muri Afrika mu bijyanye n’umuziki wa Gospel. 

Gospel iraryoshye! Wibuke ko na Meddy yamaze kwanzura gukora gusa umuziki wa Gospel. Na Bruce Melody yigeze gutangaza ko azasoreza umuziki muri Gospel. Kuba abahanzi nyarwanda batangiye kuririmba mu ndimi z’amahanga, ni iturufu izabafasha kogera i mahanga kandi vuba.

Mu kiganiro na inyaRwanda, René Patrick yavuze ko impamvu indirimbo yabo ya mbere “Yehovah” bayishyize mu ndimi zitandukanye ni ukugira ngo “uwaba yifuza gushima Imana mu rurimi rwamworohera abe ari rwose akoresha kuko ineza y’Imana yamamaye hose”. 

Ati “Yahimbiwe guhimbaza Imana tuyitambira tunezererwa ineza yayo, yashyizwe mu Kinyarwanda no mu ndimi z’amahanga kugira ngo hatagira uwumva ahejwe ntabashe gusobanukirwa icyo indirimbo ivuze. Tuzakomeza kugenda tuvanga indimi zitandukanye ariko tuzirikana cyane Ikinyarwanda kuko ari rwo rurimi rwacu rwiza”.

Yavuze ko indirimbo yabo yihariye kuko injyana yakozwemo isa nk’itamenyerewe cyane ariko ikaba ari nziza. Ati “Mu by’ukuri amagambo ashima Imana ni make kuko ariyo soko y’ibyiza byose. Turabinezererewe cyane kandi amaso tuyahanze ku nkomoko yabyo ariyo Jehovah. Niyubahwe!”

Nagize amatsiko yo kumenya aho bibona mu myaka iri imbere, asubiza ko “mu by’ukuri imyaka iri imbere iri mu biganza by’Imana gusa turiteguye gukora nk’uko ubushake bwayo buri”.

Imihigo yabo nk’itsinda ry’umuryango ayisobanura agira ati “Turakomeje kuramya no guhimbaza Imana nk’umuryango ndetse tunasohora indirimbo zafasha uwifuza guhimbaza Imana no kuyiramya ndetse no guhamya igikorwa cyarangiye cyo Yesu Kristo ku musaraba”.

Avuga ko ibikowa byabo muri uru rugendo batangiye bigiye kugaragarira mu ndirimbo, mu bitaramo, no mu zindi gahunda “tuzatangaza mu minsi iri imbere”. Ati “Nta mbibi n’imwe twifuza gushyirira iyaduhamagaye. Amahanga yose akwiye kumenya ubutumwa bwiza bwa Yesu Kristo”. 

Kuri ubu René and Tracy bategerejwe mu gitaramo cyabo cya mbere bateguye nyuma y’iminsi 22 gusa bamaze bashyize hanze indirimbo yabo ya mbere yageze hanze kuwa 02 Nzeri 2023 mu gihe integuza y’igitaramo cyabo bayisihoye kuwa 24 Nzeri 2023.

Ni igitaramo bateguye babinyujije muri Rebirth Music isanzwe ari Label yabo batangije muri 2019, ifasha abaramyi mu kubashyigikira mu murimo bakora. Iki gitaramo bise “In His Presence Live Recording” kizaba tariki 30 Nzeri 2023, i Nyarutarama kuri Good Shephered Church kuva saa kumi n’imwe z’umugoroba, kandi kwinjira ni ubuntu.

Intego yacyo nyamukuru ni ugufata amashusho y’indirimbo zabo. Ni igitaramo cyakangaranyije Gospel kuko bitangaje kumva ko abantu bamaze iminsi 20 mu muziki bagiye gukora igitaramo. Bazaba bari kumwe n’umuramyi Carrington Gaines wo muri Leta Zunze Ubumwe za Amerika. 

Rene Patrick yavuze ko impamvu batumiye Carrington ni uko ari “umuramyi udasanzwe uri mu banditse indirimbo “Promises” yaririmbwe na Maverick City”. Ati “Twamenyanye mu ntangiriro z’uyu mwaka akaba ari umuramyi ufite umutima wo kuramya kandi uca bugufi.”

Ubwo batangazaga igitaramo cyabo cya mbere, bagenzi babo bakora umuziki wo kuramya no guhimbaza Imana baberetse urukundo rwinshi, babagaragariza ko babari inyuma ndetse babafasha gutumira abantu. Mu batewe ishema nabo harimo Papi Clever, Aime Uwimana, n’abandi benshi.

Rene na Tracy biyongereye kuri ‘Couples’ ziyemeje gukorera Imana binyuze mu muziki

Indirimbo yabo ya mbere yakangaranyije umujyi!

Batobanye akondo baza kwanzura kubana iteka ryose

Bitari kera, Rene na Tracy bashobora kuba inyenyeri imurikira Afrika mu muziki wa Gospel

Rene na Tracy bakangaranyije Gospel ubwo batangazaga igitaramo cyabo cya mbere

Rene na Tracy bagiye gukora igitaramo cya mbere nyuma y’iminsi 22 bamaze mu muziki

REBA INDIRIMBO YA MBERE “JEHOVAH” YA RENE AND TRACY

Kiyovu Sports ishobora kongera kwamburwa uburenganzira bwo kwandikisha abakinnyi bashya muri Mutarama 2024 nyuma y’uko itakambiye bamwe mu bakinnyi bakiyifungurira by’agateganyo none ikaba itarabishyura.

Muri Kamena 2022 nibwo Kiyovu Sports yasinyishije abanya-Sudani babiri, John Mano na Sharaf Eldin Shiboub Abdelrahman amasezerano y’imyaka 2 ariko nyuma y’amezi 2 iyi kipe itangaza ko batandukanye, mbere yaho kandi yari yasinyishije Umunye-Congo Vuvu Pinoki na we waje kwirukanwa.

Aba bakinnyi bose bahise bajya kurega Kiyovu Sports muri FIFA kwirukanwa binyuranyije n’amategeko maze iyi kipe yaje kumenyeshwa na FIFA ko itemerewe kwandikisha abakinnyi bashya mu mwaka w’imikino wa 2023-24 itarishyura umwenda ibereyemo aba bakinnyi.

Tariki 11 Kamena 2023 nibwo Impuzamashyirahamwe y’Umupira w’Amaguru ku Isi (FIFA) ryamenyesheje Kiyovu Sports ko itegetswe kwishyura Sharaf Eldin Shiboub Ali Abdelrahman 23, 950,000Frw y’imishahara itamwishyuye ndetse na miliyoni 31 Frw nk’indishyi yo kuba yaramwirukanye binyuranye n’amategeko.

Yanasabwe kandi kwishyura John Otenyal Khamis Roba miliyoni 16 Frw nk’imishahara itamwishyuye kandi bose bagomba kwishyurwa mu minsi itarenze 45.

Aya mafaranga yiyongeragaho aya Vuvu Pinoki ku buryo byose byageraga muri miliyoni 80 z’amafaranga y’u Rwanda.

Benshi batunguwe n’uko muri Kanama 2023 Kiyovu Sports yemerewe kwandikisha abakinnyi, bamwe bahita banizera ko yamaze kwishyura, gusa nyuma haje andi makuru avuga ko aba bakinnyi hari abatarishyuwe.

Visi perezida wa Kiyovu Sports, Karim yavuze ko uwo azi neza ko yishyuwe ari Vuvu kuko ari we wamwiyishyuriye ariko abandi atabizi byabazwa Juvenal, gusa ngo akeka nabo bishyuwe kuko batari kwemera ko bandikisha abakinnyi badahawe ibyabo.

Ati 'Hari abakinnyi 3 batwishyuzaga ni Shibioub (ubu akina APR FC), John Mano na Vuvu Pinoki. Icyo mpagazeho cya mbere ni uko Vuvu we yishyuwe kuko ninjye wamwishyuye, twabanje kumubura ahantu yari ari umunyamategeko we dusanga ari muri Turikiya nk’uko mu kazi kacu ka buri munsi dufite ibintu dukorera muri Turikiya, dufiteyo abantu twohereje amafaranga baramwishyura ndetse na we ahita abyemeza.'

'Kuri bariya ba nya-Sudani byari birimo Umuyobozi wa Kompanyi, Juvenal hari amafaranga twamuhaye ngo abishyure, ni we wabikurikiranye kandi ndumva nabo batari kwemeza ko twishyuye ayo mafaranga tutayabonye.'

Amakuru ISIMBI yamenye ni uko Sharaf Eldin Shiboub Ali Abdelrahman na John Mano bakomoka muri Sudani nta giceri na kimwe bigeze bishyurwa.

Bivugwa Mvukiyehe Juvenal yagiye mu biganiro n’aba bakinnyi asaba ko babaha igihe bakabashakira amafaranga yabo. Bumvikanye ko bazishyurwa mu Gushyingo 2023 nabo bemera kubasabira ko bakomorerwa by’agateganyo.

Bivuze ko Ugushyingo 2023 Kiyovu Sports itishyuye aba bakinnyi bahita bongera bakabuzwa kwandikisha abakinnyi bashya mu isoko ryo muri Mutarama 2024 kugeza igihe bazaba bishyuye umwenda babereyemo ikipe.

Shiboub yishyuza Kiyovu Sports agera muri miliyoni 50

Vuvu we yamaze kwishyurwa

Kuri uyu wa Kabiri nibwo hatangiye umwiherero wa ‘FIBA Africa Regional Youth Camp’ ugamije kuzamura no guteza imbere uyu mukino uhereye mu bato.

Ni umwiherero witabiriwe n’abakobwa 50 baturutse mu bihugu 25 by’Afurika, u Rwanda rwawakiriye rukaba rufitemo abakinnyi 12.

Uyu mwiherero watangiye uyu munsi tariki ya 26 Nzeri 2023 ukaba uzasozwa ku wa Kane tariki ya 28 Nzeri, urimo kubera muri Kigali Arena.

Jean Michel Ramaroson akaba umuyobozi wa Komisiyo ishinzwe Iterambere muri FIBA Africa, yavuze ko biteze ko nyuma y’uyu mwiherero abawukoze bizabafasha mu kuzamura urwego rwabo mu mikinire.

Ati “Abakobwa baturutse mu bihugu 25 birimo n’u Rwanda tubategerejeho kubyaza umusaruro ubumenyi bazakura aha, ariko na nyuma tuzajya tubakurikirana tubafashe. Ikindi kandi dusigira ibihugu twakoreyemo uburyo bwo kujya bitegurira ibikorwa nk’ibi kuko birafasha kandi bitagoye.”

Umuyobozi ushinzwe tekinike muri FERWABA, Moise Mutambali yavuze ko iminsi 3 ihagije kugira ngo aba bana babe bahawe ubumenyi buzabafasha kuba bazamura urwego rw’imikinire yabo.

Ati “Ni amahirwe ku Rwanda rwakiriye by’umwihariko rukaba rufitemo n’abana benshi. Aba bakobwa bazahura n’abatoza beza babahe ubumenyi bunabafasha kurushaho gukunda umukino. Iminsi itatu bazamara irahagije kandi basanzwe bari mu mukino, itandukaniro rihari ni ukwiga birenze ku byo babonaga.'

'Indi nyungu irimo ni ukwiga uko abakinnyi mu bindi bihugu bitwara ndetse bakina. Iyo bahuye gutya hari ibyo bamenya byabafasha kwitwara neza igihe bagiye mu marushanwa mpuzamahanga.'

Mu gihe abakobwa bari mu Rwanda, muri Mali harimo kubera uw’abahungu. Ni ku nshuro ya 3 haba umwiherero nk’uyu.

Mu Rwanda hakaba hateranyiye abatoza 15 barimo gutoza aba bakobwa, muri abo batoza 6 ni Abanyarwandakazi.

Abakobwa 45 nibo bitabiriye uyu mwiherero

Barimo gufashwa n’abatoza 15

Visi Perezida wa FERWABA, Mugwiza Pascale akaba n’Umuyobozi wungirije muri Komisiyo ishinzwe gutegura amarushanwa y’abagore muri FIBA yatangije uyu mwiherero

Jean Michel Ramaroson akaba umuyobozi wa Komisiyo ishinzwe Iterambere muri FIBA Africa, yavuze ko na nyuma y’umwiherero abana babakurikirana

Hari amakuru avuga ko mu mpera z'uyu mwaka, Niyonizera Judith azakora ubukwe n'uyu mukunzi we usanzwe ubarizwa mu gihugu cya Canada, wagiye umushyigikira mu bikorwa bitandukanye bya cinema n'ibindi. Judith afite ku isoko yise 'Gift of Kindness'.

Mu butumwa bwo kuri konti ye ya Instagram yagize ati 'Warakoze Mana. Ineza n'ubuntu wangiriye nanjye sinagenda ntagushimiye. Nawe King Dustin [Umugabo we] ndagushimiye imbere y'Imana, imbere y'ababyeyi, inshuti n'umuryango ndetse n'Isi yose ibyumve. Urakoze.'
Niyonizera yabwiye InyaRwanda ko ari ibyishimo byatashye mu muryango we n'umukunzi we, avuga ko umwana bibarutse ari umukobwa.

Mu byumweru bitatu bishize, nibwo Judith yambitswe impeta y'urukundo. Icyo gihe yabwiye InyaRwanda ko umuhango wo kumwambika impeta wabereye muri Mexique, ariko atifuje guhita abitangaza ngo ashyire hanze aya mafoto.

Aya mafoto yagiye hanze mu gihe uyu mugore ari kwizihiza isabukuru y'amavuko, yishimira ibyo Imana yamukoreye mu buzima bwe.

Yavuze ko ashima Imana kubera inzira y'ubuzima amaze kunyuramo, kandi yiragiza Imana mu minsi ye iri imbere. Yabwiye Imana ati 'Nkuragije n'ibiri imbere.'

Yagize ati 'Umuhango wabereye muri Mexique mu minsi ishize. Ariko sinifuje guhita mbishyira hanze, kuko ni ubuzima bwanjye n'ubwe-Ni ibyo kwishimira.'

Niyonizera Judith ufite filime zirimo nka 'Za Nduru', yavuze ko kwambikwa impeta ari umuhango usanzwe, kuko icy'agaciro yumva neza ari icyizere yagiriwe n'umukunzi we bamaze igihe mu munyenga w'urukundo.

Yakomeje ati 'Kwambikwa impeta ni umuhango, ni ibisanzwe ahubwo igifite agaciro nicyo cyizere uba ugiriwe (n'umukunzi we).'

Yambitswe impeta nyuma y'uko atandukanye byeruye  mu mategeko n'umuhanzi Safi Madiba, ni nyuma y'ubukwe bwari bakoze mu mwaka wa 2017.

Umukunzi we wa Niyonizera Judith yitwa, yavukiye ahitwa Kelowna mu Mujyi wa Vancouver mu gihugu cya Canada.

Judith avuga ko nyuma y’uko umukunzi we amwambitse impeta ku mazina ye yongeyeho ‘King’. Ati “Ubu sinamuvuga mu mazina ye, ahubwo ni Umwami wanjye.”

Niyonizera Judith yasohoye amafoto amugaragaza agikuriwe 

Ibyishimo ni byose mu muryango wa Judith na King Dustin bamaze igihe mu munyenga w’urukundo

Mu minsi ishize nibwo Dustin yambitse impeta Judith amuteguza kurushinga nk'umugabo n'umugore

Dustin amaze igihe ari mu munyenga w'urukundo na Niyonizera Judith bahuriye muri Canada

Niyonizera Judith yatangaje ko yibarutse umwana w’umukobwa